.. مخفـــــــــي يا جمــــــــــاعه ..

[شوق القلوب]

الســـلام عليــــكم..



شبـــاب و شابات و احاتنا الطيبين..

بغيت أسأل وين أحســـن مكان للمخـــفي ..؟؟

طبعاً السياره سياره البيت و نبا مخفيها أسود و ما يظلم في الليل..

..

من الاهل امسوين في ابوظبي للفورويل بـ 700 درهم.. و وااااايد زين.. بس بوظبي بعيده ما نوصلها :boxed: فبغيت اعرف وين محلات زينه في الشارجه او دبي..

..

و بعد لتلبيس السيتات.. و مداوس.. و من هالسوالف اللي انتو ادرى بها مني :thumbup1:

.
.

و يسلمووووو

:fa41:

[شرجاوي]

ممممممممم .. المخفي ... المخفي هذا بو 700 ربيه يوم بتشلونه بيلعوزكم وايد ..

انا اشوف لو تركبون مخفي 70 امريكي اسود و فوقه 50 حراري ... الموتر بيكون وايد اوكي بس بيظلم بالليل

و فالشارجه عندكم V-cool عند دوار الكويت .. شغلهم مضبوط و غالي ..

و تلبيس الدواسات نايلون ثجيل ( عسب ما يتجلوع ) ف صناعية الشارجه عند تقاطع سيدانا .. بيلبسون لكم الارضيه بهالنايلون و انصحكم فيه .. و السيتات عندكم مغسلة ( فال ) فالشارجه ورا بناية الياسمين اللي فيها بنك دبي الاسلامي ... تلبيس السيتات للصالون اعتقد ب 50 ربيه و الفورويل ب 60 او 70 ربيه

[شرجاوي]

لمسات وااايد غالي ... التركيب عند في كول احسن و اسالوا مجرب

[صريح]

لمسات و تايتانيم في بوظبي و اسعارهم مثل بعض تقريبا



v - cool مثل ما قاال شرجاوي عن دوار الكويت .. و احنا ركبناه ع الانفنتي ابـ 1800

شي بعد solar guard ... ركبنا فالوكاله ع الكاديلك ابـ 3500 .. و المخفي ع الموتر من سنه و نص و ما راح لونه موول .. لين الحين مثل اليدييد

السموحه ع القصوور
:a050:

[مايهزك ريح]

انا ركبت عند واحد في بن بطوطة مول .. وين المدينه الصينية في الباركات المظلله .. ما اتذكر اسمه
وركبلي اللومينا ب 900 .. مخفي + عازل حراري .. وعن التلبيس .. في السطوة عندج ..جين ماشين وواللي عداله .. وما عندي فكره عن الأسعار ..

[شوق القلوب]

الفارس.. جان مستعد اتشل السياره و اتوديها اهناك و اتخلصها.. زين :a049:

شرجـــاوي.. راعي الخبره..

صريـــــــــــــــح... العجيــــــــــــب..


يسلمووووووو... ماقصـــرتوا .. ^_^

..

استحملوني شوي.. ترانا بنات ماشي خبره أبد !

انزين ســـؤال..

عند v cooool .. اقولهم اي نوع ...؟؟

وكم الدرجه انحط 50 % و لا 70 ..؟؟

.
.

صريح

هذ شوو ؟؟ solar guard

اسم النوعيه و لا اسم المحل.. و لا ايه الموضوع يعني ؟؟ :b015:

[شوق القلوب]

ما يهـــزك ريـــــــــح

اسمحلي يا اخوي.. ضغطت على اضافه الرد قبل لا اشوف اضافتك..

..

في بن بطوطه ..؟؟!!! عندهم هالسوالف ..!

[مايهزك ريح]

هيه نعم بتلقينه في الباركات مال الصينيه ..المحل في الباركات .. عندهم حتى البوليش .. بس الموتر خذ ثلاث ساعات ..عشان يركبلي المخفي .. طبعا انا عطيته اياه وسرت السينما ..

[شوق القلوب]

لو يبا اربع ساعات عاااااادي... الـ shopping ما يخلص بسرعه .. :bow_arrow:

المهم .. زين شغه..؟؟

وكم يكفي 50 و لا 70 % ؟؟

[مايهزك ريح]

شغله نظيف ..
وانا حاط 50%.. لأنه موتري اسود من داخل .. والفليل ما يكون مظلم .. واضح

[المزوحي]

والله انا محب الامريكي يعمي العيون النوع الثاني احسن .. اللي عند اي محل مخفي
حطوا زيرو زيرو عاكس وعليه المخفي 50% وإلا اقول 30% يمكن يظهر عليكم في حدود 150 درهم

وشي نوعية بــ 500 درهم في محطة بترول الامارات اللي عندهم خدمة الصيانة ...
في نحل عدال لامسي ما انحصكم فيه يطخوون عليكم فلوس وهو مش مضموون

[شرجاوي]

ممممممممممم .. النسبه على كيفج .. اذا تبغين الموتر معماي صكيه ب 100 %

[طير الحب]

بن عيسى في عيمان زين

زين والله يبالنا نحط دواسات نايلون خيسنا السياره بالرمل

[ذنـيـنـي]

بن عيسى في عيمان زين



:a049:

سيارتي مركب المخفي الي عليها عند بن عيسى


============

سولار قارد وايد ممتاز

عن تجربه شخصيه، حبيته اكثر من V-cool

سعر الفوروييل على ما اذكر 2000 درهم و عليه ضمان 5 سنوات و بيحطون لكم قطعه شفافه للزجاج الامامي

و مكانهم على شارع الامارات في الشارجه، أسم المحل "الشامل" :thumbup1:

[شوق القلوب]

والله معلومــــــــــــاتكم قيــّـــمه يا جماعه الخيــــــر.. :thumbup1:

..


انزين الحين شفت انه الاسعار وصلت الـ 2000...


بس شو الفرق بين قوم بو 200.. وبــو 2000 ..!!! :surrender:

[المزوحي]

انا ماحط من الغااالي احط بو ميتين ... بس شي مرتب .. مب المخفي اللي مايبين منه
وأبدله كل 6 شهور مره .. عسب مايلززق موول وماينشل او يتغير لونه
في حد يقول 2000 لمدة مثلا سنتين او ثلاث احسن بدل ما ابدل كل 6 شهور
وإن شاء الله يفيدونج اللي يركبون مخفي بــ 2000

[الدلووووعة]

عاد انا لو تبين فبوظبي بخبرج( بسئل اخوانيه ) بس اماكن ثانيه ماعرف ^_^

هيه شي لمسات فبوظبي بعد

[ذنـيـنـي]

بو 2000 يعزل الحراره

مركبين سولار قارد على الجمس, احيد مره في الصيف وقفنا سيارتنا الظهر في الشمس

دخلنا الجمعيه لمده 15-20 دقيقه ( شمس شهر 7, الساعه 2 الظهر )

و يوم رجعنا تصوري انه الهواء البارد بعده موجود في السيارة

المخفي الغالي ( solar gard, 3M, V-cool) يعمل بشكل اساسي على عدم ادخال الاشعه تحت الحمراء و الي هي سبب الحراره

[شوق القلوب]

استوالي كونفيوز

..

الحين ( solar gard, 3M, V-cool) اسامي محلات ولا انواع مخفي ..!! :boxed:

[ذنـيـنـي]

أنواع مخفي

[شوق القلوب]

ما عليه ... استحملني شوي يا ناصر..:7:


.
.


وهذيل بحصلهم عند الشامل اللي ع شارع الامارات.. الشارع اللي نهايته جسر ناشونال ؟؟

.
.

طول الوقت ع بالي v cool اسم محل ..! :boxed:

[خيال الحب]

انا بقولج شو تسوين


2000 درهم حق مخفي حرام والله

حطي مخفي 50 % وعليه عاكس وخلاص

لاشمس ولا خرابيط

[شوق القلوب]

انزين خبرني وين...؟؟!

[طير الحب]

طرشيلي الدريويل بن عيسى وخلاص

[شوق القلوب]

و ويــــــــــــن مكانه بن عيسى...؟؟ في عيمان بس وين ؟؟

[ذنـيـنـي]

صوب الكورنيش

خليه يمشي الين ما اييه اول دوار, ياخذ الدوار يمين و المحل بيكون على ايده اليسار على طول

[شوق القلوب]

خبرتني في عيمان قليله..

وصفك من صوب الشارجه صح..؟؟

..

اسميني طفرتكم بأسئلتي :boxed:

[طير الحب]

من صوب بحر الشارجه عقب الدوار الي يم فندق جراند بيتش

[شوق القلوب]

مشكوووووووووره ام عبادي..


والله تراني ما اعرف في عيمان غير امشيرف..


..
..


ذنيني


خيال


شرجاوي


ما يهزك ريح


المزوحي

صريح

الفارس


.
.


مشكووووورين... ادري لعوزتكم..
:8:

[ذنـيـنـي]

اوب اوب

مشيرف, منطقتنا :a049: لوول <<< شو مشكلته الاخ :crazy:

http://oasis.bindubai.com/bin/attachment.php?attachmentid=450&stc=1&d=1162420571

[شوق القلوب]

ها... معزومين عيل عندكم جان يينا صوبكم...؟؟ :4:

و شكــــــــــــراً ع الخريطه الجميــــله... والله شي مفيد الخرايط

ذكرتني قاهرني راعي الاراميـــكس.. مب عارف يوصل البيت مع انه سهههههل ..

.
.

ذنيني..

الحين لو بطرش الدريول عندهم... أقوله شو يحط..؟؟ :a116:

عاااادي اتكفخ :boxed:

[ألم ترى]

بسم الله الرحمن الرحيم ..

والله افرح يوم اشوف الاعضاء يتساعدون من بينهم ..

عسى ما ننحرم منكم ولا من طيب قلبكم :a010: ..

ربي يحفظكم ويصونكم من كل شر ..

[طير الحب]

بشري يوم بتركبون المخفي

[شرجاوي]

المخفي مال بن عيسى خربوط ... اللزق ماله وايد قوي و بيشمخ الجامه يوم بتشلونه ..

و v-cool هذا محل و المخفي ماله نفس الاسم ... يا انج تركبين مخفي بو 50 ربيه العادي او في كول

[شوق القلوب]

دااار راسي..!

ما ادري آخرتها شو بسوي

:k_sadwalk:

[شرجاوي]

سيري v-cool

[عيون الليل]

أنا ما عندي خبره وايد عاد عشان اساعدج . . . . أو اقولج وين اتسيرين . . . .

بس الـ 3M مب اوكي لاني حاطتنه ع سيارتي وما احسبه امسوي شي . . . لا عازل الحراره وبكبري ابين ف النهار وحد ايقول ف الليل بعد مع انه 70% اونه وامركبتنه بـ 1000 درهم بس جي :fa55:

الV-Cool اشوفه اوكي ع سيايير البيت . . بس غالي شوي . . لكنه بيتم سنين وعليه ضمان وتركيبه نظيف . . أما هالمحلات العاديه ف ايشمخون لج السياره وايحطون صمغ وايد . .

هذا الكلام من تجاربي . . . وإن شالله اكون فدتج بشي . . .

السموحه منج عزيزتي ^_^

[شرجاوي]

ههههه .. ما يحطون صمغ .. اللزق يكون فالمخفي

[عيون الليل]

شرجاوي لا اتقطعني . . . لـوول
عاد انا شو يخصني في هالسوالف . . بس اسمع الشباب عندنا ايقولون صمغ وايد ماعرف عاد شو يقصدون . . .

انزين اللزقه اتكون وايد قويه وفيها صمغ ....... جي زين ! لــول

ما قلتي لنا يا شوووق القلـــوب . . . شو حطيتوا آخر شي؟

[شوق القلوب]

والله يا عيووون الليـــــــــــل .. طرشنا الدريول و حط لنا 3M ..

50 % بــ 850 ..

بس مب مخفي وايد.. يعني اللي في السياره ينشاف .. بس الزين اللي فيه انه وايد واضح ع الليل..

.
.

[عيون الليل]

أها زيــن . . . بس ف النهار مب حر ؟ الحراره والشمس ف السياره صح ؟

[شوق القلوب]

اترا احنا شو اللي خلانا نستعيل غير حشــــره اختي انه السياره حرررررررر


..


بس عقب ما حطيناه.. لا كانت الحراره زينه في السياره .. ماكانت اتحر..


بس الغصه هي سالفه التظليل.. :fa55:


لا و حاطينه اونه ضمان 5 سنين ..

...


بس لو كنت قاريه اضافتج قبل... جان قتلهم لا اتحطونه ..! بس الحين كملنا اسبوع

[الهيثــم]

زييين عيل بالبركة يا شوق القلوب
واسمحيلنا .. كنا خلف الكواليس ..
ما ساعدناج فـ شي .. لوول

[عيون الليل]

همممم . . بالنسبه لي أنا ما عيبني مول . . مادري يمكن عشان سيارتي سودا من داخل وهالشي الي يجذب الحراره أكثر ! ! أحسبه يدخل الشمس وفوق هذا ايبين منو ف السياره . .

والي حطيته ماقالوا لي 5 سنين ضمان ! قالوا لي سنه ! يالله ما عليـــه
اصلاً أنا مب عايبني لـوول

إن شالله اتكونون اتوفقتوا بالاختيـــار ^_^