مادري هو تكبر او غروور..

[شمعة أمل]

السـلام عليكم ورحمة الله وبركاته

"مادري هو تكبر او غروور.."

جمله .. او بالأحرى .. خلني بس أخذ كلمة "تكبر" من هالجمله..

كلمه يرددونها علي وايــــــــد :smile2:

واكرهه هالكلمه:glare:


كم مره لازم أعيد وأقول .. عن الغلط .. انا مب متكبره ولا مغروره:d010:


انا انسانه هاديه .. اعصب ويوم اعصب .. اعصب من الخاطر .. لكني انسانه هاديه .. مب متكبره!

أدش المسنجر تقريبا كل يوم .. بس يوم أدش ما أسلم على أي حد .. بس أدش أون لاين .. واجوف منو موجود واتم انولاين .. مرات أرمس ناس .. لكن نادراااا انا الى أبدا .. مب عشان شي .. لكن انا جي .. ماحب

هالشي السخيف .. اني ماأسلم ولا ما أسولف وايد .. يخلي الناس يقولون عن متكبره ولا يسبوني!

ليش انزين؟


كيفيييييييييي

مسنجرييييييي

ايميلييييييييييييييييي

انا ماحب اسولف

كيفيييييييييييييييييييييي يي



هالشي كم مره مستوي .. وبعد هني في الواحات .. وايدين يتحروني خقاقه على متكبره على كل شي لأسباب تافهه جداَ


لو انتو ماتعرفوني .. لاتحكمون علي!!!!


مالكم خص:k_mad_argue:


غريبه انه الناس الى يعرفوني عدل يقولون عني طيبه .. والناس الى مايعرفوني ومالهم خص فييه يسبونييي!!! مااااااااااشااااااااااااا ءاللللللللللللللللللللللل لله:3:



اففففف اسميني معصبه>_<


مع السلامه

[أمواج]

.
.
وعليـــــــــكم الســلام والرحمـــه
تصدقين ياخيتوو إن هالشي يصــير ويااي
اذكر اياام المداااااااارس
فئـــه كبيره من البناات مايحبووني
واسمع الرمســات توصلني ويقوولون عني خقااقه وشايفه نفسي ومادري شوو
بس لاني ماحتك إلا ويا للي اعرفهم وايد بس اما الباقين عادي امر عدالهم ولا اني اعرفهم
انا جيه شو اسوي بعمــري :fa46:
.
حتى يوم ييت الجامعه بنات جنااحي ماكانوا يحبووني مووليه
بس سبحان الله اجتمعت ويااهم ايام الفاينلاات وكنت كله ويااهم
هذيج الساعه عرفووني عدل وكل ماسأل وحده شو رايج فيني اول ماشفتيني
تقوول كنت اكرهج لانج خقــاقه وحليلي
الكل فاهمني غلط
حتى هنيه فالواحات مثلج ياشمعه
يتحرووني خقااقه وفي نااس لين الحين يتحرووني خقااقه مع إني تعااملت ويااهم عاادي بس شو اسوي
يوم تفكيييييرهم باودر
.
خلج كووووووووول ياختيه ولا عليج من حد
إنتي مثل ماإنتي
:a050:
.

[شوق القلوب]

السلام عليكم..


شمعتـــنا الغاليه .. :)

..

ماعليــــــــــــــج من حد.. يقولون اللي يبونه..
بالعكس اللي اتسوينه هو الاريح لج.. تدرين ليش؟ لانه مرات الواحد يضطر يجامل عشان يرضيهم لكن على حساب نفسه.. و هالشي بعد فتره يخليج مووول مب طايقه فعادي تنفجرين جدامهم..

سوي اللي تبينه.. وقوليلهم انا جي .. ما احب ازعج حد.. اذا دخلت ولقيت 4 او حتى 1 اون لاين مب شرط اني لازم اسولف.. بس داخله عشان خاطري..

..

لا اتكدرين عمرج.. رضى الناس غاية لا تدرك

:)

[طير الحب]

أنا نفسج مب دوم يوم ادخل الماسنجر أكلم كل الموجودين وهذا طبعا يكون راجع لمودي..

عمري ما حسيت انج متكبرة بالعكس أحس أنج بسيطة وما شاء الله صح انج عايشه بخير بس عمري ما حسيت انج تتكبرين على الاشخاص الاقل...ولا حسيت يوم تتكلمين انه اسلوبج فيه خقه ...احسج جدا طبيعيه...بالبداية كنت مأخذه فكرة ضبابية بس عقب ما بدينا نتكلم في الدردشة وفي مواضيع ثانية حسيتج غير...باختصار بنت تعيش سنها.


ربي يحفظج لأهلج

[شمعة أمل]

حرام نعيش في دنيا الخجل والصمت والاحراج!!! =(


اكرهه close minded people :k_no: :d010:

[المزوحي]

اكيد يوم مايعرفونج بيحكمون

لكن انا بقول لاتحكمون وانتوا ماتعرفون

يعني هالشي هم يخلقونه وروحهم يتكلمون عنه .. ويألفون ...

فـ ليش الضيج

لانه قالوا عن شي مب موجود فيج ؟؟

خلهم


دام إنج واثقة من عمرج .. وشو نيتج ...

في ناس يحبون يستفزون ..

يعني لو كنتي على المسنجر وماتعبرين حد .. يقولون جيه عسب تعطينهم مجال وتكلمينهم ..

وفي الواحات .. لأنه طبعج ماتندمجين يمكن بسرعة .. فياخذون فكرة بأنج مغرورة ..

اش عليج عااااااااد .. خلج كووووووول ... نصيحة مني ...

[تحفه]

بالعكس .. عمري ماشفتج انسانه خقاقه او متكبره ! .. إنتي تردين على كل حد .. و تختلطين وتحتكين وي كل الناس


لا تغيضين من هالشي .. إطمني .. لأن الي يعرفونج عن جريب يعرفون انج مب خقاقه

ومب بس يعرفون .. هم متاكدين من هالشي so cheer up

[حلم الطفوله]

السلام عليكم

وجان أعصب:argue: من إلي معصب بصديقتي شمعه:3:

:3: عزيزتي ... رضا الناس غاية لا تدرك .... والفهم الخطأ وارد ببعض الأحيان

إلي صدق يعرفون شمعه وطباعها مستحيل يزعلون منها لانه هذه طبيعتج :a074: ...

[الجنيه]

السلام عليكم ورحمة الله وبركاته ...

كوووووووووول حبوبه ليش تحرقين اعصابج ع الفاضي ؟؟؟ حبيبتي انتي واثقه من عمرج وعارفه انتي شو ليش تهتمين لرأي الغير ؟؟؟ في مثل يقول الي ما يعرفك ما يثمنك ومن هني خلج عاديه وتصرفي ع سجيتج لا اتغيرين من عمرج عشان حد والي يباج منو ما كان لازم يتقبلج مثل ما انتي ..


والي يصير وياج شي طبيعي جداً ناتج عن عدم معرفه الناس لج بشكل صحيح ... انا روحي صار لي هالموقف يوم اشتغلت اول مره لدرجه انهم كانوا ملقبيني بالمغروره والوغده بس صدقيني اربع شهور وبعدها الكل تغيرت فكرته عني لاني في البدايه كنت مستحيه ما اعرف اتعامل وياهم خصوصا الشباب يعني وايد وايد كنت اطنش حتى السلام ما اسلم بس بعدين تغيرت والكل كان يحبني ويحترمني ...

بالنسبه لي هالشي عادي جدا وان شاءالله بتتخطين هالمرحله وانتي :a074:

[شمعة أمل]

أنا مب شاكه في عمري .. وأعرف اني مب خقاقه..

لكن كم بسمع؟؟

يعني


دايما يدور في بالي

شو الى يخليهم جي يقولون؟؟

ويوم أجوف الأسباب

بصراحه اسباب سخيفه وماتسوى .. ومب معقوله هذا هو الصدق >_<

ليش انزييين

ابا اعرف ليش جي يقولوون =(

حرام عليهم

المشكله

يوم وحده تتحراني خقاقه تسير تخبر الثانيه اني خقاقه والثانيه تخبر عشر وهالعشر يخبرون عشرين >_<

ياناس

مايخصنيييي في الخقه >_<


انا متأكده مليون بالميه اني مب خقاقه ... وأصلن لو كنت خقاقه .. أهلي مابيخلوني أكون خقاقه .. لأنه هذا مب من طبعنا .. نحن مب مربينا جييي:smile2:





بوظبي
انتي تقولين اني أحتك ويا كل الناس .. بس الناس يقولون العكس=s
انا ما أحس اني أفرق .. مادري ليش شي ناس جي يحسون =(

[المزوحي]

صح شمعة

ترى انا كذلك حصل ويايه هالموقف .. في شباب في الدوام

يمرون مايسلمون .. أونه هذا خقاق ...


حسيت إنهم مايطيقوني ..

وخلاف واحد منهم قال .. اتحراك ماتحب اتكلم حد ومتكبر

ابتسمت .. وقت في خاطري لانهم ماعرفوني .. فلازم بيحكمون باللي يبونه !

[شمعة أمل]

تدرين الجنيه
عن سالفه الشغل ..
أشتغلت عند أبويه .. تخيلي.. كل البنات المواطنات قالولي نحن تحرينااج وايد خقاقه ..
انا انصدمت بصراحه
لاني أصلن ماكنت اعرفهم وماكنت احتك وياهم وايد لانهم اصلن مب في سكشنـــي
على كيفهم يتحروني خقاقه..
ناس مايعرفوني ابدا ابدا .. يعني مرات جيي يجوفوني خاطفه ويا فولدر ولا اسوي كوبي لشي .. يقولون عني خقاقه =s ولا اعرفهم ولا يعرفوونيييييييي بس يعرفون اني بنت البوس .. ف سموني خقاقه

تخلف!

الناس تفكيرهم غرييييييييييييب

[شمعة أمل]

تفكير الناس وايد غريب
ع كيفهم يسمون اي حد خقاق ولا خقاقه

غريبيييييييييييييييييييييييييييييييييييييييييييييي يييين >_<


مايحسون انه يجرحون الشخص من ورا هالشي..

[الدلووووعة]

تعرفين تقريبا كلنا جي كانو يقولون عنا
بس بعدين يوم ترمسينهم وتسيرين وياهم تتغير فكرتهم عنج

وعن سالفت المسنجر قبل كنت اول مادخل مادري عاده فيه اني اسلم عالكل

عاد بعدين اللي ابا ارمسها اتم ارمس وياها واللي مابا مارمسها

لوت لاحظين ها الشي


لاكن الحينه الله يخلي اللي سوى المسن 8
اسوي ابير اوف لاين واللي ابا ارمسها ارمسها عادي

وبجي محد بيقول عني لا خقاقة ولا غيره

لاكن انا فالجامعة يعني صح الحينه ستوالنا مادري كم شهر لاكن

بعدنا مانعرف البنات فاكيد يوم بتمرين بتسمعين هاي الرمسة
وحتى من بنات الكلاس

لاكن برايهم يقولون اللي يقولنه انا مايهمني

لني انا واثة من عمريه

[تحفه]

هالناس الي جي قالت عنج .. يبون extra attention منج .. which is may59hum في طريقة تعاملج ..

بالمختصر لا يضايجونج .. انتي مب خقاقه :image005:

[شمعة أمل]

الدلوووعه
مب بنات الجامعه عشان اشتكي منهم =) يخافون مني هناك لاني وايد اعطي في الويه لول


بوظبي
ثانكس,,

[الجنيه]

حبوبه ترا الي ما يطول العنب حامض عنه يقول

ألف مره اقولج ليش يهمج راي الناس ؟؟؟ صح انتي عايشه مبينهم وتحتكين فيهم وبيضايجج هالشي لكن لو انتي بينتي لحد انه هالشي يضايجج بيستغلون هالشي فيج وبيعدونه نقطه ضعف اتشككج بعمرج حتى لو انتي واثقه .. في ناس همها انها تنتقد الناس واتألف قصص وحكايا ع كيفهم لا تعطين الموضوع اكبر من قيمته المشكله مهما كانت كل ما صغرتيها صغرت وكل ما كبرتيها كبرت


انا عن نفسي احسبج خقااااااااااااااااااااااا اااقه نمبر ون يعني اونج تبين اتخبرينا انه الوالد عنده شركه خاصه :vampire: اسولف فديتج ترا هاي رمسه الي يغارون منج *_* الله يحفظ لج اهلج ويحفظج لهم ويزيدكم من خيره *_* لا اتضايجين بعمرج تراني بتضايج عشانج واذا تضايجت عشانج عادي اسوي طاف باجر وما اداوم واروح اتريق ع البحر :14:

[شمعة أمل]

=s
وليش تتضايجين عشاني؟ انا شو سويت =s

دوااميي وماعليج منييي

[حلم الطفوله]

الجنيه حتى انا بتضايج عشان اتمرين وتاخذيني وياج البحر ...شو رايج شمعه ناخذج ويانا؟

[الجنيه]

شمعه all for one >> one for all ترا هذا شعاري خخخ بس حجه عسب الغياب

حلميييييييييييييي افا عليج حاضرين وبريقج ريوق ما حلمتي به ,,, :a074:

شموووع شو رايج اتين ويانا بنختبرج على الهوا انا وحلم بنشوف اذا انتي فعلا خقاقه والا لا

[شمعة أمل]

لو سرت البحر وانا مودي جي أرف بيزيد الأرف أرافين

لاء.. شكراا =( .. سيروو بدونييي بس مرو بيتنا ونزلولي ريووق xD

[شمعة أمل]

اووووه
الجنيه
رديتي
سالفة الأختبار
قلتلكم تعالو مروو بيتنااا
وبتجوفين اذا انا صدق خقاقه ولا لا
الدليل اني مب خقاقه ومتكبره بستقبلكم بالبجامه الحلوه والكشه العجيبه D=

[الجنيه]

ترا اذا حد غيري سمع هالجمله بيقول عنج خقاقه

الدليل اني مب خقاقه ومتكبره بستقبلكم بالبجامه الحلوه والكشه العجيبه


شموع واتقولين مب خقاقه

لا فديتج بتين ويانا البحر وبيتغير المود 10000000% هي انا جنيوه والأجر على الله بخليج اتصيحين من الضحك لا تسأليني كيف بس جي كيفي

[شمعة أمل]

الحين
بجامتي شو يخصها في الخقه =s
انزييين
بيي وياكم p= < عكيفيييي لول

[الـيـاه]

انتي تعرفين شو بقول ..
انا اكثر وحده اعرفج هني واعرف انتي كيف ؟! .. انتي إنسانه ماشي أطيب عنج صح عصبيه بس واايد كيوت وحبوبـه :inlove: ..
ماقول جي عسب امدح وبس .. بس هذا الصدق

وايد ناس بتشوفينهم يقولون جي
والحمدالله يوم انهم يقولون جي وبس , لان الناس مايرضيهم شي أبد مهما سويتي
فـ انتي لا تهتمين
لان ( رضى الناس غاية لا تدرك ) يعني مافي شي نقدر نسويه نخلي كل العالم براي واحد :fa52:

أنتي واثقه من عمرج
وتعرفين أنتي كيف شخصيتج ويا الناس
وصدق اللي بيتقرب منج :a074: بيعرف أن *شمعة أمل* مافي مثلها ومثل طيبة قلبها

وتذكري ؟؟؟؟
شو قلتلج يوم خبرتيني عنه اللي اتصلوبج في يوم واحد وكلهم كانو *** وشو قلتلج عن عمرج ؟ هني بتعرفين أن كل حد تقرب منج يحس أنج الإنسانه اللي بتسمعه أي وقت

I heart u :inlove:

.
.
.

[طير الحب]

وأحبك كلمة على لسانك وملت تسكن لساني

كنت اكمل الاغنيه

[الجنيه]

شوفي البجامه مب خقه بس عند الناس المرضى بالتفكير هي هاي تعتبر من مظاهر الخقه يعني اونه محد عنده بجامه حلوه غيرج *_*

بكتفي بالردود عن يشوتوني لان شكله الموضوع تحول دردشه ... اقولج ,, لا خلاص كنت بقول ما احبج بس اخاف تزعلين زياده

اسولف فديتج بباي

[شمعة أمل]

الياه

هيــــه أحيد ذاك اليوم..
i :fa41: u 2 friendootyyy

رفعتي معنوياتي!



طير
:fa35:


الجنيه
بجامه عاااد:fa46:
تيك كير

[خيال الحب]

:d014: منو هذيلا الي يقولون عنج خقاقه هااااااااااع:d014: وينهم وينهم:d014:



:k_busted_cop: والله ياختـــي لو كل حد قعد يسمع كلام الناااس .. شكــله محد بيرقد مرتاح بهالدنياا..

خــلج كووول..


وبمــا انه في المنتـــدى او بحياتـــناا نحــتك بناااس من طبقات مختلفه.. في الناس الي عندهم كل شي ماشاء الله وفي الوسط وفي الفقارى..

فيمكن انتي تحطين صور اشيا او ترمسين عن اشيا تحسين انها عادي.. وغيرج يحس انج خقاقه يوم ترمسين عن هالاشياء..

بــس خلج كووول لاتعصبــين مب زيـــن:fa42:

[شمعة أمل]

لو الناس يعتبرون الأشيا الى أنا أملكها ك خقه .. ماعندهم سالفه!

[ريم العين]

أدش المسنجر تقريبا كل يوم .. بس يوم أدش ما أسلم على أي حد .. بس أدش أون لاين .. واجوف منو موجود واتم انولاين .. مرات أرمس ناس .. لكن نادراااا انا الى أبدا .. مب عشان شي .. لكن انا جي .. ماحب

هالشي السخيف .. اني ماأسلم ولا ما أسولف وايد .. يخلي الناس يقولون عن متكبره ولا يسبوني!

ممممممممممم
قبل يوم كنت وياج عالمسن كنت انا اللي ابدا وكنتي تسويلي طاف بس ما قلت انج متكبره
قلت انج ما تبين ترمسيني وتفاهمت وياج
بس ما شالله عليييج ايام وسويتيلي احلى بلوك ^_^
ومدري شو السبب
يمكن لاني ارمس وايد عالمسن؟

المهم ماضي وانتهى وما عليج من كلام الناس سوي طاف مثل ما تسويين طاف للي وياج عالمسن

[شمعة أمل]

انتي تعرفين ليش انا مسوتلج بلوك!
وكم مره قلتلج اني ماكنت أسويلج طاف..

[ريم العين]

لاماعرف حبوبه
وكنتي تسويلي طاف ^_^

[قرموشة]

طـاح البكـس هيهيييهييي

[شمعة أمل]

راجعي نفسج وبتعرفين ليش =)

[ريم العين]

عسب كلمه وحده يعني

صدق عقل يهاااال

[دانة حتا]

شمعة امل هدي امي هدي

لا اتعصبين شي طبيعي الناس تحكم على اي حد ما اتعرفه بسرعه وعادة يكون الحكم
غلط ..بس مب لازم تزعلين تراه اللي ما يعرفك ما يثمنك
المهم انه ربعج والناس القريبه منج ما اتقول عنج هالكلام
وعني شخصا اشوفج هاديه ومالج خص بشي وحبوبه
ولا تضايجين
وريم ريم هدوا هدوا

[الاسطوري]

السلام عليكم ..

الإنسان حتى لو وصل الخمسين يظل يتعلم وياخذ من اللي أكبر منه وأنا بطبعي أسمع أكثر مما أتكلم
ويوم أرمس ما أقول كل اللي أعرفه لأن المثل يقول (مب لازم تقول كل اللي تعرفه
بس لازم تعرف كل اللي تقوله) والناس اللي بطبعهم
يرمسون وايد تلقينهم يعيدون
نفس الرمسه في كل مكان وماعندهم شي يديد وحلو إن الواحد يتميز بشويه من الغموض ومايكون
كاشف كل أوراقه للناس عشان يقدر يعطي القراب منه أكثر عن الباقين وتظل
عنده أشياء يفاجئهم بها في الأوقات الحلوه .. خليهم
على ماهم عليه ترا من راقب
الناس مات هما ولاتعيرين إهتمام إلا للأمور اللي تهمج وغطي بعض الأوراق المكشوفه اللي محد
قراها وبترتاحين وهاي نصيحة مجرب مب دكتور وإذا قدرتي تكونين كول
ويه الكل شي طيب يعني تسلمين على كل الناس
تراهم بيقدرونج أكثر

الاســـطـــوري
أخوكم

[شمعة أمل]

تدري انك صح يا الاسطوري..!
في كل كلمه قلتها..

[شوق القلوب]

السلام عليكم..

كلامك يا الاسطوري :fa42:

صدقك في كل كلمه.. و بنحطه في الاعتبار.. :)

..
..

أتمنى انه هالموضوع ما يكون سبب في طلعه شمعه أمل.. !

:k_sadwalk:

[نور الإيمان]

يحليلج ^.^

ما اشوفج خقاقة ابد والله ..

من ناحية الماسنجر و الله انتي فيج الخير .. انا عندي عادة سيئة جدا لول .. احذف كله اللي عندي في القائمة!!!! هاي عادة ما اقدر افتك منها .. حتى اللي عندي من الأهل ع المسن اسويلهم بلوك و ديليت و ارجعهم يوم ابا !!

عزيزتي يقولج المثل : اللي ما يعرفك ما يثمنك ..

هم ما ثمنوج عدل و ظلموا انفسهم جي ... و لازم ما تزعلين و تكدرين خاطرج ...

عيل انا شو قالوا عني ^.^ ناس عشت معهم سنوات و آخر صفة سمعتها : خقاقة و متكبرة ووغدة !!

هم افصحوا لي عن هالصفات .. انا تقبلتها بصدر رحب لأنهم عقب قالوا : بس انتي غيييييير .. و نحن ظلمناج بهالصفات ...

المهم انتي لا تزعلين يا شمعتنا ^^