رضا الناس غاية لا تدرك

[المزوحي]

رضا الناس غاية لا تُدرك. مُرادي هو رضا ربي, و من ثم الوالدين و نفسي, و أحاول أن أرضي ربي و من ثم الناس و من حولي. و لكن رضا الناس غاية لا تدرك. رضا الناس ليس هدفاً لي, و لكن كذب من قال إنه لا يريد رضا الناس. نعم أنا أريد رضا الناس, و لكن بما لا يتعارض مع رضا ربي, و بما لا يتعارض مع رضا نفسي.

لا أستطيع العيش في مجتمع ينظر لي نظرة سوء, هذا واقع, و يجب أن أقبله. هُناك من يقول, إن كلام الناس غير مهم لديه, لو كان كذلك, لما قال هذه الجملة. لا أعطي للناس دوراً أساسياً في صنع قراراتي, و لكن يتحتم علي أن أراعي الناس, في النهاية أنا أعيش بينهم.
نحن بحاجة للصدق مع أنفسنا.


موقف أذكر لكم ... واحد من الربع .. يمر عليّه مرات وصار له الحين مدة طويلة ماطلعنا

المهم ... يوم نظهر مرينا المحطة .. يصب بترول وانزل انا عسب نشتري شي ناكله نشربه ..

أسأله شو تحب تشرب .. يقول عصير أناناس ... نزلت آخذ له اللي يبغيه وآخذ انا عصير تفاح

يوم يلاحظ إني أشرب عصير تفاح .. يقول شو هاااا .. ليش تشربه .. كيف تحبه ... ويخليني أندم

إني اشتريته جدامه ... زين يمكن انا ما أحب اناناس لكن ما انتقده .. هذا مثلا بسيط .....

موقف ثاااني .. يمكن عسب نظرة الناس .. أذكر بموتري الجديم واللي بعته .. حاط مخفي 80%

والرضيعة كانت تمشي في الليل جريب من بيتهم .. اتصلت بي وقالت مر عليّه وصلني البيت ..

المهم تلاقينا في شارع من شوارع الفريج وركبت .. وعقب تمت اتلومني .. إنه الناس بيقولون

سيارة منيه هااااي اللي ركبتها .. وبدت عاااااد هي .. قلت لها ونحن اش علينا من الناس ..

المهم انتي ماسويتي شي غلط .. قالت لااااا ...


تذكرت قصة للقمان الحكم وابنه
مشى لقمان وابنه مع حمارهما فـ انتقدهم النّاس لإنهم لم يستغلوا وسيله النقل الحمــار ..
فـركب لقمان وابنه على الحمار فـ انتقدوهم النّاس بعديمي الرحمه كيف يركب 2 على حمـار ..
نزل لقمان وترك ولده فـ انتقدو الناس الابن .. وقـالوا إنه ولد عــاق ..
نزل الابن وركب لقمان فقـالوا عن لقمان انه لايرحم وأنه قـاسي على ابنه ..
قـام لقمان وابنه وحملـوا الحمـار وهم يمشون .. فضحك النــاس عليهم لبلاهتهــم ..

[بنت الدلع]

حكمتي تقول

رضى النفس غاية لاتدرك

[المزوحي]

بنت الدلع .. حكمتج تناسب موضوعي .. يسلموووو

[وحي القلم]

شي مهم انه الواحد يحترم ذوق غيره مهما كان

لانه الى يعيبني مستحيل يعيب الكل و فنفس الوقت يمكن ما ايوز لي ذوقهم

المهم اني أكون مقتنعه باللى أبغيه

..

[المزوحي]

وحي القلم

أكيييييد .. وعن نفسي لو شفت الغير يلبس مثلا شي نحن مانلبسه أقوول بكيفه .. يمكن هو بعد

ما يعيبه اللي انا أشويه او لبسي .

[الدلووووعة]

والله الناس على كل شي ترمس
وعلى كل شي نتعلق
لو بنتم نسمع رمستهم مابنسوي شي

يعني الواحد فبيتهم يسوي اللي يبا
احيد مره مرت خالت ابويه حرمة عييييييوز
المهم مره انا مادري شو سويت يعني شي عادي
يمكن زقرت اخويه بصوت عالي
يعني فبيتنا وداخل البيت امنو بيسمع مادري المهم
جان تقول شو ها بعد بنات اخر زمن كل يصرخن عسب الناس تسمع صوتهن

انا هني شوي وانهد عليها بس امي قالتلي سيري برايج ^_^
لنها تعرف اني اذا عصبت ماعرف لا حرمة عيوز ولا شي

يعني فبيتنا انا بسوي اللي اباه محد يروم يقول شي
لاكن الناس الله يهداهم ماعيبهم شي

تسلم اخويه عالموضوع

[المزوحي]

الله يسلمج ... مستوي كل واحد ينتقد الثاااني ... ولازم نسوي اللي هم يبونه !