مب متفيجه >.<

[الـيـاه]

سلام

بس أبا أطلع حرتي هني عسب أي حد يوم يجوف ردودي يعذرني

لاني افففف :a046:
- احس مستويه عصبيه بزيااااااااااااااااااده هالايام
- نفسيتي واصله لـ خشمي والله ! - يعني أي حد يقولي كلمه ما تعيبني أرد عليه بألف - لدرجة أنه كل حد ملاحظ هالتغييير .. ليش ماردي ؟
- كل شي مب عايبني + أبا أبدل الناس اللي أعرفهم ( بإستثناء الأهل طبعا ً )
وأول مره أحس بهالشعور إني مليت من الأشكال اللي أشوفها دوم وابا اجوف ناس يداد ..
- ومب متفيجه لشي وأحس بكل شي تافهه :k_special2: وأي حد يتكلم أحس أنه يتسخف

ما كون جي طول اليوم
لكن خلاص يوم تسكر عندي :alien: يعني تسكر !!

ياربي ليش ستويت عصبيه جيييييي فجأة
وميبسه راسي
وعنيده افففف

اوكي صح أنا عنيده وعصبيه شوي من قبل .. بس عادي يعني بشكل خفيف مب لهالدررررررررجه
ان شاء الله تكون فــتره وتزوووول :fa54:
موول مب حابه أني أكون جي لا حد يتحرا أني مستاانسه ..

بس خلاص
طلعت حرتيييي وقلت اللي في خاطري
بسير ارقــد :fa52:

[الـيـاه]

سوري إذا زعلت حد هالفــتره ! بس والله أحس إني مضغوطه من كل صوب مادري ليش

[الدلووووعة]

افا عليج عني انا مازعلتيني
وان شاءالله اللي زعلتيهم يقبلون اسفج
وان شاءالله ايام وتزول

وتردين شرات قبل واحسن بعد

[هزاايم]

أويه:Oo: كيف جي
تبين نااس يدد
لووول خلهم يلبسون ماسكاات

اسولف يابووج
يمكن لأنج قاعده تتخذين قرارات وانتي خايفه منها واعصابج متوتره<<تستوي هالحاله
أو يمكن مضغووووووطه من كل شي حوليينج مثلا يعني رمسه توصلج,,اشياا تذكرج باشياا ماتريدين تتذكرينها,,او الناس إللي حولينج تغيروا

تعرفين وش تسوين,,كلي روب,,:fa46: والله صدق
بارد ويهدي وتحسين كنج تاكلين السماا,,وزيدي عليه ليمون:a033: ,,وعقب راح تحسين بكسووله وخموول وراح تنعسين وتنامين وبجذى قضيتي وقتج بدون اي ضرر لاعلى نفسج ولاعلى غيرج

^^^فيلسووفة زمانها:tounge:
هونيها وبتهوون
واتهنيي بالإجازه تراها بنتهي:yes:

[تحفه]

حبيببتييييييييييييييييي ..تعالي ill hug you:a054:

[تحفه]

مادري ليش بس احس هالشي له صله بانج موقفه وحاسه بلملل .. ماعليج .. انشاء الله بيخوز هالشعور عنج جريب

[قرموشة]

عادي تصـير !

[الـيـاه]

الدلوووعة
مشكوره الغاليــه
وزين انج مب زعلانـه مني ( مسويه بلاوي هني أنا ويا الناس ههه )


هزاايم
مادري يمكن والله .. المشكله كل ها يستوي وبدون سبب عسب جي أنا مستغربه من عمري
ومخليه كل حد مستغرب أكثر مني لول ..
روب ؟ لا ماداني أكله جي حااف أحس بشي غلط ههه أخلطه ويا البرياني عادي ؟ هههه متفيجه انا
الإجازة انتهت يابوج دوامي يوم الأحححححححدددددددد


بوظبي
فديتتج اكثر وحده فهمتني .. ويييه كا هل عسب الـ hug اسميها الرقه ماتليق لي ههه
ماعرف بس لا انا مب متولهه للدراسه هههه ها من سابع المستحيلات أني اتوله ع أرف الدراسه

لكن مادري بس جي متنرفزه !!
اسكتي اليوم يالسه أطالع التلفزيون وألا اجوف - عبود - ياي وبدل القناه على كيفه
وهو متعود يوم يسوي جي أسير عند أي تلفزيون ثاني .. عاد اليوم أول ما بدل مطيت الكنترول عنه
وياي بيظارب جان اقوله ( جوف كف واحد وبلزقك على الإيدار ) شرد ههههههههه مت من الضحك عقب


قرموشة
يمكن أول مره يستويلي هالشي عسب جي مب طايقه هالعصبيه الزايده

[المزوحي]

الياه

تـــدرين .. الــروتين لــه دور ...

وانا كذلك يتني فــترة اســتويت مــثلج ... وخلاف حاسبت نــفسي .. وحتى اليــوم .. قبل ما أدخل

مــوضوعـج .. كنت أفــكر إني اكـــون سلس .. وبــسني نــرفزة .. يمكن هالشي لا إرادي ..

الياه .. تبين من يــفهمج .. وانا دخلت وأقول : انا مــثلج .. مب حلوة ..

بمجرد ماتغيرين المكان .. تحسين نـــفسيتج احسن .. ويمكن بعد تفكرين اوووه لو رجعت البيت او

نفس المكان برد على حالتي ...

إن شاء الله فترة وبتزول .. وانا أقول لو من اليوم لو مش الحين !

مب لازم تسوين شي ماتبينه .. عسب تكونين مب متفيجه .. غيري اللي تسوينه ..

وكل شي تافهه من الملل والروتين ... ومب طايجه حد .. من جيه تحسين إنه كل شي تافهه ..

[الـيـاه]

الزوحي
لكن مادري .. يعني عادي أنا يتني واايد فترات أني تعايشت ويا الروتين ( بس كان شي عادي )
ولا تنرفزت ولا تغير شي من طبعي ..
لكن الحينه مادري شو يايني !!!!!!!
بس ان شاء الله ان شاااااء الله بمجرد ما أبدأ دوامي بالأحد يكون كل شي تغير
ع الأقل بشوف ناس يداد في جامعة يديده .. شو مشكلتي ويا الناس اليداد أنا لول

[الثعلب الرمادي]

يمكن تكونين خايفة و هالشي يخليج عصبية

[المزوحي]

الياه

يمكن ضغووط .. وإن شاء الله خير ...

[وحي القلم]

الياه

حطي فبالج انه ماشي يستاهل انه نحرق أعصابنا عشانه :yes:

و إذا كنتي تبين تغيرين طبعج هذا أكيد أنج بتقدرين .. هذا إذا كنتي صدق تبين تغيرينه

و حاولي تبتدين من الحينه عن تتعودين على هالاسلوب

لانه بهالطريقه احتمال كبير انه نخسر الناس القراب منا

.
.

لازم نتحمل عيوب الناس عشان نحصل حد يتحمل عيوبنا و يتقبلنا مثل ما نحنى

و مب كل شي ينئخذ بالشده

..

و السموحه يا الياه
:fa35:

[الجديدة]

اختي مش بس انتي يصير معاج هالشي
يصير معي هالامر دايما
بس احاول اطلع من البيت او اغير جو
بس ما ابقى على نفس الحالة فترة طويلة

حاولي تغيري من نمط حياتج
تخففي من العصبية شوي
ربي معاج

[حبوبه دبي]

هــااا شــو المعنــويــات الحيـنه !!

:icecream:

[قرموشة]

هيه بشرري !!
P=

[الـيـاه]

سلاااااااااااام

تصدقوووون بس اليوم عرفت سبب هذا كله والسبب هو ( لاتي غيرت جامعتي ) وانتقلت لجامعة
ماعرف فيها حد تقريبا ً يمكن ثلاث أربع بس ..
وعرفت أن هذا هو سبب توتري وعصبيتي الأسبوع اللي طاف
لاني اليوم وعقب أول يوم دوام أحس إني مووووول مب شرات أمس ههههه

الحممممممممممممدالله

وعرفت وايد ناس من اول يوم
وان شاء الله الأيام اليايه تكون أحسن

حبوبة دبي
المعنوية فوووووووووووووق الحممممدالله D=

قرموشة
شو ها ما جفتج ؟ دبه

[طير الحب]

يمكن من الملل او تحسين ما شيء تغير في حياتج او اكشن ان شاء الله يوم بتداومين بالكليه بيزول كل هذا

[حبوبه دبي]

عســى دووووم يارب

الحمدلله

:yes:

[إسهر معي ليله]

عساج دوم مرتاحه ، ،

[عابـِـره]

ضغوط خفيه
وهي المسبب الرئيسي لمثل هذه الحالات النفسيه
وايضا لا يريد الانسان البوح بها لظنه بتفاهتها
ولا يعلم بان تراكمها تسبب الضيق
،,
دائماً على الشخص ان يمسك بورقه وقلم ويكتب الاشياء التي يحس بها ليكتشف سبب الحالة التي يمر فيها.. وان يجاهد نفسه امامها ولا يرضخ لها لانها مفتاحٌ لعالم الكآبة..

والله يفرج هموم الجميع :)..
،,
معاكم الدكتورة النفسيه عابره http://oasis.bindubai.com/bin/images/icons/icon10.gif