حــالة حــب

[المزوحي]

هل الحب له زمان مكان وقت ...

من صغري يوم أحب .. أحب لكن نهاية القصة أكتشف إني وايد عطيت وبدون قياس

ويوم كبرت استمر في الحب لكن لشخص ثاني وثالث وهذا مب لعب مني ولكن يوم أحب انسان

اغليه .. لكن اندفاعي بشعوري اتجاه الطرف الثاني غلط في غلط ..

مع إني يوم احب في السنوات الاخيره ما ابين مشاعري .. عسب ما اندم على البوح ..

يلست مع نفسي وفكرت .. قلت استاهل اللي إييني لأني أحب دون قياس دون عقل وهل حد يحب بعقل

والحب مصدره القلب .. :look:

بس في نهاية التفكير فعلا .. حبيت نفسي .. لاني يوم احب شخص اخلص له .. وعرفت إني حتى لو

حبيت الثاني والثالث بعد بكون وفي ... لأنه من حقي أحب .. مابوعد عمري أحب واحد وهو متجاهل

مشاعري .. :fa43: بحب بعده وبعد هذاك وهذا ..

[شمعة أمل]

love has no boundaries:fa41:


تدري

في ثلاث أشيا تخلي الشخص يستمر في هالحياه \ عالم
1- الدين
2- الحب
3- الأمل

:fa35:


خل قلبك كبيـــر .. أكيد بتتألم .. لكن بتتعلم.. مافي حد مايستاهل ينحب في هالدنيا .. share the love:k_harhar1:


(اذا شوي خرف ولا استعبطت .. سامحونيي عااد فييه رقاد)

[أمواج]

مافي حد مايستاهل ينحب في هالدنيا

I agree with u

[مهيريه]

الحب ما له حدود ولا تقدر تختار من تحب لانه صعب اتحكم عقلك في قلبك.
الحب هو الاساس في الدنيا لو الناس تتفكر شوى جان حسو انه الحب هو الي يحركهم بدون ما يحسون لانه لو ما لهم رغبه او حب في عمل اي شي جان ما سوه.
في نظري انه الشخص لازم يحب بلا حدود لو حتي هذا الحب ينصب في الشخص الغلط في بعض الاحيان في هاي الحاله نبتعد بدون ندم ونتمي لهذا الشخص انه يحصل سعادته مع شخص ثاني ومحد يدري شو مكتوبله اكيد في يوم من الايام بيلاقي الشخص الي فعلا يستاهل هذا الحب ويقدره ويعطيه من حنانه بالمثل بدون ما يطلب.
لا يأس مع الحب و الحياه.
شكرا على الموضوع الرائع

[نجمة دبي]

يوم كنت صغيره .. كنت اقول ان الحب مب كل شي .. وان عادي الحياه تستمر بدونه ..
لكن يوم كبرت .. كان شي في بالي
وهو
(( فاقد الشي يعطيه ))

اكتشفت ان الحب شي مهم .. وانه ممكن يحل اغلبية مشاكلنا .. وننظر للامور من زاويه ورديه
عطيت من حبي .. وبظل اعطي .. حتى لو كان من طرف واحد

لان الحب في نظري .. يحول القلب الاسود القاسي الى قلب احمر وخفيف

اغلبية الناس ما تحب كلمة الحب لانها مرت بتجارب قاسيه ومؤلمه .. لكن في داخلهم .. بيظل الحب شي جدا رااااائع ..

الصراحه .. مهما تلكمت عن الحب .. ما بقدر اوفي في وصفه

حمممم


نجـــــــ دبي ـــــــمة

[المزوحي]

شمعة أمل .. يابوج سيري رقدي وباجر ردي على موضوعي .. ترى اتكلم عن الحب :k_harhar1:

[المزوحي]

امواج .. لالا عااااد .. أبغي رايج روحج .. لاتشاركين حد رايه :a0360:

مرات نقول مافي حد يستاهل .. ومرات يوم تحبين تحسين الدنيا بكبرها حلوه .. :fa56:

[المزوحي]

مهيريه ...

يمكن في غموض في كلامي او بالاحرى تناقض .. كيف أحب واعطي دون قياس واحب غير هالشخص

لانه هذا انا .. ويوم حبيت الاول .. ما اهتم بحبي له أو البعض ما يحافظ عليه

لأنه كل تفكيره .. إني بركض وراه وحاط في باله خلااااص بحصله أي وقت ..

[الجنيه]

الحب هو أعظم عاطفه يملكها الانسان ,, قد تنصب أحيانا في غير محلها أو لمن لا يستحقها لكنها تظل العاطفه العظيمه التي تسير كثيراً من البشر ,, ليس عيبا أن نحب وبالأخص ان نخلص لمن نحب العيب ان نحب وننجرح ونستمر في هذا العطاء ( هذي فلسفتي في الحياه )

[المزوحي]

نجمة دبي

يمكن لكل منا فكرة .. راي عن الحب

وحالتي انا غير مع الحب ... شعوري غير .. وهذا اللي خلاني افضفض ..

[المزوحي]

الجنيه .. عــيبتني فـلسفـتج

ولو لاحظتي فلسفتج .. هي اللي تخليني ابحث عن الحب الثاني .. لانه انا ما بستمر احب نفس الشخص

ويمكن غــيري .. يفكر مايحب مره ثانيه .. دام إنه انصد في الأول ..

[مهيريه]

المزوحي
انته اتحب الحب نفسه اكثر من الشخص الي تحبه. ولو حبيت الشخص بليا قياس ودرته وحبيته شخص ثاني لانك مالقيت الحب الي تتمناه فيه على الرغم من حبك له وبتم تتنقل لين ما تحصل الحب المثالي الي انته مؤمن فيه

[المزوحي]

مهيريه

ممكن شخص يقولج انا لو احب مب لازم انتظر الرد .. العطاء من الطرف الثاني .. المهم انا احبه

عني انا ما احب اللي يحبني .. لكن يوم احب ... ابغي هالشخص يحبني ...

[الجنيه]

مهيريه

حلو انه الانسان يحب باخلاص وبليا قياس لكن يوم هالكم الهايل من الحب يقابل بـ التجاهل واللا مبالاه هني تعوفه النفس ويمكن هالحب كله يتحول لكتله متبلده من المشاعر وتضر الشخص اكثر من انها تنفعه فـ بهاي الحاله يوجه هالحب للشخص الثاني يمكن يلاقي التجاوب الي يباه ,,

انا ما أأيد انه الواحد ينتقل من حب لآخر لين يلاقي الي يبيه قلبه بس انا مش ضد انه الواحد يدور ع راحته ومن حقه يحب وينحب منو ما كان *_*

المزوحي ... برأي لازم اتركز ع الاختيار من البدايه وما تختار الا الي صدق تحسبه بيبادلك الشعور

[مهيريه]

المزوحي
كيف ما تحب اللي يحبك؟؟!!
في حالات كثيره يكون الحب من طرف واحد وهاي اصعب الحالات وصدقني لو حتي حبيت بدون حدود بتم تتري هذا الشخص انه يحبك ويبادلك نفس المشاعر لانك تحبه لو ما بادلك بنفس الشعور ما بترهه بتم تحبه بس ما راح تستمر معاه صعب

[المزوحي]

مهيريه

حلو انه الانسان يحب باخلاص وبليا قياس لكن يوم هالكم الهايل من الحب يقابل بـ التجاهل واللا مبالاه هني تعوفه النفس ويمكن هالحب كله يتحول لكتله متبلده من المشاعر وتضر الشخص اكثر من انها تنفعه فـ بهاي الحاله يوجه هالحب للشخص الثاني يمكن يلاقي التجاوب الي يباه ,,


فــهمتني :fa42:

[دانة حتا]

الحب مهم في حياة كل واحد فينا

وكل ما انحب وحتى لو تاذينا من هالحب
بعد نعيد الكره وانرد انحب مره ثانيه
ولازم نتحمل العواقب
واللي قلبه كبير يحب واحد واثنين وثلاثه بس
حب عن حب يفرق

[المزوحي]

دانة حتا

أنا انتقد من اللي يحبون مليون

بس اعرف حبي انا كيف

مب حلال عليّه حرام عليهم ...

لكن كيف المشاعر تكون صادقة .. وإذا في شخص شراتي .. بقول هارد لك ..

[أمواج]

امواج .. لالا عااااد .. أبغي رايج روحج .. لاتشاركين حد رايه :a0360:
مرات نقول مافي حد يستاهل .. ومرات يوم تحبين تحسين الدنيا بكبرها حلوه .. :fa56:
مب شــرط اذا حبيــت اشـوف الدنيــا حلــوه
في نــاس اذا حبيــتهم يسودوون الدنيا فـ عيونك بفعايلهم
وتكتشــف فالاخــير إنهم مايستــاهلوون لو ربع ذره حب وإهتمــام
. . .

[شمعة أمل]

انزيــــــــن
والشو الغلط في ردي p= كان وايد حلوو D=

وشو الغلط يعني اذا حبييت؟ كلحد يحب .. انا احب ابويه وامي وخواتي والعايله الكريمه كلها والبشاكير وربيعاتي D= قلبي عوود p=

خل قلبك كبيير .. الحياه حلوه xD

[مزن هتان]

أنا وحده من اللي ما يحبون كلمة
الحب

[المزوحي]

أمواج ممكن .. جيه .. ليش لا ..

[المزوحي]

شمعة أمل ... ماقلتي شي غلط ولج حرية الكلام ... وحاضرين بخلي قلبي عوووووووووووووووود

[المزوحي]

مزن هتان .. احترم رايج

[قصايد غلا]

الحــــب أحلى شي في هالوجود ، محد يقدر يعيش في الدنيــا بدون الحب

لولا الحب ما عشنا وكل واحد ما بيداني الثاني بس المفروض إن الإنسان ما يفرط في حبّه للي حوله (بإستثناء الأهل لأنه أهلنا حبنا لهم مانقدر نتحكّم به على هوانــا) لكن الغرب هم اللي لازم نتحكم بحبنا لهم لأنه مب كل حد يقدّر معنى الحب

بس في هالزمن ظهرت أنواع مختلفه من الحب لازم نحذرها : الحب المصطنع وحب المصــالح وغيـــرهم وايد .....إلخ
عشان جذه مب أي إنسان نقدر نسلّمه قلبنــا ومشاعرنــا بثقه عميـا وبدون حذر


ومب عيب إن الإنسان يجرّب حظه بالحب مرة ومرتيــن و زود ، لكن العيــب يوم عندك ناس ما تقدّر الحب و لا تحترم مشاعرك وحبّتك لأجل مظهرك أو شي من هذا القبيل وما تحبّك لذاتك

وأكبــر عيب يوم إن الإنسان يلعب بمشاعر غيره ويوم يمل من اللي يلعب عليه قال : ما نفنع لبعض

أحس إني تفلسفت والسموحه منك يالمزوحي إذا ما فهمت قصدك :fa46: ...

[المزوحي]

مرحبا بج قصايد غلا ...

اشكرج على الطرح ..

بس اتمنى تفهمين كلامي عن حالة حب ...

محد يقدر حبي ... عسب جيه الواحد يحط لكل شي حد

[سفير الخيال]

عزيزي المزوحي

صحيح إن الحب شي كبير وجميل ولكن إذا ما قدرت تسيطر عليه نتايجه بتكون إنك إنته بنفسك دمرت حبك وطموحك وحبك غيرك لك..

حلو الواحد يحب كل أحد لكن لازم واحد منهم بس اتركز عليه أما الباقي فلا تظلمهم أكثر وأنا أعني بكلامي الحب بين الرجل والمراه.

خذها مني عزيزي قبل لا تخسر كل أحد حتى نفسك..

المعذره!!

[المزوحي]

أشكرك على المداخله الحلوة سفير الخيال

وفهمت كلامك ...

وحاضرين يالطيب