سبابٌ كروي !

[أوتار القلب]

الســلام عليكـم ورحمـة اللـه وبركاتـه

أنا طول حياتي عايشة في الامارات بس ما تعرضت لموقف شرات اللي استوالي اليوم
للحين مب مصدقة ان نقالي ها الكلام مع اني ما يخصني في الكورة اصلن

اليوم في الكلية كانوا محتفلين بفوز الامارات وحلول عمان المركز الثاني وكلن بطريقته !

المهم يوم خلصوا استوت اشياء فظيعة ووقالوا كلام صدق مب حلو
تخيلوا البنات قاموا يسبونا ( يعني احنا العمانيات)
اونه اطلعوا من بلادنا وسيروا ادرسوا ف بلادكم
ووالله قاموا يغلطون على سلطانّـا
وغير من ها الكلام وايد
ليش ها الاهانات ؟؟!!

والله انا اعرف شعب الامارات ومحد فيهم غلط عليه .. ليش يعني الحين يوم دخلت ها الكلية استوا جي !
وعشان شو كل هذا عشان كورة !!
وبعدين احنا ما غلطنا عليهم واذا في حد قاللهم كلمة ما عيبتهم لا يعممون عالكل
ليش كل وحدة فيهم تمسك اي بنية وتسبها !

ليش ها التعصب كله
احنا كلنا خليجيين اولا، عرب ثانيا، مسلمين ثالثاً .. ما في داعي لهذا كله

ودكتور الادب قال التعصب اولا للاسلام ، ثانيا للعروبة وبـــس

صدق اليوم انهنت اهـــانة احس ماشي اكبر عنها
حسيت اني ولاشي
حتى تميت اتساءل يعني احنا (شعب منحط) !!

تدرون انا الهندي ماحب اقول شي احس ان ينزعج منه
ما بالكم بالعربي المسلم اللي ارضنا وأرضهم وحدة !

كلام ف خاطري وكتبته واتمنى محد يحط ف خاطره مني
مع السلامة

[مايهزك ريح]

اختي هالبنات تافهات .. لا تسوين لهم سالفه .. والله ايعينج .. حشا مب كورة هاي .. :glare:

[تحفه]

مايسوى .. لاتاخذين برمست هاذيلا

[حلم الطفوله]

السلام عليكم

عزيزتي أوتار القلب ...

نحنا كلنا أهل وإخوان وجيران .... بس يمكن هالبنات مشتطات زياده عن اللزوم ومتفرعنات كرويا :Oo:

ما عليج منهن... ولا تحطين ببالج ....لأنهم نقطة من بحر أهل الإمارات الطيبين :1: ...

الكوره تخبل بالواحد إختي ....فما بالج بالفوز ...أكيد فيوزاتهم ضربت شوي:icon_rr: ...

والإمارات واهلها مالها غنى عنكم ...فالسموحه منكم:m_bye:

[الامير الحزين]

ما تاخدي ببالك اختي
اصابع ماهم نفس الشيء و الفئة الغير خلوقه
قليله جدا
و كنا في النهاية عرب و اخوان

[بنت الدلع]

!!
عفان الله

يختي ماعليج من هالبنات
اسمعي منه وظهري من الصوب الثاني

انتو على راسنا والله
ومحد له حق يغلط عليكم
كلنا خوات عزيزتي
ولاتخلين هالشي ينرفزج ولا يزعلج
يا انهم وايد متفاعلات عسب الفوز او انهم بنات مش مربايات !

[دموع قلم]

وعليـكم السـلام ورحمـة الله وبركاته


عـزيـزتـي أوتـار القلـب ..

تـرا أهـل الإمارات فيهـم أهـل الزين وأدب وأخـلاق..
وفيهـم أهـل الشيـن وغـرور وقلـة أدب.. الله يكفينـا شـرهم..

فـ يعنـي طنشـيهم وعيشـي حيـاتـج
تـراج مو عايشـة على جبـدهم ولا على حسابـهم..

:smile:


ربـي يحفظـج ويعينـج ^__^

[هزاايم]

هالناس تفكيرهم على قدهم
ولاتاخذين برمستهم

[طير الحب]

نتعذر أختي...وتاكدي انه هالفئة لا تمثل مشاعر شعب الامارات

[المزوحي]

ماله داعي بهالتصرف .. واعتبري تصرف بدر منهم .. يعني فئة تخرب على فئة ثانية

ولاتكدرين بخاطرج بالكلام .. كوني افضل عنهم .. بالسكوت ..

وانا صح مستانس بالفوز الاماراتي .. لكن غمضوني العمانيين .. ولعبهم كان حلو ما انكر

واللعب فيه فوز وخسارة .. يعني ممكن هم اللي كانوا يفوزون ... وياخذون الكاس ..

المهم ماعليج من حد .. يتحرون شطارة باللي يسونه

[الدلووووعة]

طنشي وانا اختج
عطيييييييييههم طااااااااااااف من الخاطر

والله هيل صدقيني يبن يظهرن شطارتهن على عليكن ماعليج منهن
وانتي اسمعي من هني وطنشي من هني

وهيل البنات فاضيات ماعدهن سالفة وتاهفهات بعد

لا تعبرين هالفئة من البنات وبعدين
اصابع يديج هب سوى فيهن الزينه وفيهن الشينه

ولاتظايجين عمرج على بنات ماعدهن سالفة

خلييييييييييج كوووووووووووووول^_^

[إسهر معي ليله]

ما عليج من حد والله،، صح انه احنا نسولف ونتمصخر يوم فزنا
وكله كان في مجال الكره بس.. يعني مستحيل يوصل للإهانه
و كله كان بحدود وسوااالف يعني،، ما كنا نجرح حد

فـ ما عليج منهم،، وبيتمون بنات ناقصات عقل خخخ،، طنشي ومثل ما هاي بلادنا
تراها بلادكم،،، وفديت عمان وأهلها أنا

وما اضيف على كلام الأعضااااء فوق أكثر.. كفّوا و وفّوا

[خنفروش]

أختي الكريم أوتار القلب أنا آســــــــــف و حقج علينا

و إذا بغيتي الصدق // ترى التعصب ما يعرف جنسيات ولا أجناس

ناس طلقوا حريمهم عشان الكوره
و ناس اتزاعلوا مع افضل اصدقاءهم عشان الانديه
و ناس ماتت في المسيرات و المشاجرات


مب المشكله حب الكوره

المشكله التعصب

و أقول لج مرة ثانيه

حقج علينا

[الجديدة]

لا تشيلي في خاطرج شي أختي
البنات فاضيات و ما عندهن شغلة غير الكلام الماسخ
نحن الخليجين كلنا شعب واحد

هذه في النهاية تبقى مباراة كرة بس
يعني ما في داعي نخسر بعضنا عشان كرة
و السموحة منج

[خيال الحب]

حـــــــقج عليــــــــــــــــــنااااا اختـــي..

امسحيهاا في ويهنــــــــــــا

هذيلاااا ناس متخلفيــــن عقلـــيااا..

[أوتار القلب]

ما يهزك ريح
اصلن هم ما يهموني بس بعد كلامهم حز ف خاطري


بوظبي
شرات ما قلتي عزيزتي .. ما بعور راسي ويا ها الاشكال


حلم الطفولة
الكوره تخبل بالواحد إختي ....فما بالج بالفوز ...أكيد فيوزاتهم ضربت شوي ...

هيه بس مالهم حق يغلطون .. مب معناته يوم البنات سكتوا عنهم يعني الكل بيسكت
ها الشي ما يمس بنية وحدة يمس شعب كامل
واكيد ها الموضوع ما بيمر مرور الكرام


الامير الحزين
أدري ان هاي فئة قليلة وانا عايشة هني واعرف بس غيري ما بيقول ها الكلام
يعني اذا الطالبة تيي هني تدرس 4 سنوات وما لقت غير معاملة سيئة من ها الفئة بالذات لان اغلب تعاملاتها بتكون مع بنات الكلية .. كيف تباهم ينقلون صورة حلوة عن البلاد !
مشكور اخوي


بنت الدلع
لا وازيدج من الشعر بيت تراهن بعد يقارنون من ناحية الجمال
اونه نحن احلى عنكم !
الحين ها الشي شو يخصه !
ترى آخر شي جمالج هذا بياكله الدود وما بيبقى غير اعمال الخير اللي سويتيها
تسلمين حبيبتي عالكلام الطيب
صدق فرحتيني بكلامج ^_^


دموع قلم
هيه ترى ها اللي مستغربة منه .. لو هم يصرفون عليه شو بيسوون !
ترى احنا مب يالسين عالة على حد
مشكورة حبيبتي عالكلام الطيب =)


هزايم
هيه تراهن فاضيات
بويات ما ينلامن لول


طير الحب
اعرف ها الشي بس انا كنت منفعلة يوم نزلت الموضوع
تسلمين


المزوحي
حتى انا مستانسة ان الامارات خذت الكاس بس بعد ما انكر ان عمان كان لعبها جيد ^_^
واصلن اللي استوى ما يتعلق بالكورة .. هو بس محاولة لتقليل شأن غيرهم
يمكن فيهم نرجسية لول


الدلوعة
حطي نفسج مكاني
اوكيه عادي خلهم يغلطون علي انا بسكت
بس يغلطون على بلادي !
لا مستحيل اسكت


اسهر معي ليلة
(واثق الخطى يمشي ملكاً)
تدري انا مثل ما ارضى على عمان بعد ما ارضى على الامارات لاني ربيت فيها
ونفس الشي ما ارضى على اي دولة عربية مسلمة
وتسلم على الكلام اللي يبرد الخاطر ^_^


خنفروش
تدري اخوي انا حتى اعز اربيعاتي جرحتني مرة وتمت تفرق بيننا وبينهم
انا كان بامكاني اني اجرحها بس سكتت مب خوفاً على مشاعرها بس احتراماً للناس الطيبين اللي اعرفهم لاني ادري لو غلطت عليها بغلط على ناس ثانيين
مع اني طول حياتي عايشة هني ودارسة في مدارس الامارات بس محد قالي ها الكلام
مادري ليش يوم دخلت ها الكلية حسيت انهم وايد يفرقون وعندهم تمييز عنصري فظيع
خلوها على الله :(
تسلم اخوي ومسمـــوح
بالعكس انا ما لقيت في ها المنتدى حد يغلط عالاجناس الثانية
ما لقيت غير كل احترام متبادل


الجديدة
مثل ما قلتي عزيزتي ما في داعي نخسر بعضنا عشان كورة
آخر شي ما بيربحون غير الحقد
مشكورة


خيال الحب
مشكور اخوي ومسموح ^_^