شو رايكم بالجيب رنجلر قبل التعدل وبعد التعديل from a-z

[سفير الخيال]

السلام عليكم


ثاني مشاركه لي بهذي الواحه :icecream:


حبيت آخذ رايكم في الجيب رنجلر اللي خذته لهمرجان عوافي,, طبعا ما بشارك فيه بس خذته لأني أحب هذي السياره وايد ومن زمان كان خاطري فيها :fa35: وثاني شي محتاج موتر فورويل حق الرمل لأن عندي سياره صالون. :k_icon9:



طبعا السياره موديل 93 , خذتها وكان لونها أحمر وكان عليها مكينة turbo وبما إني ما أحب المواتر المزوده ولا أحب الخرشه وايد فبعت المكينه وخذت لي مكينة جيب شيروكي يابانيه وارد ماشيه 5000 كيلومتر وحطيت عليها قير 94 وغيرت الوصلات والكهربا كلها, يعني بس بقى من الموتر الجديم الشاصي وال casing حتى الليتات غيرتها :4: ,, والحمدلله توفقت بالمكينه لأن الياباني أقوى عن الخليجي فساعدتني بالرمل أكثر. :icecream:




صبغت السياره باللون الأصفر لأني حبيتها بهذا اللون :fa35:



هذي هيه الصور وعطوني رايكم فيه وإذا عندكم أي إضافات فأتمنى إنكم اتفيدوني فيه :yes:


السياره بعدها على الرقم الأولي لما اشتريتها, باقي لها الملكيه والبيمه وبإذن الله بحطي عليها رقم دبي :k_icon9:



برعاية
Speed WorkShop





http://oasis.bindubai.com/bin/attachment.php?attachmentid=469&stc=1&d=1164764985


هذا لونها الأولي,, لما خذتها :a0360:







http://oasis.bindubai.com/bin/attachment.php?attachmentid=474&stc=1&d=1164755559
[/URL]

هذي يالسين انسوي لها سمكره قبل الصبغ :smile:



http://oasis.bindubai.com/bin/attachment.php?attachmentid=468&stc=1&d=1164764985




http://oasis.bindubai.com/bin/attachment.php?attachmentid=476&stc=1&d=1164755611




http://oasis.bindubai.com/bin/attachment.php?attachmentid=472&stc=1&d=1164755428

(http://www.geocities.com/abdullahbensaif/abcd0009.jpg)

هذي بعد ما صبغناها غيرنا لها التوااااير, شو رايكم فيها؟ :icecream: ,,





http://oasis.bindubai.com/bin/attachment.php?attachmentid=473&stc=1&d=1164755428


يالسين انغير الدفريشن لأنه لما جربنا السياره انكسر :a058:




http://oasis.bindubai.com/bin/attachment.php?attachmentid=475&stc=1&d=1164755559
[URL="http://www.geocities.com/abdullahbensaif/abcd0019.jpg"] (http://www.geocities.com/abdullahbensaif/abcd0013.jpg)

بعد ما خلصنا من الدفريشن,, باقي الستكرااات :icecream:



http://oasis.bindubai.com/bin/attachment.php?attachmentid=470&stc=1&d=1164765429



الكتابات سويناها عند الخطاط :smile: ,, والحين عند محل زينة السيارات وما قصّر الريال اللي ركبهن على السياره,, ما شاء الله عليه ضبطهن :a074:
وبنفس الوقت حط لي المخفي :yes:




http://oasis.bindubai.com/bin/attachment.php?attachmentid=467&stc=1&d=1164764609




هـــذي هي السيـــاره بعد الإستيكرااات ,, شو رايكم فيها؟ :yes:


الكشافات المدورات اللي تحت بغيرهن وبحطي بدالهن 4 كشافات لون ال casing أصفر,
ومن جدام بحطي ألمنيوم أسود ومن ورا بعد,,وباقي بعد المداقير بحطيهن بدال المداقير السود الصغار اللي فوق التواير,, بس لأني طالبهن من أمريكا يمكن يوصلن على شهر 1 :fa43:
لو اتلاحظون بعد إن السيتات لونها أحمر,, هذيله كانوا على السياره من قبل,, بغيرهن وبحطي أصفر وأسود, حصلتهن ب 700 درهم
بس هذيله السياتات ريكارو يداد متغمض عليهم أنا بس مشكلتهم حمر,, :fa43:


بعد المخفي والإستيكرات باااقي الغسيــــل :d014:


http://oasis.bindubai.com/bin/attachment.php?attachmentid=471&stc=1&d=1164765765



الحين جاااهزه السيااااره :6:





برعاية
Speed WorkShop

[سفير الخيال]

في صور ما ظهرن :bash:

[صريح]

http://upload.bindubai.com/download/e7saas/mrhf_hearts.gif


ما شاء الله
شغل نظيف و مضبوط
:thumbup1:

يعطيك خيرها ويكفيك شرها
يـا بو حميـد


للبيع ؟
:icecream:


http://upload.bindubai.com/download/e7saas/mrhf_hearts.gif

[ذنـيـنـي]

ما شاء الله تبارك الرحمن

بصراحه الشغل مضبووط
=======

انزين السيتات دام انهن ريكارو اصليات ليش تبدلهن !!
ودهم عند محل التنجيد و بيلبسهن لك بجلد اصفر و اسود

[مايهزك ريح]

مبروكة السياره .. صراحة فرق .. وين شكلها ..قبل .. احس انك يوم غيرت لونها ..ردت فيها الحياة :m_9afgah:

[تنينه]

كشــخه خخخ ,, صدق فـرق بين قـبل وبـعد ,, أسميني انـدمجت في الصور والطريقه خخ ,,

اتـجوف خيرها وتـكفيك شـرها =) ,,

[شوق القلوب]

السلام عليكم..



مبروووووك عليك السياره يا بوحمـــيد..

الصراحه عقب التعديــل .. استوت شي حلو.. :4:

..

بس سؤال.. ليش بدل هالخبصه كلها ما خذتلك وحده يديده و باللون اللي تباه..! بدل هالخسر اللي خسرته ع الجديمه..!! :3:

.
.

[سفير الخيال]

صــريح
آميـــن يااارب :yes:
اتصدق واايدين يبوون يشترونها عني :birgits_giggle: لكن أنا ما أفكر أبيعها :k_icon9: لأن تعبنا عليها واايد :fa42:
تفداااك يا صريييح :a074:

ذنيني
أقدر ألبسهن بس حصلت سيتات أصفر وأسود والصراااحه عيبتي, قلت له ببادلك راس براس ما طاع :a058:
الحين بااخذ هذيلاك وهذيله يمكن أبيعهن أذا حصلت شرااي :k_icon9:
إنزين ما خبرتني, شو أزيد عليها بحيث إنها تظهر احلى وأحلى؟ :icecream:


مــا يهــزك ريح,
يالله بخـــطف عليــك عــسب اتشوف الــ power مالها ما شاء الله :fa42:

اتصدق اللي يشوف صورتها الجديمه ما يصدق إنها هيه نفس السيااره :doh:

:8:


تنيينه
إن شاء الله اليوم بعرض لكم صورها من دااخل لأني بغير السكان والقير وبحطي لون أصفر :smile:

وآمين يارب أشوف على ويها الخير
شكرا خيتووو :yes:




شووق القلوب
الله يبااارك فيج إختي :smile:
اممممممم الأسباب هيه أولا لأن حرام آخذ سياره يديده وأغير لها المكينه,, هذي المكينه مكينة جيب شرووكي مب رنجلر وهيه يابانيه يعني أقوى عن الأصليه ما شاء الله
وثاني شي تكلفتها أقل بواايد عن اليديده :yes:
وثالث الشي,, هذي السيااره خصوصي, أحب إن يكون موديلها جديم لأنه كلاسيكي أكثر
وأخيرا كان في خاطري من زمان إني أعــدل سياااره جديمه وأخليها سيااره كشخه, :fa34: ,, اتحسين إنج إنتي اللي صنعتي هذي السياره قطعه قطعه,, لأن كل شي فيها بدلنا حتى وصلات الكهربا :doh:


تسلمين على المرور,, وإن شاء الله بعرض لكم صور أكثر :yes:


شكرا

[ذنـيـنـي]

بو حميد

شي كشافات تركب على جانب السيارة، عند المنظره الجانبية اشوفها وااايد عملية و احسن من الكشافات الي تكون على البمبر

[خيال الحب]

عجيبه الصرااااااااااااحه..

خلاص قررت بروح وياك هاك المكان خخخخخخخخ


بس لاتنسى تقولي يوم بتروح ^___*

[مايهزك ريح]

يعني مكينتها ثمانيه مب سته سلندر ..بعدني مب مستوعب
يلا انترياك يوم بتي دبي ..

[بحر الموده]

وعليكم السلام ورحمة الله وبركاته

الجيب وايد حلو وقوى ماشاء الله الله يعطيك خيرها ويكفيك شرها تستاهل ياسفيرنا

وني يوم انك مركب مكينه اقوى واحسن بس خبرنا شوه صرفية البترول يوم غيرت المكينه قبل احسن ولا احين ونشوفك فى عوافى ^_^

[مايهزك ريح]

سفيييييييييير .. سألت لك اخويه لإنه كان عنده رنجلر .. وكان مظبطنه ..وتوه رد عليه ..

1.كشافات على الزجاج الأمامي نوعية KC Lights

2. صدامات Warn

3. قطع الومنيوم اسود حول السيارة

4. بعض الكروم على الشبك الأمامي

5. و رقم مميز دبي :4:

[سفير الخيال]

ذنــــيني,,
أنا من قبل قايل إذا وصلت الكشافات اللي أبغي اركبهن جدام,, الأثنين الموجودات حاليا بحطيهن على المناظر الجانبيه,, ينفعن ولا ما ينفعن؟ :k_icon9:




خيااااااااااااال الحب
فااالك طــــيب,,, بس خلك مستعد حق التدقديق بالــــرمل :birgits_giggle:




ما يهزك ريح..
لا حبووب,, مكينتها 6 سلندر,, بس مكينة شيروكي ياباني مب رنلجر,,
المكينه الخليجيه اتييك 160 حصان,, أما اليابانيه مثل اللي عندي 180 حصان,, يعني فرق 20 حصاان :smile:


إن شاء الله قرييب بــيي :4:




بحر الموده,,
آميـــن يـــارب :fa35:
بالنسبه للبتروول,, وااايد صرفيتها أوكي,, اترسها بــ 70 درهم واتم عندي ثلاث أو أربع أيــام,, هذا إذا كنت في عوافي أسوقها,,, أما إذا عاادي اتم عندي أكثر,,, يعني لا هي تصرف واااايد ولا هيه ما اقتصاديه واايد,, حــد وسط :fa42:


وإن شاء الله انشوفك هناك بالمهرجان :thumbup1:



مــا يهــزك ريـــح..

.كشافات على الزجاج الأمامي نوعية KC Lights
ما فهمت,, كيف اتكون هذي الكشافات؟ ومن وين أحصلها؟ :k_icon9:




2. صدامات Warn
عندك صور لهـــا عسب أشوفها :k_icon9: ؟





3. قطع الومنيوم اسود حول السيارة
الألومنيوم بحطيه بإذن الله بعد العيد لأني اتريا المداقير يوصلن من أمريكا,, تدري بيطلع شكلها أحلى بالألومنيوم :yes:




4. بعض الكروم على الشبك الأمامي
ما أدري,, بس ما إني بحطي ألومنيوم فما يحتاي كرووم على الشبك,, أحس إنه الكروم بيخرب الشكل من جدام,, أحلى باللونين أصفر وأسود,, :smile:




5. و رقم مميز دبي
بحطي رقم عاادي حاليا,,وعقب يمكن أفكر أحطي مميز إذا حصلت رقم حلو وبسعر زين :yes:




هــذي صـــور, صورتها اليوم من داخل,,, بعدها يبالها تعديل من داااخل أكثر,, :k_icon9:




http://oasis.bindubai.com/bin/attachment.php?attachmentid=477&stc=1&d=1164795732

هذيله هم السيتات "ريكارو" حاليا حطيت عليهن لبسه صفرا,, بإذن الله الإسبوع الياي بغير السيات وبحطي أصفر وأسود نفس لون اللبسه,,

اممممممم :k_icon9: ما أدري أفكر ألبس المقابض مال الباب باللون الأصفر,,
شو رايكم؟ :k_icon9:

السكان والقبضه مال القير حطيتهن بلون أصفر,, :smile:



http://oasis.bindubai.com/bin/attachment.php?attachmentid=478&stc=1&d=1164795732

ذنــيني,
هذيله هم الكشافات اللي بحطيهن على المرايا الجانبيه,,
شو رايك فيهن؟ :k_icon9:




http://oasis.bindubai.com/bin/attachment.php?attachmentid=479&stc=1&d=1164795764

[مايهزك ريح]

ها السايت فيه الكشافات .. انا واخويه شارين منه Fuel Saver وزوايد حق موتره ..

http://www.jcwhitney.com/autoparts/Search?catalogId=10101&storeId=10101&sku=KC+lights&searchbtn.x=8&searchbtn.y=14

ما حصلت صورة للWarn .. بشكل واضح .. بس يمكن هاي اتفيدك ..

http://us.st11.yimg.com/us.st.yimg.com/I/yhst-86985171508654_1925_870395

وايد بتحصل اشياء حق الجيب في السايت .. jcwhitney

[مزن هتان]

كاشخه السياره
مبروكه
عيبني التعديل شغل عدل
ظاهره ترتيييييب
:doh:

ما ينزلن قير أوتوماتيك؟

[طير الحب]

مدلعه سيارتك...حلوة...بس انا ما احب اللون الأصفر وايد بس ما شاء الله بروفشنال في الصبغه والستيكرز حلوين...وحبيت التواير...يا سلام كشخه حق تصعيد


شوق القلوب...الشباب يحبون سيايرهم مميزة...يعني عادي الواحد يتم يشتغل في موتره سنه وبمزاج أسأليني أنا ههههه


يعطيك خيرها ويكفيك شرها...

[شرجاوي]

سفير الخيال .. ماشالله الموتر عجيب و المكينه زوينه ... بس دامنك ركبت مكينة جيب ب 5000 جان ركبت مكينة ls1 ب نفس السعر ,,, الله يعطيك من خيرها و يكفيك شرها .. خاطري اسمعه التفه ;)

مزن هتان تنزل جير توماتيك و محد ياخذها الا عيال ماما و ما اروم اسوق جير عادي ايدي بتعورني خخخخخخخخ

[المزوحي]

سفير الخيال

مبروك عليك الموتر ... الصراحة لو لونها أصفر لكن لايق على الرنجلر وخصوصا يوم غيرته

والحلو غيرته على ذوقك ومثل ماتباه، يعني مب مشراي جذيه ..

بس سؤال ؟؟ يوم انته غيرت كل شي ووصلت الكهرباء مافي أي ضرر على الموتر سوالف الأمن ؟؟

:woot:

[ذنـيـنـي]

مزن هتان تنزل جير توماتيك و محد ياخذها الا عيال ماما و ما اروم اسوق جير عادي ايدي بتعورني خخخخخخخخ

صدقك والله

احيد مره واحد من ربعنا اونه ابوه مسوله مفاجئة و ماخذله جيب رانجلر, لكنه جير تماتيك,,
عاد ربيعنا تعقد يوم شافها تماتيك اقولك كنسل الطلبية على طول و بدلها بسيارة جير عادي sport مع انه الاولية كانت صحارى :fa32:


انا انصح اي شخص ياخذ جيب انه ما ياخذ الرقم واحد اذا كان صدق من محبين الجيب
لأنه مع الايام بيغير كل شي في السيارة, رنقات و كشافات و ليفتينق كت و و و و الخ,, يعني جنه الواحد بيدفع 15 ما ادري 20 الف على الفاضي :fa44:

[الدلووووعة]

كششششششششششخة السياره

مابتعطينا ناخذ لفه فيها ^_^


الله يعطيك خيرها ويكفيك شرهاااا


اللي مابينفضح بينفضح منك يا شرجاوي ^_^

[شرجاوي]

عطها خلها تاخذ لفو

[قرموشة]

الله فـــن فــن الصـرااحـه !
مـبرووك عليـك سفـرفر .. والله يعطـيك خـيرهـا ويكـفيـك شـرهــا

[مزن هتان]

مشكور شرجاوي
احب شرات هالسيايير
بنت خالتي بغت تاخذ اخر وحده
نزلت بس قالوا لها انها
سيارة شباب :oh:

شي سيايير بس للبنات
وسيايير للشباب
حركات :fa44:

[المزوحي]

شفت هالجيب اليوم وقلت بصوره حق سفير الخيال :woot:

شكله غييير وجديم :fa42:

http://www.haza3uae.com/up/uploads/0bb4485f1c.jpg (http://www.haza3uae.com/up)

[فنجان قهوة]

هع
بعد التعديل احلى

[إسهر معي ليله]

يعطيك العافيه

بصرااحه ما عليها كلام،، وشغل نظيف ماشالله

وباقي لك الأشياء اللي قلت عنها واهم شي المداقير الكبار.. ولو غيرت الويه مره وحده
عشان يطلع شرات الشكل اليديد كان بيكون احلى

يعطيك خيرها ويكفيك شرها.. والجيب ما عليه كلام في البر

[الشحية]

الله صح ما أعرف حق هالســـــــــــــواالف ..
بس مبين الفرق عن قبـــــــــــــــل ..
حلوة السياااااااااااارة ..

[سفير الخيال]

مـــا يهزك ريـــح :a074:

الساايت عيبني ما شاء الله
طلبت مساكات للكشافات الجانبيه :smile:
ما قصرت عزيزي :8:


مزن هتـــان
تقدرين اتحولينها قير اتوماتيك :yes:
أصلا الجيب مالي كانت قير اتوماتيك وأنا حولتها عادي :birgits_giggle:
من دون العاادي ما تنفع حق الرمل :fa34:
مشكوره إختي على الحضور


إختي أم عبدالله
أنا بعد ما أحب الأصفر واايد بس أحلى لون يركب على الجيب هو الأحمر والأصفر :k_icon9:
بالنسبه للتواير.,, الشي الحلو إنها تصلح للرمل واللقار وللبحر :thumbup1:
بس تدرين إنها وايد مكلفه,, تقريبا التاير الواحد بــ 600 درهم :a058:


ومشكوره إختي على الحضور :8:



شرجاوي,
الغالي أنا ما قلت إن المكينه ب 5000 درهم :birgits_giggle: , قلت إنها ماشيه 5000 كيلومتر :doh: , بالنسبه للمكينه أنا خذت half cut شيروكي ومنها خذت المكينه والوصلات,,
أســأل خيااال الحب عن التفه وهو بيخبرك :thumbup1:
تسلم لي عزيزي على الحضور :fa35:


المزوحي,,
هلا عزيزي :smile:
بالنسبه للوصلات,, خليت واحد بروفيشنال يركبها عندنا بالكراج لأنها أهم شي,, بس الحمدلله اتوفقنا بتركيبها وما أشوف لها أي ضرر :thumbup1:
حيــاك عزيزي :yes:


ذنيني

انا انصح اي شخص ياخذ جيب انه ما ياخذ الرقم واحد اذا كان صدق من محبين الجيب
لأنه مع الايام بيغير كل شي في السيارة, رنقات و كشافات و ليفتينق كت و و و و الخ,, يعني جنه الواحد بيدفع 15 ما ادري 20 الف على الفاضي
وأنا وياااك عزيزي :fa42:


الدلوووووعه,,
آميــن يـــارب
فالج طيب :doh:
:8:

[سفير الخيال]

شرجاوي
:birgits_giggle:


قرمووشه
آمين يااارب,, شكرا على الحضور إختي :smile:


المزوحي,,
هيه هذا تقريبا نفس الشكل اللي عندي,, كلاسيكي الصرااحه هذا الشكل, غيييير :fa35:



فنجان قهوه
شكرا إختي :smile:



عزيزي اسهر معي ليله
بيكلف واايد إذا غيرت الشكل من جدام لأن الليتات اليديده امدوره واللي عندي مربعه,, بس أنا غيرت الليتات الباقيه,, حاليا هيه على الشكل اليديد :smile:
شكرا عزيزي



الشحيه
ذوقج الأحلى إختي :smile:

[المزوحي]

هاا شو الموتر ؟؟؟

سرت به البر وإلا بعدك ؟؟

[سفير الخيال]

المزوحي,,

هيه ســـرت :icecream:

ما شاء الله عليه مشّــــاي بالــرمل,, بس اتصدق المشكله الوحيده اللي اعانيها إني لازم ما أطحن الموتر طحـــان بالرمل :glare:

لأن الدفريشن رد انكسر عندي :a046:

بس الحين بخفف عليه شوي إن شاء الله :doh:

طلبت قطع من أمريكا وبعدني أترياهن عسب يكمل الموتر :a074:

[الرحيل]

هذا الجيب كم مره شفته براك..

اذكر مره بالمغسله ومره اظني بالكهربائي..

ومره واقف ويا جيب احمر