حد عنده مقال الخاجه ؟

[عيون الليل]

السلام عليكم. . .

أخواني وأخواتي . . . من العنوان عرفتوا شو الموضوع . .

عاد بتحديد أكثر . . . بغيت المقال أو العمود الخاص بعارف الخاجه الي كتب فيه عن مشروع فتح جمعية حق الزواج وعن تشجيعه للزواج من اللبنانيات ! ! !

عرفتوا المقال ؟ المقال الي شال الدنيا كلها عليه . . . بسبب تحريضه للشباب على الزواج من لبنانيات . . . ونحن العنوسه ضاربه عندنا أعلى المستويات ! ! !

للاسف ما قريت المقال ولكن سمعت عنه . . والي عنده هذا المقال لا يبخل علينا . . .

لاني بالفعل ناويه أوجه له رسالة استفهام واستغراب عن سبب هذا المقال ولكن بعد ما أقراه بنفسي وبعيداً عن كلام الناس الي ما اعرف مدى صحته . .

لذلك أتمنى الي عنده المقال يعرض هنيه . . . وشكراً له مقدماً

والسموحه

[أمواج]

.
.
عليــكم الســلام والرحمــه
امممم تعرفين انا من النووع اللي ايود مقالات عارف الخاجه
بس مادري شو اللي خلاني ما ايود مقاله مال الزواااج
بس لو تشترين مجله اسبووع اللي طااف مال زهره الخليج
بتلقين المقال أكييييد
.
وانا بدور عن حد من ربيعاتي اذا شاري هالمجله وبكتب لج المقاال
بس إنتي بعد دوري
.
.

[سفير الخيال]

هذا هو المقال

http://www.geocities.com/abdullahbensaif/aref.jpg

[عيون الليل]

مـاشالله مــاشالله . . .

أولا شكراً سفرفر على المقال . . . ما قصرت

ثانياً اكثر شي قهرني أونه تعديل النسل ! ماعتقد أنه نحن خسفين لهالدرجه ولا أعتقد أنه كل الشعب اللبناني جميـل . . ولله الحمد جمالنا رباني لكن جمالهم مصطنع وبعد فتره بتظهر على حقيقتها ! والجمال الخليجي معروف والحمدلله

طيب الاخ عارف الخاجه ليش ما يبدأ بنفسه ويراوينا شطارته ويتزوج عن طريق هالجمعيه . . . نبا أنشوف النتيجه عليه أولاً . . . ولا هو شغال يزوج الرياييل بـ ... طريقته الخاصه ...

وقبل ما يقدمون شبابنا لهذه الخطوه المزعجه أذكرهم أولاً أنه معدل العنوسه في الدولة ماشالله حدث ولا حرج. . ونسبة الطلاق ! ! تقترب إلى النصف 46% . . . وما اعتقد أنه لبنانيه بتعدل النسل . . ففي المقابل أبناءنا بيكونون بلا قيم وبلا عادات وبلا تقاليد . .
وكلامي ليس من فراغ . . فأنا أعرف الكثير من البنات الـي أمهاتهم لبنانيات . . لكن شو مستوى هالبنات لا تسألوني ! ! ! . . ويبقـــــى المجتمع الإماراتي والخليـجي غيـــر يا جماعة . . له مميزاته الخاصه بالفعل

أخواني وأخواتي أتمنى منكم قراءة المقال . . والتمعن فيـــه . . وعطوني رآيكم بصراحه وصدق . .

والموضوع اليوم طرح في إذاعة عجمان . . برنامج بو راشد . .

[عيون الليل]

أمواج . . .

خلاص مشكوره الغاليـه . . . ما قصر أخونا سفير الخيـال

وضع لنا المقال . . وفي إنتظار آراءكم

[أمواج]

.
.
امممم انا خذت هالمقــال شرات النكــته
يعني عاادي
:icecream:
.
وبعدين لو تلاحظين فـ أخر المقــال
قال المواطن البــطل يعني يستهزأ
لووول
لاحد يعلق على مقالاااته لاني اشووف مافيهن شي
:glare:
.
.

[طير الحب]

انا سبق وقريته...وجدا مستغربه من وجهة نظره...اعتقد انه يمزح ولا يبا ضجة اعلامية...وهذا الي صاير اليوم مع بوراشد اتصلت وحده وحطت عليه

[شوق القلوب]

السلام عليــكم..



غريـــــــب..! يعني اذا هو يكتب بدافع السخريه .. جان اتمصخر و علّــق ، مب يالس يسوي دعايه اتخلي اللي باجله ( دقه وحده ) يتشجع صدق و يدور عن هالجمعيه..

والمشكله انه كاتب منو اللي اتشجع وياه و عيبته الفكره ..!! رياضي سابق و مدير بنك..!! شو هالكلام..؟؟

. . .

[أمواج]

.
.
:a036:
يــ نـاس
الخــاجه مايقصــد
:fa46:
مجرد مقال كتبه وكان يسولف بــس
:argue:
.
.
وبعدين الواحد اللي يبا يعرس مابيرده أي شي
:glare:
.
.

[طير الحب]

أمواج...لا الواحد يحاسب على الكلام الي يتفوه فيه....وخصوصا اذا كان كاتب وله قراء...يتق الله في ما يكتب...ومثل ما قالت شوق كلامه يشجع الي فعلا حاط بباله يتزوج...عاى زوجته وهو يدليه المكان يعني كان حلقه وصل .

[المزوحي]

هالمقال قريته من أيام في الدوام .. لانه مطرشينه لنا بالبريد الكتروني ...

واليوم حاطين في الإذاعة ( برنامج بن خصيف ) حريم محتشرات على الكلام ..

يمكن من زمان محد قراله ولا عبر الأخ وهو حب يسوي زوبعه ..

ويمكن بهالطريقة يخلي بعض الشباب اللي مب ناووين على الوافدات .. إلا يتزوجون لبنانيات ..

[أمواج]

كلامه يشجع الي فعلا حاط بباله يتزوج....
.
.
بروحج قلتي
حاط بباله يتزوج
:whistling:
يعني الفكــره موجووده
:glare:
وارد واقول اللي يبغي يتزوج بيتزوج لو ماقرا هالمقــال
:icecream:
.
.

[لمّــاح]

السـلام عليكم ..

انا اعرف الاخ عارف الخاجة و اعرف الاسباب الي دفعته لكتابة هذا المقال ..:14:

لكن، لكل انسان وجهة نضره الخاصة و هو حر في اختيار شريكة حياته و ابداء رايه لعامة الناس و لعامة الناس الحق في تأييده او عدم تأييده .. و المقال هذا جديـم على فكرة !

وبخصوص العنوسة اتمنى ان السبب ماينعق 100% على الشاب، الاسباب يشتركون فيها الشباب - البنات - الاهل ..
لي عودة ، ربما ..

[أمواج]

يمكن من زمان محد قراله ولا عبر الأخ وهو حب يسوي زوبعه ..


تصدق يالمزوحي
انا اشتري زهرة الخليج بس عشان مقالاته

[أمواج]

.
.
لمــّــاح
ينصــر ديــنك
:a036:
.
.

[طير الحب]

بعدني مصرة انه كاتب بمستوه ا ما كان لازم يكتب هالكلام

[أمواج]

بعدني مصرة انه كاتب بمستوه ا ما كان لازم يكتب هالكلام

انا ويــاج فهالشــي
بس ماتعرفين هو ماكتب هالمقـال إلا لــ غرض فـي نفسه
.
.

[تنينه]

لـي عـوده إن شـاء الله ^_^".

[أمواج]

لـي عـوده إن شـاء الله ^_^".


نتريا عودتج عن عن
:icecream:
:icecream:

[المزوحي]

اللي اعرفه مطلق حرمته ... آسف إذا اتدخلت في خصوصياته .. شي راجع له ..

بس اقول يمكن يكون سبب من الاسباب اللي دفعه يكتب هالكلام

[فركوشه]

شو هالخربطيشن..

الحين الحرمه الخليجيه كابوووووووووووووووووووووو وووس..؟

اكييييييييييييييييييد يتمصخر او شي من هذا القبيل..

[صدى جوفي]

عسل وقشطـة ............... :k_icon28:

تقولون يوصف جنـة الدنيا :fa44:

يمكـن بـ نظره اللبنـانيـات من أجمل وأرق و......الخ نساء الكون بس لا يقـارنهـا بـ بنت البلاد وكـأنهـا فالجانب الآخر من المقارنـة :fa32:

ومـا أتوقع أن شباب البلاد بيـاخذون بـ مقالـة أو دعايـة فـ مجلـة :14: :a052:

[قرموشة]

مـاأشـووف في المـقـاال شي منـافي للأخـلاق أو حـراام !
واعتقد انـه هـاي حريـه شخـصيــه ولـه كـامـل الحريـه انـه يكتب اللي يبــاااه بس بشررط انـه
ما يخـالف الديـن أو ييب شي غير أخـلاااقي ..
مممم لو تلاحـظوون .. المــقال فيـه نـوع مـن الاستهـزاااء .. وأكـيد الغررض مـن كتابته لهـ الموضوع غرض في نـفسـه .. :thumbup1:

:

so لا تـلوومـونه وحـليلـه لوول:fa46:

[عيون الليل]

مشكورين على ردودكم وآراءكم . . .

والظــاهر مثل ما قلتوا يبـــا يسوي زوبعــه أو " أكشـــن " شوي . . .

غريب ! ! ! !

[قصايد غلا]

يمكن زايــغ ومتعقّد من النسل اللي من جداه (يمكن كل واحد أخسف عن الثاني في نظره)

الله لا يبلينــا بناس ناقصين عقول :surrender: ،

وحده أسمها أم سعيــد اتصلت في بن خصيف ورمست عن الخاجه والريال الثاني اللي يدافع عنه وحطّت عليهم

لوووووول ويوم شفنا حرمة بو راشد جان نثير الموضوع وهي ويانا حطّت عليهم :a033:

على ما أعتقد إنه الخاجه يتحرّّا عمره العالم مندل وبيا يلعب بالوراثه على هواه :a068: ...

[ذنـيـنـي]

عيبتني ردودكم "المشتطـّه" :a033:

=======
المتفيزره عالعرقووب انتي نمبر ون :a034:

[سبيجة]

السلام عليكم


ردة فعل الحريم بالنسبه لهالمقال هو الشيء الأكيد اللي كان حاطنه في باله يوم كتب هالمقال بالذات .. :a034: لأنه متأكد مافي مواطنه بترضى بهالشيء .. :a068: في نفس الوقت ولو كان أكثر ذكاء - مع احترامي- لو حط اسم الجمعيه بدون تحديد المكان (لبنان) كان ممكن يتجنب الكثير من الجانب الحانق عليه في هالفتره ...

مب لأنه اللبنانيه فيها وفيها ... بس لأنه بنت البلاد هالأيام تسوي أكثر عن اللبنانية ... من عدسات وصبغ وعمليات ..وبوتكس وليزر .. وكولاجين... وجينز .. وبكيني ... كل شيء وأكثر ... بس في النهايه ...أول شخص ما يحترمها ...هو ولد البلاد :m_afaker: سبحان الله ... تراها تسوي شرات اللي ترابع وراها ... واللي أول ما تشوفها يسيل لعابك ... والحين ترمس عليها وهيه من لحمك ودمك ..!! :Oo: ترى حلاة الثوب رقعته منه وفيه


بصراحه المقال أثار الشفقه في نفسي على العقلية والتفكير واللي وصلنالها ... بانه نكتب في مجلاتنا عن جمال ومحاسن غيرنا ..... وصلنا لدرجة كبيره من التفاهه ...بأنه موضوع مثل هذا يخلينا نعصب ونتكلم عنه في الإذاعات والبرامج اللي عالجت أهم قضايا الوطن ...وحلت الكثير من المشكلات اللي نعاني منها في البلاد ... ومشاكل مواطنين ... يعانون من أزمات ... استوت تناقش ليش فلان كتب جيه وليش هالدعايه ....

كلمه لبنت البلاد .....

خليج واثقه من نفسج ومن قدراتج ..وامكانياتج ... ولا عليج من كلامهم ...لأنه في النهايه بيرد لج انتي .. اللي يثق في اخلاقج وتربيتج وحبج لوطنج وولائج لعاداتج .... :thumbup1:

مجرد رأي لا أكثر :14:

السموحه

[أمواج]

.
.
عارف الخــاجه منزل مقــال هالاسبـوع
عن تعدد الزوجاات (2)
والموضووع فيـه اكشــن
أنصحــكم تقروونه
وبليــز مانبا حش فالكـاتب
:fa32:
.
.

[طير الحب]

السلام عليكم

كلمه لبنت البلاد .....

خليج واثقه من نفسج ومن قدراتج ..وامكانياتج ... ولا عليج من كلامهم ...لأنه في النهايه بيرد لج انتي .. اللي يثق في اخلاقج وتربيتج وحبج لوطنج وولائج لعاداتج .... :thumbup1:

مجرد رأي لا أكثر :14:

السموحه



سبووووج انتي:thumbup1:

بنت البلاد تسوي أكثر من الي تسويه اللبناية جدام خلق الله بس الفرق بينهم انه بنت البلاد تسوي كل هذا في مملكتها الخاصه.



أمواج...قريت المقال :glare: وانا معاه وضده وانتهينا:Oo:

[صدى جوفي]

ما عليكم أمر .. حطوه لنا

[عيون الليل]

نبــــا المقــــال . . .

ممكن؟

سفير وينك اتحط لنا المقال لـوول

[سفير الخيال]

عيون :a058:

بوزع جراااايد على الدوار أحسن لي :bash:



خلاص باجر إذا شفته بحطيييه :glare:




العفو :yes:

[أمواج]

.
.
إشتــروا المجــله و إقــروا المقــال
.
:fa46:
.

[العجيبة]

بصراحه المقال أثار الشفقه في نفسي على العقلية والتفكير واللي وصلنالها ... بانه نكتب في مجلاتنا عن جمال ومحاسن غيرنا ..... وصلنا لدرجة كبيره من التفاهه ...بأنه موضوع مثل هذا يخلينا نعصب ونتكلم عنه في الإذاعات والبرامج اللي عالجت أهم قضايا الوطن ...وحلت الكثير من المشكلات اللي نعاني منها في البلاد ... ومشاكل مواطنين ... يعانون من أزمات ... استوت تناقش ليش فلان كتب جيه وليش هالدعايه ....


وأمس أو قبله أظني واحد متصل على بوعمر من صباح الله خير عشان يقوله " ليش معلق دبي الرياضية ما كان يقول عن نتيجة النصر والامارات " هههه مثل هالناس ما ادري الصراحة وين داسين أو منو سارق تفكيـرهم .. لهالدرجة عــااااد !!


عايبنـي الموضوع .. وياريت لو تنحط مقالات عارف الخاجه دايمـا .. أسلوبه يعجبني ..