اسرار درج (سده)سيارة كل شاب

[نزاع القلوب]

السلام عليكم :

بسم الله الرحمن الرحيم

احب اهنيكم في البداية بهالمناسبة الحلوة والجو الأحلى :1:

موضوعي غريب شوية يمكن بس آمل ان ينال اعجابكم

درج السيارة بالنسبة للشباب
مثل الخزنة المتنقلة وتختلف محتويات كل درج على حسب نوع السيارة وشخصية صاحبها

مثلاً السيارة السبورت بتشوف في درجها مشط وأوراق معاملات ومخالفات مرور،عطر ماركة لورا أو مايكل انجلو وأوراق صغيرة ( لزوم الترقيم ) قلم حبر ناشف من الشمس باكيت سجاير ويمكن للمثقفين
منهم مجلة مع غلاف كم شريط أو سي دي

أما أذا كانت السيارة (تويوتا ،كرسيدا لومينا أو كابرس، لانسر..... ) بتشوف في الدرج اوراق دعاية مطاعم اوراق طلبات البيت وجواز السفر( حق الشردات أذا طفر ) نوته تلفونات و الي ههه ( ربنا رزقنا ) تلفون ثاني، غير إلي بيده عطر ماركة دنهل وبوس واوراق معاملات الشغالة وتجديد الملكية


أما اذا كانت السياره (مرسيدس والرولز رويز والبي ام وغيرها .... شو تتوقع تشوف يا قلم شوبرد وعلبة لساعة روليكس ودهن عود كمبودي واذا متطور مشط ماركة بدي شوب

والسموحة لاتحطون في خاطركم مب الكل تنطبق عليهم الي قلته :a058:
سس:g_aloof: سسسسسسسسسسوري

والسموحة مرة ثانية :1: :1:

[بوزايد]

هلا نزاع

انا هالموضوع سمعته في امارات اف ام جنه من زمااااااااااااااااان

ممم بالنسبه عني

دفتر الجيكات
الباسبورت
عطر
دهن عود


وبس

واحيانا اوراق مهمه

[ولد الشحوح]

بالنسبى لي انا
حلاوة " هخهخهخه"
الملكية
تيلفون
وشوية اوراق

[خيال الحب]

انا لو تفتح السده خخخخخخخخ

بلااااااااااويييييييييي

نظارات شمسيه+ عطور+اوراق التامين+الملكيه+اوراق مادري مال شو خخخ+مشط+ولاعات+اقلام+دباسه(حق الجامعه خخخ)


لوووول

[راعي الزعـامه]

قران .. فواتير .. عطرين .. دهن عود .. مشط .. سيديات .. اقلام ... الخ

[ذنـيـنـي]

ما شاء الله عليكم كلكم تحطون دهن العود في السيارة !!

على فكره ترا دهن العود يخترب في السيارة, حاله حال باقي العطور
و دهن العود الخربان تنعرف ريحته اكثر من باقي العطور
فـ نصيحتي لكم انكم ما تخلون عطوركم في السيارة و ( خاصة ً) دهن العود

و الشكر واصل لصاحب الموضوع

[الـيـاه]

لو بالصور كان بيكون عجيب وضحك لول

[مجموعة إنسان]

عاد انا سدة سيارتي فضيحه ...

مداويخ ، عطر ، ولاعه ، سكينه ، صور جوازات ، اوراق التأمين ، ..... وتلفون الأزمات

[وحيد الدرب]

سيديات
عطرين واحد مخلص والثاني باقي فيه شويه ههههههههه
قلم جاف منعوي من الحر ههههههه
ومشط