تجنب شياطين المواقع من اليوم ورايح

[حصان طروادة]

أقدم لكم اليوم البرنامج المجاني McAfee Site Advisor

هذا البرنامج يقوم بفحص جميع المواقع التي يتخفى خلفها شياطين المواقع أو كما نطلق عليها الفايروسات والتروجنات أو ما شابه .

وهو يعمل عند بحثك من خلال مواقع البحث من مثل الياهو والغوغل فيظهر لك إشارة حمراء إن كان الموقع يحمل فايروسات أو تروجنات ، وإشارة خضراء إن كان الموقع الذي تبحث عنه آمنا .

لن أطيل عليكم ، قوموا بتنزيل البرنامج واقرؤوا التعليمات .

وأي سؤال ، فأنا حاضر للجواب .

وإليكم الوصلة :

http://www.siteadvisor.com/download/iemedia.html?cid=27432

[ألم ترى]

بسم الله الرحمن الرحيم ..

هلا خوي ..

هالبرنامج ثقيل ع الجهاز ؟ ..

اود تنزيله ولكن اخاف يثقل عليه الجهاز كيف لأ وهو من ايام هولاكو ! ..

ف انتظارك ياخوي والله يجزاك خير ع كل الأحوال ..

دمت بحفظ الرحمن ..

[بوزايد]

تسلم عزيزي

[جيز كيك سنيكرز]

يــزاك الله خــير ^ــ^


عندي سوال...يقولون بعض ملفات التجسس او الفيروسات مايزخهن اي برنامج ماشاء الله كل مايالهم

يطورون ويخروبون

السموحه ...

[حصان طروادة]

ألم ترى

البرنامج حجمه 1.33 ميجابايت ، وأنا أستخدمه وما أشوف إنه يثقل على الجهاز أبدا .

جربه ، وإذا حصلت إنه صارلك أي بطئ في الجهاز أحذفه .

[حصان طروادة]

بوزايد

الله يسلمك

ــــــــــــــــــــــــــــــــــــــ

جيز كيك

ملفات التجسس والفايروسات يتم تطويرها بشكل دائم ، وما يوجد برنامج حماية إلا وفيه ثغره ، وهذي الثغرات يمكن تجنبها بواسطة تنزيل الupdate .

لكن أقدر أقول لو الشخص يحسن استخدام هذي البرامج مع خلفية عن نظام التشغيل DOS أقدر أأكد إنه مافي ملف تجسس أو فايروس يقدر يدخل .

أغلب ملفات التجسس والفايروسات تدخل عن طريق المنافذ ، واللي يسمونها PORTS ، وغالبا هذي المنافذ يتم فتحها لأسباب منها فتح نافذة الإنترنت ، أو المسنجر وغيرها.

وأخطر منفذ هو FTP .

هذي معلومات سريعة ، وإذا تبين تفاصيل أكثر حاضرين :yes:

[الدلووووعة]

تسلم اخويه عالموضوع

وجان احمل البرنامج
والله وايد بينفعني ها البرنامج ^_^

[بنت الدلع]

مشكوور اخويا وماتقصر ^_^

[حصان طروادة]

الدلووووعة

دخلي الياهو وجربي تسوين سيرج لأيشي بعد ما تنزلين البرنامج ، وخبرينا بالنتيجة .

[حصان طروادة]

بنت الدلع

العفو أختي ، نحن في الخدمة

[الدلووووعة]

جربت وليش انا قصرت يعني

الصراحة عجيب البرنامج
الحنيه عرفت المنتدى اللي فيه ثغرات من الفايروسات
واللي خالي من ها الشياطين ^_^

والله كشخة البرنامج^_^

قلت لخويه يوم يدخل اي موقع يشوف فوق اذا اخضر يدخل والموقع واذا هب اخضر يظهر منه ^_^
اعطيهم التعليمات ^_^

عاد الخو وزعة للعايله كلها ^_^

[الدلووووعة]

تبا احط اللي يظهر ولا بس اخبرك ؟؟

[حصان طروادة]

حطي اللي يظهر عشان الأعضاء يقدرون يشوفونه

ودام إن البرنامج لقى استحسانكم ، راح أقدم لكم إن شاء الله برامج حماية جديدة في المستقبل .

[مهيريه]

مشكور يا خويه ماقصرت نزلت البرنامج صدق روعه

[حصان طروادة]

مهيرية

العفو أختي

[الدلووووعة]

ها اللي ظهر

http://www.br2h.com/up/uploads/35fdcbe2b2.jpg

:fa46:

[حصان طروادة]

العلامة الحمراء تبين وجود فايروسات وتروجنات ، والعلامة الخضراء إن الموقع مافيه شي .

أشكرج يالدلوووعه

وإذا تبين صلخة حاضرين خخخخخخخ :hysterical:

وإذا تبون تتعلمون كيف تهكرون بعد حاضرين :fa34:

[الدلووووعة]

لا دخيلك صلخ ماابا

بس ابا اتعلم اهكر ( عسب اهكر الاهل ماهكر عالغريب انا ^_^)

[حصان طروادة]

عندي برامج كثيرة لكن خليني أشوف يمكن أنزل موضوع يديد .

[جيز كيك سنيكرز]

جيز كيك

ملفات التجسس والفايروسات يتم تطويرها بشكل دائم ، وما يوجد برنامج حماية إلا وفيه ثغره ، وهذي الثغرات يمكن تجنبها بواسطة تنزيل الupdate .

لكن أقدر أقول لو الشخص يحسن استخدام هذي البرامج مع خلفية عن نظام التشغيل DOS أقدر أأكد إنه مافي ملف تجسس أو فايروس يقدر يدخل .

أغلب ملفات التجسس والفايروسات تدخل عن طريق المنافذ ، واللي يسمونها PORTS ، وغالبا هذي المنافذ يتم فتحها لأسباب منها فتح نافذة الإنترنت ، أو المسنجر وغيرها.

وأخطر منفذ هو FTP .

هذي معلومات سريعة ، وإذا تبين تفاصيل أكثر حاضرين :yes:


اذا ممكن :fa46:

ويزاك الله خير

[حصان طروادة]

جيز كيك

إن شاء الله ، بشرح لك بعض الأشياء بالتفصيل .

أما بخصوص مواضيع الهاكرز ، طبعا بتكون بعد موافقة الإدارة .

[طير الغرام]

http://upload.bindubai.com/download/6eer/6eer-S-oasis-New.gif

تسلم أخويه ع هالبرنــامج الرائــع =)

http://upload.bindubai.com/download/6eer/6eer-L-oasis-New.gif

[وحي القلم]

شكرا ً =)

[إمارات اف ام]

تسلم اخوي على البرنامج ..

[حصان طروادة]

الله يسلمكم ، والعفو من الجميع

[تنينه]

السلام عليكم والرحـمه :fa35:

تسلم ياخويه طرواده ع البرنامـج الجميل والمفيد أكـيد :a034:

بـس بـغيت استـفسـر عـن معناة علامـة الاستفهـام والتـعجب اللي تـظهر ؛؛ على شو اتـدل او تـشير :ohboy:


http://oasis.bindubai.com/bin/uploaded/4950_11170965524.jpg (http://oasis.bindubai.com/bin)

:h_6abakhah:

[حصان طروادة]

تنينه

بخصوص علامة التعجب اللي تطلع

في طريقة تعرفج على تفاصيل الموقع ، حطي مؤشر الماوس على علامة التعجب او أي علامة ثانية تظهر ، بتظهر لج صفحة صغيرة ، بتحصلين مكتوب فيها more info ، كليلك على الكلمة ، بعدها بتحصلين كتابة بنفس لون العلامة اللي تطلع تخبرج عن المعنى .

في العادة علامة التعجب يختلف وصفها من حالة إلى أخرى ، وفي الغالب بتحصلين يقولج فيه الadware و الspyware ، فلابد من معرفة التفاصيل للحكم على الموقع .

الadware معناه برامج غير مرغوب فيها يتم إنزالها عن طريق دخول هذي المواقع أو عن طريق تنزيل برنامج معين ، ويكون التنزيل والتثبيت للadware أوتوماتيكيا ، وهي عبارة في الغالب عن دعايات إعلانية .

أما الspyware هي برامج تقوم بتجميع معلوماتك الشخصية من دون استئذانك من خلال التثبيت التلقائي لها عند دخول بعض المواقع أو تنزيل بعض البرامج .

على العموم ، أنا ما أنصح بدخول المواقع اللي عليها علامة التعجب إلا بعد التأكد من حالة الموقع بالضغط على more info مثل ما بينته أعلاه ، فإذا كانت الحالة مطمئنة دخليه ، وإذا لأ تركيه .

اتمنى شكون الشرح واضح .

[تنينه]

هييييييييييييييييي فهمـت فهمت :k_smartass:

ششششششكراً :fa35:

[حصان طروادة]

عفوا ، وفي أي وقت أختي

[ريم العين]

برنامج حلو واكثر من رائع

بس انصحك لاتنزل برامج كيف يصرقون الايميلات وما شابة

مابا ايميلي ينصرق ههههههه

تسلم خيوو عالموضوع الحلو

[خيال الحب]

مشكووور يالطيب ع البرنامج

تم التنزيل

[حصان طروادة]

ريم ريم

الله يسلمج من كل شر ، مافينا نخالف قوانين الإدارة وننطرد :k_smartass:

[حصان طروادة]

خيال الحب

العفو أخوي ، وحياك الله في أي وقت

[تنينه]

اويييييييه ظـهر في موقع الجامـعه شيطااااان :fa56: ؛؛


مـن نزلت هالبرنـامج مـا جت دخلت موقع وظـهر لي هالأحمر × ,, بـس اليوم يوم دشيت موقع الجامعه ظـهر وحتى يوم بغيت اجيك أيمييل الجامعه ظـهر :fa56: ؛؛

قلت اوييه شسووي الحيـن أبـى أجيك الأيميل من يومين ما حدرته :boxed: شسوي شسووي :surrender: ؛؛ جـان أقرر أحـدره والله يبعد الشيطان عـن لاب توبي لول :fa56: ؛؛

يـعني ألـحين موقع الجامعه وايميلها بيسبب خـطر على لاب توبي :bye2:

[الدلووووعة]

هيه صح تنينوه انا من امس يت بدخل موقع الجامعة واباه ظروري
بس ماحدرته مافيه لاب توبي يستوي به شي ( لو كمبيوتر البيت برايه ^_^)
بس مايستوي ادخل البلاك بورد منه للاسف ^_^

يله برايه باجر بدخل من موقع الجامعة ( نذاااااااااله خخخخخخخخ)

[حصان طروادة]

تنينة أو الدلووووعه عطوني الوصلة

بجوف شو مشكلة الموقع وبخبركم

[تنينه]

http://www.zu.ac.ae


^^"؛

[حصان طروادة]

صح النوم

خخخخخخخ

[جنون امرأة]

للحين متردده أنزله و لا لا ؟؟!!

حصان TROY

ممكن اطمني اكثر ؟؟


خايفه ع الكمبيوتر يعني !!!

[ألم ترى]

بسم الله الرحمن الرحيم ..

هلا خوي هورس ..

انا نزلت البرنامج وكل شيء تمام ولكن إذا طلع لي احمر وانا ابي اتم ف هالموقع اصلآ شو اسوي ! ..

يعني يصير شيء ف الجهاز ؟ ..

خبرني شوي من المعلومات اللي عندك بارك الله فيك ..

تسلم تسلم يمناك ع البرنامج ويزاك الله كل خير ..

دمت بحفظ الرحمن ..

[حصان طروادة]

جنون إمرأة

أفا عليج بس أختي ، حصان طروادة ما اييب شي إلا وهو واثق منه

وفوق هذا كله البرنامج من (مكافي) يعني حطي بطيخة الصيف في بطنج ونزليه وإنتي مرتاحة البال .

وعندج مشاركات وردود الأعضاء وكيف هم مرتاحين من البرنامج .

نزليه ، وإذا صار شي في كمبيوترج علي تصليحه ، ولا أقولج ببدله لج :thumbup1:

[حصان طروادة]

هلا أخوي ألم ترى

سؤالك ما كان واضح ، لكن على حسب فهمي للسؤال

العلامة الحمراء تعتمد من حالة لأخرى ولسبب لآخر ، لكن أقدر أقول وبشكل عام دون الدخول للتفاصيل إن أغلب الأحيان المواقع صاحبة العلامة الحمراء تحتوي على أمور كثيرة لا نرغب فيها من الإسباي وير والآدوير أو فايروسات أو تروجنات (حصان طروادة) ، وسبق أن شرحت الأمرين الأوليين للأخت تنينه في رد سابق .

بالنسبة للإسباي وير والآدوير بمجرد دخولك للموقع يتم تنزيلها تلقائيا على جهازك مما تسبب في غالب الأحيان بطئ في الجهاز أو تساعد في عملية فتح ثغرات لتسهيل عملية الاختراق إلى آخره ، وأحيانا نقوم بتنزيل ملفات عشوائية لا تحتوي على مصدر موثوق وتكون عبارة عن فايروسات أو تروجنات (حصان طروادة) ... إلى آخر التفاصيل .

وأنا الآن في صدد كتابة موضوع مفصل عن هذا الأمر بعدما طلبته مني الأخت جيز كيك سنيكرز في رد سابق وببين جميع هذي الأمور في موضوع مستقل إن شاء الله .

فأنا دايما أنصح قبل الدخول التأكد من السبب وإذا لم نعرفه فلاندخل للموقع .

اتمنى إني أفدتك بشي ولو بسيط .

[ألم ترى]

بسم الله الرحمن الرحيم ..

هلا خوي حصان :fa46: ..

ماتقصر ياخوي وما عليك زود وربي ..

ف انتظار طرحك الجديد إن شاء الله :thumbup1: ..

[هزاايم]

لاهنت

[حصان طروادة]

:thumbup1: