من هو/هي أفضل طباخ(ة) في هذه الواحات؟؟

[اخت اختي]

السلام عليكم ورحمة الله وبركاته،

من هو/هي أفضل طباخ(ة) في هذه الواحات؟؟ للمأكولات الشعبية؟؟

نحتاج دروس ومساعدة..
أبغي أتعلم أسوي:
محلا، جباب، خمير، بلاليط، ساقاو، بثيث، القيمات
برياني، فوقة لحم، صالونة

وعقبها بتعلم الطبخات العالمية.. ممكن الدخول والمساعدة؟؟

شكراً

[الدلووووعة]

والله انا ماعرف اسوي ولا جان ماقصرت ^_^
بس عفكره خلي الوالده تسوي جدامج بتتعلمين بسرعة
( فالحة اعطي نصايح بس خخخخخ)

[المزوحي]

اخت اختي مب شرط اكون طباخ ولكن ممكن أسأل الوالدة أو إني أشوف لج في أي موقع في النت

واحط لج أو أكتب الطريقة

[اخت اختي]

مشكورة اختي الدلوووعة عالنصائح..

[اخت اختي]

مشكور اخويه المزوحي أنا بانتظارك.. بنجرب طباخ والدتك.. مشكور ما قصرت

[طير الحب]

في كتاب وايد حلو وسهل انج تحضرين كل شيء من خلال قراءته...اسمه الطبخ الميسر لفاطمة محمد وهو كتاب اماراتي وبتلقينه في كل مكان تعرفين اكثر معارفنا عندهم هالكتاب.

واللقيمات بتلقين طريقتها في موضوعي من مطبخي...طريقتي سهله .

[اخت اختي]

مشكورة اختي طير الحب :).. ما اتقصرين إن شاء الله بسير أشتري هالكتاب..

[أنشودة المطر]

وعليكم السلام ورحمة الله وبركاته

شي كتاب أسمه المرشد في الغذاء و الطهي لـ "جدوى أبو الهدى بزاري"

فيه قسم خاص بالأطباق الخليجية و تقريبا كل الأشيا اللي تبين تتعلمينها موجودة فيه

أنصحج به لأنه المؤلفة ماخذه الطرق من عند بعض ربات البيوت في الإمارات :yes:

[اخت اختي]

مشكور اختي ما اتقصرين.. :)

[شمعة أمل]

عندنا كتابين في البيت عن هالأشيـاء .. اختي تستخدمه .. بس ماعرف شو اسمهم ..
يوم أجوفها بسألها وبقولج ان شاء الله =)