بغسل الموتر

[سبانش مان]

سلام عليكم..

بسالكم

مكينة الموتر وصخه والبونيت من الداخل ..
ابغي اغسلها بالماي عادي ولا مايووز؟

عندي رشاش يصب ماي على الخفيف ..
ف شو الراي شي اي مشكله لو غسلت البونيت بالماي ولا لا؟

[ذنـيـنـي]

لا تغسلها بروحك,, ودها المحطه لأنهم في في المحطه يرشونها بالماي و عقب يرشونها بنوع من انواع الزيوت للحماية

أنصحك بالمحطه الكبرى في دبي
أو محطة BP في الشارجة الي بين سوق الخضرة اليديد و نادي الشارجة

بس خل في بالك انه كثرة غسل المكينه يضرها,, يعني اذا بتغسلها كل 3-4 شهور مره مب مشكله لكن لا تخلي هالشي عادة عندك و تغسلها غسيل كامل دائما


تحياتي

[المزوحي]

عمري ما غسلت المكينة ..

ذنيني بعد يضر الموتر لو ماغسلته موول

[سفير الخيال]

السلام عليكم

أخوي سبانش,, ما شي مشكله إذا بالماي بس :smile: بس تحمل عن يدخل الماي في البلكات مع إنه احتمال ضعيف ويعتمد على نوع السياره.

أو مثل ما قال لك عزيزي ذنيني,,
تقدر اتوديها اقرب مغسلة سيارات وهم بيغسلونها لك بالديزل أحــسن :yes:


المزوحي
يضر بالمظهر الخارجي للمجتمع :birgits_giggle:

[المزوحي]

حلوة هااااي

لا ماعليك مايبين شي .. لوووووووووووول

[نزاع القلوب]

مرحبا أخوي

بس على غسيل البونيت والمكينة ماشوف فيها شي اذا كانت السيارة يابانية اما اذا ألمانيا فلا تجرب

ونصيحتي أنك تغسل الموتر بالبخار في المحطة هذا أحسن شي عسبة يتنطف صح الصح

وشي ثاني اذا الموتر يديد لا تخليهم يرشونا بديزل لان الديزل يخوز (الزبرت ) بس للعلم

والموضوع راجعلك

والسموحة

[شرجاوي]

لا تنسون ماي البلاد فيه املاح و هالشي بيضر المكينه ... الغالي اذا انت فاضي .. فالبيت خذلك فوطه و امسح المكينه من فوق لين تحت ... و بعدين رشها ب دبليو دي 40 و رد امسحه و ادعيلي

[إسهر معي ليله]

احسن شي انك اذا بترش ماي.. رش عالبونيت بس.. اما المكينه امسحها بـ خلقه
و وايدين يقولون ان كثرة غسيل المكينه تضر

فيه محطات يرشون آيل او ديزل.. الآيل ايّمع رمل وغبار.. والديزل يشل الزيبارت
بالتالي تصدّي السيارة من تحت

فيه محطات ترش ماده ثانيه.. مادري شو اسمها.. وهيه خاصه للسيارات واعتقد
انها ما تأثر

انا عن نفسي جربت كل هالسوالف ع سيارتي.. ديزل، آيل، حتى بولش التواير رشيته
تحت خخخ.. والسياره مكملة 3 سنين وانا اغسلها كل شهر غسيل فل.. والحمد لله ما
فيها شي

لكن اكيد اذا لهم ضرر عقب فترة بيطلع.. والسمووحه