:: .. مأساة البدون في الكويت .. ::

[المقاتل]

:: .. بسم الله الرحمن الرحيم .. ::

مأساة البدون في الكويت يقدمها لكم الشيخ / نبيل العوضي من حلقـة ساعة صراحه ، حيث يتحدث فيها عن الواقع المأساوي لـ البدون في الكويت وآخر يعرض فيها التقارير و استقبال المكالمات .

الرجاء التحميل

http://www.emanway.com/multimedia/video//sameh/albdown.rm

الحمدالله على النعمه إلي عايشينها .. ولاحول ولا قوة إلا بالله ،،

الله يكون في عونهم إن شاء الله ويصبرهم

.. المقاتل ..

[الدلووووعة]

الله يعينهم والله على العيشة اللي هم عايشينها
والحمدالله على النعمة اللي نحن فيها

[المزوحي]

لازم يدورون لهم حل .. لانه بهالطريقة بيسمون المجتمع .. سواء في الكويت أو حتى الامارات

يعني مايقدرون يخطون أي خطوه غير الاجرام ... يبون يشتغلون مايقدرون ...

[الشحية]

علينــــــــــا إن نحمد ربنـــــــــــا وما نبـــطر ..
الله يعيييييينهم إن شاء الله ,,

[شرجاوي]

الحمدلله عندنا فالبلاد نزلت الدفعه الاولى من اسامي اللي يستحقون الجنسيه .. الحمدلله


و الكويتيين ظلم كبير عندهم .. حشى معتبرينهم حيوانات عزكم الله ... الله يعينهم

[مــهــابه]

الحـمدلله ...
عـايشيـن بـنعمه

الله يـطول بـعمر شيخــونـا ، والله يـعين اخوانـا الكويتيـن

[مخاوية الامل]

الحمدلله رب العالمينــ ..،
الله يعينـــهمــ .

[ولد الشحوح]

الله يعينهم ويعين اللي عندنا بعد .......

[عنود الريف]

انا شفت هذي الحلقة لنبيل العوضي ..
صحيح نحن عندنا بدون ولكنهم عايشين الحمدلله احسن عن اللي في الكويت..
صح ان لهم حقوق مأكولة .. لكن احسن على الاقل عن اللي في الكويت ..

نحن عندنا البدون عندهم يدرسون في المدارس الحكومية ويشتغلون حالهم حال المواطنين .. الشي الوحيد اللي ما عندهم اياه هو المعاش التقاعدي ...

فالحمدلله دولتنا احسن عن غيرها ..
لكن عندي سؤال انا وخاطري القى جوابه ..
يعني البدون من متى عايشين في البلاد ؟؟؟ في منهم اللي عايش اكثر من 50 سنه في البلاد .. فليش ما يعطونهم الجنسية .. على الاقل هذيل ناس اولى من غيرهم ..
عاشوا بينا وكلوا من خير هالبلاد وعطوا اللي عندهم للبلاد .. فليش ما تكون لهم الاولوية ..
في ناس ايبون عيال وعيالهم ايبون احفاد لهم .. لكن بعدهم ما يحصلون الجنسية ...

الله يعينهم ..

تسلم اخويه المقاتل ...

[هزاايم]

^^^صح لساانج

جاري التحميل لاهنت شيخي

[ألم ترى]

بسم الله الرحمن الرحيم ..

جاري التحميل ! ..

لي عوده بعد المشاهده إن شاء الله ..

[ألم ترى]

قالها المسكين !
بختصار لئنه بدون
:ohboy:
الله يعينهم ويصبرهم ويبارك ف اعمارهم
يزاك الله خير يالمقاتل

[أمواج]

.
.
انا من راي إنه البدوون يروحون بلادهم احــسن
لأنه هنـاك بيلقــون حقووقهم اكثـــر
.
.

[عنود الريف]

أمواج اختي .. هاي أرض الله الواسعه .. الكل يدور رزقه ..
وثانيا .. اذا كان البدون ما عنده مكان ولا عنده بلاد ؟؟؟ وين يسير؟
وبتخبرج الجنسية شو يعني ؟؟ بس انتماء لدولة معينة .. بس ترا كلنا سواسية ومحد احسن عن الثاني ..
وكل انسان ياخذ الرزق اللي الله كاتبنه له ...

[أمواج]

أمواج اختي .. هاي أرض الله الواسعه .. الكل يدور رزقه ..
وثانيا .. اذا كان البدون ما عنده مكان ولا عنده بلاد ؟؟؟ وين يسير؟
وبتخبرج الجنسية شو يعني ؟؟ بس انتماء لدولة معينة .. بس ترا كلنا سواسية ومحد احسن عن الثاني ..
وكل انسان ياخذ الرزق اللي الله كاتبنه له ...



ليش تتحريني إنه واقفه ضد البدوون
:k_puppyeyes:
انا اللي اقصــده إنه دام محد مسوي لهم سـالفه وهم متعذبين فـ بلاد غير بلادهم
أحــسن لهم يرجعون بلااادهم

[ولد الحكومة]

الحمدالله على النعمة اللي نحن فيها وهذا من فضل الله ومن ثم شيوخنا الله يطول بعمارهم :1:

[تحفه]

ما يكفيهم انهم ابفترة الغزو كانو الوحيدين الي ما شردو وتمو يدافعون عن بلادهم!!؟؟

[أنامل قلب]

اختي بوظبي ..

بهالزمن كل من يدور عمصالحه ونفسه ..

لو الواحد منا حط نفسه مكان احد هذول البدون .. وقدر يحس
بمعنى ان يكون تحت اطار مسمى " البدون " .. ماكنا بنشوف هالظلم
اللي واصلين به لابعد الحدود ..

احس جي كإن ذالينهم عشي مانه موجود ..
مجرد انهم عايشين ببلاد ماهي بلادهم .. ذلوهم ..
لا معاشات مثل الأوادم يحصلون .. لا اسم وهوية طيبة يحطون لهم >>> بدون
شو ها بعد ..
وغيره وغيره وغيره من حال ما يسر الصراحة ..

ومثل ماقالت مب كافي انهم بروحهم اللي تمو بالبلاد بفترة الغزو
احيد حجي الوالدة لمن يولنا جماعتنا من الكويت وكيف كانت حالتهم حاله ..
واللي هناك مو مسوييلهم لا حس ولا خبر ولاهم يحزنون ..
يعني اهل البلاد اشردو .. واللي حادينهم منبوذين ومالهم هوية تمو يحرسون البلاد ؟!؟!؟

والله حاله ..

صدق ان الدنيا بآخر عمرها ..

يمكن شايفيني متنرفزة وتقولون >>> بلاها هذي .. ؟!؟!

بس صدق شفت بلاوي تقهر ..
وفعلا شفت ناس طيبة ماتستاهل ..
وصدق من قال ان شر البيلة ما يضحك ..
.
.

وسؤال يطرح نفسه ..
كيف ما يعتبرون من اهل البلاد واهمه من فتحو عيونهم بالدنيا شافوها ..
ايداد ايدادهم عايشين ابها ..
ماخذو ولا عطو الا منها ولها ..
بس لأن اللقب والعرج الاصلي ومادري وشو مب راكب .. ؟!؟!
.
.

أخ صدعت ..
اسكت احسنلي .. شكلي وايد اتحرطمت .. >>> الله يخليلي جو الامتحانات ..

بس صدق هو شي ما ينسكت عنه ..
وانا اعرف اشيا عنهم وعن سوء احوالهم اللي لو تحجيت عنها
بفتح ملف كامل ..
وقصص ياناس تكسر الخاطر ..
.
.

كأنهم عايشين عجبد البلاد .. مع انهم اكثر من يرتبط ابها ..

لكن من يحس ..

.
.

وآسفة اقولها من قلبي لو شفتوني اتنرفت بزود ..
لكن معذورة .. لأني شفت اللي صار برفيجتي ..
واللي يصيب حالها .. كأن صايبني ..
.
.

والسموحة مرة ثانية اخوي المقاتل ..

كل الاحترام الخالص اوجهه لك ..
اختك انامل قلب ..

.
.

وكاني مبتسمة ^_^ .. >>> والحمدلله

[فنجان قهوة]

يعني نحن هني ما عندنا بدون ترى عندنا
بس ما في شيء اسمه بدون في العالم
لان كل انسان له وطن
و هذيل الي في الكويت لهم اصول و لازم كل انسان يتبع لاصله
و يستوي الانسان يعدل وضعه بتغير البلاد و يحاول انه ينتسب الى هذه البلد
بس بعد لازم يتم محتفظ بهويته لين ما يتغير وضعه
يعني في عندنا في البلاد باكستانيين يقولون عن عمراهم بدون و انا اعرف وحده تدرس عندنا في الجامعه و يكتبولها غير حامله للوراق الثبوتيه
بس هي اصلها باكستاني
و الدوله لانها بتحرياتها تعرف هذا الشيء ما تمنحهم الجواز
اما في الكويت في وايد منهم عراقيين و اهواز و غيرهم يبون الجواز الكويتي
بعد للحفاظ على الشؤون السياسيه و امان الدوله لازم الدوله تتمهل و تتفكر وايد لين ما تمنحكم الجواز
يعني باجر الدوله عطت واحد ما اعرف من وين و في النهايه يطلع جاسوس في الدوله او ارهابي او ما اعرف شوالسموحه ع التفلسيف (التفلفيس ع قولة اهل ام القيوين) :14: