لو مكانه شو بتختار / ليش ؟

[المزوحي]

مرحبا


قبل السنة اليديدة ربيعي يبغي يشتري موتر وطبعا لين مايوصل

وهو للحين محتار .. ومية شور في راسه :k_icon9:

وانتوا ماتقصرووون ...

الخيارات

رنج روفر HSE

بورش كايين S


http://www.haza3uae.com/up/uploads/aa12f06bfe.jpg (http://www.haza3uae.com/up)

http://www.haza3uae.com/up/uploads/dc9c0b5091.jpg (http://www.haza3uae.com/up)

[بوزايد]

قبل ما اتوقع بقولك شي يوم قريت العنوان حسيت انك انته كاتبنه ما اعرف ليش

ما شاء الله عليج مبدع وتحط مواضيع مش شراتنا والله مقصرين في الواحات


مم اول شي ربيعك لو مال بنات ومغازل صح انه مب شرط وبعد لو انه يحب التغيير

احسن له الرنج لانه فخامه والكل عارف بس مشكلة الرنج انه قيمته وايد اطيح بسرعه

ولو يبا الموتر يتم عنده وايد وسعره يكون فيه ياخذله البورش

راي شخصي والسموحه

[المزوحي]

احيك بو زايد واحترم رايك ... خلاص الحين بدق له تيلفون وبقوله بو زايد يوصيك على البورش


:woot:

[بوزايد]

فديتك تسلم والله

[أمواج]

.
لا هذي ولا ذيــج
خـله يشتري مركبــه فضـائيه احســن
:fa46:
ادري رايقــه
انا اشووف البورش فناان
.
.

[المزوحي]

امواج ... البورش

يعني تضمين صوتج لصوت بو زايد ؟؟

زين ليش ماخبرتيني

[نجمة دبي]

انا بعد اقول البورش احلى :)


نجـــــ دبي ـــمة

[المزوحي]

نجمة دبي ... تقليد يعني وإلااااا صدق تشوفينها احلى في نظرج ؟ :k_harhar1:

زين

هو تصويت

ماشي ذكر اسباب / عيوب

[بحر الموده]

مرحبا والله

اخوى المزوحى انا ويايهم بعد اشوف البورش قوى ومريح ماشاء الله

والسموحه

[الـيـاه]

الرنـج طبعا ً ..

اكره البورش وشكلها الدفش .. وتتبعها الانفنتي والطوارق ..

[أمواج]

امواج ... البورش
يعني تضمين صوتج لصوت بو زايد ؟؟

اممم انا اشووف إنه الرنج عند كل حد
كل من هب ودب عنده رنــج
:fa46:
بس البوورش ماتشووفه دوووم

[نجمة دبي]

نجمة دبي ... تقليد يعني وإلااااا صدق تشوفينها احلى في نظرج ؟ :k_harhar1:

زين

هو تصويت

ماشي ذكر اسباب / عيوب

لا مب تقليد .. البروش احلى بوايد من الرنج ..
صح ان الرنج عند كل حد .. لكن هذا مب معناته ان ماله عيوب

مثل ما يقول بوزايد .. سعره يطيح بسرررعه ..

البورش شخصيه :fa42:

[المزوحي]

بحر الموده ... يعني مب نيسان :k_harhar1: ( سوالف )

بس ماتدري عنه بالنسبة للصيانة او التشييكات ؟؟ وهل عندهم خدمة سنتين مثلا او اكثر

مثل الرنج ؟؟

.....

الياه

وواحد مختلف :fa56: رنج رنج رنج

[فركوشه]

الرنج..


ترا البورش حق البلاي ستيشن وبس.. وخخخخخخخخخ

[المزوحي]

امواج على طاري الرنج وكل حد عنده .. الحين كل شي ينتشر صدقيني ... مثل أول

الأكس فايف ... ولحقتها الطوارق والرنج .. وغيره ..

يعني كايين ... زين .. بس يمكن مانشوف البورش دوووم من الخرابه

وجهات نظر واحترم رايج أمواج ... thanks

[المزوحي]

نجمة دبي

البورش شخصية .. والرنج بتكون شخصية عند البعض ...

[المزوحي]

فركوشه ... ضمت صوتها بصوت .. الياه

[بحر الموده]

شوه دخل النيسان احين فى الموضوع مايخصه اخوى المزوحى

سلمك الله ماعندى علم عن الصيانه والضمان بس تبقى كا شكل وقوه وحلاه البورش

ومثل ماتفضلت عن السيارات اليوم كل نوع انتشر بكثره فى شوارعنا والسموحه

[قرموشة]

الررنج وبكـل صـرااحـه مـستويه شرات التكـسي في الشــاارررع !
اللي يسـوى واللي ما يسـوى عنده !

so من ناحـيتـي انـا بخـتاار البوووررش لانهــا أحـلى وأفخــم
=)

[المزوحي]

رنج السبورت يمكن اكثر ...

[ذنـيـنـي]

البورش مافيها عقد صيانه

و بصراحه مب مريحه, و سواقتها زفته مقارنة ً بالرنج >> تحس انك تسوق طراد, مب سيارة

الرنج, خدمة وكيلها ممتازة
عقد الصيانه و الضمان من احلى ما يمكن
الوكيل متعاون جدا >> ربيعي كاسر شاشته بغلط منه و بدلوها على الضمان بدون اي مشاكل
قطع غيارها رخيصه نسبيا

البورش كايان شكلها شرات الخمبسانه
و خدمة الصيانه عندهم تعيسه و بيفقرونك باسعار قطع الغيار
و بصراحه موووووووووووووووووووووووو وول مالها هيبه في الشارع
بعكس الرنج الي فارض وجوده في الشارع

[الـيـاه]

ذنيني
تعجبني لول

[مايهزك ريح]

مرحبا المزوحي ..
البورش مشكلتها في كونها سبورت وايد تنفض .. فالرنج مريح .. بس اذا يفكر في الريس ترا الرنج ميت .. والبورش اقوى .. من ناحية الوكيل كل حد يمدح وكيل الرنج .. ويذمون البورش ..

يعني المختصر المفيد .. راحة في السواقة وكيل اوكيه رنج ..
قوة وسرعة ..بورش ..
خله يفكر وايد .. :icecream:

[عيون دبي]

السلام عليكم

انا في رايي الرنج احسن بمليون مره عن البورش
اول الشي الفخامه ماتلقى مثلها.... ثاني الشي قوتها.... وثالث شي ماتخترب بسرعه.. رابع شي مريحه في السواقه..
اما البورش محد مدحلي اياها شكل واسم بس
هيه وكيل الرنج اوكيه ماعليهم كلام

بس لو بياخذ رنج قوله ياخذ ال vogue احسن

[المزوحي]

انا مب بس شكليا اقصد .. حتى في الخدمة والراحة


اشوف شو الاقرب ...

عيون دبي .. vogue فخمة لكن .........

اغلى

[خيال الحب]

انا اقوووول ياخذ الرنج احسن له.. ما يتعلل وايد وسواقته مريحه.. وياحلاته المكيف ماله كيف عجيب

وييت في وقتك ربيعي بعد يبا ياخذ موتر شو تنصحونه


,, فهو محتار مب عارف شو يشتري





فانا قلت له ستيشن لكزس+اكس فايف+كرايزلر+نيساااااان فتك وافديت النيسان انا





اخوي الكبير قاله سي ال اس+ بورش+ الرنج



طبعا ربيعي مايبغي السي ال اس ولا البورش ولا الرنج..



والكرايزلر امريكي فسعره بيدق لو حب يبيعه



فهو الحين محتار بين اللكزس والاكس فايف



ولو في موترر في بالكم ممكن تنصحونا فيه مع المواصفات والسعر



انا قلت له خذ لكزس موديل 2005 مستعمل.. حلوو والله

او نيساااااان فتك

[ذنـيـنـي]

الاكس فايف اليديد وايد حلو

الستيشن لكزس بيتغير على السنة الياية،
فـ حرام ياخذه و يتوهق فيه

[المزوحي]

خيال الحب

يبغي ألماني وإلا يا باني ... عسب نعرف أكثر

إذا لكزس صالون اليديد LS460 حلو والأكس فايف شخصيا تعيبني .. فما أدري براي الجماعة