Detox

[شمعة أمل]

السلام عليكم ورحمة الله وبركاته

منو يراوده هالشعور انه بعده منتفخ من رمضان؟ مب مسألة انه تحسون نفسكم متان ولا شي جيي .. بس انه تحسون جسمكم وصخ؟

DETOX عباره عن تنظيف الجسم .. ومب خسارة وزن بس مرات تخسرون وزنكم اذا حظكم حلو

ومن متى وخاطري اسوي دييتوكس لانه احس كل وصخ رمضان من حلويات وكيكات في جسمي .. ف ببدى من باجر وكنت اسوي ريييسرج

كزنااتي يسون ديتوكس وين بس ياكلون فواكه الصبح وخضروات الفليل لمدة أسبوع .. بس انا مابسوي هالشي .. احس عذاب:glare:

سوييت شوية ريس سيرج وهذا الى حصلته واحس انه مناسب وعدل:thumbup1:

لمدة أسبوع

عادي تاكلون
1 - فواكه فرش
2- خضروات فرش < البصل والثوم وايد مفيد
3- خبز بني عادي بس عيش لا
4- مكسرات < بس لا تاكلون الفستق او اللوز
5- زيت زيتون
6- ملح البحر ، خل ، سويا سووس، فلفل، شوييية عسل مب وايد
7- شوفان
8- جاهي اخضر ولا اعشاب بس مايكون فييه كافيين
9- عصير فرش بدون سكر .. ماي وليمون .. ماي


أشيا يوميه لازم تسونها
1- على قل 8 قلاسات ماي في اليوم .. يا يكون دافي ولا بحرارة الغرفه < مب بارد
2- لاتشربون شي يوم تاكلوون
3- اذا بتشربون عصيير .. تأكدو انه نص الكوب يكون ماي واخلطو نص كوب عصير .. يعني مايكون كوب كامل عصير عصير
4- خذوو وقتكم وراحتكم في الاكل



ابتعدوو عن
1- سكر
2- ألبان .. يعني حليب جبن الخ
3- اي شي فيه كاربوهايدرات يعني خبز وباستا
4- اشيا فيهم غلووتن
5- كافيين
6- اشيا زياده نفس
- جوكلت وحلاوه
- نشا
- اشيا فيه متن وايد


لازم تسووووونه لاسبوووووعيييييييين

وبس

[شمعة أمل]

طرشششششت الموضوع بالغلط ماخلصت اكتبه خخخخخخخخ
برب لاتقروونه
بقولكم يوم يخلص

[شمعة أمل]

خلاص خلصت ^_^

[ولد الحكومة]

وعليكم السلام والرحمة ،،،

:m_afaker: وصخ رمضان >> غريبه هالمصطلح ؟؟ >>>> ، إنتي قصدج أكل رمضان بعده في الجسم ؟؟؟ :Oo:

عالعموم موضوعج وااايد حلوووو ، والصراحه فيه فايدة. انا تقريباً مطبق هالكلام بنسبة 70% :a033: بس إن شاء الله بحاول أبتعد هن الاشياء إلى تضر الجسم.

مشكورة شموووعه عالموضوع


تحياتي :
قايد الريم

[جيز كيك سنيكرز]

عليكم السلام والرحمه....

شمعة امل كتبت رد شطوله بس ماعرف وين راح ..... :a058:

شكراً على الطرح وان شاء الله انا باجر ناويه ابد بس مب هذا النظام انتي بتبتدين باجر ؟؟؟
بس بيكون ان شاء الله عباره عن فواكه وخضار بدون ملح صدق صدق المعده ترتاح انا ماخبصت طول رمضان بس من يا العيد :fa46: ماعرف شو صار

تعالي شو مكسرات ماشي مكسرات
وليش عصير نص الكوب ماء تعذيب هو

[شمعة أمل]

قايد الريم
وصخ رمضان يعني اكل وروتين رمضان .. المقصد .. الحلويات والFAT الى في جسمك .. يعني تنظييييف
وهذا مب رجيم
هذا مجرد تنظيف يعذب لاسبوعين xD


نسيتك
شي مكسرات مفيده نفس ال almonds ^_^
وعن العصير خخخخخخ ماعرف جي كان مكتووب .. لانه الكوب العصير الواحد .. مثلا عصير برتقال .. يباله 6 للكوب .. ويمتن على ما أظن
انا بديت اليوم
وبصراحه
احس عمري يوعانه
لانه ماشي لحووم وماشي جوكلت وماشي سندويجات xD

[جيز كيك سنيكرز]

شمعة أمل

عمر العصير مايمتن
اقولج لاتكلين مكسرات لاتكلين اسمعي الكلام

هانت هانت بيخلص اليوم اصبر
حطي دبة ماي عدالج واشربي منها

[شمعة أمل]

العصير يمتــــــــــــن انا قاريه عنه وكلحد يقوول .. لانه في سكر طبيعيييييييي .. ويوم يكون واايد .. ف يضر ... بس يوم شويه .. يكون اوكيه للجسم ^_^

افكر اسوي ها لأسبوع .. بصراحه مابتحمل اسبوعين عايشه على خضروات وفواكه >_< بنتحر خخخخخخ

[جيز كيك سنيكرز]

يابنت الحلال العصير مايمتن كثرته صح مب زينه لكن مايمتن وكل شي كثرته تضر
والسكر الطبيعي مايمتن.. مايمتن ..مايمتن
الخلط في الاكل هو اللي يسبب كوارث

خليهن 3 ايام اخاف يصير فيج شي.....ربي يحفظج

انا لين الحين اوكي ومب حاسه بيوع بس اشوف كل شي دبل:icecream:

[شمعة أمل]

لوووووووووول
أشك اني بكمل اسبوع >_<

[شوق القلوب]

السلام عليكم...


والله شـــي حلو... يبالي اسويه ..!

بصراحه مستويه اخبص في الاكل.. و طالعه عندي عاده سيئه.. اني لازم عقب الغدا بساعه ع الاقل اكل سويت و ياه بلاك كوفي..

والزين .. اني ما اكل بين الويبات..يادوب غدا.. و عشا خفيف او بلا عشا

[شمعة أمل]

حظظظظظ
نحن ماشاءالله ناكل ناكل D= شونسوييي عيال جامعه .. كل بريك طايحين في الكافيه p=

[شوق القلوب]

شمعـــة الجلاس..

انزين خبريني.. مثلا شو كلتي اليوم...؟؟

ع الاقل اعرف اشكر الواحد ياكل.. وشو ناكل ..

..

والله ناويه من الاسبوع الياي اغير كل شي.. بسير الـ جم .. و بغير سوالف الاكل.. بس طبعاً ابداً ما عندي كنترول ع الاكل يوم اطلع ..!

عيل جــِــــد شفتي حد يفطــر على ايس كريم ..! :doh:

[شمعة أمل]

اليوم كلت
رمان
قريين تييي
سلطه
شوية مكسرات
سلطه
ماي< وايد خخخخخخ

وسرت الجم بعد >_< بس ماطولت لانه كان حر .. الكنديشن شكله خربان

[ولد الحكومة]

العصير يمتــــــــــــن انا قاريه عنه وكلحد يقوول .. لانه في سكر طبيعيييييييي .. ويوم يكون واايد .. ف يضر ... بس يوم شويه .. يكون اوكيه للجسم ^_^

افكر اسوي ها لأسبوع .. بصراحه مابتحمل اسبوعين عايشه على خضروات وفواكه >_< بنتحر خخخخخخ

هي صح كلامج أغلب العصائر اتمتن ، لانها تحتوي على نسبه من السكر الطبيعي !!! ، انا كان الدكتور ينصحني إني ما اشرب عصير طبيعي بس ايقولي اشرب لبن أب.


والسموحه عالمداخلة شمعووووه :k_harhar1:

[شمعة أمل]

هااااااا جفتووووووووووو
انا ماكنت مخرفه
والعصير يمتن ^_^

[ولد الحكومة]

:14: عاشت شمعووووه :m_bye:

[جيز كيك سنيكرز]

هااااااا جفتووووووووووو
انا ماكنت مخرفه
والعصير يمتن ^_^

انا ماقلت انج مخرفه :k_harhar1:

ما عليه انا الحين مستعيله :11: لي عوده ان شاء الله


هي صح كلامج أغلب العصائر اتمتن ، لانها تحتوي على نسبه من السكر الطبيعي !!! ، انا كان الدكتور ينصحني إني ما اشرب عصير طبيعي بس ايقولي اشرب لبن أب.


والسموحه عالمداخلة شمعووووه :k_harhar1:

بذمتك قال لك اشرب لبن اب ما قال لك اشرب بيبسي بعد

[شوق القلوب]

دمعتـــي ... عندي سؤال..

الحين السلطه انحط وياها زيت الزيتون.. وملح و لومي.. ، فزيت الزيتون شو موقفه الحين من الاعراب.. بعد انوقفه ؟؟


..

شكلي حسدت عمري..

عقب ما كتبتلج مساعه.. سرت ادور جبـــس.. :doh: .. و حصلتهم مشترين دونت .. وماقصرت فيهم.. :Oo: .. والحين حاسه انه معدتي متروووسه ..!

[حلم الطفوله]

السلام عليكم

شكلي انتفخت هاليومين من كثر ما أخبص بالكاكاو والجبسات !:14:

تدرين شمعة أمل ... كثري من التبوله وااايد مفيده للجسم واشربي ماي وااااايد قبل كل وجبه :thumbup1:

ببدأ من باجر ....وداعا للتخبيص بالأكل:14:

[جيز كيك سنيكرز]

شمعة أمل

انا مدمنة عصير اناناس وليمون بانعناع وبرتقال


عصير الأناناس Pineapple juice
الفوائد:
يطهر ويساعد على الهضم جيدا.

عصير الحامض (الليمون) Lemon juice
الفوائد:
هذا العصير له الخصائص التالية: مطهر, منعش للجهاز العصبي , يزيد من سيولة الدم , يلعب دورا إيجابيا في حال التهاب المفاصل (Arthrite) الروماتيزم (Rhumatisme) , فرط الضغط , فقر الدم ,البدانة.

عصير الأفندي Mandarin juice
الفوائد:
يساعد هذا العصير على الهضم وينعش الجسد ويهدئ الأعصاب.ينصح بتناوله في حال القلق بالليل وعدم المقدرة على النوم.

عصير البرتقال Orange juice
الفوائد:
يساعد على الهضم , ينعش الجهاز العصبي , وله خصائص الرقوء (وقف النزف).يقاوم التسمم والتهاب القولون (colon) ترقق العظم والروماتيزم

عصير الطماطم Tomato juice
الفوائد:
يطهر هذا العصير الجهاز الهضمي , يخفف من ألم التهاب المفاصل , والتهابات الجهاز الهضمي , يقاوم الروماتيزم , حالات التسمم , التوتر , الحموضة المعدية ويلين المعدة.

عصير التفاح Apple juice
الفوائد:
مطهر وملين للمعدة , ينصح بتناوله في حال التوتر المستمر والقلق في الليل والروماتيزم والتهاب المفصل والمشاكل الهضمية , ومشاكل القلب وفرط الضغط.

عصير الدراق Peach juice
الفوائد:
مغذ ويساعد على الهضم.

عصير الخوخ Prune juice
الفوائد:
يلين المعدة ويطهر الجهاز الهضمي , يعالج مشاكل فقر الدم والتوتر المستمر.

عصير العنب Grape juice
الفوائد:
يلين المعدة , منعش , يساعد على الهضم , ويطهر الجهاز الهضمي , يقاوم فقر الدم والتوتر.

عصير المشمش Apricot juice
الفوائد:
يعيد تأهيل الخلايا الضعيفة , يقاوم فقر الدم والتوتر.

عصير الموز Banana juice
الفوائد:
منعش ومغذ ويقاوم الضعف في الجهاز العصبي والدموي.

عصير الكرز Cherry juice
الفوائد:
منعش ومطهر , ويلعب دورا إيجابيا في حالة الروماتيزم , التهاب المفاصل , التوتر , تكون الحصاة (كالمرارة الخ...) ويلين المعدة.

عصير الفراولة Strawberry juice
الفوائد:
يعالج الروماتيزم..


اقـــــــــــ ـ ـ ـ ـ ـ ـ ـ ـ ـ ـ ـــــول هذي العصاير اللي فيها يزر وطماط وكرافس لو شو ماشربتها

فــوائــد الــعصــير الصحيه
أن العصير الطبيعي المكون من الفواكهه والخضروات غني جداً بالحوامض الأمينية والفيتامينات التي كثيراً ما تكون دواء شافياً لعدة أمراض .كما أنه مصدر رئيسي لسد الظماء .
ومن مزاياه أنه يشجع الجسم على التخلص من الخلايا الضعيفه ويساعده على بناء خلايا جديده نشيطه . ويجب أن يخفف العصير بالماء لأحتوائه على الحوامض الأمينية .

ويمكن ان نستخدم العصير كإضافة للطعام أو بهدف الشفاء وإليك بعض هذه المعلومات :

- عصير الجزر + عصير الكرفس . يعتبران مهدئين للأعصاب .
- نصف كأس من عصير الجزر + نصف كأس من عصير الكرفس + ملعقه من عصير البقدونس . عصير مقو.
- عصير الجزر + عصير الكرفس + السبانخ + البقدونس . لمن يشتكي من الحموضة الزائدة .
- عصير الجزر + السبانخ + الخس .يقوي الشعر والجهاز العصبي .
- عصير الليمون + ماء محلى بالعسل أو السكر . قبل النوم لمن يشتكي من الأرق.
- عصير الجزر + عصير الشمندر .بحيث تكون نسبة الشمندر جزء مقابل اربعة اجزاء من الجزر . لفقر الدم وطارد للديدان .


ملطووووووووووش للفائده :icecream:

[جيز كيك سنيكرز]

ليش ماتجربين الدايت المركب انا مجربتنه
انا استمريت عليه اسبوعين

اسبوع بس وشوفي شعرج وبشرتج كيف بتصير

[شوق القلوب]

صدق من قال.. ما يحسد المال .. الا اصحابه ! :doh:

شهيتي انفتحت ع الاخر الليله ..!

عقب الجبس.. اشتهيت بيضه ! جان اسويلي بيضه ويا جبن كرافت.. و شكلي زيدت الزيت :boxed: .. وعقبها جان احصل منااااقيش جبن.. و كلت نصهــا.. عقب حسيت بشويه تأنيـــب.. :k_special2:

فقررت اشرب جاي اخضر.. :14:


...


نسيــــــــــتك

شو هالـ دايت المركب..؟؟ خبرينا عنه أكثر ..

[جيز كيك سنيكرز]

فالج طيب ياشوق القلوب

بس ان شاء الله باجر اذا الله راد لان الجهاز الحين معقدبي ماعرف شوفييييييه

[ولد الحكومة]

دمعتـــي ... عندي سؤال..

الحين السلطه انحط وياها زيت الزيتون.. وملح و لومي.. ، فزيت الزيتون شو موقفه الحين من الاعراب.. بعد انوقفه ؟؟


..

شكلي حسدت عمري..

عقب ما كتبتلج مساعه.. سرت ادور جبـــس.. :doh: .. و حصلتهم مشترين دونت .. وماقصرت فيهم.. :Oo: .. والحين حاسه انه معدتي متروووسه ..!

بخصوص الزيت الزيتون ( الطبيعي طبعاً ) مش مال السوووق الغش :tounge: ، هو في فوائد كثيرة ، بس في بعض الناس ايقولن انه مضر والبعض الآخر يقووول ما يضر >>> يعني الانباء متضاربه :glare: >>> بس انا الدكتور كان ايقولي ابتعد عنه ، ولازم تأكل السلطه بدون زيت.

والسمووحه

[ولد الحكومة]

الموضوع صااار مثل الاتجاه المعاكس :a058:

:14:

[شمعة أمل]

شوق القلوب
زيت زيتون وايد مفيــــد ويشبع .. لاتوقفيــنه
تراني كاتبه انه عادي
بس الزيوت الثانيه مب أوكيــه
ويوم تطبخون اكلات .. حاولو تطبخون معظم اكلكم بزيت الزيتوون
ويقولووولج الناس الى ياكلوون الفلييل ينتفخووووووووووون p=

حلم الطفوله
انا ماحب التبووله >_<


نسيتك
انا بعد احب عصير ليمون ويا نعناع وعصير برتقااااااااااال 3>
اول مره ادري انه شي عصير كرز p= يبالنا نجرب
انا مابا اسوي رجيم عشان اسوي دايت مركب خخخخخخ .. اصلن حتى لو الحين ابا اسوي رجيم صعب .. لانه معظم الأكلات ما أكلهاااااا


قايد الريم
لووووول xD

[شوق القلوب]

اللي اعرفه عن زيت الزيتــون انه يسبب التســمم انه اتسخــّـن ..!

..

حتى اذكر ايام الجامعه كنا انييــب الزعتر و انحط وياه شويه زيت الزيتون و انسخنه ع الضو.. عقب ما ادري منو خبرت اني اسوي جي و قالولي مب زين لانه زيت الزيتون يستوي مضر اذا اتسخن..

[شمعة أمل]

لاااااااااااااا يقصون عليج

زيت زيتون من احسن الزيووت .. حتى في بيتنا يطبخون كل شي ويا زيت زيتون الا الاشيا الى مايستوي يطبخون فيها بهالزييت نفس النقتس ولا السمبوسه

[طير الحب]

شمعه امل...مع اني اكثر التعلميات متبعتنها في حياتي عموما واشرب الشاي الاخضر على طول وبدون سكر وما اتقرب من الكافيين الا نادرا وطبعا الحلويات بعد ما احبها بس افكر اسوي مدة اسبوع لاني ما خبصت برمضان بالعكس نزل وزني والحمدلله مستفيدة من الرضاعه الطبيعية الي تقوم بحرق سعرات حرارية كثيرة قد تصل لـ 500 سعرة حراراية مثل ما قريت...وعلة فكرة بين فترة والثانية أشرب ماي مع شوية خل تفاح وهو مفيد للجسم وخصوصا بعد الوجبات الدسمه.

[طير الحب]

شوق...زيت الزيتون يسبب التسمم اذا احترق يعني لازم نحطه ونضيف الشغلات الي بنطبخها فيه بسرعه قبل لا يحترق من الحرارة مثل الزبدة...واذا تبينه ما يحترق ممكن تضيفين قطرات زيت عادي

[شمعة أمل]

انا ميوعه عمري على هالسخافه ومتنت كيلو ونص:glare: كييييييييف جييييييييي:a058:

[طير الحب]

افا...شمعه وانا قلت لريلي بنبتدي من باجر...عيلا بتم على سستمي احسن

[عافك الخاطر]

انتي قصدج detoxification يعني يخلص الجسم من السموم ..
اممم قارية عنه قبل...
شي ناس تقول ما منه فايدة ..
اهم شي انج تاكلين اكل صحي.. و وزنج وطولج اوكي .. و حياتج ماشية بشكل طبيعي :fa46: ..
بس في اشيا الواحد لازم على طول يسويها ..مثل 8 قلاصات ماي كل يوم .. وايد اوكي حق البشرة وجي ..

يا الله بالتوفيج ..
..

[شمعة أمل]

افا...شمعه وانا قلت لريلي بنبتدي من باجر...عيلا بتم على سستمي احسن

امي قالت انه عادي .. جسمي في صدمه من اليوع:hysterical:
لانه غيرت السستم ف لازم امتن اول كم يوم بعدين يرد وزني طبيعي:icecream: < اييس كرييم ااه خاطري فييه
يله يله بسنييي
حراام
من يوميين وعيني على الجوكلت على شكل بيض مال قودايفااا .. بيخلص:a058: وانا ولا كلت منه:a058:

[شمعة أمل]

انتي قصدج detoxification يعني يخلص الجسم من السموم ..
اممم قارية عنه قبل...
شي ناس تقول ما منه فايدة ..
اهم شي انج تاكلين اكل صحي.. و وزنج وطولج اوكي .. و حياتج ماشية بشكل طبيعي :fa46: ..
بس في اشيا الواحد لازم على طول يسويها ..مثل 8 قلاصات ماي كل يوم .. وايد اوكي حق البشرة وجي ..

يا الله بالتوفيج ..
..


هيه هذااااااا.. من فايده انا متأكده لانه جايفه الresults على كزناتييي .. بس يحليلهم .. صدق ايووعوون وانا الحين يالسه اعاني:fa46:

[حلم الطفوله]

تدروووون من يومين ما شربت ماي ! توني اكتشفت هالحقيقه المره !

[شمعة أمل]

^
كيف تعيشين بدون ماييي؟؟؟؟؟؟؟؟
مستحيييييل يمر يوم وماشرب على قل 4 قلاسات ماي

[حلم الطفوله]

تخيلي يا شمعه ! انا بروحي مب قادره أتخيل إني ما شربت ماي من يومين ! توني استوعبت الأمر!

يمكن عشان أعوض بالعصاير والجاي الأخضر! بس بعد الماي غير :surrender:

[طير الحب]

حلم...نفس الحالة:a058:

[جيز كيك سنيكرز]

نسيــــــــــتك

شو هالـ دايت المركب..؟؟ خبرينا عنه أكثر ..


يسمى دايت ديميس روسوس...او الدايت المركب
اول مره سويته كان في الصيف مع وحده تبغي تنزل 30 كيلو
اول اسبوع هيه نزلة 6 كيلو وانا ولا كيلو :glare:
ثاني اسبوع هيه نزلة 5 كيلو وانا 2 كيلو :11: صدق استانست مع ان اختيه تقولي مستحيل ينزل وزنج
انا ما استمريت وهيه ماشاء الله عليها استمر بس تحسين من بعده انج اخف نفسين مرتاحه
بشرتج صافيه
في ايام كنت اخذ فيتامين وفي ايام لا
انا ما اتبعته مثل ما هوه بضبط بس ما خبصة يعني اول اسبوع اكتفيت من الفواكه وكان اكثر اكلي فواكه وخصوصا العصاير لانها تشبع الصبح مثلا كوب حليب خالي الدسم وتفاحه او كيوي او موز او فراوله الضهر اناناس او بطيخ او برتقال يمكن مره وحده كانت تمر والعشاء احيانا احذفه بس اغلب شي كان سلطه او خضار مسلوقه ولا شوربة خضار بدون ملح ......كنت ما اكل خضار من عدم وجود الملح بس بعدين احاول اتخيل ان فيها ملح واكل واحيانا العشاء روب خالي الدسم :icecream:
والاسبوع الثاني كان اغلب اكلي خضار وشوربه او سلطه بس الصبح لازم فاكهه واحيانا ما كنت اتغدى

هذي القواعد مع الدايت

أربع (قواعد زمنية)، التزم بها ثم كل (على كيفك).
1- بعد وجبة بروتينات انتظر 4 ساعات قبل أكل أية نشويات او فاكهة.
2- بعد وجبة نشويات توقف 4 ساعات قبل أكل بروتينات أو فاكهة.
3- بعد الفاكهة توقف ساعتين على الأقل قبل تناول أية نشويات أو بروتينات أو خضراوات.
4- إذا زادت الدهون على 30 % من تركيبة الوجبة فلا طعام آخر من أى نوع قبل 7 ساعات

والدايت بطرشه الحين ان شاء الله

والسموحه ^ــ^

[حلم الطفوله]

السلام عليكم

تدروووون ...أنا عندي قناعه شبه تامه بإنه سوالف وصفات الرجيم ما منها فايده !

الانسان بإرادته يقدر ينزل وزنه بأي وقت ....دامه حط بباله شيء وصمم أكيد بينفذه:thumbup1:

على قولة وحده من ربيعاتي ...بطن الانسان مب مطبخ أو ثلاجه نترسها عكيفنا ! وجهة نظر:tounge:
يعني ناكل الشيء الصحي بس ونشرب الماي بكميات كبيره وأكيد النتيجه بتكون مذهله

ما فيه مانع إنه بين الوقت والثاني ناكل شيء دسم ...

أصلا مع تعود الجسم على النظام الصحي لا إراديا ما بيتقبل الدسومات وبيكتفي بكميات بسيطه بس

أوني عاد اتفلسفت أدري:surrender: ....

بس كل واحد يشوف جسمه قبل ما يشوف أكله وأكيد الشهيه بتنفتح وبتنسد على حسب الشكل:k_harhar1:

إش رايج شمعة أمل حليتها وإلا ؟:12:

[جيز كيك سنيكرز]

ماشاء الله عليج ياطير الحب ...انا كنت ادري ان مب زين يوم يكون لطبخ بس اول مره اعرف ان يسبب التسمم اذا احترق


انا ميوعه عمري على هالسخافه ومتنت كيلو ونص:glare: كييييييييف جييييييييي:a058:


المفروض تاكلين وانتي اصلاً ماتاكلين يوم انتي مب مقتنعه فيه كيف تسوينه واللي اعرفه اذا تبغين تتخلصين من السموم اول شي الفاكهه على الاقل يومين بس تاكلين لان اذا ماكلتي الجسم ما بيحرق
وبيعتقد جايستنه مجاعه وبيود الدهون ولا بيقبل يفرط فيها ..سبحان الله ..
وبعدين اليوم برد وريحة الكوكيز كانت تذبح
والله اني كنت احاتيج اليوم لان برد برد وعلى شان جسم الانسان يدفى لازم ياكل
بغيت اقولج انا بوقف باجر انهزبت اليوم:glare:

[جيز كيك سنيكرز]

حلم الطفولة....

عليكم السلام والرحمه

كلامج صحيح بس يوم يكون باقي لج 2او 5 كيلو عن الوزن اللي المفروض توصلين له
تطلع روح الواحد بس علشان ينزله

[شوق القلوب]

انزين.. دام انه الموضوع يتطرق للصحه .. بغيت أسأل... كيف الواحد يعرف الوزن المثالي له..بطريقه علميه..؟

[طير الحب]

تعرفين شوق في عيادات متخصصه يعني يشوفون كثافة العظام والكتلة الدهنيه وما اعرف شو بس انا اعرف هاي طريقة تظربين مربع الوزن في الطول وتقسمينه على 2 بس ما اذكر بالضبط كيف.

[شمعة أمل]

انزين.. دام انه الموضوع يتطرق للصحه .. بغيت أسأل... كيف الواحد يعرف الوزن المثالي له..بطريقه علميه..؟

شي جدوووول الى هو عدل عدل
بس عادة يقولوون انه مثلا اذا طولج 150 خلي وزنج 50 واذا طولج ذ60 خلي وزنج 60

[شمعة أمل]

ماشاء الله عليج ياطير الحب ...انا كنت ادري ان مب زين يوم يكون لطبخ بس اول مره اعرف ان يسبب التسمم اذا احترق




المفروض تاكلين وانتي اصلاً ماتاكلين يوم انتي مب مقتنعه فيه كيف تسوينه واللي اعرفه اذا تبغين تتخلصين من السموم اول شي الفاكهه على الاقل يومين بس تاكلين لان اذا ماكلتي الجسم ما بيحرق
وبيعتقد جايستنه مجاعه وبيود الدهون ولا بيقبل يفرط فيها ..سبحان الله ..
وبعدين اليوم برد وريحة الكوكيز كانت تذبح
والله اني كنت احاتيج اليوم لان برد برد وعلى شان جسم الانسان يدفى لازم ياكل
بغيت اقولج انا بوقف باجر انهزبت اليوم:glare:


مب ميووعه عمرييي بمعني ميوعه عمري .. يعني مب يالسه أتهنى في الأكل .. خاطري في دياي وجوكلت ومب يالسه اكلهم:fa46:

[جيز كيك سنيكرز]

شمعة امل اخير لج سير اكلى دياي وجوكليت بس قبل ما تاكلين اوقفى جدام المنظره
شوفي تغير فيج شي واذا تحسين نفسيتج تعبانه سيري اكلي لان اهم شي النفسيه

بس انا دوم اقول لعمري كيكة الجوكلت مال ابلا اللي في مطار دبي ما بطير ولا بتغادر كوكب الارض
لان هذي الكيكه الوحيده اللى اتعب نفسيا اذا شفتها ... لازم اخذ منها ولو انتيفه:fa46:

[شمعة أمل]

لوووووووووول

لالالالا بيود يووعيييي .. وراي سفره عقب شهر واعرف عمري مابخلي شي .. باكل كل شي خخخخخخخخخخخ

[فركوشه]

فديتني انا ما عندي شي اسمه ريجيم..

فالاجازات.. يستوي وزني 49..

اما فايام الدراسه.. 45..

وبالنسبه حق تنظيف الجسم.. انا يبالي غسيل كااااااااااااااامل حق جسمي كله.. وحتى اذا غسلوه لمدة

سنه كاملة ما بيتنظف..

[شمعة أمل]

خيبه p=

[جيز كيك سنيكرز]

فركوشه....ارحمي معدج واشربي حلول

[حلم الطفوله]

سؤال مهم جدا .؟؟؟

ليش الانسان إذا حط فكرة تخفيف الأكل .... ياكل أكثر من أول !

[قرموشة]

سؤال في محـله !
لييش !

[شوق القلوب]

انا من كتبت في هالموضوع... صرت آكــــــل اضعاااااف..!!!

:k_sadwalk:

[شمعة أمل]

لانه الله يسلمج
مخج يقولج
اويييه بيووعووونج ف ترسي بطنج قبل لاتسويين هالشي وكلي كلشييييييييييييييي:icecream:
وبعدين
قلبج يقولج
آآه ياربييي محلااااة الأكل .. عادي عادي بسوي رجيم باجر .. خلوني استسمتع في اكلي:ohboy:
بعدين
مع مرور الأيام
تطلعلج كرشه:h_waa:
والمشكله
عودتي نفسج تاكلين وايد وماترومين توقفين:icecream:



كل شي يبدا بالمخ والعقل .. لو تعرفين كيف تسيطرين عليه .. بترومين تسيطرين على اي شي:icecream:





انا سويت الدي توكس واليوم اخر يوم:m_9afgah: بس غشيت وكلت دياي:11:

[ذنـيـنـي]

صدق والله

انا كان وزني 87 و من يوم بديت الرجيم استوى 92 لييييييش !!

و الوزن المستهدف هو بين 75 الى 80 :ohboy:
خخخخخخخ :10:


شمعة امل, بلا دي توكس و بلا بطيخ و خربطان

عليج بالحلول، تراه صدق ينظف الجسم من السموم و الاوصاخ و بقايا الاكل اشربي منه كل اسبوعين مره و صدق بتحسين بعمرج fresh :tounge:

[جيز كيك سنيكرز]

شمعة أمل ...الله يبعدا عن الكرش ان شاء الله... كله ولا الكرشه ....

ذنـيـنـي ......كل اسبوعين حلول شو ناوي تنتحر احيد كل ثلاث شهور او اكثر لان ياثر على المعده

السموحه ^_^

[شمعة أمل]

تدرون انه ولا مره في حياتي شربت حلول =s
ومستحيل اشرب
يقولون طعمه اععععععع >_<

[طير الحب]

ذنيني...ما تفكر تسير عند نيوترشين هذا مضمون ينزل لك الوزن والله شفت وحده من الاهل انصدمت...ومادامك صغير ...لأنه كل ما تكبر في صعوبة انه الجسم يتقبل الريجيم

[ذنـيـنـي]

طير الحب

بدون ما اسيرله اقدر اضعف,, خاصة انه جسمي من النوع الي بسرعه يخف
انا مشكلتي اني هيييز

و ما عندي اعتدال في الاكل,, يا اجتل عمري من اليوع ولا أني آكل وايد

ما عندي حل وسط



تصدقين,, على ايام الاولومبياد الخاص وزني نقص كيلوين بسبب الحركه الدائمه
و لأني ما اكل في غير وقت الاكل

يعني آكل 3 وجبات بدون اطعمه اضافيه من بينهم
و ما ايلس يلسة الهيازة مال البيت

لو استمر على هذا النمط من الحياة بينقص وزني و بوصل للوزن المثالي بدون ما ايوع و بدون ادوية
خلال اقل من شهرين


المشكلة انه البيت فيه وايد مغريات
و الاكل دوم محطوط على الطاولة, و ما اقدر اطوف بدون ما امد ايدي لول

[طير الحب]

هههههههههههه هاي مشكله بيوتنا...كله اكل زين ...اسميني في الويك اند آكل كل مالذ وطاب...شوف بعطيك عبود شهر وبتضعف أسأل مجرب...عاد هده بس في البر...ههههههههههه

بس نصيحه لا تاخر سالفه خفض الوزن ما دامك صغير

ناصر عقب ما تاكل أي اكله دسمه اشرب كأس ماي في ملعقه خل تفاح وايد زين

[قصايد غلا]

الــ90 شي فظيــــع ===> بالنسبه للإناث

لكن واحد من أهلي وزنه في الــ90 وشكله عاااااااادي لأنه طويــل وعريض بس مب ضخم يعني شكل جسمه مليان بس :)


طيـــر صح كلامج ، أمسات شفت وحده كانت وايد متينه لكن أحينه ماشا الله ضعفت وااااااايـــد
قالت إنها كل يوم تشرب ماي دافي وفيه 3 خواشيق خل التفاح على الريـــج
وطبعا هي تداوم والحركه تفيدها بعــد :fa35: ...

[ذنـيـنـي]

و جان اتصل بدكان عبدالسلام و اقوله " جيب واحد خل توفاح " بيت بابا موهامد

انا انزين مب اني متين

بس مليان مثل ما يقولون خخخخ
الوزن الزايد عندي في حدود 10 كيلو و ان شاء الله بنزلها

[شمعة أمل]

انته ريال تروم تتحرك وتطلع بدون ما حد يقولك شي .. استغل هالشي ..
مثلا
لو بتسير مول ولا مكان وقف بعيييد عن الباب .. عشان تمشي أكثر

هالأشيا البسيطه بتفديك

[الدلووووعة]

خخخخخخخخخخخخخخ

تعرفين انا واربيعتيه من خلص رمضان ونحن نقول بنسوي رجيم رجيم

هب رجيم رجيم بس انه نخفف من الاكل

انا الحمدالله مازت فرمضان بس نقصت ^_^

بس بعد ابا انزل وزني جي ابا انزله ^_^

هي سوت رجيم بس طبعا اكله بس خضرا وفواكه

وبنشوف بعد سبوع كم بتنقص ^_^

لنه اللي مجربين قالو في اسبوع نقصو 4
طبعا من دون ماتاكلون موز وهمبا

وعادي تشربون عصير فرش غير عصير الموز وعصير همبا ^_^


وبعد سبوع بنشوف النتيجة

[شمعة أمل]

بالتوفييييق
بس معقووله 4 في اسبووع؟ ماشاءالله انا ابااا xD

[فنجان قهوة]

هههههههههه
و الله الاختراعات وايد
بس ها وين احصله