منو يحـب الجـاهـي؟؟

[شمعة أمل]

السـلام عليكم ورحمة الله وبركـاته:k_blush-anim-cl:

يتني فكرة هالموضوع يوم كنت في سكشن الجاهي في هارودز لول!

منو فيكـم يشرب جاهي؟؟ وشو أنواع الجاهي الى تشربونه؟ ومن اي شركه\ماركه؟

هـل تغامروون في شراب الجاهي؟ .. بمعنى آخـر.. تشربون جاهي بنكهـات مختلفه؟ سواء جاهي عادي ولا جاهي فواكهه ولا جاهي صيني ولا جاهي مال أعشاب ولا جاهي أخضر..ألخ


للعلم
الجاهي = الجاي = الشاي = tea:biggrin:



والسموحه
شمعة أمل

[تحفه]

نحنا الجاي حليب في بيتنا مقدس ..

احب الجاي الاخضر لانه مفيد

احب جاي بالزعفران اييبونه من مزرعة خالي في السودان ( صدق ما اتمصخر )

ويوم بتذكر الماركات بقولج

[عافك الخاطر]

اوه .. انا وايد احب الجاي .. ف بيتنا الجاي لازم ينشرب 5 مرات ف اليوم :biggrin: بس انا عادي يعني .. ثلاث مرات ..مرتين ..
.
.

ماركة الجاي ما ادري والله !.. جاي حمر هو يعني ..جاي سيلاني:4: ..اشدراني:fa48:
وما اغامر في شرب الجاي اللي بالنكهات ..
ا1ا شي جاي جربتيه وطلع حلو ..خبرينا ..؟

[هزاايم]

عفانا الله انا ادماان لو مااشرب يجيسني صدااع

احب شاي كرك,,إلي ليكون ويا الورق الكرك
احب جاي حليب بدون العشب
احب شاي حمر
لووول مستويه كل احب انزين نغير نقول اشرب
اشرب جاي ويا زعتر مرااات
ويا زعفرااان مرااات
مااشرب الجاي إلي بدون هيل هب حلو طعمه مايعجبني
اما شي الأعشاااب ماافكر لأنه مااقتنع انه شي رغم انه احسن عن الجاي الأحمر ومايحرق الحديد لكن انا طبعي عنيد خخخخخخخ
وسلامتج
ميس يوو دبووه ابشرج صوتي خلاص قولي له باي باي

[الدلووووعة]

انا ماحب شي اسمه جاهي

بس اللي امي وابوي لازم الجاهي بعد الاكل ليش مادري احس انه عاده عدهم
يعني ابويه يظهر من البيت ويرد لو ظهر خمس
دقايق بس على طول نيبله جاهي

ومن اي ماركة
من لبيتون

عاد انا خليني احب الجاهي العادي عسب اجرب النكهات الثانيه ^_^

[ذنـيـنـي]

ييتي عالعوووووووووق

انا من محبين الجاهي

أحب الجرين تيي خاصة مع الليمون,,
اعصر فيه ليمون او احط شريحه ليمون في الكوب


و يعيبني الـ peperment tea
احب احليه بالعسل

الجرين تيي و البيبرمنت من شركه تويننجز


و يعيبني الجاي الهندي مال ليبتون
ما فيه جاي ,, عبارة عن زنجبيل و جرفه و ما ادري شو

بس وايد يعيبني, نكهته غريبه

احيد على ايام كاس العالم كنت اسوي حق ربعي جاي بالفواكه الحمراء
احيدهم وايد استانسوا عليه

و شو شو شو بعد
و ماشي

خلونا نشوف تجارب الاعضاء ويا الجاي
يمكن نحصل اشياء يديده نجربها

[مــهــابه]

نحـن فـبيـتنـا نشـرب الجـاي 3 مراتـ

طبـعـاً الـصبح جـاي حليـب عـادي وكـركـ ، عـاد انـا أكـون راقـدة الصـبح فـما أشرب

وع الضحـى جيـه فالاجـازاتـ أبـوية لازم يشـرب جـاي أحمـر مايحـب الليبـتون يحب الورقـ
بـس خوانـي يشـربون الليبـتون فـيسوون دلـتين وأيـام الدواماتـ يسوون الـظهر بـعد الغـدا


احيـان يسوون جـاي أحمر بـزعـفران ، واحيـان بـمراميـه ، واحيـان بـزعـتر

والمغـرب بـعد يسـون جـاي أحـمر فـالصـيف

أمـا الحين وفـالشـتـاء ، يسوون جـاي حليب بالزعـتر وبالزنجبيـل


والـعصر مـرااات نخلي البشكارة تـسوي لنـا كركـ يوم نـكون مـتجمعـين

وانـا مب وايد وايـد أشرب جـاي ، بس فـالشتاء احب الزعـتر والزنجبيل عـسب الدفـا والجاي الأحمر ماحب عادي لازم بزعفران ولا نعناع ولا مرامية المـهم لازم يكون فـيه نكـهة

[الـيـاه]

هااااااي
عليكم السلااااااام missed u يال عنزززز :icecream:

هيه أنا أحب الجاي خاصة يوم يكون مودي زفت وألا يوم أكون واااايد واايد رايقه أيلس الحوي أشرب جاي وأقرا أي شي

أكثر شي أحبه الـ *كرك* مال ليبتون وفـ بيتنا يسوون خلطة عجيبه داخله ويا البسكوت المطحون
يطلع يممممييييي + الجاي الاخضر مال زسينسو وااايد أحبـه :inlove: و توينجس لكن يوم يخلص أتغصص
لانه من لـندن

وفالاخــير الجاي الاحمر مال ليبتوووون :alien:


.
.
.

وبس خلاص
شمعووه يبييلي كريسبي كرييييييم انزيين :d014: لول جوك

[وعد]

اموت علي شئ اسمه جاي
احنا في بيتنا الياهل من عمره 3 سنين يصير مدمن جاي :4:

بالنسبه لي ما احب الا شاي الهنود هذا الي يسمونه الكرك
طبعا مع الحليب:yes:

ام هالجاي الي بالنكهات ما احبه لانه ما يقند راسي :14:

[خيال الحب]

:k_harhar1: انا من شفت الموضوع قلت اكيييييييييييد شمعة امل مافي غيرها:k_harhar1:



:k_harhar1: انزين ياااااااا شمعة امـــل


الجااااااااااااااااااااهي = شي خيال الحب كان ما يدانيـــه لين السنه الي طافت..

يعني الجاي شي مب مهم في حياتــي..

حد صبلي جاي اشرب ماقول لا..

بس يوم اروح الجامعه.. كنت اشتري الجاي الاخضر الي يبيعونه في ستار بكس.. لاني كنت وايد ازجم في الجامعه .. بسبب البررررد:d014: ,, وطعمه كان وايد حلوووووووووو عسب جي كنت يوميا اشربه ولين اليوم تقريبااا اشربه لاني مريض ياحليلي:d010:


وووو اشرب حليب بالزنجبيل:fa56: بالغصب

وحليب زعتر

حليب نعناع

لازم حليب:k_harhar1: ماحب الجاي وايد


بشكل عام يعيبني الجاي الاخضـــر احسه احلى عن الاحمرر بوايد


وبس


هي صح شو بعد هاي ماركات الجاي:fa56:


انا امي يوم كنت صغير كانت تشتريلنااا شاي ديوور.. بس الحين كبرناااا قامت تشتري LV

:hysterical: :hysterical:

صيييييييييييييييييييييييي ييييييييييو:k_harhar1:

[قصايد غلا]

مـــــــــرحــــــــ:a070:ــــبــــــــــا


امممممم الجاهي مب مهم عندي وااااااااايــــــد :)

يوم ايي على بالي أشـــربه ، لكنه من 3 أسابيع تقريبا ما يا على بــــالـــي لوووول

يعيبني الجاي الأحمر مال ماركس & سبنسر ==> أحس به صدق جااااي حــمــر بمعنى الكلمة
من أغطّه في الماي غدا حمرررررررررر :4:

أحب الجاي ويا الحليب مرااات على العشا و الريوق :)===> ويا حليب المراعي القواطي لأن الــرينبو (بوقوس) أحس به غششش :biggrin:

ما أحب شي اسمه هال أو جرفه يكونون في الجاي أو شي من ربعهم (هالسوالف العطريه) لأنها تخلّيني اتنرفززززز وأصدّع و ودّي أصفع اللي جدامي :argue:


بس أحب الزعــــــفـــــــران والنعناااع ويا الجاهي


شـــــــــــكــــــــــرا شمعه على الموضوع ...

[فركوشه]

درب درب انا وصلت..

انا احب اشرب الجااي الاخضر.. وجاي حمر بس على شرط .. سكررررر زيااااااااااده..

ويعيبني الـ كرك.. يا لزييييييييز..

بس ما يعيبني اشرب الحليييييييييييييييييييب بروحه .. تلووع جبدي على طوول..

[شمعة أمل]

اكتشـفت شـي:4:

أنكم أبداااااااااااا ماتغامروون هههههههههه :hysterical:


لي عوده

بسـير اتمشى:biggrin:

[المزوحي]

مرحبا

الصراحة انا مب من محبي الجاهي ، وعاد دخلت الموضوع الحين .. فبرد عليج ..

أحب الكرك .. اما إني لازم أشرب جاهي حمر .. لا ..

إذا سرت عند حط وصب بي استكانه وبحيث يكون خفيف وأحبذ لو فيه زعفران .. عادي

أما الجاهي بانواعه ما أحبه .. شفت 6000 نوع في سبينس ... وبنكهات لكن ما أشربه ..

أما على طاري الهال .. والزنجبيل والزعتر ... هذا يكون في الحليب بدون جاهي ..

وشكرا لج على الموضوع :fa56:

[ظبية]

يا سلاااااااااااااام عالموضوع جااااااي :biggrin: شااااااي :biggrin: tea


أنا احب ومدمنة جاااااااااي بالزعفراااااااااان هو واللي بالنعناع يا سلاااااااااااااااااااام يفرون مخي فره :wacko:


وبعد جاي حليييييييييييييب :yes:

[شوق القلوب]

السلام عليكم...


موضوعج حلوووو يا شمعه...و اكيد برجعله.. الحين انا في نصف حاله ذهول + تسطيـــــل = لاني مب راقده غير 3 ساعات :Oo:

..


المهم.. و ع السريع

كنت اتوقع انه حد اييب طاري الجاي بالياسميـــــن..!

بصراحه جربته و حبيــــــــــته... اللي ايي في قوطي كلها نكهات و من ظمنها الياسمين من توينجر.. ( طبعاً هو جاي خضر بنكهه الياسمين ).. بس عقب جربت اخذ باكيت كامل .. بس مووول ماكان بنفس حلاه هذاك..

..
..

[شوق القلوب]

في هارفي نكلز عندهم جاهي ابيض ..!

كنت بغامر و بجربه.. بس عقب رديته..

حد منكم جربه ؟؟

[خنفروش]

نحنا الجاي حليب في بيتنا مقدس ..


:fa56:




احنا في بيتنا الياهل من عمره 3 سنين يصير مدمن جاي :4:


:fa56:

أنا اتحرى بيتنا هو البيت العجيب // الله يسلمكم للحين ربع الطفوله إذا التقي فيهم ينشدوني عن الجاي حليب (( شاينا قريب من الكرك ))

الكل يشرب الشاي في الاكواب كبيرة الحجم // و من تـنـّـفض دله تدخل الثانيه

بس الشاي الي يخبل بي صق جاي بيت عمي (( الله يرحمه )) شاي حليب و بالهال

و إذا طريتوا الزنجبيل فمع الحليب بس و من القهوة الشعبية فالشارجه

عن سؤال المغامره // ما ادري إذا الي اسويه يعتبر مغامره // بس إذا انعزمت // يعني ما اتردد // شربت شاي الاعشاب و الشاي الصيني و الاخضر // اشربه بشكر و بدون على حسب ذوق المقدم

[حلم الطفوله]

السلام عليكم صديقتي شمعة أمل:a074:

قصتي مع الشاي الأخضر كانت من مجامله وانجلبت إلى إدمان:image005: ...

جربت أنواع كثيره واستقريت أخيرا على توينجر بنكهة النعناع ...

بس صدقوني أول فنجان شاي شربته عند صديقتي كان عجيب ؟ نكهته وطريقة تحضيره عجيبه ؟ :3:

حتى الكركديه تسويه غير ...ما شاء الله عليها ... عأساس إنه مزروع بحديقة البيت !:14:

وأحب الزهورات والبابونج والمراميه .................يعني كل انواع الأعشاب :fa35:

[حلم الطفوله]

رديت مره ثانيه :fa35:

عندي معلومه بغيت أخبركم إياها ...

لما بتفورون الجاي سواء احمر او أخضر ...حطوا وياه أوراق من شجرة الليمون لو عدكم !

تخلي الطعم مميز والنكهه عجيبه .....جربوا وخبروني :yes:

[شمعة أمل]

بوظبي
يبالنا نجرب جاهي حليب بيتكم :k_blush-anim-cl:

عافك الخاطر
يعني بس تشربين جاي حمر؟ =)

هزاايم
ممكن اعرف متى ناويه اطرشيلي كرك بيتكم :3: لول miss u too :fa35:

الدلوووعه
لوووووول:4: تسلمين على المرور

ذنيني
انت اول واحد ترد على موضوعيي من الى يغامروون:biggrin: انا بعد مرات احلي الجاهي بالعسـل .. خصوصا الى فيهم نكهه .. ولا ماحط شي فيه لول .. الا الحمر + كرك طبعا فيه سكر

مهابه
تدرين
في العيد كانو مسوين جاهي بزعفران .. مادري ليش ماعيبني وايد؟

الياه
missed u more yal sheep:4:
"وفـ بيتنا يسوون خلطة عجيبه داخله ويا البسكوت المطحون" يوم ارد طرشيلي دله من هذا لو سمحتي:biggrin: هدية رجوعي لول:k_blush-anim-cl:
وعن الكرسبي كرييم ترا سويتلج اهداااء p=

وعد
"احنا في بيتنا الياهل من عمره 3 سنين يصير مدمن جاي " ماشااءالله لول انا في هالسن كنت مدمنة حليب:biggrin:

خيال
ماشاءالله حافظين اني مدمنة جاهي:biggrin: هههههه
تدري
الجاهي مال ستاربكس .. هم عندهم نوعين الى herbal .. انا يوم من الأيام بس جي سرت واشتريت القوطي .. بدون ماجربه .. وبصراحه مول ماعيبنيي .. انته تاخذ اي واحد؟؟ .. لانه شكلي انا خذت الثاني الى مب حلوو:k_no:
وعن ماركات الجااهي لووول مااقصد جيييي .. تراني كتبت شركه\ماركه لول .. اقصد ال brand:yes:

قصايد غلا
انا بعد .. مول ماداني شي اسمه هااال >_< dunno why

فركووشه
لول عكسيييي .. انا ابدا ابدا ماحط شكر .. بالزوور احط نص خاشووقه ههههههه

المزوحي
ولييش ماتجرب .. طعمه حلوو والله:biggrin:

ظبيه
احب الجاهي المغربي الى ويا النعناع 3> عجييب

شوق القلوب
ماجرب الى بالياسمين .. السبب سخيف .. لكن لانه وحده ابدا مادانيها اسمها ياسمين :4: ..
نصيحه مني لج .. جربي rose tea .. احلى جاهي بتشربينه في حياتج:heart:
وعن الجاهي الأبيض
اناااااا جربته الى بنكهة orange and spices من شركة نومي شي جيييي .. اشتريته اليوم .. طعمه غريييب على نت بااد

خنفرووش
لا p= ماتغامر واايد

حلم الطفووله
مسس يوو:k_blush-anim-cl:
جربي
جاهي اخضر بالليمون من نيووترشن بلانت .. بيعيبج وايد!

[ذنـيـنـي]

انا من متى اتريا الرد لول

انزين انتي ما قلتيلنا عن your اكبيرينس ويا الـجاهي D=

[شمعة أمل]

جاهي اعشاب ..
عندنا نوعين في البيت .. نيبهم من الصين
واحد شكله كوره .. يوم تحطونه في الماي .. يستوي ورده .. صحّي وااااااااااااااااااااايد.. بما انه القريه العالميه في دبي .. اكييييييد بيبيعوونه هنااك .. القوطي وايد حلووه .. عالغطا شي تنيين عود ذهبي:biggrin:
وشي نوع ثانيي .. جي قطع صغار صغااار .. يوم تحطونه في الماي يكبر .. بعد وااااااااااايد صحي .. وطعمه جيي مادري كيف بس خفييف .. ماتحسوون فيه


Rose Tea
أكتشفت هالشي من اسبوع .. في بيت ربيعتي
حاليا حصلته من 3 شركات
1- توايننغز .. ماعيبني وايد لانه بس 2% ورد .. و98% جاهي ..
2- ماركه سرلانكيه .. ماعرف شو اسمه .. الكرتون وردي .. واييكم ك اكياس جاهي .. حلووو:k_blush-anim-cl:
3- من هاروودز .. واحلى واحد .. لانه جاهي اصلي .. مب في اكياس ولا شي .. جي جاهيي وورد تحطونه في الماي .. وعشان تحلونه حطوو عسل:fa35: ولا سكر.. احلى جاي ورد شربته & الى في بيت ربيعتي .. بس ماعرف هي من وين اشترته .. بطرشلي يوم ارد دبي:biggrin:


ROZA TEA
من أصل اسباني .. اشتريته يوم قبل لأسافر .. ف بس شربته مره.. ماله طععععععععم ههههههههه بس احلى شي فيه انه يستوي لون الماي ورديييييييي:biggrin: :biggrin: جيي يعني مال قم دلع:4:
بتحصلونه في هارفي نكلز دبي .. لون الكرتون أسود


جاهي اخضر بالليمون
احلى واحد من nutrition planet اشربه تقريبا كل يوم
وثاني احلى واحد من توايننغزز


Fruit Bliss
من توايننغزز :14: :fa35:
روووووووعه
واااااايد حلووو:love2:
ويستوي لون الجاهي احمر على وردي:biggrin:


جاهي دانه
من الأردن .. مادري اي شركه .. عطتنا اياه الاميره هيا *الله يحفظها* ..
وايد حلووووووووووووووووووو:fa35:
ومفييد
اذا شي يعوركم .. هالجاهي بيغوز الألم:fa35:


كرك :4:
همممم نحن في بيتنا .. عنا الجاهي حليب .. الى البشكاره تسوي الى ابدا مايعيبني وماادقه .. وعن نوع ثاني .. الى هو كرك .. بس نحن مانسميه كرك:biggrin: نسميه جاهيي برّي ..
لانه محد كان يضبطها غير ابويه .. وطبعا هذا يوم نسير البر .. ف سميناه جاهيي بريي .. اما الحينه شوي شوي يالسين نطوور ونحاول نسميه كرك :4:
وطبعااااا
الى ابويه يسوويييه واااااااايد حلووووو:14:




بعدنييي ماخلصت:biggrin:
تريوو يوم ارد دبي لانه كلهم هناك ومب حافظه الأسامي:redface:

[شمعة أمل]

ذنيني
كنت يالسه اكتب الرد يوم رديت p=

[تحفه]

تعالي حياج .. سوي مثل ربيعاتي .. يوم مثلا دوامي الساعه 8 وهم دوامهم متاخر يمرون على بيتنا يتريقون معنه محد في البيت لولز

[شمعة أمل]

يبالكم تجربون جاهي بالفنلاااا .. وايد حلوو:biggrin:


بوظبي
:4: ان شاء الله p=

[جيز كيك سنيكرز]

وعليكم السلام والرحمه...

اشرب شاي اخضر بدون اي شي ...اللي في البيت كلهم يكرهونه مر:4:

الجاي الاحمر جربته ويا الجرفه ..الزعفران ... الهال...ماء ورد..مسمار شو بعد اذا تذكرة شي بخبرج واحيانا نوعين من الجاى او ثلاث ما ازيد
ام الجاي بالحليب او الكرك انا ما اشوف فرق ...كنا نسويه بشاىBOHماليزي شو لذييييييييذ بس
يوم استخدمه مايحتاج شكر وايد
وعلى شان مايملون اللي في البيت اخلط.. تحصليني ساعات حاطه كل انواع الجاي الموجوده في البيت ..بس الجاي الاحمر ...

وجربنا البسكوت مع الكرك وقالولنا سيرلك بس عيبهم :biggrin:

ليبتون احيانا يوم احطه يخرب الطعم فا ابتعد عنه ...وماء الورد والزعفران احيانا على حسب بس الهال لازم

وعن الشاي اللي بنكهات احسبه احلى للكرك

والسموحه ^ــ^

[شمعة أمل]

^
أحسن لج تشربين الغريين تيي بدون ايي شيي .. انا بعد جيي .. مستحيل احط شكر فييه >_<
كيف تحطين سيرلك ويا كركp= طعمه مب غريب؟؟
مشكوره عالرد نسييتك:fa35:

[خيال الروح]

ما اشرب غير جاي حمر
ولا كرك

يبالي اجرب الانواع الى كتبتوها
شمعه أمل شكلج خبيره في الجاي وانواعه

بس جاي بالفانيلا اول مره اسمع عنه

:14:

[قصايد غلا]

أوه نــســيـــت :k_blush-anim-cl: إنه يعيبني الجاي حليب بنكهة الفانيلا ==> أول ما شربته في بيت ربيعتي تخبّـــــلت على طعمه، واستغربت لأنها هي امسوّتنّه ، واستحيت لأني ما كنت أعرف أسوي جاي طعمه حــلــو لكن أحينه أعرف أسوي:14: ...

[شمعة أمل]

بالعكـس
الى بالفنيلا وايد مشهووور.. اكثر من الانواع الثانيه الى كتبتها .. بس انا ماحب الفنيلا وايد وايد .. عشان جي ماجربته الا من كم يوم ^_^

[جيز كيك سنيكرز]

شمعة أمل :fa35:

انا طحنت البسكوت وحطيته مع الكرك فقالولي طعمه مثل السيرلك

تصدقينن خاطري في سيرلك ((طلعة الفضايح)):biggrin:

من وين تشترون الشاي اللي بالفنيلا؟؟؟

[فنجان قهوة]

جاي؟
خلصت السوالف عشان انسولف عن الجاي
مثل ما يقولون حشرن مع الناس عيد
و دام السالفه مافيها مضره
و الله اشرب جاي كل يوم الصبح بس عادي اذا سويت حق الجاي طاف
اشرب بكل النكهات
و احب نوع جاي هو الجاي الاخضر

صح قبل ما انسا اليوم سرت عند الدكتوره و قالتلي ان اهم شيء ان الواحد مايشرب جاي عقب الاكل اقل شيء بساعه عشان تخلص عمليه الهضم

تحياتي للجميع
:14:

[تحفه]

توهه وصلو طلبية اختي .. شاريه وايد سوالف من هالموقع والله وااايد كيوووت



http://www.thegreenhead.com/imgs/adagio-display-teas-sm.jpg

للطلب .. http://www.adagio.com/misc/display_teas.html


:fa41:

[شمعة أمل]

^
هالورده واااااااااااااااااااااااااااايد صحيـه ..ييبولنا اياه من الصين .. كل يوم أبويه لازم يشربه!

يخليج تفقديين شهيتج للأكلات المب اوكي نفس الاشيا المقلايه والجوكلت p=

[كيوت فديتني]

ما احب اي نوع من انواع الجاهي ^^^^^^

[ذنـيـنـي]

امس خذت نوعين من الجاي الاخضر

واحد بـ pepermint و الثاني بالياسمين

بو الياسمين ريحته حلوه و احسبه واااااايد مهدئ و يخلي الواحد ريلاكس

[شمعة أمل]

مال ياسمين للحين ماجربته .. موجود مكان ما في المطبخ xp

[الـيـاه]

حد يعرف الـ gorgeous geisha من وين يشترونه .. هو جرين تي

[بسيطة]

http://in2herbs.cart.net.au/details/161670.html

[الـيـاه]

^

ابااااااااااااااااااااااا ااااااااااااه =(

[محد يستاهل]

أحب الجــاي وايــد بس مب الحليب
شاي الأحمر ( السليماني ) ع قولتهم ,,,

[ألم ترى]

بسم الله الرحمن الرحيم ..

هلا اختي ..

انا احب اي شاهي بس يكون فيه ماي ورد ايراني ! ..

لئنه يكون صح وطعمه مررررررره صح :woot: ..

بحفظ الرحمن ..

[شمعة أمل]

www.blendsforfriends.com

ترومون تسون جاهي خاص فيكم او خاص في شخصية ربيعتكم 3> ينفع كـ هديه

[تحفه]

على طاري الجايات والجاي كرك وهالسوالف
اليوم وبالصدفه كنت اسولف وي ربيعتي جان تقولي في كفتريا فالممزر يسوون نفس شاي كرك بس وي سنكرز وتقول انهه يخخخخخخخخخبلللل

الحين وين اصك لين ديره عشان جاي ! :<
مايرزا اضيع وقتي

[تحفه]

في محل في بن بطوطه يبيعون فيه جاي يعني متخصص لسوالف الجاي بس

نسيت اسمه بس بابا ايعرفه >.>
وااااااااااااااايد جايهم لذيييييييذ

[شمعة أمل]

بدال ماتصكين درب لين هناك خليهم في البيت يسولج كرك ويحطون فيه سنكرز p=


المهم

بنات شربو جاهي أبيض .. لانه أصح عن الجاهي الأخضر

[تحفه]

كيف؟ =/
تعرفين الطريقه؟

[شمعة أمل]

ماعرف كيف هم يسونها بس يعني اذا كرك ويا سنكرز معناته يوم يسون الكرك يذوبوون سنكرس فيه < تعرفين شو بجربه باجر او ورا باجر وبقولج! لانه كرك بيتنا صدق كرك هنود من الخاطر ويوم يبون الدله داخل بحطلي شويه في كوب وبييب حبتين ولا ثلاث من سنكرس الصغار وبحطه داخل .. بعدين بخبرج بالنتيجه xD بس لازم اشتري السنكرز اول

[تحفه]

شهيتينييييي بكرك بيت الملااا

روحي اليوم الصبح من قالتلي ونا خاطري فيه
وتقول انه وايد حلووو وماجد صار ولا استوا XD

كان عادي عندي اتهور وادق درب لين الممزر XD

عن يسمعوني ويصادرون الليسن لووولز

[شمعة أمل]

انزين اذا عندكم دريول طرشووه هناك ويا دله!

[تحفه]

لا ماعندنا / ماعليج يبالي ايه احبك وانسير هناكي انضيع لين مانحصله لوووووول

[وعد]

ايش رايكم كل واحد منكم يخبرنا عن طريقة بيتهم بعمل الشاي

بالنسبة لنا في البيت يعطوني فلوس عشان اسوي لهم الجاي السبيشل الي يخلي الواحد يسوق من البحرين الي الامارات وهو يضحك :m_ma9dom:

بالنسب لي
اخليه الماي والشكر و الشاي كلهم يغلون مع بعض عدل
بعدين اصب الشاي علي الحليب الي يكون في الاكواب

بسسسسسس فعلا يطلع رهيب و وايد ناس من اهلنا صارو يزرون بس عشان يشربون شاي عندنا اتغشمر

[عذبة الروح]

وعليكم السلام والرحمه

موضوعج غريب لكن حمسني ...

اممم الشاي الاحمر شاي ليبتون <--- (لازم وياه حليب rainbow & سكر ) والا ما اشربه

والشاي بـ نكهات مخلتفه
أدمنت على الشاي بـ الزعفران لا غير <--- نييبه طلبيه من إيران لون الجيس أصفر لكن ما اذكر اسمه !!
روعه وطعمه عجيب ولازم وياه حليب Rainbow وسكر :)

جربت شاي الفانيلا & الياسمين & الأخضر & ايرلي غراي ولا واحد فيهم عيبني
ما ادري مع اني كنت وايد متحمسه أكثر شي لـ تجربة شاي بـ نكهة الفانيلا <--- لكن ما عيبني :(

وبس هاي الانواع اللي جربتها

[عذبة الروح]

دورت على صورة المنتج
وحصلت الزعفران ..
لكن الشاي نفس شكله
وهذي صورته واسمه زنبق

http://img.alibaba.com/photo/10946877/Saffron_Elixir.jpg

[مايهزك ريح]

شاي Earl Gray في قصر الإمارات .. طعمه غير !!!!

:10:

[ذنـيـنـي]

افتتحوا معرض الشاي في قناة القصباء في الشارجة
و بيتم في المعرض استعراض انواع الشاي المختلفة و طرق تحضيره المختلفة و اختلاف عادات الشعوب في تناوله

المعرض بيكون من تاريخ 27 ديسمبر الى 5 يناير من الساعه 5-10 مساءً
امس وصلني مسج من القصباء

[ألم ترى]

بسم الله الرحمن الرحيم ..

هلا اختي ..

عن نفسي احب الجاي العادي ولكن يكون فيه حبك سعودي ! ..

الصراحه روعه والحبك فيه فوايد ..

المعذره ..

[شمعة أمل]

يوم كان عرس بنت عمي وحده يت بيتنا تسوي شعرنااا وقالتلي انه في فندق الكراون بلازا شي tea bar يعني بار لكن بس يسون جاهي
حد جربه؟؟؟

وعد
يبالنا نجرب جاهييكم ^_^

عذبة الروح
أول مره اسمع عن شاي بالزعفرااان .. احس طعمه وايد حلووو 3>

مايهزك رييح
والجاهي المغربي في الرويال ميراج بعد حلووو 3>

ذنيني
في خاطري اسيييييير!!!! بس شو بيوديني الشارجه >_<

ألم ترى
شو حبك سعودي؟

[حلم الطفوله]

شمعه ..

الحبق السعودي ...شرات النعناع اليابس ويحطونه بالجاي ...

بس ريحته ونكهته لذيذه مرررررررررره

[شمعة أمل]

اهااااا! بسأل اختي اذا عندنا في بيتنا!