صور ليلية رائعه لـ G35 الجديده

[بحر الموده]

السلام عليكم ورحمة الله وبركاته

شحالكم الحلوين ان شاء الله تماااااام

اعرض لكم صورة الجى سيدان الجديده الحلوه وان شاء الله تحوز على رضاكم

وحبيت احط بعض المعلومات والمواصفات عن هاى السياره

المواصفاتالميكانيكيه

قوة المكينه 327 حصان عند دوران 6800 ار بي ام

عزم السياره 379 نيوتن عند دوران 4600 ار بي ام (طبعاُ يعطي انطلاقه قويه

القير 5 سرعات اوتو مع نظام قدرة التحويل الى عادي واختيار مزود دوران محرك السياره

نظام موازنه(اتزان السياره)امامي وخلفي

نظام تعليق ناعم وصلب خلال السرعات والمناورات بالسياره

البريك نظام abs مانع الانزلاق المعروف
نظام مساعد للبريك BA

نظام كهربائي توزيع قوة البريك على جميع الاطارات لحماية السياره من الانزلاق EBD

المواصفات الخارجيه

الكفرات الاماميه 252/50 R الجنط 18
الكفرات الخلفيه 245/45 R الجنط 18
طبعاً الجنوط(الاطارات) مصنوعه من الالمنيوم

الانوار الاماميه زينون فائقة القوه ومزدوجه(HID)

انوار خاصة لضباب
فتحة سقف الكترونيه(طلبيه او اختياريه)
عتبه جانبيه بشكل عجيب(عند فتح الباب)

التحكم بالاسيات

نظام الكتروني لتحكم بالمقاعد والدركسيون والمرايات الخارجيه

مقاعد كهربائيه بذاكره 8 اوضاع لسائق والراكب

الداخليه و والتكنولوجيا والمواصفات

مفتاح ذكي
اضاءه مكان المفتاح المشغل لسياره

نظام لمراقبة الهواء داخل الاطارات الاربع

عدادات داخليه بانارة خياليه وجذابه(مرئيه)

تحكم بدرجة الحراره بالمقاعد

حساسات اماميه وخلفيه لتوقف بالاماكن الضيقه

الانوار الاماميه تطفي الكترونياً عند تطفئة السياره

كاميرا خلفيه موضوعه بالجناح

مزوده بداخل بنقشات وتخشيبه اكثر من رائعه

النظام الصوتي

شاشه حجمها 7 انش ملونه lcd monitor

تعليمات ومهام لنظام السياره

6 cd

am/fm راديو مع عشر سماعات
ِ
نظام مشغل (Aux JACK) خاص ل mp3

السلامه

وسائد هوائيه مطوره لسائق والركاب (AAbs) مع الجوانب واماميه

مسند لرأس امامي متحرك

طبعاُ وهناك المزيد من المواصفات لم اذكره

الان اترككم مع الصور



http://i37.photobucket.com/albums/e82/mchong75/Side1.jpg

http://i37.photobucket.com/albums/e82/mchong75/Side.jpg

http://i37.photobucket.com/albums/e82/mchong75/Rear.jpg

http://i37.photobucket.com/albums/e82/mchong75/G35Semblem.jpg

http://i37.photobucket.com/albums/e82/mchong75/Side2.jpg

http://i37.photobucket.com/albums/e82/mchong75/Front.jpg

http://i37.photobucket.com/albums/e82/mchong75/Dash1.jpg

http://i37.photobucket.com/albums/e82/mchong75/CenterConsoleSide.jpg

http://g35driver.com/forums/attachment.php?attachmentid=62047&d=1169488250

عندى لكم تسارع السياره بعد لووووول قومتها صاروخ ^_~

http://www.youtube.com/watch?v=wHjoEb7pA3M

وفى الختام حبيت اخبركم انه سعرها فى الوكاله 133 ألف فل ابشن

وااتمنى انه تنال على اعجابكم وتقبلوا منى فائق التحيه والاحترام من اخوكم بحر الموده والسموحه

جان بدر منى اى قاصر ولاتحرمونا من تواصلكم ...:a070:

[مايهزك ريح]

سيارة رهيبة وسعرها حلو .. تسلم على المعلومات اخوي بحر المودة .. :a033:

بس عندي سؤال واحد التسارع من صفر لين 100 كم تاخذ ..لأنه الفيديو ماطع يتبطل عندي .. :icecream:

[العجيبة]

فــــــنننن


تسلم أخوي بحر المودة

[الامير الحزين]

تحية


سيارة رائعه جدا
شكرا على الصور

[بحر الموده]

ياحيك اخوى مايهزك ريح
تسلم على التواجد الحلو والصراحه التسارع تقريباً 5.5 ثوانى
والفيديو شغال عندى حاول مره ثانيه دش وشوفه

[دمعة شوق]

:icon_rr:

يـاحـلااااووه جميلـة السـيـارة دي يا بحور
:k_harhar1:
لا لا عن جد حلوه
يسلمووو خيوو
؛؛
:a070:

[بنت الدلع]

غااويه السياره
شكلها انسيابي وصغيروني وحلو

ياربي ليش تحبون تعذبونا وتحطون هالفيديوات العجيبه
حتى لو مافيه شي
الصوت بروحه كم يسوى :biggrin:

مشكور يا راعي الشلات

[الملياردير]

فنااااااااانه هال السياره

مشكور اخوي بحر الموده ع الصور و المواصفات و الفيديو

[بحر الموده]

العجيبه

يسلمووو على الرد ماقصرتى

[مايهزك ريح]

فتح الفيديو .. رهيب الموتر .. بس اخوي هاي مب نفس اللي تنزل عندنا هاي G35 S يعني مب العاديه اكيد مزوده ..

[عهد الوداع]

السيــــــاره دلـع وفن ,,,

عاد كله ولا النيسان ...

تسلم على الاختيار الحلو ...

[بحر الموده]

الامير الحزين

العفو ولاشكر على واجب

..

دمعة شوق
الله يسلمج خيتوو يسلموو على المرور والاحلى مروركم

..

بنت الدلع

مشكوره مشكوره على الرد ونحنا كلنا نخترش بالصوت هذا وخاصه عاد صوت الانفينيتى شىء شىء
يعطيج العافيه وماقصرتى

..
المليادير
ردك الفنان عزيزى وتسلم على المشاركه وماقصرت حبوب

..

مايهزك ريح

طولى بعمرك



الفئة الخليجيه فئه مهجنه بين العاديه والاس

يعني تحمل بعض مواصفات الاس وبعض مواصفات العاديه ^_(

شكراً على المتابعه

..

عهد الوداع

تسلمين الغاليه بنت الغالى على المشاركه الطيبه
وكله ولا النيسان وكلنا مع النيسان ^_^ يعطيج العافيه وماقصرتى

[خيال الحب]

كشخه الصرااااااااااااااااااحه

[بحر الموده]

خيال الحب

يسلمووو على الرد الحلو

ماقصرت

[ولد الشحوح]

انا جفت وحدة للعرض لونها تيتانيوم دلع واللون زادها جمال

[بحر الموده]

ولد الشحوح

جان صورتها

على العموم مشكور على المشاركه الطيبه والمتابعه منك

يعطيك العافيه وماتقصر

[عاشق عباديات]

تسلم الغالي على الصور والمعلومات
وعلى فكرة انا طلعت وحدة والسيارة ما عليها كلام وسواقتها وايد حلوة وفيها كل المواصفات
وفيها اهم شي انت ما ذكرته
فيها تبديل الفورملا
يعتي التبديل في السكان اذا بغيت
وعيبها ما فيها GPS الي تنزل برع فيها


ومشكور الغالي
ولو رحت وكالة الرستماني بيقولك ما عندنا عقب شهرين

[بحر الموده]

هلا وغلا والله

عاشق عباديات تسلم وربى يسلم غاليك يالغالى
مبروك مبروك مبروك على الموتر والله يعطيك خيره ويكفيك شره
تستاهل والله كل خير وانا يسعدنى ردك على هذا الموضوع وتمتلك شرات هاى السياره الحلوه
بخصوص الجى بى اس على مااعتقد بس برمجه سيدى مالته
بخصوص التبديل شرات الفورملا عارفنه بس مايا على بالى ازقرتى
بس حبيت اخبرك انه سياره خطيره وطررررررررر وانته بروحك ادرى بها

والعفو ولاشكر على واجب الغالى ماعليك بحر الموده دوم فى الوكاله سوا نيسان ولا انفينيتى ^_~

[ولد الشحوح]

بحر المودة طلبتك ممكن تجوف لي شو الألوان اللي عندهم في الوكالة واذا عندهم التيتانيوم

[بحر الموده]

من عيونى الغالى بشوف وبرد عليك خبر

[بحر الموده]

هلا ولد الشحوح


الالوان هي

رملي سرنغيتي

بلاتينيوم سائل

لؤلؤي عاجي

ازرق اردوازي

اسود بركاني

عمبر جرانيت( احمر دم الغزال)

نصيــــحة زور موقع انفتي وشوفها احسن


http://www.infiniti-me.com/

والسموحه على القصور الغالى

[ولد الشحوح]

مشكور بحر المودة ما تقصر بس الالوان مب موجودة ع الموقع

[بحر الموده]

العفو ولاشكر على واجب الغالى نحن فى الخدمه

الموقع زعلان عليه هههههه مايفتح عندى

[ولد الشحوح]

مافيه شاشة صح؟!؟
احس انه وايد عليه 133 الف ... ما ادري ساعدوني تلعوزت وانا افكر شو اخذ

[بحر الموده]

ولد الشحوح
الغالى فيها شاشه بس اساسى سنة 2008 بيكون متوفر نظام الملاحه فيها
صراحه انا اشوف سعرها مناسب حق هاى السياره كاقوه وشكل وعزم طيب
انصحك اذا حبيت تاخذها تجربها قبل احسن يمكن تعيبك ماتعيبك لووووول

[ملاك الروووح]

::

وااااااااااااااااو

حبيت الموتر ..!

:a036:

:

عجيب بصراحه ..!

سلامي عليـــــــه راعي اليو توب .. :biggrin:

:

مواصفات السياره وايد حلوه ..

وسعرها جداً معقووووول ..!!


يالله متى بنداوم عاد .. عسب نظهر شرات هالموتر الكشخه :h_daleel:


لا تخافون بنات الواحات .. باخذكم معاي ف طلعه حلوه جيه :h_daleel:

<< هيه صح .. :biggrin:

:

تسلم أخوي بحر عالمشاركه المميزه .. :thumbup1:

[بحر الموده]

ملاك الروح

يسلموووووووو الايادى على الطله الحلوه

لالالالالا ماظن بنات الواحات يسيرون وياج عن تطيرين بهم شكلج تحبين السرعه وايد

ترى هاى السياره مو سهله صاروخ تيب 260 واكثر على البراد وتحطم فئة 8 سلندر بعد

مشكوره على التواصل وربى يخليج وماقصرتى