كلنا في الهوى سوى [الأرشيف] - -:: واحات بن دبي ::-

المزوحي

24-01-07 ||, 02:36 PM

كلنا في الهوى سوى

كيف ابتدي الموضوع ومن وين ؟!!

يمكن البعض منكم يتمنى إني ما اكتب الموضوع والبعض بيشوف إني أبالغ والبعض بيقول

نفس اللي في بالي ..

صار إنه فئة من البنات يخافون يتزوجون من اللي يشوفونه من الشباب ... ويمكن الشباب خوفه أكبر

إنه يتزوج من اللي يصير .. من اللي يسويه قبل مايتزوج .. يرمس فلانه وفلانه ويقول خلاص

يوم برتبط بودر هالسوالف .. وبمجرد مايودر ( وهذ إذا ودر ) تلقاه معاملته زفته نوعا ما مع الحرمه

لأنه استخدم كل أساليب المغازل ( عفوا يعني ) فيشك في كل خطوة ...

إذا الأهل ماربوا البنت ... عيل ليش مانقول ماربوا الولد .. ودايما نقول ( إلا هو ولد )

ليش إذا البنت غلطت .. مره .. تحكمون عليها بالاعدام .. والشاب لو زنى .. تقول مب مشكلة ..

لأنه ماعنده حرمه ومغريات الحياة كثيرة وهو ماعنده حق مصاريف الزواج ..

ليش مانعطي البنت فرصة إذا في يوم من الأيام زلت ونعطي الشاب فرص حتى عقب الزواج .. يوم

يخون زوجته ... صدقوني مايبت هالكلام اللي من واقع أشوفه .. ولا حتى اكتب موضوع يزيد

من رصيدي في الواحات ...

في كل شي في هالحياة الزين والشين وكل شي بالتضاد .. وين ماسرنا وين ماكنا ...

غيروا من تفكيركم شويه ...

ليش الريال يدخل بكل جرأة يشل ( ملابس داخلية ) أونه بتنقى حق حرمته ... والبنت لو دخلت تشتري

قميص حق أخوها وإلا زوجها تقولون هاااي شو مدخلنها هالمكان ...

هل لأنه من طبع البنت الحياء ؟؟؟!!

أنا ما ادافع لا عن البنات ولا الشباب ولا أحط على فئة منهم ...

يوم تلقى الواحد متزوج ... ويخون حرمته .. لمتوا الحرمه ماتهتم في عمرها .. ليش ماعنده لسان

يرمس .. يكلمها .. ينبهها .. بكل سهوله مسموح له يسوي اللي يبغي .. وخلاف يعق اللوم عليها ..

أوكي خلنا نقووول هي اهملت نفسها .. وهذا اللي دفعه يسوي جيه ...

ليش تلقى الشاب ملج من شهرين .. زار حرمته بيت هلها ومن طلع عنها .. مسك موبايله يكلم

وحده بس جيه .. ويوم تقوله .. تراك بتتزوج .. يقول انزين تسليه ...

والحرمه طبعا ماتدري .. قالت خلاص هذا هو فارس الاحلام .. وماتدري إنه هالفارس حاط له

10 طعش موبايل ...

ويوم تلقى الريال ماشي أخير عنه .. تسير الحرمه تخونه .. تشبع رغبته مع فلان ...

كون زوجها مشغول عنها .. او مرات هو شغله في إمارة ثانية .. أو حتى يغيب عنها بالشهور ..

وأنا ماسمعت من حديث أو شي ما اذكره بالضبط ولكن بقول المعنى .. إنه الريال مايغيب عن زوجته

أكثر من 4 شهور و10 أيام .. كونها هي لها الحق إنه يكون جريب منها ( وافهموا قصدي )

هي مب ذبيحه ... وحتى البهيمه تفهم وترغب .. ( عفوا ) ...

....

مابغي أنثى تنزل موضوع وتقطع الشباب ... ولا ذكر يطرح موضوع ويقطع البنات ..

لأنه كلنا في الهوى سوى ...

المقصود بكلنا ... مش كل من دخل يقرأ الموضوع .... لا ..

أقصد من الفئتين ...

مايهزك ريح

24-01-07 ||, 02:44 PM

تسلم ايدك اللي كتبت هالموضوع .. اسميك طلعت كل اللي في خاطري .. :a070:
يغلط الريال برايه ..يقولون .. ريال ما يعيبه .. :glare:
البنت تغلط يا ويلها .. :a058: :k_mad_argue:
والله حاله .. جنه ما شي دين ولا اسلام فيه ظوابط لها السوالف ..
بس شو نقول غير الله يستر على بناتنا وشبابنا .. ويهديهم يا رب :k_no:

المزوحي

24-01-07 ||, 02:49 PM

وانته عيبتني أكــثر ... لأنه فعلا فهمت قصدي ... :fa42:

تقول بس الجنة والنار حق الحريم .. بس .. :k_icon9:

اوكيه في شي بالنسبة للمجتمع ممكن تقول حرمه وريال .. لكن دينيا لاااااا ..

بس هم دووم يقولون لا .. خله .. إلا هو ريااال ..

الله يسلمك مايهزك ريح ... :k_blush-anim-cl:

سليم الحص

24-01-07 ||, 03:39 PM

معليش اخوي انا اختلف معاك في بعض النقاط

اول شي الرجل إذا زنى فهو بذلك يضر نفسه صحيح اهو غلطان لاكن لو المرأة اخطأت واحملت مع ان هذا يعتبر جزء بسيط من الموضوع اللي طرحته لكن خليني اقولك شغله

المراه يا عزيزي مثل ما يقولون اذا خربت, خربت بلد معاها

ما نقدر نقول كلنا في الهوى سوى لانك تعيش في مجتمع والمجتمع اللي تعيش فيه هاذي طبيعته
ومعاه حق تأكد اخي العزيز ان اي ام في هادنيا محترمة وتربي مثل الناس عيالها بيطلعون ماشالله عليهم عكس الأب ما يكون عليه التأثير على الأبناء بتأثير الأم
الأم مدرسة اذا اعددتها اعددت شعباً طيب الاعراق

فلذلك ما نقدر نساوي بين الرجل والمرأة في كثير من الأمور

ومثال بسيط على ما اقول لمن الواحد يبي يتزوج يدور من بيت طيب ومحترم والبنات متربين عدل
مو عشانه هو بس عشان النسل
يقول الرسول (ص) تخيروا لنطفكم فإن العرق دساس

المزوحي

25-01-07 ||, 12:59 AM

بس إذا هو يدور من بيت طيب .. عشان يضمن حياته الزوجية، ومن يصبح يزني مع فلانه وفلانه .. مب حاله بعد

طبعا انا ما اعمم على كل المتزوجين ولا حتى الأعزب ... ولكن في حال المتزوج اللي يتصرف هالتصرف ونقول مب مشكلة هو رياااال ...
يغني الام مدرسة وهو حضرته مقصف ... ؟؟

شمعة أمل

25-01-07 ||, 11:28 AM

لـيش يخونون ويغلطون من الأسـاس؟؟
أسـبابهم وايد تــافهه..

المزوحي

25-01-07 ||, 03:38 PM

يمكن تكون عدة أشباب ويمكن أسباب نجهلها ...

وأحيانا الفراغ له دور ...

لكن ممكن الواحد عنده مجال .. بس نفسه ماتسمح له بهالشغلات .. بعيد عن محاسبة النفس ومراقبة الله سبحانه ..

عنود الريف

25-01-07 ||, 06:31 PM

لي عوده ان شاء الله
================================================== =========
عدت من يديد ...
المفروووض الاثنين يتعاقبون نفس الشي ..
يعني الله سبحانه وتعالى ما يفرق بين ذكر وانثى في العقاب .. كل واحد ياخذ يزاه على حسب ذنبه ...
لكن الناس والعادات والتقاليد وااايد ضاغطين على البنات والشباب عادي ما يعيبهم شي ..
نفس الكلام اسمعه في البيت .. ان الريال ما يعيبه شي ..
عاد شو بنسوي يوم المجتمع يحكم علينا بهالشي...

تسلم اخويه على الموضوع ...

مملوح الوصايف

25-01-07 ||, 07:45 PM

أسجل حضوري ولي عودة،،،
أشكرك ع جرأتك في الطرح وموضوعك الحساس

بنت الدلع

25-01-07 ||, 10:57 PM

تبا الصراحه يالمزوحي ..

اعجبتني في الي قلته

وانا وياك
وهالشي احيانا اقوله

ان الريال مايعيبه شي
ليش الحرمه كل شي يمسكون عليها

صحيح بنقول لانها حرمه ولازم تحافظ على شرفها .... الخ
بس بعد
ليش الريال له احقيه اكثر من الحرمه

نحن مانرمس عن الشريعه
نرمس عن الي يصير في المجتمع

اشكرك اخوي على الموضوع
اول مره اشوف مواظيع جذه

اخت اختي

25-01-07 ||, 11:29 PM

اخويه المزوحي >> :a034: :fa34:

إنته تعجبني..!!! وأخيراً حد فهمني..
هذا إللي دوم كنت أقوله،، جيه ما شي دين ما شي مذهب ولا أخلاق!! :k_mad_argue:

مشكور على كلامك الصح والطيب.. :yes:

أحلى شي

25-01-07 ||, 11:30 PM

كلام صحيح..

وأكتفي بتعليقي على موضوعك..
بالدعاء ..

{ اللهم اهدي شباب المسلمين..
اللهم اهدي بنات المسلمين..
اللهم ارنا الحق حقا وارزقنا اتباعه..
وأرنا الباطل باطلا وأعنا على اجتنابه}..

المزوحي

25-01-07 ||, 11:40 PM

عنود الريف ( أي وقت )

المزوحي

25-01-07 ||, 11:41 PM

مملوح الوصايف .... لكم المجال ..

المزوحي

25-01-07 ||, 11:42 PM

بنت الدلع .. وانا أقوول لو مسموح له في المجتمع ...

لكن دينيا يحللون على عمارهم ... والله يهدي الجميع

المزوحي

25-01-07 ||, 11:43 PM

اخت اختي .. الله يخليج .. شكرا

المزوحي

25-01-07 ||, 11:43 PM

احلى شي .. آمين .. وماقصرتي ..

تحفه

26-01-07 ||, 12:50 AM

شوف .. عندي انا مافي شي عيب .. عندي بس حلال وحرام !

سوالف تقيمات المجتمع للحلال والحرام على الي يعيبهم ودرجة تقبلهم لتصرف معين او لمظهر او ظاهره معينه شي لازم تحترمه لأن نسبة الناس الي جي تفكر كبيره ونحن الي جي نفكر شويه ..

سوالف الخيانه متعلقة بالضمير و الأخلاق ..
وبمجرد تفكير الزوج يوم ينوي يحط على حرمته وحده ثانيه أسميه خيانه .. وقبل لا يخون حرمته .. خان نفسه !

المزوحي

26-01-07 ||, 12:56 AM

بوظبي لو بيتزوج عليها مب حرام ... حلال وذبح حلال بعد

لكن مايخون .. وخلاف يقووول ( على الأقل ما اتزوجت عليها )

ما انته تزني .... ( وانا ارد اقوول ) ما اعمم على الكل ولا على كل من خان حرمته بالكلام مع غيرها

عذر أقبح عن ذنب ...

مرات اتصرف تصرفات بعيد عن الاتيكيت .. لكن ماقليت ادبي ولا نزلت من مستوى اي شخص ولا

اتدخلت في شؤون الغير ... أشوف الغير يتطالعني ... باستغراب

وانا أطنش .. دام إني أعرف ما أسوي شي يغضب الرب إن شاء الله ..

وبس ...

تحفه

26-01-07 ||, 01:34 PM

شوف مجرد ان في انسانه تزوجت انسان وسوت الي تقدر عليه علشان ترضي ريلها وريلها طلع حمار وعرس عليها اعتبره انه خانها .. ( والخيانه ماتعرف حلال وحرام ) لا تخلط الحابل بالنابل

تخيل عمرك حرمه و قضيت كل حياتك ومحورتها حول واحد تزوج وحده ثانيه وما قدّر كل الي كان بينكم .. بأي صفه بتحب اتم اتعيش وياه؟

انا عادي اموت من الحررررره.

المزوحي

26-01-07 ||, 03:06 PM

شي طبيعي الحرمة تغار على زوجها يوم يتزوج عليها ... وهااي ماتعتبر خيانة لأنه حلال

وأرد أقولج أكييييييد الحرمة بتغار .. وبتحس بعمرها فيها نقص وتفكر ليش تزوج عليّه ...

ومدام زوجات الرسول صلى اله عليه وسلم يحسون بالغيره ... يعني شي طبيعي

وللمزيد أقري في هالصفحة عن أسباب تزوج الرسول عليه السلام

http://saaid.net/mohamed/sh/1.htm

يمكن ظهرنا شويه برع الموضوع الأساسي .. لكن ردي على كلامج يا بوظبي ....

:k_blush-anim-cl:

بنت الدلع

26-01-07 ||, 04:23 PM

بوظبي
نفس وجهة نظري

كفايه ان صبرت على ريلها وسوت الي يبغيه
يسير وياخذ وحده ثانيه يقلل من شأنها
ويكسر عيونها جدام الخلق
صحيح انه حلال
بس هذا هو الحال

المزوحي

26-01-07 ||, 04:34 PM

بنت الدلع

اكيييد الحرمة بتموت من القهر ... وكل وحده ردت فعلها غييييير عن الثانية .. اللي تكتم قهرها

واللي تقوله طلقني .. واللي تسير بيت هلها ... تزعل عليه ..

واعرف ريايلين .. من الاهل .. عرسوا على حريمهم .. مع إنه الحريم من النوع اللي يلبسون

الريل نعلتهم ( وانتوا بكرامه )

الثعلب الرمادي

26-01-07 ||, 05:38 PM

مثل هذي الاشياء ممكن جدا تصير حتى في احسن العائلات لكن لكل مشكلة حل اذا الحرمة حبت تسير مع واحد من الشباب فتقدر بكل بساطة تطلقها تاخذ غيرها و تكون المشكلة انتهت ... نحن مب في افغانستان حتى نطبق الحكم الشرعي في الزانية و اذا الحرمة فصخت الحيا و سارت مع واحد الشباب فمب مشكلة الريال.

المزوحي

26-01-07 ||, 05:42 PM

الثعلب الرمادي ...

كلامك صحيح

واحيانا الحرمة لها مجال تسوي سواء كانت مش متزوجة او حتى متزوجة لكن زوجها مهملنها

تقدر .. بس من نفسها ماتسوي هالشي ...

الثعلب الرمادي

26-01-07 ||, 05:58 PM

تقدر .. بس من نفسها ماتسوي هالشي ...

الا في العين:k_winner_third_h4h_

واعرف ريايلين .. من الاهل .. عرسوا على حريمهم .. مع إنه الحريم من النوع اللي يلبسون

الريل نعلتهم ( وانتوا بكرامه )

احلى شي لكن مادري اذا متوفر في العين او لا لكن ما احب اشوف حرمة تشتغل مثل العبدة لدرجة تلبسه النعال منظر مب حلو.

بوظبي ..

اختي التعدد مب خيانة مصير الريال يمل بعد 6 او 7 سنين فيجرب مع حرمة ثانية هالشي عادي اكيد مب كل المتزوجين يعددون وانشالله ريلج ما يتزوج عليج:fa35:

المزوحي

26-01-07 ||, 06:05 PM

واااو مشكلة هل العين

تحفه

26-01-07 ||, 09:51 PM

مصير الريال يمل بعد 6 او 7 سنين فيجرب مع حرمة ثانية هالشي عادي

عفـــــــوا!! واذا عممنا هالفكره بتكون الحرمه يعني غير عن الريال؟ .. اكيد بتحب بعد اتجرب .. اسميه بيكون مجتمع دمران.

تحفه

26-01-07 ||, 09:53 PM

المزوحي

27-01-07 ||, 12:35 AM

بوظبي .. لو كل زوجة فكرت إنه زوجها في أي لحظة بيتزوج ... بتكون لابستنه من اول يوم زواجها

عسب ماتندم إنها تضيع سنوات عمرها على الفاضي

تحفه

27-01-07 ||, 03:29 AM

^ترا هاللي في بالي اسويه XP

الـيـاه

27-01-07 ||, 06:26 AM

سلاام
موضوع جميل يـ المزوحي :fa51:

شرات ما قلت .. في مواضيع الخيانة دوم يرد الذنب للحرمه بحجة أن الريال ( يحق له يسوي اللي يباه ) !
وإذا واحد متزوج زخته حرمته يتهمها بالفضول - الغيرة الزايدة - والشك ويقص عليها بكلمتين
لكن خل تزل مره وحده < عادي يردها بيت ابوها لانها حرمه :k_special2: >

بس في نظري أن الخيانه مول ما تتعلق بـ كونها حرمه وألا ريال
لان الخيانه + الغدر هي صفة في الإنسان وعمرها ما كانت محدوده لـ الحرمه والا الريال

فـ ليش الريال ينغفر ذنبه ويسامحونه إذا غلط
والحرمه لا ؟ ليش نعطي الناس مجال أنها تفهمنا وتسامح لكن ما نعطي عمرنا مجال إنا نسامح :k_icon9:
إذا كان الله - وهو رب العباد - يغفر الذنوب فـ منو نحن البشر عسب نحكم على شخص بنهايته

يعني بمجرد أنه شك فيها ممكن ينصح - يوجه - يربي بس بعدة طرق ما تكون مباشرة
لانه هو اللي بيربيها من أول ويديد مب يتبع كلام الناس أو أنه يجبرها تقول كل شي عن ماضيها
من طأطأ لـ سلام عليكم :fa54: وبجي يتعلق في ماضيها ويدمر بيته بنفسه حتى لو هالإنسانه تطهرت من كل شي .

والسموحــه

.
.
.

المزوحي

27-01-07 ||, 11:50 AM

بوظبي تخيلي بس .. اتطنشينه في شهر العسل !

المزوحي

27-01-07 ||, 11:54 AM

الياه ... وحده انسانه .. متربيه ... وكل شي وزلت لأسباب ما أحب أذكرها ...

ولي وقفه معاها إنه تترك الذيب اللي يخدعها ... وهو عنده حرمتين وفوق هذا كله يغازل ...

وحكم عليها بالاعدام .. لا طلعه ولاغيره .. وهو بعده ماخطبها ويشك في كل تصرف حتى لو صادقه ..

وإن شاء الله بتعرس لكن هو ميت ...

أما الزوج يوم يخون حرمته وتعرف أول شي ينكر وخلاف يقول بكيفي .. أو يقول أنا سويت جيه

لانه هي ترص عليّه ...

الصراحة انا خذت نموذجين ... وحده حرمته ماتقوله شي والثانيه تطلب حقوقها منه .. ولا تقصر عليّه

وكلهم يغازلون .. قال البعض والله من كثر ما حرمته راصه عليه .. هو اتجه للمغازل ..

تحفه

27-01-07 ||, 03:27 PM

بوظبي تخيلي بس .. اتطنشينه في شهر العسل !

:Oo: منو قالك بعرس علشان اطبق هالشي . ها ها ها.

العرس بالنسبالي هي مرحلة اليأس من الحيـاه :redface: فلك كيفية التوقع كيف الإنسان اليائس يتصرف في حياته :unclesam:

تحفه

27-01-07 ||, 03:28 PM

ثم إن زوجي المستقبلي غير موجود في هذه الحـضاره.. فكيف لي أن أعرس :a068:

تحفه

27-01-07 ||, 03:29 PM

اليـاه .. تعتقدين الخيانه تعرف حلال وحرام ؟

تحفه

27-01-07 ||, 03:30 PM

اشوف ان بمجرد ان انسان كسر خاطر انسان ثاني هذا شي حرام.

المزوحي

27-01-07 ||, 04:12 PM

شزفي بوظبي صح الخيانة ماتعرف حلال وحرام، لكن الزواج مش حرام ..

وهذاك أمر ثاني يوم يتزوج على حرمته .. بس يوم الريال يكسر بخاطرها ...

مب كل حرمه تتقبل وأكيد 99.9% يرفضن

بس في منهن مع الأيام يتأقلمن ...

الله يرزقج بالزوج الصالح ... :woot:

الـيـاه

27-01-07 ||, 11:10 PM

بوظبي
تعرفين أحس النظرة خيانه , الهمسة خيانة و بمجرد أنه يفكر في هالشي هاي بحد ذاتها خيانه ..
والمشكله أنج مستحيييييل تلقين إنسان كامل وهذا أخس شي !

قبل الحلال الحرام
أحس اللي يسوي جي في حرمته ها إنسان معدوووم الضمير
كل همه ساعدته وهو ومايفكر أنه في لحظة وحده بيكسرها وبيجرح كل شي فيها لانه الحرمه بطبيعتها هشه

المزوحي

28-01-07 ||, 12:59 AM

يااابوج خلي الهشاشة على صوووب ...
واحد ملتزم ... متزوج ... عنده عيال الحمدلله .. تقدرون تقولون البجر عمره 16 سنه
اتزوج على حرمته دون علمها ( مسيار )

يمكن صدمتها تكون صدمتين لو سمعت من مصادر ثانية عنه !

الياه .. صح تقولين هو مافكر إلا في نفسه .. لكن مطلووب العدل بين الزوجتين .. هو الحين الاولى ومتملل منها ومب محصل وقت يعطيها ريج حلو .. وين العدل عيل ..
مايخصنا ... الله بيحاسبه ..

الثعلب الرمادي

28-01-07 ||, 09:51 PM

عفوا ...

اختي بوظبي اذا ما كنتي بتتزوجين فليش يهمج هذا الموضوع بدرجة كبيرة .. المسالة مافيها خيانة او جرح مشاعر و من قال ان الحرمة تشتغل عند الريال او ان الريال يعيش من راتبها حتى تضيع سنوات عمرها معاه .. اعتقد نحن مسلمين و هذا حق الله عطاه للريال .. على فكرة براد بت نفسه مل من جنيفر انيستون.

الـيـاه

28-01-07 ||, 11:28 PM

المزوحي
يعني صح الشرع محلل عليه أربع ومانقدر نعترض على هالشي
وحتى لو كان يعدل .. احس مادري كيف صدق هالحرمه اللي تتحمل هالشي قوية .. وااااي شقايل تستحمل .. لو أنا بدالها بتلوع جبدي من شيفته لول

تحفه

29-01-07 ||, 12:09 AM

المزوحي

29-01-07 ||, 12:26 AM

الياه .. جان على لوعة الجبد من شيفته .. لج الحق .. لكن اللوعة ماتدخل في نطاق الحرام

اللوعة شي انتي تحسين به ( لووول )

لا .. صدق اتكلم .. يمكن في يقل حبه للزوج وحد يقول طااح من عيني وكل وحده شو تقبلها للموضوع

الـيـاه

29-01-07 ||, 07:05 PM

هههههه
شي أكيد .. ما اتخيل في حرمه يزيد حبها لريلها إذا كان معرس عليها ومهما كان ( وايد زين ) احس هالشي لا إرادي أن تقل جيمته عن قبل ..
بس صدق في هالشي لوعة الجيد شي أحس به لول
شكرا ً المزوحي ..

دانة حتا

30-01-07 ||, 08:31 PM

بصراحه المزوحي ما اعرف شو اقول
بس اذا فيه لكلمة صح معنى
تراه انت صـــــــــح

وتسلم ايدك والله ع الموضوع و الراي الرائع

المزوحي

31-01-07 ||, 01:11 AM

مشكورة دانة حتا .. والبعض مافهم قصدي من " كلنا في الهوى سوى "

بنوتة جميرا

08-02-07 ||, 08:17 PM

تسلم اخوي ع الموضوع
والصراحه كلامك عيبني وايد
الريال يوم يغلط عادي والكل معاه انه ريال وما يعيبه شي
ما يفكرون اذا هالريال معرس بتصرفاته هاي بيأثر على عياله
ويمكن يتعلمون منه ...
والبنت اذا غلطت حكموا عليها بالاعدام وحرموها من كل شي
ليش؟؟؟؟؟؟؟؟؟

المزوحي

08-02-07 ||, 11:08 PM

بحكم إنها بنت فقــط " يمكن تزل " وتتعلم وتتغير والله يهديها، لكن هذا مب معناه تسير تغلط وتقوول

لي فرصه ... أما الريال يلعب بعد ما يتزوج ويرد يقووول زين مايضرني شي ..

المزوحي

16-02-07 ||, 11:05 PM

هل يحق للبنت إنها تاخذ راحتها ( وتغاازل ) قبل ماتتزوج .. لأنها بتكون في سجن بما إنه نظرة الريال كذلك هو بيكون في سجن بعد الزواج ؟؟!!

حتى لو مابتكون في سجن ليش هالتصرف ومسموح له ... في إحدى شوارع دبي .. وشارع معروف
نزلت من الموتر .. أشوف مواطن يمشي مع وافدة ... يمكن زميلة عمل ويمكن زوجته لاتستغربون
وايدين ياخذون وافدات .. وفي منهم يلبسونهم لبس بنت البلاد والبعض لا ... وفي منهم تكون الزوجة الثانية وبالسر .. مايخصنا الحين في هالشي ... نحن نحب نتعمق ( لووووووووول )

المشكلة هو يوم شافني ارتبك مع إني ما اعرفه ولايعرفني ... هو وصلها وهي تمشي وعنده موبايلين .. بس ( يالمزوحي ) من راغب الناس مات هما .. صح وإلا لا ؟؟؟

بس انا ماراقبته .. هالشي صار جدام عيوني ... بس ليش تنقل لنا الحدث اللي صار جدام عيونك في الواحات ... بس عسب اقووول كلنا في الهوى سوى .. !

بس الأدهى والأمر .. إنه قامت العلاقة تستوي ( جنسية ) عفوا مليون مره على الكلااام بس شي يحز في الخاطر ... تخيل هذا اللي يسوي جيه يتقدم لخطبة اختك ... وسألت عنه وقالوا إنه زين ..
وخطبها وهو مازال جيه .. شو ذنب البنت ؟؟؟

.............

الغريب إنه الريال يوم يملج ممكن تقول خلاص اللي فات مات ومايخصنا بماضي أي منهم ... ونبتدي صفحة يديدة والزواج على سنة الله
ورسوله ... بعد ماملج عليها ويزورها بين يوم وترك .. قمنا نسمع إنه الشاب اللي في فترة ملجته يزور حرمته ومب حرام ...
وبعد مايتعشى في بيت هلها ... وفي منهم يحبون يحطون شروط على الزوجة ويمنعها حتى من إنه تسير الجمعية مع أمها ...
بمجرد مايطلع من بيت هلها ويركب موتره ... يفتح موبايله الثااني عسب يكلم صحيبته ... !!!!

انصدمت أمس يوم عرفت شااب خلوق في دوام أخويه ... ويسير الحج سنة وسنة مايسير ... المهم
متزوج من سنة ورزقه الله بولد ( الحمدلله ) وحرمته في فترة مابعد الولادة .. مسافر هو بانكوك
مافيها شي .. مب اللي يسافر بانكون يعني يسوي شي غلط وأنا أقولها لكم .. اللي يبغي حتى لو في البلاد ... لكن الغريب إنه يوم واحد قال له كيف تسافر وحرمتك لسه توها والده .. قال شو نسوي ؟؟
افهموها ... إنه هو مايقدر يتحمل ....................

لي عوده