لا عيد لنا , نحن طلاب هيروشيما الثانوية !

[أكسجين]

مكتأبة واايد !
.
.
اليوم المفروض يكون مميز ~ بس للأسف ماكان !
ولا حسيت انه عيد أبداً :k_no:


.


كنت متعودة اجهز للعيد من فترة ,
بس هـ العيد غييير لحد الساعة وحدة بـ الليل أمس ما كنت ادري شو بلبس !
لأني وببساطة من شهرين ما شفت غير الشارع اللي يوديني المدرسة فما اشتريت اي شييي يديد:fa36:


.


كنت متعودة أسير أصلي العيد أسمع الخطبة أسلم على ربيعاتي في المصلى
بس هـ العيد ما نشيت ولا حسيت بصوت ماما وهي تقومني !


.


الصبح سرنا بيت يدوه و سلمنا على اهلنا كلهم , والعصر كنت انا بـ البيت !


.


و يـ الله بسم الله خططي لباجر يا فراشة , عشان عندج امتحانات نهاية الكورس عقب يومين !
عيل هذا عيد هذا ! شو هااا متغصصه :3:
احس كل ما ييت بفتح الكتب تنسد نفسي واقوم عنها ما اعرف كيف بذاكر باجر , لان باجر اجباري اني اذاكر !


مضايجة , مكتأبة , حتى احس مخي يعورني , بس لااااه من الدراسه
ماشي شغل اهملنا نفسنا واهلمنا دينا وحياتنا , كله عشان شوية كتب
:argue:
.
.
راحت عيونا من كثر ما نقرا , و ياليت في نتيجة ترضي :fa48:


والله احس اني مب راضية عن نفسي , في الفترة الاخيرة صرت واايد مهملة
مهملة ديني يـ الله اذا كان عندي وقت اقرا صفحتين بس من القرآن في الاسبوع
العشر من ذي الحجة ما صمتها , لاني وببساطه اتعب واذا تعبت ما بقدر اركز في الدراسة !
,
,
تفكيري كله مستوي تقارير , مشاريع واجبات امتحانات ~ صار كمبيوتر
و احس بدأت الفيروسات تقضي عليه ! :a036:
.
.
يعني متى بنسوي شي لآخرتنا , كل شي لـ هـ الدنيا !
نصبح نمسي ما نفكر الا بـ الدنيا , وآخرتنا اخر همومنا صايره هـ اليومين !
يمكن اموت اليوم او باجر !
.
.
متى بسوي شي لأخرتي اذا كل اللي اسويه طول اليوم للدراسة !
حتى صلاتي صايره ما فيها خشوع


.
.


ما ادري شو خربطت فوق وما بقراه مره ثانية
اسمحولي يمكن غبت عنكم فترة طويلة وراجعة على طول بموضوع بـ الفضفضة
بس والله متغصصه


وما عرفت وين اطلع اللي في خاطري , قلت ماشي غير الواحات بيتي الثاني


مودتي للجميع ~ وعذراً على التقصير

http://www.inshad.com/audio/7thKwtFestival/Studio/A7aseb_Nafsi_-_D_-_inshad_Homod.mp3 (http://www.inshad.com/audio/7thKwtFestival/Studio/A7aseb_Nafsi_-_D_-_inshad_Homod.mp3)

[هزاايم]

فراشتنا الحلوه
عيدج مبااارك يا الشيخه وعسااج من عايدينه
يامرحبابج والله :a074:

اختيه فتره وتعدي
خذيها من هزاايم اذ تبغين تاخذينها واذ لا ودريها:4:
1-حطي نيتج إنها للخير ولصالح الرب"الأعمال بالنياات"
والدرااسه تعتبر عبااده
فتحي كتااب الدين وذاكري واقري :a036: المهم
2-فكري شوحيااتج بعد الإمتحانات ونااسه,, فكه من صدعة الراااس,, قيام بواجبج سوى ديني اجتمااعي ترفيهي و غيره
إلا هي ايااام ضغطي على عمرج
والله حلاتها يوم تحسين عمرج متدودهه ولا عارفه كيف تتصرفين ,,,و راح تتذكرين و تقولين انا جي سويت:biggrin: تحسين بفخر:yes: صدقيني
لين ألحين اضحك على عمري ومستانسه من إلي مريت به بالثنويه وشو حصدت منها

هونيها وبتهوون
وكل شي رااح يصير ولاتخاافين
وربي يوفقج ويسر عليج
وتبشرينااا بالبشاااره حلوه:fa47:
كل عام وانت بخير:a070:
نصيحه رقدي كثر ماتقدرين لووول اسوولف

[حلم الطفوله]

السلام عليكم ورحمة الله وبركاته

عيدج مبارك وعساج من عواده:fa35:

هونيها وتهون يا الغاليه ... وإن شاء الله مجهودج ما بيضيع ...بس وكلي أمرج لله وبتتيسر أمورج

حطي ببالج إنه طلب العلم عباده ... وإنه الانسان طاقه وقدرات ولازم ترتبين أوقاتج بين الدراسه والراحه

يعني العيد له فرحه لازم ما تضيعينها بهالتفكير:3: ...

يوم واحد ترتاحين فيه ما بيأثر بالعكس بيساعدج إنج تجددين نشاطج ... فلا تضغطين بعمرج وخذي الأمور بتفاؤل ...وربج كريم ما بيضيع تعبج:image005:

فراشه ... يالله خذي نفس عميق الحين :huh: وريلاكس ... واشغلي نفسج بشيء تحبين تسوينه دايما هوايه مثلا ...تصميم .... رفهي عن نفسج شوي وبتحسين بتغير وبيكون لج كدافع إنج ترجعين للدراسه بمعنويات عاليه ... الدراسه مهمه ...لكن بحدود ...

وربي يوفق الجميع :fa35:

[عافك الخاطر]

فراشة ود
وينج انتي .. اشتقنالج :fa35:
..
.
عزيزتي :
مثل ما قالوا اللي قبلي .. الدراسة عبادة بعد تراها ... وانتي لا تفكرين فيها طول الوقت وتحاتينها عشان ما تشغلج عن باقي امور حياتج .. يعني كل شي له وقت ..
نظمي وقتج و سوي اللي عليج .. والله بيوفقج ان شاء الله ..
وماشي احسن من انج تحطينلج جدول وتمشين عليه بحيث انج تدرسين وتستمتعين بيومج في نفس الوقت .. وحطي الجدول بحدود المعقول .. مب يعني طول اليوم دراسة..! او ساعات متواصلة دراسة بدون بريك .. !
ولا تدرسين وانتي جي كارهة الدراسة.! لانه اللي يدش ف راسج بيدش بغصب :wacko:
وانا احسج شطورة ماشا الله عليج .. فـ لا تحاتين وايد .. وان شا الله الله بيوفقج ..

حببيها لنفسج .. ومثل ما قتلج ..نظمي وقتج .. وعيشي حيــاااتج :fa35:
وخلينا نشوفج :)
موفقة ..
.
.

[خيال الحب]

اول شي كل عام وانتي بخيررررر اختي فراشه ^___^
وعيدج مبارك .. وعساج من العايدين>>(يعني الي يوزعون عيديه خخخخ)<<

ماقدر ازيد على كلام الخوات

بس الشي الي نقدر نسويه انه ندعيلكم بالتوفيق ^___^

والله يوفقكم يارب

وشدوو حيلـــكم..

ايام وبتعــدي..

ان شاء الله تييبين النسبه الي ترفع راس هلج فووووووووووووووووووق :)

[وحي القلم]

فراشة ود

الله ايعينج

وايدين الى حالهم من حالج.. بس شو نسوي :fa36:

أنا ما صمت غير يوم عرفه :k_no: لانه اليوم الوحيد الى عطونا اجازه فيه

و كنا وايد مضغوطين على آخر اسبوعين بالمشاريع و التقارير الى ما ردوهن علينا عشان نعدل الأخطاء الى فيهن قبل بفتره..

هذا طبعا من غير المنهج الى لازم نخلصه و الامتحانات العمليه و الامتحانات الشفويه الى ما خلصناهن

خصوصا الرياضيات (المفروض ست امتحانات شفويه و انا ما امتحنت غير مره وحده)

متى بمتحن ؟!!! (( ما امتحنت غير آخر يوم فالدوام)) :3:

.
.

كنت أحضر الحصص و انا أفكر فالى لازم أسويه.. مشروع الجلوجيا ناقص.. الكيميا لازم انسوي التجربه

الأحيا لازم نعيد التجربه لانه البنيه الى ويايه غلطت.. تقرير مشروع الفيزيا ما سويناه.. مشروع الرياضيات لازم نسوي المجسم :wacko:

و أخس شي فالسالفه أنه الشغل لازم يكون جماعي يعني إذا وحده حضرتها مب ناويه تكمل شغلها بتنقصين

و البنات الى ويايه كل وحده منهن تعق الشغل عالثانيه.. يعني لازم أنا الى اركض وراهن عشان ايخلصن الشغل

و شي منهن ما بيسون شي لين ما تظاربينهن و تهددينهن انج بتخبرين الابله :k_mad_argue:

أظني أنه حالي مب أحسن عنج :k_no:

بس بعد.. حاولت اني أستانس بالعيد قد ما أقدر

إذا اتحسين أنج متضايجه حاولي أنج اتسوين شي تحبينه

اليوم المسا اشغلي عمرج بأي شي يعيبج عشان تكونين متهيئه نفسيا للمذاكره باجر

و لا تنسين تغيرين المكان الى انتي متعوده أنج تذاكرين فيه.. أكيد أنه هذا يأثر بعد

اممممممم.. شو بعد

حطي فبالج انها فتره و بتطوف بسرعه و ان شا الله تكون درجاتج عااليه يا فراشتنا :a070:

و لا تتظايجين عشان شي ما يستاهل.. انتي سوي الى عليج و الباقي خليه على الله :yes:

..

و السموحه.. طولت عليج

[شمعة أمل]

على قل امتحانكم يوميـن عقب العيـد..
قبل سنـه بالضبط..امتحاني كان يوم عيد الأضحى >_<
بدل ما أعيـد.. كنت في المدرسه أمتحن!

استـانسي في العيـد لانه بيعدل موودج .. ويوم مودج أوكـي .. بتروميـن تدرسيـن عدل =)

وبالتوفيق

[الدلووووعة]

الله يوفقج مابيزد على للي قبلي شي
بس ترا اهم شي يوم تكونين مستانسة وانتي تذاكلابن
يعني خلي حد يظهرج يحوطج لو فالفريج وردي ذاكري من بعدها بترتاحين صدقيني

وربي يوفقج وتيبين نسبة ترفع الراس وترا لاتهليكن عرمج وايد ترا وراج سنه اصعب م هاي
شدري الهمة وانتي شاطره يعني لاتحاتنين شي

[خنفروش]

السلام عليكم

لا ماشي بس بغيت أقول لج كل عام و انتي بخير يا فراشة ود


بس الصراحه العنوان واااااااااااااااايد روعه


باجر لما بتفكرين بالموضوع بتعرفين انه شعور ضروري و طبيعي كلنا مرينا به و عشناه بتفاصيله


كل عام و الجميع ابخير

[دمعة شوق]

السـلام عليـكم

مرحب بـ فـراشـة ود ّ
نفس ماقالت وحي القـلم ؛ الكثـير والكثـير والكثـير حالتـهـم لله حالتهم جسيفـه
؛؛
يعنـي ماعرف كيـف اقـول بس اول شي بعـلق على رمسة وحـي القـلم
على سـالفـة المجموعـات
اععععع قـسـم بالله ضرابه تستـوي وهزبه ومادل شـوه ؛ هب على شـي بس على الإهمـال
وأنا أخس شي عنديـه أني اتـم اتـريا واتـريا وآخـر شـي يقولـن ماسـوينا بس بنسـوي
( مادل متـى , يـمـكن عقب الامتحانـات )
أنا مخلصـه شـغلـيه الحمدالله وافتـكيـت بس اللي ضغطنـي آخر شـي شـغل البنات اللي كنا موزعينه
على كل وحـده منـهـن ؛ ومااشتغلـن وعلى آخر شي ين وقالن مابنشتغل مانقـدر .!
وتكفـلت أنا ووحـده انا نخـلص الـشغـل وداومنـا فيي أيـام اجازة الامتحـانـات ؛؛ هـب لسواد عيونهـم بس عسب الدرجات لان بننقــص كلـنـا
:3:
بس انـصح وأنـصح وبعد أنـصح اشتركوا في مجموعات واثقين انهم بيشتغلون هب منيه والدرب
؛؛؛؛
الله يعـيـن ؛ يافـراشـة درسـي وشـدي حيـلج وغيـري جـو ؛ غيـري بقعتج مالت الدراسـه تراه واااااايد يساعـد وابتعـدي عن الازعـاج ؛ ولا تفـكرين للحيـن فـكري لـعـقـب ؛ عقب ماتخلصين الامتحانات وتفتكيـن ( حطي استكرات تشجعين فيها عمـرج )
:yes:
وعلى سـالفـة العيـد وحيـاتـج كلنـا كـذي لا تشـرينـا ولا شـيـاتـه ؛ وأول مره في حيـاتـي أنش في العيـد السـاعـه 8 ونـص ؛ وبس والحاله لله كانـت ؛
:fa36:
؛؛
والله يـوفـقنـا إن شاءالله وأنيـب نسـبـه ترفـع الـراس
سمحيـلي فديـت روحـج هذربت وايـد ؛ بس غصه فيه أبا اللي ارمس عن هالوعـه
السمـوحــــــــه

[فنجان قهوة]

يالله شدي الهمه للامتحانات و يالله هانت بتخلصين و عيدي عقب الامتحانات
بالتوفيق ان شاء الله

[أكسجين]

شو هـ الفضفضة ! صدق فشله :wacko: ~ اكتشفت ان مرات عقلي يشررد عني:4:
الله يعين ! انا اسفة حتى ما باركت لكم بـ العيد , لان صدق كنت متغصصة فنسيت انه عيد ولازم يباركون :image005:
كل عام وانتو بخير جميعاً
.
.

هزاايم

الله يبارك فيج حبيتي , ينعاد علينا وعليج ان شاء الله
امم صح ادري ان طلب العلم عباده , بس بعد ما تغني عن العبادات الثانية !
مشكوره ع النصايج , وفرحني ردج وااايد :a070:
.
وان شاء الله خير , اهم شي اليوم الرياضيات همّ وانزاح الامتحان كاان وايد حلوو
و متفائلة خير بـ المواد الباقية:yes:
وعن الرقاد ~ و الله يوم تسمح لي الفرص ما اقصر ! خاصة يوم يكون عندي واايد اشغال واحس عمري مضغوطه واايد ,
فما شي احسن من تضييع الوقت في الرقاد لول :fa48:
شكراً ع تعقيبج مره ثانية =)


حلم الطفولة

وعليكم السلام والرحمه
الله يبارك فيج عزيزتي , ينعاد علينا وعليج ان شاء الله
امم فرحة العيد خلاص ضااعت , ما اقدر ارجعها :k_no:
بس والله اليوم يوم شفت الامتحان حسيت بفرحة العيد ونسيت كل شي مب حلوو والغصة اللي كانت في قلبي كلها تبخرت " الحمد لله " :yes:
لا لا , لا تذكريني بـ التصميم خليني ناسيتنه احسن لول
لان اعرف عمري ما اقاوم الفوتوشوب اذا دخلت بتمر الساعات وانا يالسة واخربش فيه
فـ خليه لبعد الامتحانات احسن :a036:
.
شكراً على تعقيبج حلم , كلامج ريحني واايد :fa35:

[تحفه]

أكرهك وايد يا حنيفو .. لوعت جبدنا خس الله بليسك

يبا يقلد الغرب .. ما يشوف الغرب كم اجازه يغيبون
ما يدري كم ماده يدرسون
ما يدري ان عندهم مافي شي اسمه سقوط!! .. عندهم اعاده صيفيه !!


خايس والله لاعب فينا لعبه ..

مايحس ان الله عاطنه مسؤوليه

مب قام لنا اول ما صار وزير اتزوج وحده على حرمته

اكرهك والله اكرهك ..

[تحفه]

^ لول

وايد تحمست

[الثعلب الرمادي]

يا شباب هدوا اللعب مب لازم تييبون S أو حتى A+ المهم تنجحون و القصة انتهت:icon_rr:

ما شاء الله بوظبي عندها كل اخبار الوزير:icon_rr: