,,,لا تهان ,, في ،، يوم الامتحان,,,,

[الشوق]

السلام عليكم ورحمة الله وبركاته ..
عدت اليكم من جديد .:a108: . لنعطي املا لواحتنا الجميله !!! افتقدت هذا القسم من فترة احس .. اني من زمان ما كتبت موضوع عنه ..
وبما ان اغلب الاعضاء حاليا في فترة امتحانات .. فموضوعنا هالمره يتعلق اب هالشي ..
كيف تستعد للمذاكره .. كل انسان وله طريقته الخاصه في المذاكره . لكنشو هي الطريقه .. :a108: ..
خلونا انشوف مشاركاتكم ونكتشف هالشي .. لكن قبل كل شي راح اخبركم اب طريقتي المثلي في المذاكره:a042:
.
.
الله يســـــــــلمكم ...
كنت من المتابعين الجيدين في الصف ..:5: يعني ..
احب اكتب عناوين على الكتاب .. احط خطـــــوط تحت الاشياء المهمه .. الون الكلمات .. علشان يكون لي نفس يوم اذاكر ... فهذا كان يسهل علي عمليه الحفظ .. لكن حزة الامتحانات بقولكم شو كنت اسوي
.
.
-ارجع من المدرسه .. ارقد لين قريب المغرب .:sleepy:
- افتح التلفزيون واعلي ع الصوت .(( كانوا الاهل يقولون .. انتي كيف اتذاكرين والتلفزيون مفتوح ))
-- ابدأ احل واجباتي . واخلصهم ..:vertag:
- احدد المنهج المدروس اقرا .. ورقه ورقه .. والدرس الصعب :a033: اطقعه للاخر .وابدا بمذاكرة الدروس السهلة ...
- انش الفجر .. :fa38: اقرا الدروس الصعبه ( يقولكم القرايه حزة الفجر .. مفيده تراها تثبت في المخ )
- واللي ما اعرفه طوااااااالي ,, :h_ttmasha: عند المدرسه ..
- اسأل البنات اللي في الصف الثاني اللي نفس الابله اتدرسنا .. شو الامتحان اللي عطتهم وشو من اسئله .. ترى عاد اتحصلون نفس الابله تعطي البنات نفس الامتحان .. فانحصله جاهز .. وانييب علامه +
.
.
.
وفي النهايه .. عاد
عند الامتحــــــــــــــان يكــــرم المــــرء او يهـــــــــــــــان ...
.
.
-فانتوا كيف تدرسون للامتحان ..
-شو هي الطرق اللي تتبعونها في وقت دراستكم ..
.
..
ولا تنسون ترى حقوق الطبع محفوظه عند الشــــوق فقط في واحات بن دبي
:fa35: :fa35:
7-11-2006
في انتظار مشاركاتكم
:fa37: :fa37:

[تنينه]

السلام عليكم ,,

اشتقنا لتـواجدج اهـنه ومواضيعج الحلوووه :woot:

بالنـسبه لـي يوم كنت أياام المدرسه وبالأخـص في الصف الثانـي والثالـث ثانـوي ,, كنت دووم يـوم أرد البيت أراجـع المواد اللي خذنـاها واتم أحـل المـسائل وأراجـعها والمعادلات الكيمائـيه والـخ ,, لأن المواد العلمـيه يبالها مـراجـعه أول بـأول ,, واليوم أللي قبل الامتحان أتـكون المذاكـره علي سـهله بس مجرد مـراجـعه للمسائل والمعادلات :yes: ,,

بـس الحـين ف الجـامعه :fa52: التـسويف مبهدلنـا :look: ,, بـس المواد الصعبه مـركزه فيهم عـدل وأحاول قدر الأمكان أرتـب مذاكـرتي وأخلصها قبل يوم الامتحان بيوم يعني ,, لأنـه المس اتقولنا موعـد الامتحان قبله بأسبـوع ,, والحمد الله ممـشين حالنا لول :6: ,,

وعـن نـشة الفـير صدق واايد مـفيده والعقل في هالفتره صدق يشتغل :fa51: على اياام رمـضان بعد السـحور اذا عندي أسامينت ولا امتحان أتـم واعيه واحله الين الساعه 7 ,, وفي فترة الثانـويه العامـه كنت أنـش الفير بعد ساعات :fa51: ,,



لا تـهـان عـند الامتـحان بمراجـعتك ومذاكرتـك المستمره يومياً :fa38: ,,


وتسلمين حبيـبتي ع الموضوع :woot: لا عدمناج يارب :laugh:

[دمعة شوق]

وعليـكم السـلام والرحمـه

يـاهـلا ومرحبـا السـاع بـ الشـوق
يالله أيام الامتحانات حلوه وذكريـات
بس تعـب
:confused:
؛
إنـزيـن بخبركم كيف انيه أدرس ؛
0 ارقـد ليـن الـمغــرب اذا كثرت لين العشاء ؛ عسب ادرس فليل أحب الدراسه فليل يكون هدوء الجو
o أول شـي أحب أخطط كتابـيه ماادانيه يكون فـاضي إمره أحب الونه
واكتب الشي المهم وأروحيـه أحط أسئلة للدرس اللي أقراه .
0 أسويـليـه كوبـيـن كبـار جاهـي كرك عسب أضـبـط المخيـخ
:birgits_giggle:
0 أنـثـر كـتـبــيه كلهـن فوق الشـبـريه وأزخ الكتاب اللي بدرسه ؛ النثـر يفـيـد التشـجيـع هيهيهي ؛ وان ورايه اكثر من كتاب ادرسـه ؛ وعادي أي حـد يـدش الحـجره يلقاها معفوسه فوق حـدر ويهزبونيـه بس ماعرف جـيه أحب الحجره تكون كذيه معفوسه وربشـه
:m_m7tar:
0 أكـتـب استـكـرات تشـجعـنـي يوم أشـوفـها مثـلا ً نسـبه في الـتسعيـن ؛ و علامة كاملـه
0 أدرس أول شـي الدروس الصعـبـه وعقب السـهـله
0 يمكن اتم مواصـله للصبـح بـس أرقدليه ساعه واذا كثـرت ساعتيـن وأرد أكمل دراستـيه
0 عقـب إذا تفيـجت وشي وقـت أييب نماذج امتحانات واحـل وأشوف عمريه اذا اوكيه أو لأ .
0 صـح نسـيت حايـه ؛ نكون أنا وربايـعـيـه مححدات الوقـت اللي بنبدا فيه وبنخلص فيـه
فـ اللي بتخلص أول شـي تتصـل بالربع كلهن وتخبرهن وكـذي بيستوي تنافس من بينا ونبا نخـلص .
:fa51:
؛؛
وكـذي وعباله وتعب بس نكافـح من أجـل طـلـب الـعــلم
الـشـوق
عيبنـي موضوعـك كتيـر كتيـر
مشكوره علني فدا روحج
وسمحيليه هذربت وايـد
ويامرحبــانـــي

[عفاريتووو]

السلام عليكم


شو هي طريقة دراستي ؟

يوم اللي يكون عندي دراسة او امتحان يوم ارد البيت ابدا اذاكر او في ايام الاجازات انش امبجر و اذاكر ..

ابدا بالدرسة امبجر عشان اخلص امبجر
و انا من النوع اللي ما يقدر يذاكر بالليل ,, بالكثير لين الساعة 10 ,, و لا عقلي بروحه يقفل :fa48:

امم انزين .. كيف اذاكر ؟ .. ماعرف احفط :wacko: ,, لازم افهم كل شي ولا ما بذكره يوم الامتحان !!
اقرا كل فقرة و عقب اشرحها بالكلام و اتم اعيد النقاط المهمة فيه ,, عشان جي ماعرف اذاكر وحد يمي .. بحشرهم :vampire:


بس .. !! في شي غلط اسويه ,, اني ما اذاكر الا وقت الامتحان ,, خصوصا الحين في الجامعة ما عنا كويزات ,, فـ الدراسة صدق ناسيتها !! احاول احيانا اذاكر قبل بس مادري ماقدر :wacko:
و لو ذاكرت ما اخلص الا صفحة في اليوم !!

بس اكيد احسن دراسة يوم تذاكرون اول بأول

و بس ها كل شي عن دراستي ^_^
تسلمين الشوق ع الموضوع

[هزاايم]

السلام عليكم والرحمه

هزاايم المذااكره شي فضيع:bash:

كيف كنت ادرس؟؟

مدري.,,انا من النووع إلي يسرح يوم يذااكر:k_blush-anim-cl: "فاكر إلي نسيني وناسي إلي فاكرني",,يعني لازم يوم اذاكر اقعد حد حذالي ينبهني,,بس في الفيزيا والرياضيات كل شغل يدي فيكوون المذااكره سريعه و وناااسه,,عالثنويه رديت للأياام أوليه,,امايه كانت تقرى ليه وانا اسمع لأن صدق احس :fa48: ,,,بالإمتحاان شغلي يابنت الإبدااع وشوفي شغلج,,لكن كنت رااجع بعد كل درس والثاني عسب كذى احس هالشي ساعدني,,لولاه لكنت في خبر كان

بس مااحب انام قبل مااخلص:4: ترى بحلم بالسرعه اتأثر,,

بس ربي يساعدنا بالجاامعه كل شي يتغير

[الشوق]

تنيـــــــــــنه :)
واشتقنالج انتي اكثر يلا خلينا انشوف يديدج في الجامعات ..
تدرين تنون اكره شي عندي .. المواد الكيمائيه ...
بس الله يسهل امورج ويوفقج ان شاء الله ..
وبالنسبه للحياه الجامعيه .. فاستغلي الفرصه في هالجامعه لانها اتعلم اشياء كثيره في طريقة التدريس افتقديتها ايام الدراسه ..
تسلمين يالغلا ع الطرق الحلوه اللي عطيتينا اياها
ويعطيج العافيه
خويتج/ الشوق
:inlove: :inlove:

[الشوق]

عنود الريف :-
حياج يالغلا ومرحبابج .... في اي وقت .. وفي اي موضوع ..
تصدقين وايدين اعضاء ما يعرفون يشتغلون ... ولا يعرفون يدرسون الا اذ شربوا كوب شاي كرك ..
رغم اني مااحب الكرك وايد ..
تدرين العفسه .. هذي نوع من انواع الدعايا ...
نصهم يمثلون المذاكره على اهاليهم هيههي .
اونه عاده...
.
.
ذكرتوني ..
اني حق الحفظ للايات القرانيه .. كيف كنت احفظ ..
كنت احفظ الايه وفي الصلاه اقراها الايه .. وكل ما اقر جزء اكثر اكمل في كل صلاة اقراها ..
لاني ما كنت اعرف اقرا والتلفزيون عالي ..
.
.
تسلمين عزيزتي ..
الله يوفقج
خويتج/ الشوق
:inlove: :inlove:

[الشوق]

عفاريتو ..
- الطريقة المثلى للذاكره هو ان تفهم وتستوعب اللي ذاكرته في الفصل واذا ما فهمته اتروح البيت وتيلس ابروحك .. وتحفظ الدرس او تفهمه . واذا ما فهمته .. اتخبر المدرس في اليوم الثاني ان يفهمك في النقطه اللي اموتربج ..
.
.
ترى في الاعاده افااااده
شاكره لج ع هالتواجد الرائع
ودمتي يالغلا ..
زورينا كل يوم
خويتج/ الشوق

[الشوق]

هــــــــــــزايم ...
السرحان تراه يأثر في عملية الفهم .. .
وهاي اكبر مشكله اتأثر حتى على الحفظ نفسه
لانه لو سرحتي في وقت الفهم ما راح تفهمين .. ولو ما فهمتي .. راح تلقين صعوبه في االحفظ
لانج في النهايه راح تنسين الشي اللي حفظتيه ..
على العموم شاكره لج على هالتواجد المميز ..
ودومج مميزه .. وبالتوفيق ان شاء الله دراستج يارب
خويتج/ الشوق
:inlove: :inlove:

[الشوق]

وبما ان الحينه نحن فترة امتحانات
كل واحد يخبرنا اب تجاربه في وقت الامتحان
والله يوفق الجميع
.
.
.
لي عوده مع موضوع جديد لواحة الجامعات
تنوووونه نبي همتج ويانا في هالموضوع
الجديد
خويتج/ الشوق