مشاهدة النسخة كاملة : السيارة.. شو اتعرف عنها؟؟ ساعدوني
اخت اختي
19-01-07 ||, 12:50 PM
السلام عليكم ورحمة الله وبركاته،
أنا بغيت أتعلم عم السيارات.. car mechanism..
مثلاً: يوم تخترب كيف أعرف شو السبب، أبا أتعلم أكثر عن تواير السيارة.. يعني أشياء لازم أعرفها قبل ما أسوق..
ممكن مساعدة؟
يعني عندكم موقع.. أو انتوا عنكم معلومات.. أو كتاب.. أي شيء..
ممكن المساعدة؟؟
شكراً
شرجاوي
19-01-07 ||, 02:10 PM
اختي نحن ما نقدر نعلمج .... لازم تواجهين المشكله عسب تعرفين تحلينها .. ام مجرد كلام ما بتتعلمين شي ...
تحياتو
ولد الشحوح
25-01-07 ||, 04:10 AM
مثل ما قال شرجاوي
انا كنت ما اعرف فالمواتر ولحد الحين معلومات بسيطة مقارنة بإخواني بس بديت أتلعم لما اسير الكراجات وجي باختصار التعلم بالممارسة
خيال الحب
25-01-07 ||, 04:31 AM
السلام عليكم
تقدرين تشوفين التواير من فتره لفتره
شوفيهاا .. متقطعه ولا اوكــي.. وكل ما تودين الموتر الوكاله قوليلهم يجيكون ع التواير .. وهم بيعطونج التواير كم كيلو تستحمل
ولما تسوقين .. بين فتره وفتره خلي عينج ع حرارة السياره .. سبحان الله احيانا ترتفع ولا شي..
ممممم
وطبعاا جرج السياره كل الشباب يعرفونه .. يمكن لانج بنت ماتعرفينه فبنقولج كيف
تحطين الموجب ع الموجب والسالب ع السالب .. وطبعااا السياره الي تجرجين منها تكون شغاله.. وتحملي من وايرات الجرج عن تتلامس ويا بعض .. وخلي السياره المفضيه تجرج شوي.. وعقب ان شاء الله تشتغل
ولو كانت السياره ماتشتغل .. بس الهرن يشتغل والليتات تشتغل.. يمكن يكون عندج خلل في ديلمت السلف .. ممكن تشتغل بالدز او موتر يقلصج .. ولازم تتبدل
اول شي حاولي فيهاا.. دقيهاا بسكروب ولا شي ع الخفيف يمكن تشتغل >>>خخخخ
وووو شوو بعد
طبعاا المكينه ماتقدرين تتعبثين فيهاا.. يبالها ناااس 24 ساعه مطيحه في الكاراجات
وووووووو بس
لو بغيتي شي نحن حاضرين
شرجاوي
25-01-07 ||, 08:14 AM
اختي .. باختصار .. السياره اذا فيها 2000 قطعه بتطلع فيها 20 الف عله ... و يمكن من القطعه الوحده بتواجهين اكثر من مشكله .. بس اهم شي .. عدم اهمال السياره و لازم تودينها للصيانه الدوريه فالوكاله ...
تحياتو
اخت اختي
25-01-07 ||, 10:37 AM
مشكور اخويه ولد الشحوح..
اخت اختي
25-01-07 ||, 10:38 AM
ما قصرت اخويه خيال الحب على كل هالمعلومات المفيدة..
مشكور اخويه
اخت اختي
25-01-07 ||, 10:39 AM
مشكور اخويه الشرجاوي.. ما قصرت
الدلووووعة
25-01-07 ||, 09:10 PM
وطبعاا جرج السياره كل الشباب يعرفونه .. يمكن لانج بنت ماتعرفينه فبنقولج كيف
تحطين الموجب ع الموجب والسالب ع السالب .. وطبعااا السياره الي تجرجين منها تكون شغاله.. وتحملي من وايرات الجرج عن تتلامس ويا بعض .. وخلي السياره المفضيه تجرج شوي.. وعقب ان شاء الله تشتغل
ولو كانت السياره ماتشتغل .. بس الهرن يشتغل والليتات تشتغل.. يمكن يكون عندج خلل في ديلمت السلف .. ممكن تشتغل بالدز او موتر يقلصج .. ولازم تتبدل
خخخخخخخخخخخخخخخخخخخخخخخخخ خخ
هاي المعلومتين ذكرتني بالعام يوم خذنا عن الرصاص وشوفايتده فالكيميا
المهم يوم رديت البيت اوني فرحانه اعرف شي وسايره بتفلسف على اخوانيه وهاك اليوم كلهم كانو ماجزين موجودين فالبيت وهم يتغدون جان اقولهم امنو يعرف اذا البتري مفضي مال سياره شو تسون
اخويه الكبير قال اقول ترا اذ انتي توج تعرفين نحن نعرف من قبل مانحصل الليسن
قلتله والله اليوم خذت هاي المعلومة وقلت بفيدكم فيها خخخخخخخخخخ
اوني يعني واخر شي كلهم حطو عليه وقطعوني من الخاطر مايسوى عليه خخخخخخخخخخ:fa46: