.. فستـــان راقــــي ..

[شوق القلوب]

الســـــلام عليـــــــكم...




بنـــوتات الواحه الحــلويــــن

بغيـــت اسألكم عن مصممـــين امجربينهم أو سامعين عنهم..

عندي مناسبه جـــريــــب.. و ودي اســـوي فســتان راقـــي.. مايكون متروس وايد و دفــش.. ابا شي صدق يكون امرتــب و حلو.. ويطلعني غيــــر..

..

معتمده عليــكم ..
:fa35:

[الجنيه]

فيولا في الشارجه ع شارع البحيره

تصاميمه عذاااااااااااااب بسيطه وراقيه واسعاره بعد اوكي بس اهم شي اختيارالقطعه والالوان المناسبه

[شوق القلوب]

الجنــــية
...........


جني كنت سامعه عنه.. يبالي اسيــر أشوف شو عنده..

بسجله عندي.. و مشكـــــــــوووووووره .. ^_^

[طير الحب]

والله انا خاطري بمناسبه ابا البس شيء ناعم وراقي تعرفين الشوق الخامات الي تكون ساده مب الستان ما اذكر اسمهم بس الي الممصمين يسونهم وايد ناعم وراقي شفت فستان على نانسي وايد ناعم احب الشيء الناعم خاطري البس شيء حلو...يلا عدنا عرس على شهر 12 بس عادي ما بفصل له ...شوق عندي خامه على الذهبي الماات وايد حابتها شو رايج اصورها لج عشان يشتغل لج عليها وبخبرج علاخاص كيف يكون الشغل واذا لقيت الصور الي قلت لج عندهم بطرشهن...

[قصايد غلا]

شوااااقـــه شواقه شواقه:11: أنـــــــا أنـــــــــــــــــا أنـــــــــــــــــــــــــــــــــا بقووووول لج :11:

مادري شو بلايه متخبله اليوم ===> يمكن عشان عندنا عرس لوووول :icecream:

1 _ الله يسلمج شواقه جان تبين شي (مب عنقاش) لكن يكون شي مميّز في العرس ترى مايكلوووه ما يقصّر

سوري قصدي المصمم مايكل J.C.K مكانه في كراون بلازا في شارع الشيخ زايد (دبي)
ولو تبين رقمه عندي إياه ، بنت خالوه فصّلت عنده وفستانها طالع رووووعه واليوم بصوره لج وجوفيه
أحينه عندي التصميم لكن ما بيكون حلو شرا الفستان ، سوالها إياه بــ11000 (كان سعره14000 لكنّي طلّعت له قرون ووصّلته للــ11000 :pullhair: ) وفساتينه العاديه تبدا اسعارها من الـ7000 وشغله يعتمد على الكريستال

2_ المصممة آمــال (تونسيه) اسم محلها إسبراندو ومكانها في فندق ماريوت (دبي) وشغلها بعد وااااايد حلو وأسعارها مول مب مبالغ فيها وفيه مجال تسوّي لج شي يشبه ديزاينات مايكلJ C K
وأسعارها تبدا من الــ2500 أو 3500 وشغلها وايد مرتّب ، بعد مفصلين عندها حق هالعرس (اليوم)

3_ شوفي سكاليني (بس مادري بتصاميمه غاويه شرات قبل ولاّ تغيّر لأنه من سنة 2000 يوم كنت ياهل:a032: فصّلنا عنده) :fa44:



طبعا كلهم تكون القطعه عليهم بس إنتي اختاري اللون :)
لكن لو بغيتي القطعه من عندج بتكون أسعارهم أقـــل

فيولا اللي في البحيرة فصلنا عنده في عرس بنت عموه حق البيت مول ما عيبنا شغله ، لكن عند سكاليني حق الفندق وكانن الفساتين روعه

غناتي شوفي اللي يناسبج ، وإن شا الله تلقين اللي يعيبج:a054:

[شوق القلوب]

طيــر الحــــب
...........


كـــان نقاشنا حلو أمـــس .. :fa35:

.
.
.
.


قصــايد غــلا
...........



حمستيـــــــني :fa51:


يلا اتريـــا الصــور و الارقام عشــان اتشجع و اسيرلهم.. :fa35:


مشكوووره .. استانست على اضافتــج ..

[الـيـاه]

سلاام ..


اسكاليني فنان بس انتي و حظج - لول:birgits_giggle: - مره يضبط الموديل ومره لا

وعندج

ازرا

رامي العلي

لـوش

هزار ( حلوو )

آروشي

خذيلج لفه على شارع جمـيرا وأكـييد بيعيبج واحد من المصممين اللي فيه ..

وبراي أنا !!
إذا تبين فستانج يطلع أحلى ما يكون ويطلعج بطلة يديده ما إلك إلا زهير مراد واحلى شي فيه من بعد الموديل هو القياسات
و إذا حد نصحج بـ وليد عطا الله لا آتين صوبه عنقااااااااش


.
.
.

[حلم الطفوله]

السلااااام عليكم

احم احم ....

سمعت سالفة فساتين راقيه ...

شواقه أدري ما يستوي انطقم هالمره:d014: .... بس يمكن ليش لأ:tounge:

[شمعة أمل]

عندج أروشي و إزرا .. واذا تبين فساتين جاهزه بوقاتي عندهم احلى شي ^_^

[الدمعة الحزينه]

شمعة امل انا فصلت عند ارووشي وماضبطوولي الفستان خساره والله

اختي اذا اتعرفين تصميم هزار تصاميمها روووعه وتبدأ من 3500
امم والله ماعرف شو اسم المركز بس اعتقد الهناء دبي


والسمووحه

[صدى جوفي]

السلام عليكم ..

اشحالج أختي ..

احم .. شو المناسبة:tounge:

والسموحة عالرزة :14:

[نجمة دبي]

السلام عليكم

شحالكم؟

الصراحه بغيت فستان راااائع للعروس .. والمناسبه هي الملجه
بغيت فساتين جاهزه وراقيه وحلوه

وين تنصحوني ؟


والسموحه


نجـــــ دبي ـــــمة

[قــبقــوبـه]

وعليــكم الســـلام ورحمــة الله وبــركاتهـ ..

فالميــغا مــوول في محــل فالطــابق الثــاني مال الفســـاتين أعتقـد مجــابل مكيــاجي ..
كـل فســـاتينهـم راقيــه ومرتبـــه شفــت عنــدهم فستــان كــله ورود واااااايــد حــلوو وأحسبــه واايــد منــاسب حق ملــجه ..

:a050:

[عنود الريف]

عندج لالي فالي حلو صوب السيتي ..
وفي برجمان محل مال الفساتين بعد حلو ..

[شمعة أمل]

بوقاتي
كوكونز
غواني
كمايه < سمعت انه عندهم فساتين جاهزه بس مادري
في محل في مركز الشاطئ عدال الجعيدي .. كل فساتينهم تقريبا من حرير

[قرموشة]

لالي فاالي اللي صوب السيتي ..

[المزيوونه]

اماتو وايد روعه ..

[الشوق]

في برجمان محل الجعيدي .. عنده ساعات فساتين حلوه
وعندج في البستان شي محلات للفساتين والاعراس
وعندج مركز المنال الطابق الثاني شي محلات للفساتين الجاهزه ..
ومبرووك عليكم العرس

[نجمة دبي]

هلا ..

انا سرت الجعيدي وما حصلت شي غاوي .. وسرت مركز المنال وقلت بفكر شويه وباخذ لفه على كم محل .. وسرت البستان .. واليوم بسير صحارى

وافكر اسير لالي فالي .. بس المحل وين عن الستي؟ بالضبط

واشكر لكم تفاعلكم ويايه .. وعقبال الجميع ان شاء الله


نجــــ دبي ــــمة

[شمعة أمل]

يوم تطلعين من باركنات الستي من ورا

بعدين جي لازم تسيرين يسار

واطوفين على الروتانا على ماظن اسمه وبعدين مبنى ثاني .. عشان تطلعين للشارع

المبنى الثاني مادري الأول هو الى فيه ليلي فالي

[شمعة أمل]

يعني المباني
ورا فندق الستي

[المزوحي]

ما اعرف .. عادي أسأل لج

لكن لي فالي شفت هالمحل قبل الستي

عقب رحاب روتانا ... بتي بنايه فيها هالمحل وعدالها محل كمبيوتر او ألعاب ...

[نجمة دبي]

شمعة امل \ المزوحي
تسلمون وما تقصرون والله ..

ولي عوده

[فنجان قهوة]

في في فندق البستان في الدور الثاني
مصممه اسمها اسبيرول جنه
عندها فساتين جاهزه
و نروم تفصلج شيء و تاخذه عنج عقب
تحصلين عندها سوالف

[فنجان قهوة]

ويه اسكاليني تطرون جوزيف ... هاهاهاهاها .. خلاص روح بلاده جوزيف .. قال بيسير فرنسا
الحين ما عندهم غير المصممه اللبنانيه ما اعرف شو اسمها

و عن أمل ما اسبراندو صدق فنانه .. انا فصلت عندها مره ووايد ارتحت وياها

و عن مايكل يبالج اتسيرين قبل بفتره و تعطينه موعد قبل باسبوعين لان يتاخر وايد
مرت خاليه فصلت عنده حق عرس اختها ووهقها جان تاخذ بطاقت خالي مال البلديه و زيغته خلصلها اياه في نفس اليوم

[نجمة دبي]

البارحه سرت صحارى .. وما حصلت شي :(
واليوم يمكن اسير لالي فالي

وامس وحده كلمتني عن فساتين الايجار .. قلت لها لا ما احب هالشي

واللي عندها اماكن ثانيه في دبي .. تساعدني

والسموحه

[المزوحي]

نجمة دبي جربي محل اسمه عقل فقيه يخيط وعنده جاهز لكن ماعرف اسعاره

شارع المكتوم

عقب ماتطوفين دوار الساعه .. في محطة بترول الامارات على اليمين ( المحطة جديمة )

ووو .. هناك المحل ...

[نجمة دبي]

مشكووووور وما تقصر يالمزوحي
وان شاء الله باجر بسير

[شوق الصحارى]

وعليكم السلام..

شي في الفردان محلات بعد....

[عيون الليل]

أنا من فتره فصلت عند أماتوو .. .. بصراحه الفســـتااااان كــان روعه بشهادة الجميــــع

والله ايعينج ع المصمميـــن والركضه وراهم إلين ما ايخلصون لج ع الموعد :/

وإذا تبين جاهز . . أنصحج بـ بوغــاتي . . . . . . " فكي عمرج من الصدعه لـوول "

[تحفه]

أظمن لج شغل إزرا .. عندي بطاقته .. بدورها لج وبسويلها سكان وبحطهااا

[تحفه]

إذا تفصيل :
دبي = إزرا / بوظبي : آدم

[تحفه]

مب متفيجه ايلس افجفج في الوايرات مال الاسكنر .. صورت كرته لج

هالوكيشن

http://oasis.bindubai.com/bin/attachment.php?attachmentid=505&stc=1&d=1166202049

رقمه

http://oasis.bindubai.com/bin/attachment.php?attachmentid=506&stc=1&d=1166202049

[طير الحب]

شوق لقيت الفستان الي خاطري فيه ناعم وروعه واستايل الاجانب الي احبه بطرشه عالخاص يوم بروح بوظبي...يالله ادعوا يصير عدنا عرس خاطري البسه...وايد حلوووووووووووو..خبل بي

[العيناويه]

انا سويت فستان عند رامي العلي صدق كشخه ,,,
ومسوي حق حرمة اخويه فستان عرسهااااا طررررررررررررر يجنن ماتوا عليه كلهم ,,,

السموووووووحه
عيناويوووو طويلة العمر