... خاطري ف هالتيلفون .. بس !!!........

[جنون امرأة]

http://i.gsmarena.com/ii/pics/sonyericsson/sonyericsson-k610-00.jpg

http://i.gsmarena.com/ii/pics/sonyericsson/sonyericsson-k610-01.jpg



.. عـيــبـــنـي هالـتـيـلـفـون .. بس المشكلة .. ما اعرف مواصفاته ..

بـ شو تنصحون ؟؟!!....

[شرجاوي]

دامنه سوني اركسون لا تتريين شي .. بس يمدحون k800i

[جنون امرأة]

بس هذا لونه أحلى ...


ترى انا لو ما خذت هذا .. أكيد راح آخذ الـ k800i

[الدمعة الحزينه]

الشكل ما عليه كلام

بس افضل لو اتشووفين مواصفات هالتيلفون ..؟

وبالتوفيق انشالله


سلام

الدمعة الحزينه

[هزاايم]

هلا جنون
الموباايل اوكي لكن مواصفاات مثل شوتبين
يعني الكيمراا تصوير لاباس ويستقبل ويرسل ويطرش مسجات=q

داام سوني اريكسوون فهو اوكي احسن من نووكيا التعيييييييييييييس

[تنينه]

هممم انـا ربيعـتي عـندها وأجـوفها واايد مـرتـاحه مـعاه ,, وصدق شكلـه ولووونه واايد نـايس ,, في لـه راديو وبلوتوث وآي آر وصوتـه وبطاريتـه اوكيك وشي ميمـوري بـعد ,, مواصـفاتـه حلوااه بشكل عـام وشكله بنوووتي وحلووو =) ,,

[جنون امرأة]

تنينه .. شجعتيني الصراحه .. بس ربيعتج ماخذه نفس هاللون ..؟؟؟...

و شو الكيمرا .. حلوة و لا ؟؟

[تنينه]

هييه ماخذه نفس هاللون بالضـبط ^^".. حلوو لـونه جي أحمر غـامج ^^". الكيمرااا حلوااه بـعد 2 ميغابيكسل ,,حلو تصويره وجيي =)

[بحر الموده]

سونى وبسسسسس

اختى الصراحه هذا التيلفون عند خالى اشوفه وايد اوكى وكان قبل عنده نوكيا يقولى اول وين ووين احين احين احسن يعنى استخدامه حلوووو ومواصفاته والكيمرا بعد ^_^
نقول مبروك جنون على التيلفون لووول

[جنون امرأة]

و الميموري ؟؟؟ ........

[بحر الموده]

اختى جنون
هاى المواصفات الكامله


مشغل وسائط Media player- موسيقي وفيديو.
ذاكرة Memory Stick Micro™ (M2™).

جهاز ثلالثي الموجات 900 جي إس إم/ 1800 جي إس إم/ 1900 جي إس إم.
كاميرا 2 ميغابكسل.
الكاميرا متكاملة.
تسجيل فيديو.
مكالمة فيديو.
الشاشة .
شاشة TFD ذات 262144 لونا, 176x220 بكسل.
بريد إلكتروني.
مراسلة الوسائط المتعددة (MMS).
مسجل صوت.
جافا.

[جنون امرأة]

بحر المود شكرا واااااايد أخوي

شكلي تعبتك و يايه ..

[بحر الموده]

لا اختى ماشىء تعب نحن فى الخدمه

العفو ولاشكر على واجب

[الدمعة الحزينه]

بغيت اعرف كم سعره وشو اسمه او رقمه ..؟؟

والسمووحه

[بحر الموده]

الدلوعه
سوني اريكسون K610i

السعر ماعندى علم عنه السموحه

[ماوحشتك]

ما بتندمين دام انه سوني

[المحاق المشتعل]

السلام عليكم

تبغين نصيحتي أحسن تيلفون اشوفه نزل وامسكت كل التيلفونات

هو سوني اريكسون k800i

مواصفاته توب وكيمرته 3.5 ميجابيكسل ووايد مواصفات حلوه فيه

وإذا في سوفت ويير يدييد حقه اتنزلينه بالإي واب ... مب لازم اتودينه المحل

مثل حالة النوكيا.... دايماً إذا بتاخذين تيلفون خذيه حق مواصفاته ما بتندمين

والأريكسون هذا له عدة ألوان دوري اللون إلي يناسبج يوم بتمرين أي محل يمكن يعيبج

أي لون غير الأسود :yes:

[جنون امرأة]

مرحبا :icon_rr: ..

أبشركم .. إني خذت التيلفون ..

بس عندي مشكله :k_no: .. اتمنى اصحاب الخبره يساعدوني !!!!.....

الوسائط .. مب أوكي عندي .. يعني ماشي ظبط للخدمه ,,

و لما اتصلت الاتصالات .. قالوا لي للحين ما وصلنا الظبط لها التيلفون !!! :3: :3:

شو أسوي ؟؟؟؟؟؟؟؟؟!!!!!!!!!

:redface: :redface:

[تحفه]

^ سيري المحلات الصغيره يمكن يساعدونج!

[جنون امرأة]

بوظبي .. يعني قصدج هم بيظبطون حقي الخدمه ؟؟؟ :3:

[تحفه]

مادري ماجربت .. مجرد اقتراح !

لاني مره بغيت اعرّب تيلفوني P910i سوني اركسن .. وهالتيلفون يوم ينزل ما يكون فيه عربي .. واذا نزلتي العربي في سوني اركسن ولا فون كير كل الخاصيات الثانيه بتروووح!

جان تقولي ربيعتي ان محل خالها يحل هالمشكله ( محله ورا لامسي بلازاه ) جي صغير ومجكنم

سوولي وستوا وكلشي تمام

[ظبية]

أنا بعد أبا اغير تليفووووووني بشو تنصحووووووني ؟؟؟


سوني اركسون أو نوكيا ؟؟؟

[هزاايم]

جنون
آكسيووم يسوون لج
لأن حنا خذنا من عندهم وعلى طول سووا لنا
مدري إذ إلي مش ماخذين من عندهم يسوون لهم؟!
بس إلي اعرف هم يسوون واهطيج قرنتي=q

[جنون امرأة]

انزين انا ما خذت التيلفون من عندهم ..

يصير أسير لهم ؟؟ بيسوونه حقي ؟؟

[العيناويه]

انا عنديه k800i
ماعليه كلااااااااااااااااااااام كشخه ,,, انصحج به

[هزاايم]

مدري اختيه اذ يصير ولا

ماافدتج السموحه

[الوحيدة]

انزين كم سعره ؟

[الملهم]

انا سالت على k800i قالي الاسود بـ 1390
والبني بـ 1490 ..

بس شو الاحسن .. ها السوني ولا نوكيا n73 ؟؟؟
ابا نصيحتكم ..

[دلوعة دبي]

المبايل حلوو بس فيه بلوتوث ولا ؟؟

[هزاايم]

جنون
آكسيوم يسوون لج عاادي بس اظني يبيلج تدفعين قبل هذا كله تقنعينهم
دلوعه فيه بلوتوث
الملهم لوتدري تصوير سوني أوكي لكن نوكيا n73 3,2ميقابيكسل
لكن سوني ارحم,,النوكيا هذا واااايد يعلق >_<

[شرجاوي]

بوظبي حطوا لج التعريب كامل للتلفون ؟؟؟؟؟

[واحد من الشباب]

ياجماعه ياريت لو ترووني السوني 800 لأني ابا اغير التيلفون

ياريت الي عنده فكره عن مواصفاته وصور له يرويني وبكون شاكر لكم

[جنون امرأة]

http://www.gsmarena.com/sony_ericsson_k800-1485.php


أخوي هذا التيلفون مع المواصفات ,,:k_smile2: