سؤال صريح (للشباب فقط )

[همس الوفا]

السلام عليكم ورحمة الله

لو تقدمت لوحدة عندها جمال ومال وتحبها حب مب طبيعي
بس ستوالها حاادث وتعوقت بعد ما ماملجت عليها باسبوع . :k_wheelchair:
بتكمل معاها الدرب والا بتخليها ؟؟؟؟؟؟

[خيال الحب]

ليش ما اكمــل معاهـــا..

لو انااا ما وقفت وياهــا.. منو بيوقف وياها!

وبالبنت محتاجه للحنان والحـــب والاهتمـــام..

بالعكـــس بعطيهاا عيوني المركبااات..

[الامير الحزين]

تحية
انا اتخيل ان الحياة هي تضحيات بين الاحبة
و مهما كان القدر و ظروفه اتوقع على الانسان
انه لازم يتابع مع شريك حياته لاني اتخيل ان الشريك
رح يعمل نفس الشيء لو العكس حصل
لانها هذه هي الحياة الصحيحه لتجسيد الحب



الامير الحزين

[عافك الخاطر]

يُنقـل للواحة المفتوحة؛ كونها الأنسب ..

السموحة..

.

.

[ولد الشحوح]

الحب تضحية ... وبالعكس انا ما اجوف هني تضحية هذا حقها كحبيبة اني اكمل مسيرة حياتي معها ولو صار لي انا هالشي اتمنى ان حرمتي المستقبيلة هخهخه تكون معاي تشيل عني همومي

[الثعلب الرمادي]

بكمل معاها اكيد حتى لو ما بقى منها شي غير قلبها

[وحيد الدرب]

وعليكم السلام ورحمة وبركاته أختي همس الوفا
أنا بالنسبه لي بكمل معها الدرب لان الجمال هو جمال الروح مب جمال الشكل...

[شغل عبط]

:a070: مساكم الله بالخير :a070:

بصراحة أنا أشوف إنه يستمر معاها ولو كان اهو ما يبيها ما يتخلى عنها

بكل سهولة يعني أول ما عرف بموضوعها راح طلقها ؟؟؟؟؟؟

لا يكون بينهم فترة الملجة فترة تفاهم يتفاهم معاها ولو أهو حسسها

إنه ما يبيها راح يحطمها نفسيا وأكيد راح تعيش حياتها كلها هموم وحزن ؟؟؟

:argue: التفاهم اهو الأساس :a074:

[ولد الحكومة]

بكمل معاها لان هالشيء قدرة الله ، ونصيب.

وشكرا عالموضوع المميز :h_daleel:

[حصان طروادة]

بصراحة ،

أنا لا أبا اعرس ، ولا أفكر فيه

ما ورا العرس غير المصاريف والديون

فأحسن لي لا أتزوج ولا شيات

خخخخخخخخخخ بنسوي جمعية للعزاب

[الملهم]

القلب اهم ..
قلبي اختار قلبها وعشقها ..
ما يهمني حالتها .. ^__^

[شرجاوي]

حصان طرواده ... يعجبني تفكيرك

مب الشرط المال و الجمال عسب اكمل وياها ... دام الحب موجود اكيد بكمل

[بريد ألكتروني]

ماشالله ملاحظ اكثـر شباب الواحات رومانسيين ومواقفهم نبيلــه :)

[زمان أول]

مرحبا الساع

امممممممم لو انا كنت احبها اكيد بكمل وياها لاني اخترت قلبها بين كل البشر

والسموحه

[واحد من الشباب]

ماشالله ملاحظ اكثـر شباب الواحات رومانسيين ومواقفهم نبيلــه :)

لوووووووووووول ها رمسه بس حزتها بتروح الرومنسيه :icecream:

[تحفه]

يا مكثر ما نسمع عن الرياييل الي يعرسون وحريمهم بعدهم ماصار لهم ع وفاتهم كمن اسبوع

[مزايا]

صدقج يا بوظبي

[خيال الروح]

بما انه السؤال موجه للشباب
فماره اقرى درودهم

بوظبي
لاتعليق

:14:

[محقق كونان]

انا عني لا بطلقها
ترد بيت اهلها وتيلس فيه بدال ما اتعب انا و اتعبها معاي
وبعدين هي اصلا لازم يكون عندها شوي ذرة كرامه وتضحيه و تطلب اطلاق
عيل تبي تظلمني معاها ليش

لوول لا تخافون قالوها قبلكم اني نذل
وانا مش اني قاسي, بس من داخل هب متقبل الفكرة
واللهم لا شماته بس الانسان يميل لشئ الجميل والسهل
يعني انا باخذ وحدة تعتني فيه و الا انا اعتني فيها
وسوري عالاسلوب بس الانسان يكون بعد وشي واقعي