الحياة الحقيقة

[دانة حتا]

السلام عليكم جميعا

وصباح الخير
:a050:

اليوم الصبح وانا سايره الدوام ..مشيت وانا مضايجه بسبب امتحان اليوم:pullhair:

اللي يسبب الرعب بالنسبه لمعظم بنات الكلاس..مصادر طبيعيه:a046:

مريت على دايرة الاوغرو وشفت البنات اليديده وكيف مستانسات ويتعرفن

على بعض ويخططن للمستقبل (يوم يطلعن من السنه الاولى):fa41:

وانا مارة ومضايجه حيل قعدت افكر فيهم واقول ما يدون انه هذي مب الحياه الحقيقه :fa55:

وهم يبون يطلعون منها واللي طلع يبغي يرد الها لانه احيانا اتكون احلى

شفت بنات توهن متعرفات على بعض وكل وحده اتخبر الثانيه عن نفسها

وعقب تميت اطالع المبنى اللي انا اجرس فيه من بعيد وشفته بنظري مظلم ويخوف:k_shock_1:

بس اتاملته دقايق وفكرت بالامتحان وقلت ليش تراه الحياه حلوه وهذي بعد مب الحياه
الحقيقيه ...

انا بعده جدامي سنوات وعقبها بسير الحياه الثانيه اللي هي مجال الشغل..:thumbup1:

يعني ما شي يستاهل اني اتم مضايجه وعقبها بس سرت الكلاس والا انا كنت برجع
ارقد عادي معاي..
واكيد انه كل شخص حسب المكان اللي هو فيه يشوف الحياه الحقيقه غير عن الثاني
هذي الحياه من منظوري..

بس بعدني خايفه من هـ natural resorses. صلحو الاملاء عاد

ادعـــــــــولي بليز:7:
:8:

[مايهزك ريح]

وعليكم السلام ..

Natural resources :k_harhar1:

الله يوفجك اختي دانة حتا .. :k_smartass:
صدقيني .. انا كنت طفران ايام الجامعة وكنت اتريا اليوم اللي اخلص فيه .. :fa55:
بس عقب ما خلصت استوت ايام المذاكره .. والجامعة .. عباره عن ذكرى ..
حتى اني انا مب امصدق اني متخرج من 6 سنوات .. :7:

لا تحاتين ..اللي الله كاتبنه هو اللي بتحصلينه.. كل اللي عليج انج اتسوينه.. اتذاكرين .. وعقب اتوكلي على الله .. :k_smartass:
وان شاء الله ما يخيب املج .. وتخلصين وتاخذين احسن الدرجات .. بس شدي على عمرج .. وحاولي انج اتراجعين عقب كل محاضرة عشان يوم تين اتذاكرين يكون سهل عليج .. :thumbup1:

[المزوحي]

الواحد لو مايمر بهالتجارب يعني مابينجح
بس بتمين في البيت بدون دراسة
صدق عقب بتحسين ضيعتي وقت في الضيج
وبدال مانتم ضايجين لازم نقكر شو نسوي
والله يوفقج

[بن شداد]

السلام عليكم
الله يوفق ويهديك الى طريق الهداية ويرزق خير الدنيا ويبعد شرور الدنيا عنك ويملا حضنك ذهبا وفضه

[دانة حتا]

ما يهزك ريح
شكرا ع التصحيح
وشكرا ع مرورك



المزوحي معاك حق
مرورك اسعدني

بن شداد
جميعا ياربي
تسلم ع المرور

[الجنيه]

حبوبه كلنا مرينا بهاي التجربه وحسينا بنفس الاحساس صدقيني هي مرحله وبتعدي وباجر بتتولهين عليها وبتتمنين لحظه منها *__*

الله يوفقج وابصم لج بالمليون بعد التخرج بتفكرين تاخذين شهاده اعلى من الي عندج
اسإلي مجرب

الله يوفقج ويسر دروبج

[بوزايد]

ناس خايفه وناس ما تحاتي

انا بس ابا الوقت يمر

كل شي في الجيب

الله يعينج بس سوي الي عليج

[دانة حتا]

الجنيه
مشكورة على رفع المعنويات

بو زايد
الله يعين الجميع
ويسهل عليك بعد

[خنفروش]

الله ايسر لج امورج ويسعدج دايم دوم

[الثعلب الرمادي]

الله يوفقج اختي دانة حتا ... حتى انا في المانيا اواجه مصاعب بدون نهاية .. بس الواحد لازم ما يسيء لحياته بالضيج و التفكير المضر .. في النهاية الحياة قصيرة اختي صح ان كلها مخاطر بس الواحد لازم ينتبه طول الوقت

[دانة حتا]

خنفروش
الله يسهل علينا جميع ان شاء الله
الثعلب الرمادي

الله يوفقك اخوي

[شمعة أمل]

مادري كيف ماتحبون الجامعه .. والله انه روعه .. الحياه الجامعيه بمليون مره احلى عن المدرسه وأحلى عن الشغل:thumbup1:

انا واجهت مشاكل من اول يوم جامعه.. بس بعدني اقول الجامعه وناسه وروعه .. لكن في شي واحد انه الجامعه تعب وشوي stressful لانه شي وايد شغل

اذا انتي مب عايبتنج الحياه الجامعه وتفكرين انها مب لين هناك كيف بتتحملين السنوات اليايه؟ .. think on the bright side مثل مايقولوون وصدق بتستانسين وبتحسين بحلاة الجامعه


والسموحه
:fa35:

[عافك الخاطر]

السلام عليكم
المرحلة الجامعية مرحلة اثبات نفس .. وبناء شخصية ..والحلو انه الدراسة الجامعية اتعلمج كيف تعتمدين ع نفسج اكثر ..
و اتحسين انج مستقلة اكثر ..
..
وبخصوص الامتحان .. انتي اللي سويله رعب ..مب هو .! :icecream:
تعرفين شو.. انا دايماً اردد ( ان الله لا يضيع اجر من احسن عملا ) ؛ يعني سوي اللي عليج ..1اكري الدروس اول باول .. لا تكودين علامات الاستفهام واتخلينهم لآخر السمستر> شراتي:Oo: .. و ادرسي للامتحان عدل .. و سيري وانتي مطمنـــة ع الآخر .. حتى لو تموا البنات يقولون الامتحااان صعب .. صعب > يقهرون اصلاً بعدهم ما امتحنوا و يقولون صعب ..!
باختصار .. دايماً سوي اللي عليج واتاكدي انه تعبج ما يضيع .. حتى لو ييبتي دي والا سي .. الا ما ايي يوم واتيبين ايه او بي .. ما في شي يتم ع حاله ا1ا احنا في كل مرة حاولنا نستفيد من اخطاءنا و نطور من انفسنا..
..
.
والله يوفقج ان شاء الله خيتو
:)

[دانة حتا]

شمعة امل
انتي من اسمج ما شاء الله عليج متفائله

وشكرا ع النصيحه

عافك الخاطر

انا المشكله اني ما اريد اييب لا سي ولا دي لانه تقدرين اتقولين
من البدايه انا ايب اي وبي فما ابا انزل
بس معاج حق بخليها ع الله وبسوي اللي عليه
ومشكوووره حيل ع المرور