ألــــــــوان الشمس

[عمة العيم]

السلام عليكم ورحمة الله وبركاته

هذه رسمه فان كوخيه استخدمت اسلوب فان كوخ الانطباعي في الرسم

بالالوان الزيتيه على الكانفس

http://planets.uaeplanet.net/upload/1164053317.jpg


:icon_rr:
خدافس

[أمواج]

.
.
الصــوره وايد حــلوه
تســلم لنــا هالايــد
بس سؤال شو يعني فان كوخ. ؟!
وشو يعني الكانفــس . ؟!
.
.
:fa46:

[تنينه]

رسمه رووعه والألوان صدق طالعه جمميله ومتدرجه =) ,,


تسلم الأنامل والله


ما ننحرم يارب ^^".

[عمة العيم]

ههههه
تسلمين حبيبتي شرفتيني اول وحده ماشاء الله

مممممم

فان كوخ هذا فنان عالمي كله كان يرسم بهذه الطريقه

الكانفس يعنـــي اللوحه اللي نرسم عليها البيضا هذه

و سلامتج

(^_^)

تـــنينه
تسلمين الغاليه كلج ذوق

....

[شهوووودة الأمورة]

رووعه والله.. وااايد حلو التدرج بالألوااان .. ( ألواان ناريه)

تسلم يدينج عمووتي..

[قرموشة]

رائعـه !
أذهـلتنـي


:fa35:

[فنجان قهوة]

اتمنالج التوفيق

[المحاق المشتعل]

عمة العيم


رائعة لونيه قبل أن أقرأ الرد رأيت فيها فن فان كوخ الذي أعجبتني لوحاته جداً

أمس من دخلت الواحات ما هدالي بال

سرت المكتبة وخذت الألوان الزيتية الناقصه عندي

ويوم سرت هناك شفت الألوان إلي اتكلمتي عنها قبل إلي هي الألوان الزيتيه إلي تنغسل بالماي

فسألت الموظفه إلي هناك وقلتلها شو الميزه إلي اتميز هاي الألوان عن الألوان الزيتيه العاديه

قالت انها نفس الشي لكن تتنظف الفرش بعد الأستعمال بالماي عادي

قلت يعني إلي تستخدم ويا الماي افضل ؟

قالت لا فيها مشكله.. انه ريحتها لا تطاق...

قلت كيف يعني الألوان العاديه روحها ريحتها مب شي

قالت لا قالت الألوان الزيتية المائية ريحتها مثل المجاري .. وضحكتني يو جي قالت

فنانتنا

واصلي تقدمج هذا ولا تقطعين هالمكان عشان يكون همزة وصل للتنافس من بينا

كل التقدير لفنج

محاق

[الجنيه]

فنانتنا ... سلمت يمناج الصراحه مبدعه كلمه قليله في حقج *_ *

ربي يحفظج ويوفقج وين ما كنتي

[عمة العيم]

تسلمون شهوده قرموشه فنيان قهوه الجنيه فديت صديقاتي اللي يشجعوني (^_^)

الفنان المحاق ربي يسلمك...هي صح ريحتها شوي تخرب عالموضوع لكن ابرك عن ريحة التربنتاين المهم انا استخدم الاوان الزيتيه العاديه اللي تستخدم بالزيت الصراحه اتمتع في هالالوان اكثر

فتره حتى رسمت بالاكريلك هو حلو لكن لازم تكون سريع و لو نشف الله يعينك و لازم تحط خمسين طبقه عشان تحصل على اللون اللي تباه ....الصراحه ماحس عمري يالسه ارسم و قلبي مايرتاح من الاكريلك إلا الزيتيه احس صدق يالسه ارسم...

المهم يا محاقنا ترا من فتره ماشفنا لوحاتك
هيا هيا نبا نشــــوف!

(^_^)

ان شاء الله ماراح اقاطعكم يا اهل الواحات

.....

[دموع قلم]

وعليـكم السـلام ورحمـة الله وبركـاته


رائـعة هي رسمتـك أختي عمـّة العيــم..
تسلـم الأنـامل على هالمجهود الجميــل..

ننتـظر المزيد من الرسومات

:smile:


بالتـوفيـق..

[خنفروش]

ماشاء الله عليج و حواليج (( عمتنا )) لوحة جميله جدا ً ......

تدرين يوم طريتي التربنتاين .... تذكرت سالفه ... الله يسلمج خنفروشه حاطه غرشه من هالغراش في دبة السياره (( وشكلها نستها )) و تدرين حراره الجو في الصيف المهم هاك اليوم افتح دبة السياره و الا تجابلني هالريحه النفاذه (( التربنتين )) صح انا ما اعرف الريحه بس الريحه ما اتبشر ابخير ... ترى الغرشه ناقعه فالدبه و نحن نمشي ولا تدري (( قنبله تجوب الشوارع )) والله ما عرفت ازغدها ... انا اشوف عمري اكح و احس صدري ضاج كل ما ركبت السياره و اشم ريحة غريبه اقول بترول اقول السياره اتليّك بس تربنتين (( احيدها ماده تشتعل بتفجر - المهم انها تشتعل )) بس والله ربج ستر

[جنون امرأة]

فـظـيييييييييييييييـعه ..

تسلم ايدج ..

[أنامل قلب]

ما شاء الله ..
تبارك الرحمن ..

أشوفها ربيعتي دومها تقولي ..
أنامل دخلي واحة الفن دخلي واحة الفن .. ؟!!؟

^_^ ..

.
.

الله يديم عليج هالموهبه الطيبة تنونه ..

والرسم روح ملبس بلفظ الفن ..
لا يدرك فحوا هذا الهاجس لهذه الروح إلا القلة .. ؟!

.
.

أعيد وأقول ما شاء الله عليج ..

فجميل التداخل والترباط بالألوان .. >> والومضة بنصها ..

وفعلا ودي اشوف رسماتج بالواقع ..

لأنها بالنسخ والكمبيوتر وغيره تظهر بنص جمالها الحقيقي ..

.
.

ويظل احساس الرسمة موجود .. واللي يشعرني بشي غريب ... بلوحتج ..

.
.

آسفة حبوبه عـ ردي السريع والطويل ..

وتقبلي مني جل الود والاحترام ..

.
.

اختج أنامل قلب ..

.
.

[عمة العيم]

تسلمون خواتي على الكلام الطيب

انامل قلب اسعدني ردج الطيب (^_^)
و يشرفني انج تزورينا في معرض بيت المواهب في المركز التجاري قاعه رقم 4