المساعد الشخصي الرقمي

مشاهدة النسخة كاملة : سوالفنا...و...طلباتكم



الصفحات : 1 2 3 4 [5]

ايه احبك
26-08-07 ||, 01:47 AM
شو استوى لج الشين ؟

عهد الوداع
26-08-07 ||, 02:05 PM
ايه احبك اكيد فديتج بس انتي جربي لووووووووول

الشين شو صار لاختج خوفتينا ,,,؟!

ايه احبك
26-08-07 ||, 03:51 PM
لوووول بس ها ابي بنات الواحد اول ناس يتبعني عسب اتكون حقوق الحفظ عند بنات الواحات بس :P

مــهــابه
26-08-07 ||, 05:21 PM
تـدرون اني لـم ولن أفكر فـ يوم أصبغ شـعري . . .

ايه احبك
26-08-07 ||, 05:29 PM
انا ابغي اغير
مره وحده سويته هاي ليت احمر ومن زمااااااااااان سويته
ما تغير وايد شكلي اصلن ما تغير شكلي بس الحين ابي استوي شايني

مــهــابه
26-08-07 ||, 05:31 PM
^
حلـو انج تـغـيرين . .

ايه احبك
26-08-07 ||, 06:01 PM
هيه بس انا الي خايفنه منه هي عواقب التصبيغ

مــهــابه
26-08-07 ||, 06:42 PM
^
حسـب نوعيه الشـعر ، اختيه تـصبغ صبـغه ورا صبـغه
شـعرها كـان وااايد حلــو ، الحين احسه اخترب ، صـار وايد جـاااف


عسب جيه انا ما افكر ، خلينا ع الأسود وايد احسن :)

ايه احبك
26-08-07 ||, 07:02 PM
ترى هني الموضوع حسب الصبغه وطريقتها
وخاصه اللون الي في خاطري في امكانيه انه يسبب لي مشاكل يعني بيكون صبغة اسبوع واكيد بيخلوني اغيره فبتالي بتعتفس دنياي

الشيـــن
26-08-07 ||, 08:29 PM
الله يسلمكم اللي صـار إلهـا ان الصبغه حرقت فـروة راسهـا .. يعني شعرها من الجذور اخترب !

تعرفون والله يبين انه الشعر محروق .. جي جنه سلك ظعيف ينكسر ..!
وشي ف الفـروه مكان صغير جنه قرعه !
وعقب فتره عالجتـه وجـي والحين احسن شوي ..

صح مب شرط كل حد يستويله جي لكن ماتظمنون بعد ..!

كنت ناويه أصبغ شعـري ويوم شفتهـااا قلت توووبه ..
انا صابغتنه قبل ،مره خصل عنابيه و مره هالخصل الملونه قوم 4 مادري 5 ألواان وكان حلـو ..
بس الحين قلت مابـااه الحلـو جان جي بيستوي بي ، لون شعري حلـو خلاااص ههه

ايه احبك
26-08-07 ||, 08:39 PM
تبت او حرمت مابي لووك يديد ولا هم يحزنون ... قصتج اتخوف يالشين

تحفه
26-08-07 ||, 10:01 PM
منو احسن حد يصبغ الشعر عندنا في الامارات؟
يعني ينصبغ الشعر ويتم الشعر ناعم ومب مخترب !

عهد الوداع
27-08-07 ||, 01:11 AM
الشين صج خوفتيني ,,,

لا للصبغه ههههه


تحفه والله ما عرف ,,, حنيه احسن لج بيتم ناعم وحلو ...

تحفه
27-08-07 ||, 01:53 AM
سمعت الحنه اتنشف الشعر

>,>

ايه احبك
27-08-07 ||, 01:59 AM
هيه انشف بس زيتيه بعد ما تحنينه

دمعة شوق
27-08-07 ||, 02:02 AM
تحـفـه
مـاشـي منه أنـا من يوميـه احنـي شعـريـه
والحمدالله ماينشـفـه ولا شـي بالعـكـس
يسـتـوي ناعم وريحته حلـوه
:fa35:

بس خلطتـيه للحنـاء خاصة
:vampire:
يعني تحطيـن الحنـاء وتخليـن شـاهـي احمر يثور فوق النار شويه هب وايد
وتحطينه في الحنا بدل الماي وتحطين قوطي روب وبيضه و كركم اذا فيج قشره
واذا تبين ريحت شعـرج أوكيك طحـنـي مسمار وحطيه وبـس
؛
وبـس سويه فليـل وتحـنـي وخليه في شعـرج تقريبا ً ثلاث أو أربع ساعـات
والروب والبيض في وقتـه يعني يوم تبين تتحنين حطيه هب قبل
؛

دمعة شوق
27-08-07 ||, 02:05 AM
جربن طريقيته وماينشفه :)
واذا تبـين مايتم شعرج ناشف عقب ماتغسلين شعـرج يبـي شويـه من
زيت فاتيكـا في ايـدج ومسحيه على شعـرج
مابيـزيـت ولا بيبين انج داهنه شعرج وماله ريحـه :)
ويتم شعـرج اوكيك

ايه احبك
27-08-07 ||, 02:14 AM
حبيت الخلطة تحفووه نجربها في بيتكم XD

تحفه
27-08-07 ||, 02:20 AM
الشين يحليلها اختج .. قوليلها تستخدم
Fekkai anti breakage treatment mask < يقوي الشعر و يمد الفيتامينات للاطراف ومايخلي الشعر يتقصف
+ KERASTASE CONCENTRE VITA-CIMENT< يكون مثل كندشنر للشعر ويعطي لمعه ويخليه ناعم

وقبل كل استشوار خليها تحط سيرم عشان يحمي شعرها ! اتفلسف وايد انا روحي ما اسوي ههههههههه :10:

واذا بتدهنه خل تدهنه بالCastor oil لاني بصراحه اشوفه افيد من الزيت زيتون وهالسوالف :nerd: واحسن شي فيه انه مافيه ريحه ( بس مره وحده في حياتي سويته ) بس والله :fa42:

ودايما خليها تسوي مساج حق فروة شعرها .. انا دايما اخلي البشكاره تسويلي ونا اطالع تلفزيون بعد ما ارجع من الجامعه او بعد ما ارجع من برع :k_wheelchair: اشغلها خخخخخخخخخخخ ( هالشي ما انساه ) :10:


وفي برودكت من ماركه بس مش موجوده هني :fa56: .. تزيد كثافة الشعر اسمها MiN New York

تحفه
27-08-07 ||, 02:23 AM
تحـفـه

يعني تحطيـن الحنـاء وتخليـن شـاهـي احمر يثور فوق النار شويه هب وايد



كيف اخليه يثور؟ :4:

تحفه
27-08-07 ||, 02:26 AM
لا ياماما انا ماعرف هالسوالف خلي شعري بعيد اخاف نسوي شي غلط نروح فيها ابي استمتع بشعري في عز شبابي .. دمعة شوق ليش ما تسوقينه .. والله بنربحج بنسويلج دعايه عدله XP

دمعة شوق
27-08-07 ||, 02:38 AM
كيف اخليه يثور؟ :4:


:fa56:
ثوريـه
يعنـي خليه يغـلـي
:fa56:
؛

خخخ خلاص يا تحفه عليـج لوول
لا صدق وايد اوكيك للشعر

ايه احبك
27-08-07 ||, 02:56 AM
هههههههههههه اتضحك

الشيـــن
27-08-07 ||, 07:25 PM
عهد الوداع ، تحفه ، ايه احبك
اشكركم على تعاطفكـــم .. لووول ..

تحفه مشكوره حبيبتي وانا بخبرهـاااا وعاد هي كيفهـااا . . (=

تحفه
27-08-07 ||, 08:56 PM
^اهم شي مساج فروة الراس D:

ايه احبك
30-08-07 ||, 07:12 AM
بنات ابي افكار حق هديه حلوة بمناسبة عيد ميلاد ربيعتي
خبروني شو الأحلى والأفضل والأنسب لبنوته دخلت 19???

خطايــا
30-08-07 ||, 01:21 PM
امممممممم صبري بفكر

ايه احبك
30-08-07 ||, 11:17 PM
يالله اتريا ^^.

دمعة شوق
01-09-07 ||, 06:09 PM
شعريـه واايد يطيـح شو تسـون في حالتـيه ؟
عيزت بـه ماشي فـايده
:boxed:
يعني بالهبـل يطيح ، قمـت احـاتي خخ واحلم انيه اصلع لوول
:pullhair:

شمعة أمل
02-09-07 ||, 01:29 PM
^
لول
يلسي في الشمس لـ على قل 15 د في اليوم.. < أهم شي

ولا

اشتري الشامبو الى يوقف هالشي .. اشتريت واحد لأختي يوم كنت مسافره وقالت انه زيين بس ماظني يبيعونه هني

شمعة أمل
02-09-07 ||, 01:34 PM
بنات ابي افكار حق هديه حلوة بمناسبة عيد ميلاد ربيعتي
خبروني شو الأحلى والأفضل والأنسب لبنوته دخلت 19???

اذا تسوق .. اشتريلها ميداليه لـ سيارتها
ممم
شنطه
سكارف
ساعه
دهن عود
عطور
آي بود
منظره
ذهب ولا كرستال
شيله
موبايل
فاوتشـر لـ سبا


أو ترومين اطلعينها تتغدون وكوفيي بعدين تنزلينها البيت وتعطينها باقة ورد:tounge:

دلوعة دبي
05-09-07 ||, 03:03 PM
تسلموون عالموضوع الاكثرمن رائع ..


انا اتعقدت من سالفة الشامبو كل ما استخدم شامبو يقولولي انه مب زين والحين انا استخدم شامبو Mane 'n Tail مال الخيول واشوفكم الحين تقولون انه مب زين للشعر مع اني اشوفه اووكي والله شكلي اخر شي بنتحر لووووول

المهم ابا افصل فستان سهرة من ازرا حق عرس اختي فشو رايكم في ازرا اوكي ولا وكيف تصاميمه ؟

واذا حد عنده رقم مصطفى يعطيني

والسموووحة ^^

تحفه
05-09-07 ||, 05:44 PM
^ازرا وايد فنان وتصاميمه روعه وانيقه ونا احب تفصيله وايد ~ لا تقولين ابا وابا وابا .. خليه هو الي يتنقالج

انا دايما اخليه هو الي يتنقالي 3>

دلوعة دبي
05-09-07 ||, 07:29 PM
خلاص عيل بتوكل وبسير عنده

ومشكوورة الغالية ^^

شمعة أمل
05-09-07 ||, 11:21 PM
انا ماعيبني شغل ازرا وايد .. صراحه ماحسيت فساتينه يستاهلون 12 الف .. غير انه ياخذ شهووور على الفستان

شمعة أمل
05-09-07 ||, 11:22 PM
ستايله وايد جي مصرييييي .. مب كلاسيك ولا شي

حلم الطفوله
05-09-07 ||, 11:40 PM
قفعه تقفع العدو :3:

فستان بـ12 ألف ! لا اتفصلين عند إزرا ... دام ستايله مصري ومب كلاسيكي :biggrin:

تحفه
06-09-07 ||, 12:01 AM
انا ماعيبني شغل ازرا وايد .. صراحه ماحسيت فساتينه يستاهلون 12 الف .. غير انه ياخذ شهووور على الفستان

غريبه انا اخر مره فصلت عنده استلمت الفستان بعد اسبوعين!

تحفه
06-09-07 ||, 12:02 AM
ستايله وايد جي مصرييييي .. مب كلاسيك ولا شي

مصري؟!

انتي متاكده انج سايره عند ازرا!!

تحفه
06-09-07 ||, 12:04 AM
عادي اشوف شو فصلّـج؟ لول :m_ma9dom:

دلوعة دبي
06-09-07 ||, 03:34 PM
استايله مصري!!


عيل ما بسير عنده لووول

شمعة أمل
06-09-07 ||, 10:00 PM
مب انا الى مفصـله عنده .. بنات عمي فصلوو عنده وخذ 3 مادري 4 شهور!
فستان الاولى كان بـ11 ألف والثانيـه بـ 12 ألف..
فستانهم صح *ملفت* لكن هذا بس عشان الكرستالات الموجوده فيه .. لانهم كبار . . والألوان فاقعه . . لكن مب عشان شي ثاني

غيـر انه الكوالـتي مب لهنـاك .. بصـراحه!
يعني وحده فيهم .. اشيـاء تمت اطيح من فستانها .. لو تمشين في القاعه بتجوفين شي وردي كل مكان .. لانه طايح من فسـتانها .. غير الكلتشزز الى يون ويا الفسـاتين جنه مال سطوه .. من ناحية كوالتي!

ماحسـيت انه شغـله مرتـب .. غير انه يوم تسيرين عنده لازم تحاسبيـن .. يعني مثلا وحده من بنات عمي في البدايه كان فستانها ولاشي ف هزبته وقالتله انا مب يالسه ادفعلك عـ الفاضي .. ف زيدالها كرستالات..


انا الصراحه مول ماعيبني شغـله .. وماحسيـت انه يستاهل 12 ألف .. وهو مايعرف كيف يصمم على جسم البنات .. مثلا المفضروض يوم يصمم فستان وهالفستان يحلي الجسم .. لكن حسيت العكس.. يعني الظعيفه فستانها خلاها اظعف والى وزنها عادي فستانها خلاها متينه =s



يمكن لاني انا وايد picky وماحب اي شي p= بس صدق لاحظت هالأشيـاء..

بنت الدلع
07-09-07 ||, 01:26 AM
12 الف حق ليله وحده !

لو فستان عروس بنقول

تحفه
07-09-07 ||, 01:33 AM
غريبه انه سلمهم فساتين اي شي .. لانه هو مايحب يسوي شي مايشوفه مناسب و حلو =/
بس ماستبعد انه قام يعنقش لانه كل المصممين يوم يشتهرون يقومون يفصلون اي شي مثل زهير وهاييلا

وشي وايد غريب انه ياخذ شهور لين مايخلص فساتينهم لان فستان وحده من بنات خالي ركب عليه ذهب ويابو التطريز من الهند حق يوم الحنه وماخذ لها شهر ونص !!

و احيد مره انه غير التوب مالفستان اختي قبل سنتين بس لانها طلعت وايد skinny

هو وايد حريص يوم يتعامل وي ماما لانه يعرف انها ماتقتنع باي شي

وصدقج after all الناس اذواق XP

بس من اكسبيرينسي اشوفه وايد اوكي :fa42:

نصيحه: دايما كونون كلاسك وحاولو انكم في المناسبات الرسميه تكونون كلاسك علشان مايضحكون عليكم بعد اميه سنه في المتحف لول

*شوفو عيل جورج حبيقه او JCK (Micheal) بس مادري اذا الميزانيه بتكون عائق

ياني رقاد :redface2:

*nighty night 9abayaaa

تحفه
07-09-07 ||, 01:42 AM
12 الف حق عرووووووووووووووس!!

اخر عروس يوم عرست من خمس شهور فستانها كان بس اباميه وثلاثين الف

الحين فساتين الاوادم العاديه صارت في الثلاثينات

من فتره كانو يقولون الرياييل ان بعد عشر سنين 30 الف مابتكفي الانسان انه يعيش في دبي ومابتاكله غير ملح وخبز!

عسب جي قامو يفتحون الفرص للمواطنين وكلحد يسمع شكاويهم وشو ناقصنهم

لان دبي بعد ثلاثين سنه بتكون صدق شي ثااااااااااااااني ومحد يتوقعه

قصايد غلا
07-09-07 ||, 11:50 AM
نصيـــــــــــــحــة : إلاّ JCK :fa55:

بنت خالوه امفصّل لها من فتره بــ 10 آلاف او بــ12 "ما أتذكر بالضبط"

وخذتني وياها لأنها هي بسرعه تنغر بالكريستالات والألوان فــ ينقص عليها ===> أنا موووول ما يعيبني أي شي

أحب الشي يكون عليّه حلو ويناسبني و أهم شي أكون مقتنعه فيه حتى لو الناس ما عيبهم أهم شي راحتي


المهم

في العرس كــــــــــــل حــــــــــد عايبنه فستانها وأونهم متخبلين عليه
لكن أنـــا :shutup: لاعت جبدي منه وحسيت بـ شغله كـــجــــــرة "يمكن لأني أحب الشي يكون ناااااعم وراقي وفخم في نفس الوقت ، ما أحب الفستان يكون ممزور كريستالات وبشكل مب متقن"

مسوي لها ورود روز بالــقطعه نفسها "ماعرف شو يسمون لكنه امنتف القطعه مثل الريش" ومازرنهن كريستالات
والتوب كله كريستالات كبار وصغار ===> يعني لو شافت عمرها عقب 5 سنوات بتقول شو هالذوووووووق العنقااااااااش الداثر "صدق إنّي مال أول" :a116:



دلوعة دبي : سوّي مثلي
دوري لج حد شغله فنان لكن أهم شي انج انتي بروحج تختارين اللون والقطع والإكسسوارات

والأهم إنه عندج حد يطبّق فكرتـــج مثل ما هي "ما يعنقش ويخرب كل شي"

أنا ما كنت بفصّل شي لعرس بنت خالي وكنت خلاص بسير بعباتي لأنه الدانتيل والاكسسوارات اللي فيها من برّع يعني محد بيكون لابس شراتها

المهم

قبل العرس بــأسبوع تذكّرت إن عندي قطعة روبيرتو كافالي "حرير" بنفسجيه " لون قرطاسة الكادبوري"
جان أقول بفصّلها

سرت خذت برش من الوشيعه بــ 500 وشي

وعقب دورت لي موديل تنورة ، وقلت بحط تحت قطعتي دانتيل ذهبي "بحيث يظهر الدانتيل من تحت القطعه " وخذت الدانتيل الوار بــ1000 من العيسائي وخذت شيفون للتوب من عنده

وفي العرس كــــــــــــل حــــــــد قال لي فستانج وشكلج شي ما كنّا نتوقعه :k_smile2:

حتى العروس قالت لي : صدق surprise:fa41: !!!

المزوحي
07-09-07 ||, 02:02 PM
لو سمحتوا .. وين بحصل فساتين أطفال للعيد ... شي بسيط

الاعمار 4 - 6 - 8 -10-12

تحفه
07-09-07 ||, 02:33 PM
ماشاء الله قصايد غلا انتي نفس اختي فيكم شده اادورون وتتنقون وتركبون

انا ام الهيازه بس عندي سلّم تستلم وماحب احوط من مكان لين ثاني XP

--------

على فكره شوفو فساتين قوجي الي في امرتس مول .. منزل فساتين حلوه 3>

كنت باخذلي فستان بس للاسف اكبر سايز عندهم 4 امريكي XP ....

تحفه
07-09-07 ||, 02:35 PM
المزوحي كلولولولوووش .. متا استويت بابا؟ XD

تحفه
07-09-07 ||, 02:38 PM
المزوحي ودي افيدك بس ماعرف شي بثياب اليهالXD يمكن ايه احبك عندها خبره اكثر ؟

المزوحي
07-09-07 ||, 02:46 PM
تحفه ... حق يهال العايلة ...

تحفه
07-09-07 ||, 02:56 PM
لا مستحيل اصدق .. اعترف انك معرس من 12 سنه .. مابخبر حد بس بيني وبينك XD

المزوحي
07-09-07 ||, 03:00 PM
صدقيني لا ... بس عن يتحول الموضوع شات تحفه ...

يالله عاد يوم بتساعدونا تذلونا :)

تحفه
07-09-07 ||, 03:23 PM
j/k

سوري مزوحي

خطايــا
07-09-07 ||, 03:23 PM
بسأل اختيه وبرد عليك =)

المزوحي
07-09-07 ||, 03:54 PM
تحفه .. لا .. عادي .. بس إن شفتي شي غاوي على طريجج للشوبينج خبريني

خطايا بنتظر الرد

بنت الدلع
07-09-07 ||, 04:30 PM
" فستانها كان بس اباميه وثلاثين الف "

الصراحه هذا يسموونه تبذير
تفر هالمبلغ على ليله وحده
too much الصراحه
صح عروس ولازم تلبس شي بيرفكت
بس في نظري اذا زاد فستان لعروس عن الـ 30 الف ، الصراحه مايستاهل
الا هيه قطعة قماش وعليها كريستلز

اذا الواحد مايفكر بالحين خله يفكر بباجر
الله بيحاسبنا عالاسرااف والاشيا المبالغ فيها !

تحفه
07-09-07 ||, 08:18 PM
مب تبذير اذا الواحد مقتدر ويقدر يسوي ويشتري
ليش تحسون انه تبذير؟
عيل تخيلي الواحد يقدر يشتري سياره بثلاثين الف ويقدر يشتري ابستين تسعين مليون الف درهم ..
ونقدر يلبس عباه بخمسين درهم ويقدر يلبس ابنص مليون

المشكله مب بالكم.. المشكله انه مرات الي يتشرطون مايراعون او ياخذون على حساب سعادتهم بعد العرس

الانسان كم بيعيش عشان يخلي شي في خاطره .. واذا عنده ومسوي واجباته اتجاه ربه مايعتبر مبذر

بنت الدلع
07-09-07 ||, 08:38 PM
100 الف على فستان وها مايعتبر تبذير !

حتى لو كان مقتدر مب لهذي الدرجه عااد

ياما ناس عرسوا اعرفهم
حالتهم الماديه زينه
وشو الي ماسووه في العرس جذب
وبعد العرس ماعندهم بيزات لشهر العسل!
ليش الخقه والفشخره جدام الناس وانته مب قادر تسدد ديونك بعدين

واذا كان واااحد واصل وعنده ومايشوف الي يسويه تبذير
هو الي بيتحاسب عند ربه مب انا !

ربيعتي دشت بيت ناس
تحلفلي اتقولي بيتهم مكسر ومب قادرين يعيشون
ولقمة العيش مب قادرين يحصلونها
وهاكي يلعب بالبيزات لعب دام الله موسع عليه خله يتصدق عالفقراء مب يفر البيزات في الزباله

مجرد وجهة نظري في المبالغ الي تنصرف على اشيا ما تستخدم الا لمره وحده في الحيااه !

تحفه
08-09-07 ||, 03:43 PM
خلي موضوع الفستان الحين الله يوفج المعاريس وبالعافيه عليهم

طرتي نقطه وايد مهمه ووايد تشد انتباهي وهي الفقراء
الي يقعدون يتحرطمون على الي يصرفون على عمارهم من المقتدرين والي عندهم
وكلشوي ماتقعدين تسمعين *ميانين* يفرون بيزاتهم وما ادري ايش!

انزين انا ابي اسال سؤال؟ هالي عنده بيزات من وين يت بيزاته؟ ماعتقد ياب بيزاته من لعب وعبث وقعده في البيت يتريا الله يرزقه بين ليله وضحاها صح ولا لا؟ وييلس يتحرطم على الي يصرفون؟ صح ولالا؟
وانا مثل ما قلت لج انهم ( انهم= بنت خالي الي عرست ) مسوين واجباتهم كامله جدام رب العالمين من زكاه وعطايا و.. إلخ* ونامايعيبني اناقش هالامور لانها بالاول والاخير شيء بين العبد والله*
فلاتقولين يفر بيزاته في الزباله لانها جمله بايخه تصدر منج ومول مب يايزتنلي

وشي غير عقلاني اذا تبين الناس كلها تقعد تصرف على الاوادم من بيزاتهم .. واذا طبقنا فكرتج فـ عزات الله محد بيقدر ثمن البيزات وكلحد بييلس مكانه وبيتعودون يتريون البيزات من الناس

تدرين .. ترا وايد حلو اذا الانسان بدال لا يقعد يتحرطم ويقول زباله ومادري ايش يوم يسمع عن اي عرس او اي مناسبه يقول الله يوفقهم و الله يسعدهم لأن الملافظ سعد

تحفه
08-09-07 ||, 03:50 PM
المزوحي انا البارحه كنت ذا فلج وي بنت خالي نتشرا حق ولدها النونو
شي عندهم محل حق اليهال *من صفر لين ثلاث سنوات اعتقد* وملابسهم قطن ممتاز و دزايناتهم كيوووووووووووت
خاصه ملابس البنات .. اتييننننننننننننننننننننن

نسيت اسمه بس هو عند نضارات مغربي

المزوحي
08-09-07 ||, 09:17 PM
تحفه يمكن تقصدين " لولي بوب " !! وكذا ماركة في المحل ... على العموم مشكورة

أنا اليوم سرت وافي محل في نفس طابق ماركس ان سبينسر، ماعرف اسم المحل .. يبيع

حق الصغارية وحق الحريم .. الصغارية للأولاد والبنات .. اشياء حلوة لكن ماعندهم

تشكيلة واسعة ..

تحفه
08-09-07 ||, 09:29 PM
عليييييك نوووووووووووووور D=

مايهزك ريح
09-09-07 ||, 08:47 AM
اعتقد انك تقصد محل لاكوكويت اللي في سكارفات .. دايما اودي الرضيعة تشتريلها ..من عندهم ..
بس هاذيلا بين فتره وفتره ينزلون اشياء وايد حلوه ..
لازم اتم ساير راد .. او تعطيهم رقمك مثل ما انا اسوي عشان كل ما ينزل شي يديد يتصلون بك..
ما فيه الرضيعه اتنقعني لين هناك .. وما يكونون يا بوا شي يديد ..
وعندك little me اللي في برجمان يمكن اتحصل شي عندهم !!!!
او قصر الصغار في وافي ..
في محل في بن بطوطه في الهندية عدال اريج بس ما اتذكر اسمه !!!!!

المزوحي
09-09-07 ||, 03:43 PM
مايهزك ريح دومك فنان ...

يمكن يكون نفس المحل ... عندهم اسكارفات .. صح .. وعندهم ماركة LUCY اللي تكون مع شخصية

سنوبي الكرتونية ... بس جربت اعطيهم الرقم مايتصلون مع إنه هم اللي يطلبوون ..

همم little me ما اذكره .. لكن قصر الصغار اسعاره غالية هذا اللي في الكورنر ..

كنا ندور فستان اعراس حق الصغيرونه اونه 2500

واللي في ابن بطوطة نسيت اسمه بس عرفته في ماركة كوكاي حق الصغارية من فترة سرت عندهم

خصومات ... بشووف little me

مايهزك ريح
10-09-07 ||, 08:43 AM
اذا بعد حصلت اسامي زياده برد اكتب لك اياهن .. ^_^

دلوعة دبي
10-09-07 ||, 09:25 PM
هلاا بنات ^^

توني اكتشفت ان جلوساتي خلصوا لول عشان جي ابا اخذلي جلوسات بشو تنصحوني ؟

شمعة أمل
10-09-07 ||, 09:49 PM
Chanel احلى قلوسات عندهم

شمعة أمل
10-09-07 ||, 09:50 PM
لاتشـترون من pantera في وافي ... سوالفهم تقليييييييييييييييد:fa55:

طير الحب
11-09-07 ||, 07:15 PM
السلام عليكم


سيتم اغلاق الموضوع لانه ما شاء الله تعدى 1000 مشاركة وسيتم طرح الموضوع بنسخته الجديدة بعد شهر رمضان الكريم بإذن الله