المساعد الشخصي الرقمي

مشاهدة النسخة كاملة : من يعيده لي...؟



طير الحب
29-01-07 ||, 02:54 AM
ذلك الزمان الجميل الذي ما ان أتى جيل حتى تحدث عن طفولته واجمل ما عاش فيها

منذ فترة طويلة أشعر بحنين كبير لأشياء لم تعد موجودة...وما أصعب الحنين لديّ..فحنيني للحظات ...للأوراق...للذكريات...للطرق...للفريج...ولأشخاص لم يعودن أحياء.

(1)

بالأمس..جهزت الفطور وبدأت حوار على طاولة الفطور عما أضحك زوجي...قلت له تولهت على دكان فريجنا ...قال كيف...قلت...ابا أروح الدكان وأشوف راعي الدكان...تخيلوا...ما تعرفون كيف دكان الفريج صغير وضيق...بس كان وايد طيب ويانا كنا بفترة نوقف عند باب الدكان نتريا الباص...تولهت على علب لبن عيرات المثلج...ولبن آب...واهلا مثلج...وأشياء وايد ما أقدر ألقاها...لا أعلم ان كان جنوني وحنيني بالفعل سيقدوني لفريجنا القديم الذي غابت عنه اللغة العربية ولم يعد يمت لنا بصلة.

(2)

عندما انتقلنا لمنزلنا الجديد قالوا لنا ما بتتولهون على بيتكم وعلى الفريج قلنا لا...ومرت سنوات وبالأمس تولهت على لوزة بيتنا تولهت اني اتسلقها مع اني ادرك انه هالجنون لم يعد موجود بي...بحنين اخبرته انه عمر لوزة البيت من عمر أخوي البجر...والله أيام...لا أعلم أن كانت لا تزال موجودة.


(3)

تولهت على أيام ما كان للخوف مكان عند أهالينا فكنا أيام الامتحانات نرجع من المدرسة الابتدائية من منطقة لأخرى سيرا على الاقدام ...يبللنا المطر...وكنا نوقف عند دكان يسوي سندويجة الجبن بالتوست ونشتري ونكمل طريجنا...وما كان حد يتعرض لنا...وآآآه على الأيام الحلوة.


(4)

تولهت على اليهال يدقون الباب بيوم العيد يبون عيدية...تعلمون منذ أكثر من خمس سنوات لم اعش هذا الشعور...وكان الأهل باتوا يخافون على أبنائهم...خاطري عبود يعيش فرحة العيد بأسلوبي...بس في ظل التطور العمراني أشياء وايد صارت بعيدة المنال.

(5)

حين أشعر بحنين لروية الأطفال بالنصف من شعبان(حق الليلة) اتجه لمنزل خالتي...فبعض المناطق لازالت تحتفل...وما أجمل رؤية الأطفال بأكياسهم الممتلئة....شكلي بفكر أسوي فريج مثل أم خماس...ههههههههههه

(6)

اشتقت للعب كرة القدم والاجتماع كل خميس بييت جدتي ...اشتقت لخوالي وشطانة الطفولة...اشتقت للمركز الطفل بجانب بيت جدتي ومشاغبتنا مع المعلمات...اشتقت لأيام توقفت عن النبض مع توقف نبض جدتي رحمها الله.

(7)

اشتقت للبياعه وهذه مفرده كنا نطلقها على اي امرأة تفتح دكان مصغر ببيتها بسبب حداثة المنطقة فكنا كل ما نروح بيت يدوه الله يرحمها نقولها بنروح البياعه والتي كنا نقطع مع صديقات الطفولة الشارع العام للوصول لمنزلها ونتزود ببعض دراهم حاجياتنا لنقيم حفلة...على قدنا.


(8)

اشتقت للبحرين والتي أشعر براحه نفسية ما ان اكون هناك يمكن لنه الناس على قدهم وأشوف اشياء قديمه لازالت موجودة اشتقت لذلك الشخص وذلك المكان الذي لعبنا فيه التيلة وركضنا ورحنا الخباز...المكان الي كسر رومانسيتي يوم شفته تحول لعمارات...اشتقت للأماكن التي كنا نحاول استكشافها...فكان يقول لنا هنا كانت مخيمات الانجليز ...ورحل ذات صباح أنهك طفولتي وأشعرني بالخوف...الله يرحمك

ولا يزال الحنين بقلبي لأيام شهدنا الجنون فيها...علي اعود وأتذكر واخربش شيئا عن الطفولة

بوزايد
29-01-07 ||, 03:01 AM
امممممم ما اشتقت لج شي

يمكن اكون مشتاق للمستقبل الجريب


تسلمين طير

خنفروش
29-01-07 ||, 12:22 PM
مرحبااا اختي طير الحب // الصراحه جلبتي علينا (( الذكريات )) مع كل فقره // و من اغرب الاشياء اني حلمت الليله الي طافت بـ شخص كان دارس معاي فـ الصف الرابع // حتى اني استغربت فلان شو يابك فحلمي (( اكيد عقلي الباطن )) بس ليش هالليله ما ادري به وين ارضه وين سماه حي والا ميت - الله يفتح له ابواب الخير و يتولاه برحمته

تدرين الفقرة الثانيه (( فقرة الدكان )) أتمنى انج تقرين شي قريب منها في قصة أحلام بقلم أخوج خنفروش بتحصلينها في القصص (( الاخ ما صدق يسوي دعايه حق عمره خخخخخخخخ ))

شكرا لج طير الحب على هالــ فلاش باك

هزاايم
29-01-07 ||, 12:38 PM
طير الحب

ذكريات الماضي الجميل
نتمنى هالجيل يعيشه ونتمنى اكثر لوعشنااه ايام امايه واوبويه

احلى حاجه بأيااام قبل
الفريج بكبره نعرفهم,,ودوم لابد يكون لهم يمعه في بيت من البيوت,,لووول وأحلى شي يوم نلعب نسوي احزااب,,دوم كانوا يخلوني أوني علاوي المقلب بوحسين,,يتقعد على دجة إللي جدام دكان احيد اسمه اسكندر الثالث:k_harhar1: ,,ويا خويه بوحميد ,,,وبوحميد يقنع الباشا الإسكندر ان يفتح لنا حساااب للبيت وراعي الدكان يواجعنا,,نشل بقشارنا ونوهقه عااد بالتسجيل,,ونحصل هزبه محترمه من يدوه الله يرحمها,,تواجعنا عقب اطرش الخادم يدفع له

اياام والله
اختيه استمري لو بغيتي
لأن ذكرياتنا مجرد ذكرياات لنا
لو بغينا نعيشها نعيش من بين الناس إللي عاشوها معنا

استمتعت وانا اقرى الفضفضه:12:
اياااااااااااااااام

هزاايم
29-01-07 ||, 12:42 PM
في شي واايد يعيبني على ايااام امي
تقوليه
اياامنا كانت فتره الجيش وبقايا الدبابااات والإنجليز
واياام كنا تحت تعليم وزاره الكويت
واياام قناتين,,قناه الكويت وظهران السعووديه الإمريكيه وكل ابيض واسود
وخطط خوالي كيف يستغلوون امايه حجه عسب يروحون بيت اخوهم العود,,عسب يتقعدون بناادي إللي حذاله,,كان به مقهى والكل يتيمع,,

ياطير وش سويتي بنا
صدق صدق انا مستانسه الحين=>

طير الحب
29-01-07 ||, 06:15 PM
بو زايد...الزحمه وصخب الحياه...تخليني أشعر بحنين لبساطة الحياة في الماضي...وزال حلمي أن أسكن كوخ خشب عالبحر...شكلي بحقق هالحلم بس في السفر.

طير الحب
29-01-07 ||, 06:19 PM
خنفروش...تعرف يوم اي على بالي شخص من زمان ما شفته يكون فيه شيء حزن او سعاده...وبفترات يكون انتقل للرفيق الأعلى...هالحالة كانت تمر بي من سنوات ولم تعد.

قصة احلام قارتنها بس يبالي إعادة المخ قام يادوب يحتفظ بالقليل من الذاكرة.

المزوحي
29-01-07 ||, 11:56 PM
وانا كنت انتظر " درهم " على أساس اشتري لبنا ( مثل مانقول بو ازرق ) وهو بايلقم اللي الحين منه ألوان لكن الطعم تغير ...

بيتنا من صغري انا فيه ... اتذكر يوم انط فوق اليدار عسب نجعل اللوز من بيت يرانا وامهم كانت تعصب علينا ..

ايام المدرسة وايام الامتحانات بالذات كنا نرد مشي وندق جرس الباب ... أي باب ونشرد ...

أيام العيد كنت ادور على البيووت واتذكر إنه واحد طلع لي وعطاني خمس دراهم .. اظن ضيف ياي يزورهم وشافني عند الميلس ... يافرحتي

حق الليلة انيمع حلاوة لين الكيس ينطر وتتنثر الحلاوة على الشارع ... لقافه + براءة

كنا نلعب كرة القدم بيت يرانا ... اولاد وبنات


كنا نشتري يقط .... وسمبوسه ... وهنبا

طير الحب
30-01-07 ||, 12:45 AM
ذكرتني يالمزوحي ربي يذكرك بالشهادة


كنا وايد مع بيت يرانا ولازالنا ...فكنا ننقز على اليدار ونروح بيتهم بدل ما نطلع من باب البيت ونمشي في الفريج...يعني كان من ضمن الممنوعات تقريبا الظهور للفريج كثيرا.

مخاوية الامل
30-01-07 ||, 12:52 AM
أيـــــــــــــــــــــــ ـااامـ .. راحت .

ومابتــرد .. ،
بس نقدر نعيشــهــا ف ذهنــا ..،
آآآآآآآآآآآآآآه يا إنهــا أيــام ..، والله ماتعــّوض . .

تسلمين فديتج طير الحب

خيال الحب
30-01-07 ||, 02:21 AM
ذكريااااااااااااااااااااا ااات ومااا اجمــــــــــل الذكريااااااااااااااااااا ااااااات


مافينااا نقووولكم عن طفوولتناا وذكرياتنا ايام الطفوله:k_harhar1:


تسلم ايدج ع الفضفضه الي خلتنااا نتذكرر سوالف وعلوم .. ناس انتقلوو للرفيق الاعلى الله يرحمهم ويغفر لهم .. وناس بعدهم عايشين ويانا.. وناس ماندري وين ارضهم الله يحفظهم وين ما يكونون


بس بذكر لكم موقف:k_harhar1: لاني لين الحين انذل علييييييييه واقفط ويستوي ويهي احمرر:k_harhar1:

هذا الله يسلمكم يوم كنااا صغاررر .. بنت يراناا كل يوم في بيتنااااااااااااااااااااا ااا

يا انا اتغدى وياها في بيتهم اوو هي تتغدى ويانا في بيتناا ونلعب ونلعب لين فليل

لين ما يا اليوم واستويت فيه شرير:k_harhar1: وعصبت منهاااااا.. مادري شو كانت مسويه فيني .. ياحليلي كنت صف ثاني روضه.. والحبيبه حاطه ايدها بطرف الباب.. واصط على ايدها الباب:glare: .. غير ما ينقرض صبعهااا.. وشو الدم .. لين الحين اتذكر الموقف .. وتميت زااااااااااايغ صبعهااا شوي وبينقص .. وابوي يشلها ويوديها المستشفى

ولين اليوم.. كل ماتي امهاا بيتناا تقولي هااا تتذكر يوم سكرت الباب على ايد ******:k_harhar1:

طير الحب
30-01-07 ||, 03:05 AM
خيال...خبرنا عن شطانتك ليش ما تقول...؟؟؟


نتريا اجرامك الطفولي.

خيال الحب
30-01-07 ||, 03:20 AM
خخخخ قلت لكم قصه وحده تكفي لوووول

مافينا ع الفضايح

الدلووووعة
30-01-07 ||, 02:36 PM
والله كانت احلى ايام حياتنا
بس انا لين الحينه بعض اولاد اللي لعبت وياهم اشوفهم فالفريج
واللي انتقلو منطقة ثانيه

عاد كلكم على سالفت اللوز ^_^ انا هب احسن عنكم

مرات عيال الفريج نكون كنا ويا بعض لاكن مرات نتناذل ^_^
انا واللي وياي دوم كنا فالروضة نسوي شطانه ونتظارب ويا اولاد الفريج لنه
في واحد نحن الاثنين مانحبه ويوم نرد البيت نسير ندور الولاد عسب نخبرههم عن اللي تظاربنه وياه
وعاد وين مقر الحرب بيتنا ^_^ وكنا مسوتين حزبين يعني الولد اللي تظارنه وياه يايب اخوانه واهله نصهم ونحن كان اخوانيه وربعهم واربيعتيه واخوها ( عاد ها دوم يوم يشوفني كان يسبني باللقب اللي ملقبينه عليه ^_^ بس مابخبركم بس الحينه يمكن من عرس ماشفته ولا شافني احسن عسب مايسبني ^_^) الهمم وتنقع الضرابة واخر شي نحن نفوز ^_^

حتى خوات الولد اللي دوم نتظارب وياه ماكنا نحبهم ومانحب نلعب وياهم ( كنا دوم ويا الاولاد والله كانت ايام ^_^)

طبعا غير ايام البحر اللي نسيرها ( واللي غرقت فيها ^_^ )
تعرفون قبل ماكنت احب البحر لنه فيه السمج (طالعو التفكير انتو بس خخخخخخ)
بس من يوم غرقت حبيته ومن حد يقول بسير البحر انا ناقزة وياها

احيد مره ابويه كان يبا يسير البحر في طراده الصغير ( لاكن مع الايام اطور^_^) المهم
عاد الظهر محد الكل داخل وانا بس كنت برع ويا ابويه جان يقولي بتين وياي البحر
عاد انا ماصدقت وياه وسرت البحر واللي فالبيت محتشرين هاي وين سارت واربيعتيه موجوده فبيتعم ^_^ لنه لازم نكون ويات بعض يوم نبا نتشيطن ^_^وماحطو فبالهم اني اسير ويا ابويه البحر لين المغرب ابويه قالي نرد وانا كنت مدوخة خلاص قلت لبوي خلاص مره ثانيه مابي
وياك البحر شو ها يدوخ خخخخخخخ ويوم ردينا البيت الكل تم محتشر عليه اونه انتي وين ومادري شو
ابوي قال انا وديتها وياي البحر خخخخخخ
بس صدق كانت ايام

بس الحينه يرنا مانعرف عنهم شي ولاهم يعرفون عنا شي
يعني بس الحريم لاكن نحن البنات لا بس اللي كانو ويانا من يوم ماكنا صغار وبعدهم هني
هيه هيل مافي احسن عنا ويا بعض

شكلي كتبت تعبير^_^

خيال تعرف انت سويت هاي الحركة فبنت يرانكم
عيل انا دخلت رصاصة فيد اخويه ( رصاصة مسجبه ^_^)

الدلووووعة
30-01-07 ||, 02:37 PM
خيبه انا كاتبه ها كله O_o

طير الحب
20-12-10 ||, 12:00 AM
اشتقت لأيام توقفت عن النبض مع توقف نبض جدتي رحمها الله.


بداية لخاطرة جديدة .....