المساعد الشخصي الرقمي

مشاهدة النسخة كاملة : نبغي مدرسة خاصة لو عندكم فكرة


المزوحي
16-01-07 ||, 04:30 PM
السلام عليكم

أكيد اللي خلص امتحاناته أمس واللي اليوم واللي بيكون بااجر وحد على تاريخ 25 تقريبا

المدارس تختلف والجامعات والكليات ...

حد يعطي إجازة يوم وامتحان ... وحد لا بدون إجازة ..

أتمنى لكم التوفيق والنجاح جميعا إن شاء الله

وبما إنكم داخلين على إجازة تريحوون طشونة ..

بس هالموضوع ترااه استفسار عند مدرسة خاصة ..

يهال العايلة عندنا .. حد منهم في دبي الوطنية وحد منهم في دبي الدولية

وكل حد له راااي .. حد يقوول لا هالمدرسة مووول مب شي وحد يقول لاااا

وكلن له رايه .. وحد مايستقر على مدرسة وحده .. كل سته ينقل عياله مدرسة غير

ومب شي يوم كل سنة الواحد ينتقل .. وطبعا المنهج البريطاني والمنهج الامريكي له دووور ..

عندنا الصغيروني الله يحفظه يبوون يحدرونه الروضة الحول ... وماشي وقت لانه التسجيل من شهر 5

أظن .. والاهل يتشاورون هل يحدرونه مع اخوانه ... وإلا في مدارس بالهبل فتحوها .. السنة

شو رايكم بالمدارس الخاصة ..
قصايد غلا
16-01-07 ||, 04:42 PM
الــDNS "مدرسة دبي الوطنيه" اختربــت مب شرا قبــل ، و الكــل يتشكّى منها أحينه

امممم بنت عمّوه امدخله ولدها مدرسة وايــد زينه و دوم تمدحها
أنا يوم شفتها بعد عيبتني و أعتقد ادارتها بريطانيّــه

أسمها : Star International School ==> مب متأكده من الاسم بس اعتقد صح ، لو غلط لا تلومني تراني إلا مساعه ناشه من الرقاد :fa46: ...
المزوحي
16-01-07 ||, 04:45 PM
قصايد في فيستفال ستي شي مدرسة ديرة الوطنية وشي مدرسة اميركية اظن

وفي مدارس كذلك في منطقة المحيصنة (ديرة -دبي ) محد يعرف عنهن ؟؟

لأنه حد من العايلة في مدرسة الخليج واونه مب شي ونقولهم ..
هزاايم
16-01-07 ||, 05:02 PM
هيه محيصنه شي بها وااايد مدااس
لووول وصلوا اهل دبي
خخخخخخخخخخخ
أوكيك جدى محيصنه شي دبي تربيه الحديثه<<<لاتبيعون عيالكم وادخلوونهم

شي الأكادميه للبنات<<أوكي لكن واايد اجانب بها

شي قرين وود"الغابه الخضراء"<<مدري بنت اختيه هناك,,مااشوف اختي تتشكى

لكن دبي دوليه >_< اخوي كان اهناك لمده لكن الحين عالثنويه امايه ظهرته واايد سمعت رمسه مستويه وجذى,,فسحبووه,,

انا احب مواكب احس الرووضه أوكي عندهم=>
وشي uptown ولدنا اهناك و اوكي الصرااحه,,لكن وايد بها اجاانب=q

اتحاد للروضه بعد اوكي
وشي ميتوسوري"قرهود حذال جمعية الإمارات" يعني هي حضاانه لكن يخرجون بروضه أولى وأوكي حنا عيالنا كلهم دخلوا هنااك وتخرجوا من عندهم بدرجه روضة أولى=q
المزوحي
16-01-07 ||, 05:06 PM
التربية الحديثة وحده من الاهل دخلت عيالها وطلعتهم .. سنة وحده بس ..

الاكاديمية وين مكانها ؟؟

قرين وود يقولون زينة لحد الحين

دبي الدولية ؟؟؟!! ( بلاااااها بعد )

الموااكب ... خير شر مانباها

الاتحاد ... زينة

آب تاوون مادري عنها
قصايد غلا
16-01-07 ||, 05:07 PM
تبا الصدق ياخويه ، انا ما أعرف مدارس دبي كلها لأنه افتكينا من طاري المدارس في بيتنا

و اليهال عندنا أغلبهم في الشارجه في الــSBS "مدرسة الشارجه البريطانيه" يهال العايله أغلبهــــــــم في هالمدرسة :14:

وعندنا يهال في الشويفات ، و ويس جرين والوحدة ===> هاييلا اللي اعرفهن في الشارجــة :)

لكن في دبي ==> ستــار والـDNS لكن المدارس اللي تطريهن والله ما اعرف شي عنهن

بس اتخبّروا عن ستار لأني أشوفها زيــنـــه وطبعا الدور الكبير على الأهل شو ما كانت المدرسة:yes:...
المزوحي
16-01-07 ||, 05:09 PM
قصايد

يبالنا ننشد عن Star International School أكثر
هزاايم
16-01-07 ||, 05:11 PM
الأكاديميه اظني جدى التربيه الحديثه

وآب تااون أوكي حتى مبنااهم نااايس

ليش مواكب حلوه عسب عيالكم يتعلمون باديك باديك انا مش لعبه بيدك=q قصدي بيعلموونهم فرنسي وآب تاون يعلمون ألماني"والله حاله نحن نتخرج ويا الله نلقط كم كلمه بالهندي والأردو وهذول شبر ونص لغات دنيا"

دبي الدوليه,,مدري شو السالفه

شوف قرين وود أوكي والإدااره اهناك كلهم من أهل البلاد واغلبيتهم من المنطقه التعليميه و الصرااحه صح في اشياا تعيسه عندهم"يعني اونه يعطون امتحان للصغاريه عيال الروضه يختبرونهم وش لقطوا من الكورس"لكن تعاملهم ويا الصغاريه حلو
المزوحي
16-01-07 ||, 05:21 PM
هزاايم عيل يبالنا نشوف greenwood و uptown

Star International School
الدلووووعة
16-01-07 ||, 05:59 PM
داخله عرض
مايخصني بظهر احسليه
بس حبيت اسلم ^_^
المزوحي
16-01-07 ||, 06:09 PM
مرحبتين .. سلامج وصل ...
تحفه
16-01-07 ||, 06:52 PM
شويفات دبي + الامارات الخاصه + المواكب.

الاتحاد دمرانه بس فرع جميره اهون من فرع الممزر. ( الطلاب شياطين وايد )
امممم .. دبي الوطنيه ( الجيل اليديد ) مب شي .. مافي مواطنين وكلهم زلمات وكلحد يتشكى!
دبي الدوليه ( موول مب شي ) اداره ضعيفه واساتذه مب مؤهلين.

شي مدارس يديده .. بس احسن شي على الساحه الامراتيه شويفات و الامارات الخاصه في ام سقيم.
تحفه
16-01-07 ||, 06:53 PM
في بوظبي اكادمية الشيخ زايد للبنات - الوردية - الصنوبر .. مادري بعد
هزاايم
16-01-07 ||, 06:57 PM
في بوظبي اكادمية الشيخ زايد للبنات

ماخفيااا أعظم ياخويتي:fa45:

شويفاات
الإنجليزي أوكي والعربي هيهيهيهي عليه السلام
تحفه
16-01-07 ||, 07:02 PM
ماخفيااا أعظم ياخويتي:fa45:

جيـه ؟


شويفاات
الإنجليزي أوكي والعربي هيهيهيهي عليه السلام
ألله والعربي الي عند عيال الحكومه الي ندرس كل المواد بالعربي مادري كمن سنه .. وبعدني اغلط و نسيت كل الايات الي حفضتهم مال الدين و الاعراب لو تساليني بخلي كل شي مضاف ومضاف اليه وجار ومجرور :fa46:
المزوحي
16-01-07 ||, 07:13 PM
يابويه عن الير والضرب

نبغي مدرسة بالانجليزي والعربي اوكي

يعني الشويفات اوكي الحين ؟؟؟

هممم مدرسة للولد يدرسونهم ويخلصوون كل شي هناك عن المذاكر في البيت
هزاايم
16-01-07 ||, 07:54 PM
جيـه ؟


ألله والعربي الي عند عيال الحكومه الي ندرس كل المواد بالعربي مادري كمن سنه .. وبعدني اغلط و نسيت كل الايات الي حفضتهم مال الدين و الاعراب لو تساليني بخلي كل شي مضاف ومضاف اليه وجار ومجرور :fa46:

عن الأكاديميه
عندج حد هناك
سأليهم هم والنهضه وش يسوون"أحزاب ضد اداراتهم التعيسه إللي تتبلا على الرايح والرااد,,يعني الإداره تعباانه بس الحين قاموا يغيروون اشوي اشوي بهم لكنه بعده ماخفيااا اعظم"

لووول لا الإعراب خلينا بصوب :tounge: ,,,ولد خالتيه متخرج من شويفاات,,تعبير العربي ماله,,شرات رمستنا الحين,,وحاطين له97 من105 <<<ماانسى يوم خالوه تقول لنا السالفه

انا اقول اتحاد اوكيك
والمدارس إللي قلت بتسأل عنهم,,,انشد عنهم
هزاايم
16-01-07 ||, 08:00 PM
شي الإمارات الوطنيه "بوظبي"
نظااهم حلو و كل شي فيه أوكي
مزايا
16-01-07 ||, 08:19 PM
عيال أخوي فـ دبي الوطنيه ويمدحوونها وايد
شمعة أمل
16-01-07 ||, 10:20 PM
مدارس خاصه

البحث العلمي .. يمدحونها
شويفات .. صعـبه لكن زيـنه
الاتحاد .. الدراسه مب لهناك .. البنات & أولاد معظمهم مختربيـن .. لكن يكونون صداقات وايد حلوه .. بالنسبه للبنات .. صدق يعرفون معنى الصداقه في هالمدرسه
دبي الدوليـه .. وايد زينه
دبي الأولى .. نص نص .. لكن بس فيه مواطنين والمدرسه وايد صغيره
الامارات الدوليه .. مكـس ومب لهناك
دبي الوطنيـه .. بصراحه .. ماسمعت حد يمدحها ابداا

اذا عندكم واسطه .. مدرسة لطيفه & راشد..
بالنسبه للطيفه .. حلو من الحضانه ل يمكن سنه 9 ولا 10 .. بس من سنة 10-13 لوعة جبد وصعب .. لكن دراستها وايد أوكيـه .. وحاليا مايقبلون غيـر المواطنات
راشد .. خرااب لول! .. بس رحلاتهم شــيّ الصراحه .. من ناحية الانجليزي بيكونو برفكت .. من ناحية العربي .. بيرمسون عامي 100% لكن فصحى 10% ولا حتى صفر .. لول *العربي في لطيفه شووووي أحسن هههههه*
الشي الأوكيــه في هالمدرستيـن .. انه مب لازم تحاتون مستقبلكم ابدا ابدا ..
أول شي الدراسه ببلاش .. الرحلات ببلاش .. الديوان تدفع لكل شي .. واي جامعه حكوميه أواماراتيه تقبل طلاب وطالبات هالمدرستيـن حتى لو كل علاماتهم F .. وصح .. ماشي رسوووب .. يعني ماتعيدون السنه:a034:
لـكن
اذا ماعندكم فلـوس .. ومب من النوعيه الى تشترون ماركات وسييايركم مب حلوه .. لاتفكرون تسيرون هالمدرستـين .. لانه you wont fit in :fa46:
المزوحي
16-01-07 ||, 10:23 PM
يعني تنصحينا ندخل الصغيروني مع خواته في دبي الدولية ؟؟؟

وإلا أحسن نيرب مدرسة غيرها ؟؟؟

مثل اللي طروها الاخوات ... او البحث العلمي ..
شمعة أمل
16-01-07 ||, 10:30 PM
أول شي
يعتمد على البدجت .. لانه الى اعرفه .. اسعار المدارس هالأيام بايخه ..

من ربيعاتي .. هم نفسهم جربو هالمدارسه وخوانهم + خواتهم فيها .. ف أعرف انهم أوكيـه..
سيروو جوفو المدارس.. وبتعرفون شو احسن شي للياهل..
كل شخص غيـر
بس شخصيا
احس الدوليه احسن
الـيـاه
17-01-07 ||, 12:32 AM
دخلوه المواكب ams ( عنصريه بالقو لول ) .. احسن مدرسة جفتها وأكثر مطورة :a074: وشي لاب توبات بدال النوت بوك
الاتحاد aips .. لا تفكررررررون فيها .. وايد لوعة جبد ومنهجهم زفت كل حد يبا يطلع عياله

دبي الوطنيه dns .. قبل اوكيه احين وايد تعبانه
وشويفات درست فيها يوم صغيره .. واايد اوكي بس صعبة لدرجة الجنون لول وبعدين هم لا بريطاني ولا امريكي ( مكس ):fa52:

لطيفه و راشد .. لاااا احيد اول ما رمست عن مدرسة لطيفه جدام مديرنا قال
هايلا شو منهجهم جدام منهجنا .. ولاااااا شي :doh: وكله لوكل
التربية الحديثه : بنت عمتيه كانت فيها وتقول كله لعب
دبي الدولية : احين هاي مدرسه هههه خل يعدلون مبناهم أول وبعدين احين ستوت كله زلمات وربيعتي اللي كانت هناك
ستوت تقول ( كنت أدرس في أم باب أخضر ) لدرجة انها مستهينه فيها بس الله يعلم

احسن مدرسه هي Universal American School في نظري
المدرسة الأمريكية العالمية في دبي
عيال عمي الأولاد فيها .. تهيىء طلابها من هم صغار للجامعه وعقب ما يخلصون المدرسه يعطونهم IB diploma
عشان يعدون البيسك وسيده يدشون ميجر
وشي من KG لين grade 12 ويدرسون فيها اجانب مب بس عرب واللي يبا ممكن يدرس لين grade 12 بس في اختيار
انه يدرس سنه زياده وبعدين يرفعونه فالجامعه لكن لاازم ع الأقل يكون عندهم من grade 10
ودوامهم عادي لين 2 الظهر بس بعدين يبدا الاكتفيتي لين 4
شمعة أمل
17-01-07 ||, 05:04 AM
مديركم الصراحه مايعرف شي:Oo:
لطيفه + dubai college معروفين انهم أحسن مدرستين في دبي..
ومنهجنا مب اي شي .. امتحاناتنا اتيي من جامعة كييمبردج في لندن .. ويطرشونهم + البروجكتس هناك.. عشان جي نحن من 11+12+13 .. ماعندنا حياه!
الـيـاه
17-01-07 ||, 05:17 AM
هههه مب المدير كل حد اصلن في المواكب من تطرين مدرسة تلوع جبدهم
أول شي لان كلها لوكل وها أخس شي وكله رولز ع الفاضي لو شي بوي سيكشن مادري شو بيسوون ..
والا اللي وحده ليفل 2 يعني حتى توفل 500 ماعندها

يمكن هي تكون أعلى بالمستوى من قوم
دبي الوطنيه - الدولية - الاتحاد - التربية الحديثه ( هايلاا التعبانين )

بس ماشي مقااااارنة أبداً بين لطيفه ( والمواكب و يونيفيرسيل وشويفات وفيكتوريا تعتبر لطيفه أخس وأكجر شي مبينهم ) !
وفي فوز المواكب بجايزة حمدان بن راشد قال في كلمته في لقاء المدرسه أن المواكب أكثر مدرسة مطورة في دبي وفرع لبنان
لدرجة أن مافي شي اسمه نوت بوك عشان الطلاب مب مكاين

بس لو على أيامي وكان الشور شوري
الصراحه جان اخترت يونيفيرسل
المزوحي
17-01-07 ||, 03:34 PM
الياه ترانا الحين من ضمن القايمة

نبغي نشوف Universal American School
تحفه
17-01-07 ||, 07:25 PM
أحيد يوم بابا خلى خواني هم في شويفات بس إيربون راشد الخاصه اسبوع علشان يشووفونها أوكي ولا لأ -لأنه ربعهم كانو ثلاث ترباعهم منتقلين لها- ما قدرو يستحملون نظامهم.. من ثالث يوم قالو بيردون شويفات
شمعة أمل
17-01-07 ||, 10:20 PM
الياه
خلي راشد في صوب
لكن لطيـفه!
الى عندنا في جامعتكم .. او خليني ارمس عن بنات صفي الى في جامعتكم .. كل وحده عندها التوفل .. ويابين فوق ال600 فيـه
انتي تعرفين كيف انا اكرهه مدرستنا لانها صعبه ومن كثر القوانيـن .. لكن في الأخيـر وايد استفدت منها .. ومابجاملها عالفاضي..
يوم كنت في المدرسه كنت أعتبر Average .. كنت اييب مكس A &B وهذا افرج .. يعني في النص .. لكن في الجامعه .. أول وحده على الكلاس.. وكل ها بفضل المدرسـه

انا ماقول ماعندنا بنات علاماتهم مب أوكـي .. طبعاّ عندنا .. لكن مستوانا اعلى من المدارس الثانـيه


بس في الأخيـر

ماشي نظام مدرسـي يتحدى البريطانـي .. اسألـي اي حد متخصص في الeducation .. وهذا مب خقه مني لاني من سستم بريطاني .. لكن ناس ساعدوني ويا الجامعه خبروني هالشـي بنفسـهم
أحسن جامعات ومدارس هم البريطانيـه .. لانه ال GCSE & A-Levels من اقوى الشهادات المدرسـيه


انتي ماتعـرفين كيـف مدرستنا صعبـه .. صديقيني ماتعرفيـن
مرضنا من كثر الشغـل وقلة الرقاد..
أبلواتنا 99&#37; بريطانيـات .. ومايرحمـون..
الجـامعه .. بالنسبالنا ولاشي .. مقارنة بالمدرسـه .. لدرجه 2 من صفي في الامريكيه ويدرسون هندسـه .. وهالتخصص في امريكية الشارجه معروف انه أصعب تخصص.. تعرفين شو قالو؟ .. المدرسـه أصعـب وأخس عن الى نسويـه الحيـنه
وبنات جامعة زايـد .. برمس عن الأفرج .. مب الى وايد شطار ولا الى مب لهناك .. وحده قالتلي we use 1% of our brain there .. تحس انه تافهه


"اللي وحده ليفل 2 يعني حتى توفل 500" مادري من وين يبتي هالشي .. لانه 100% غلـط ..
الـيـاه
17-01-07 ||, 10:51 PM
امبلا متأكده بناتكم ماعندهم توفل بقولج الأسامي عقب وبتعرفين ان 100 &#37; صح ..
لكن ارد واقول ان هالشي معروف ان ماشي مقارنه بين لطيفه والمواكب وشويفات ابد ( صفر ع الشمال ) لول

شويفات من Grade 1 صعبه مليون مره عن مدرستكم واحسن

المزوحي
انصحك الصراحه لان صدق ال يونيفيرسل شهادتها توب

بوظبي
صح معروف ان راشد زفته .. والرولز في صوب واخس شي مدرسه كله مواطنين ههه شو بيطلع منهم يعني
شمعة أمل
17-01-07 ||, 11:00 PM
الى في زايـد في كمن وحده ماعندها توفل
اما امريكيـة الشـارجه .. صفـر

ماترومين تقارنيـن شويفات او اي مدرسـه غير بريطانيـه بمدرستنا .. لانه نظامهم غيـر

ال جي سي اس ايي .. غير عن الآي بي .. وغير عن السستم اللبناني .. وغيـر عن الامريكـي
مايستوي تقارنينهم ويا بعض .. بس يستوي تقارنين الى عندهم نفس السستم ويا بعض

لكن في الأخيـر
مهما كان
البريطاني أقـــوى
الـيـاه
17-01-07 ||, 11:15 PM
بس كجره مب مطورة
لكن منو قال شويفات امريكي لول
المزوحي
17-01-07 ||, 11:18 PM
زين تعرفوون هاااي اللي صوب بريد بوهيل ... كـــوين ؟؟

شو رايكم بها .. دراسة بريطانية
هزاايم
17-01-07 ||, 11:21 PM
^^موب اوكي تعاملهم ويا الصغااريه
المزوحي
17-01-07 ||, 11:24 PM
هزاايم .. صدق ؟؟؟ شو استوى

همم نحن حاطين بنوتتنا هناك .. مدرسة يديدة وحد يقول قوية ويمدحها لنا ..

همم قلنا لهم انقلوها منها
هزاايم
17-01-07 ||, 11:27 PM
ناس بعيوونهم شافوا مسؤوله من الإداره ماطه ياهل من يده "وللي شافوا اهم شي عندهم التعاامل ويعرفون إذ الشي إللي صار يستاهل هالعقاب ولا لا "
الـيـاه
17-01-07 ||, 11:29 PM
المزوحي
مدرستاهم المصاروه خيااس .. ماعرف حد فيها لكن مره شفتهم يايبينهم رحله
ولد يصيح عشان الثاني ضربه وهي بدال ما تفهمهم الغلط والصح
يالسه تواجعه ( مب عربي هو ) مادري شو اصله
المهم
عقب سحبته من فانيلته عند المغاسل عسب يتغسل من الرمل وما يلعب
الـيـاه
17-01-07 ||, 11:30 PM
اويه هزايم توني اقرا ردج
يمكن جافو نفس موقفي هههه
المزوحي
17-01-07 ||, 11:31 PM
صــدقــتوا ..،، يبالي أسأل عن البنت ... شو المدرساات .. قولي الصدق ...

بلاهم مالهم بارض على اليهااال
هزاايم
17-01-07 ||, 11:31 PM
^^^وهذي ثاني شااهد

انا اقول مواكب للروضه حلوين
والله يخبلووون
احس عندهم خبره تعامل ويا الصغااريه مدري يعني بس جي اقول من"اليير بووك"

انت انشد عن المداارس وشوف وش يريحكم
الـيـاه
17-01-07 ||, 11:35 PM
المزوحي
شي من الزلمات جلاب ترا ( فيهم مرض )
المزوحي
17-01-07 ||, 11:35 PM
هيه .. تراني أنشد .. وأنشدكم

بس المواكب مانحبها ...

زين شو رايكم بالمعارف

ربيعي مدخل ولده فيها ويقول زينة .. في ناس تمدح وايد لكن مب شرط .. تكون اللي نباها
هزاايم
17-01-07 ||, 11:47 PM
معارف هذي إللي فريج دبي وطنيه والبحث العلمي وشي السلام بفريجهم لووول عيال دكتور البريطاني اهنااك لوتريد منهج بريطااني دخلهم دام ولد الإنجليز مدخل عياله
انشد عن قرين وود
إداره مواطنه يعني حلو وبنووتنا مستانسه"نظامهم إمريكي"
واب تااون لوكنت بفريجها بتكون قريبه و الرووضه اوكي"ونظامهم بريطااني+حلو مبنااهم=>"
المزوحي
18-01-07 ||, 07:31 AM
زين نشوف أب تاون وقرينوود