اعتذر

[المزوحي]

وايد ناس تصادفهم .. تحبهم بعد مدة من معرفتك لهم ... وأحيانا ممكن تصارحه ترى قبل كنت ما اطيقك
حتى من أيام كنا متيمعين مع شباب .. فواحد منه يخبرنا .. يقول فلان ( وفلان أصلا كان ويانا في اليمعه ) ماكنت استلطفه .. طبعا مب الكل بيقول هالعبارة ولكن هو يتكلم بعفوية .. ويضحكون إنهم مايطيقون بعض من ايام الدراسة ..

لكن يحصل العكس إنه شخص يستلطفك ويصير العكس :look:

بذكر لكم موقف على السريع

طبعا في دوامي ماعندنا صفر في المكتب .. إلا المسؤول .. على اساس لزوم الشغل يوم يتصل بالموظف الفلاني او العميل ...

مره طلبت من زميل العمل إني استخدم تليفون مكتبه لانه عنده صفر .. وقال تفضل
انا اتصلت بشخص استفسر منه حاجه .. كملت يمكن 18 ثانية
وعقب قلت له مشكور
قال تعال انته متصل صفر
قلت له نعم


قال ليش جيه سويت .. هو مالامني إنه محاسب من ناحية ( ممكن يحاسب من الله )
ولكن تم يلومني .. والحين مايكلمني من سنتين

هو بإمكانه يقول لاتتصل بطريقة وانا مب كل يوم اصلا اسير مكتبه واشل السماعه وادق سوالف
اول وآخر مره .. لكن انسان ياخذ منك موقف ... انا بني آدم وممكن اخطأ ..

وهالشي حصل في الواحات .. سؤال واحد .. خرب علاقتي ... بالعضو الفلاني والفلاني


بس مره سألت عضو في الواحات ... ورد بإنه مايقدر يجاوب لكن ماقطع العلاقة بالعكس بعده متواصل ويرد على مواضيعي ..

انا اعتذر لكل شخص ماعرفت اتعامل وياه

[قــبقــوبـه]

الحيــنه بــس عســب هالمكــالمه مقــاطعنك سنتييــن :fa52:
انا ســـاعات فـ البــدايه استــلطف شخــص بس يصــير ويــاه موقــف عقـب هـ الموقـف حتى ماأحـب اشــوفه .. !!!
بس أغــلب الأحيــان ما بعــد الكــره الا المحبــه ..
شــراتي انا وقــرموشه لا انا كنت ادانيــها ولا العكـس وكــل وحـده منــا مااخــذه فكــره غـلط عن الثــانيه
بــس الحمد الله الحييــنه ماا انتفـــارق مــوول ..
:h_hadeyah:

[المزوحي]

ريف الصبا الله يخليكم مع بعض

مادري ليش هالمعاملة يعني .. شو هالذنب عااااد

ياليت الواحد منا يطهر قلبك .. بين فترة والثانية يراجع عمره

[بوزايد]

ما يسوى عليه سنتين


صح هالمواقف نصادفها وايد

وانا صادفتها بعد بالواحات

[المزوحي]

بو زايد مايسوى عليّه أنا وانته الصادق

يعني الواحد يعطي فرصة للغير

ومع إني ماسويت شي غلط ..

[دانة حتا]

اللي يسوي هالحركه انا اعتقد انه هو مريض نفسي

يعني اقاطع شخص عسب غلط حرام ما يسوا

اممممم فيه ناس وايد جذا

الله يعينك المزوحي

[المزوحي]

دانة حتا

شو اسوي بهم !

[الدلووووعة]

خييييييبه
بس عسب جي سنتين مايرمسك

انا والله الحين عق ماقريت موضوعك
يالسة افكر امنو انا زعلانه منها ولين الحين مارمسها

بس ماتذكرت لين الحينه
بس انا من النوع اذا زعلت من حد يمكن ان طولت اسوبع ومن بعدها ارد عادي ولا جنه مستوي شي ^_^

بس دام انك انت متأكد انك ماسوي شي برايه ها الريال ^_^

[المزوحي]

متاكد .. حتى ربيعي يقول انته كلمه

وانا عادي أصلا .. لكن هو من دون نفس ... صدق تفاهه ...

[قرموشة]

شــراتي انا وقــرموشه لا انا كنت ادانيــها ولا العكـس وكــل وحـده منــا مااخــذه فكــره غـلط عن الثــانيه
بــس الحمد الله الحييــنه ماا انتفـــارق مــوول ..

اديييت رووحـج رف رف ..
:love:

المـزووحــي .. صدقنـي تصـيرر كـثييرر ويامـاااعــلاااقـات النــاس اخترربت والسبـه
كلمــه غير مـقـصووده مـن الطرفيــن !!
:k_special2:

[المزوحي]

قرموشة .. حتى لو واحد مب قاصد .. المفروض يتأكد .. أو يتم مع الانسان يشوف تعامله ومن عقب

يقرر يقطعه وإلا لا .. مب من هالموقف اللي ذكرته

يعني لو واحد مافيه خير .. بقول الباب اللي إيي منه الريح سده واستريح

[شمعة أمل]

كل ها عشان اتصال =s .. شي غريب ومبالغ فيه .. مايسوى يزعل عليك عشانه o_O

تدري

البروفسر مال بزنس كانت ترمسنا عن هالشي البارحه .. انه في واحد زعل عليها سنه وست شهور لانها ردت عليه بطريقه دفشه p= .. عبط

[الجنيه]

أويه هاي انا ... اقصد انا فيني هالطبع اذا كان في حد ما استلطفه من البدايه وبعد العشره ومعرفته زين تتغير نظرتي لها الشخص احب اصارح هالانسان منو ما كان اني قبل ما كنت استلطفه بس بعد ما عرفته غيرت رايي وايدات من ربيعاتي ما كنت ادانيهم في البدايه بس بعد فتره صرنا ما نتفارق فديتنا والله يديم علينا

المزوحي هالريال اعتقد انه اشوي مب صاحي عنبو عسبة 18 دقيقه ما يكلمك سنتين ؟؟؟ ليكون كنت متصل الهند ؟؟؟؟ او بلاد الواق واق ؟؟؟ ما ترزى عليك هالمكالمه عافاني الله ... بس دامك متأكد انك ما غلطت هاييج الغلطه الي تستاهل هالشي منه برأيي ابدا بالسلام وحاول اتعرف منه سبب الزعل واذا استنحس سوله اكبر طاف انت الي عليك سويته وان شاء الله يزول سوء الفهم مبينكم

[المزوحي]

شمعة امل ... اعنبوا وين التسامح ؟؟
بالرغم إني ما اخطأت
مادري
مستغرب ...

[المزوحي]

الجنيه .. على الاقل تعرفتي على البنات عقب فترة
لكن انا قبل كل شي اتسأذنت وماكملت نص دقيقة
من وقتها قطعني
وبعد فنرة سلم بس جدام ربيعي وكان يتهرب
كيفه الصراحة

[قصايد غلا]

عافانا الله كيف الإنسان قلبه قاااااااســــــي في بعض الأحيان
حلو إن الإنسان يسامح وما يشل في قلبه على اللي حوله

أنا ما أنكر إنه طبعي إذا حطيت في خاطري على حد أتم متكدره بس إذا سمعت كلمة :سوري ، صدق صدق أستااااااااااانس من الخاطر وأحس إنه هالانسان اللي غلط عليه ما كان قصده وإنه لي قدر عنده

أصلا الإنسان ليش يشل في قلبه ويحقد على غيره بسبة أشيا ما تسوى ولا تنطرا وتافهه
الإنسان ما يظمن عمره إنه بيعيش للحظه اللي عقب

شو اللي كالفننا نشل في خواطرنا على بعض ونحن هب ضامنين عمارنا نعيش ولا ما نعيش

و أميه دوم تردد عليه حديث ومعناه إنه : الانسان اللي ما يقيم الليل بالعباده و يبات الليل و هو مب شال في قلبه ومسامح من خطى و زل عليه أحسن عند ربه من الإنسان اللي يسهر الليل للعباده وخلاف يرقد وهو شال في قلبه على الناس

المهم إنك يالمزوحي مب شال في قلبك عليه ، وانته لك الله لأنه نيتك صافيه وقلبك طيّب :yes: ...

[المزوحي]

لا مب شال عليه وقلت حق ربيعي اللي كان وياه في قسمه ... انا اسلم وهو مب عايبنه ..قال كون احسن عنه وسلم .. لكن مايستوي الواحد يتجاهلك ...

قصايد غلا

ربيعي ... مره زعل مني ... واعتذرت له .. وفترة ماكان يكلمني ..

وعقب رد عاادي ... يكلمني ويطلع ويايه .. بس إذا بعده في خاطره شي الله اعلم

[لحن الحياه]

اممممممممم ترا ساعات تستوي مواقف اتخلي الواحد ياخذ موقف من الطرف الثاني ..

لكن عني انا .. استوالي مره موقف ويا ربيعتي فالجامعه لدرجة انها غلطت علي ..

يمكن تمينا شهرين نيلس عدال بعض فالكلاس لكن ولا نرمس بعض ولا شي..

لين يت فتره .. تذكرت وقفتها وياي في موقف من المواقف الصعبه ..

وبالاضافه لهالشي .. قلت المسامح كريم .. وطرشتلها مسج كتبتلها انا مسامحتنج دنيا وآخره واتمنى انتي تسامحيني بعد .. لاني ماضمن اني ارقد الليله وانش باجر .. وردت علي انها مسامحتني .. وثاني يوم .. سلمنا على بعض ونسينا اللي استوا ..

امممممم ان شاءالله يالمزوحي تتسامح انت وربيعك ويطيح الحطب امبينكم .. عالاقل ماتكونون شالين على بعض

[الصامت]

ياخي سبحان الله تلاقي ناس تزعل من شي ما يستاهل صدق ليش ما تدري

يعني اعرف واحد زعل من ربيعه لسبب تافه بسبب شو اضن زقه باسم ولا جي مع انه وايد يزقرونه جي بس يت على ها وزعل منه ما تعرف ليش

سبحان الله يمكن تلاقي شال منه من قبل ولا شي بس هالاشياء ما تخليك تقطعه وما ترمسه هالفتره

تعرف لو ربيعك صدق لو شو ما صار ما بيزعل منك لانكم صدق ربع مافي شي يفرقكم

بس ما اقول غير خل قلبك كبير اخوي وخلك احسن عنه

وربي يهديه ويهدي الجميع ان شاء الله

[المزوحي]

لحن الحياه .. مابمدح عمري .. لكن من ناحيتي مافي شي بقلبي
اما عنه هو انا ماقدر اجبره ..هو مب ربيعي ربيعي
لكن زميل عمل ... وانا ماشوفه كل يوم لأنه هو في قسم غير عن قسمي ..

[المزوحي]

الصامت

يعني انا ربيعي ( ... ) زعل مني مره على موقف .. لكن بعد فتره قال انا مسامحنك ..
وهو ( الحمدلله ) الحين يكلمني .. ومافي انسان مايغلط
مع إنه انا ماغلطت عسب هاك الشخص يقطع علاقته بالمره ..

مرات الانسان يكون انسان زين ... لكن يبدر منه تصرف يخلي اللي حوله ياخذون فكره مب زينه عنه
سبحان الله