أبو البنــــــــــات

[الشوق]

السلام عليكم ورحمة الله وبركاته
مشاهد كثيره نعيشها في واقعنا .. وفي مجتمعنا .. وما زال الرجل الشرقي في بعض الاحيان .. غير متحرر من تلك الافكار الغريبه .. لكن قبلا تمعنوا في هذه الايه الكريمه ....
قال الله تعالى ( لله ملك السماوات و الأرض يخلق ما يشاء يهب لمن يشاء إناثا ويهب لمن يشاء الذكور [ 49 ] أو يزوّجهم ذكرانا وإناثا ويجعل من يشاء عقيما إنه عليم قدير [ 50 ] ) سورة الشورى
.
.
.
دعونا نتقرب من تلك المشاهد ... لنلمس ما قد نجده في حياتنا .. وفي مجتمعنا ..
,,,, المشهـــــــد الأول ,,,,
الريم : امي ليش ابويه جذي يعاملني .. انا بنته .. كله احس انه ما يحبني ..
العنود : خليها على الله هو حبنا علشان يحبج انتي .. كفايه عليه اولاد اخوه ..
حمده : كل هذا علشان عياله كلهم بنات .
الأم : لا اتقولون جذي ابوكم يحبكم يا بنيات .. ما في ابو ما يحب بناته
علياء: اصلا دومي اسمع ابويه يقول حق امي اذا يابت هالمره (( بنت راح ياخذ عليها وحده ثانيه ))
.
.
.
,,,,مشهـــــــــد آخــــــــر ,,,,,,
المعلمه: نور باجر اتيبين ولي امرج المدرسه ... ولا ما راح تحظرين اي حصه
نور: ابله لازم ابوي ..
المعلمه : هيه ابوج ..
عيل هذا شكل انتي يايه فيه المدرسه
شو هالقصه الغريبه (( قصة البوي )) كانج ولد حشى مب بنت
نور: انزين ابله . ابوي عايبنه بالعكس .. وهو حتى لو لبست كندوره في البيت احصل هزبه ..
ويتباهي جدام ربعه انه عنده بنت شراتي .. لانه يعتبرني حسبة ولده مب بنته ..


,,, ومشهــــــــــد آخــــــــر,,,
الاب : البنات ما وراهم الا عوار الراس ...
الام: يا بو ميثاء .. انت شو اتقول هذيل بناتك عيالك .. لو ما شليت همهم بتشيل هم منوا ؟
الاب: لا تزقريني ابو ميثاء كم مره قايللج ... انا راح اتريا لين ما اييني الولد ولين ما ايي اليوم ناديني بو سيف ..
الام : شو يعني تخلي مسؤوليتك عن بناتك
الاب: شو هذا ولد واحد ما رمتي اتيبينلي اياه
الام: يعني بايديه .. كل هذا قسمه من رب العالمين .. ارضى اب نصيبك واحمد ربك
الاب : الحمدلله بس انا خبرتج .. ابي الولد .. واذا ما يبتي مالج قعده في هالبيت بطلقج ..وباخذ الحرمه اللي اتيبلي الولد ..
.
.
.
(( تجلس الام بحرقة تبكي ... فهذا زوج جاهل .. ما زال يعيش في عصر الجاهليه .. عصرا .. كانوا يدفنون البنت ويعتبرونها عارا في حياتهم لانها ستسبب المشاكل .. والعار .. ))
.
.
(( وما زالا الزوج في محاولاته .. سواء بالزواج من ثانيه او ثالثه او رابعه .. او حتى من زوجه الى اخرى .. وحالات طلاق واخر .. وضرب واخر ... متناسيا كل شيء امام عينيه .. متناسيا مرض زوجته والسبب ولادتها المتكرره .. متناسيا بناته اللاتي محتاجين للاهتمام والرعايه .. فهناك غمامة امام عينيه لا يستطيع رؤية وجه الحقيقه))
.
.

وما زال الامل مستمرا عند البعض !!!! :a116:
فماذا انتم قائـــــــــــلين .... :a050:
دعوني استمع لأر ائكم .. فبكم .. تبقى الشوق مستمره باطروحاتها
وسلمتم
خويتكم/ الشـــــــــــــوق
:fa41: :fa41:

حقوق الطبع محفوظه .. فقط عند واحات بن دبي
31-10-2006

[طير الحب]

بتكلم فقط عن سالفه البويات لانها صارت ظاهرة متفشية جدا...أولا كيف البنت تظهر من بيت ابوها بهالشكل قاصه شعرها بوي والأمر والأدهى أنه في بنات يحاولون يربون لحية وشنب...وانا شفت في أحدى الجامعات هالبنات وين اهلهم...وثانيا ما اشوف هاليام الأب مهم عنده يكون عنده اولاد...نفس الشيء البنت شرات الولد...والبنت احن على ابوها من الولد وهذا شيء معروف..هذا ما في جعبتي للآن.
لي عودة...

[عايش وهم]

السلام عليكم



" من سيحمل إسمي من بعدي ؟ "



هذا سؤال كثيراً ما تؤرق إجابته تفكير الرجل و كثيراً ما يبقى هماً يلازمه و بخاصة متى تقدم به العمر و كون الرجل قد رزق بفتيات لا غير ، فرعاية الفتيات أيضاً تؤرقه لأنه يعلم أنه لن يعيش الأبدية و في لا سمح الله أتته المنية فإنه سيرحل و هو مرتاح إذا ما كان هناك رجل ينوب عنه و يعوض غيابه و يحافظ على ذلك العرض الذي خلفه و يسند البيت متى كاد يتهاوى .

في حين أن حمل تربية الفتيات لعيني هو أصعب من تربية الفتيان لأنه على مر العصور سواءاً كان الأمس أو الحاضر تكون الفتاة رمز لصيت العائلة فإن كن فتيات العائلة ذوات خلق طيب كان العائد سمعة طيبة و إن كان العكس كان العائد قاتلاً بلا شك و ذلك طبعاً لأن مجتمعاتنا المغلقة لا تغفر لأمر مشين أتت به الفتاة و لو بعد أعوام و لكن الفتى فقد غفر له المجتمع أخطاءه حتى قبل أن يقوم بها لأنه على إثر المثل الدارج (الريال ما يعيبه شي!) .

غاب عن ذهن كل من يلهث خلف خلفة البنين أن العيب به لا بزوجته و أن الخلف رزق قرره الرحمن ولا مرد لمشيئته تعالى .

و هناك الأمر الجاهلي البحت و هو "بقاء الإسم و استمراره" فالرجل يعلم أن فتياته و إن تزوجن و أنجبن فشجرة العائلة بهن لا تنمو لأن أحفاده من بناته لن يحملوا إسمه و ذلك أمر لا يستطيع بعض الأجداد تقبله و لكن للإبن ميزته فإن رُزق به فإنه ينعم براحة أبدية .. نعم سأرحل و لكن إسمي باقٍ يحمله أولادي من بعدي ، و كأن بالقصة "دخول للتاريخ!"


--------


رأيت بعيني و كل عينٌ قد تمر على هذا التعقيب قد تقر بذلك


" أن البنات أرحم للوالدين إذا ما تقدم بهم السن "


فتراك يا أب .. أتفضل أن تعامل بعطف من إبنتك إذا ما تقدم بك السن أم تفضل إبن قد يكون جاحد ؟



اختنا الشوق

شكراً

[الدلووووعة]

تسلمين ياللشوق عالموضوع

انا اعتبر ها النوع من الريايل ماعنده عقل
يعني هب بيد الحرمة انها تيب ولد ولا بنت
ها كله بيد رب العالمين

يعني صح انه الولد بيكون له سند بس بعد ليش مايفكر انه يمكن ها الولد يعذبه في حياته
وعسب جي الله رزقة فبنات مارزقة في اولاد

وانا خالتيه ماعدها ولا ولد كل عيالها بنات بس ريلها راضي
وحتى يدلع بناته ومايقصر عليهن بشي

والسموحة

[الشوق]

ام عبادي .. حبيبة قلبي ..
البنت احن على ابوها من الولد وهذا شيء معروف..هذا ما في جعبتي للآن..
هالشي انا اشهد فيه ودايما اردده في عايلتي ..
البنت اتفكر في اهلها اكثر عن الولد .. اتحاتيهم .. اتخاف عليهم ...
.
.
وجان ع قصة البوي او لبس البوي وتصرفات البوي .. فهذا سبب من الاسباب اللي يخلي البنت اتكون بوي اكثر من انها انثى ..
.
.
طير الحب :) في انتظار عودتج يالغاليه
لا اتطولين وايد
خويتج/ الشوق
:fa41: :fa41:

[الجنيه]

السلام عليكم ورحمة الله وبركاته ...

كنت اتوقع ان هالزمن ولى وانطوى مع صفحات السنين بس للأسف الواقع يطبع بصماته بكل قسوه علينا ...

يا ما شفت بنات يعانون من معاملة الأب القاسيه والسيئه والسبه انه محروم من الأولاد الي يشيلون اسمه من بعده ... جارنا الله يرحمه كان عنده 9 بنات وكان يكرههم بمعنى الكلمه ويبي الولد الي يشل اسمه بعد هالبنات كلهن ياه ولد عقب اكثر من 12 سنه وطبعا تجاهل البنات ولا اهتم فيهن ومن كثر غيضه منهم كان ايوز بناته وهن صغار يعني 15 او 16 ما يخليهن يتم عنده وحتى الدراسه حرمهم منها لانهم بنات وما يحتايونها ,, مر الزمن وكبر الولد المدلع الي كانن خواته الخمس الباقيات ( للحين ما عرسن ) مثل خداماته وحده تكوي له ووحده تطبخ له والثانيه اتشوف طلباته وجذي والابو يشدد عليهم يسون له الي يباه ويوم كمل الولد 16 سنه تزوج وحده عمرها 24 وهو وحرمته بهدلوا خواته والاب الي تعرض لحادث واصبح مقعد وكان يصيح مثل الياهل ع حالته وحالة بناته وبنفسه تمنى لو ما ياب هالولد ..

الله لا يقول وحد غيره يتعرض لنفس الي صار له بس الواحد يحمد الله ع النعمه كان ولد والا بنت كله من الله واييب رزقه وياه ...

أخوي عكس الناس ما يبا أولاد لأنه يعرف ببلاويهم دوم يقول ابي بنت عشان اتكون حنونه علي :k_smile2:

الله يهدي الجميع ان شاءالله

الشوق ... مميزه من يوم عرفتج ,,, موفقه

[حلم الطفوله]

السلام عليكم

أبو البنات ... لقب قد يثير استياء الرجال وقد يروق لهم في أحيانٍ كثيرة :boxed:

مشكلتنا في المجتمع تكمن في المسميات نفسها وبكلام الناس وبمن سيخلف اسمي من بعدي

حتى إنني لأعتقد بإن الرجل يتزوج فقط لكي يؤسس امبراطورية ذكور تخلف اسمه من بعده ويتفاخر بذريته من الذكور

في حين أنني أرى نماذج متناقضه في واقعي ... زميلتي لديها أربع بنات ... تشكر الله عليهن
وتخبرنا بحديث زوجها ... : هالبنات عندي بالدنيا ...على الأقل لو كبرت بحصل قلب يحبني وحضن يضمني وكلمة بو فاطمه كم تسوى عندي ....كافي إني ضمنت دخول الجنة بوجودهن :thumbup1: رؤية وكلام منطقي ...لكن ...ما زالت زميلتي تطلب منا الدعاء لها بالولد حتى تضمن أمومتها الحقيقة بوجود الولد:boxed:

نموذج آخر :fa39: ... زميلة أخرى ... لديها ثلاث بنات ...

وفي حملها الرابع تمكن منها الخوف وتملكتها العصبية لدرجة أنها خافت أن تتعرف على نوع المولود ...
خوفا من تهديد زوجها بالزواج عليها إذا أنجبت البنت الرابعه ...

(يعني إذا عرف عقب الولاده إنه ولد بيخليها ؟ وإذا كانت بنت بيزوج عليها ؟ صدق شد أعصاب:pullhair:

بالنسبه لواقعي .... أشعر بمدى تعلق إخوتي ببناتهم تحديدا ... ولا أنسى كلام أخي ... ( هذه الغاليه إلي بترحمني يوم بكبر):thumbup1:

بس تدرون ..البنات والأولاد تربيتهم اتأثر عليهم بالمستقبل ... يعني قربهم أو بعدهم عن العايله يكون على أساس تربيتهم والتماسك الأسري إلي تربوا عليه :a116: ...

الشوق ...موضوعج رائع :thumbup1: تسلمين

[المزوحي]

يابت له خمس بنات ... إلا يتزوج عليها وكأنه مب بناته ... والرازق الله والزوج يحدد الولد
وبعد هالسنوات اتزوج إذا بالزوجة الثانية تصفه له 5 بنات
هالعشر شو اسويبهن .. كفايه تربي 3 بنات تربية صالحة وإن شاء الله تدخل الجنة

والثاني بعد 3 بنات والأخيرة ماتعدة سنة ونص يصر بإنه زوجته تنجب له ولد ... والولد كان عاصي مشيب أبوه قبل أمه ...

والثالث ... اللي فرح بالولد البكر وإذ يكون عاصي لأبوه .. يفره في دار العجزة

ووايد أمووور .. العيال بركة بنت وإلا ولد

ولكن لاتعترض باللي عندك ...

[الاسطوري]

السلام عليكم ..

ماتفرق بنت ولا ولد المهم يكون ضنى ويصير أبو وهي تصير أم ويربون
هالياهل أحسن تربيه لأن مثل مايقولون اللي عندهم
أولاد يبون بنات واللي عندهم بنات يبون
أولاد واللي عندهم الاثنين
مايبون شي واللي ماعندهم شي يبون أي شي وكل رجل له نظره
مختلفه فما يصير نعمم ومثل ما الشخص يعامل والديه
أعياله بيعاملونـه ورضـى الأم شـي
أساسي في كـل
المراحل

بس شو رايكـم في المقولـة اللي تقـول :
هم البنات حتى الممات !
:look:

الاســـطـــوري
أخوكم

[مــهــابه]

الـموقف الأول..

نـحن أو بالأحرى (الرجـل الشرقـي) يـنتظر الولـد لسبب واحـد إلا وهو انـه يحمل أسمـه ، ويحافظ ع جذور العـايلـه، أما البـنت فـ هي ف الاخير مصيرهـا الزواج والإنتماء لعايلـه ثانيـه، هذا فـ اعتقاد بـعض الأبــاء،وفـ بعض الأبـاء وللحيـن ينظرون انـ البنت( عــار) عليـهم ، لاتسـغربون من كلامي فـي بنـات يخبروني عن ابـوهاتهم والله جيـه، لهـذا السبب الأب يفضل الولد

علـى الرغم من أنـه البنت أحن للـوالد من الولـد ، لأن البـنت بطبعـه حنونه وطيبـه ،اما الولـد لا

لكـن اعتقد الحيـن وفـ الوقـت الحالي ، عقلية الناس النـاس تفتحـت ، وصار يقـتنعون بأن البـنت شراتـ الولد ولكـن بعدهم يصرون عـلى ان يكون عندهم ولد ولو كان واحد



امـا موضوع البـويات ، فـ أعوذ بالله منـه ، حـدث ولاحـرج ، انـا ماعتقد فـيه ريـال وهو ( ريال )بمعـنى الكلمـه يرضـا بأنه بنت تسـوي كل هـذا الشـعر منتف والملابس شبابيـه وكابات وغيره وكل شي بـصوب ، والـ المشيـه بصووب.

الله المسـتعـــان


اختيه الشوق:
مشكوره ع الموضوع الجميـل..

[مايهزك ريح]

دخلنا القرن الواحد والعشرين .. وبعده الجهل موجود .. الله المستعان .. :a116:
بنت أو ولد .. اللي اي من الله ..حياه الله ..:a050:

[قصايد غلا]

يقهروني الرياييل اللي يبون يحددون جنس المولود على هواهم ===> صدق تخلّف بمعنى الكلمة

بنت ولا ولد تراهم بأثنينتهم تربيتهم صعبه في هالزمن ، والإنسان المفروض يحمد ربه اللي رزقه بالذريه لأن غيره الله ما رزقهم وصابرين ومؤمنين بكتبة الله عليهم :k_smile2:

بنت ولا ولد كلهم حلويـــــــــــــــــن في نظري ، فديـــ:fa41: ـتهم المهم إنهم يهال

مشكوووة أختي الشوق على المواضيع المميزة والممتعة :a050: ...

[قــبقــوبـه]

:boxed:
شــو هــ التفكييــر المتخــلف يعنــي الحينــه البنـات نقمـه والاولاد نعمــه ..
لا حــول ولا قــوة الا بــ الله ..


المشـــهد الأول ..
اممممم كــل ريــال يبــا ولــد يحمــل اسمــه بــس المفــروض حتى لـو كان هالشــي صــدق فـخـاطره ما يخبــر حرمتــه عسـب ماا تم اتــوسوس ؛؛ ولو كانت ذريتــه كلهــا بنــات يحتســب ويصبــر وفنفــس الوقــت يــربي بناته أحسـن تربيــه لانه هــن الي بيشــلنه يــوم بيكــبر ؛؛ وبعــد بلاهــن البنــات وشــرات ما قــالت طيـر الحــب " والبنـت احــن علـى ابوهــا مـن الولــد " ..


المشــهد الثــاني ..
مااعــرف كيييــف الاب يرضــي انه بنتــه تظــهر بهالمظهــر ..
الحييـنه البنــات قامــن يســون كل شـي ما خلـن شــي يحلقــن بمــووس ويلبــس وزره ما خـلن شي ..
:k_shock_1:


المشــهد الثــالث ..
يعنــي الحيــنه هوه واايــد واثــق انه الحــرمه الثــانيه هيه الي بتيــبله الــولد واذا يابـت بنــت شو بيسـوي بعمــره ؛؛
حتــى الحــرمه الاوليــه بتشمــت فييــه :surrender:


شكـــراً الشــووق عــ المــوضوع المميــز ..
ويمكــن تكــون لـي عـوده بعــد ما اشــوف آراء الاعـضاء ..
:k_blush-anim-cl:

[الشوق]

عايش وهم
كم اعجبني تعقيبك وكم اثني على ما تكتبه ..
احييك يااخــــــــــــي ..
كلمة حق وجبت ان تقال .......
الارزاق بيد الله ..فليحمد الانسان على ما يعطيهم الله من رزق ..
ومثل ما يقول المثل كل مولود ينولد ايي رزقه معاه ...
.
.
فهناك من الازواج الذين يتمنون ولو مولودا واحدا .. لكن يكون قدرهم ان يكونوا عقيمين ..
فما بالكم في الازواج الذين ينجبون بناتا .. ولا يكترثون لهم .. لانهم بنات وليسوا اولاد ..
.
.
وحلم حياتهم بالبنات ..
للاسف تفكيرهم اعوج .... الانسان اللي يربي اذا اهتم لتربية عياله وراعى مصالحهم للنهايه ..
سواء في الاولاد او البنات في النهايه .. راح يشوف عياله رفعو راس ابهاتهم فوق ..
.
.
ويمكن الريال اللي عنده بنات ما يحصل حد ينوب عنه .. لكن راح يحصل بنات حافظوا على كرامته وسمعته .. بنات نجحوا في مجال ثاني .. وراح يقولون والله بنت فلان .. صارت .. وبنت فلان استوت .. شي مهم في المجتمع ..
.
.
اخي الكريم عايش
شاكره لك هالتواجد
خويتك/ الشوق

[بن شداد]

السلام عليكم
اختي الكريمه طرحك لمثل هذه المواضيع دليل على تجاوبك وتفاعلك مع مجتمعنا
الاخ المذكور في ابو البنات اقول
انه فرد من مجتمعنا ويوجد من امثاله الكثير الذين يمثلون فئه من مجتمعاتنا ،،،،،، فئه قد يكون عددهم الالف او الالفين او الثلاثة ،،،،،،،،،،،،،،،،،،، ولكنهم لايمثلون كل المجتمع.
صديق الدراسة ، وزميل العمل ، وهو اصلا ملتزم ،،،،،،،،،،،،،،،،،،، لكن صار من سنوات الزواج خمسه.
ينتظر بفارغ الصبرمولود فقط مولود فقط من ينتسب اليه والى زوجته
لايهمه جنس الطفل ذكراو انثى ابيض او اسود
عندما اجلس معه ونتبادل اطراف الحديث يتفطر فؤادي وينكسر خاطري عليه
قال لي مره كم عمرولدك قلت سنه والثاني في الدرب
تجهش واخذته العبره وقال الله يعطي ناس مال مثلي ويعطي الاخر الذرية مثلك
لسان حاله يقول ليتني مثلك قليل المال لكن ابو اولاد وبنات
هذا عرف بسبب الحرمان قيمتهم
رويه ان احد الصحابه كانت له خطان اسودان على وجه وكان كثير البكاء رحمه الله سئل عن سبب بكائه فقال /
كانت لي بنت صغيرة في الجاهلية اخذتها من امها الى الصحراء لادفنها فكانت خلال حفري لقبرها من فرط برائتها كانت تمسح التراب عن لحيتي فدفنتها وهي تبكي وتقول ابي ابي ابي
تاب الصحابي الجليل فتاب وتاب الله عليه
واد البنات كانت منتشرة في الجاهلية قبل الاسلام وحرمها الله بعد الاسلام

البنت تكون بنتا بحيائها وعفتها بنت ابوها والولد بقربه من الله وامتثال لاوامره يكون ولد ابوه
لا ابالي بالخلائق ان نظروا الى جنسي بل ابالي برب الخلائق ان يقبل عملي

[الشوق]

الدلووووعه
له له له شو هالطله .. الحلوه
خليج دوووم ويانا لا تقطعين مره .. صدقتي في قولج ان الارزاق بيد الله ...
والمفروض الزوج يكون على ع يقين اب هالشي ..
المشكله هو عارف لكنه امعاند الواقه والنصيب ..
..
الدلوووعه سلمتي يالغلا
والله يوفق خالج في بناته

[بن شداد]

السلام عليكم ورحمة الله وبركاته
اختي الكريمه بتاريخ 3/11/2006 الساعة 4/45 صباحا رزقني الله بولد انشاء الله اسميه .............وهو الثاني بعد منصور ، ادعو الله لي بان يرزقني البنات حتى افتخر واسمى بابو البنات ولي الفخر بذلك .......................
ودمتم سالمين...............

[الشوق]

الجنــــــيه .. لج وحشه يالغاليه وينج من زمان ما شفناج
بلاج غاطه هالايام ..
عزيزتي ................ قصة هالوالد مع ولده شي من لا شي من القصص اللي نسمعهم يالغلا ...
ودايما يقولج ... ان الانسان يوم يكون مظلوم في دنياه ربج عمره ما ينسى عبده ..
وما يحس الانسان اب ندم الا يوم يذوق طعم المر اللي سواه والعمل اللي ارتكبته نفسه ..
.
.
وسواء البنت او الولد ترى كلهم ارزاق من الله ..
ومثل ما يقولون (( كل اللي ايي من الله .. حياه الله ))) ...
.
.
عزيزتي قصتج رائعه . لان فيها إفاده ..
لانج احينه انشوفين ناس في قمة تعلميهم لكن للاسف المخ فارغ ,,,
ومهما قلتي يظلون عايشين تحت هالمنظور ..
.. سلمتي يالغاليه
عاد لا تقطعين اشتقنا لمواضيعج
تحياتي لج/ الشوق
:fa35: :fa35:

[الشوق]

حلم الطفوله ...
تدرين وين المشكله .. المشكله ان وجود هذه المشكله بحد ذاتها .. اثرت على نفسية الزوجه ..
فاحساسها ان الريال في النهايه يحب الاولاد ... وعلى قولة بعض الاعضااء اللي ذكروا ان الرجل دايما يحب ان يتفاخر
.. بوجود الابناء .. اكثر من البنات ..
يجعلها دايما اتحس بانها انسانه ناقصه وما راح تكتمل الا بوجود الولد .. وللاسف ما بتقول داخل هذا قسم ونصيب
.. بل ارضاء لزوجها لخوفها من العواقب التي قد تحصل في النهايه ..
.
.
لج مني خالص الاماني
تحياتي / الشوق
:fa35: :fa35:

[الشوق]

المزوحي :-
العيال بركه .. ودايما يقولك .. الارزاق بيد الله .. والمولود يوم ايي ايي رزقه وياه ..
.
.
والنتايج وايده من التربيه اللي انشوفه
سبحان الله ... تفكير الانسان اعوج مهما سوى ومهما قال.. والانسان اللي يعترض باللي ربك رزقه .. فالله قادر على القيام باي شي .. ليريه مدى قدرته ..
في النهايه كلمة (( الحمدلله )) للي يرزقنا اتكون على لسانا ..
المزوحي شاكره لك تواجدك الرائع
.
.
.
الاسطوري ..
هيههيه صدقت في الشي وال ما شي ..
بالنسبه للمقوله اللي ذكرتها .. صحيحه ..
لان البنت بحاجه لاهلها ومالها غنى عنهم .. وهمومها مااتخلص سواء قبل الزواج او بعد الزواج ..
بتظل اتحس انها بحاجه لانسان يسندها ولاب يوقف وياها .. ولاخ يحنو عليها ويكون نعم الاخ في مواقفه ..
بس مب بس البنات اللي عندهم هموم .. حتى الشباب عندهم هموم .. لكن يمكن الريال موقف .. يسيطر على عمره اكثر عن البنت ..
سلمت يااخوي ع المشاركه الحلوه
خويتك/ الشوق
.
.
ما يهزك ريح ..
وبندخل في القرن الثلاثين وبيظل العقل الفارغ موجود ..
النفس اماره ومتطلبه دوما .. وما تشبع ..:fa51:
رغم ان مشاركتك قصيره .. لكنها مميزه
.
.
.
تسلمون ع المشاركات المميزه
دمتكم بود
اختكم/ الشوق
:fa35: :fa35:

[الشوق]

قصــــايد غــــــــــلا ..
سبحان الله ... ليس ما يتمناه المرء يدركه .. ومل شي مكتوب عند الله
والارزاق بيد الله ..
لكن شو بنقول غير الله يهديهم
شاكره لج تواجدج الراقي
ودمتي ..
خويتج/ الشوق
.
.
.

[بن شداد]

اميـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــن

[الشوق]

ريف الصبا ...
يمكن الشي المعروف ان البنت اتكون احن من الولد
وهي لاسباب قربها من الام وهي اكثر اتكون متواجده وقريبه
اكثر عن الولد .
بس في بعض الاولاد يحبون امهاتهم اكثر عن الابهات ..
وما يرضون عليها ..
.
.
لكن المشكله تكمن في طريقة تقكير هالرجال
لان في النهايه الارزاق بيد الله
هو اللي يعطي وهو اللي ياخذ
ولو عطا اليوم شخص ممكن باجر ياخذ منه
.
.
ومحد يبقى على هالدنيا غير وجهه الكريم
ووايد صارت .. ان الازواج من كثر البنات اللي عندهم ..
يتزوجون اثنين وثلاث .. وبعد ربك يرزقهم اب بنات
هم ليش يفكرون اب هالطريقه
ويكون تفكيرهم مغلق .. بالرغم من ان الكثير منهم
متعلمين وعارفين
وما يحتاي حد يذكرهم
ان الله هو المنعم

تسلمين عزيزتي
اختج/ الشوق
:h_ttmasha: :h_ttmasha: