ms sh@amsi قدوة لنا في فــلـيـكــر

[ذنـيـنـي]

السلام عليكم و رحمه الله و بركاته

في البداية حبيت اهني نفسي و اهنيكم على وجود اخت لنا في فليكر تسمى ms sh@msi
و حبيت اهنيها على اخلاقها العالية جدا و اسلوبها الراقي جدا و حوارها المقنع جدا :fa35:

البنت هذه الله يسلمكم استغلت فليكر في محاربه ظاهرة البويات السلبية بأسلوب النقاش و الاقناع
بدلا من اسلوب شتم البويات و التشهير فيهم و استخدام الكلمات البايخه مثل eeeeeeew و اعععععععععع و اخ لاه و غيرها من الكلمات الي ما تودي ولا تييب

و الحمدلله 3 من اشهر بويات فليكر اقتنعوا بالعوده الى حالتهم الطبيعيه كـ بنات بفضل الله و من ثمن بفضل ms sh@msi الي اقنعتهم بحوارها الراقي و المهذب جدا بانه الي يسوونه غلط

و مشت معاهم خطوة بخطوة الين ما اقتنعوا و قرروا بشكل جاد بانهم يتركون حياة البويات للأبد باذن الله



لمشاهده هذا الحوار

اضغط هــــــنـــــــــــــا (http://flickr.com/photos/99992987@N00/321639058/)


تستاهل الاخت مس شامسي كل تحية تقدير منا و الله يجزيها كل خير على الي سوته


ذنــيــنــي
:police:

[خيال الحب]

الصراحه انا وايد عيبني اسلوبها بالحواار

:)
وزين انه وايد بنات اقتنعو بكلامها :)

[مريوومه]

وعليـكمـ الســلام ورحمة الله وبركــاته..

سلمت يداك اخي الفــاضـِــل.. ذنيــنيي..
على هذا الطــرح ..

وماشاااء الله عليــها .. اسلووبها فعــلا راقــي..
نتــرقب جديدك ..

[شهوووودة الأمورة]

تسلم أخوي ذنيني ع طرح الموضوع..
وفعلا اسلوبها جدا راقي ومحترم .. والله يهديهن يارب..

[ذنـيـنـي]

خيال الحب

تسلم الغالي على مرورك
و الحمدلله انه ربك هداهن

=========

مريومه

تسلمين على التواجد اختي الكريمه
=========

شهووودة الامورة

تسلمين اختيه على التواجد و على ردج الطيب




=========================
=========================



القصد من موضوعي هو معرفة كيفية استغلال الاشياء الي ساهمت في دمار مجتمعنا
لتعمل على اصلاح مجتمعنا " بطريقة او بأخرى"

و الله يكثر من امثال Ms sh@mSi

[ا ل غ ل ا]

فديتها والله عاقل وأسلوبها حلو ،، وعقلها كبير ،، ماشالله عليها والله يكثر من أمثالها ،، والله يهدي البويات واللي يحبن هالشريحة من المجتمع ..

تسلم ولد عمي على الموضوع ^ ^

[أمواج]

.
.
اول مره احس إنه في فايده من ورا الفلاكر
:k_puppyeyes:
الله يكثر من امثالها
وثانكس نصور على هالموضوع
.
.

[شمعة أمل]

ماشاءالله عليها .. الله يكثر من أمثالها

أقولكم..
ما لاحظتو شي من الحوار
انه تقريبا كل البويات مب راضيين من نفسهم وانهم بويات؟ شي غريب..:rock:

[طير الحب]

يزاها الله خير وكثر الله من امثالها...أصلا سبب الي نحن فيه ابتعادنا عن المر بالمعروف والنهي عن المنكر يعني اذا شفنا منكر نقول نحن مالنا خص ونروح...والأدهى والأمر انه الصديقة تشوف صديقتها تسوي الغلط وتسكت أي صداقة هاي...هاي لا صديقتج ولا تحب مصلحتج

[الشحية]

أويييييه ..
أونه البنت أحسن لهاا تحب وحدة .. ؟ >> وين عايشييييين :S
يزاهااا الله ألـــــــــــف خير ..
بروح أكمل قراااااايه ..

[ريم العين]

طير الحب ..

بقولج مثال استوا اليوم ما بقول منو البنات طبعا بس بقولج انه البنت يوم تسكت عن البنت مب معناته ما تبا مصلحتها

اليوم الصبح مشكلة مستويه ما اقدر اقول شو هي بس بقولج السالفة

الحوار
البنت1:هالشي ما بينفعج و.........الخ

البنت :شو تقصدين يعني بتسيرين تفضحيني ومدري شو

البنت 1:ما اقصد شي ولا اقدر اسوي شي بس بعد انتي ربيعتي وابا مصلحج

البنت:لاتسوين ولا تزيدين من السالفة

البنت1:اوكي

اوبعدي (البنت 1) يلست تفكر فربيعتها اللي تمشي بطريج الخطا
وهالشي كل يوم الصبح يستوي وتراهم ربع الروح بالروح

يعني احين البنت 1 ما سوت شي بس بعد تبا مصلحه ربيعتها

بغيت افهمج هالشي حبوبه ^_^

سوري طلعت عن الموضوع
.......

الله يحفظها ويكثل من امثالها
فيا الخير والله على المجتمع
وماشالله عليها مساعده للخير

والخير فيك انته بعد على طرحك الموضوع ^_^

[الدلووووعة]

يزاها الله اف خير

وعقبال كل البويات ان شاءالله

[طير الحب]

ريم تربيع...صدقيني مش من محاولة وحده...بالعكس لازم تنصحها بأسلوب حلو وما تهاجمها عشان تتقبل رايها وصديقني في لحظة بينها وبين نفسها بتفكر

[إسهر معي ليله]

زين سوت الصراحه،،

لأنه هالظاهره انتشرت بشكل فضيع.. عفانا الله عفانا الله

مشكور عالموضوع اخوي

[المزوحي]

ذنيني شكرا على النقل

وفي ميزان حسناتها إن شاء الله

وأتمنى نحصل شخص يتبع نفس الاسلوب .. اللي يمشون فيه الشباب ...

[ريم العين]

حبوبه افهم من كلامج على حسب الاسلوب

وبعد يعتمد على حسب قلب البنت اللي نوجه لها الرمسه ^_^
في قلوب تكابر وماشي فايده حتى لو خففنا التكبير ما شي فايده
تقول شو هاييلا يقصون عليه يخلوني ما اسوي هالاشيا وجي
ااتمنى اني فهمتج اللي كنت ابا اقوله ^_^

[الجنيه]

بالفعل أثبتت انه الكلمه الطيبه والحوار الراقي أييب ثماره *_*

ذنيني ,, تسلم ع النقل

[كـلـكـلـووش]

الحلقه القادمه من برنامج الشيخ نبيل العوضي في قناة الراي بيكون عن البويات ..

و الحلقه اللي طافت كانت ايضا عن البويات .. الحلقه اللي طافت تكلمو عن المشكله .. و الحلقه القادمه بيتكلمون عن الحلول الممكنه للمشكله

انا طرشت اللينك مال الصفحه اللي حطيتها لموقع الشيخ نبيل العوضي .. ممكن يطرحها في حلقته الاسبوع القادم و يكون مثال على العلاج و الحل لهذي المشكله هي توعية الناس ..

يزاك الله خير و يزاها الله كل خير ..

[طير الحب]

متى البرنامج اي يوم ياكثر النوتس الي احطهم على التلفزيون عشام ما انسى ايام ومواعيد البرامج

[كـلـكـلـووش]

ينعرض البرنامج يوم الجمعه الساعه 8 مساءا . بس اظن بتوقيت الكويت يعني 9 مساءا بتوقيتنا ..

[دانة حتا]

هيه هذا الاسلوب مش اللي يسونه الحين
انا سمعت وايدين يناقشون البويات في هالسالفه
ووالله انه عندهن اسباب بس يبالهم حد عاقل شراتها وبيعتدلن

الله يهديهن
تسلم ذنيني ما قصرت