الثانوية الطامة

[ولد الشحوح]

السلام عليكم ورحمة الله وبركاته
شحالكم .... شو أخباركم
بس أنا فخاطري كلمتين ليش إمتحانات الثانوية من المناطق التعليمية مب من الوزارة :k_no:
يعني بتتفاوت الصعوبة من منطقة لأخرى وفي ناس بتحصل نسبة ما تستحقها على حساب ناس ثانية
الله يستر من هالسنة :Oo:

[بوزايد]

هلا ولد الشحوح

انا ما عندي فكره عن الموضوع

اول مره اسمع من عندك بس انته متاكد من هالسالفه


لو صج ...صراحه في ناس بيظلمون صج والله


الله يعينهم

بس شي في الموضوع يمكن

[قرموشة]

ليش الامتحــانــات ما تكـون مـن الوزاره !
اللي أعرفـه انـه امتحـان واحـد مـوحده
=S

[ولد الشحوح]

انا بعد كنت أظن انه من الوزارة بس بعدين قال لي واحد من ربعي انه من المنطقة
مب بس الإمتحانات والله حتى في التقويم وايد حالات ظلم ونشتكي نقولهم ها مستقبلنا يمكن انقص درجة وحدة تحرمني من التخصص اللي اباه بس لا حياة لمن تنادي فالحين فالرمسة وما شفنا شي خاصة إذا كانت إدارة المدرسة حدث ولا حرج

[بوزايد]

الله يعينكم اخوي وان شاء الله نسمع النتايج الحلوه الي ترفع راسنا

[الدلووووعة]

هيه انا من كم يوم اربيعتيه خبرتني بجي

الامتحانات هب من الوزاره من المناطق التعليميه

كل الامارات يمتحنون نفس الماده في ها اليوم لاكن الاسئله تختلف من منطقة للثانيه
بس جي ظلم يعني في مناطق تكون امتحاناتها وايد سهله ومنطقة ثانيه وايد صعبة

يعني انتو يوم بتسن ها القرار ادرسوووووووه عدل ومن كل الجوانب هب من جانب واحد


الله يعينكم ياخويه

[هزاايم]

لاعبين فيكم لعب

الله يعينكم
بس صدق ظلم

بس اخوي على السنه إلي طافت,,امتحانات نص السنه كانت من المنطقه,,وآخر السنه موحد لأنه ثنويه عاامه,,وهالقرار من زماان

لكن انتوا غير عن قبل,,والله حليلكم,,

[القلب]

امنو قال الامتحانات من المناطق..

الامتحانات موحده من قبل الوزارة .. و اكبر دليل المقالات الخاصة بامتحانات الثانوية
اللي تنحط بالجرايد !!!!
و سؤال الكلمات المتقاطعه اللي يه في امتحان الدين.. الطلاب من مختلف الامارات اتشكوا من صعوبته
<< يعني الامتحانات موحده

و احس هالنظام واايد اوكيك^^
و ربي يوفقكم =)

[بنت الدلع]

كل سنه لازم يعقدون المسائل على الطلاب

الله يعينكم ويوفجكم ان شاء الله

[بوزايد]

انا اقول بعد موحده

اعتقد سمعت انه في شكاوي بالراديو على الامتحانات يعني موحده

[الوحيدة]

لا غلط غلط غلط .. الامتحانات من الوزارة وموحدة عـ كل الدولة .. !!!

بس امتحانات التقويم من المدرسة ..

[ولد الشحوح]

هيه موحدة بس نحن قالنا مدرس انها من المنطقة ولعوزنا بس هالنظام ناجح كفكرة فاشل كتنفيذ نحن موادنا وايد دسمة ما تصلح حق هالنظام تخيلوا ما اشتغلنا عالتقارير والمشاريع الا آخر اسبوعين لانهم كل يوم والثاني امتحان ماشي وقت نشتغل عالمشاريع والتقارير وآخر أسبوعين والله ما كنت أرقد إلا الساعة 3 ويوم نقول حق المدرسين يقولون انتوا مسوفيين كيف مسوفيين وانتوا شاغلينا بالإمتحانات والله قهر وايد مغالطات وظلم يرتكبه المدرسين بحقنا ونشتكي بس ............
الله يكون بالعون بس صدقوني والله في ناس بتاخذ نسب فوق ما تستاهلها وناس بتنزل وهي تستاهل تكون فوق ...

[وحي القلم]

الله يكون فالعون

هم يسوون بلاويهم و عقب يردون اللوم علينا نحنى :glare:

محد يحس :k_no:

..

[ريم العين]

17 ورقه بثلاث ساعات

مال امتحان الانجليزي لثالث ثنوي

الله يعينا نحن يوم بنكون ثالث ثنوي

[دمعة شوق]

:a033:
الامتحـانـات نـص السـنـة موحـده للإمارات السـبع كلـهـن
اللهم بس التقاويم يكونن من المدرسة نفسـهـا
إما الامتحانات نص السنـة من الوزارة ومـوحـدة
؛؛
والـدلـيـل
الشـكـوى من امتحـان الـديـن اللي كان 10 صـفـحـات
والشـكـوى عن امتحان الانجليـزي اللي كان 17ورقـة
:fa35:

[ولد الشحوح]

المفروض بعد امتحانات التقويم تكون موحدة لان امتحانات استاذ تفرق عن استاذ ثاني وهني نحن يا ناخذ حق غيرنا او غيرنا ياخذ حقنا ........

[العجيبة]

المفروض بعد امتحانات التقويم تكون موحدة لان امتحانات استاذ تفرق عن استاذ ثاني وهني نحن يا ناخذ حق غيرنا او غيرنا ياخذ حقنا ........

نووو، ما نبـا

أحسن كل أستاذ يدلع طلابه ..

وبعدين يوم ناخذ امتحانات التقويم نقدر نعيد الامتحان لو أجمعت كل الطالبات على إنه مب حلو، ونقدر نغيب عنه بعـد.. :icecream:

[وحي القلم]

مب بس الامتحانات.. أصلا هالنظام مستحيل يكون فيه عدل بين الطلاب

لانه لكل مدرس أسلوب .. يمكن اتدرسني وحده متساهله فالدرجات و كل درجاتي تكون كامله عندها

لكن.. إذا ربيعتي فنفس مستوايه بس تدرس فمدرسه ثانيه و الى اتدرسها مشدده أكثر و تحاسب على كل شي بتنقصها على أشيا سخيفه

فهالحاله بتكون درجاتها أقل عني بوايد مع انه مستوانا واحد

[وحي القلم]

و شي من المدرسين امتحاناتهم تكون معقده الصراحه.. يعني وايد يلفون و يدورون.. الى يقرا السؤال يفهمه بطريقه غير عن الى يقصدها الاستاذ .. و يحل على حسب فهمه هو .. و آخر شي ينقص..
بالله عليكم الى يدرسون عند هالمدرسين شو يسوون؟!!

يعني من سابع المستحيلات اني أييب عند هالابله درجه كاملة فالامتحان.. مع انه مادتها مب وايد صعبه و وايد أركز على مادتها عن أنقص بس المذاكره ما منها فايده عندها.. مادري من وين تيب الأسئله

[ولد الشحوح]

الله يستر من هالسنة ... بس حرام ع آخر سنة يلعوزونا مشوار 11 سنة يضيع بقرار مب مدروس عدل وكل ما قلنا شي قالوا انتوا غلط ولا قالوا بنجوف ومحد يتحرك

[العجيبة]

تعالوا على سالفة الشكوى على الامتحان الفلاني والعلاني

أنا أشوف لو فيه شكوى منطقية ممكن نشتكي ونبح أصواتنا عليها هي

الاستراحة بين الامتحانات ..

يعني حتى يوم السبت دوام !! ومناهجنا أبدا مب هينة ..

مثلا دخلت امتحان الاحياء .. الوحدة الأخيرة قريتها قرااااااايـة ..

وأصلا نحن ( القسم العلمي ) مب ويه حفظ أو قراية وخلاص .. لازم نفهم كل نقطة وخاصة الصور ..

يعني نص يوم أبد ما كان يكفي ..!!

الحين شو الفايدة نحن أول ناس خلصنا ( يوم الخميس ) ؟؟

حتى قبل اليهـال نحن معسكرين في البيت ..

عادي والله ما نبا إجازة طويلة .. نبا نحقق شيء زيـن من هالامتحانات ..

بالعربي .. الله يعين كيف بتكون نتايجنا !!

[ولد الشحوح]

هالنظام بيظلم الكثير والله يجازي اللي كان السبب ...

[الوحيدة]

أنا وياج يا العجيبة .. يعني لو حطوا الأحيا ووراه الدين مثلاً ممكن نتقبل الوضع .. بس حطوا الأحياء وعقبه الكيمياء .. يعني يومين ورى بعض ما نرقد .. صدق عذبونا تعذيب ولا تعذيب بو غريب ..

الله يعينا ويوفقنا .. لا فوق كل ها مس الأحيا تقول انتوا تلعبون وما تسوين شي وما تشتغلون .. صدق قهر .. نحن نتعب ونتعب ومحد يقدر تعبنا ..

شو رايك .. نطرش كلنا رسالة للوزير ونناقشه بـ هـ النقطة .. لأنه لو حصل وايد شكاوى بيعطينا ويه .. بس لو أنا بس طرشت له ما بيسوي لي سالفة .. !!

[العجيبة]

أنا وياج يا العجيبة .. يعني لو حطوا الأحيا ووراه الدين مثلاً ممكن نتقبل الوضع .. بس حطوا الأحياء وعقبه الكيمياء .. يعني يومين ورى بعض ما نرقد .. صدق عذبونا تعذيب ولا تعذيب بو غريب ..

الله يعينا ويوفقنا .. لا فوق كل ها مس الأحيا تقول انتوا تلعبون وما تسوين شي وما تشتغلون .. صدق قهر .. نحن نتعب ونتعب ومحد يقدر تعبنا ..

شو رايك .. نطرش كلنا رسالة للوزير ونناقشه بـ هـ النقطة .. لأنه لو حصل وايد شكاوى بيعطينا ويه .. بس لو أنا بس طرشت له ما بيسوي لي سالفة .. !!

يا عيني أول مرة ادري انج اتابعين السياسة وبو غريب خخخ

ما خبرتيني شو النتيجـة ؟ ولا الظاهـر كلنا في الهوى سوى .. استانسنا بنتايج التقويم والامتحانات خربت كل شـي :glare:

على سالفة نطرش رسالة .. ههه المدارس طرشت ويوه من طلابها وطالباتها .. واظني سارة طلعت من مدرستكم وما سـووا شي غير انهم ضيعوا يوم كامل في مكتب الوزير اللي وعدهم انه هو اللي بيكلمهم وآخر شي ما ادري منو طرش بداله خخخخ

عاد يمكن بيخلي الـ*** يقرا الرسالة في حال ضيعنا أوقاتنا وكتبنا له ..:14:

[ولد الشحوح]

محد يسمعنا .... اللي خياله واسع يحلم انه وزارة التربية والتعليم تسمع وتعطي لرمستنا قيمة ....