هوم ديزاين

[المزوحي]

السلام عليكم

اش حالكو وجيف انتوا .. اكيد تحبون تساعدوني صح ؟؟؟؟ قولوا هيه :k_harhar1:

الله يسلمكم .. أبغي منكم أفكار .. مساعدة ... بحث .. وشي حلو وبسيط .. ديزاين لحمام ( وانتوا بكرامه )

وغرفة النوم ...

يعني حد منكم يبني بيت أو بيبني جريب .. حد عنده افكار بشكل عام .. عند المحلات في دبي

مال المطابخ .. السيراميك .. الحمامات .. الخ

على سبيل المثال .. فريدوني معروف واسعاره لو غالية نوعا ما .. بس عنده كوالتي ...

عندكم الشايع ... س.س لوتاه ... الـــخ

حد مر وماخذ أفكار عند المحلات والاسعار .. لا يبخل علينا

يعني مثلا
الخلفية اللي ورا المغسلة عيبتني .. اقصد السيراميك المقطع ... لكن البانيو ماعيبني

[IMG]http://www.bathroom-design-guide.com/images/lifestyle-gallery/large/contemporary-2b.jpg

يعني ابغي اسوي وقافي .. او شاور كابينه ..

مثلا المغسلة ابغي لها كاونتر عسب اصف اللي ابه او شي مشابه له

http://www.bathroom-design-guide.com/images/lifestyle-gallery/large/contemporary-12.jpg





الشوار بهالطريقة

http://www.bathroom-design-guide.com/images/lifestyle-gallery/large/contemporary-9b.jpg

اظن فهمتوا مطلبي .. ومشكورين :woot:

[المزوحي]

يعني لو سويت مثل ما ابغي .. كأنه اللي صار في الصورة تحت .. ياحبذا لو الكاونتر اعرض ..

http://www.haza3uae.com/up/uploads/69462d05e9.bmp (http://www.haza3uae.com/up)

[شمعة أمل]

همم نحن يالسين نبني بيت .. بعدنا مادخلنا في سالفة الانتريرز بس عندنا فكره

بانين الحمامات على اساس انه نفس ممر في الحمام يكون فيه الشاور .. وفي النص الحوض .. وفي البدايه المغسله ومجابل المغسله نفس همم نفس جي طاوله وكرسي ومنظره حق الميك اب وجي< حمامي جي مصممينه:11:

انا مفكره اخلي حمامي بيج .. والمغسله وجي رخام اسود

يعني اباه مودرن:police: .. اظني ابويه جي بيسوي بعد

بس اعرف انه خواتي يبون حمامهم انتيكييي


غرف نوم
حجرتي ســــــر ومابخبر حد


مسألة اثاث ماعرف .. لانه حق هالبيت بيبون اثاث من برع


لكن البيت الى نحن ساكنين فيه .. اشترينا كل شي من الامارات.. بس ماعرف شو اسامي المحلات:1:

[المزوحي]

شمعة أمل ...

ترى أنا أقول أبغي رف عود حق المغسلة ... ومب شرط تكون موديرن وزجاج وشكل بس

أبغي كوالتي بعد .. وأحط مستلزمات الحمام ..

وهو أحسن مهندس ديكور حق هالامور .. يعني هو يحدد وين تحطين الشاور مثلا في الحمام ..

الغرفة سر .. :look: همم اعترفي بسرعة :h_negab:

[شمعة أمل]

صور...

[شمعة أمل]

http://upload.bindubai.com/download/mimo/52255371_445713b1.jpg



ستايل اختي جي .. انتيكي من الخاطر

[المزوحي]

مشكورة على الصور ....

همم الانتيكي .. أحس به وااايد فخم .. امل من هالنوع ...

[المزوحي]

شو رايج بالمغاسل جيه

http://static.flickr.com/58/177790298_9b33d4eae5.jpg?v=0

[بنت النوخذه]

اخوي نحن حاليا نبني بيت بس بعده ما تأثث بس تعرف في ب هوم سنتر ووايد اماكن فيها اشيا غاوية اذا بتشوف في بامارات مول وايد محلات اثاث تعرف اذا تبا تأثث من رايي انك تاخذ الاثاث من كذا محل يعني مثلا الشبرية والخزانة من مكان واحد اما الحمام فمن مكان ثاني مممممممم انت تروم تضيف بعض الاشيا بس مستحيل تشوفها بمحل او بمكان واحد وطبعا اللون يلعب دوره والبني اكثر فخامة

واذا تبا بيي باثث لك خخخخخخخخخ امزح

[المزوحي]

أكيد بيكون من محلات مختلفة .. يعني انا مابحصل السيراميك في هوم سنتر ...

أما إذا تطرين إنه .... ممكن ناخذ السيراميك من محل والمغاسل من محل .. هنيه ممكن نغير

[بنت النوخذه]

أكيد بيكون من محلات مختلفة .. يعني انا مابحصل السيراميك في هوم سنتر ...

أما إذا تطرين إنه .... ممكن ناخذ السيراميك من محل والمغاسل من محل .. هنيه ممكن نغير

لا انا اقصد الاثاث اما السيراميك فما عندي فكرة عنه ووين افضل نوعية

[شمعة أمل]

مانصحك الصراحه بمحلات نفس هووم سنتر ولا ايكيا ولا شي جي .. هم زينيين وكل شي .. بس مليون شخص بيكون عنده نفس الشي .. لو تبا شي غيير محد عنده .. من ناحية الحمامات وجي .. سير الشارجه .. عندهم مليون الف محل .. واسعارهم رخيصه بعد

احيد يوم كنا نسير عند اختي في المستشفى في الدرب مريت على قل 50 محل حمامات .. ومن الدرايش شفت اشيا حلووه

واذا تبا شي مودرن من الخاطر

سيير معرض يخووت .. وخذ مجلتهم .. واتصفح .. بتجوف حمامتهم حلوووووه .. اسألهم من وين يشترون هالاشيا من ناحية فضوول xp واذا يخبروونك سير هالمحلات .. لانه عندهم اشيا تخبل!!

[المزوحي]

شمعة أمل

المحلات اللي في الشارجة مب دوم تحصلين عندهم أرخص عن دبي

في محل في الكرامة .. إذا تعرفين وين الدكتور كلداري .. صوب صيدلية ابن سينا ..

في محل يبيع رخام وجرانيت .. شفت نفسهم في الشارجة المتر 500 وفي دبي 450

نفسه بالضبط ونفس البلد ...

بس صدق الواحد يدور ... الواحد بأفكارة يقدر يغير مب شرط نفس النوع

[شمعة أمل]

صح صح
نصيحه
لاتحط رخام في الحمام .. يعني هالرخام الى يلمع نفس الى في ارضية البيت .. لانه خطر .. وايدين يموتون والسبب هالرخام في هالحمام .. يتزحلقون ويكسرون راسهم =s
خذلك ارضيه خشنه للحمام

[المزوحي]

هيه أكيد

شمعة أمل ماباخذ رخام

[الشوق]

http://www.venice-tile.com/Bathrooms/slides/Bath%2013.jpg

http://www.venice-tile.com/Bathrooms/slides/Bath%202.jpg

http://www.us.kohler.com/common/images/suites/serpentinebronze-enlarge.jpg

http://images.homeportfolio.com/750/236171/400.jpg

http://images.homeportfolio.com/750/223860/400.jpg

[الياسمين]

اذا تبا محلات حلوه سير عند ساره ، الفطيم ، الشايع بتحصل اشياء حلوه و كوالتي وايد زين يعني مب الرخيص مول مثل محلات الشارجه ولا الغاااااااااالي وايد ، يعني بيطلعلك سيراميك الحمام من 6000- 10000

الشايع هالايام عندهم تنزيلات 50&#37; ففرصه بتحصل اللي تباه بنص السعر

وعن الديزاينات انت شوف شو في خاطرك من تصاميم و خل المقاول يسويلك اللي تباه

وخذلك لفه على محلات السيراميك و خذ فكره عن الاستايلات الموجوده عندهم

[طير الحب]

سير سوق التنين فيه أفكار وايد

[المزوحي]

الشوق .. عيبني هذا

http://www.venice-tile.com/Bathrooms/slides/Bath%202.jpg

لكن مب شرط البانيو يكون بــ هالطريقة ..



الياسمين

مرات نحصل اشياء في دبي ارخص عن الشارجة

[المزوحي]

سرت فريدوني .. وحذاله محل نسيت اسمه مايحضرني الحين عنده رخام للمطبخ والحمام

لكن اغلب شي طلبيه ماعنده استوكات .. وتقريبا الطلبية يبالها شهرين ...

يعني بالنسبة للأرضية الخشنة عندهم شغلات حلوة ..

[الـيـاه]

حط حق الأرضيه جرانيت .. ما يزحلق وديزايناته حلوه .. ثاني شي اذا انت من الرياييل اللي يحبون
يريحون في الحوض سو حوض
لكن اذا انت ماتحب وألا عزابي أحلى حق الريال يكون هالـ حوض المربع
اللي مسكر بـ بيبان زجاج شفاف ..

بخصوص المغاسل
لا تاخذ مغسله مثبته ع الارض .. هالشي مال أول
خذ اللي تكون نص ..

هممم شو بعد .. أهم شي الخزاين الصغار فالحمام حق الفوط وهالسوالف

غرفة النوم
مادري أنت شو تحب .. لكن لا تاخذ الشبرية اللي تكون عالية .. خذ اللي متوسط وحاول قد ما تقدر ماتخلي كل ألوان حجرتك
تدرجات لـ لون واحد .. والا في كذا شي فالحجرة من نفس اللون

نوع فالألوان ولكن شرط يليق ع بعض ..
ومول لا تحط شي أخضر .. مب مول بس لا تكثر من الأخضر وهالألوان لانها تنشط وحجرة النوم يبالها لون دافي
اذا تبا تحط .. حط برع مثلا ً ع البلكونه واذا ماشي بلكونه حط زرع صغار عسب يوم تشوفه الصبح تتنشط
لكن فالغرفة نفسها لا تصبغ اخضر والا يكون فراش اخضر

هممم بعد لا تخلط فالـ ستايلات .. نقول مثلا ً اخترت أثاث موديرن وآتي واتحط قطعة بسيطة ستايل هندي
شي ضروري تحط كرسيين وطاولة صغيره وشي ثاني أكثر أهمية انك تسوي دريسنج روم (لاااازم)
السجاد الحرير حلو .. اختار شي رفيع .. مب هاييلا الغلاض

شو فبالك تفرش الأرض فالحجرة ؟
إذا تبا رخام شرط انك دوم ماتعق السلبر من ريلك لان البروده اللي فالارض بتسويلك روماتزم ( لا سمح الله ) مع الايام
واصلن وايد مضر للجسم .. واذا بتفرش امم زين بعد , لكن تحافظ على نظافته لانه يبقع
انا غرفتي خشب .. لانه انظف

ها اللي فـ بالي للحين
ماحب اراويك شي بالصور .. انت اختار اللي فخاطرك وحط لمستك فيه

[المزوحي]

الياه .. هيه ترانا اندور جرانيت وكنا ندور حق المطبخ بولسرين غير عن السيراميك

وشي مطابخ عند بالحصا والبيت الألماني ..

بالنسبة للشاور .. أعرف هالمسكر شفته عند فريدوني ..

المغسلة .. ماحب حجم صغير ولا كبير واايد .. وسط .. وماركة GROHE أوكي

[المزوحي]

لو سمحتوا

تعرفون غير العبار يسوي زجاج معشق .. وأبغي مكان يسوي كبتات للمطبخ

[المزوحي]

وين مكان الحمام الملكي ( فــرع دبــي ) ؟؟

[مايهزك ريح]

مرحبا المزوحي .. :2:
نحنا كانا مسوين مطابخنا عند ثنينه .. واحد اسمه المري للمطابخ في الشارجة الصناعيه .. والثاني اسمه سانيتارت بعد في الشارجة .. والأسعار .. من 7-10 ألاف للألمونيوم .. اذا تبا انعتك بمكانه بالظبط .. قولي بطرشلك على الخاص ..

الحمامات كنا ماخذين عند الأدهم في الشارجة كان عنده اشياء حلوه .. والمتحده اللي في المرقبات عدال سيراميك راس الخيمه .. والشايع ..
واذا تبا ارضيات خشنه عندك الصالحيه وكليوبترا في المرقبات بعد .. :thumbup1:


وفي معلومة .. تأكد انه سمك الرخام أو الجرانيت اللي يتركب فوق كبتات المطبخ ما يكون اقل من 3 انش .. :icecream:

[المزوحي]

مرحبتين مايهزك ريح

بالنسبة للحمام اخترنا موزاييك .... في شارع صلاح الدين ... فرنسي ..

والمطبخ عند بالحصا ..

بس لو تعرف بيبان ألومنيوم للصالة ( مب خشب ) ؟؟

وتسلم على المعلومات

[مايهزك ريح]

بيبان ألمونيوم من النوع الراقي عند مصنع بعد في صناعية الشارجة .. اسمه دورال Doral .. وايد راقي .. اذا حصلت رقمة بطرش لك اياه ..

[المزوحي]

مشكلة الشارجة أرف .. وإلا وايد محلات هناك ...

بنشووف دورال

[مايهزك ريح]

Doral Aluminium

P.O.BOX 19571, Sharjah.
Tel: 06 5343663

[المزوحي]

مشكوووور يالطيب :)

[طير الحب]

مسا الخير

اذا شخص عنده معلومات عن محلات حلوة للصبغ في الشارجه ودبي يخبرني

[المزوحي]

اتمنى حد يرد على استفسارج طير الحب

ضروري ابغي اعرف محلات سيراميك - موزاييك بالتحديد ( ادوات صحية ) غير شارع صلاح الدين

[مايهزك ريح]

مرحبا اختي طير الحب ..
في محل في مركز بوهيل فوق في المكاتب المشكلة ما يحظرني اسمه وكان وايد فنان عنده ..الصبغ الرخامي .. مادري اذا تعرفينه ..
واذا حصلت رقم اللي صبغت لنا الميلس .. بحط لج رقمها .. لأنها ترسم رسم مثل صبغ ميركاتو من داخل .. اذا سرتي ميركاتو رفعي راسج طالعي جدام سبينس بتشوفين رسم روعه ..
نحنا سويناه في البيت اذا رمت بحط لج الصور ..

وعن السيراميك .. المزوحي .. اذا شفت شي حلو بقولك ..

[المزوحي]

مرحبتين الشيخ .. ماتقصر

بس كنت ابغيه اليوم لانه المقووول يتريا من متى

والتأخر صار .. بسبب اللي عطتنا .. سعر المتر بالغلط .. فندور شي غيره الحين ..

[مايهزك ريح]

افاااا .. هالمشاكل وايد تستوي ..
نحنا ما خذين عند واحد اسمه الأدهم في الشارجة الصناعيه.. عند الجسر الثاني ..توصل الإشارة الثانيه عقب تلف ورجع .. بعدين تييك دخله يمين تدخل ..بتلقاه على يسارك .. المشكلة محله موب على الشارع .... وايد عنده اشياء حلوه.. بس ما ادري اذا شي بعد ولا لأ..

وعن رقم صباغين ..حصلت توني رقم واحد منهم .. اسمه ياسر ..0503617823..روعه الصبغ

[طير الحب]

يزاك الله خير ما يهزك ريح

[المزوحي]

ماتقصر " يالطيب " ....

[مايهزك ريح]

you are welocme ^_^!!

[المزوحي]

عقب ما اخترنا بيبان خشب للفيلا ... من عند الرحماني .. قال عقب 5 شهور

شو البديل ؟؟؟

[مايهزك ريح]

اوه لأ..
نحنا كنا مسوين عند منجرة عبدالجليل .. والبيبان عنده عجيبه مادري نحنا خلصلنا بسرعه ..
مكانه عدال جداف دبي القرهود .. اول ما توصل البوابه الرئيسيه بتشوف دخله على اليسار قرقره .. تمشي واااااااااااايد عقب بتلقى المنجرة على يمينك .. هو يسوي محامل وطرادات خشب .. حق السباقات .. ان شاء الله يقدر يسوييلكم بسرعة ..
المشكله ما عندي رقمة ولا جان حطيتلك ..
والسموحة

[المزوحي]

ما يحتاي الرقم .. عسب نشوف على نظرنا ... مايهزك ريح تسلم ....

[المزوحي]

بالنسبة للمكيفات ... أكيد بنحط سنترال بما إنه البيت دورين،، لكن سؤالي شو رايكم بــ " الهيتر "

و " الشفاطات " السنترال ؟؟؟ غير إنها مكلفة .. شو بالنسبة للصيانة ...

[مايهزك ريح]

ما عندي معلومات عن الهيتر والشفاطات .. الستنرال ..
بس ابا اقولك عن المكيفات السنترال .. مكيفات ميتسوبيشي نوعيتهن قويه اخويه مركب في بيته .. ما يصرفن كهرب ..

[المزوحي]

مـــايــهزك ريــح .... مـــشكور على التــواصل ويعطيك العافية :k_blush-anim-cl:

الواحد من الحين لازم يدور ويفكر .. لأنه مايواحي خلاف ...

بس الحين بغينا tile للمطبخ ..

المطبخ كبتاته حمر .. والارضيه سوداء .. مالقينا لون مناسب له ..

[مايهزك ريح]

اتعرف في بعض المطابخ ما يسوون tile فيهن يسوون حركة بالصبغ .. اذا كنت تقصد مال اليدار ..
اول انك اتحط الـtile الأبيض الصغير بين الكبت اللي فوق واللي تحت يعني مجرد بوردر ويعطي شكل مثل مال قوم ايكيا وباقي المطبخ يكون صبغ مب tile من فوق لين تحت لأنه مال أول ..
المشكلة لو عندي صور جان حطيتهن عشان افهمك ..

[مايهزك ريح]

وجان احصل صورة .. ان شاء الله اتكون واضحة .. :a049:


http://upload.bindubai.com/download/atlantic_m/kitchen.jpg

[المزوحي]

مايهزك ريح ... الحين هذا عباره عن شو اللي حاطنه ؟؟؟ صــبغ ؟؟؟

هممم يستوي موزاييك وإلا مب شي بيكون ؟

[الـيـاه]

المزوحي

انت ليش تعور راسك ؟

شو رايك تتريا ثلاث سنوات وبتخرج وبستوي انتيريل ديزاين وبآي اسويلك بيتك ويا خصم هههههههه

[مايهزك ريح]

لا هذا مب صبغ بس كنت ابا اوضح لك المنطقة اللي تقدر تحط فيها tiles وباقي المطبخ يكون صبغ ..
وما حصلت غير هالصورة ..خخخخخخخخخخ

[المزوحي]

الياه ... هذا بيت نسيبي زهب .. يعني البلستر .. يباله تركيب الحمامات ( وانتوا بكرامه ) والمطبخ

والصبغ .. الخ

بالنسبة لبيتنا ... بااااجر بنوقع على العقد ...... عقبال عقد الزواج خخخخخ

على أساسه يبتدون البنيان ..

[مايهزك ريح]

المزوحي احس انك بتاخذ خبره من هالأشياء مثلي ...وجي بتتفادى المشاكل في بيتكم ان شاء الله ..
بس عن السيراميك والمطابخ .. دور من الحينه لأنه ياخذ وقت لين توصل الطلبيات ..

شو كنت بقولك .. عن المطابخ .. نسيبي يمدح الميدور للمطابخ .. مر عليه وخذ فكره يمكن ايعيبك وتسوي عنده لبيتكم ..

[المزوحي]

أكيد ... من الحين .. الوالده اتدور البيباان .. قلت لها دورتي على آخر الاشياااء ...

بشوووف حمامات ميغا ... ابغي حمام بسيط وحلو ...

[شوق القلوب]

الســـلام عليـــكم..


المزوحي..

خذلك لفه عند الشــايع.. و عند ســاره..

[شوق القلوب]

ما يهــزك ريح..

ع طاري الصبغ .. صح انه يقلل واااااااااااايد من التكلفه.. بس اتخيل لو الواحد فكر انه يغير كبتات المطبخ.. فـ اطر انه يشلها .. بيتم المكان ورا فاضي و امرقع ..!!

و في منهم بعد يحطون سقف مستعار للحمامات( و انتو بكرامه ) عشان ما يحطون السيراميك للسقف.. و منه يتغطى السخان.. بس ما احب هالشي.. احس احلى يوم يكون كامل..

من رايي انه ينحط سيراميك للمطبخ كااامل..

صح المزوحي.. عادة المطابخ يسوولهم step او رفعه للكبتات.. بس في من المحلات مثل " الشايع " ما يحتاجونها.. فانت قرر وين تبا اتسويهم قبل.. و خصوصاً حق توزيعات نقاط الكهربا و الماي.. وهالشي لازم يتم في المراحل الاولى..



و أي استشاره ترانا حاضرين .. عندي خبره بنا بيتيـــن :icecream:

[مايهزك ريح]

شوق القلوب ..انا بعد مثلج عندي خبرة في البنا ..
عن الصبغ السالفة مب سالفة تكلفه ..انما شكله احلى .. والسيراميك ما بيغطي إلا مساحة صغيره .. يمكن حتى ما يكلفه وايد اذا غير الكبتات غير السيراميك وياه لأنه المنطقه صغيره .. بس في معلومة ..المطبخ اللي اتكلم عنه هو التحضيري موب الرئيسي ..
الرئيسي يحطه سيراميك من الأرض لين السقف .. احسن ..
وبغيت اضيف شي بالنسبة للحمامات .. حاول انك تاخذ المراحيض والمغاسل باللون الأبيض .. لأنه اذا كان لون ثاني يتغير .. نحنا مسوين البيت كله ابيض ما عدا حمامين .. واحين ما وحاله إلا وتغير لون البيج واستوى لوعه .. ففكر قبل لا تاخذ اي قرار ..

[شوق القلوب]

ما يهــزك ريـــح...

الابيض ع قولتهم لون ما يلعوز.. بس عدنا في البيت مغاسل لونهم بيـــج.. من شركه roca اللي يبيعهم ارحمه الشامسي.. وااااااااااايد زينين.. و بالعكس اللمعه اللي فيه بعدها موجوده.. وجنه يديد.. حتى البانيو مب متغير..

هو يعتمد على المكان و الكوالتي..

[المزوحي]

شوق القلوب أحس الشايع اسعاره مبالغه !!

وعلى طاري المطبخ الكبتات تفصلت عند ( بالحــصا ) ... وماتقصرين يا شوق ..

[المزوحي]

مايهزك ريح ... هيه أكيد باللون الأبيض ... وصح شوق الشامسي أوكي وعندج فريدوني ...

وبالنسبة للصنبور ماركة GROHE

[طير الحب]

المطبخ هذا امس شايفتنه في ايكيا

الياه...انتي تخرجي وعلميني...ولا سويلنا خصم معتبر لتصميم البيت

[شوق القلوب]

grohe زين.. واهنيه في البيت بعد حاطين roca.. و للحين ما عليه كلام..

احنا للبيتين ماخذين عند الشايع.. و انا ماخذه من عند ساره..

صح هو اسعاره مب ارخيصه.. نص الميزانيه اتسير ع السيراميك...بس والله يطلع رووعه في التركيب و لو اتشوف الارضيات اللي عندهم بعد حليوه.. و اسعارها غاليه.. بس الغالبيه طلبيات..

انت لو سرتلهم من شهر او اكثر كانوا امسوين خصم 50&#37; على كللللللللللل شي.. يعني ببلاااااش .. واحنا للاسف كنا مشترين من قبل.. بس خذنا عنهم المناظر وقت التنزيلات..

[المزوحي]

شوق القلوب ... نحن نبغي شي موجود واغلب المحلات طلبيه ومن مده سرنا سلطاكو

وعنده شغلات حلوه لكن قال طلبيه .. قلنا له مانقدر نتريا .. قال مقررين يغيرون طريقتهم ..

بحيث إييبون استوكات .. والناس تشتري دايركت ..

وبالنسبة للشايع أدري مسوي خصومات .. بس ماسرنا له .. شفنا محل يديد مفتوح


وعقب اقولا نحن تابع لمحل الشايع لكن مايحضرني اسمهم ... عندهم سيراميك صيني ..

بالنسبة للصبغ .. شو رايج لو الحجرة مب عوده الصبغ طرف واحد يكون غامج ... ؟

[شوق القلوب]

والله احنا اليوم كنا سايرين انأكد على ألوان الصبغ... و عن حجرتيه بسويها جي.. يدار الغرفه اللي في ظهر الـ dressing room بيكون بلون غامج + dressing room .. اما باجي الغرفه بلون فاتح..

[المزوحي]

يسوون اورنج والطرف الثاني احمر ...... اتخيل استايل هندي والاثاث بني محروووق ..

على العموم ومنكم نستفيد ونتواصل ... واللي يبغي ياخذ افكااار ...

[مايهزك ريح]

hi .. i got the number of the painter..and she is very good
^_^!!
passion design .. tel : 04-3326260

[المزوحي]

كيف نوعية الصبع مايهزك ريح ؟؟

[مايهزك ريح]

الصبغ وايد حلو وراقي .. ايسوون الرسم على اليدار .. ووايد اشياء ..عندهم كتالوج .. بيراوونك ..
اذا تفيجت بحط لك صور ..

[المزوحي]

زين

بالنسبة للفت .. شو زين هيتاشي وإلا متسوبيشي ؟؟

[شوق القلوب]

سؤال للي يعرف...

درامات الماي.. شو الاحسن .. البسام و لا شركه ما اعرف شو اسمها في بوظبي ؟؟؟؟

[المزوحي]

ننتظر الرد .... للرفع

[مايهزك ريح]

سؤال للي يعرف...

درامات الماي.. شو الاحسن .. البسام و لا شركه ما اعرف شو اسمها في بوظبي ؟؟؟؟



Do you mean the water tanks that is installed over the roof ?
the best ones is Polygon Gulf but I dont know the name of the company

[مايهزك ريح]

زين

بالنسبة للفت .. شو زين هيتاشي وإلا متسوبيشي ؟؟

Mitsubishi is the best ..

[المزوحي]

مثل سيارتي يعني ... مشكور مايهزك ريح

[ملاك الروووح]

::

هلا وغلا

اشحالكم جماعة الربع ؟

:biggrin:

:

هاه بشــــر المزوحي .. وين وصلتوا في البنا ماشاءالله ؟!

:fa47:

:

مايهزك ريح حليله ماقصــــر والله:thumbup1:

وحتى باجي الأعضاء ..

عساهم عالقووووه ..!

:inlove:

:

وايد استفدت من الموضوع .. وخذت الأرقام اللي حطيتوها :k_harhar1:

سبحان الله يمكن أحتايها .. يوم بنبني بيت العمر :inlove: !

بس بستعين ان شاءالله باليــــاه .. وما يخصني لازم اتسوي لي دسكاونت :k_harhar1: !!

:

الله يوفقك أخوي المزوحي ..

والله يعينك عالبنــيان .. تراه صدعة راس ! :3:

[مايهزك ريح]

مثل سيارتي يعني ... مشكور مايهزك ريح

:4: :thumbup1:

[المزوحي]

ملاك الروح .. بعدنا مابدينا البنيان بس لازم نخلص كل الأمور عسب مانبطي عقب

والحين بدينا الحفر بس ... لأنه تعرفين كل يوم نؤجل الطلعة عسب نشووف حق البيت والايام تمر

ونحن بعدنا وهو بيت الوالد ( بيت العايلة يعني )

[مايهزك ريح]

If you are looking for a nice bathrooms ...
Check Gala bathrooms in juma almajed show room near al muktoom bridge ..


http://tbn0.google.com/images?q=tbn:3FS8X499xDwoSM:http://www.clickbathrooms.co.uk/images/logos/gala.gif


some nice designes..

http://tbn0.google.com/images?q=tbn:t9B6AlhpZMTyfM:http://www.lavabosinks.com/gala4.jpg

http://www.mcveightiles.com/images/imagebank/uploads/%5Cgalaarqcollection.jpg

http://livinghouse.co.uk/acatalog/bathroom-modular-furniture3.jpg

[مايهزك ريح]

المحل ملاصق لجمعة الماجد .. صغير وما يبين .. بس اغراضة حلوه والطلب .. يوصل خلال شهرين !

[الا انا]

المزوحي نحن يالسين نبني ونأثث .. بيتنا من اول ويديد وتقريبا جريب بيخلص ...


شو تبغي بالظبط ... وحاضرين ...

[شوق القلوب]

الســـــلام عليــــــكم..


شو أحســــــن مكيـــفات سبلت ..؟؟

[مايهزك ريح]

مرحبا .. شوق القلوب ..
نحنا مركبين مكيفات Pearl من شركة الينكو.. ما فيه مشاكل ووايد بارد .. ما شاء الله ..
بتحصلين المحل في شارع المرقبات .. عدال الشايع ... مال السيراميك .. مجابل سيراميك راس الخيمة ..
شكله حلو .. ولونه بيج ..
اخوي مركب من ميتسوبيشي .. صح زين .. بس شكله بشع ولونه رصاصي ..

[شوق القلوب]

هلا مايد..

هي عرفت المكان.. بس شو أسعارهم..؟؟ وشو خدمات الصيانه ؟؟

والله كنا امركبين train من جمعه الماجد... سيئيييييييييييييييين.. و وااااااايد يسحبون كهرب.. و تعال شوفهم ما كملوا كمن سنه الا و جي لونهم مصفر.. :fa55:

[مايهزك ريح]

أهلين شوق ..
اسعارهم من 2100 .. إلى 3000 وشوي .. على حسب الطن .. وعلى حسب كم مكيف تبين .. يسوون لج خصم .. ولازم تيبينهم قبل أو اثناء صب السقف مال البيت عشان ايقولون لج .. وين يكسرون حق المكيفات .. لأنه نحنا مكاين المكيفات كلها فوق البيت ..

خدمتهم ممتازه .. وما شاء الله عليهم من تتصلين بهم اييونج على طول ..
نحنا مركبين 14 مكيف من عندهم .. حمدلله ما عندنا مشاكل .. واحلى شي انهن ما يصرفن كهرب .. صرف المكيف الواحد يعادل صرف لمبه وحدة متخيله كيف اقتصادي ..
ولونه ما تغير لأنه اصلا بيج ..

[شوق القلوب]

قبل صب السقف..!!!! البيت خلاص جاهز.. :doh: بس اتوقع انه فتحات المكيفات وحده.. :k_special2:

بس صدق عجيـــــــب لو هذا صرفه .. صدق اقتصادي..

يبالنا انمر عليهم و انشـــوف...

تســـــــــــــــــــــــ ـــــــــلم يا مايد.. ما اتقصر و الله .. ^_^

[المزوحي]

السلام عليكم

وين بحصل أثاث ...

خلنا نقول قنفــات ... حصلنا أثاث ايطالي " كــلاسيك " لكن الطقم على 40 ألف وفوق عند انترناشيونال

ارت ..

ماخلينا ذا ون .. وغيره ماعيبنا شي الصراحة .. عندكم فكره !

شو عن ستاير غرف الاطفال ... ندمج لونين ... وإلا كيف .. ؟

[المزوحي]

على طاري الستاير خلاااااص ... لقينا .. لكن باجي طقم الكراسي الكلاسيك مب الموديرن

وين بنحصل ؟؟

[مايهزك ريح]

مرحبا المزوحي .. في محل عدال العقاد وين قرقاش وانته راد من الشارجه - دبي .... عنده كراسي حلوه ..
اسمه كنوز آرت .. سعره حلو..

اتذكر انه الطقم في حدود 9000 ويكون مثل مستوى .. انتيريرز .. الأهل امسوين عنده ويمدحونه ..

[المزوحي]

يبالنا نشوفه .... تقصد وين الصناعية ؟؟

ماتقصر

[مايهزك ريح]

لا اللي في دبي .. شارع الإتحاد على ما اعتقد جيه اسمه ..

[المزوحي]

هيه .. فهمت قصدك .. عرفت الطريج ...

زين بنمر هالمحل وانا سمعت عن محل اسمه التسامح، ما سمعت به ؟؟

لأنه يبالنا نمر أكثر من محل ونشووف ...

[المزوحي]

سرنا الشارجه ودخلنا كل المحلات اللي هناك، 99.5% الأثاث صيني، وأغلبيتهم يقولون لنا ايطالي

وأسباني .. والطقم تلقاه بــستين ألف وشي بأربعين واللي يقولك هذا صيني وسعره 25 ألف

[ايه احبك]

عادي استخدم موضعك عشان استفسر عن شي يالمزوحي ؟

[المزوحي]

أكيد ... تفضلي

[المزوحي]

انا حجرتي والحمام عندي مب كباااار وهذا التصميم، لو تعطوني افكار شو اسوي

صح الحجرة يايه بالطول والحمام كذلك مب عود .. مع إنه الاستشاري راسم بانيو طويل والشاور

بس انا بكنسل البانيو .. شو رايكم .. ؟؟؟ شو الديكورات الحلوة


http://www.arab7.com/up/file/1185277712948.jpg

[ذنـيـنـي]

المزوحي حمامك مسواي بطريقة مرتبه و تقدر تعدل على الدزاين
تقدر تشل البانيو و تخليهم يسوولك مثل الدجـّـه للشاور و تحطلك شاور من هالكبار و لا تنسى تحطلك زجاج حق الشاور
و يفضل لو تكون ارضيته خشنة ربيعي مسوي ارضيه حجرية في الشاور الي في حجرته و طالع شكل الشاور وايد حلو و الاهم من هذا انه ما يزلق

==========
يا جماعة الخير انا ناوي آخذ دوشق يديد حق غرفتي و في احتمال اني ابدل السرير بعد

المهم
حصلت محل في شارع الشيخ زايد عنده دواشق فضييييييييييييييييييييييي ييييييييييييييييييعه لكنها غاااااااااااااااااااااااا ااااااااااااااااااااااااا اااااالية

يعني جربت اغلى سرير عندهم و كان سعره 128 الف درهم !!
بس بصراحه،، راحه ما بعدها راحه لول

المهم
تعرفون مكان يسوي دواشق زينه و بأسعار مناسبة؟
و أهم شي عندي الجوده بغض النظر عن الاسعار لكن ما ابغي شي بسعر فوق الـ 10 الاف

انزين حد منكم جرب الدواشق مال آيكيا سمعت حد يمدحهم مره،،
تعرفون لازم الواحد يفكر عدل قبل ما ياخذ هالسوالف و يستشير عسب ما ياخذ شي مكلف و يندم عقب

[شوق القلوب]

هلا ناصر..

بخبرك عن الماتريس اللي في ايكيا.. خذت عنهم وحده single كانت بـ 600 على ما اذكر.. حق سريري المؤقت.. ما أقــولك انها مب زينه.. بس بعد مب مريحه وااااايد.. فأحسن لك دور شي ثاني..

صح.. جرب المحل اللي عند التقاطع عند برجمان.. هو بيكون على يمينك اذا برجمان على يسارك و انت ياي من جسر المكتوم..

اتوقع انه بيكون بعد وااايد غالي.. :14:

[ذنـيـنـي]

http://www.drexlershowerdoor.com/pics/fless6.jpg

نفس تصميم حمامك

http://www.showers4u.com/contents/media/K_SHXRR_C.jpg

في احلى من انك تاخذلك دش بماي بارد في هالحر و تنعش عمرك
:tounge:

http://bestglass.com/uimages/Pattern_Glass_Shower.jpg
و اذا تحس انه البانيو مهم ممكن انك تسوي جي

[شوق القلوب]

المــزوحـــي...

ليـــش ما اتفكـــر اتحطلك البانــيو اللي ايي ع الكــورنـــر...؟؟ واااااااااايد أحســـن عن البانيو الطويل... و في نفس الوقت واسع.. يعني جنه شـــور.. و ادور واحد يكون فيه جاكــوزي جان تبا ادلع عمرك ^_^

وحطه ع الجهه المقابله للمغسله..

[ذنـيـنـي]

شوق القلوب المشكلة اني من جربت بو امية الف و خرده قمت ما اقتنع باي شي ثاني ولو انه التجربة كانت لمدة دقيقة يمكن بس والله انه فضيع لول

بسير هاك الصوب اذا فضيت و بشوف،،


بالنسبة لي مب مهم وايد عندي سعر السرير لأني مستعد ادفع عليه اي مبلغ لأنه يعتبر اهم قطعة في البيت

ولا تنسين ترا الانسان يقضي تقريبا ثلث عمره على هالسرير فـ ضروري انه يكون من نوعيه جيده

:3:

[شوق القلوب]

والله فاهمه شعــورك.. مافي أحســـن من انه الواحد يدلع عمـــره.. وخصصصصصصصصصه وقت الرقــاد...

عيـــل سير جــربه.. بيكون شعــور جميـــل انـــك راقد على طبقــات من شــعــر الخيــــل.. :a018:

[ذنـيـنـي]

هااااااااااااا :Oo:

كيف عرفتي انه هذا هو الي اقصده !! لول
صح فيه شعر خيل لول
انا قلتلهم بييبلكم شعر غنم و نزلولي السعر لول :hysterical:

المهم هذا هو الملعون الي لعن خير و عقدني
في ذمتج شكله مب مغري و يقول تعااال تعااال ارقد

http://www.hastens.com/upload/01_Beds/02_Continental_beds/04_Round_Excelsior/excelsior_rund_env.jpg

و هذا هو موقعهم

http://www.hastens.com/en-us/

[شوق القلوب]

هههههههه... طلعت ساحره .. :fa34: لالا.. بس انا فاهمتنــــك.. و اعرف شو تقصد على طووووول :fa51:

..

و الحقيقه و الواقع.. انه بعد هالمحل اللي دليتك عليه عندهم بعد شعر خيـــل..:4: وهذا موقعهم

http://www.andsotobed.co.uk/

[شوق القلوب]

ع الموقع مكتوب انه فيه sale ..

[ذنـيـنـي]

دخلت الموقع

فيه معلومات عن كيفية اختيار الماترس المناسب بس مب حاطين موديلاتهم و مواصفاتها !!
شكلي بطلع الحين و بسير آيكيا اول شي و بشوف الي عندهم
لأنه توه اتصلت بربيعي و قالي انه ماخذ أحسن واحد عندهم مع القطعة الي فوق >> شرات القطعة الي في اعلى السرير الي حطيت صورته
و يقول عنه انه وايد مريح،، فـ بسير اشوفه و بالمره بختارلي شبريه يديدة "عسب يوم ترد الماما من السفر اقولها يالله زهبي قريشاتج ابغي شبريه يديدة P= "

[المزوحي]

ماتقصر ذنيني مشكور وشكل الحمام ترتيب .. لكن الحينه انته تبغي ماترس بس وإلا شبريه ؟؟

شوق القلوب ... تقصدين المحل في مركز الاعمال ... !

هالصور صوريتها من فتره ...


http://www.arab7.com/up/file/1185372873455.jpg

و البانيو انا قلت بكنسله .. على أساس نخلي الشاور ... بس مافكرت أركب زجاج، بشوف هالنقطه !

[شوق القلوب]

ناصر..

هم في المحل بيراوونــــك النوعيات.. مر عليهم وشوف..

..

المزوحي..

هي .. اللي اقصده مثل اللي في الصوره.. بس جان تبا اتوسع الحمام.. حطلك شور.. و خلهم يحددولك اياه بالسراميــك... مثلا خل قياسه متر×متر.. او 120 × 120 .. عشان يكون واسع و مريح.. لانه فيه شورات يبيعونها هي و الباب مالها بس اتكون صغيره يعني اكبر شي في السوق بتحصله 90 × 90..

[المزوحي]

تراني من الحين أبغي آخذ أفكار شوق القلوب ... سواء للحمام ( وانتوا بكرامه ) أو حتى الحجره

هالحمام ما اذكر وين شفته .. فريدوني .. وإلا المحلات اللي عداله ...

[مايهزك ريح]

ذنيني .. في دبنهامز .. عندهم ماركة silent night
عليها صورةالخرتيت .. اعتقد ..
في بيتنا كل الشباري حاطين عليهن هالدوشق .. وايد زين ومريح ..
وفيه ماركة ثانيه بعد في نفس المكان بس ما اتذكر الإسم .. اذا مريت مرة ثانيه بقراه ..
بعد اوكيه ..

[ذنـيـنـي]

ما يهزك ريح

مصنعهم في عيمان لول

بينا و بين مصنع سايلانت نايت شارع و اشاره و دوار خخخخخخخ :14:


سايلانت نايت،، فخر الصناعه العجمانيه :a034:

[المزوحي]

هيه بو الخرتيت اعرفه ... بس في ماترس ... الراحة وكينج كويل .. سامع عنهم ؟

[مايهزك ريح]

كينك كويل .. اختي مسويه منه حق عيالها .. وايد اوكيه بعد ..
والراحة اخوي مسوي منه حق عياله .. بعد يمدحه ..

[ايه احبك]

شكرا يالمزوحي
ابا اسالكم اذا افضل اني احط في الحجره كلها ول بيبر ولا بس في كمن وول ؟

[المزوحي]

مرات الشي يكون غالي لكن كوالتي ...

ايه احبك .. وايدين ردوا على ستايل الوول بيبر، وشوفي رد البقيه عسب تعرفين

[ذنـيـنـي]

حطي نوعين وول بيبر و يكونون بنفس الالوان
بس مثلا يعني في جهتين يكون مخطط و في الجهتين الثانيات يكون على شكل دوائر
بس خذي اشياء راكبه ويا بعض عسب ما يطلع عنقاش و تقولين ذنيني قال P=

[المزوحي]

ذنيني، بالنسبة للول بيبر انا شفت مثلا لون عنابي .. مسوين صوب المخطط مثل ماقلت والصوب الثاني

مشيــّر .. بنفس اللون بالضبط ..

[ذنـيـنـي]

انا اتخبل على هالثلاث الوان مع بعض

الاسود و الرمادي و الاحمر

و كلللللل حد يقولي مب شي :3:


الين ما حصلت صورة اليوم تثبت انه نظريتي صح :fa46:

http://www.l22l.com/uploads/5c2b772eff.jpg



http://www.l22l.com/uploads/54ba737453.jpg



شو رايكم بألواني الي من متى اهاذيبها
فنانه لااااه :vampire:

[مايهزك ريح]

ذوقك حلو .. يا ذنيني .. شكلي بصرق الفكرة لأني ناوي اغير الحجرة

[الدلووووعة]

ذنيني حلوه الغرف

هيه اخويه جي مسوي غرفته بالثلاث ألوان هاي

بس هو صبغ الحجره احمر والسقف شرات سقف الصوره الاولى

والاثاث خلاه اسود وابيض حلوه ظهرت

بس مظلمة ^_^

[مايهزك ريح]

اتذكر اني شفت هالألوان في The one

[ايه احبك]

في دايزين حق السقف حلو وبناتي
واذا تعرفون شركه اوكيه اتسويه بليز قولولي
اما اذا عطتنوني الرقم بكون شاكره لكم ^_^

[جنون امرأة]

انا اتخبل على هالثلاث الوان مع بعض

الاسود و الرمادي و الاحمر

و كلللللل حد يقولي مب شي :3:


الين ما حصلت صورة اليوم تثبت انه نظريتي صح :fa46:

http://www.l22l.com/uploads/5c2b772eff.jpg



http://www.l22l.com/uploads/54ba737453.jpg



شو رايكم بألواني الي من متى اهاذيبها
فنانه لااااه :vampire:




يعجبني هالستايل وااااايد :fa41:

[المزوحي]

مراجعه على السريع

بالنسبة للمطابخ بنشوف الميدور مثل ما قال مايهزك ريح

وبالحصا كذلك .. الحمامات وانتوا بكرامه " الشامسي "

باب الفيلا " الــعبار "

أما باب الحجر للحين مانعرف لو عندكم فكره وحتى dressing room

ونتابع وياكم

[شمعة أمل]

ياحظكم بديتوو تختارون مطابخ وبيبان
نحنا من سنتين وشي ونصمم وبعدنااااااااااااااااااا >_<

حق الدريسنغ رووم .. يا تحط باب وتخلي الرفوف والكبتات مفتوحه .. ولا حط كبتات مبنده .. والدرسينغ بدون باب .. عشان مايغبر

[مايهزك ريح]

عندك الخزائن المبتكره .. حق الدرسنغ رووم
والبيبان ..في مصنع في الشارجة .. بسوي بيبان المونيوم روعه .. اسمه دورال Doral يوم اتشوفهم جنهم خشب ما تقدر اتفرق إلا اذا دقيت عليه اتعرف انه مب خشب .. وايد عندهم اشكال ..
واذا تبا خشب نحنا كنا مسوين عند منجرة عبدالجليل .. عدال جداف دبي ..

[المزوحي]

شمعة أمل .. حتى نحن خذنا سنة ونص ويمكن بعد يعتمد على الفيلا

نفسها وشو محتاجين ...

مايهزك ريح .. بالنسبة للبيبان الألمونيوم " العبار " يسونه

حق الفلل ويبين كأنه خشب ..

ماتقصرون .. الله يعطيكم العافية

[المزوحي]

خلال هالسبوع ابغي اشوف سيراميك حق حمامي وانتوا بكرامه، ياليت تساعدوني بدال اللف والدوران

يعني عند حد معين ومب طلبيه تاخذ شهور ..

[نجمة دبي]

هلا

بخصوص المحلات والطلبيات .. السموحه ماعندي اي فكره

لكن حبيت اراويك كم من صوره .. انته تاخذ فكره عن اللي تبغيه :)

http://albeet.com/image/data/46.jpg
الازرق لون معروف بأنه شبابي

http://www.adma1.com/vb/uploaded/161330_1175209638.jpg
الاسود شخصيه

http://www.lindianvillage.gr/site/pressinfo/images/BathSuite.jpg
الازرق لكن من الصغار

http://www.thefloorauthority.com/ceramic-room-bath1.jpg
ديزاين

http://img.alibaba.com/photo/50559505/Ceramic_Bathroom_Set.jpg
سيراميك شرات ورق الجدران

http://www.spanishpropertydevelopment.com/images/balcondealcaucin/bathroom.jpg
اصفر منعش

http://www.b-squaredconstruction.com/images/bathroom_floor_003.jpg
عيبني ^_^

والسموحه

[المزوحي]

نجمة دبي الموزاييك حلو وممكن انا اختار النقشة .. يعني ممكن تتركب خلفية المغسلة بس لو مابغيت الحمام

بكبره، وعلى فكره مب اي واحد يعرف يركب مرتب ونظيف .. يعني يبغي قطع جاهز شرت القطعة الكبيرة ويركبها

على طول ..

[شمعة أمل]

البارحه كنت اقرا مجله وجان اجوف دعايه وايد وايد وايد مهمه ..
شركه مخصصه تسوي كلوووستس يعني هالغرف الى بس فيهم كبتات p=

اسمهم
الخزائن المبتكره
ورقمهم 8005405

[المزوحي]

تسلمين شمعة أمل .. ربي يعطيكم العافية

[المزوحي]

شــو رايكم، أركب كابينت سبوح، وإلا أسوي فاصل من الطابوق بس

http://www.niagara-bathrooms.co.uk/real/web/jacuzzi/niagara_realweb.nsf/59bc7e289492b39d00256b9f00341819/b1a327a10d098ed28025708a0044c376/fld_page_Body/0.188?OpenElement&FieldElemFormat=jpg

[ذنـيـنـي]

بصراحه انا افضل الطابوق بس حاسب عشان ما يكون جزء من تصميم البيت عسب اذا بغيت تغير تصميم الحمام تقدر تغيره بدون مشاكل

========

انا حاليا بديت افكر جديا ببناء بيت بس الحين الحين احس انه افكاري مب مرتبه !
بس افكاري المبدئية هي اني ابغيه مكون من اربع غرف نوم و يكون فيه صالة و ميلس
المشكلة الي تواجهني حاليا هي الميزانية

مثل ما تعرفون الاراضي و البناء في عيمان مب وايد غاليين،، لكن انا مشكلتي اني بشتري ارض،، يعني ما بحصل منحه عليها

يعني اذا حطيت ميزانية 600-700 الف للأرض، و مليون كـ متوسط للبناء هذه بتكون عبارة عن مليون و 700 الف درهم و المبلغ مب هين بالنسبة لشاب توه بادي حياته،، بس مثل ما يقولون الواحد لازم يتعب و يشقى في بداية عمره عشان يرتاح و يريح عايلته يوم بيكبر

لول صدق الله يعينا >,<
نحن نتعب و "ناكل تبن" و البنات يستلمن الراتب و يعقونه على شنطه و بطه و الوان حق صبغ الويه XD

:3:

المهم ابغي اعرف رايكم،، هل اسوي فله طابقين و "مجكنمه" و استغل مساحه الارض للحديقة ولا اسوي بيت كبير بس يكون طابق واحد !!

تشوفون انه الحوض شي زين في البيت ولا شي "ماله داعي"

بالنسبة لميلس الرياييل، اخليه ضمن تصميم الفله ولا احطه في الخارج

افكاري وايد متلخبطه و مب قادر استقر على شي الين الحين و وصلت فيني لدرجه اني اول امس كنت يالس في الدوام و ارسم مخططات خخخخخخخ

و على فكره انا اتكلم عن شي بيكون بعد 3-4 شهور يعني مب شي بعيد او خطة مستقبلية "جدا"

افكاركم و آراءكم وايد تهمني،،
طبعا انا برد اقرا كل الردود الي في هالموضوع و برد براجع موضوع بو غنيم بس بعد اتمنى اني اشوف آراءكم

[المزوحي]

همم خلاص بسويه من طابوق، لأني اول بادي حسيت بكتمه لو بوطابوق ..

انا من راي تسوي طابق وتخلي الاساس طابقين، لين المستقبل ...

والحوض مب ضروري في البيت بما إنه عندك شغلات ثانيه أهم ...

بالنسبة للميلس .. على حسب يلساتكم واللي يوون عندك يوميا وإلا شهريا ولاسنويا :)

لأنه في من البيوت يوم ميلاسه تكون خاري تنهجر، يعني على حسب اللي يزورك ..

واكيد القرار الاخير لك ..

[دمعة شوق]

الله يوفقـك يـ ذنيني
من رأيي انـك تخلي الميلس اروحه قسـم
عسب يوم مثـلا ً تعزم عزيمه عوده يكون الميلس عود ، ومايكون داخـل البـيت إذا كان فيه وايد نسوان
فـ الأحسن انك تخليه بـرا ، وعاده شي راجعـلك
×
وعن المسبح اممم مش من الضروريـات دامك عندك اشياء وايد تسويهـا
:)
؛

الله يوفقـك ويسهل عليـك
:k_smartass:

[دمعة شوق]

اممم تخليه طابقين احسن عشان توفر مساحه وتسوي حديقة صغيرونه وحوش تقعدون فيه
:) ، وخاصة ايام الشتـا :)

[المزوحي]

ذنيني، زين شو رايك بهذا ؟؟؟ يعني ما اسوي كابينه مسكره بكبرها .. بس بدال الطابوق من صوب اسوي جيه

http://www.clickbathrooms.co.uk/prodimages/shower-enclosures/wet-rooms/wetrm001/wetrm001a_c.jpg

[ذنـيـنـي]

حلو الشاور يا المزوحي
بس لازم تأكد عليهم انه ينزلون مستوى الارض شوي صوب الشاور عسب يطلع الماي

[وحي القلم]

ذنيني


المهم ابغي اعرف رايكم،، هل اسوي فله طابقين و "مجكنمه" و استغل مساحه الارض للحديقة ولا اسوي بيت كبير بس يكون طابق واحد !!

البيت مب حلو بدون حوي

إذا كان البيت "الطابقين" بيوفر مساحة الأرض

سوّه طابقين عن تتندم بعدين

.
.


تشوفون انه الحوض شي زين في البيت ولا شي "ماله داعي"

الحوض مب شي أساسي

لو توفر الميزانية للأساسيات يكون أحسن

و بعدين الحوض لاحق عليه

تروم اتسويه عقب ما يزهب البيت

.
.


بالنسبة لميلس الرياييل، اخليه ضمن تصميم الفله ولا احطه في الخارج

مادري.. بس المهم يكون عدال المطبخ :4:

عشان يكون أسهل يوم ايودون الأكل :tounge:

.
.


لول صدق الله يعينا >,<
نحن نتعب و "ناكل تبن" و البنات يستلمن الراتب و يعقونه على شنطه و بطه و الوان حق صبغ الويه XD

:birgits_giggle:

[المزوحي]

شكرا ذنيني ، يعتمد على المقاول ونظافة الشغل ..

[المزوحي]

شورايكم اسوي الحمام مات وإلا فيه لمعه ( tile ) ؟


ومابغي ألف وأدور وااااااااااايد، شي محلات معينة غير سارة والشايع ... هاذيل برع القايمة ..

وبالنسبة لمحل ميغا، حد جرب من عنده ؟؟

[مايهزك ريح]

المزوحي نحنا مسويين كل الحمامات تقريبا مات ما عدا واحد .. لأنه الرضيعة اختارت اللي فيه لمعة ...

محل ميجا ولا اوميغا ..
اذا ميجا الرضيعة ما خذه عندهم حمامين ..وتعاملهم مب لين هناك ولازم تنتبه ..
لأنهم مره غلطوا في فاتوره وخذوا بيزات زياده بس زين انها انتبهت لهم .. وردت البيزات ..

[شوق القلوب]

الســلام عليــكم...


ذنيـــني...

تدري انه البيت الارض يكلف أكثر من الدورين ..؟؟!!

لانه الارضي ياخذ مساحه كبيره و بالتالي الاساسات بتكون في مساحه كبيره و أغلب التكلفه من الاساس..

..

شي ثاني..

الدورين فيه خصوصيه أكثر من الارضي.. بمعنى الدور اللي فوق يعطيك حريه أكبر من لو كان لك قسم بروحك في الارضي.. من غير انه معزول عن الحشره و اليوله اللي تستوي غالباً في البيت..

و مثل ما قالوا الاخوان.. الدورين بيوفرلك مساحه الارض.. و مووول مب شي البيت بدون حوي.. تتنفــه فيه..

..


الميلس.. اذا انت راعي يلسات و عزايم وايد.. خله مفصول عن البيت.. وفي نفس الوقت بتستغل المساحه في أشياء ثانيه..

..

هممم.. هاللي في بالي الحين .. :)

[المزوحي]

مايهزك ريح، عيل باجي الحمامات من وين خذتوهم ؟؟

[مايهزك ريح]

tiles >> نازو (الإيطالي ) ... الفلاسي ..سارا

اكسسوارات الحمامات ..
باجنو ..شارع زايد .. جنك ساير ايس هاردوير
س.س. لوتاه
العربية -تابع لـ - جمعه الماجد ... جسر المكتوم

[ذنـيـنـي]

شوق القلوب

همممممم كلامج صحيح
بس ما ادري بالنسبة لي انا افظل الدور الواحد يمكن لأنه عائلي اكثر و الاهل ممكن يشوفون عيالهم متى بيطلعون و متى بيردون

عالعموم الوالده عندي تبى دور واحد و موووووووول مب مقتنعه بسالفة الدورين
و سوينا الخارطه على اساس انه دور واحد

البيت بيكون فيه خمس غرف و صالتين و ميلس و مطبخ داخلي و طبعا كل غرفة بحمامها و برع بيكون شي مطبخ و غرفة لللاوندري و غرفة الخدامه و 6 كاراجات

بمجرد انه نستلم المخطط من الاستشاري براويكم اياه

[المزوحي]

اس اس لوتاه ماعيبني تعاملهم .. كنا نبغي سيراميك ومل مره يقولون تعالوا عقب اسبوع بنعطيكم الاسعار

نرد عقب 10 ايام .. يقولون لنا ردوا .. تمينا 3 شهور .. آخر شي طنشناهم ..اونه مديرهم في اجازة

[مايهزك ريح]

هم ما خذوا السيراميك من عندهم كانوا ماخذين بس الأكسسوارات مال الحمام .. ومب كل الحمامات .. ملقطين من كمن مكان

[المزوحي]

الحينه نتالي عسب بيبان الحجر، نبغي شي نظيف وقوي، مش مهم الديزاين، لو كلاسيك، المهم يكون خشب وتركيب

نظيف ... مايهزك ريح مره طرى منجرة عبدالجليل في القرهود ( منطقة الجداف ) ..

[المزوحي]

الحينه ماعرف وين اسير عسب حمامي ...

المحلات وايده .. بانيو تراني مب حاط والمغسة والــدبليو سي من عند الشامسي ...

الحينه السيراميك، وابغي طريقة الكاونتر لو عندكم افكار وصور !

[المزوحي]

شو رايكم بالرخام العماني ؟؟

وإذا على سبيل المثال مب شي، شو بديله ..

[شوق القلوب]

المزوحي..

اختار نوعيه رخام زينه... لانه الرخام المب زين يا انه اتيك قطع ما يخصها موول في بعض و تطلع الحجره امرقعه.. او انه يتكسر..

[المزوحي]

شوق، واحد قال إنه الرخام العماني يتفلم، وغيره قال: إنه زين وللحين مب عارفين !

خلال هالأيام باخذ لي جوله على السيراميك ...

وبصراحة مادري شو السبب إني مابغي ادور واااااايد

فكرت للحين في 5 محلات سنتكس، الدرويش، نازو، فريدوني، الشامسي ..

[شوق القلوب]

جرب شوف الارضيات اللي عند الشايع.. صح غالين.. بس حلويــــــن...

[المزوحي]

أدري بهم قوم بالغلا، لكن بسير بما إنج تقولين حلوين ...

[شوق القلوب]

هي احنا حاطين عندهم للصاله.. جي شي لونه شوي غريب..

و للغرف حاطين من عند لوتــاه..

[مايهزك ريح]

المزوحي .. عند سيراميك الخليج وكليوباترا اعتقد جيه اسمهم في الشارجه ..
يبيعون الجرانيت الصناعي ..Artificial granite
بس ما اتذكر كم سعره .. ولا تاخذ اللي بو 60 * 60 لأنه في التركيب ما يظبط .. خذ الأصغر ..

اللي في الصورة .. البيج اللي فوق غاوي

http://img.diytrade.com/cdimg/582972/4031381/0/1185443514/Artificial_Granite.jpg

[المزوحي]

مايهزك ريح هيه كيلوباترا موجود في شارع صلاد الدين بعد ..

تصدق قبل كنت اقووول بلف كل مكان وبدور وبنبش، لكن وقت الجد ويوم بدينا في الساس .. ابغي احذف محلات

قد ما اقدر، يعني بدال ما اسير 10 محلات اسير 5 او اشوف رايكم بشكل عام واعرف عند من اسير ...

اكيد الواحد لازم يقتنع ... بس مافيّه على السيرو والرده ..

المهم .. عطيتني فكره الحين .. مشكور

[مايهزك ريح]

العفو يا خويه ..

[شوق القلوب]

مايد..

بالعكس.. اللي ايي قياس 60*60 واايد أحلى..!! اللي 40*40 موول مب شي.. احس كل مايت القطعه أكبر كل ما عطت مساحه أكبر للغرفه ..

[شوق القلوب]

صح المزوحي..

جان سرت الشايع.. ادخل المتحده اللي عنداله.. احيد عندهم سوالف حلوه.. كان اللي يعيبنا عندهم كله امخلص.. حق المشاريع اليديده..

[مايهزك ريح]

مرحبا شوق القلوب .. اعرف انه 60 * 60 أحلى بس المشكله مب اي واحد يقدر يضبطه في التركيب ..
واحد من هلنا كان شاري منه لوشفتي كيف ركبوه بتصيحين على البيزات اللي دفعتيهن ..
لازم ما يكون بينهن " جراونتنغ ".. لازم يكون.. " زيرو جوينت " بس منو يعرفله !!!!

يقدر يشتري 40 * 40 ويكون زيرو جوينت بيستوي جنه قطعه وحده وما بينعرف .. 40* 40 ولا 60*60
مادري اذافهمتوا عليه ولا لأ..

[شوق القلوب]

هلا مايد..

هيه فاهمه عليــــك.. بس ما عليك بعد يفرق..

واللي ركب حق واحد من اهلك.. شكله بروووحه ما يعرف يركب.. يعني المقاول تعبان..

بس عاده اللي يعرفون يركبون الرخام و يضبطونه لازم بيعرفون يركبون باجي الانواع.. لانه الرخام لازم يكون زيرو جوينت

[المزوحي]

شوق القلوب الرضيعة بعد تقول عن المتحده، واليوم احتمال اسير الدرويش ...

[المزوحي]

سرت عند الدرويش، وعطانا الكتالوج، دخلت الموقع عسب ارويكم، لكن مافتح لي، المهم انا صورت من على

الكتالوج، ويمكن ماتكون الصور واضحة ..

http://www.up-00.com/uploads/cm330097.jpg (http://www.up-00.com/)

انا بغيت احط عند الشاور نفس الطريقة، ومب شرط بالكامل، يعني مب هالعرض كله، يوم شرحت حق الموظف

عقب ياب هالكتالوج ورواني إياه ..


http://www.up-00.com/uploads/8Jc30232.jpg (http://www.up-00.com/)

حتى هذا فكرته حلوة، بس شو رايكم انتوا ؟؟

http://www.up-00.com/uploads/Jyj30273.jpg (http://www.up-00.com/)

هذا مب شرط اسويه نفس الشي، حتى لو اخليه اللون الغامج بالطول ومب وااايد ..

[المزوحي]

http://www.up-00.com/uploads/tBf30377.jpg (http://www.up-00.com/)

هذا المورد طبعا بالحبة مب بالمتر، لكن ماعيبتني الوردة، حصلت فكرة ورد لكن مب موجود في الكتالوج، لكن الطلبية

توصل عقب 6 شهور

http://www.up-00.com/uploads/x1D30476.jpg (http://www.up-00.com/)



لي عودة وبكمل الصور بعدين

[المزوحي]

http://www.up-00.com/uploads/XLJ48496.jpg (http://www.up-00.com/)

شوفوا الحركة اللي وراء الشاور، مب شرط يكون بـــ هالعرض ..

http://www.up-00.com/uploads/GaX48547.jpg (http://www.up-00.com/)

http://www.up-00.com/uploads/rQl48579.jpg (http://www.up-00.com/)


http://www.up-00.com/uploads/fJY48636.jpg (http://www.up-00.com/)

http://www.up-00.com/uploads/8XK48679.jpg (http://www.up-00.com/)

هالمغاسل مفكرين نركب منهم حق الميلس، شو رايكم .. وإلا اللون مب حلو ؟؟

[المزوحي]

بغيت افكار على السريع لانه عقب ايام باخذ السيراميك انا شفته واعتمدت، لكن طريقة التركيب

وإذا شي في بالكم حركة المغسلة ( الكاونتر ) فكره حلوه اضيفها ...

[مايهزك ريح]

ما حصلت افكار لك المزوحي !
بس قلت بيبلكم شي عن الصبغ !
الي يفكر يصبغ غرفته ولا بيته

وهذا وصلني بالإيميل !

يمكنم من خلال هذا الرابط اختيار اللون المنـآسب وتطبيقه ماعليك سوى ان تختـار من الصور

وتطبق عليها الالوان سواء داخليةاو خارجية تمنياتي لكم بالتوفيق والاستفـآدة ...


http://www.picario-designer.com/site-pqi/?lang=en-US

[المزوحي]

تسلم على الموقع ،، انا اشتريت سيراميك الحمام ( وانتوا بكرامه ) يباله التركيب طبعا

وأكيد ابغي افكار الصبغ و الدرسينغ ... من وين اسويه عند منجرة وإلا جاهز ؟؟

ومنه الأثاث وكل شي

طماع استويت *_* صدق والله ... يبالي اسير شرق وغرب

إن شاء الله ماتقصرون وتعطوني افكار او تذكروني بمحلات ...

[مايهزك ريح]

الدرسنغ .. شوف ايكيا .. وعندك الخزائن المبتكره ..
او المنجره اللي بتسوون عندهم البيبان .. شوف اذا بيسوون لك الدرسنغ ..

الأثاث ..امم
انا لين الحين عيبني The one عندهم وايد افكار حلوه ... طبعا مودرن .. اسألهم اذا عندهم مصمم ديكور يصمم غرفتك ^_^

بسألك الرضيعه بشوف عند منو امسويين ^_^!!

[المزوحي]

تراني ادور وأدور والرضيعة قالت الخزائن المبتكرة مب شي، مادري !!!

مثل ما قلت مايهزك ريح، يبالي أشوف منجرة وشغل نظيف،

والأثاث يبالي اجلب المجلات أو أشوف اللي بيعبني يعني آخذ فكره ..

لانه الواحد يقول مب الحين، بس ماشي وقت ..

[مايهزك ريح]

عيبتني هالصالة .. اللون وايد حلو


http://oasis.bindubai.com/bin/uploaded/558_01206867983.jpg (http://oasis.bindubai.com/bin)

[مايهزك ريح]

وينك المزوحي .. وين وصلتوا في البيت .. ^_^

[قصايد غلا]

ما يهزك ريح رووووعة هالصالة لأن اللون خبال

و شفت في بيت ربيعتي وول بيبر شرا هاللون ==د حلو يوم بيي على ينب واحد

راويت اميه هالصورة وقلت لها بخبص في صالتنا في الصيف ، و وااااااااااافقت لووول :fa56:

[شوق القلوب]

المزوحي.. جان حصلت مكان زين حق الدريسنغ... خبرني.. :)

[المزوحي]

مايهزك ريح ...

الحينه ضربوا بلاستر، واخترنا كل شي، لكن بدوا في الملاحق ...

شوق القلوب .. إن شاء الله بخبركم ...

[ماوحشتك]

ما يهزك ريح ( وااااااااو ^^ حبيتها وايد

[مايهزك ريح]

المزوحي ..
امسات شفت غرفة نووم في The one نفس ألوان هالصاله اللي انا حاطنها .. عاد انا بمووووت على البنفسجي .. صدق كانت رووووووعه ^_^

قصايد غلا .. ماوحشتك Thanks ^_^!!

[مايهزك ريح]

المزوحي بالنسبه للدرسينغ .. سألتلك الأهل .. وقالولي في مكانين وهم بعدهم يتشاورون .. ^_^
واحد .. محل بالحصا اللي في عماره الياسمين في ديره ..
والثاني اسم المحل اندس ( الريال اسمه رشيد رقمة 0508431515 واييك لين البيت ) اعتقد انه محله في الشارجة !

[المزوحي]

مايهزك ريح، البنفسجي لون جميل، بس تعرف، تقدر تشتري الفراش ( cover ) ....

وبالنسبة لمحل بالحصا، ليكون نفسه مال المطابخ ؟؟؟؟ :look:

لانه نحن مسوين عنده مطبخ البيت اليديد ..

اما الثاني ماعرف وبخبر الاهل عنه ... :fa42:

ما تقصر ... :k_blush-anim-cl:

[مايهزك ريح]

بيني وبينك ما اعرف انا سألت وقالولي هالكلام .. وحتى اللي فهمته انه سعر بالحصا ارخص .. من اندس .. !

والعفو حبوب ..
اي شي يديد اعرف عنه بكتبه في هالموضوع ^_^

[المزوحي]

بسأل اليوم عن بالحصا، لأنه هو مال المطابخ ونفس الموقع اللي طريته ...

صدق الواحد يستفيد منكم :woot: الله يعطيك العافية

[شوق القلوب]

تسلم يا مايـــد... حتى احنا بعد اندور على الدريسنج.. ^_^

[مايهزك ريح]

العفو يا حلويين .. ^_^
اليوم شفت شبريه في هارفي نكلز .. versace حلووووه بس بــ78 ألف .. بطني عورني .. !

[المزوحي]

ههههههههه .... يوم القميص يكون بــ 4000 لأنه ماركة .. عيل بقولك اتحمل عوار البطن مايد

[مايهزك ريح]

عاد ما اتوقعت انها بها الجيمه .. >_< بس صدق حلوووه .. لونها فضي .. وفيها حفرات ماركة فرساتشي .. صدق فن ..
طبعا انا اثمن بالمواتر .. اقول حق الرضيعه تيبين كورولا من الوكاله بجيمة هالشبرية ^_^

[مايهزك ريح]

روووعه الصوفا .. شفتها البارحه في محل في مول الإمارات اسمه boconcept

http://www.boconcept.us/PRODUCTS-74370.aspx


http://oasis.bindubai.com/bin/uploaded/558_01207116581.jpg (http://oasis.bindubai.com/bin)

[شوق القلوب]

والله خليتنا انحب البنفسجي يا مايد..!!

وايد حلوه الصوفا...

..

و على طاري شباري هارفي.. شو مب حلوين.. اشحلاتهم.. انت بعد شوف الكفرات و الشراشف اللي يحطونها...نااااعمه..

[مايهزك ريح]

غرفة الرضيعه بنفسجي + ذهبي .. لونها وايد يعيبني .. اللونين اللي في الصورة تقريبا

http://oasis.bindubai.com/bin/uploaded/558_01207127976.jpg (http://oasis.bindubai.com/bin)


بس الدرجه اللي انا احبها هي نفس الصوفا .. واللون الفاتح من البنفسجي ( lilac ) ^_^

وعن هارفي خليه على صوب .. البارحه احاوط عند الفرش والأثاث .. واخر شي مريت على غالر خذتلي كاكاو ^_^

[شوق القلوب]

والله دخلت اللون براسي..!

لاني صابغه غرفتي بلون هادي.. بس مب عايبني.. احس انه لون غرف بنات صغار..

يبالي جان ما اصبغها بهاللون و وياها لون فاتح.. كريمي على ابيض.. مممم.. بشوف كيف

ولا جان حصلت على ورق جدران بهاللون.. الوالده اتخبرني انهم حصلوا ورق جدران رووعه في واحد من محلات الاثاث اللي في المول.. بس ما اذكر اي واحد فيهم..

[مايهزك ريح]

الرضيعه حاطة ورق جدران لونه عسلي ياي جنه صبغ ..

بحاول اصورلج غرفتها اليوم وبراويج كيف هيه مسوتنه ^_^

وهاي صورة الشبريه اللي عايبتني versace بس مب واضحه وايد .. يوم بتسيرين هارفي شوفيها على الطبيعه .. ^_^
لأنه الـ side table شكلهن غير في هارفي

http://graphics8.nytimes.com/images/2007/03/18/realestate/keymagazine/18eloise.xlarge1.jpg

[شتشووته]

مايهزك ريح .. هي حلووه بس ماتستااهل 78الف

والله الحين كل شي غالي مستخفيين هالنااس

[مايهزك ريح]

صح.. حلوه بس ما تسوى هالسعر .. >_<

[شمعة أمل]

انا مشكلتي اانه ذوقي في الحجر والالوان يتغير بسرعه =s

[المزوحي]

اي نوع من الشاور أحط

http://www.diytrader.com/PI/U-A3005-PG361-A3217-A351.jpg

http://www.diytrader.com/PI/U-A3005-A378-A351.jpg

وإلا عندكم شي غير ؟؟

وبخصوص .. الكبينه . ( السده ) وين بحصل ألمونيوم وفيها باب زجاج

[شوق القلوب]

بالنسبالي... احب الشاور اللي يتحرك..
يعني ولا واحد من هذيلا.. بس شوف اللي يريحك..

[شمعة أمل]

خد العوووووود بس تدري هاللي على السايد ما منهم فايده
لانه شاور ابويه جيي
العوود هاللي فوق يجنن تحس نفسك نظيف بس هاللي على السايد عادي الماي يضربك في عينك :s

[المزوحي]

شوق القلوب اللي يتحرك، تقصدين اللي في هوز، مثل أول ...

لأنه الحينه عندنا العادي ...

[المزوحي]

تقصدين العود ويكون ثابت ؟؟؟

لأنه الرضيعه مركبه العود ، اللي تقدرين تحركينه وتنزلينه، متلعوزه وياه، تقول فيه ثجل ويطيح ...

شمعة أمل يعني اللي عند الوالد نفس هذا ؟؟

http://www.wdbathrooms.co.uk/acatalog/AquaSpace-B-Shape.jpg

[مايهزك ريح]

نحنا شارين كلودي من الشايع ..في كذا واحد

http://www.kludi.com/uk/produkte-brausen.php

http://www.kludi.com/uk/prod-brausen/img-supara-01.jpg

[شمعة أمل]

لاااااااااااا ماقصد هذاااااا
هو يكون نفس دويره عووووووده ف السقف وينزل منه ماي

[المزوحي]

مايهزك ريح ، نحن الموديلات اللي شفناهن من عند الكندي ..

ممكن البراند يختلف، والأثنين كوالتي، بس أدور شو الأفضل في الاستخدام

شمعة أمل .. فهمت عليج .. الواحد يستفيد .. ويتفادى أشياء ثانية

[المزوحي]

زين الحينه بالنسبة لــ dressing room ، اكيد يباله تقسيم .. Closet Organizer

يباله ترتيب، يعني كيف اصمم، على حسب الاغراض اللي عندي ..

عندكم افكار - صور - مواقع

http://www.easyclosets.com/images/showroom/df_0_0;.jpg

[مايهزك ريح]

this one

http://www.vagablond.com/images/luxury-rain-shower_12.jpg

https://www.kitchenandpantry.com/upload/ProductImages/KOH-cat-PerfShower2.jpg

ها مطر مب شاور خخخ

http://design.hgtv.com/assets/Product/Image/331.jpg

[مايهزك ريح]

بالنسبة للدريسينغ .. شوف على حسب الأغراض اللي عندك ..
يعني اذا عندك قمصان وبناطلين .. سوى two rows فوق بعض .. واحد للقمصان واللي تحته للبناطلين .. هذا كبت مثلا رقم واحد ..
الثاني يكون الكنادير ..
الثالث يكون نصه رفوف .. ونصه drawers بحيث اتحط فيه الملابس الداخليه ..

وواذا كان الدرسينغ عالي لين الصقف .. المكان اللي فوق تقدر اتخليه امسكر .. وتحط فيه مثلا الفرش او الشنط مال السفر .. او الأغراض اللي ما تحتاجهن يوميا !
ما حصلت في النت صورة اتوضح لك اللي كتبته

[المزوحي]

الشاور اللي في الصورة الثانية كشخه


فهمت فكرتك تقريبا مايهزك ريح .. يعني ممكن الكبت العادي، يكون مقسوم نصين بالطول، صوب أعلق الكنادير

والصوب الثاني بعد ينقسم نصين أو ثلاث، فوق اعلق التي شيرتات والبناطلين مثلا، وتحت يكون ير للملابس

الداخليه ..

تقدر ترسم على البينت برش ؟؟

[شوق القلوب]

بسألكم جماعه.. بو الحصا اللي في عماره الياسمين... وين مكانه؟؟ مب على الشارع العام صح..؟! يعني وين عن مكتبه دبي.؟؟

[المزوحي]

بالحصا للمطابخ ، هيه في بناية الياسمين، تشوفين المكتبة، تكسرين يمين، زيادة يعني على الشارع اللي

داخل ، مجابل باركات المدرسة

[شوق القلوب]

مشيناه عيل...بس ما كملنا لاخر شي.. لانه كان حـــــــــــــــــر... وقلت يمكن هو في الصوب الثاني.. وشوي كنا مستعيلين..

بنمر عليه عيل مره ثانيه...

[المزوحي]

شوق أنا ما أذكر عقب شو بالضبط، لكن مثل ما قلت لج إنه في اللفه،

[المزوحي]

السلام عليكم

الحينه وصلنا مرحلة الكراج، مظلة للسيارات، كنا ناوين نسوي الحجرة المسكرة، وبيكلفنا فوق الــ 100 ألف

شو رايكم ؟؟؟

شو الاقتراحات ...

http://www.achfoam.com/ACH/media/images/Garage%20Door/Garage-House11.JPG

[مايهزك ريح]

ما انصح انه الكراج يكون غير عن المسلح ..
انا اعاني ويا كراج الألمنيوم اللي في البيت .. في الضباب يسوي رطوبه ويقطر ماي على المواتر .. ما يواحيلي اغسل الموتر إلا نهار ثاني صاب الكراج ماي ..
اذا المسلح غالي دور شي بديل ..بس ما ايكون ألمنيوم .. مثلا الخشب .. اذا يناسب بيتكم واذا حصلت قولي من وين لأني بروحي ادور خخخخخخخ

[المزوحي]

أكيد مايهزك ريح بخبركم وين سوينا، أول بادي احب آخذ أصحاب الخبرات ^_^

ونشوف التجارب، حاليا نحن مسوين فيبر جلاس، هو زين عن المطر ( وين المطر عاااد ) والشمس

لكن تعرف يوم شي غبار وهوا تخيس المواتر ...

[مايهزك ريح]

حتى الفيبر جلاس نفس المشكله ( موجود في الدوام ) ..وبعد الموتر ايخيس ..
يعني اذا سلم في البيت ما يسلم في الدوام ..
بس قبل في الجمارك كان موتري يوقف تحت الكراجات الخشب .. كانن اوكيه !
عاد مادري وين امسوينهن ..

[المزوحي]

نحن قبل كنا مسوين ظله من فيبر جلاس - واااااااااااااااااااااايد أوكي، بس الشركة سكرت،

لانه بغينا نغير، ( نكبر المظلة، عسب تسد سيارات أكثر، فسوينا مظلة غير عن الفيبر مادري شمنه، مثل

السبيستو، والشركة اما من بوظبي او العين ماذكر ) اللي تكون محدبة شويه ... وزينة بعد ...

[مايهزك ريح]

المهم يالمزوحي ..
لا تنسى اتقولنا يوم بتسوون الكراجات ..
لأني من زماااااان ابا اغير الكراج اللي في البيت ومب امحصل شي عدل ^_^

[المزوحي]

إن شاء الله ... ^_^

[المزوحي]

الحينه ابغي اقرر آخر شي على شو بستقر بالنسبة للشاور، أي نوع أركب، حطيت في بالي المتحرك ..

وبالنسبة للمكان انا ماحطيت بانيو .. خليت الارضية وحده

وابغي يحطون زجاج صوب واحد، أحسن عن اليدار، احس بكتمه

http://www.roca-uk.com/shower/img/showerintro/2a.jpg

بالنسبة لأكسسوارات الحمام، يبيعون طقم للفود (تاول بار + تاول رينغ ) اللي تكون طويلة ومدورة مع قلاس الصابون ...

انا ماحبيت الفكره، ابغي آخذ من اختياري بالقطعة ...

وبالنسبة لدريسنغ روم، كنسلت فكرة الخزائن المبتكرة، يمكن نسوي نفس اللي بيسوي لنا البيبان ..

[شوق القلوب]

شو رايكم... شو احسن مكيفات السبلت ..؟؟

و شو رايكم بـ سانيو و أو جنرال ..!!؟؟

[المزوحي]

هذا مدخل حجرتي، في الويه، قلت يمكن أسوي حركة، إنه أحط الكمبيوتر ...

http://www.y1y1.com/u/uploads1/276381ad9a.jpg (http://www.y1y1.com/u/)

دريسنج روم، وفي الويه يبين مدخل الحمام ( وانتوا بكرامه )

http://www.y1y1.com/u/uploads1/d5f9bc0c90.jpg (http://www.y1y1.com/u/)

وهذا الحمام ( وانتوا بكرامه )

http://www.y1y1.com/u/uploads1/4b2baab0f5.jpg (http://www.y1y1.com/u/)

[شوق القلوب]

محد رد علي .. :(

..

المزوحي.. يلا عقبال ما اتأثث الحجره..

بس حبيت انبهك على شي... انتبه على سويجات الكهرب .. شوفها اتكفيك ولا لا.. ولا جان حبيت اتزيد او اتغير.. ترى الحين وقتها قبل لا يحطون البلستر.. خصه واير الرسيفر..

[ذنـيـنـي]

شوق القلوب بالنسبة لي شخصيا اشوف انه او جنرالفوق كل المكيفات
و من بعدها كاريير



طبعا هذا راي شخصي و يمكن الي عندهم خبره لهم راي آخر

[ذنـيـنـي]

المزوحي ما شاء الله بيتكم ما بقاله شي
على الي اشوفه شكله يباله مال 3 شهور و بيكون جاهز للسكن


بيتنا اليديد الاسبوع الي طاف صبوا اساساته

[المزوحي]

شوق، ترى كانوا حاطين سويج واحد ، وين مفكر احط السرير، وقلنا لهم نبغي 2 وكل مانذكر شي نضيف أو نغير

ومشكورة اختي على التنبيه ^_^


ذنيني، على ما خبرونا إنه بيخلصون في شهر 7 لكن ممكن يبطون ... احس بهم قاموا يتباطئون

[المزوحي]

الحمام صغيروني :k_nono:

همم كراجنا الحالي، جيه شكله

http://www.y1y1.com/u/uploads1/2682b18289.jpg (http://www.y1y1.com/u/)

بالنسبة لباب الفيلا والحجر قلنا بنشوف من عند الرحماني ، شو رايكم ؟؟ :smile2:

[مايهزك ريح]

في حد متعامل ويا ديزاينر يسوييلي الحجره كامله مثل حجر الفنادق .. !

[ذنـيـنـي]

مايد خذلك كتلوج مال طيران الامارات و شوف غرف الفنادق
و سو شراتهم


ولا انك تدفع الاف حق مصمم و يسويلك شي تروم تسويه بروحك ;)

[مايهزك ريح]

عندي الكاتالوج .. لأني يالس اخطط لرحلة الصيف .. ^_^"
بس بعد افكر في الصبغ .. والستاير .. كيف اسويهن .. مب عارف كيف اركب .. مع اني حصلت الأثاث .. اللي اباه !

[المزوحي]

مايد، عيل تقدر تاخذ افكار من مجلات، أو موقع الفندق نفسه، وتسير عن اللي بيسوي لك اللي تباه، حد شغله

نظيف ..

[الـيـاه]

مايهزك ريح : همم تدري انا ماحب الصبغ .. نحن مثلا ً صالتنا مافيها صبغ الا اماكن بسيطه
الباجي كله خشب و ورق جدران *كمن شكل*بس طبعا ً متناسقين .. يطلع واايد واايد احلى وارقى من الصبغ ..

اللي يجوف اليدران من بعيد يتحرا انه كله زخارف و الخ .. بس هو اصلن كله لعب بالورق جدران وهالاطراف الذهبيه ماعرف كيف اشرح لول

[مايهزك ريح]

المزوحي .. الرضيعه عندها افكار بس وين اللي يطبق لي !

انزين الياه منو اللي مسوي لكم التصميم !

[المزوحي]

مايهزك ريح لازم اتدور حد يسوي شي مضبوط

[الـيـاه]

مايهزك ريح : ايطالي اسمه kolombos chili مادري اذا الاسبلنج صح .. مسوي كل البيت

[مايهزك ريح]

الياه .. عنوانه .. او رقمة الله يخليج.. ^_^

[الـيـاه]

^
ماااعرفففف والله :S من كمن سنه
ماعنده مكان فلبلاد اصلن .. بس قلتلك اسمه لو بتسأل عنه لانه مسوي حق بيوت فدبي وبوظبي

لكن لو تبا افكار .. اقدر اصورلك الصاله
لانه صدق صعب احصل عنوانه احين لوول XD

[مايهزك ريح]

افا .. ليش ..
سرت عندي اي دي ديزاين بس هم يبون بيت كامل يصممونه .. !
واثاثهم غاوي .. قدرت ألقط منه .. بعض الأشياء !
والرضيعه حصلتلي عند كواترو .. اشياء ..
وفي بوكونسبت اللي في مول الإمارات حصلت الكراسي اللي اباهن ..
باقي لي الأرضيه اللي مب عارف شو اسويها .. باركيه ولا رخام .. والصبغ والليتات .. والستاير !

[مايهزك ريح]

حصلت هذا ..

http://www.homegallery.ae

[الـيـاه]

اانت يالس تعدل حجرتك بس .. والا تبنون بيت يديد ؟
انا تحريتك يالس تبني XD

حبيت الويب سايت btw وايد ستايلي .. كلاسيك

[مايهزك ريح]

الياه .. :fa46:
انا ابا ابدل حجرتي كاااااااااامله .. اثاث .. صبغ ..ارضيه .. كل شي !
عشان جيه متبهدل :k_special2:

الديزاينر .. الرضيعه اتسوي عنده بيتهم كامل .. يوم انا سألت قالي ما يقدر ايسوي لي >_<

[المزوحي]

اقول مبروك مايهزك ريح .. اعترف :woot:

[مايهزك ريح]

المزوحي .. شو في بالك ^_^

[المزوحي]

اللي في بالك ... ( سوالف ...... )

المهم حلو التجديد ... بس ما يخصني باخذ من افكارك حق حجرتي ..

تخيل بس انته تشقى وانا على البراد ...

[مايهزك ريح]

المزوحي ..
فالك طيب ..
البارحة حصلت تصميم .. ويلسنا انا والرضيعه انعدل عليه ..

بس نصيحة .. حدد من الحين شو تبا الأرضيه ( رخام ولا باركييه ) ..
لأنها اكثر شي بهدلني .. بصراحة .. وسالفة التكسير بعد مشكله ..

والحمام .. انا لو اقدر اكسره جان سويته .. رخام كامل .. اريح ..

http://oasis.bindubai.com/bin/uploaded/558_01210737568.jpg (http://oasis.bindubai.com/bin)

http://oasis.bindubai.com/bin/uploaded/558_11210737568.jpg (http://oasis.bindubai.com/bin)

http://oasis.bindubai.com/bin/uploaded/558_21210737568.jpg (http://oasis.bindubai.com/bin)

http://oasis.bindubai.com/bin/uploaded/558_11210737675.jpg (http://oasis.bindubai.com/bin)

http://oasis.bindubai.com/bin/uploaded/558_01210737675.jpg (http://oasis.bindubai.com/bin)

[المزوحي]

فالك مايخيب مايهزك ريح،،،

الحمام الأولي عيبني .. يعبني هالاستايل

وحجرة النوم وااااااو ... بس تدري أحيانا يعتمد على مساحة البيت ...

انا ربيعي يبغي يدخل باركيه في بيتهم اليديد

[مايهزك ريح]

المزوحي .. انا بعد عايبني اول حمام .. اللون الفاتح يبين المكان واااااااسع
وغرفة النوم .. صح المساحة تلعب دور ..
بس بعد اذا بتحط باركييه غامج لازم الصبغ ايكون فاتح .. وما فيه وايد خرابيط .. عشان ما تبين الحجرة ضيجة !

[المزوحي]

أحس هالحمام حلو، بس ما تعيبني مغسلة بــ الطريقة هذي

http://www.utopiainteriors.co.uk/images/bathrooms1.jpg

هنيه الشاور كشخة

http://www.utopiainteriors.co.uk/images/bathrooms13.jpg

[شمعة أمل]

مرحبـا..


ممممم أحتـاج شوية مساعدة!

قررت أكسر حجرتي وأغيرها كلها.. أبـا شي مودرن علىzen على fung shui.. يعني حجرة بسيطة جداً ومودرن.. وبكسر حمامي واباه شرات حمامي في لندن.. يكون رخام بيج ويا خشب بني غامج..

الى أباه..
أسامي محلات للحمامات < بس ترا مابا هالمحلات مال طلبية وتريو مادري كم من شهر.. أبا كل شي جاهز مال بسرعه بسرعه


وأبا اسامي لـ مصممين.. بس مابا ناس غاليين وايد! مابا اخسر وايد على حجرتي لانه بس بتم فيها سنتين ..
حالياً عندي مصمم مادري مصممه؟؟ المهم انه هالانسان مب في البلاد حالياً.. وانا الصراحه مافييه صبر.. أبا أتخلص من حجرتي..



شكراً

[مايهزك ريح]

^
اذا حصلتي قوليلي لأنه انا عندي نفس المعاناه .. !

[ذنـيـنـي]

سيم سيم هير

بيتنا بيخلص في شهر 5 او 6 و انا الين الحين ما عندي ولا نص فكرة عن الي بسويه في غرفتي و حمامي
بس اخترت الالوان الاساسية و الي هي غرانيت او خشب باركيه بلون بيج فاااتح
و اخترت اللون الأزرق او اللون الازرق البحري "ازرق مخضـّر" و يمكن أخلطهم بشوية بنفسجي

http://www.housetohome.co.uk/imageBank/i/IH0504-108a.jpg

أو مثل هالالوان بس على اغمج شوي، لني حسيت هالدرجات شووي "مال اطفال" لول

http://bedzine.com/blog/wp-content/uploads/2007/05/blue1.jpg






يللا يا شطار ساعدونا
انا و مايد و شمعة امل محتاجين مساعدتكم

^^

[مايهزك ريح]

ذنيني .. عن الحمامات .. مر على المتحده اللي عدال الشايع عندهم افكار حلوه ..
وس س لوتاه .. وفي واحد ثاني اسمه اعتقد العربيه عدال جمعة الماجد وانته نازل من جسر المكتوم ..
يبيع ماركة غالا .. GALA
http://www.clickbathrooms.co.uk/images/logos/gala.gif

http://www.gala.es/default.htm

واذا عندك بيزات زياده ..

فيلوري اند بوخ .. موجود عند محلات سارا ..

http://www.villeroy-boch.com/en/us/home/products/bathroom-and-wellness.html

[شمعة أمل]

أنـا سرت عند سارة اليوم!
وحجزتلي أشياء من villeroy and boch .. طلع الريال الى اتعاملنا وياه نفسه الى كان يبيع الصحون.. هو تذكرناا على قولته انتو زبايني من زمان وعطانا احلى ديسكاونت.. خذت الأشياء الى مايبالها طلبية كم من شهر.. وخذت مغسلة نفس مغسلتي في لندن:thumbup1: وعطاني سامبل للرخام.. كنت أفكر أحط خشب بس امي ماخلتني قالتلي خشب ماينفع في هالجوو.. فـ مادري شكلي برد أحط رخام

عندهم شاوور.. يعني هالغرفه مال الشاور بس الأرضية مالته طلبيه.. فـ أفكر اييب حد يبنيلي الشاور بس انه يكون زجاج .. ممم مادري

أنا عبالي الحمامات اغلى عن جييي.. بس الحمدالله حصلت الى اباه


وسرنا الفطيم بعد ومكان ثاني.. بس ماحبيتهمم



ماشاءالله كلكم بتنتقلون.. ونحن بعدنااااااااا.. خذ منا تقريباً خمس سنين للتصميم >_< ومأجلينه بعد فـ يقولون بيجهز بعد سنتيـن >_< يقولوووون! الحمدالله على كل حال






انزين
حد عنده رقم انيريور ديزاينر؟؟؟؟؟؟؟