مشاهدة النسخة كاملة : أبغي عيادة/مستشفى ..
المزوحي
03-12-06 ||, 12:56 PM
المستشفيات وايدة والعيادات في كل زاوية
ولين ما أسافر للخارج
أبغي مكان أتعالج فيه والله الشافي ...
أعاني من ألم في الركبة .. والألم مب ناتج عن البرد .. لا ..
وهالألم يعيقني من ممارسة الرياضة أو حتى صعوبة في النوم ... وفي السواقة كذلك ..
أبغي أسير
مستشفى الامارات .. الأمريكي (دبي) .. وإلا عيادة .. وإلا وين تنصحوني ..
الله يبعد عنكم الأمراض ..
حلم الطفوله
03-12-06 ||, 01:14 PM
السلام عليكم
الله يعافيك ويشافيك من كل باس
بالنسبه للعظام والمفاصل ... أشوف الناس تسير الهند ...عملياتهم ناجحه ولله الحمد
وعدهم مستشفى متخصص في منطقه ..... نسيت اسمها والله:a052:
بالنسبه لمستشفيات الدوله .... سمعت عن مستشفى الإمارات وعلاجهم الطبيعي وايد زين...
توكل على الله وسافر الهند .... دكاترتهم ممتازين والشفاء بإيد الله أكيد ...
المزوحي
03-12-06 ||, 01:20 PM
حلم الطفولة تراني سرت الهند من سنتين ... وقال الدكتور بسوي منظار فيالركبة عسب يعرف
شو يسوي .. طبعا أو بادي سويت أشعة عندهم .. وسويت فحص دم .. يبغون يتأكدون من النقرس
والحمدلله .. مافيني نقرس ... مادري .. إذا عن برع شي تايلند بعد يمدحون المستشفى الامريكي
اللي عندهم ... والحين تراني أبحث وشفت مركز للمفاصل متخصص فيه في دبي
حتى الواحد يقول دام إنه مركز بس متخصص .. بيكون زين .. بس اخااااف منهم هاذيل
حلم الطفوله
03-12-06 ||, 01:24 PM
إن زين شو كانت نتيجة المنظار بالهند ؟ يعني قالولك تحتاج علاج طبيعي وإلا عمليه ؟
أعرف وايدين سوو بالهند والحمد لله صحتهم ممتازه الحين
وبالنسبه لتايلند المستشفى الأمريكي والملكي واااايد زينين ... ومعاملتهم للعرب ممتازه ...
بس أعتقد إنه الهند أحسن بعمليات العظام بشهادة الجميع
المزوحي ....يا بووووك حتى أنا أخاف منهم هاذيل:)
المزوحي
03-12-06 ||, 01:26 PM
ماسويت منظار .. لأنه الوالدة تتروع .. وروعتني .. مع إني كنت متحمس .. ومتفائل ...
تقول بيسوون منظار وفي ناس ما استفادوا منه ..
حلم الطفوله
03-12-06 ||, 01:31 PM
إن زين شو تقرير الدكتور إلي نصحك بالمنظار...لازم عطاك رايه عالأقل:doh:
أتوقع هالألم ناتج عن احتكاك عظام الركبه ....
وبالتالي المنظار بيكون عشان يزيلون عن طريقه ترسبات هالاحتكاك ....
المهم حط ببالك الاختيارات كلها ...الهند ...تايلند ...لبلاد ... وصل استخاره وربي بيوفقك بالاختيار
المزوحي
03-12-06 ||, 01:35 PM
قبل المنظار قال بيضربني أبره فيها عسب يخف الألم .. وطبعا هذا مؤقت :fa43:
من جيه ماضربت أبره ...
وييييييييه أبغي الألم يخوز وانا أرفض ...
حلم الطفوله
03-12-06 ||, 01:40 PM
المزوحي ... لا تبغي منظار ولا تبغي ابره ولا تبغي عمليه ...
إن زين كيف بيشخصون الحاله وبيعرفون العوق ؟:d014:
إن زين ريولك اتكتك يوم تمشي أو تركع بالصلاه ؟
إذا هيه فأتوقع إنه فيه ماي بالركبه وإذا لأ فأتوقع إنه لازم تسوي عمليه عشان ما يتآكل الغضروف
حلم الطفوله
03-12-06 ||, 01:55 PM
المزوحي ....ليكون صدقت كلامي وتشخيصي لحالتك:doh: ....
توقعاتي كانت حسب إلي سمعته من بعض الدكاتره :tounge: ...
لا تزيغ وتحط ببالك
المزوحي
03-12-06 ||, 02:03 PM
لااااا
ماتسوي صوت ..
شوفي هنيه .. لاتخافين مب ركبي :look:
تشوفين وين الدويرة الحمرا هنيه عندي الألم بس الركبة اليمنى ...
http://www.haza3uae.com/up/uploads/d043ca13bb.jpg (http://www.haza3uae.com/up)
أحس شوية بروز لكن مايبين إلا إذا الدكتور لمسه بيعرف ... وسوت لي ألم فوق بعد
حلم الطفوله
03-12-06 ||, 02:16 PM
شكله هالألم ناتج عن طيحه جديمه والحين بدت آثارها من يديد ... وجان تتفلسلف دكتوره حلم:doh:
إن شاء الله تتعافى وأتمنى إنه الأعضاء يفيدونك بسؤالك عن المستشفيات
السموحه منك اخوي جان طلعت وياك خبراتي الطبيه
المزوحي
03-12-06 ||, 02:21 PM
ماتقصرين ...
ويمكن كلامج يكون صح .. ليش لا ...
هزاايم
03-12-06 ||, 02:26 PM
المزوحي تذكرنيه بأخوي:fa43:
بقولك حااجه بس هب تحبيطه مستشفى الإمارات إلي بالجمييرا هب شي يعني لاتكلف على عمرك وترووح عندهم
وربي يشفيك بس هذي حقيقه يعني هو بعده يتألم بين فتره والثاانيه
روح ألماانيااا شي دكتور اماراااتي جمال الملا هو بمستشفى رااشد ألحين وانسااان شااطر وانا اشهد له ماشاء الله عليه,, وصدق خوي ماكان يقدر يقعد لمده طويله والحين قابض لك الخط من بوظبي لدبي:m_9afgah: لكن بعده يتألم ليه لأنه معااند السفره للعلاج
انصحك ترااجعه وتشووفه
وربي يعاافيك ويشفي جميع مرضى المسلمين قل آمين:tounge:
المزوحي
03-12-06 ||, 02:32 PM
هزاايم ..
مستشفى راشد .. هممم
مادري ليش يوم اسمع عند مستشفى راشد ماعرف شو يستوي بي !
لكن أشوفج وااايد تمدحينه ، والشفاء عند الله ولو تعددت المستشفيات ..
وحده ماقصرت عطتني عنوان دكتور .. الله يبارج فيها وبسأل عن د. جمال بعد
بما إنكم اتقرحتوا عليّه .. بسأل عنهم بعد ... وبشوووف ..
مشكورة هزاايم .. والله يشفي الجميع يااارب ..
هزاايم
03-12-06 ||, 02:48 PM
شيخي انا مااطري لك تتعالج برااشد بايع عمرك ولا باايع عمرك
ترى نريدك عضو معانا وحنا هب بايعينك لووول
انا اقولك انشد عنه لأن صدق شااطر حتى شكله يبين بيخترع"تراني رحت له وتعالجت الحمدلله وبين فتره وثانيه ارااجع لكن هب بالماانيا"يعني خذ نصيحته وهو اصلا بتشووف وش راح يكون ردت فعله لو قلت بتتعاالج برااشد
المزوحي
03-12-06 ||, 10:36 PM
ممكن تخبرني اسم الدكتور اللي تعالج عنده أخوج في مستشفى الامارات ؟
لانه مدحوا لنا دكتور عندهم وبغيت أعرفه
خيال الحب
04-12-06 ||, 12:54 AM
مرحبا والله
ماتشوف شر يالغالي
اذا حبيت تروح الهند انا اعرف دكتوور شاطر هناك.. او في مصر
لو تبغي ارقامهم خبرني..
المزوحي
04-12-06 ||, 03:17 PM
خيال الحب .. الهند في احتماليه لكن مصر no way
عطني رقم الهند ... يمكن يستوي إني اسير
سيدة الحب
04-12-06 ||, 06:45 PM
sallllllam allah 3alaik yal mezoo7eee
3ndee so2al ma 3alaik amarah
شو شدة الالم؟؟
شو الاعمال اللي يعيقك عنها؟؟
شو الحركات اللي تقدر تسويها بريلك؟؟
تلعب كرة؟؟؟
وايد تشد على ريلك؟؟
تقدر تمشي اوكي؟؟ولا تحس بالالم؟؟
المزوحي
04-12-06 ||, 06:48 PM
لا ما ألعب كورة ... ماروم أركب الدري .. عند السجود ماروم اضغط عليها ...
يوم أسوق وأتم كل شويه اضرب بريك يزيد الألم
عند المشي أحس الألم يخف نوعا ما
بس يوم يزيد الويع ما أمشي عدل ... أظن يبين عليّه ...
سيدة الحب
04-12-06 ||, 07:05 PM
allah el3alem ymken 3ndk rba6 mag6oo3 fee relek??
ymken marah shadait 3alaihaa 7taa lo ma tl3b korah ethaa ylst wayd
wo gmt bser3aa hathaa ysabeb ga63 fee elrbe6ah
chayakt entaa 3la hathaa eshy????????/
شمعة أمل
08-12-06 ||, 10:19 PM
مستشفى الامارات كجره .. همهم الفلوس وبس =)
سير مستشفى الزهراء في الشارجه ولا عيادتهم في دبي .. هم زينيين
واذا تحتاج علاج طبيعي .. أحسن دكتور في هالشي .. عنده عياده في المبنى الى عدال مركز الواحه *قبل لتحترق*
الأمريكيه not bad مرات صدق تكون زييينه ومرات العكس
المزوحي
08-12-06 ||, 11:56 PM
شمعة أمل ... العيادة تقصدينها في شارع الشيخ زايد ؟؟؟
والعيادة الثانية وين .. يعني نفس المبنى اللي فيه حول الامارات ؟
سفير الخيال
09-12-06 ||, 09:07 AM
السلام عليكم
عزيزي المزوحي,,
قبل لا اتسير مستشفيات أو عيادات جــرب استوي حيــامه يمكن اتفيدك
لأن الرسول كان يسويها, فبإذن الله بتقدر اتحصل لها حل بشرط اتكون عندك القناعة التامه بإنك بتشفى بإذن الله,,
الحيامه ما بتاخذ عنك وقت ولا مبلغ كبير,, بس 100 درهم ويمكن أقل بعد
جربها وما بتخسر,,
إذا ما عندك أحد زين يعرف يسوي حيامه,, خبرني على الخاص وأنا بطرش لك رقم واحد من راس الخيمه :yes:
نصف العلاج هيه القناعة التامه بإنك بتفشى :smile:
لا اتقول أنا مريض,, دائما ردد مع نفسك ومع غيرك بإنك ابخير وما فيك شي :yes:
معافي عزيزي :fa35:
المزوحي
09-12-06 ||, 10:48 AM
سفير الخيال تقريبا من سنتين أعاني .. وحتى سرت الهند عسب العلاج ويتني فترة ماقدرت اتحرك
حتى ماقدر اصلي على الارض من الألم
وعقب تميت أقول في خاطري انا مافيّه شي ... وغيري يعاني أكثر
مع إني صدق اتألم وااايد .. وعقب مارديت البلاد .. زرت المستفى الامريكي وخبروني عن العلاج
واللي هو عبارة عن تمارين انا أسويها في البيت ...
وبس من عقبها ماسرت مكان ..
هممم مادري ليش اتروعت يوم قلت لي حيامه :)
على العموم ماتقصر وبسأل الوالدة لو تعرف حد ...
شمعة أمل
09-12-06 ||, 10:39 PM
عيادة الزهرا في شارع الشيخ زايد بس ماعرف لمشكلتك تسير اي دكتور
لكن الثاني للعلاج الطبيعي .. سير عند الدكتور الى اسمه "بوول" .. كلحد في بيتنا ساروله الا انا .. انصحك تسيرله قبل لاتسير لأي مستشفى .. لانه فنان .. حتى يدوه سارتله وكل اسبوع يطرش النرس مالته بيتها.. اذا شي يعورك بيتصلح عند بوول ^_^
المزوحي
10-12-06 ||, 11:30 PM
هههههههه
وين هذا بول وش يبيع ؟؟
عيل قبل العلاج اسير له / مايستوي .. خلني اشوف عوقي أول بادي ...
طير الحب
13-12-06 ||, 03:26 AM
ينقل للواحة العلمية كونها النسب لأنه تهتم بالصحة
هزاايم
14-12-06 ||, 12:12 AM
موسى كااظم
ولد الحكومة
17-12-06 ||, 09:55 PM
السلام عليكم
شيخي الكريم ، اذا اتعرف حد ايوديك عند الدكتور الي يكون في النوادي الرياضية ( على سبيل المثال : نادي الوصل والأهلي ولا النصر .... الخ تراهم هم متخصصين في هالاشياء وايد.
والسموووحه