سؤال للشباب والبنات

[بوزايد]

بسم الله الرحمن الرحيم



السلام عليكم ورحمة الله وبركاته


سؤال للشباب والبنات


للشباب : هل لو عرست بتعيش ويا اهلك بالبيت نفسه او بتسكن في شقه او بيت ثاني ؟ وليش ؟


للبنات: هل تفضلين تعيشين ويا اهل ريلج في بيتهم او في بيت لوحدكم ؟ وليش؟


اممم اول شي انا ببدأ عن نفسي

صح انه اهلي ربوني وكبروني بس لازم ايي يوم واستقر بروحي

وانا عن نفسي بعيش بروحي في بيت لاسباب منها


1- اول شي ابا اخذ راحتي وياها

يعني

اباها تلبسلي كل شي ( اكيد بيقولون هذا ما يستحي كيف يرمس جي ... :k_harhar1: عادي حرمتي ) يعني لو كنت في بيت اهلي صعبه تكون


ابا اطلع وقت ما ابا وياها يعني ما ابا حد يسالني وين رايح ووين ياي

ابا اعيش وياها رواحنا احسه روعه


اباها ادلعني وادلعها ( صدق ويهي لوح ) يعني لو كنا في بيت هلي ما بتقدر ادلعني جدامهم

2- ابتعد عن مشاكل الاهل


الا فلانه سوت والا والا فلانه طلعت ومن هالسوالف

[بوزايد]

وبس لو يا في بالي شي ثاني بخبركم

يالله خبروني عنكم

[شوق القلوب]

السلام عليكم..




طبعاً الاستقلاليه لا تقارن بأي شي..

:)

[طير الحب]

أمس بس أفكر اطرح هالموضوع...

طبعا انا من البداية كنت حاطه ببالي الاستقلال عقب الزواج لأنه شخصيتي استقلالية وايد واحب اكون حرة نفسي بمنزلي ...والحمدلله علاقتي 100% جيدة بأهل زوجي وما يمنع سكنا بروحنا من التواصل...بس نتيجة تجربة وتجارب الآخرين كل الي سكنوا مع اهل ازواجهم يعانون عدم الخصوصية بشكل كبير...وكلهم ندموا وهذا كلامهم...يعني ابسط الشغلات ما بيأخذ الواحد راحته فيها في منزل اهله لو كان بملحق مستقل ما أشجع أبدا سكن الزوجين مع الأهل.


زين تفكير جي لأنه اكثر الرياييل ما يحبون يتحملون المسوؤلية من البداية.

[ذنـيـنـي]

نحن عندنا في البيت جناح العرسان لوول
و هو قسم في نفس الفله, لكنه منفصل عنا بشكل كااااااامل
فيه صاله و غرفه و دريسينق روم و حمام و مطبخ صغير فيه ثلاجه و غساله و ميكروويف و فرن صغيروني ( يعني اقدر استقل فيه بنسبه 100%)

طبعا حاليا اخويه يالس فيه لأنه يبني بيت في الوقت الحالي, و حرام يأجر بيت بـ 50 الف دام انه يالس يبني, هذه الـ 50 الف بتنفعه في البناء

بالنسبة لي,, بصراحه ناوي اسكن في هالجناح الين ما اخلص بيتي, يعني بالكثير 3 سنوات, من عقب الزواج طبعا

و ثانيا, نحن بيتنا خالي و ما فيه حد

اخويه الكبير بيطلع من يكتمل بيته
اخويه الي اصغر مني يدرس في الخارج
و اخواني الصغار بعدهم كتاكيت

و الوالده بروحها و ما عندها بنات, فـ افضل انه حرمتي اتم عندها

هييه صح, و ثالثا, البيت الي ببنيه بيكون في نفس ارض بيتنا, يعني بعد ما بطلع من البيت

[ا ل غ ل ا]

هممممممممم // موضوع كنت أتناقش فيه من مده ..

أنا من رايي ،، أنه هالشي وكبداية للحياة الزوجية ،، أفضل أعيش في بيت أهله ،، وأنا عندي أسبابي
1- بناء علاقة جيده وقوية من البداية ويا أهله

2- يوم تكونين جدامهم تحسين أنهم بدوا يفكرون فيج كفرد من العايلة ،، بس لو ما كانوا يشوفونج إلا في الويك أنك ،، همممممممممم بتكونين غريبة والتعاملات معضمها بتكون رسمية ..

3- الريال أول ما يعرس صعب عليه يجلب حياته 180 درجة عشان توافق متطلبات الزواج ومسؤولياته ،، فبتكون طلعاته المعتاده نفس ماهيه ،، يعني لين ما يتعود أن فيه انسانه تترياه في البيت ،،

4- لما يكون الزوج في الدوام فلنفرض دوامه مسائي ،، لأنه الصبح ما بيكون مشكله كوني أبا أشتغل ،، الواحد يمل في البيت روحه ،، خاصة وقت العصر ،، ووايد حلو أني أيلس ويا أم ريلي العصر ،، سوالف وشاي وفوالة ،، وااااااايد حلوة هالأجواء ،، حتى الزوج نفسه يوم بيرد البيت وبيشوف حرمته يالسه ويا أمه ،، والابتسامه مرتسمه على ويوههم هو نفسه بيبدى يحس براحة نفسية ,,

5- همممممممممم الريال أول ما يتزوج ،، غالبا يكون بادي من الصفر ،، فالامكانات المادية وايد مهمه ،، وعلى الحرمة أنها ما تضغط عليه من أولها لأنه بيطفر ،،


آخر شي ،، ما أمانع أني أعيش ويا أهله مدة لو 5 أو 10 سنين ،، بس يكون لي قسم لو صغير ،، يعني مطبخ وحجرة وصالة ..

والسموحة

ويسلموا :)

ا ل غ ل ا

[طير الحب]

الغلا...

بالعكس أنا انصح من البداية تكونين مستقله وانا من النوع اجتماعيه وعلاقتي جدا متينه فيهم وايد ياخذون رايي في كل شيء تقريبا ومثل بنتهم ما يدسون عني شيء وادخل المطبخ في الويك اند اذا خاطرهم بشيء انا اسويه ..وكووول معاهم حتى ما ايلس بغرفتي مول يادوب وقت النوم...يعني هذا مش مقياس اذا من البداية سكنتي بروحج.

وبالنسبة للملل نحن الي نخلق الملل...انا ريلي بحكم دراسته ياردوب يوصل عقب المغرب وانا طول الوقت مشغوله تعرفين شو عندي اشياء اخلصها يعني لا مجال للملل...يا اطبخ او على النت او العب ويا عبادي او اقرا او اسوي سبرايز له مثلا اي شيء اشغل وقتي.

[الملهم]

بالنسبة لي اممممم ..

يعتمد .. اذا انا خلاص مسيطر على الوضع يعني خلاص اشتغلت وراتبي يكفيني للعيش الهنيء ..
اكيد بنتقل الى بيت ثاني اريح لي .. والاسباب مثل ما ذكرته " اسباب حلوة وصحيحة ^_^ "

بس اذا بعدني ما كونت نفسي وعرست امبكر .. اكيد بعيشها عند اهلي وبصبر عليهم وبخليها تصبر على اهلي .. وبالمره طبعا اوفر على نفسي شراء مستلزمات البيت .. لين ما ايمع واكون نفسي ^_^ ..

الف شكر لك على الموضوع الغاوي ..

[الملهم]

هيه صح نسيت اقول .. مرات الاهل هم السبب في الاختلافات الزوجية ..
بعض الاهل يدخلون في الحياة الزوجية على كيفهم بدون اي مشاورات ..
سواء كان اهل الريال او اهل الزوجة ..

[ا ل غ ل ا]

الغلا...

بالعكس أنا انصح من البداية تكونين مستقله وانا من النوع اجتماعيه وعلاقتي جدا متينه فيهم وايد ياخذون رايي في كل شيء تقريبا ومثل بنتهم ما يدسون عني شيء وادخل المطبخ في الويك اند اذا خاطرهم بشيء انا اسويه ..وكووول معاهم حتى ما ايلس بغرفتي مول يادوب وقت النوم...يعني هذا مش مقياس اذا من البداية سكنتي بروحج.

وبالنسبة للملل نحن الي نخلق الملل...انا ريلي بحكم دراسته ياردوب يوصل عقب المغرب وانا طول الوقت مشغوله تعرفين شو عندي اشياء اخلصها يعني لا مجال للملل...يا اطبخ او على النت او العب ويا عبادي او اقرا او اسوي سبرايز له مثلا اي شيء اشغل وقتي.


كلامج صحيح :)

وأسأل مجرب ،،

ربي يسعدج يا أم عبادي ،، ولا يغير عليكم :fa41:

هممممممممم بحط كلامج في عين الاعتبار ،،

لكن أنا من خلال صديقاتي لي معراسات جريب وماشالله هالسنة أكثر سنة ،، الرياييل شلوهم عني تقريبا سبع من صديقاتي عرسوا لصيف لي طاف ،، ربي يسعدهم ويهنيهم ،، اللي عايشات مع أهل الزوج ،، مرتاحات ويمدحون الأجواء
ولي عايشات بروحهم ،، يمدحون بعد لكن يذمون سالفة ــ أنها بروحها فيالبيت بدون ونيس

يعني أنتي عندج عبادي ،، ربي يخليه لج ،، لكن كعروس في أول سنة من الزواج .. هممممممم صعبة شوي أنها تكون بروحها ،،

وبعدين لا تنسين ،، الوحدة وتوفر الامكانات ،،ممكن تخلي الشيطان يلعب ملاعيبه ،، طبعا أنا ما أقصد البنات الأشراف ،، أقصد اللي ممكن عندها قابلية لأنها ترتكب شي غلط ،، سواء على النت أو على التيلفون ،، وياما سمعنا عن هالسوالف ،، وعذرها الوحيد ،، ما عندي شي انتشغل فيه وأمل بروحي وهو فالدوام ..
وفي وايد رياييل يفكرون جيه على فكرة ،، أنه تكون تحت أنظار أهله في غيابه :look:

بعني البيت المنفصل عن بيت أهل الزوج أفضل بوايد بعد أول طفل ،، لأنه بجذيه ،، إذا الزوج مب موجود ،، تلتهي بالولد ..



واختلاف الآراء لا يفسد للود قضية :a010:

[طير الحب]

الملهم ..المشكله متى ما طلعت كبرت...يعني اهل الزوج بيقولون رأيهم واهل الزوجه رأيهم وبتكبر المكشلة من جي لازم المشكله تكون في نطاق ضيف بين الزوجين فقط...وهذا يعتمد على ذكائهم.

الغلا...توى الناس وانا ما اعمم بس الغالبية العظمى...يعني اقرب مثال ربيعتي الي كانت رافضه تسكن بروحها واصلا عندها قسم خاص ببيت اهلي ريلها قامت تعاني من التدخلات سواء لطلعاتهم او يلستها في غرفتها بروحها...انا عادي كنت بروحي وبعد في امارة غير الي ساكنين اهلي واهله فيها كنت الوقت الفاضي اعود لهواياتي الي ادور وقت الحين اسويها...شوفي اهم شيء الوازع الديني يوم الحرمه بتخاف ربها ما بتغلط ان شاء الله حتى الفراغ ما يقدر يخليها تغلط وهاي الي تغلط عندها فراغ عاطفي كبير...وهذا الريال الي يبا مرته تكون تحت انظار اهله شكاك...


الرجل لازم من البداية يكون حاط بباله فكرة الاستقلال هي الشيء بيبين اذا هو قادر يتحمل مسؤولية زوجه وبيت وعيال لأنه ممكن بعضهم يحسون انه منزل مستقل مثل القيد مع انه الزواج ابدا مش تقيد لحرية الرجل او المرأة....وايد استانست بالنقاش معاج

[مــهــابه]

للبنات: هل تفضلين تعيشين ويا اهل ريلج في بيتهم او في بيت لوحدكم ؟ وليش

أولاً لازم اشـوف ظروف الريـال، لـو كان مقتدر ، ويقـدر يفـتح لي بيـت اكيـد راح ارتـاح بأستقلاليـتي
وعشـي ، اللي ماراح ارضـا بأحد يبنيـه غيري انا وزوجـي..

امـا لوكـان يعـاني من ظروف ماليـه صعبـه، او شي راح احـاول اقبل اني ايلس عند هلـه لمده بسيطـه طبـعاً

ولو أن الأفضـل ان استغـل فـ بيت الروحـي ،


بوزايد:
شكراً ع الطرح

[أمواج]

.
.
ذنيــني

أحــس نظــام بيــتكم نــفس نظــام بيــتنا

نحن فــ بيتنــا الطــابق اللي فــوق بس للـ متزوجيـــن
مسويــن اجنحــه وكل واحد ماخذ نصيـــبه
طبعــا واحد منهــم سكن عدنـا لين ماخــلص بيتـه وعقب انتقـل بس بعده جنــاحه محفووظ
لانه ايــي عدنا كل ويـكـ إنك أمــا الثــاني فبعده ساكــن لين مايخلص بيتـه وعقب بينتقل
وإخــواني الباقين جيه مفكرين يسوون
يعني بيورثوون الاجنحــه
، ،
انا بصـراحه مابغي اخوااني المتزوجين يظهروون من بيتنــا
احــسه أي شي والبيت فاضــي
عشان جيه اذا ظهروا مكــان ولا باتوا في مكــان ثاني امووت قهــر
أحــس الطابق اللي فووق مهجووور واخاف اسير له احــس إنه مسكــون
:shutup:

وبالنسبــه لســؤالك يـا بو زايد

للبنات: هل تفضلين تعيشين ويا اهل ريلج في بيتهم او في بيت لوحدكم ؟ وليش؟

اممم فالبدايه ابغــي اسكــن ويا اهــل زووووجي
بشــرط اكوون ساكــنه فجناااااااااح خااص جدا ولا حد يدشــه موليه إلا بإستـأذان
إليــن مانبنــي بيــت ويكون جاهز من مجاميعه
مافيــني من البدايه اخليــه يخســر على شقـه ولا على بيـت مستأجر وهو برووحه ورااه بنيــان
فالاحــسن نوفــر هالبيزات ونبنيــبهن بيــت لنــا
.
.

[ا ل غ ل ا]

الغلا...توى الناس وانا ما اعمم بس الغالبية العظمى...يعني اقرب مثال ربيعتي الي كانت رافضه تسكن بروحها واصلا عندها قسم خاص ببيت اهلي ريلها قامت تعاني من التدخلات سواء لطلعاتهم او يلستها في غرفتها بروحها...انا عادي كنت بروحي وبعد في امارة غير الي ساكنين اهلي واهله فيها كنت الوقت الفاضي اعود لهواياتي الي ادور وقت الحين اسويها...شوفي اهم شيء الوازع الديني يوم الحرمه بتخاف ربها ما بتغلط ان شاء الله حتى الفراغ ما يقدر يخليها تغلط وهاي الي تغلط عندها فراغ عاطفي كبير...وهذا الريال الي يبا مرته تكون تحت انظار اهله شكاك...


الرجل لازم من البداية يكون حاط بباله فكرة الاستقلال هي الشيء بيبين اذا هو قادر يتحمل مسؤولية زوجه وبيت وعيال لأنه ممكن بعضهم يحسون انه منزل مستقل مثل القيد مع انه الزواج ابدا مش تقيد لحرية الرجل او المرأة....وايد استانست بالنقاش معاج

طير الحب
========
كلامج صحيح الشيخة :) وبصراحة ،، بديت أفكر في الناحيتين ،،

وأنا استانست أكثر بالنقاش معاج:a050:


أمواج
========
تفكيرج :thumbup1: وربي يفوقج ويوفقنا معاج :a049: ههههههههه

[الثعلب الرمادي]

انا ما اريد اتزوج لكن يوم بشتغل كمهندس بتكون عندي الامكانيات اني اعيش بروحي يكون عندي خدم يهتمون بالبيت مثل حياتي هنيه في المانيا بطبيعتي انا ريال احب الهدوء و الحرمة صداع و الاطفال مصيبة والمصيبة بتكون اكبر لو حط الريل حرمته مع اهله هنيه المشاكل و الصداع بيكون عنيف و لو سالتني راي فبقولك هذي حياة كريهة و قذرة و الريال اللي تحده الظروف انه يعيشها لازم يكون قلبه كبير و يتحمل كل يوم مشكلة

[بن شداد]

السلام عليكم ورحمة الله وبركاته
اخي الكريم / بو زايد فتحك لموضوع الزواج توجيه هادف منك لمن حولك بالتفكر بالحلال وبالبعد عن الحرام ، ماجور انشاء الله .
بالنسبه لسؤالك اقول بكل صراحة سكن الابن بيت اهله يولد شحنات كهربائية قويه بين السالب والموجب ( حرمتك في جهه وفي الاخرى الام والاخوات ) وهذه حالة اخوي .
سكنك في بيت اهل حرمتك يولد صراع حب السيطرة بينك وحرمتك افضل ان تكون بعيد عن بيت اهلك مع التواصل بالزيارات لكي تقوي شخصيتك امام زوجتك وهي كذلك تقوي شخصيتها امامك مع مداخلات بسيطة من اهلها تنتهي امام خوفهم على مستقبل بنتهم .
اعرفها وتعرفك داريها وتداريك وهذه حالتي .

[الدمعة الحزينه]

احم احم

عاده انا ابى في بيت اهل ريلي طبعا او في بيتنا ؟؟

بس اكون روحي مافكرت فيها


يسلموو بوزيود على الموضووع الحلووو



الدمعة الحزينه

[قصايد غلا]

ردي على سؤالك يا بو زايد ===> للبنات: هل تفضلين تعيشين ويا اهل ريلج في بيتهم او في بيت لوحدكم ؟ وليش؟

أنا بالنسبة لي أحب إنه يكون لنا بيت بروحنا من البداية للأسباب التاليه :
1_ أبا آخذ راحتي من عدة نواحي ، لأنه يمكن يكون بيتهم فيه أولاد وأنا مب مستعده طوووول الوقت أتم بشيلتي
2_ ما أحب حد يتدخل في خصوصيّاتي ، مثلا : ليش تبالغين في الأشيا اللي تسوّينها واللي تشترينها ؟==> وهالشي أكرهه من كثر ما أسمعه من الناس اللي حولي
3_ ما أحب إني أظهر من البيت و حد يكون يالس ويايه (صح إني بكون معرسه وشوري عند ريلي بس بعد أحس إنه مب حلوة يوم أظهر و حد في البيت اللي أنا عايشه فيه ، مب حلوة أقول لهم : أنا بظهر وهم يالسين جنه مب عايبتني يلستهم)
4_عشان أشتاق لأهل ريلي ولأهلي ==> بالنسبة لي: إنه مب شي أتم مجابله أهله 24 ساعه (بيملّون من ويهي لوووول)
5_ و لأني إنسانه أحب الخبال والضحك وأحب التعامل ويايه يكون على أساس إني أصغر وحده في البيت (أخاف يقولون : هاي بلاها جذه خبله ،و تتحرا عمرها ياهل)
.................................................. ................ وإلـــــــــ:a108: ـــــــخ .

[أيامي حزينه]

للبنات: هل تفضلين تعيشين ويا اهل ريلج في بيتهم او في بيت لوحدكم ؟ وليش؟
أنا عن نفسي أبا في (أول حياتي ويا ريلي أعيش وياه عند أهله ....لأني لو طلعت من بيت أمي و أبوي بحصل حد غيرهم يهتم فيني مثلهم و و يعاملوني كبنتهم والي هم أهل ريلي و و أنا بحاول أعاملهم مثل أهلي و لو كانت علاقتي مع أهل ريلي زينه ريلي بيكون مستانس على هذا الشي ):laugh:

بس طبعا بعد كم سنه من زواجي بطلع بيت روحي

[بنت النوخذه]

:1: :heart: :heart: :heart: انا عن نفسي ابا سكن بروحي شقة يعني بس اذا ظروف ريلي ما تمح طبعا انا ما بستوي حجر عاثر بالعكس بصف ويا ريلي وبتفهم ظروفه وبيلس في بيت اهله لو حتى بغرفة المهم اني ما اسبب اي ضيق لريلي والله يحفظه لي انشاءالله والمفروض ان كل وحدة تصف مع زوجها لان هالايام كل شي زاد سعره وبالاخص البنيان والله يعينا جميعا انشاءالله :heart: :heart: :heart: :heart: :heart: :heart:

[شمعة أمل]

فكرت في سالفه وجاوبي بيكون في بيت بروحي ولا اذا الظروف ماتسمح في ملحق في بيتهم

اذا كان في بيت أهل ريلي .. مايكون داخل البيت .. يكون في ملحق ولا بيت صغير في حوي بيتهم ... مب حلوه اكون عايشه في نفس البيت لانه لا انا ولا اهله بيرتاحون خصوصا اذا شي أولاد ..
احس صعبه اكون في بيت اهله .. يعني عايشين بغرفه داخل البيت .. مابقدر البس الى اباه ماقدر اسوي الى اباه .. ماتخيل عمري طول الوقت لابسه جلابيه وشيله.. واحس انه الاهل بيتدخلون في خصوصيتنا شويي.. وبيحاسبوني على كل حركه اسويها>_<

[الـيـاه]

حمدالله ما عنا متزوجين ما متزوجين
هههه أنا بكون الإفتتاحيـه بس مب احين طبعا ً ( بسم الله عليـّه :doh: )


هممم بالنسبـة لسؤالك

للبنات: هل تفضلين تعيشين ويا اهل ريلج في بيتهم او في بيت لوحدكم ؟ وليش؟


لااا طبعا ً , بيت بروحـي
مب عشان شي ؟ بس لاني ماباخذ راحتي خاصه إذا البيت فيه خوانه
بس إذا هو مايقدر من أول شي ممكن أسكن في جناح خاص
وألا شرات ما قالوا ملحق في الحوي

:k_icon9: ماقدر على طول أسكن ويا اهله إذا ما كانو من أهلي !!!
لاني نوعا ً ما مب واااااااايد إجتماعيـه , يعني ما اختلط بالناس وآخذ عليهم بسرعه
لكـن عقب يوم آخـذ عليهم
مشاكل لوول < أستوي وايد كوول :birgits_giggle:



.
.
.

[فنجان قهوة]

about me
i wana by in my own home
to know each other will and be more cofdent :D

[تحفه]

إذا كان الي ماخذني واحد يحب الكدر ويلوع الجبد أبي اعيش في بيت الاهل لأنه مريح اكثر و مطمئن.

بس اذا كان فنان اتمنى اكون في بيت مستقل

[عمة العيم]

الصراحه

في الخيارين في اشياء سلبيه و اشياء اجابيه

انا انسانه في حالي احب اعيش في مكان يخصني اسوي اللي يريحني
لكن بوالعيال قاص عليه :bash: يقول في بيت اهلي بتكون مرتاحه ماعندج شغل البيت
بقولكم السلبيات و الايجابيات

بيت اهله: من الايجابيات:
1- مصاريف اقل
2-شغل اقل
3-ريلي يداوم و هو مرتاح مايحاتيني اكون روحي

و السلبيات:
1-مشاكل الاهل تؤثر على نفسية الزوجين
2-عدم الخصوصيه خاصتاً لو الزوج عنده اخوان
3- :h_daleel: عالطلعه و الدخله لازم تقرير لأم الريل :bash:
4-ياااااااااااااااااااخي ساعات مابا اتغدا الساعه 2 ابا اتغدا الساعه 11 كيفي كيفي :bash:
5-ياااااااااااخي ابا ارسم في الحوي فخاطري اخيس الحوي كيفي كيفي لا كل شغلج يا بنت سويه في غرفتج = مخزن+مرسم+مطعم+ كل شي....
يالله تعيني....عقولتي هذا ثمن يلستنا في بيتهم :bash:



و العكس تمااااااااااااااماً لو سكنت في بيت روحي


بس

و سلامتكم
....

[إسهر معي ليله]

هل لو عرست بتعيش ويا اهلك بالبيت نفسه او بتسكن في شقه او بيت ثاني ؟ وليش ؟

::
::

سؤال ذيبي.. في البدايه ما بيكون عندي بيت.. الا اذا عرست وانا شيبه وعندي
فلوس واكون بنيت بيت يمكن،، بس شو الفايده والشعر كله طاح خخخ

كـ بدايه بسكن في بيت أهلي اذا ما عندي القدرة إني ابني بيت وخصوصـــــاً
اذا المكان متوفر في بيت اهلي.. لكن اكيد في الأخير احب آخذ راحتي وياها
وما بتم للأبد وياهم

يعني عقبها بيمّع وبدبّر عمري وببني بيت يضمنا روحنا :a074:

::
::

هذا جوابي.. يمكن لو قريت ردود بتكون عندي مادخلات.. والسموحه

[بنت الدلع]

مرحبا ..

بالنسبه لي
في البدايه ما امانع اني اعيش في بيت اهله
يمكن الريال مايقدر يفتح له بيت
وبعدين يوم بعيش ويا اهله مابحس بالملل
وبتم يالسه وياهم وباخذ وبعطي وياهم اكثر وبجي علاقتنا بتقوى اكثر
والريل بيرتاح اذا شافني يالسه ويا اهله ومستانسه وياهم
بس بشرط ان اهله يكونون ناس طيبين ومايتحكمون فينا ويسوون لنا مشاكل

===
خواني المعرسين عايشين ويانا
ما اتخيل في يوم انهم يظهروون :(
البيت بيكون كئيب بدونهم وبدون عيالهم

[روضه]

الموضوع وااايد شيق ومووووووهم ..:14:
الوحده تتمنى اتعيش وتبدأ حياتها براحه وهدوء ...وتسعد زوجها بأي طريقه ...هذا حلم كل وحده فينا من يطرا علينا :heart: الزواج ..ونفكر فيه ...
بس المشكله اذا ماعنده الريال امكانيه !!! وشو اتسوي في هذه الحاله ؟؟؟ مصيبه !!!
تصبر وتستعد للمشاكل من كل صوب ...لان اللي في البيت اشكال مختلفه من السلوكيات والتفكير ..:k_mad_argue:
كيف ترضيهم وكيف تتحملهم ..والمشكله لوالعروس ماحد يتحملها..!!!!
والريال حضرته دوووم (خارج البيت ) ..وهي في مهب الريح ..
او حتى اهله شو يسووون معاها..؟؟؟:a058:
الله يعين الجميع ...
والله اسمع دايماً عن مشاكل واخرتها يا 1او 2..!!:fa32:
يعني يطلقون..او يسكنون بروحهم ..:k_no:
ترا هذا الحل اسلم وكان واجب يسووونه من قبل !!!لازم تستوي مشاكل وضرابه ...
والله الاحسن اعيش ابروحي ...عشان تكون علاقتنا مع اهله عسللللللل.

[وحيد الدرب]

مرحبا أخوي بوزايد
انا عن نفسي بسكن ف بيت اهلي لين يوني عيال عقب بظهر بيت او شقة روحي.........ز

[محقق كونان]

بو زايد سببك الثاني ما اقنعني الصراحه
شو يعني تبتعد عن مشاكل اهلك
نحن هب حريم عشان نيلس نقول فلانه قالت وما قالت
ولا انا بنيلس عند الحريم نتسمع رمستهن
الريال طبيعي انه من يعرس يطلع يعيش في بيت ثاني
بس على الاقل حس بواجبك اتجاه اهلك
ربوك عشان يوم تكبر تقول انك تبا تبتعد عن مشاكلهم
ونعم الرجوله يا بخت امك فيك والله
وبعدين اذا في شئ ما يعيبك عن اهلك سير قولهم لا تقولون جذي و لا ترمسون ولا تسوون
هب تقول انا بطلع وعشان السبب الفلاني

انا عني الوالدة الي من النوع الي ما تحب حد يدخل في بيتها
يعني من نعرس نطلع برع البيت, مالها خص فينا
بس انا بما اني اخر العنقود بيلس عند امايا تبا و الا ما تبا يالس انا وحرمتيا وعيالي
وانا الصراحه اشجع انه العايله تكون ساكنه في حوش واحد ( يعني كذا بيت في حوش واحد) و اليدة و اليد يكونون موجودين
لانه يكون فيهم ريحه من الماضي وتجربات نحن ما مرينا فيها
فبينفعونا و بيفدونا في حياتنا
وانا احس انا البيت الي في ناس كبار في السن في بركه وانا شخصيا احس بالراحه فيه
وبعدين الواحد ملزوم ببر والدينه