الله يرحمك يا أبوي زايد

[الجنيه]

السلام عليكم ورحمة الله وبركاته ...

أنا وايد زعلانه من كل قلبي أقولها يا ربي شو صار في البلاد ؟؟؟؟!!!!!

من توفى الشيخ زايد الله يرحمه واحس أنه حال البلاد مب ع بعضه ما بتكلم عن باجي الامارات لاني ما اعرف شي عنها لكني بتكلم عن دبي دار الحي ( ده كان زمان )

أمس طلعت مستانسه اوني بتطالع الزينه المسوايه حق يوم الاتحاد وبشوف مظاهر الاحتفال بهاي المناسبه الحلوه والمهمه بالنسبه لنا بس والله اني انصدمت وزعلت من كل قلبي ع الي شفته ....

اي زينه واي يوم اتحاد ؟؟؟!!!! الناس خبر خير عن هالمناسبه ماشي غير هيئة كهرباء ومياه دبي متنزينه اتقولون عروس ويا حلاتها من عروس ,, اما البقيه فـ في انتظار المهرجان والي هو بالنسبه لهم اهم من اي شي ثاني وخصوصا يوم الاتحاد ؟؟؟؟

ليييييييييييش صار هاليوم من غيراهميه عند البعض ؟؟؟ كل ما اتزيد السنين صار هاليوم يمر حاله حال اي يوم ثاني ولا جنه في مثل هاليوم اتحدت سبع امارات وصارت الامارات وحده وبقياده المرحوم أبونا زايد الله يرحمه ويغفر له ...
صدق ضايقني هالشي وعكر مزاجي وانا اوني مستانسه حاطه علم اشكبره ع موتري احتفالا بالمناسبه الي صارت بالنسبه للبعض مش اكثر من اجازه يضمها لرصيد اجازاته ...

ليش يا دبي ؟؟؟ ليييييييييييييييش ؟؟؟

وايدين ممكن يقولون انه الاحتفال في هاليوم بس يعني اني ما احب بلادي ولا افرح لفرحها الا في هاليوم لكني اقول الي في القلب في القلب ويمكن هاليوم فرصه للواحد انه يعبر عن امتنانه وحبه لوطنه لو بشي بسيط

ابصراحه واااااااااااااااااااااااا اااااااااايد واااااااااااااااااااااااا ااااااااايد زعلت
والسموحه

[خنفروش]

و عليكم السلام ورحمة الله وبركاته

لج حق تزعلين وكلامج صحيح

(( برجع إن شاء الله ))

كنت كاتب رد عليج بس ما ادري وين نزلته

(( مغفي )) خخخخخخخخخ

[بنت النوخذه]

الامارات وايد تغيرت يوم توفى المرحوم:1: بس بعد بتظل الامارات في قلوبنا عالاقل احسن من بلاد ثانية الحمدلله بعدنا نحب بعض :1: ودامنا عايشين ودام هالراس يشم الهوا بنعيش فدوا الامارات :1: وانشاالله نحن بنييب الاجيال اللي يكملون مسيرة شيخونا الكرام في الامارات ويعمرونها :1:
عروسنا الامارات:1:

[خيال الحب]

يمكن في دبــي..

بس خلق الله كلها محتلفه بهاليوم..

انا كنت في بوظبي يوم الاربعا والخميس.. وماشاء الله عليها عاصمتنــا..

وراس الخيـــمه.. الزينه بكــل مكااان..

والمسيره الي كانت ع كورنيش ابوظــبي ولا اروع.. روحي فلكر وشوفي الصوور ..

وخلق الله بعوافي .. كلهم حاطين اعلام وصور الشيوخ الله يطول بعمرهم..

بــس دبـــي.. ماشفــــــت شـــي.. من الحين حاطين شير الكريسميس @__@


الله المستعــان

[الجنيه]

خنفروش

اترياك ويا الرد الي مضيعنه ...


بنت النوخذه

الله المستعان ما اقدر اقول غير جذه


خيال الحب ...

راس الخيمه وعيمان وأبوظبي الي مسوين مسابقه اجمل مبنى مزين لهاي المناسبه ...
هي دبي مزهبين زينة الكرسماس والمهرجان من ما ادري متى بس اليوم الوطني استوى في الباي باي ترا نحن مب مهمين اهم شي الاجانب الخياس في هالبلاد

خلني ساكته تراني روحي متغصصه قد شعر راسي

[وحي القلم]

شرات ما قال خيال

اتريي كمن يوم لين الكرسمس و راس السنه

و شوفيهم شو بيسوون

.
.

حسبي الله و نعم الوكيل

نحنى منوه الى يحترك عندنا :fa44: ..!

" الله يرحم الشيخ زايد =( "

[شمعة أمل]

شي استغربت منه وايد .. خصوصا البارحه يوم دشيت مركاتو .. حاطين كل شي مال كرسمسس*مع انه باقي اكثر من عشرين يوم عليه* .. ويوم الاتحاد لا O_o مع انه الى احيده مركاتو ماتخلي شي الا وتحتفل فيه ..

[تنينه]

أمـس كان عـندنا مسيره ف عـيمان وناااسه والله ^^":11: :11: ,,


خلاص جنااويـه مـره ثانيه تعالي عـندنا وبتحسين بعيد الاتحـاد صدق لول p= , حل يعني لول :tounge: ,,


والله يرحمك يابوي ,, وشرات ما يقولون مـا يموت اللي تـرك خـلفه رجـال ما يموت لي ترك الخير مع حسن الفعال =) ,,



وعاش الوطن :1: :1:

[وحي القلم]

شمعة أمل.. مركاتو مزهبين للكرسمس من الاسبوع الى طاف

كنت سايره هناك و شفتهم امعدلين و حاطين اعلان أنه بييهم سانتا " أظني اسمه جيه ان ما كنت غلطانه (^_^)‘ "

:10:

[الدلووووعة]

يمكن عدكم بس فدبي
بس تعالي بوظبي وشوفي من اسبوع كانو مزينين الشوارع اللي صوب الكاسر من يوم الاربعا المباني كانت مزينه والسياير تعالي شوفيهم امس فالمسيره كيف الكل هني كان مرتبش وسارو الاحتفال ( إلا نحن اقصد انا والحريم اللي فالبيت ماطاعو يودونا بس يلسنا نطالع التلفزيون كله اغاني وطنيه نحتفل وحليلنا ) بس الصراحة كان شي

هيه للكرسمس بيرقضون لاكن للاتحاد لا ليش يعورون روسهم

الله المستعان

خلاص اعيد الوطني الياي تعالي بوظبي

[الجنيه]

وحي القلم
ما اقول غير يعلهم ما يتهنون بالزفت والله أحس بغصه وقهر مالهم مثيل

شمعة أمل
لا حبوبة لا تستغربين عادي باجر ايي عيد الفطر والا الاضحى وماشي احتفال بنصير نحن الدخلاء الي لازم نحتفل بمناسباتنا بينا وبين بعض بس


تنينه

مشكوره فديتج ع الدعوه وانا من بوني بيي عيمان اليوم بس ماشاءالله الجو كشخه ما يساعد جان اخطف ع البحر واسمع هزاب محترم من السلطات العليا *_*


الدلووووعة

ولا يهمج بلبي دعوتج وبشلج ويايه بموتري وبنشارك في المسيره من غير ما انبطل الدرايش موتري من بونه مطلوب عند الشرطه بسبة المخفي بس عادي سماح حق هاليوم بس