فضفضات من القلب..

[لبن مثلج]

السلام عليكم

:fa41: ابا افضفض .. وافضي قلبي من الي فيه

لما اتحس انك مظلوم بليا ذنب ،، واللي ظالمنك عايش حياته،، يملك الدنيا باللي فيها والناس كلها وياه وفي صفه ،،، شواتسوي؟؟؟؟؟؟؟؟؟؟؟؟؟؟؟؟؟

لما اتحس انك ضايع في هالدنيا وادور عالاستقرار ،، ومب قادر توصله،، شواتسوي؟؟؟؟؟؟

لما اتحس انه اقرب الناس لك ابتعد عنك وخلاك (هامش) في حياته بعد ماكنت انت من الاولويات في حياته،، شواتسوي؟؟؟؟؟؟؟؟

لما اتحس انك تبا تبتعد عن الناس واتروح لجزيره بعيدة ،، وماتقدر ،، شواتسوي؟؟؟

لما اتحس انك حتى مب قادر اتفجر الي فداخلك ابصرخة اتريحك،، شواتسوي؟؟؟؟؟؟؟؟؟؟؟؟؟؟؟


لما ولما ولما،،،،،،،،،،،،،، :7: ساعدوني ...

[شوق القلوب]

الســــــــــلام عليــــــكم..




لبـــــــــــــونه...


ما بطـــول عليــــج الكـــلام..

بس

عليـــــــــــج بركعتين.. آخر الليل و قبل الفجر..

و سجـــود طويــــــــــــــل... بفضفضه كل مافي قلبج..

..

محد من بني آدم قادر على تغيير النفوس.. مثل ربي سبحانه..

ادعي من كل قلبج.. و قولي كل اللي في خاطرج..

و اتوكلي عيه..

وربي بيفتحلج ابواب خير ما طرت ع بالج..


:)

[لبن مثلج]

شوق :::
صليت ودعيت ، وانا اعرف انه محد بينفعني غير رب العالمين

لكني حاليا احس اني ابا اقول واقول واقول لي الصبح حتى لو محد يسمعني من البشر ابا احس اني اهلوس ،، ابا احس بطعم الجنون ،، يمكن اخذ الدنيا بالساهل وببساطة وخفة ،، واعيش من دون احساس ...

شعور صعب يوم تنظلمين ومن اقرب انسانه لج؟؟؟ واتخليج في القاع وهي فوق في السما ؟؟؟

لكن حسبي الله ونعم الوكيل ... ليش الطيب والي يحمل قلب صافي مثل اسمي (اللبن) ينظلم؟؟؟

[شوق القلوب]

عزيزتي


لا اتحاتين.. دامج اترددين " حسبي الله و نعم الوكيل "

.
.

يمكن استجابة الدعاء.. ما اتكون الحين.. و يمكن بتتعبين فتره و بتملين من الحال اللي انت فيه..

بس بيي اليـــوم..

اليوم اللي بيدخل في صدرج.. هوا الراحه .. و الرضا..

الهم له يوم.. وبيروح..

لكن عليج بالصبر.. و اليقين انه الخير.. ياي ان شاء الله ..

..

يقولج

ولـرب نازلة يضيق لها الفتى ذرعاً. . و عند الله منها المخرج
ضــاقت فلما استحكمت حلقاتها فرجت. . و كنت أظنها لا تفرج

[طير الحب]

زارني هالاحساس من سنوات طويله...بس عشان تستمر الحياه لازم انطنش..ونحتسب لله...وعلى الظالم تدور الدوائر

[بوزايد]

خبريني شو الي بخاطرج بنسمعج


بس حطي في بالج

مب الا انتي حاسه بالضيج

انا بعد وهذاك والثاني والثالث

انا احس اني بنفجر بس اسكت ولا ادور حد اخبره

خبرينا وبترتاحي

[طير الحب]

الســــــــــلام عليــــــكم..




لبـــــــــــــونه...


ما بطـــول عليــــج الكـــلام..

بس

عليـــــــــــج بركعتين.. آخر الليل و قبل الفجر..

و سجـــود طويــــــــــــــل... بفضفضه كل مافي قلبج..

..

محد من بني آدم قادر على تغيير النفوس.. مثل ربي سبحانه..

ادعي من كل قلبج.. و قولي كل اللي في خاطرج..

و اتوكلي عيه..

وربي بيفتحلج ابواب خير ما طرت ع بالج..


:)


بإذن الله ما خاب من سواها...جربتها من سنوات وارتحت الحمدلله...اهم شيء تكون دعوتنا خالصه

[لبن مثلج]

طير الحب::: ودي اتعلم كيف اطنش واعيش حياتي ؟؟؟؟ احاول بس ماقدر ؟؟

بوزايد:: يمكن انته كتوم بس انا ماقدر اذا ماعبرت ومارمست احس اني بنفجرررررررررررررر؟؟؟

شوق القلوب ... الله يسمع منج وينصرني على الي ظلمني ،، ويعوضني خير..

[المزوحي]

كل واحد يعيش همه ..

لكن يوم بتفضفضين بترتاحين ..،،

بس رددي

لا إله إلا انت سبحانك إني كنت من الظالمين

[خنفروش]

لما اتحس انك مظلوم بليا ذنب ،، واللي ظالمنك عايش حياته،، يملك الدنيا باللي فيها والناس كلها وياه وفي صفه ،،، شواتسوي؟؟؟؟؟؟؟؟؟؟؟؟؟؟؟؟؟

أعيش حياتي || أتجاوز ظلمه || و أخرج من قلبي ظلماته || لأني أدري إن للظالم يوم || لأني أومن بالحكمه القائله إذا دعتك قدرتك على ظلم الناس فتذكر قدرة الله عليك ||
بس السؤال الي دايما يحيرني هالظالم يدري إنه ظلمني ؟؟؟؟؟؟

لما اتحس انك ضايع في هالدنيا وادور عالاستقرار ،، ومب قادر توصله،، شواتسوي؟؟؟؟؟؟

ما بقول لج مريت بهالموقف ولا بقول لج أعرف شعورج و أفهمه (( ديسمبر ما يشفع لحد ))
بس أنا أكتشفت أننا نمتلك طاقات (( الإصرار ، الإرتجال ، المحاولة في كل إتجاه ، التحمل ، المجاراة )) لكن للأسف الشديد نحن ما نستخدمها (( نستحي || نشك في قوانا || نظن أن الجميع عندهم نفس شعورنا || و يفكرون بنفس تفكيرنا || و يخامرنا شعور أن دوافعنا دايما مكشوفه (( مفضوحه )) ))


يعني أخلي الإستقرار (( هدف )) و أقسم الوصول له لأقسام (( أهداف صغيرة )) أصر على تحقيقها منفرده أو مجتمعه الي بيي قبل و أحيانا أدخل في طريقي التعويض || أشغل نفسي بأمور أسمى || و عيني على أهدافي

لما اتحس انه اقرب الناس لك ابتعد عنك وخلاك (هامش) في حياته بعد ماكنت انت من الاولويات في حياته،، شواتسوي؟؟؟؟؟؟؟؟

هذا الشي يصير إذا كنت أنا قابل للتهميش في حياة أي شخص || يعني في اشخاص تركيبتهم النفسيه لايمكن يكونون هامش لاي ٍ كان يعني هذا محور و ذاك محور كبر المحور والا صغر يبقى محور

أظن ردي اهنه واضح (( صح أني كنت معاه داير على محوره لكنه من يبتعد بيلقاني رجعت وصرت محور من جديد )) وهذا بيساعدني على تخطي تهميشه || ادري ان تهميش عن تهميش يفرق و أن شخص عن شخص يفرق

لما اتحس انك تبا تبتعد عن الناس واتروح لجزيره بعيدة ،، وماتقدر ،، شواتسوي؟؟؟

التعويض أكيد أدور جزيرتي الصناعيه (( اخلي الورقة جزيرتي || اخلي ابتعادي عن الناس خلوة ))

لما اتحس انك حتى مب قادر اتفجر الي فداخلك ابصرخة اتريحك،، شواتسوي؟؟؟؟؟؟؟؟؟؟؟؟؟؟؟
أدخل الفضفضه و اصرخ عراحتي اكتب بالاسلوب الي يريحني ارمي كل ما يقيدني وراي

أتمنى أني اكون جاوبت صح او قلت شي ينفهم و ربي يحفظج يلعيوز استانست على فزفزاتج
و أقول لج (( هونيها و تهون )) مثل ماكنتي تقولين لي

[أنامل قلب]

اختي الغالية ..


.
.


يمر كثير منا .. بل كلنا .. بلحظات يحس بها أنه بحالة مطابقة تماما لما خطه قلبك .. بهذه المساحة
الصغيره .. أنه راغب بالذهاب بعيدا .. بالصراخ عاليا .. بالطيران لمدى أفقه .. وما وراءه ..
أن يغوص باعماق بحر واسع .. عسى أن يطغى بوسعه على ذلك البحر الذي يكاد أن يخنق نفسه ..بنفسه ..


قد يكون بسبب ماذكرته .. وقد يكون بسب عدد لا يحصر من الأمور الأخرى ..
وقد لا يكون لسبب معين ..


ولكنه بالنهاية .. يظل هاجس مخمود بعالم يحويها نفسه .. لا سواه ..
وتظل الحيره ..


ماذا أفعل لإزالته .. لما أحس بذلك .. كيف أتصرف .. لا أكاد أحتمل .. أريد أن أفضفض ..
تعبت ..!؟


وأكثر ما نظمأ له وقتها .. أن ننقل هذا الهاجس .. وهذا الكوم من المشاعر الغريبة ..
لنفس أحدهم .. من البشر .. فيفهمنا .. ويحمل معنا هذا الثقل الغريب ..
فنرتاح .. ولو بقدر بسيط ..


...


اختي لبونه ..
الأعضاء ماقصروا .. كفوا ووفوا ..
لكن حبيت أرد .. ولو بإظافة أمور بسيطة .. وإن كنت متأخره :blush: ..


.


اختي ..
إن كنت من النوع الذي يحب الفضفضة .. والبوح بمايعتليك من أمور .. فابدأي بالجلوس
مع الرحمن .. بخلوه طيبة .. اسرحي .. واسرحي .. خاطبيه بروحك .. وإن أردت بصوت مسموع ..
وكما ذكروا .. ستريحك أيضا سجدة عذبة .. تخفضين معها مابكاهلك ..
وتنفسي خشوعا طيبا .. اجعليه عميقا .. صافيا .. وأعيد وأقول .. خاطبي ربك ..
فهو أعلم بما يحتويك .. أكثر من نفسك ذاتها ..
وبكل أمره لحكمه ....


وترى ربنا ما ينسى أحد .. ومن اللي ذكرتي من أصناف للناس ..
الظالم .. الخاين .. الناسي .. وغيرهم .. واضح انهم من الصنف المذموم .. والمتبع مسلك ما نفكر
حتى مجرد تفكير في سلوكه .. لأنك عارفة إنك على صواب .. على عكسهم ..
وهذا سبب كافي يخليج تفتخرين بنفسج الطيبه .. ومايستاهل أي منهم إن نثقل نفسنا هموم بسببهم ..
لأن العكس .. هو مايجب أن يكون ..


لكن الأهم .. والأجمل .. وعشان اتحسين بلذة .. بقلبج .. أمر ذكره الرحمن بكتابه الكريم ..
فقال جل وعلا .. (( وَلْيَعْفُواْ وَلْيَصْفَحُواْ أَلاَ تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ )) .. النور ..
دايما .. لا تحملي شي بخاطرج على أحد .. وربي بيريحج برحمته ..


وترى ربنا معاج بكل أمرج .. لأنه قال تبارك ( واصبر لحكم ربك فإنك بأعيننا ) .. الطور ..


.
.


وفي شغله مهمة ..
ترى لكل منا أمور أخرى تريحه .. وتحسسه بنوع مميز من الأنس ..
مثلا .. إنج تفضفضين لصفحات صافية .. إما عن طريق كلمات خفيفة ..
أم نقوش ورسمات تنثريها .. ويرجع الأمر بالنهاية للأمور اللي تعشقها نفسج ..
وإن كانت هذي طرق ثانوية لعلاج الهم .. إلا أن لها من الأثر الكبير ..
حتى لا تستغربين إذا قتلج ييبي وردة .. باللون اللي تحبين .. حمرا مثلا ..
وقعدي تتأملينها .. وتسرحين ابها .. وباللي تعبر عنه .. من هواجس طيبه .. وكلمات خافية ..
بخلوه مميزه ..
وأكيد .. الله يخليلنا البحر .. ^_^ ..


.
.


هذا ما أقوم به .. وقد يختلف شخصك .. والله أعلم .. ولكنها تظل سمات بالنفس ..
فانظري لنفسك .. ومايهواه قلبك ..


" وبالنسبة لموضوع الفضفضة لأحدهم .. عندج خواتج بهذي الأسرة ..
وترى يسعدني أكون أحدهم .. بكل وناسة أسمعج .. ولو ماكنت تعرفين عني ..
غير هذا الرد الغريب عليج ^_^ .. "


.
.


ولا تنسين تبتسمين دايما ..
مو بشفايفج .. .. .. لكن بقلبج ..


.
.


واعرفي دايما ..
دامج ناوية تنالين الراحة .. وهدوء البال .. بتحصلينة ..
لأن محد يقدر يصد إنسان عن أمر يسعى له .. ومهما كانت أساءتهم ..
وبالمثل .. محد بيقدر يعطي امر .. النفس ماتبيه ..


ويظل تقلب أحوال النفس دوامة يمر بها الجميع .. وانا أكيد ما بشذ عن الناس ..


...........
..
..


سامحيني اختي عالاطالة والفلسفة اللي مو طايعة تفج عني .. ^_^ ..
لكني بغيت أوصل لج أمر خفيف .. أتمنى أن يكون قد أفادك ..


.
.


كل الود والاحترام ..


اختك أنامل قلب ..


.
.
ومأجورة اختي باذن الرحمن ..

[بنت النوخذه]

أختي صح ان هالشي ضايقج بس الحمدلله انج عرفتي معدنا قبل لا يستوي شي أكبر وما يستوي لج اي شي الا لحكمة ويوم يتشوفين مصايب غيرج بتهون عليج مصيبتج على الاقل نحن عندنا بيت ساترنا والحمدلله لكن المساكين اللي بفلسطين والعراق وووو بناتهم يغتصبون من قبل الارهاب صغار وكبار على مرأى بس شو بنقول قدر الله وما شاء فعل وكلي ربج وانشاءالله كله بأجرج ولصالحج مب أحسن من ان الصداقة تستمر واذا عرستي تاخذ ريلج احمدي ربج كشفتيها والسموحة عالاطالة
:1: خلج رافعة الراس وسويلها جذا :k_harhar1: :k_harhar1: :k_harhar1: :k_harhar1: