حيره

[الجنيه]

السلام عليكم ورحمة الله وبركاته ..

محتاره وحاسه بالضياع سبحان اللي قبل كنت أتمنى يصير الي ابيه لو شي من الاشياء اللي ابيها ودوم افكر فيها والحين يوم صار صار كل شي ابيه مره وحده حاسه بصدمه .. خوف .. ضياع ليش ما اعرف قبل كنت متملله من المكان الي اشتغل فيه وكارهه الدنيا وكل يومين عافده مكان اسوي مقابله واقطع الأمل مع تأخر الرد وفجأه بعد ما فقدت الأمل بكل شي اييني تلفونين بنفس الوقت يطلبون مني ايي اوقع العقود كل مكان له ايجابياته وسلبياته بس انا مب قادره احدد الي ابغيه والحين يوم حانت اللحظه الحاسمه ع قولة القايل صرت متردده مب عارفه شو اختار ,,,
خايفه ابدي شي ع الثاني وأندم ع اختياري بعدين وايد متردده مب عارفه شو اسوي هذا غير البلوه الثانيه الي ع راسي

شو بيكون موقفج (او موقفك لانه هالشي ممكن يصير للبنت اكثر من الشاب )

اذا يت وحده من ربيعاتج وفاجأتج بخبر خطبتج لأخوها من دون ما تاخذ رايج ولا اتشاورج رغم انها عارفه رايج بهالموضوع يعني من ناحيه الشخص الي تبين ترتبطين فيه ,,,
وخصوصا اذا انتي كنتي عارفه اطباع اخوها زين وعارفه انه هله ما يتحملونه وفـ مستحيل انتي ترضين به واتي حضرة جنابها واتخلي هلها يخطبونج من غير ما اتشاورج ... شو شعوركم وشو ردة فعلكم ؟؟؟؟ اذا زعلت منها وكرهتها ما انلام لانها بجي اتكون سلبتني حق من حقوقي صح انه هلي ما بيغصبوني ع شي انا ما اباه لكن ليش اتحطني واهلي في موقف حرج يعني لو في موافقه مبدئيه مني عاد ايون يخطبون لكن انا ما ابا ما ابااااااااااااااااااااااا ااااااااااااااااااااااااا ااااه
افففففففففففففففففففففففف فففففففففففف سوري بس الموضوعين شاغلين بالي ومخلين الجنون يجننوني زياده اسمحولي

[مريوومه]

وعليـكم الســلام ورحمة الله وبركاته..

هـــلا بكِ اختي الغاليه...

في البدايــه .. عن موضووع الوظيــفه .. استخيري للــه فهو خيــر الحــاكميــن ثم توكلي على الله ..
امـا عن موضووع الثــانــي .. قد يكون الله سبحانه وتعالى كتــب عليـكِ هذا الزواج .. وقد يكون فرصه لتكشــفِ من هــي رفيقه دربـكِ ..
ولـكن انصحـكِ بان تستخيري الله قــبل كــل شــي ثم تحددي علاقــتكِ بصديقتك..
بصــارحه لــم افــهم كيــف حدث هذا الموقف بحذااافيــره .. فهذا يعتمد على تفاصيــل الحدث..
قد يرغــب بــكِ واراد ان يتاكــد بنفسه ( الزوج ) ..لذلك طلــب بنفسه ..
او قد تكــون الصديقه .. تريدك بقربها .. ووتجبرينه على الالتزام !!
كــل شيءٍ في هذهِ الدنــيا جائز ..

[قصايد غلا]

الله يعيــــنـــج يالجنـيّــه

السالفة الأولى أمرها هيّـــن "بالنسبة لي" لأنج بتسألين وبتاخذين معلومات أكثـــر عــن المكانين اللي قبلوج فيهـــن وقارني وشوفي الأحسن بالنسبه لج والأريح لج ولا تنسين الإستخـــارة تراها أهــم شي
صلّيها مرة ومرتين وثلاث ليــن تحسين بالراحــه للمكان اللي الله اختــاره لج :)

السالفــه الثانيــه حسّيت منها إن البنت اشويه مصختها (سوري على هالكلمة) لأنه انتي انسانه وهاي حيــاتــج مب خذوه فغلّوه وتسوّي كل شي على هواهــا
لو أنــا منــج بنصدم لكن بقول لها اللي في قلبــي===> (أنا بصراحــه ما أتخيــل عمري آخذ أخو ربيعتي:fa44:ومستحيـــل أرضى به )

لكن الأهــم إن انتي ما عليج من هله إنتي عليج منه هو ، يمكن هو مب زين ويا اهله لكن ربّج مغيّر الأحوال ويكون من نصيبج ويكون زيــن لج
بعد صلي استخــارة وايلسي بروحج وفكـــري في هالموضوع أكثـــر ولا تستعيليـــن
اعرفــي أطباعــه خلي أهلج يسألون عنه أكثـــر

وربــّــي يوفقج ويبعد عنج الحيـــرة :a054: ...

[وحيد الدرب]

وعليكم السلام والرحمه
أختي الجنيه

بالنسبه للدوام فتقدرين تصلين صلاة الاستخارة انشالله الله بيلهمج بالشي الأحسن لج

وبالنسبه لموضوع الخطبة اول شي مب عدله من ربيعتج انها ماتخبرج بموضوع الخطبه
وانتي رديلها الحركه عاااااااااااادي خلي اهلها ييون يخطبونج
وانتي ارفضي بس
بكل سهووووووووووووووووووووله لان الزواج مب غصب
واذا زعلت ربيعتج منج فهي ماتستحق ان تكون ربيعتج لانها زعلت من الصراحه.....

[مــهــابه]

أخـتيه :
عـن سـالفـة الوظيـفـه فـ أنـصحج بالاسـتخاره ، ومن اسـتخار ربـه مـاخاب

امـا سـالفـه ربيـعتج، دامـ انهـا هي ماحشمـت وماقـدرت موقفـج وهـي عـارفـه ردت فـعلـج ، بقـولـج هي ماتـستاهـل انـج تنحـرجين عشـانهـا ، دام اهـلهـا مايـتحملـونهـا شقـايل تبـى وحـده غريبـه تتحملـه
لـو انـتي مـاتبينـه أرفضـي وخلـي كل شـي ورا ظـهرج ، ولاتـراعيـن لي مايراعـي مشـاعرج بس بشـرطـ ايكـون بسلـوب مقـنع وهـادي وابسـاطهـ وخليـها تتـفـهم..


والله يـبعد عـنج الحيـره..

[وحي القلم]

الجنيه

مثل ما قالوا الى قبلي لا تستعيلين و صلي الاستخاره

و لا عن ربيعتج :ohboy:

يمكن هي ما تكون قاصده انها تحرجج بهالشي

توقعي الأحسن دوم :smile:

خصوصا انه هلج ما بيغصبونج على شي انتي ما تبينه

و بعد لا تستعيلين صلي الاستخاره و شوفي شو بيظهر لج

يمكن يكون الله رايد لج شي ثاني :smile:

..

و السموحه جنيتنا
:a054:

[المزوحي]

الجنيه

بالنسبة لأول موضوع .. انا مثلج .. من يوم اشتغلت وانا اقدم على اماكن ثانية

ويزقروني حق المقابلة " وأصلي استخارة " ومايقبلوني !

ومؤخرا زقروني مكانين .. وصليت كذلك وقالوا بنرد خبر .. لكن الامر صار عندي عادي

لأنه توكلت على الله واستخرت .. فتركت الأمر للي يستوي ..

اما الموضوع الثاني .. لاتتضايجين منه .. خلهم يخطبون ... ورفضي .. قولي إنج صليتي وماصار شي

أو استخيري لو حبيتي .. محد بيجبرج مثل ماقلتي .. فلا تناقشين ربيعتج .. كوني دبلوماسية ..

[الجنيه]

مريوومه

هلا وغلا حبوبه ,,, ممم بالنسبه للوظيفه انا صليت والحمدلله اليوم وقعت العقد وحاسه براحه ,, المشكله انهم امس الظهر متصلين من المكانين عشان اروح اوقع العقد اليوم فحسيت بالتوهان لانه مافي وقت افكر فيه براحه وع العموم انا توكلت على الله وفضلت المكان الثاني ع البنك لاني ما ابي بنوك الصراحه ,,,

الموضوع الثاني الله يسلمج انا لي رأيي الخاص وتفكيري بهالموضوع وخصوصا في ما يتعلق بشخصيه الانسان الي برتبط فيه وربيعتي أكثر وحده عارفه راي في هالشي حتى لو هي نيتها طيبه بعد مب حلوه منها اتحطني في هالموقف الحرج ع العموم انا اتخذت قرار وما بتراجع عنه انا من الاساس مب مقتنعه بالانسان ف ليش اعور راسي واكبر الموضوع


قصايد غلا
بالنسبه للوظيفه مثل ما قلت لمريومه ما كان في وقت كافي عشان اتخذ القرار بس في الاخير انتهيت من الموضوع والحمدلله الامور تيسرت ,,

هي على مصختها انا اقولج مصختها وبزياده والقهر يوم كان وقتها وانحطت في نفس الموقف تماما أنا وقفت وياها ضد ربيعتي الثانيه ع اساس انه مب من حلوه في حقها انها ما اتخبرها عن خطبتها لاخوها كونها ربيعتي لازم تفهم انه رايي هو المهم قبل كل شي حتى لو اهلي وافقوا وانا ما اباه محد بيجبرني فليش اتحط اهلي واهلها في هالموقف ؟؟؟؟ ما عندي تفسير للموضوع
يمكن فعلا يكون ويا اهله غير بس انا كرهته من تصرفاته الرجعيه وتخيلي هاي ربيعتي مب من امس من خمس سنين ويوما لازم اتيب طاري اخوها ببلوه مسونها ( عصبي وما يتحمل شي يغلط وما يبي حد يقوله غلطان ) يعني سوالفه ما اتخلص حتى لو هو من داخله انسان طيب وزين بس الصوره الي انا ما خذتنها عنه وايييييييييد سلبيه ويمكن اكون ظالمتنه بس خلاص هالشي ثبت في بالي ومستحيل اغير فكرتي عنه يعني لو شو ما صار ما بفكر فيه كـ زوج


وحيد الدرب
هو صح انا برفض بكل سهوله من غير ما اسوي لها اي اعتبار بس المشكله اهلي وبالاخص امي ما اتحب تنحط في مثل هالمواقف يعني بتتحرطم ع اساس اني عارفه بالموضوع وراضيه ( اقصد انها بتضن انه ربيعتي مشاورتني قبل لا اتخبر اهلها فـ يوم برفض بيرتفع ضغط اميه لاني عبلت ع الناس وعنيتهم ورفضت بكل سهوله )

مــهــابه
ما يهمني زعلها اذا الحق بيزعلها فأنا مستغينه عن وحده مثلها كفايه الحركه البايخه الي سوتها بعد لها ويه تزعل ؟؟؟؟!!!!!!



وحي القلم
متوقعه الاحسن وانا ما اضن اني بصلي استخاره لاني من الاساس ما ابي هالانسان ولا عمري فكرت ولا بفكر فيه ...

المزوحي
عاد وين اقدر ع الدبلوماسيه شراتك *_*
الله يسلمك مشكلتي مثل ما قلت قبل انهم ما عطوني فرصه افكر واتخذ القرار الصح ولا حتى يواحي لي اصلي استخاره اكثر من مره ,, هو انا كنت متردده بسبة شيئين الاول انه العرض الاولي في هيئه حكوميه وراتب قليل مقارنه بالبنك صاحب العرض الثاني وغير انه بعيد عن مكان سكني وااااااااااااااااايد والبنك اقرب لي لكن انا ما ابي بنوك ومساله الحلال والحرام وايد اتأرقني عسب جي قلت اتوكل على الله واقبل بالوظيفه الحكوميه وان شاءالله استقر فيها *_* ويكون لي فيها خير ...

وانت لا اتشيل هم سير ان شاء الله ستين الف مليون مقابله وعقبال ما اتلاقي المكان الي يلائمك ويناسبك طموحك وتطلعاتك المهنيه

ودمتم سالمين

[قصايد غلا]

الغاليــه دامج إنتي عايفة هالشخص ومب حاسه براحه من هالموضوع "بغض النظر عن تصرف البنت" لا تهتمين لشي و ارفضيه ، وأصلا دامه عصبي بصراحه محد بيتحمّله

يعني الحمدلله انّج تعرفين هالاشيا من قبل لا تطري لج سالفة الخطبه

و لو هالشي مب موجود في اخوها ما كانت بتذمّه لأنه مهما كان تراه أخوهــا

اتوكّلي على الله وسوّي اللي يريحج وارفضيه

وأمج (الله يحفظها ويخليها لج) قولي لها : إن البنت من الأساس ما شاورتني وفوق هذا كلّه كانت دوم تشتكي من أخوها وتصرّفاته وإنه عصبي وأنا كيف بتحمل هالشي منه

إن شا الله بتتفهّم الوضع ، حتى لو قالت شي لا تلومينها لأنه انتي عارفه كيف الناس يتفلسفون يوم البنت ترفض الريال

:a074:الله يوفقج غناتي ويفكّج من سالفة ربيعتج ...

[ناصر الخالدي]

السلام عليكم .......

أختي العزيزة الزواج حلم لكل فتاة عاقلة ونحن في زمن كثرة به أرقام ونسب العوانس والمطلقات نصيحتي الهدوء والتفكير بعقلانية .........

ليس كل البيون بنيت على الحب ..........

تستطيعين أن تجعلي هذا الزوج مصدر سعادة وسرور لكِ من خلال الكلمة الطيبة والمعاملة الحسنة ............

اعرف كثير من الشباب كانوا في قمة الفساد والإنحطاط وما أن تم الزواج إلا ورأيته غير الأمس............

اتمنى وادعو الله عزوجل أن يرزقكِ راحة البال

[الجنيه]

قصايد غلا

تسلمين حبوبه وان شاءالله تتفهم الموضوع ,,

الصراحه خبرتها رايي بكل صراحه وكلمت امي بالموضوع ولأول مره احس انها بصفي وقالت لي يكون احسن لو اتخبرين ربيعتج عسب اتخبر اهلها يعني ما يحتاي ينبشون السالفه مدامج ما تبين الولد وجان استوي :vampire: والحمدلله مبدئيا الموضوع عدى على خير


ناصر الخالدي
وعليكم السلام ورحمة الله وبركاته ..

أجل اقر بان الزواج حلم كل فتاه ونسبة العنوسه في تزايد مستمر ومن قد تكون في موقفي ستبادر للموافقه خوفا من شبح العنوسه كما اني اعترف بان هناك العديد من البيوت التي عمرت ليس بسبب الحب انما بسبب التفاهم والموده بين الزوجين لكن كيف اقبل بمن كرهت قبل ان اعرفه ؟؟؟

شاكره مرورك اخي الكريم