المساعد الشخصي الرقمي

مشاهدة النسخة كاملة : السماح بتزويد السيارات


كـلـكـلـووش
19-12-06 ||, 09:10 AM
الســلام عــليــكم

http://00op.com/up/uploads06-12-16/b4817f3802.jpg

السماح لـهم في حالة عـدم ارتكابــهم لـ أي مخــالفه مروريه او قيــادتهم بسرعه قــانونيــه

ســلام
كـلـكـلـووش
تنينه
19-12-06 ||, 09:34 AM
السلام عليكم ,,

أمـس أخـوي يخبرنـي عن الخبر وسـمعت ان فزاع هـو اللي أمـر فيه ^^"..

يلااا بـشرى لكل محبين وعشاق ومدمنيين التزويد لول ,,


يسلموو
قصايد غلا
19-12-06 ||, 10:14 AM
هذا القرار العـــدل "دامهم ماشين وحالهم حال نفسهم محد له حق عليهم ، لكن لو غلطوا خل يأدبونهم"

بس للأسف هذا في دبـــي لكن في الشارجه مادري متى بيخلّون الناس في حالهم :argue:
:3:يقهرون ، حليله اخويــه ما قام يظهّر الجياتي والنيسان بسبّتهم كل يوم و زاخينه



شكـــرا كـلـكـلـووش ...
الاسطوري
19-12-06 ||, 10:16 AM
وعليكم السلام ..

من زمان سمعت انهم بيسمحون بالتزويد يوم بيفتحون حلبه في دبي على اساس انه مسموح
تسرع وتلعب فب الحلبه بس ممنوع تسوي اي شي في الشارع ،،
وسمعت بالخبر هذا قبل كم يوم
وأظن بس بيكون في حدود دبي وفي الإمارات الثانية الامور مثل ماهي يعني كل واحد
يوقف موتره على الحدود ويكمل بالمواصلات
او حد يوصله
:doh:

سمعتوا عن الليسن بإنهم خلوا العمر من 17 سنه وأظن على بداية السنه اليديده بيتطبق القرار
في دبي بس بعد مب متأكد لأنهم لازم ينسقون ويه شركات التأمين
ولا مابتصلح للي أعمارهم أقل
من 18
:smile2:

الاســـطـــوري
أخوكم
راعي الزعـامه
19-12-06 ||, 10:42 AM
عن الليسن بو 17 سنه سمعت انها السالفه غلط
وعن التزويد مافي فايده الا لو عندك موترين واحد حق دبي بس والثاني يوم اتروح الشارجه والا اي امارة ثانية
يعني مثلا واحد مركب هدرز والا توربو وفلتر ،، كم بيكلفه التركيب و الشل كل مايبا يطلع من دبي !!
مايهزك ريح
19-12-06 ||, 10:53 AM
امسات واحد حاط على موتري اعلان مال كورسا بيرفورمنس .. وكاتب انه بيبيع عليه الكت كامل ب 2500 وجيمته 3200 ومستعمل شهرين .. شكلي بركبه خخخخخخخخخخ :3:

http://www.corsaperf.com/gto_2005-6.htm


مشكووووووور على الموضوع كلكلووش :a074:
الدلووووعة
19-12-06 ||, 01:38 PM
ههههههههههههههههههههههههه هه


اخوانيه منقهرين من هاي السالفة

انه ليش فبوظبي هب مصرح

لاكن والله شكلهم هب مهتمين محطين سولف التزويد

انا امس سئلت اخويه قلتله انزين يوم بتسير تفحص السياره شو بتسوي

جان يقول عادي بشله وبعد ماخلص الفح برده

والله انه متفيج الصراحة


تسلم عالتصريح
عايش وهم
19-12-06 ||, 02:29 PM
السلام عليكم ..

طيب هذا خبر حلو .. بس السؤال الجوهري يقول ..:

في الفحص بيمشون التزويد ولا لاء ؟
الـيـاه
19-12-06 ||, 02:50 PM
ترى ناقصين
عاد شوفو عدد الاموات فالسنه بسبب الحوادث .. عوذ بالله .. منو قال الشباب بيتقيدون بهالشي
ذنـيـنـي
19-12-06 ||, 03:10 PM
والله الخبر مفرح و يدل على وجود عقليات متفتحه في بلادنا
اصلا هالشي المفروض انهم من زمان يسمحون فيه

و هذا الشي موجود في كل دول العالم الكبرى
كل واحد حر بسيارته,, أهم شي هو انه ما يسبب فوضى و يسوي اشياء خطيره في سيارته و هو في الشارع.
نحن مشكلتنا انه أغلب الي قابضين الادارات عندنا من الشواب و تفكيرهم لا يزال على ايام السبعينات
و الحمدلله انه القيادات الشابه بدت تغير في القوانين ( الغير مناسبة ) لهذا الزمن
المزوحي
19-12-06 ||, 03:11 PM
هم صح سمحوا

لكن عقب فترة بيقولون خلاص ممنوع ( ... )

وفي ناس بتشل شغلات التزويد وفي حد مابشيله على أساس مكلفنه

ويوم مابيشله أكيد الشرطو توقفه على المخالفة

يعني فكروا .. عسب يربحوون ...
الـيـاه
19-12-06 ||, 03:19 PM
ذنيني
صح ان هالشي حريه ..
بس يوم اني افقد شخص من عايلتي والسبه سوالف طيش وخبال
هالساعه بيقدرون وبيعرفون ان هالشي غلط

لو الشباب عنا هني يحترمون القانون بنقول هالشي حلو وتسليه لهم في الاماكن المخصصه لهالشي
بس شبابنا عندهم قلة احترام للقانون
وخاصة في سوالف السيايير ..
خيال الحب
19-12-06 ||, 03:29 PM
قرار حلوو.. عقبال ما يتطبق على باقي الامارات ^___^
ذنـيـنـي
19-12-06 ||, 03:31 PM
لو تطبق اماراتيه ضد التهور صدقيني ما بتقل الحوادث بشكل كبير
حملة دبي تطبق في دبي بس,,,
عيمان >> سمعناهم يرمسون لكن ما شفنا تطبيق جاد مثل ما مستوي في دبي

وين باقي الامارات عن الحملة

الشارجة
بوظبي
ام القيوين
راس الخيمة

و مثل ما هو واضح في القانون,,
دام انه الشخص يمشي في حاله و مب مسوي مشاكل,, محد له خص فيه

يعني مثلا,, نحن عندنا نيسان و عليه هدرز
و مووووووووول ما نداعس فيه في الشارع
مركبينه عسب مشي السيارة يكون احسن في البر,,

ليش نتوقف في الشارع و يسوون لنا مشاكل بسبب الشباب الي يتسابقون في الشارع
نحن مالنا ذنب في الي يصير من مشاكل,,

الي يتسابقون و يتهورون هم الي المفروض يتعاقبون
بغض النظر عن السيارة و نوعها, سواء كانت مزوده او غير مزوده
ذنـيـنـي
19-12-06 ||, 03:36 PM
هيه صح,, ليش بس اصحاب النياسين و الجياتي هم الي يتوقفون,,

لأنه سياراتهم رخيصه و مش فخمة !!!

البورش كايين ( جمبالا ) صوته اعلى من اي نيسان في الشارع
ليش اصحاب النياسين يتوقفون بتهمة الازعاج
و صاحب الكايين يحشر الدنيا و يوعي الناس من رقادهم و محد يقوله سيارتك مزعجه !!

اللمبرغيني صوتها عالي جدا و مزعج جدا و وايد قوية,, ليش ما يوقفونه و يقولون له ترا سيارتك سريعه و قوية و انته خطر على المجتمع

و نفس الكلام ينطبق على الفيراري و البورش و الرنج سوبر جارج و و و و


قرار ايقاف السيارات المعدله مش منطقي ابدا
المنطق و الفكر السليم في ايقاف المتهورين,, مش السيارات
خيال الحب
19-12-06 ||, 03:58 PM
كــلامـــك صح 100%:fa42:


والي بيحاتي روحـــه وارواح الناس الي بالشارع ماعتقد بيسرع في مكان مزدحـــم..


في امــاكن مخصــصه لهالسوالف يقدر يروح ويطلع حرته فيها لين ماتلوع جبــده..
شرجاوي
19-12-06 ||, 04:03 PM
تعقيبا على كلام ذنيني

الغالي هالمواتر اللي طريتها يايه من المصنع معدله و مسجله بالتزويد ... النيسان ايي من الوكاله عادي و انت تركب عليه هدرز و توربو و الموتر مسجل بحالة الوكاله اكيد بتتوقف ...

انت قلت المنطق ف ايقاف المتهورين مش السيارات ... منو بيزود السياره غير المتهور ؟؟؟ ليش بتزود السياره يا فلان ؟؟ لاني متهور يا فلان و ابا سيارتي تكون سريعه و اسابق الناس و ادعمهم و اجتلهم ..

اتمنى هالقرار ينلغي و بأسرع وقت ...
تنينه
19-12-06 ||, 04:27 PM
كـلام شـرجاوي جـداً مـنطقي =) ,,
ذنـيـنـي
19-12-06 ||, 04:36 PM
مب شرط يا شرجاوي

اعرف وايدين عندهم سيارات مزوده و معدله لكنهم مب مسوينها عسب يتسابقون و يأذون خلق الله

اذا على جي,,
معناته محد في الدوله له حق يتمتع بسيارة قوية غير اصحاب الملايين
و بعد لازم نمنعها لأنه هالسيارات مصممه للسرعه و للأزعاج و تجتيل خلق الله !!

وايدين يزودون سياييرهم للبر, او للحلبات, أو لـ "شعور انهم يسوقون سيارة قوية"
و في الشارع مالهم خص في حد, ما يداعسون و يسوون حركات مالها داعي

مب لازم نعمم على كل الي يعدلون سياييرهم و نتهمهم بالتهور و انهم يجتلون خلق الله لمجرد انهم زودوا سياييرهم
أرد و اقول,, السائق المتهور يستحق العقاب
متسابق الشوارع يستحق العقاب
الي يداعس خلق الله و يتحرش فيهم يستحق العقاب

الي ماشي في حاله و مب ماذي حد محد له خص فيه
لأنه محترم نفسه
و محترم الناس الي حذاله
و محترم الشارع الي يمشي عليه

في النهاية لكل منا وجهة نظر, و احترم وجهة نظرك :)
شرجاوي
19-12-06 ||, 05:02 PM
ذنيني ... المتهورين سوولهم مكان خاص .. حلبة الامارات موتوربلكس ... و الحين دبي اوتودروم ... انت تحب السرعه و تبا موتر مزود .. زود محد قالك لا تزود .. زود و وقف الموتر فالكراج و اذا بغيت تسوقه شله عالكرين و سر الحلبه ... 100 ربيه مب وايد يا ذنيني ...

المواتر اللي تتكلم عنها ( لمبرجيني و فراري ) من حقها ما تتوقف .. موتر جيمته مليون و خرده تباه يوقفونه و يقولون له موترك سريع و ما ادري شو ؟؟ المواتر مصممه خصيصا ل هالشي .. السرعه و لكن ب عقل ... النيسان على سرعة 190 قولي شو من ثبات فيه ؟؟ كل موتر مصمم ل شي و و كل موتر ل حدود و المفروض ما يتعداها ... يعني مب صعبه على تويوتا انها تخلي الاستيشن 600 ولا 700 حصان .. بس هي عارفه ان هالشي خطر على مستخدمي الطريق و خلتها ب 235 حصان


الشرطه ما بتوقفك عسب الماده .. عسب تحافظ على روحك و عسب تعرف ان اللي تسويه غلط
قصايد غلا
19-12-06 ||, 05:09 PM
صح كلام ذنيني

في بيتنا جياتي امزوّدات ونيسان امزوّد ===> أبويه ما يخلّي اخويه يظهّرهم إلا إذا بيودّيهم الكراج ولا يوم يشارك الحلبه

السالفة وما فيها مب خوف على الشباب ، يوم هم يخافون عليهم خل يسوون لهم حلبات في كل الامارات ويمنعونهم من التهور في الشوارع ويحطون قوانين صارمه للي يسوي حركات ما لها معنى في الشوارع

فيه ناس هوايتهم هالشي (يزودون السيايير) ويحبّون الريس ويستانسون على الحلبات


يعني مثلا : اخويه واقف عند الجمعيه يتريا ربيعه عشان يسيرون الكراج
ياه شرطي وخالفه ، أونه السياره مزوده و مادري شو عليها .... المهم تم يتفلسف
سار له أبويه ورمّسه و قال له يوم بتشوفه يرايس ومتمرّد سو اللي تباه
أنا عسكري وأعرف القانون يعني مستحيل ولدي يسوي شي غلط وأسكت عنه
وعقب كنسلوا المخالفه ===> ما بيكنسلونها عشان السالفه فيها واسطه ولا شي

لأن الولد واقف بأمان الله وما سوّا شي ، يعني بس هم يتحرّشون في الشباب

ومرة في الفجيره خالفوه "والسبب : السياره مزوّدة" ويوم سار لهم أبويه بعد كنسلوا المخالفه ، وقال الشرطي : المخالفه حرّرت بالغلط ===> يعني هاي رمسه ؟!
يعني لو ما رجعناهم بتتم المخالفه ، شو هالخوف اللي يخلهم يحررون مخالفات بالغلط


و حد علمي (من اللي أسمعه ) إن بعض الجياتي تي من اليابان فيها صوت ...
شرجاوي
19-12-06 ||, 05:44 PM
ما ادري كيف مأيدين هالقرار ...

المفروض المواتر المزوده ما تمشي فالشارع ... التزويد عندنا يا حي الله ... ف اي لحظه يمكن الموتر يحترق ... قرار يصب ف مضرة الشباب مش مصلحتهم .. الله يستر
ذنـيـنـي
19-12-06 ||, 07:10 PM
بنخلي الستيشنات و النياسين على صوب لأنها اصلا مش سيايير تزويد
و انا عن نفسي ما اعترف بتزويد هالنوع من السيايير..

بنتكلم عن السيارات الي قابلة للتزويد مثل الـ GT-R و السوبرا و المواتر هذه
اذا كنت مركب عليها سيستم بريك محترم
و نظام جامبينات محترم
و تواير ممتازة
و فيها الي يسمونه قفص الحمايه


ليش نمنعها؟؟

السيارة ما بتضر حد
و تعتبر سيارة آمنه
و دام انه الشخص الي يسوقها محترم,, ابغي افهم ليش يمنعونه!!؟؟


المفروض يسوون مثل امريكا

تزويد قانوني و تزويد غير قانوني
يعني تخيل مثلا لو كان واحد مركب مكينه جمس بيغ بلوك و عليه سوبر جارج و و و و و قوتها مثلا 1500 حصان

هذه المفروض يمنعونها لأنه تزويدها مش تزويد شوارع
لكن لو الشخص مركب اشياء خفيفه, بحدود المعقول و بدون خبال ليش يتوقف و يتخالف

المفروض يسوون لجنة في المرور لفحص السيارة
و اي تزويد في السيارة فوق حدود المعقول المروض انها ما تتسجل


لكن منع التزويد كليا,,
اعتقد انه قرار غير صحيح
الدلووووعة
19-12-06 ||, 07:19 PM
خخخخخخخخخ

اخويه ماصدق يوم راويته التصريح

قالي سيفيه يبا راوي اربيعة عسب يصدق لنه هب مصدق ها الشي

بس انا ويا شرجاوي في ها السالفة

لنه الصراحة اخويه ذنيني يمكن انت ماتسوي شي

لاكن غيرك واغلبهم يبون هاي السوالف حق اللعب

الاسطوري

لا يسمعك اخويه انه عادي ياخذون الليسن فدبي وهم 17 سنه

مابيصدق من الله بيسير
ذنـيـنـي
19-12-06 ||, 08:21 PM
يا جماعه القرار واضح

عدم ايقاف اي مركبه مزوده باضافات جوهرية مالم يرتكب صاحبها اية مخالفة مرورية و في حالة ضبط مركبة اثناء ارتكاب سائقها مخالفة مرورية و تبين انها مزوده باضافات يتم احالتها الى الفحص ( جهة الاختصاص ) و احضار تقرير يفيد عن حالة المركبه لأتخاذ الاجراءات القانونية تجاه ذالك

الي فهمته من نص القرار بأنه التزويد ما سمحوا فيه بشكل مباشر, بل منعوا الشرطه من انهم يزخون السيارات المعدلة بدون سبب مقنع و الي هو التسابق في الشارع و احداث فوضى

يعني مب تعال و وقف شباب واقفين في الباركات و هم مب مسوين شي و قم و صادر سياراتهم ( الي حاصل في الشارجه و في عيمان )
إسهر معي ليله
19-12-06 ||, 08:23 PM
زين سووا يوم طبقوا هالقرار،، مب لأني من محبين التزويد وهالسوالف

بس كان فيه ظلم.. يعني اشمعنى النيسان عليه هدرز يتوقف عشان الحشره
أما السياييير اللي قوم بو نص مليون وفوق محد يقولهم شي؟! .. ودراجاات
الهارلي محد يقولهم شي؟؟

ترى هذيل بعد حشره وفـ نفس الوقت سيارات قويه وخطر عالناس اللي في
الشارع اذا راعيها تهوّر... وخصوصاً هالأيام كـل من هـب ودب يســــــوق
هالسيايير.. وفيه منهم صغار.. فـ تشوفهم وايد متهورين.. تحصل عنــــــده
بورش ويسوقها شرات ما يسوق اللومينا!!

وأشوف القرار سليم.. اذا انته في حالك محد بيقولك شي.. لكن اذا سويــــــت
فوضى تتوقف سواء كان عندك نيسان او SLR .. يعني الناس اللي يزودون
حق البر وحق الحلبه بيرتاحون.. يقدر يروح وايي بالسياره وهوه ع راحتـــه
وبدون ما يسبب حشره وفوضى في الشوارع

و اذا انتوا تشوفون هالقرار بيزيد نسبة الحوادث،، ترى المتهور صرحوا له
او ما صرحوا له بيسوي فوضى.. فـ ما تفرق !! لأنه القرار هذا ما غيّر شـي
عن قبل.. بس اللي زاده انه يصرح للي في حالهم وما يسوون فوضى.. امــا
اللي يسوي فوضى.. في كلا الحالتين بيسووي وبيضر عمره وبيتوقف !

وبعدين لا تنسون انه كل ممنوع مرغوب !

فـ الأخير،، اللي ابا اوصل له انه هالقرار يخدم اللي في حالهم وما يسوون فوضى
أما اللي يسوي فوضى بالقرار او بدونه تراه يتوقف وبيضر عمره بنفسه

::
::

بالنسبة لـ سالفة الليسن بيخلونه 17.. فـ هاي اشاعة.. القوانين اليديده اللي نزلت
فيه واحد منها يخص الرخص من 17 الي 21.. والمقصود فيه كل الرخص (مـــن
الدراجه إلى الشاحنه).. كيف يخلونه 17 وهم يفكرون يزيدون الى 21 :smile2:

والسمووحه منكم
إسهر معي ليله
19-12-06 ||, 08:26 PM
مثل ما قال ذنيني

هذا تعميم حق الدوريات،، لاتوقفون سيارة ما سوّت فوضى لو شو كانت
اذا سوى فوضى وقفوه واحجزوه

يعني ما تغيّر شي.. اللي بيسوي فوضى بينزخ!!