مشاهدة النسخة كاملة : كل شي تافهه
المزوحي
01-01-07 ||, 10:26 PM
يلست بين وبين عمري وحسيت كل شي تافهه
بس جيه .... يتني لحظة حسيت كل شي كل شي تافهه
بعدين " فكرت " ليش ياني هالاحساس ...
هل ينطبق على مستوى تفكيري .. وعقلي الباطن .. بشو أنا أحس ..
كيف أفكر ..
الحياة حلوة بس نفهمها ..
أمور تنرفز .. حاولت أشرحها في بالي .. وأشوف شو السبب اللي يخلي " شخص ما "
يتصرف هالتصرف ... ويالس احط له اعذار ... أدور عذر واحد على الأقل ... عسب أنا
ما اتنرفز من لاشي ...
شو اللي يخليني أكدر نص يومي عسب باجر دوام من بعد الإجازة
الجواااب : لأني انا مستمتع بالإجازة، وأحس الدوام يسبب لي الاحباط .. وأنا من صنعت هالشي
خلك كووول على طووول وأنسى هم الدوام ،، وكل شي بوقته حــلو
داوم ويوم بتظهر أنسى ...
مــهــابه
01-01-07 ||, 10:38 PM
اخـوي المـزوحي:
انـت تـقول :
كـل شي تـافـهـه
يـمكـن لأنكـ كـنتـ ضـايج وزعـلان ، طلـعت منكـ هالـرمسـه
اللي فـهمـته من رمسـتكـ انت متـضايج لأن بـاجر دوام ، وبتنـقطع الإجازه
هـذا شـعور طبيـعي
نـحن طـلاب الجـامعه ، نـتضايج كلـ ماقـالوا لنـا بـاجر بـتروحون الـعين ،أو بـاجر دوامـات وجيـه
انـت عـسب تـؤدي شغـلكـ على أكمـل وجـه
ضـروري تحـب المكـان اللي أنـته فيـه
تـحب شغـلكـ
تحـب أصحاب الـعمل
عـسب تـعطي وتنـجز
لكن لـو تضجرتـ ، وتنـرفـزت ماراح تـستفيـد شي
فـالحيـاه أشيـا كثيره أكبـر نتـضايج عـسبهـا ، لاتـشغل عـمركـ بهالاشيـا الصـغيره
المزوحي
01-01-07 ||, 10:43 PM
بخبرج
إني انا ولله الحمد " إني أسوي شغلي " على أكمل وجه واحب زملاء العمل ..
لكن أحيانا المرؤوسين يفرون رمسه من دون سبب " مع إنه نشتغل " مادري يبووون إنه ننجز
أكثر .. فهذا أسلوبهم ... !! الله أعلم .. بس سياستهم بايخه الصراحه ...
وعقب فترة يوم انبسط أقووول ويييييييييه عيل اشحقه اتنرفز ..
ألم ترى
01-01-07 ||, 10:45 PM
بسم الله الرحمن الرحيم ..
هلا خوي ..
يمكن انا مثلك او انا مثلك اصلآ ! ..
لكن احاول احطي كلمه بين قوسين دوم مب يوم ..
القناعه والرضى ف كل شيء ..
سواء فرح ام زعل ف القناعه تكون اكبر اكيد ..
ياخوي خلك كول ولكن اقولها لك صعب انك تغير ذاتك وإن تقدر فأنت غير ! ..
والحياه طيبه وربي لكن لـ اللي يستغلها صح ..
يمكن مافهمتك لكن مب حلوه ادخل واطلع بدون رد ..
الله يسعدك ف الدارين ..
المزوحي
01-01-07 ||, 10:51 PM
تسلم " ألم ترى "
اتذكرت .. أبغي أقولك ... الأيام تطوف ... وأقووول شو اللي خلاااني أطوف يومي بنرفزه ..
بس ماينفع أقووول " لــو "
ودام إني عرفت ... أتمنى حد يفديني أو أنا أساعد نفسي اتخلص ... من هالطبع
تحفه
01-01-07 ||, 10:55 PM
ليش ما تفكر فيها بشكل ثاني؟
(توافه الأمور هي أساس الأمور الكبيره)
المزوحي
01-01-07 ||, 11:01 PM
بوظبي
قصدج
الأمور التافهه هي اللي تجر لــ الأمور الكبيره ... ؟؟؟
لين ماقدر أركز الحين !
تحفه
02-01-07 ||, 12:09 AM
لأ .. قصدي الاشياء التافهه "على قولتك" هي الي تحدد اختياراتنا في حياتنا
لأن لو تفكر فيها .. الاشيا البسيطه هي الي تشكل الاشيا الكبيره ..
مثال:
شخصيتي تتكون من صفات معينه " بسيطه او تافهه على قولتك" وهي الي مسويتنلي حضور!!
تحفه
02-01-07 ||, 12:10 AM
اقصد ماتقدر تقول تافهه حتى على الاشيا التعيسه
مادري اذا فهمتني
المزوحي
02-01-07 ||, 03:16 PM
ايوه فهمت
تحفه
02-01-07 ||, 03:49 PM
عاد ان شاء الله قلت شي مفيد لول
المزوحي
02-01-07 ||, 03:51 PM
العاصمة ماتقول شي مفيد
فنجان قهوة
02-01-07 ||, 06:43 PM
احساس غريب بس بعض الاحيان الانسان يحس باشياء غريبه
الله يعينك ع الدوام
المزوحي
03-01-07 ||, 06:35 PM
هو من ناحية الله يعيني الله يعيني الصراحة
وهالاحاسيس الغريبة لازم نصد عنها
فنيال اقهوه شكرا لج
تحفه
07-01-07 ||, 10:44 PM
مادري شو الضروف الي خلتني اقول الكلام الي قلته .. مرات احس ان حياتي تافهه
المزوحي
07-01-07 ||, 10:51 PM
بوظبي ...
يوم أمل من عدة أمور .. اتخيل كل شي تافهه .. فتهون عليّه بعض الأمور
بوظبي .. ليش يعني حيااتج تافهه ..!
تحفه
07-01-07 ||, 10:52 PM
مادري .. مافي شي مهم !
المزوحي
07-01-07 ||, 10:57 PM
بوظبي
الروتين جعلنا نشعر بـــ " هالشي "
مانبغي تفكيرنا يكون ســلبي ..
بس تدرين
انا أقوول كل شي تافهه ... اهوّن على نفسي ... على أساس ما آخــذ بعض الأمور بنرفزه
اما انتي .. لاتجعلين حياتج بهالشكل ..
الله يسعدتج ..
تحفه
07-01-07 ||, 11:01 PM
في الثنويه : كنت ابي اتخرج وبس .. وتخرجت وكلشي اوكيه
بعد الثنويه : ليسن وسياره .. وحصلتهم
في الجامعه : ولاشي !! ماعندي شي مهم اعيش علشانه !!
الدنيا بايخه وايد
المزوحي
07-01-07 ||, 11:06 PM
كلامج صح ...
نحن نعيش عسب نعبد الله
لكن إن ييتي من ناحية الامور اللي طريتيها ...
فيبالج تجديد في حياتج
في الجامعة نفس الويوه .. نفس الناااس .. نفس الروتين .. ترجعين البيت نفس الشي
الحمدلله ..
حاولي ... تطلعين من اللي فيه ...
تحفه
07-01-07 ||, 11:13 PM
على فكره ما امشي على روتين علشان اطفر منه ..
وبعدين موضوع اني اشوف حياتي تافهه جديم.. يعني اعرف هالشي من زمان! لكن مشكلتي اني ما اواجه نفسي ..
حياتي في تغير مستمر "تجديد ع قولتك" .. لكن انا دايما احس ان لومهما سويت ولومهما وين وصلت ماحس اني راضيه و فرحانه ..
تحفه
07-01-07 ||, 11:27 PM
على فكره وايد صعب على الانسان انه يعترف ان حياته تافهه
المزوحي
09-01-07 ||, 10:35 PM
ليش
ماشي قناعه مثلا ...
وإلا تحسين لأنه كل شي تبينه تحصلينه بسهوله ، فــ " ماشي " احساس بأهمية شي
تحفه
09-01-07 ||, 10:42 PM
بالعكس .. مافي شي حصلته بسهوله .. الكلام يوم ينقال غير الافعال ..
وعن الـ قناعه ! مادري .. ماعندي تعريف معين للقناعه
هل معناتها اني ارضى بكل الي يصير؟
او اني ما اكون مصممه في اي شي ما صارلي؟
المزوحي
09-01-07 ||, 10:49 PM
بوظبي
عني انا .. القناعه ..
إنه عندج واااايد شغلات ... وتبين اللي عند ربيعتج .. ماعندج قناعة باللي عندج
اعطيج مثااااال ... مصروفي في يدي والحمدلله أقدر اشتري اللي ابغيه ..
لكن مب كل شي في خاطري لازم اشتريه .. عندي موبايل .. مشيت على الجيل اليديد
لكن مب لازم أبدله كل شهر ... عندي قناعه .. والحمدلله ..
في ناس ماتقتنع باللي عندها ... حتى لو مب محتاجه .. بتشتري لأنها حاسه بنقص .. وبس
ومع هذا كله ... مافي سعاده مع إنها تملك أشياء وأشياء ..
والقناعة ممكن تكون الرضا بالنصيب ..
تحفه
09-01-07 ||, 10:51 PM
لا عيل طلعت قنوعه
المزوحي
09-01-07 ||, 10:57 PM
الحمدلله
تدرين
بطلع من التفاهه وبدخل في القناعه ( لووول )
شو اللي خلاااني أحس بشي اسمه قناعه
على سبيل المثال
في خاطري اشتري موتر .. وهالموتر هو خلنا نقول : لاندكروزر ... وماقدرت اشتريه لأي سبب كان
مب مهم السبب الحين .. وخذت برادو .. مع إني ابغي اللاند ..
الحمدلله .. على الأقل عندي برادو ... في حد ماعنده سيارة .. يعني مب لازم أقول ليش فلان عنده
رنج وانا ماعندي ...
يوم بنحس الدنيا فانيه ( أقصد في كل لحظة يكون الشي على البال ) بنحس بالقناعه
يوم بنفكر في احوال الغير اللي هم من دونا .. بنقتنع باللي عندنا ..
ومابتعرفين لو أقولج .. مستوي ... مايهمني كلام الناس شو عندي من المواتر وإلا موبايل
ولا كيف طريقة لبسي .. صح نحن عايشين من بين الناس ولازم نسوي حساب .. لكن مب في كل شي
المزوحي
09-01-07 ||, 11:24 PM
فلو صرفت كل وقتك وجهدك على توافه الأمور..
فلن يتبقى مكان للأمور التي تهمك..
صدى الأحزان
13-01-07 ||, 03:20 AM
السلام عليكم
الانسان اذا نظر إلى توافه الامور راح يتعب طول حياته
وعلى الشخص أنه يهتم بالامور المهمة في حياته لان هي اللي راح تسير حياته
مب توافه الامور اللي نقدر انه نتغاضى عنها واللي ما راح نستفيد منها اذا كبرنا هالامر
وبالنسبه للقناعة حلو الشخص أنه يكون قنوع ويرضى بالي عنده ويطالع اللي أقل منه دايمه لأنه اذا طالع فوق راح ما تكفيه أموال الدنيا اذا عطوه ...
تحفه
13-01-07 ||, 11:22 AM
i am much better now :)
thank you
المزوحي
13-01-07 ||, 03:07 PM
صدى الاحزان ... صح
حتى القناعه .. قامت تخليني ما اهتم باللي حولي
احب اعطي امثلة
مثلا : عندي موبايل نوكيا وهو من الجيل اليديد .. تمام ؟!!
اشتريته من شهر .. وعقب شهر ... طرحوا 2 من غير .. ومرن 6 شهور وموبايلي اصبه قديم
دأه أديمه .. مثل مايقولون المصاروى ... وعااد انا ما اهتم من نظرة الغير .. لاااااا
وفوق هذا كله الموبايل في يدي وامشي وانا .. كأنه آخر موديل وتوه مشراي ..
المزوحي
13-01-07 ||, 03:13 PM
بوظبي
الحمدلله :)