المساعد الشخصي الرقمي

مشاهدة النسخة كاملة : > الزواج <


تحفه
19-12-06 ||, 04:42 PM
شو تعتقدون مفتاح الزواج الناجح؟

معظم الناس الي حاوالي.. قالو ان وجود الاحترام يكفي علشان ينجح الزواج والحب مجرد "كماليه" و بيختفي بعد كمن سنه من الزواج .. بصراحه ( أتكلم عن نفسي ) ما أعتقد للزواج أهميه كثر ماللحب أهميه ..

تخيلو هالموقفين :

1) زواج من دون حب : الريّل والحرمه يخلصون شغلهم يرجعون البيت ( واذا ما رجعو مش مهم عند الطرف الثاني ) .. بالضبط مثل الدراسه والكلسّات الي نحظرها .. نحظرها بس علشان الامتحان وبعدين فكره إرتحنا.. شو يعني ننسى كل المعلومات / ترا الي امبينهم بس آداء واجب إلين يوم القيامه !

2) زواج مع حب : ما أدري كيف أشرحه .. بس بالمختصر أحلى لأنه حريه أكثر من قيود وواجبات صح ولا لا!!؟

أنا ما أفهم كيف ناس تتزوج و تطلق بعد ما اكتشفو انهم ما يتوافقون .. وإنهم ما كانو يحبون بعض!!

مره داومت وي بنت عمتي وتشتغل محاميه و ربيعتها أخصائية في شؤون الزواج وهالسوالف علشان اكتب تقرير .. في نهاية اليوم اكثر من ثلاثين حاله .. الطرفين "مب كارهين" و"لا حابين" بعض .. همّا يحسون اتجاه بعض باي احساس !!

تعرفون الكره والحب متصلين في بعض .. والي واصلنهم افبعضهم هو شي يسمونه ( الاهتمام ) .. فإذا مافي اهتمام لهاذا الشخص .. واتجاهك صوبه عادي مابيكون أي أمل للـ حب ولا للـ كره .. شي وايد محزن والله .. ناس تعيش وي بعض اكثر من خمس سنوات .. كل الي جمعهم هو " وثيقة زواج"

الموضوع الي اناقشه حساس .. وعندي وايد افكار .. وما أعرف كيف أرتبها ..

على فكره هاي إفتتاحيه ( وبكتب رايي بعدين ) :biggrin:
شمعة أمل
19-12-06 ||, 05:01 PM
زواج بلا حب هو زواج بلا طعم..

الحب مب الشي الأساسي في الزواج ..الأحترام أهم

دايما أقول .. يوم تحترمين الشخص جي ولا جي بتحبينه ..

ف يوم شي احترام .. بتحصلين كل الى تحتاجينه.. والزواج بيكون ناجح

لكن ماتخيل زواج بدون حب =s اخ لاااه .. كيف بيتحملوون بعض ويجابلون ويه بعض كل يوم؟؟ p=
عهد الوداع
19-12-06 ||, 05:12 PM
اول شي خلي الحب ع صوب قبل الحب في شي اسمه التفاهم بين الطرفين ...وها اهم عامل عشان العلاقه تنجح بين الطرفين ...

اذا ما كان فيه تفاهم فما راح يكون في شي اسمه احترام ولا حب ولا تقدير ...الخ

يعني كل واحد ع صوب ويا نفسه ,,في ناس ما خذين بعض عن حب بس تفكيره غير وتفكيرها غير وها الشي انا شفته ولا حظته في حياتي لانه في واحد من اهلي ,,يعني لاحظت عليه صح انه كان يحبها وهيه تحبه بس احس انه اراءهم تختلف تماما عن بعض وخصوصا في تربية اليهال وهالشي غلط طبعا ..شو فايدة الحب اذا كان ما في اصلا لا اتفاق في الراي ولا تفاهم عيل انا ما اسميه ها حب ...

والعكس صحيح بعد,, البعض ما خذين بعض عن حب وعايشين احسن عيشه ,,وطبعا في ناس يمكن ما يكون من بينهم حب بس بعد الزواج يمكن يكون من بينهم تفاهم وانسجام في الراي وها الشي الي يسهل بين الطرفين ...

بس انا عن راي اايد الحب قبل الزواج ,, مجرد راي شخصي فقط ..

ومشكوره اختي على الموضوع ...
تحفه
19-12-06 ||, 05:12 PM
شـمـعة أمل :

بالنسبالي .. إذا ماشي حب ماشي إحترام له < البيضه اول ولا الديايه لووول

بس فعلا .. ممكن الانسان يعامل الي جدامه بحترام لأنه محترم عمره والاحترام نابع من نفسه ..

وعلشان اوضح لكم الفكره .. .

انا او انتي او اي حد .. مستحيل تغيرنا مشاعر الأحترام بكثر ما بتغيرنا مشاعر الحب ..

الاحترام من دون حب .. فيه خوف
بس الاحترام الي إيي من الود والحب يكون فيه ولاء / ثقه .. etc

شو رايكم ؟
تحفه
19-12-06 ||, 05:17 PM
اول شي خلي الحب ع صوب قبل الحب في شي اسمه التفاهم بين الطرفين ...وها اهم عامل عشان العلاقه تنجح بين الطرفين ...

اذا ما كان فيه تفاهم فما راح يكون في شي اسمه احترام ولا حب ولا تقدير ...الخ

يعني كل واحد ع صوب ويا نفسه ,,في ناس ما خذين بعض عن حب بس تفكيره غير وتفكيرها غير وها الشي انا شفته ولا حظته لانه ها الشخص يكون واحد من اهلي ..شو فايدة الحب اذا كان ما في اصلا لا اتفاق في الراي ولا تفاهم عيل انا ما اسميه ها حب ...

والعكس صحيح بعد البعض ما خذين بعض عن حي وعايشين احسن عيشه وطبعا ارد اكرر كلامي مب شرط عن حب يمكن ما يكون من بينهم حب بس بعد الزواج يمكن يكون من بينهم تفاهم وانسجام في الراي ...

بس انا عن راي اايد الحب قبل الزواج ,,مجرد راي شخصي فقط ..

ومشكوره اختي على الموضوع ...



كلامج الف بالاميه صحيح .. بس التفاهم يكون سبب في وجود الحب أو الاحترام .. كنت بطرق للموضوع بس ما حبيت ألخبطكم ..

بالمختصر التفاهم هي مجرد خطوه أوليه لوايد علاقات .. مب شرط حب او إحترام .. يمكن يكون base لكثير من العلاقات .. :14:

مشكوووره على الرد الحلو
عهد الوداع
19-12-06 ||, 05:19 PM
فيه شوية تعديلات هههههههه
شوق القلوب
19-12-06 ||, 05:26 PM
السلام عليــكم...


الزواج.. معادله صعبه !

الزواج = حب + احترام + تفاهم + تنازل + اهتمام + ألفه

وبالاختصار.. تقدرين اتقولين صداقه مغموره بالحب

..
طير الحب
19-12-06 ||, 05:59 PM
الحب...أحلى شيء في الزواج...يوم بيكون في حب بيكون فيه تفاهم واحترام وتضحية...والحب يقتل الروتين ويخلي كل يوم في الزواج احلى...والحب يخلي المتزوجين يحسون بالتتجدد على طول يعني أو سنه مثل ثاني سنه...


يعني الحب...يخلق التجدد على طول ويبعد الملل عن الحياة الزوجيه...وأهم شيء نخلق أفكار جديدة للتعبير عن الحب
اخت اختي
19-12-06 ||, 07:05 PM
على فكرة انا بعد سمعت إنّ بعد الزواج يختفي الحب.. بس هذا الكلام كلّه غلط في غلط.. الحب أساس الزواج.. ما أفهم كيف الناس تتزوج بدون حب؟؟؟؟

أحس إن الحب أساس الزواج.. أو أساس النجاح في الزواج.. زواج بدون حب >> :eek: :fa44:
أمطار
19-12-06 ||, 08:44 PM
كنت على قناعة ان الحب يأتي بعد الزواج ..
وتأكد أن الحب فعلاً يبدأ مع أول يوم ويستمر في أول شهر ويتغلغل في النفس في أول سنة ويثبت طول عمر الزواج . . .!

الحب في الزواج .. يمكن يتخلله روتين .. بس همسة حب وحدة قادرة أنها تنسّينا معنى الروتين!

الزواج بكل حب .. هو تضحية .. صبر وتحمّل .. تنازل في كثير من الأحيان .. واحترام فوق كل مقام!
..

اللي يبدا زواجه بـ توقعات وحب سابق للطرف الآخر .. هذا نقدر نقول انه ممكن ينصدم بالواقع (وأن حبيبه مجرد انسان عادي له عيوبه) ،، لكن الزواج ثم الحب .. يبدا بـ مجاراة للطرف الثاني واستعداد تام لاستيعابه بـ عيوبه قبل حسناته . . .!


وفي الأخير .. يا عزّابيّه لا تعورون روسكم بـ هالـ كمّ من الأفكار .. لأن في كل زواج يوجد حب .. بطريقة أو بأخرى !
ووووو .. الزواج ما بيعرف حقيقته غير المتزوجين!
المزوحي
19-12-06 ||, 09:56 PM
مفتاح الزواج الناجح في نظري شخصيا التفاهم والتغاضي عن بعض الأمور لكل من الطرفين ...

ومب شرط يكون الحب قبل الزواج .. لأنه احيانا يحصل حب بين الطرفين ويحسون إنهم

بيكونون في سعادة إذا ارتبطوا ببعض .. مرات الحب يبرد .. لسبب من أحد الطرفين ..

مرات المشاكل تكون من الروتين، او من تغير أحد الطرفين .. فتبتدي المشاكل تنخلق من أسباب تافهه

فيفتكر الزوج على سبيل المثال .. ما عادت زوجتي مثل ماكانت قبل الزواج .. وأيام الحب

وهي كذلك ..

الحياة الزوجية لازم فيها خلافات والكل لازم يتوقع هالشي

لانه كل واحد عايش في ظل بيئة غير ... لازم الواحد يتغاضى عن بعض الأمور ..

وجهات النظر تختلف ...

المحبة والاعتذار يخلي الحياة ناجحة من بينهم ...

ممكن الحب يكون بعد الزواج ، وهالشي يأتي بعد العشرة .. بغض النظر عن زلات أحد الطرفين

أو حتى سلوك واحد منهم ...
شوق القلوب
19-12-06 ||, 10:57 PM
سكتيـــــــنا يا أمطـــار.. :a036:

يحليلنا نتفلسف.. و الخبر اليقين عندكم :fa51:

الله يسعدكم و يهنيكم ويديم المحبه من بينكم :fa41:
حلم الطفوله
19-12-06 ||, 11:57 PM
السلام عليكم عاصمتنا الحبيبه بوظبي ....عرجي الظبياني ظهر:a074:

الزواج ...هو قسمه ونصيب وكتبه من رب العالمين ... يعني احتمال إنج تتزروجين وتطلقين وارد واحتمال انج تتزوجين المره الثانيه وربي يوفقج بحياتج بعد وارد ....وين سرت انا:14:

بالنسبه لحياتنا الحاليه ... احتمالية الحب قبل الزواج غير وارده ولا بشكل من الأشكال !

بس احتمال إنه إذا ربي كتب النصيب وصارت الملجه ...ترى بعد ما عدنا أشوفك وتشوفني بالخطبه:argue: فعلى حسب بعد ...تتقارب لقلوب ...وإلا تتنافر ما دمنا ببداية الطريج ...

( عندي سؤال ؟ البنت بهالحاله تستوي مطلقه صح وإلا لا؟ )

من وجهة نظري ...الحياة الزوجية مثل القارب ...تحتاج للتوازن حتى يكمل دربه ... هالتوازن يرتكز على الاحترام والتفاهم والحب وبعد محتاج لشوية تنازلات

( يعني ننسى سالفة ببيت أبويه وبيت امي كنت وكنت وكنت ....) والتجديد الدائم بنظري بعد شيء مهم

كلام أمطار وووووااايد مقنع ... لانه التجربه خير برهان وكل شيء بوقته حلو ... فمهما حطينا ببالنا خطط مستقبلية لواقع مثالي لزوج مثالي ....يمكن يغرنا المظهر وننصدم بالواقع ...

وبعدين ربي يخلي لنا اهلنا ...اكيد ما بيفرونا على أي واحد قبل لا يطقسون عنه ( يشتغلون مباحث) وربي يوفق سعيد بسعيده:a074:
حلم الطفوله
20-12-06 ||, 12:04 AM
على فكره ...كلامي موجه للطرفين ...يعني للبنت وللولد ... فاجلبوا الأدوار ...
الـيـاه
22-12-06 ||, 03:23 AM
سلاام
موضوع جميل يا بوظبي


همممم :k_icon9: بإحتصار أنا أقول إن الحب صح مهم !
بس أبـّدي الاحترام قبل أي شي , لاني مستحيل أحب شخص ما احترمـه فـ إذا كان الاحترام هو الأساس
بنقدر نبني عليه كل شي حلو ..



.
.
.
.
بريد ألكتروني
23-12-06 ||, 05:45 AM
كنت على قناعة ان الحب يأتي بعد الزواج ..
وتأكد أن الحب فعلاً يبدأ مع أول يوم ويستمر في أول شهر ويتغلغل في النفس في أول سنة ويثبت طول عمر الزواج . . .!

الحب في الزواج .. يمكن يتخلله روتين .. بس همسة حب وحدة قادرة أنها تنسّينا معنى الروتين!

الزواج بكل حب .. هو تضحية .. صبر وتحمّل .. تنازل في كثير من الأحيان .. واحترام فوق كل مقام!
..

اللي يبدا زواجه بـ توقعات وحب سابق للطرف الآخر .. هذا نقدر نقول انه ممكن ينصدم بالواقع (وأن حبيبه مجرد انسان عادي له عيوبه) ،، لكن الزواج ثم الحب .. يبدا بـ مجاراة للطرف الثاني واستعداد تام لاستيعابه بـ عيوبه قبل حسناته . . .!


وفي الأخير .. يا عزّابيّه لا تعورون روسكم بـ هالـ كمّ من الأفكار .. لأن في كل زواج يوجد حب .. بطريقة أو بأخرى !
ووووو .. الزواج ما بيعرف حقيقته غير المتزوجين!

بصــراحه كــلامج اكثــر من رائع .

اشكرج اختي
الثعلب الرمادي
27-12-06 ||, 09:34 PM
السلام عليكم

الكره موجود سبحان الله انسان ما تعرفه بس خمس ثواني تتكلم معاه و تكره مع ان ما في سبب منطقي .. انواع معينة من البنات صعب اتخيل نفسي اعيش معاها و لو حسيت اني اكره البنت و ماطيقها فمن البداية اوت حتى ما تكون فيه مشاكل بالمستقبل
تحفه
01-01-07 ||, 09:19 PM
إكتشفت إكتشافين .. رايي غلط + موضوعي سخيف
تحفه
01-01-07 ||, 09:20 PM
بس صراحه .. كلامكم جميل
عهد الوداع
02-01-07 ||, 06:40 PM
بالعكس موضوعج حلو
فنجان قهوة
10-01-07 ||, 04:40 AM
ممممممممم
يمكن الحب لازم اي بعد الزواج عشان يكون فيه دوافع غير الاحترام عشان استمرار هاي الحياه
بس انا مب من مشجعين الحب قبل الزواج
مع تحياتي