// قسـم بالله إنا أوادم ونتعب لا بركتـن فيـه //

[دمعة شوق]

السـلام عليـكم ورحمـة الله وبـركــاتــه


؛؛
:pullhair:
في بـدايـة السـالفـه بقول إنا نحــن أوادم هـب آلات
ثـانيــا ً بـقوله إنه مابيتهنى في حيـاتـه مسود الـويـه


يـاخي نحن آخر سـنـة يعني يا نروح الجامعة ولا الكلية ولا كل وحده تقر بيت هلـهـا
هب على آخر شي اتـي حضرتك وتلعبنا تلعيـب على كيـفـك
عقولتـك عشان التقدم العلمـي << امـحــق تقدم علمي شو تقدمه يوم تمتحنا وحده كامله وتعبير في ربـع ســاعـه ؛ ياخي تكلم بالعقــل
شو بنـحـل نحن ذيك السـاع النحو ولا النقـد ولا التعبيـر اللي يبـا ساعه كامله نكتـب فيـه
والحينه على زمنك نكتب بس في ربع سـاعـه التعبـير
:m_9admah:
والله حــالـــــــــــه
ll


انـزيـن اوكي فـهمـنـا أنك مابتغير المنهج بس ياخي خـفوا علينا شوي
مب لـ 13 مـادة تـبـون بحث وتقــريـر هذا من غير الامتحانات اليوميه والمحسوبه
ومن غير الواجبات والدراسـه ومادري ويـش عده !!
//


عندنا في العـربي بطايق حـظ ؛ تسحب بطاقه ويكون فيها سؤال جاوبت عليه حصلت
45 درجـة / جاوبت عليـه غـلطت يـبــت صـــــــفــــــــــــــــــــر
:fa42:
//
امتحان آخر السنـة أو نص السـنـه العربي والانجليزي جلسـة وحـده
والعربي ثـلاث كتب في يـوم واحـد مادري يعني ويش بندرس الكتاب الأول ولا الثاني ولا الثالث
:a052:
//
والانجليـزي حدث ولا حـرج
تقرير وسبيكنج ومادري ويش ؛ اوكي ادري بيقول ان نحن بنروح الجامعة وبنلقى هذا كله
بس ياخي نحن انتوا مااسستونا من قـبل // يعني يايين الحينه بتأسسون
ياخي اسسوا من أول ثـانـوي هب ثالث ثانوي..؟!!
ولا البرزنتيشن لـكل بحث وتقـرير لكل مادة أرد وأقول نحن مب متأسسين على هالشي
يعني أول مره نطبقه &#215; طبقنا اوكي حصلنا الدرجة ؛ مب أوكي ربع الدرجـة
( ونحن نص الدراجة ندورهــا )
و70 % عند المعلمه و 30% بس التحريـري
:b015:
؛؛
هو شـو يتحسب إنا عباقـره إمره بنخترع الذره
ياخي روح وين عباقـره / يعني والله احس عمارنا إمره ماشي
زين زين لو يبنا نسبه في الثمانينات
:fa55:
؛؛


والـبـارحه رحناله عسب يرمسونه عن الأشياء اللي مب أوكيه
رمسنا عن العـربي يخليه جلستين ماطـاع
وانه يخف التقارير والبحوث قال بشـوف
ولا تعالوا في ذمتكـم تقرير في الرياضيـات ؛ شو هذا بعـد ؛ كيف تقريره ؟!!
:mad:
الحمدالله انه حس على دمه وويمكن يحذف دروس من العـربـي
؛
بس حسـبــي الله عليـه
حسبي الله عليـه
الله على الظــالم
والله فــوق
لابركتن فيه جان بيخرب علينا ؛ لااااااااا و قـال هـ السنه بس تجريـبـي ويمكن أغير النظام السنه اليايه
وايه فقت ويهك ونحن فـيران لتجاربـك
:mad:
//


سمحوليه بس والله مضيجبي لعببنا لعبه ؛ وديه ألا اسـبه بس اففففففف يالقهر
ومخسف بالدرجات تخسيف
؛؛
عذرونيـه

[الحاضر الغايب]

وعقب يقولون حق الطلاب لا تسوون كوبي :)

موفقه اختي دمعة شوق وشدي حيلج

[الدلووووعة]

الصراحة الله ايعينكم عالهاي القرارت اليديده اللي تنزل عليكم

قسم بالله نحن كنا ارحم عنكم وكنا نتشكى مالومكم الصراحة

بس يالله الله عينكم

[بوزايد]

هم يسوون جي عشان يعدلون

يعني هل من المعقول ناس يتخرجون من الثانويه ما يفهمون شي

عندج مثلا الانجليزي

تدرس 12 سنه وآخر شي جمله ع بعضها تقولها غلط

مب عيب

يعني هم يابو السبيكنج عشان تطورون والي عنده القدره ع التكلم صح هو يستحق الدرجه

وهم اصلا ما بييبون شي معقد يعني شي من الي تاخذونه

وهالشي لازم يسوونه تشوفين الاف يدشون الجامعه بس شوفي كم النسبه الي تنطرد


الله يعينكم بس مثل ما انتوا مطالبين تراهم هم بعد مطالبين

يعني بعدين يسالوهم ليش الخريجين في الثانويه جي درجاتهم ويوم ايون الجامعه ولا شي

[ريم العين]

مشروع الرياضيات
يبالة تقرير وصنع الآلة بسييييطة بس اونه الخط مب اوكي يبت 7من عشره والله قهر يعني بحركة عالخفيييييييييف بيييب درجه كاملة شو هالتخلف يعني الابلة ما تحبني تحط لي هالدرجة!!!
بسير يوم الاحد برمسها فالويه

والمواد الثانية خليها مستووره والله صدق يتعبوونا من الخاطر

بس تعالي عيبتي حركه العربي الدرجه 45 على سؤال جان زين يسووون عندنا جي ^_^


و70 % عند المعلمه و 30% بس التحريـري

نحن ما يسووون جي كل الدرجات نحن اللي نسويه ينحسب يعني اول يوم يقولولنا جي وجي وجي



مب لـ 13 مـادة تـبـون بحث وتقــريـر هذا من غير الامتحانات اليوميه والمحسوبه
ومن غير الواجبات والدراسـه ومادري ويـش عده !!

حتى نحن جي يسوون فينا بس بنتحمل الا هي ثلاث سنين وخلصنا



والانجليـزي حدث ولا حـرج
تقرير وسبيكنج ومادري ويش ؛ اوكي ادري بيقول ان نحن بنروح الجامعة وبنلقى هذا كله

عالاقل انتو احسن نحن مشرووع انجليزي وخرابيطة هههههههه
بس احلى شي ابلتنا وايد طيبة بتحذف كل الامتحانات اللي امتحناها وبتمتحنا امتحان واحد بدرس واحد وبتحسب درجة واللي يرسب فيه بتحسب له الدرجه اللي قبل الصراحه ابلتناا رووووووعه

بس فالاخير اقولج سوي كل شي بيومه وسويي طاف للتشائم والمشاكل خخخخ
عيشي حياتج
ما يحتاي تذلين ولا شي
سوي كل شي اول باول
حتى لو ما قدرتي قولي لحد من خواتج يساعدونج

[بنت الدلع]

الله يعينكم والله

الصراحه تغمظوون

نحن ماكان عندنا جيه وكنا مظغوطين وااااايد
وانتو زادو لكم كل هذا .. يحليلكم .. من حقكم ترمسون
بس منو الي بيسمع

الله يهونها عليكم يارب
وتعدي هالسنه على خير
ونسمع نسبكم العاليه

[تنينه]

ويييه دمعتي السـوده معصبه ومحـرجه :a010: سـويدوووه فـديت روحـج هـدي ولا اتتضايجين بعمرج :a010: فديت رووحش على قولتج:fa56:


الـيوم قـريت في جريدة الـخليج عـن آراء الطالبـات اللي مـعارضات هالنـظام والكثير مـنهن معترض ومتـشكي وفي الصفـحه المقابـله قـريت رأي وزير التربيه حـنيف بهالخصـوص ,, يـقول حـنيف أنـه 90% من الطلاب المتخرجين من قبل من الثانويه الـعامـه محتـاجيـن إعـادة تـأهـيل في الـدراسـة بهالمـعني يعني ,, ومـره جـفت لـه لقاء في تلفزيون دبي وتـكلم عـن هالـنظام وقال ان هالنـظام بـيخفف من الضغط اللي يـكون على الطالـب طوال شـهر واحـد وهالنـظام منـصف أكـثر والــخ ...

بـس اللي انـجوفـه من ربيعاتنا والأهـل الكـل مضغووط ومتذمـر من النظام اليديـد وكـمية وكيفية البحوث اللي يطلبونها مـنهم ولأول مـره منذ دخولهم للمدرسـه:doh: ,,

هـو النـظام اليـديد مـناسب لـو انجوف لـه يعني بس ما يطبـقونـه مـن ألحـين يعني دفـعة هالسـنه مـب متعودين من بداية دخولهم المـدرسه على هالشغلات وفجأه يجوفونـها في الثانويه الـعامـه وهالمرحله الحساسـه بالذات ,, مفروض انـهم يبدأون مـن الصـفر ويعيدون تـأهيـل المواد الدراسيـه ومنهاجيتها وأسلوبها من البدايـه إلـين النـهايه ,, مـب فجأه عـلى آخـر السـنه :sleepy:

بالتـوفـيج سويدووووه :fa42: وان شااء الله فـوق الـ 95 مـب ثمانينات :mad: ,, نتريا النـسبه الحلووه ادريبج شطووره ودحييحه دبووه :m_9afgah:

[وحي القلم]

دمعة شوق

قالولكم عن تقرير الانجليزي ؟!

لازم يكون فثلاث صفحات و بأسلوبج الخاص و حجم الخط 12 :10:

شقايل بنسويه .. أبغي أفهم بس !!

ما علمونا شقايل .. ولا حتى ناوين ايعلمونا :k_sadwalk:

و نحنى أصلا ما جد كتبنا تقارير

.
.

يايينا على آخر سنه بهالطلبات الى ما تخلص.. مب المفروض أنهم يراوونا شقايل و يدربونا من قبل

أصلا كان الأولى أنهم يبتدون ويا الى يدرسون فالابتدائي ولا الاعدادي عشان يتعلمون :frown:

مب ويانا نحنى .. يوترونا عالفاظي

.
.

و يوم نسوي لهم الى يبونه يقولون لا.. هذا ما ينفع.. شروط الوزاره غير.. يالله ردوا اكتبوا التقرير مره ثانيه

و هذا من غير الامتحانات و الكويزات الى ما تخلص

كل ماده لها كويز يومي تقريبا ً.. (( و الله ما نوبل )) :fa43:

متى بنخلص لهم التقارير و البحوث و المشاريع ان شا الله دام انه هذا كله ورانا :pullhair:

.
.

ولا الفيزيا.. سؤال شفوي بعشر درجات ..!

(( و إن ما عرفت أجاوب شسوي ..! ))

و الكيميا :doh: .. العملي .. بنمتحن مرتين فالفصل الواحد

بس الى يدرسون مسائي لغوا عنهم العملي.. و طلاب راس الخيمه بعد

و نحنى بنمتحن ..!

و على فكره.. مب كل الطلاب يكتبون البحوث و التقارير بروحهم

شي منهم يشترون البحوث ولا أنهم ينقلون المواضيع (( يعني كوبي بيست ))

شقايل بيعدلون بين الطلاب بهالنظام التعيس ؟!!!!!!!!! :a052:

.
.

دمعة شوق.. اتريي الطلبات اليديده بعد.. شي اجتماع يوم الاثنين :fa55:
.
.

:bye2:

[وحي القلم]

الحمدالله انه حس على دمه وويمكن يحذف دروس من العـربـي


و هذا الحل يعني ..!

عيل ليش ما يحذفون من باقي المواد ..!

شكلهم ناوين يشخلون العربي .. لين ما يلغونه آخر شي :fa55:

عالعموم منهج العربي كله لازم يغيرونه الأفكار مب مرتبه فالكتاب

.
.
.

فالعلمي.. عندنا امتحان الرياضيات لازم ايكون في 20 دقيقه مب الحصه كلها

حرام عليهم و الله

الامتحان يالله يالله انخلصه في حصة وحده.. شقايل يبونا نمتحن في ثلث ساعه

لازم يراعون نفسيات الطلاب

(( شقايل بحل الامتحان و أنا متوتره و عارفه أنه الورقه بتنسحب عني عقب عشرين دقيقه ..! ))

[بوزايد]

وحي القلم انتي ثالث ثانوي

لا ما اصدق

[مــهــابه]

الله يـعينــكم.

تـوني يالسـه ارمس ريـل اختيـه، اقـوله صدق لاعــب فيكـم لـعب
قـال لي الامـتحاناتـ نص السنـه قبل العيـد وبتكـملون 3 أيـام العيـد بس ماعرف شو السـالفه هـو يخبرني
والله حرام عليــه..

اي تـقدم ، هم كل مايبون يكحلـونها يعـمونهـا زيـاده

الله يوفقكـم ان شاء الله..

سـنه وبـتعدي..

[وحي القلم]

هيه صح.. بنبتدي امتحانات نص السنه قبل العيد بكمن يوم..

و بيعطونا إجازة العيد 3 أيام و عقب بنرد نكمل الامتحانات

صدق نغيصه =( ،،

[أنشودة المطر]

الله يـعـينكـم ،،

[الشيـــن]

يوم اشوف بنت اختـي
اقول الحمدلله خلصت قبلـهاا ومالحقت على هالسوالف ..!!

24 ساعه شغـاااله !!!!

[بوزايد]

تبوني ارمسه تراني اعرفه

هههه بس مب معرفه شخصيه

بس عادي بوصل له الكلام

بقوله يدعون عليك

هههه

[هزاايم]

الله يرحم اايااام قبل
ربيعتيه تقول الأدبي إلي كنا نعتبره لعب كارفينهم كرااف
الله يعين العلمي

إلي يضحك إنهم المفرووض يطبقوون هالنظام على سنه اولى يعني قوم اول ثنوي هب آخر سنه
بس من يحس :fa55: :fa55:


ربي يعينكم يااارب
دمووع شبوبتيه
ربي يعينج ويوفقج ياخويتي:m_9afgah:

[مخاوية الامل]

الله يعينـــكوو ..
ولله يعيـــنــــــــــــاا فيااكوو ...!.

قهر .. ؛ :pullhair:

[خيال الحب]

صديقي الصدووووق

ماقول غير الله يعينج

وان بغيتي شي نحن حاضرين وفي الخدمه

[المزوحي]

عيل أنا للحين يوم اتذكر أيام الدراسة .. أقول هم طريقتهم في التدريس غلط .. يوم الطالب اللي يطلع الأول يخلونه هو يجاوب مايعطونك فرصة أونه انته ماتعرف لازم مابتعرف ..

وعندهم أساليب التهديد .... الخ قلت الحين تغيروا
أشوف نفس الشي من كلامج .. لكن على الطريقة الحديثة

الله يعنيج ودعوة المظلوم مستجابة

تقدم علمي آل

[دمعة شوق]

الحـاضـر الغـايب
حي ذي الشوفه والله
؛
يالله ياخوي بنسوي كوبي بيـسـت وبنشوفهم يوم بيرمسون
ولا يهمك ياخوي بس دعواتـك ألـنـا
//
الدلووعـه
يعين الجميع فديتـج ؛ انتوا كنتم يحيكم ماشـي محسـوب هب شراتنا الحينه
كله وقامن يهددن بعد
:a116:
//
بوزايـد
ياخوي نحن ماقلنا شـي هالشي ورانا ورانا
بس ياخي هم مااسسونا من قـبل الحينه يايين يقولون هالرمسه ؟!!
ولا يطوليه بعمـرك نصه من اللي ناخذه ونصه إمره ماندل من وين هذا !!
؛
ويـوم بيسألونهم يجاوبون إنا نحن ماسسناهم من قـبل هب على آخر شي
يو واطوروا
على العموم مشكور ياخوي
ولاتنسانا بدعواتـك
//
الــريــم
مب كيفهن المعلمات في لجنـة بتمـر وبتشوف كل شـي
يعني كل معلمه عندها لـكل طالبه ملـف شغلها طول السنـة
فـ مابجذب عليج وبقولج إمره ماشي من تحت لتحت
شـي بس على الخـفــيــف
وعلى سالفة الـ 45 صـح حلوه بس فـ نفس الوقت هب حلوه لأن في دقايق
ممكن تخسـر الـ 45 درجـة ؛؛ وعاده انتي وحـظـج
؛
هب مشكله بسويه كل شـي بوقتـه
بس من ويـن بضـوي هالوقـت لـكـل هـذا .؟!!
على العموم شكرا ً فديتـج
ولا تنسينا بدعواتـج
//

أم سـعـيـد بنت الدلـع
مرحباا الساع والله
فقته هذا اللي بيسوي عمره مايسمع شـي
وفقت ويـه ؛ يختي انتوا كنتوا يحيـكم ماشي تقارير وامتحانات محسوبه
بس يالله بنشد قد ما نقـدر
ومشكوره علني فداج
ولا تنسينا بدعواتـج
//

[لحن الحياه]

والله انا بروحي منكسر خاطري على اختي

لانها اتعاني يحليلها

الصراحه .. الله يعينكم ويخفف عليكم وتخلصون وتفتكون ان شاءالله

[دموع قلم]

عســى ربــي يعيننـــا ويعينـكم..
المشكلــة أنهـم ما يـابـولنـا القـرار إلا فـي أواخــر الفصـــل.. !!

بـس تـدرون.. علـى حسـب المـدرسيـن والمـدرسـات..
يعنـي فـي بعضهـم والحمـدلله يقـدرون ويسـاعـدون..

:smile:


ربــي يعيــن ويـوفـق الجميــع.. !!

[العجيبة]

هيه صح.. بنبتدي امتحانات نص السنه قبل العيد بكمن يوم..

و بيعطونا إجازة العيد 3 أيام و عقب بنرد نكمل الامتحانات

صدق نغيصه =( ،،

هالشي في صالحنــااا ، وصراحة أتمنى بعد العيد يكون امتحان عربي أو فيزياء أو رياضيات ، لأن كمياات هالمواد وايد كبيرة ..

وعلى فكرة اجازة العيد ست أيام مب 3 .. اعتقد اجازة أول السنة وياها بعـد :whistling:

وعيدكم مبارك مقدما


دمعة شوق .. وحي القلم .. دموع قلم .. بنت اخت الشين ( خخ )

تيــك ات اييـــزي .. والا هي كم شهــر ..


تعالوا .. ما خبروكم عن رحلة الجزر في اجازة الربيع ؟؟ اسألوا عنها وقدموا طلباتكم عشان نشوووفكم في الرحلة خخ :whistling:

[وحي القلم]

وصراحة أتمنى بعد العيد يكون امتحان عربي أو فيزياء أو رياضيات ، لأن كمياات هالمواد وايد كبيرة ..
:whistling:

لااااااااااااا

لا اتفاولين علينا الله ايخليج

هههههههههههه

هو العيد ما ايي غير مرتين فالسنه و يبون يخربونه علينا :a058:

و بعدين هم وايد ظاغطين علينا و طلباتهم ما تخلص .. حتى إجازة الجمعه و السبت ما نحس بها

فلازم يراعونا شويه ( عاد الى بيسمع.. هم بروحهم مب مسويلنا سالفه :fa46: )

.
.

بس تدرين يالعجيبه.. بديت أتقبل الموضوع >> و لو انه غصبن عني:fa46:

و استويت بعد يوم يكون عندي امتحان استاانس

لانه تعودت على انه يكون عندي امتحانين ولا ثلاث كل يوم تقريبا>>> و طبعا ما لنا حق نعترظ على هالشي لانه هالقرارات "لا نقاش فيها"

:glare:

(( أسمينا كنا في نعمه قبل ))

عالعموم.. ان شا الله اتطوف هالسنه على خير

..

[دموع قلم]

مرحبــــا بــكم طــلاب وطــالبــات العلــم :fa46: ..

خوانـي.. الأفضـل مـانحـسس عمـارنـا أن هالسنـة وايد ثجيلـة على قلـوبنـا,
يعني نحـاول نـرضـى بـالنظـام اليـديـد, ونكـون قنوعيـن, وبنحـس أنـه في صـالحنـا,
وبـإذن الله بتمـر الشهـور بشكـل سريـع.. وبنــرتــاااح إن شـاء الله بالنسـب اللـي ترفـع الراس..

:smile:



العجيبــة..
أي رحلـة الجـزر.. خبرينـا.. بخـاطري نتـلاقـى ويا طالبـات الثـانوية العـامة !!

:laugh:

[العجيبة]

وحي القلم ، يالله عن خـاطرج غيروا موعـد الامتحـانات
ولو انها مب فارقة ، جي ولا جي بنتم ندرس في العيـد :a033:



دموع القلم



العجيبــة..
أي رحلـة الجـزر.. خبرينـا.. بخـاطري نتـلاقـى ويا طالبـات الثـانوية العـامة !!


رحلة لجزيرة دلما وجزيرة صير بني ياس .. يقولون ونااااسة وربشة
وبياخذون 12 بنت من كل منطقة تعليمية
انتي قدمي طلبج وانتي وحظج :icecream:

[وحي القلم]

سمعتوا شي عن الــ ICDL ؟؟

[فنجان قهوة]

و الله ما اعرف شو اقول
بس الظاهر يباهم يقولون ان يوم يحطووون ..............زز ما يعرفون يسوون شيء
و سلامتكم
بالتوفيق

[دمعة شوق]

عـدنــــــــــــــــــا
:fa44:
\\
تنـنيـة
علنـي فداش ياربيه ؛ محـد راضـي بالنظام الزفـت إمره محد راضـي كله ضغط ولعب على كيف كيفك بالدرجـات ؛ ولو حد قال إن في لجنة بتراقـب كـل شـي ؛ المعلمات أقـوى من ذيك الكلمـة ***
والله إنهن خياس * مب الكـل * يلعبن بالدرجات ويذلنج ذل على الدرجـة ؛ حشى يختي مايرزا عليـنـا كذيه والله لو يدرسونا اساتـذه أبركها ساعه منهن هذيلا الخياس اللي عندنـا ؛

في خشـمـه وين بيخفف الضغط ونحن كل يوم امتحانات وفي اليوم أكثر من امتحان من غير الأشياء الثـانـيـة ؛ ويـن في ذمتـكم تخفيف ضغــــــــط ؟!!

لا فديت عمـرج لازم كذي نحن فيران تجارب خسهم الله ؛ والسنة اليـايـه بيغيرونه صح مابيغيرونه كله بس بيغرون شي فيـه ؛ وعقب خمس سنين بيغيرونه إمره حفاظـا ًَ على سمعته هالخايـس
:fa32:
عسـى يـاربيــــــه عسـى إن شاءالله في التسعينات بندرس وبندح وبنسوي اللي عليـنـا
والباقي على الله ؛ والله يعينا ؛
شـكـرا ً سويدوه
:m_9afgah:

[دمعة شوق]

مرحبـا بـ
وحـي القـلم
هيه يخـتـي إلا من فتـرة قايليـنـا ؛ تعـرفيـن انا سويتـه في صفحتيـن
ومادله شو من خطه بس الموهيـم سويته وعطيتها إياه
واباها اتـيـنـي الحينه وتقوليه عدليـه بتشوف ؛
اسـبوع من التسـليم وقالوا يبـون اخ يالقـهـر

تـرا صدقيـنـي مب عارفيـن لعمارهم ؛ يبون يطورون بس مب عارفيـن كيـف
ياخي يوم بتسون شـي أول شـي علموا دربوا عقبوا طلبوا اللي تبونه ؛ هب تطلبون أشياء نحن مانعرفها طول الـ 12 سـنـة اللي كنا فيها في المـدرسـة
:d014:

أوكـيه يا وحـي أنا أتـفق ويـاج في انهم مابيساون بين الطالب اللي مجتهد بروحه في التقرير
وبين الثـانـي اللي يايبـنـه جـاهـز ؛
بس في ذمتـج يا وحـي انتوا العلمـي ألا سـبـع مواد أو ثمـان على الأقـل بتخطفون عماركـم
ألا نـحــــــــــن 13 مــــــــــــادة و13 تقــريـــــــــــــــــــ ـر
والخيـبـتـيـن هـذا وين بنخلصـه ؛ وبصراحه أنا سويت كمن تقرير في معـهد ما أوبلهن كلهن أسويهن
شو اسوي ادرس امتحان غدوه ولا احضر ولا اراجع اللي خذناه ولا اسوي التقارير ولا اسوي المشاريع ؛ يالله بالعقـل أي واحـد اسوي قـبـل ؟!!
:m_afaker:
وحـي الـقـلم الله يوفقـج إن شاءالله وتيبين النسبة اللي تبينها
وشدي حيلـج ماشي غير كـذيـه والله يعينـا
شـكـرا ً وحي القـلم

[دمعة شوق]

وحـي الـقـلم
لو الشور شـوريه إمره يعقونه بـحر
لوعة كـبـد العـربي ؛ والمعلمات إمره فاجات ثامهن وقاعدات
الله يطول بعمره ذيـاب إسميه مافيـه حيـله
ملخصـلـنـا الثـلاث كـتـب في كتابيـن بــــــــــــس
وخفـاف ويفتـحـن النـفس ؛ وكل الإسـئـلة فيـه
ووالله إنه طـر أنا في الامتحانات أدرس منه ؛
؛
عادي يختـي بتتعوديـن مابليـد حيـله
:ohboy:
\\


مهـابـه
الله يعينـا يختـي ؛ بس ماعليـج شاديـن الهمـة ؛
والإمتحانات بيكونن عقـب العيـد إمره يعني مااستفدنا شـي
ألا في العيـد بنتـم نـدرس ؛
بنـجـابـل الـعرب بـكتـبـنـــــــــــــــــــا
:fa44:
شـكـرا ً يالغاليـة
//
أنشـودة المـطـر
يعـين الجميـع يخـتـي
دعواتـكم
شكرا ً
:)
\\
الشـيــــــن
ليـتـنـا كبـرنـا سـنـة
بس يالله الله كريـم
شـكرا ً فديـتج
//
بـوزايـد
مايـفـيده هذا جان على حد يعرفه إمره كبر راسـه نحيفوه
محدن درابــــه
:fa44:
شـكرا ً أخويه

[الشوق]

فديتج دمعة الشوق :
هدي الغاليه .. اشوي اشوي ..
خبريني شو اللي مب فاهمتنه بالضبط ..
طريقة كتابة التعبير والا شو السالفه
الاسبيكنج والا تقديم البرزنتيشن ..
خبريني بالضبط بعطيج طرق حلوه للتعليم والمذاكرة

[وحي القلم]

لو الشور شـوريه إمره يعقونه بـحر

حسبي الله على شرج :tongue:

لا تقولين جيه عن يسمعونج :d014:

هم بروحهم يبون الفكاك

إن قلتيلهم احذفوا العربي سيده بيحذفونه

و بيحطولج انجليزي بدال العربي >>> عشان نستوي انجليز آخر شي :ghostface:

.
.

صح انه منهج العربي ايلوع الجبد بس هذا منهم :a058:

لو مرتبين الافكار الى فيه بيكون أحسن

[دمعة شوق]

هــزايــم
ليش ترمسـيـن !
عادي شو يعـنـي ؟! ترانا ثانوية عامة ولازم الكرف ؟!
:bash:
الله يعين يخويتـي ؛ دعـواتـج
:)
//

مخـاويـة الأمــل
يعينـا ربنـا ..،،
ودعواتـكـو ألـنــا ،،
:image005:
\\

خيال الحـب
صديقي الصدوق ههيهيههي اسميه توقيعك يضحك الواحد اللي مايبا يضحك خخخ
عجيييييييب ؛؛ خخخ جتله من الخاطـر ؛
الله يعينا ياخوي ؛ ودعواتك ألنا ياخوي وماتقـصر طويل العمـر ؛
:)
//

المـزوحــي
وين ياخوي تـقـدم تقـدم للخلف خسهم الله ؛ مذله قسم بالله ؛
بس مااقول غير الله لا يسامحه مسود الويه ؛
دعواتك ياخوي ؛
\\

لحن الحياة
الله يسمع منج يختـي
دعـواتـج
:)
//

دمـوع الـقلم
صـح نفس ماقلتـي على حسـب المدرسين والمدرسات بس بعضهم الله لا يرويـج خياس من الخاطر
يذلون الطالب ذل عوووذ بالله منـه ؛؛ مب متفيقه الحينه ولا بكتبلكم سوالفهن خسهن الله
الله يوفقنا يختـي
\\

[دمعة شوق]

العجيـبـه
عاااااااااادي يخـتـي من كثر قراراتهـم مب عارفين لعمارهم
ونحـن ويـاهـم ؛ عقولتـهم ويأ الموج
:h_6abakhah:
الله يعـنـا ؛ وعن الرحـلـة هيـهاا اسمينا بنبطي الـساع لين مايوصلنا الخبر ولين ولين
بويه ادري بعمريه هب سايره عسب جيه مااعطي عمريه أحلام وطموحات
:fa48:
الله يوفقـنـا ياربي
\\

دموع قـلم
الله يعينا ويعدي هالسنة على خير / ويأ نسب ترفع الـراس
:inlove:
//

وحــي الـقـلم
سمعنـا وسمعت أنه لازم ايكون طلاب الثانوية العامة عندهم الـ آي سي دل
اححححح يقهرووون بالواحد ؛ يعني من ويلنا وقت بناخذها هاي بـعـد
( الحمدالله انا عنديه ومفتـكـه بس لازم اتحرطم خخخ )
\\

فنجان قهـوة
ماقول غير الله يعينا
والله لايسامحهم
//

[أنامل قلب]

.
.
اممم ..
صدعـــــــــــت ..
.
.
ما شاء الله ماكثر من تحرطم بهالمضوع ^_^ ..
خخخ >>> الحمدلله مو بس آنا اللي أتحرطم .. >> اشوه :k_icon9: ..
.
.
ووووووو بالأول والأخير .. بعد هالعروض المهببة اللي مسوينها بكل مدرسة
والمظاهرات والشكاوي ..
مردنا رجعنا واتقبلنا ورضينا بالواقع .. >>> :fa36: ..
.
.
وما شاء الله ما خليتولنا شي نقوله ..
فجرتو وكفيتو ووفيتو .. :a050: ..
.
.
وانا كل همي هالسنة ان فضيحتي بتكون علنية .. :3: ..
أتخيل اسمي >>> الطالبة أنامل قلب .. نسبتها بالسبعين .. :vertag: ..
ياويل حالي وقتها .. وين أودي ويهي واهمه اونهم ضامنيني بالتسعين ..
يالله الحمدلله جان لحقت عالثمانين .. :rock:
>>>> داشين علمي غلط :wacko: ..
.
.
يالله الحمدلله على كل حال ..
وبالنهاية اهمه ماحطو هالنظام الا لأنه برايهم للمصلحة العامه .. وكل من له راية ..
وفعلا احس اني حسيت بلحظة انه لخيرنا .. >>> يعني من زين درجاتي بالتحريري ..
خلنا نحصل شوية درجات من هالتقارير والمشاريع .. :thumbup1: ..
.
.
وبس لو انهم مأسسينا ع هالشي من الاول.. أو انهم حتى عالأقل خبرونا ويابولنا المقررات
من أول السنه .. مو يايين يصطرونا بعد ما طفنا نص الفصل .. :argue: ..
وحتى الامتحانات الشفوية >>> حدث ولا حرج :k_special2: ..
.
.
:blush: >>> مو مصدقة لقتلها حد يتحرطم يت تكمل عليه ؟!؟!
.
.
^_* .. ويالله الحمدلله خلصنا الفصل تقريبا ..
وان شاء الله ربي بيعينا مثل ما باركلنا بوايد أشيا ..
وطبعا الله يخليلي حظي بالأبلوات .. يعني أبلواتنا فل الفل .. >>
>> بس عاده ما يطنشون لنا مثل مدارس الاصبيان >> اممم .. اسكت أحسن مافيني اصير جي :d010: ..
وطبعا ما أشمل ^_^ ..
" وان شاء الله نصيب الكل من الابلوات يكون فل الفل "
.
.
يالله تعبت >>> وايد ترمس :blush: ..


.
.
السموحة اختي عالاطالة >> بس يالله انطلع حرتنا باي مكان ..
وما شاء الله النفسية ما تقصر .. :7: ..
.
.
ربي يوفقكم جميعا خواتي واخواني ..
وان شاء الله مثل ما عدينا 11 سنة ..
بنعدي هاي السنه ع خير ..
.
.
وباذن الرحمن الكل يايب بالتسعين :mf_leia: ..
.
.
كل الود ..
اختج انامل القلب >>> ودي أحط اسمي >>
>>> انامل بكفوف اتصيب هم العلمي وطوايف طوايف خشم ابوهم .. ؟!؟


..
والسموحة مرة ثانية جان تحرطمت بزود ^_^ ..