دقيقه من وقتكم ! [الأرشيف] - -:: واحات بن دبي ::-

ألم ترى

27-10-06 ||, 12:22 AM

بسم الله الرحمن الرحيم

.
.

إذا كانت لي معزه عدكم اسمعوني لـ الأخير !

طلبي بأنكم ما تدخلون ف شوؤن الأداره نهائيآ
صح نحن اعضاء ونحب الخير لـ الكل والواحات لها اداريين ويطبقون اللي عليهم !
يعني منو ما فرح لما رجع الأخ احلى منصوري بنكه اليديد واللي يفرق ب ( آ ) ؟

فرحتي ما كملت
واحد مني فرحت فرحتين !
الفرحه الأولى لـ ردته لنا مره ثانيه
والفرحه الثانيه لـ فرحتكم والله

انا ما ابي اكون فصفهم ولا فصفكم !
انا اليوم هنه وباجر الله يعلم وين بكون

الأخت ريم ريم
تطرح موضوع تسآل عن الأخ احلى منصوري ف يزاها الله كل خير ع اللي تسويه
ولكن اسلوبها ما عيبني الصراحه !
انا ما احب اقلل من جيمة الشخص واموري وياها طيبه لـ بعد الحدود
ولكن الحق ينقال

الأعضاء الباجيين
كل عضو يدخل ويعق كلمه ما يثمنها !
انزين صبرو شوي خلوهم ياخذون نفسين ع بعض
وليتكم راسلتوا بن دبي او عايش وهم قبل ما تنزلون الموضوع !
او عالأقل تنزلون الموضوع ولكن بأسلوب مب خذوه ف غلوه

تقول الضوابط بخصوص نكات الأعضاء الموقوفين
يحق لكل موقوف أن يعود للمنتدى و لكن بعضوية جديدة
وبلقب يختلف عن سالفه و دون أن يصرح على العام بأنه ذات العضو الموقوف الملقب بكذا و كذا
ونعني بذلك إن أراد أن يفتح صفحة جديدة فعليه أن يبدأ من جديد و من ثم تعامله الإدارة و كأنه عضو جديد لا خلاف على تواجده

موقف احلى منصوري
يعني احلى منصوري او آحلى منصوري موقفه صار مخالف لـ ضوابط الأدراه !
صح تم تفعيل اشتراكه ولكن هاي الضوابط اللي يمشون عليها المشرفين وتم الأخذ بها

بن دبي و عايش وهم
ليتكم تخففون شويه من هالضوابط !
إذا مب لـ الواحات لنا نحن الأعضاء
مش اعتراض ولكن تيسر لنا
كفايه ونحن نفقد هالأعضاء

ابي اعرف ليش تستعيلون ؟
كلموني وانا بكلم بن دبي او عايش وهم
وبحطي موضوع يتكلم مشاكلكم هناك وهم بيتواصلون ويايه ووياكم أول بأول
يعني قبل كان ابن الخطاب موقف توقيف نهائي من الواحات وبفضل الله ثم بفضل بن دبي رده ب رساله !
انا كنت موقف لما صارت مشكله بيني وبين ام خدود وبفضل الله ثم بفضلهم ردوني ب رساله !
والله ليت هالموضوع كله واللي صار هنه او هناك كله ب رساله

سامحني
يا احلى منصوري

سامحيني
يا ريم ريم

سامحوني
يا بن دبي وعايش وهم

.
.

ابتسامه لكم لـ علها تكن الأخيره
:smile:

27/10/2006
12:22 ص

ابن الخطاب

27-10-06 ||, 12:24 AM

بسم الله الرحمن الرحيم

على راسي

تنينه

27-10-06 ||, 12:24 AM

وهـاي ابتسامـه ^_^ لعلها تكون الأخـيره ..

حلم الطفوله

27-10-06 ||, 12:27 AM

كفيت ووفيت يا بو عبدالرحمن ...يزاك الله خير

إن شاء الله ترتسم الابتسامه على وجوه الجميع مدى الحياة :laugh:

شمعة أمل

27-10-06 ||, 12:35 AM

تسلم على الموضوع..

تدري..

موضوعك خلاني أفكر في وايد أشيا تخص الواحات ..

في شي واحد في الواحات ماشفت في أي منتدى ثاني..

انه وبكل صراحه..

أحس الأعضاء في صوب .. والإداره في صوب .. يوم المفروض كلنا نكون في خط واحد =)

في نظري..

لو الإداره تفتح موضوع لكل الأعضاء وين نقدر نقول راينا بصراحه عن الواحات من فوق لتحت *وماينغلق ولا ينمسح ولا عضو ينطرد عشانه* .. يقدرون يجوفون شو المشاكل الواضحه الى معظم الأعضاء يشتكون منها .. ومن هني يرومون يصلحون شي.. نفس الضوابط .. أحسهم وايد مشديدين علينا .. في أماكن ثانيه صح لازم جي يشددون عليناا بس شي ضوابط قويه تحسون انه مالها داعي .. وبكل صراحه ..!

والسموحه
شمعة أمل

قرموشة

27-10-06 ||, 12:36 AM

و عليكـم الســلام ..

ان شاء الله يا بو عبدالرحمـن ..
طلبــك عـ العيـن والراس
:k_smile2:

شمعة أمل

27-10-06 ||, 12:37 AM

يمكن ردي يعتبر ك تدخل بشؤون الإداره .. وآسفين اذا تشوفونه جي.. لأني ماأتدخل .. بس أقترح
وفي الأخير
الإدارييين هم الإداريين والى بيسونه .. بيسوونه.. نحن بس الى علينا نقول حاظرين =)

خنفروش

27-10-06 ||, 12:38 AM

خذ الوقت كله حبوب

وحي القلم

27-10-06 ||, 12:43 AM

مشكور يا محب الشيخين

و ان شا الله ما يستوي إلا كل الى فيه خير للواحات و الأعضاء

^_^

..

دانة حتا

27-10-06 ||, 12:57 AM

وحليلك محب الشيخين

ان شاء الله محد زعل منك

كلمة الحق ما اتزعل

الـيـاه

27-10-06 ||, 02:41 AM

انت فــيك الخــير يا محب الشيخيين

بس ..

وفمان الله
سمحولي

قرموشة

27-10-06 ||, 03:09 AM

حـتى اليــاه!!

لو الاداره بتــم عـلى هـذا المنـوال .. بتشررد كـل الاعـضااء !!
ليــش القـوانـين صـارمـه لـهـا الدرجـه ! ليــش كـل هـذا !!
مـب كـفاايــه اللي خسررتووهـم قـبل والسبــه قوانيينكــم

خفـووا شـويــه !

تنينه

27-10-06 ||, 03:21 AM

:bye2:

الشحية

27-10-06 ||, 03:53 AM

:7:
:a046:
:boxed:
:shutup:

خيال الحب

27-10-06 ||, 03:57 AM

لاتعليـــــق..

قرموشة

27-10-06 ||, 04:11 AM

بوظـــبي .. وراحــت .. !
لمــاح نـفس الشي ..
قلـوب دبي .. !
المقـــاتــل ... !

واخـييراا وليس آخـرررراا طبعــا .. اليــاه !

بـــعد .. تبـون تخـسـروون زيــااده .؟ !

محـب الشيخـيــن قسـم بالله مب قـصدي أعلق في مـوضـوعك انت بالذات .. بس موضووعك عطـانـي الفرصــه انـي أعبــر وأكتب عـن اللي في خـاطري ..
لانـي أعرف ان نزلـت موضووع في الشكاوي واتحـرطمت مـن اليوم ليـن باجر .. ما بييب أي نتييجـه ومـصيررره الى المحـذوفــات ..
.. ولا حـتى هنه ..
والسمـووحـه منك ..
!!

كـلـكـلـووش

27-10-06 ||, 04:49 AM

قرموشة

27-10-06 ||, 04:59 AM

كـلـكـلـووش

27-10-06 ||, 05:05 AM

اذا نزلت في الشكـاوي .. بيكـون مـوضووع اعتـراض على شده القوانـين وصرامتهــا
اضــافــه الى اســلوب الادااره الشديد في التـعــامـل .. وعـدم الاخـذ براي الاغلبيـــه ..
وها الموضووع طبعــا على طول الي المحذووفاات ..

وسبب خروج المقاتـل واليــااه وقلوب دبي هي نتــيجـه واضــحـه لكـل هـذا

أتمنـى العـلاقـه بيـن الشيئيين وضحـت يا كلكـلوووش =)

انا ما ابى ادافـع عن الاداره .. لكن و من دون زعـل .. انتو مسوين سالفه من لا شـيء .. للواحات قوانين يجب احترامها .. و هي اللي مشيه المنتدى على الطريق الصحيح .. هي مش يديده .. لكنها مش متساهله .. و هالشي ايجابي و مش سلبي .. خــلونا نشوف الاشيا من كذا عيــن .. مش من عــين وحــده ..

و إذا انـتو جاهليـن بأسباب خروج الاعضاء المذكورين او تغيب الاعضاء المذكورين او غـيرهم فـ لا تتكلمون عـنهم .. !

كـلـكـلـووش

27-10-06 ||, 05:06 AM

محــب الشيــخين .. آســف طلــعت بــرع الموضــوع طشــونه .. أعـــذرنــي

خيال الحب

27-10-06 ||, 05:11 AM

وانا وياك اخوي كلكلوووش =)
وكلامك 10000000000000000% صح

وصح لسانك .. هالكلام الي كنت ابا اقوله بس كنت متردد مافينا حد يزعل علينااا

قرموشة

27-10-06 ||, 05:15 AM

انا ما ابى ادافـع عن الاداره .. لكن و من دون زعـل .. انتو مسوين سالفه من لا شـيء .. للواحات قوانين يجب احترامها .. و هي اللي مشيه المنتدى على الطريق الصحيح .. هي مش يديده .. لكنها مش متساهله .. و هالشي ايجابي و مش سلبي .. خــلونا نشوف الاشيا من كذا عيــن .. مش من عــين وحــده ..
و إذا انـتو جاهليـن بأسباب خروج الاعضاء المذكورين او تغيب الاعضاء المذكورين او غـيرهم فـ لا تتكلمون عـنهم .. !

كـيف يكـون هـ الشي ايجـابي ! ممكــن أفهــم؟!
هـل خـروج أعـضاء كـان لهـم الدور الاســاسي في بنـاءالواحـات شي ايجــاابـي ..
شي واضــح وضـوح الشمـس .. ان خروج معظمــهم .. مب معظم خـلنــا نقول البـعض هو
هـ القوانــيين ..
أنــا ما أعتـرض عليــهـا كـلهــا .. أنـا بس أرمـس عـن صرامتــهــا !

اعتـقد أنــا مـب العضـوة الوحـيده اللي تـشوف هـ الشي ..
والحمدلله كـلنــا عـ قــلب وااحد ونشـوف اللي يستوي يوم بيوم ..

صـح ممكـن نكـون جــاهـليــن بأسبــابــهم يا كلكلـوش .. بس بعــد الاســباب الظاهـره هي تاخـذ بهـا النــاس .. وتفكـر على أســاســهـا !
واللي ظهـر مـن موضـوع المقاتـل في الشكـاوي .. + موضـوع ريـم ريم في الشكـاوي .. وغيره مـن المواضيــع تبيـن لنــا أسباابــهم ..

انتهــى
:shutup:

محـب الشيخـيــن أعتــذر وبشده يا خـووي

قرموشة

27-10-06 ||, 05:21 AM

تعرفـون شــو !!

سووا طـاف لكـلامـي وفرووه بحـــررر رجـــااااءءءءءءءااااا

كـلـكـلـووش

27-10-06 ||, 05:24 AM

بفــضل هاللقـــوانيــن شـــفنا ألــعــاب تستــفـيد منها الاعــضاء بـــدال ما يــعــدون للــعــشرة و يفــرون طـمـــاط .. بفــضل هالــقوانيــن شــفنا إبــداع الاعــضاء فــي التصـــوير و تــطورهم و محــاولتهم بـــدال ما يصــورون صــور عــاديه و ينــزلونها .. بفــضــل هالقـــوانيــن شــفــنا ابـــداع من الاعــضاء بــدال ما ايــوون و ينقــلون .. بــفــضـل هالقـــوانيــن شــفنا أعــضاء أبــدعو في واحــات بن دبــي و من كــتاباتهــم اللي وصــلت للــــكتب .. و قــامت تــدرس .. هــذا كــله و مش شــي ايــجابي ؟!

يــمكن انا في يــوم ما كــنت مقــتنع في كــذا قــانون .. لكن على المــدى البعــيد عــرفت ان وجودهــا يحــسن من الواحــات و ما يضــرهــا ..

و اذا انتي حابه انج تبــدين رايج في قــاونين صــارمه .. طرشي لي اياهن عــلى الخــاص و عــطيني اســباب صــرامة هالقــوانيــن و بنراجــعــها .. و يــمكن تــكونــون علـى صــح و نحن عــلى غــلط ! و جــل من لا يخـــطأ !

و حــتـى موضــوع المقــاتل تــرى شــفتوه من عــين وحـده .. مش من كــذا عــين .. و بروحــج قــلتيها .. الــظاهر .. مش البــاطن و هو الجــوهر و الاســـاس ! فــلا تحــكمين عــلى الاشـــياء من مظـــاهرهـــا !

اســمحلي اخــوي محــب الشيــخين بعـــد مـــرة ..

كـلـكـلـووش

27-10-06 ||, 05:26 AM

ذنـيـنـي

27-10-06 ||, 05:26 AM

كلامك صحيح يا بو شهاب

ان شاء الله الاعضاء يتفهمون
و يعرفون انه القوانين هذه ما انوضعت الا لـتنظيم المنتدى و اظهاره بشكل راقي

و هذا هو الشي الي صاير فعلا,, المنتدى صار راقي بمواضيعه

و بالنسبة للاعضاء الي طلعوا او يبغون يطلعون ,,
كل واحد و له ظروفه, ادراة المنتدى ما بتقبض كل واحد من ايده و تقوله الله يخليك تم

القوانين اشوفها عاديه جدا و اتحدى حد منكم يقولي القوانين صارمه في شو بالضبط

صارمه في منع المواضيع المنقوله؟
صارمه في منع السرقات الادبيه؟
صارمه في المحافظه على الذوق العام؟
صارمه في عدم تحويل المواضيع الى جات؟

قرموشة

27-10-06 ||, 05:31 AM

]بفــضل هاللقـــوانيــن شـــفنا ألــعــاب تستــفـيد منها الاعــضاء بـــدال ما يــعــدون للــعــشرة و يفــرون طنـــاط .. بفــضل هالــقوانيــن شــفنا إبــداع الاعــضاء فــي التصـــوير بتــطورهم و محــاولتهم بـــدال ما يصــورون صــور عــاديه و ينــزلونها .. بفــضــل هالقـــوانيــن شــفــنا ابـــداع من الاعــضاء بــدال ما ايــوون و ينقــلون .. بــفــضـل هالقـــوانيــن شــفنا أعــضاء أبــدعو في واحــات بن دبــي و من كــتاباتهــم اللي وصــلت للــــكتب .. و قــامت تــدرس .. هــذا كــله و مش شــي ايــجابي ؟!
مـن هـ النـاحـيه شي ايجـابـي أكـيد .. ! بس انـا أطري الجانب الآخـر .. :thumbup1:

يــمكن انا في يــوم ما كــنت مقــتنع في كــذا قــانون .. لكن على المــدى البعــيد عــرفت ان وجودهــا يحــسن من الواحــات و ما يضــرهــا ..
مممم يعنـي مريــت بهـ التجـربــه .. !! ..
وأنـا شكـلي أمـر بهــا بعــد .. وان شا ءالله نشـووف فعااليتهــا على المدى البعـيد ..

و اذا انتي حابه انج تبــدين رايج في قــاونين صــارمه .. طرشي لي اياهن عــلى الخــاص و عــطيني اســباب صــرامة هالقــوانيــن و بنراجــعــها .. و يــمكن تــكونــون علـى صــح و نحن عــلى غــلط ! و جــل من لا يخـــطأ !

ان شـاء الله .. ما طــلبت =)

و حــتـى موضــوع المقــاتل تــرى شــفتوه من عــين وحـده .. مش من كــذا عــين .. و بروحــج قــلتيها .. الــظاهر .. مش البــاطن و هو الجــوهر و الاســـاس ! فــلا تحــكمين عــلى الاشـــياء من ظـــاهرهـــا

مممم .. معظـم النــاس تحكـم على الظــاهــر مـش الباطــن ..
وأنـا وحـده مـن هـ النـااس :thumbup1:
عـلى العمـوم حصـل خـير .. وكـلامـك اللي فـووووق كـان في نوع مـن الصحــه .. ولو ان اللي في بالـي شي ثانــي .. :crazy:

قرموشة

27-10-06 ||, 05:36 AM

و ليــش طـــاف ! تــمسكي برايج .. يمــكن نحن عــلى غــلط .. و يمــكن يوصــلج شي ما كــنتي تعرفــينه او ما كــنتي منتبهه عــليه .. نحــن هــني اخــوان و كــل شــخص يســتفــيد من الثــاني !
:a050:

أحـس لو بعيـد وبزيـد في السـالفه ما بستفيــد ..
اللي بحـصـله هو عوار الراس فقط لا غيير ..
so خـلنـي ساكتــه .. وانتــوا أفهــم بأوضــااعهـم منـي أنــا ..
وأنـا تكلمـت مـن وجـهه نظري كـعـضوه واللي أشووفـه يصــير يداامـي ..
.. ومـا أشوف اللي يصــير خـلف الكواليـيس يمكـن اللي تشووفوونـه انتــو أخـير وأعـلــم !!

أخـوان أكـيد يا كلكلـووش :a050:

كـلـكـلـووش

27-10-06 ||, 05:39 AM

مـن هـ النـاحـيه شي ايجـابـي أكـيد .. ! بس انـا أطري الجانب الآخـر .. :thumbup1:

انـــزين شو هالـــجانب الآخــر ؟

مممم يعنـي مريــت بهـ التجـربــه .. !! ..
وأنـا شكـلي أمـر بهــا بعــد .. وان شا ءالله نشـووف فعااليتهــا على المدى البعـيد ..

ان شاء الله

ان شـاء الله .. ما طــلبت =)

:8:

مممم .. معظـم النــاس تحكـم على الظــاهــر مـش الباطــن ..
وأنـا وحـده مـن هـ النـااس :thumbup1:
عـلى العمـوم حصـل خـير .. وكـلامـك اللي فـووووق كـان في نوع مـن الصحــه .. ولو ان اللي في بالـي شي ثانــي .. :crazy:

^_^

كـلـكـلـووش

27-10-06 ||, 05:40 AM

أحـس لو بعيـد وبزيـد في السـالفه ما بستفيــد ..
اللي بحـصـله هو عوار الراس فقط لا غيير ..
so خـلنـي ساكتــه .. وانتــوا أفهــم بأوضــااعهـم منـي أنــا ..
وأنـا تكلمـت مـن وجـهه نظري كـعـضوه واللي أشووفـه يصــير يداامـي ..
.. ومـا أشوف اللي يصــير خـلف الكواليـيس يمكـن اللي تشووفوونـه انتــو أخـير وأعـلــم !!

أخـوان أكـيد يا كلكلـووش :a050:

:k_smile2:

فركوشه

27-10-06 ||, 10:19 AM

حشى عسكر مب اعضاء..

فركوشه

27-10-06 ||, 10:25 AM

حبيت ارد مره ثانيه..

يوم الاداره يبون الموقوفين يردون بس انهم يغيرون نكاتهم ومايقولون انا فلان الفلاني..شو رايكم بعد

ايسوون عمليه تجميل ويغيرون من شكلهم عشان اذا شافهم واحد من الاعضاء ما بيقول انهم هذييلاا

الموقوفين في واحات بن دبي..

المزوحي

27-10-06 ||, 01:08 PM

كل واحد منكم يشوف الموضوع من صوبه هو .... يعني لو انا شفت شي وقلت لك إياه .. بتقولون تبغي تم وإذا مب عايبنكم تقدر تطلع

كل واحد فينا ساهم في الواحة ... وإذا كل واحد ظهر .. يعني الواحات بتتغير .. إلا إذا دخلوا اعضاء يداد
وتحطوا لهم قوانين صارمة ..

يعني انتوا يوم حطيتوا القوانين والاعضاء تمشي عليها حصلتوا فايدة من هالشي ...
فمن جيه اقوول كل فرد فينا يشوف الشي غير .. عطوهم فرصة يعبرون .. على الاقل لو في هالموضوع
" دقيقة من وقتكم " وقتها بتعرفون كل واحد شو في خاطرة .. بدال ماننزل مواضيع غيرها نتحرطك او نشتكي وغيره ..

مب معقولة الكل نفس الشي تفكيرة ...

انا يوم ريم ريم قالت ليش وقفتوا أحلى منصوري ... ماعرف شو اللي صار .. ماقدر اهجم على المراقبين .. ولا احط عليه ..
بس تكلمت عن عمري وقلت إني ماشفت منه شي ضرني ولاغثني بكلمه ... والحق ينقال ..

لمّــاح

27-10-06 ||, 01:47 PM

الســلام عليـكم ..

قوانين الواحات تغيرت كثيراً، مش في آخر فترة، من أول ما اشتركت و انا اشوف التغييرات هاذي و السبب واضح و هو التطور و تغير الاعضاء الي فيها و تماشياً مع الضروف و الأوضاع ..

أولاً بخصوص أحلى منصوري، هو أخ عزيز ( برع الواحات ) اما في الواحات فهو عضو حاله من حــالي و بما انه خالف القانون الي حطته الإدارة فهذا شي راجعلهم و طبعاً الإدارة عندها أسبابها الخاصة لتوقيف اشتراكه ..

ثانياً بخصوص القوانين، انا شخصياً ( انا بتكلم عن تجربتي الشخصية و عن رايي الشخصي و ما أمثل حد او انوب عن شخص ثاني في الرمسة ) احس ان بعض القوانين صارمة و مالها داعي و السبب هو لني اشوف هالاشيا من وجهة نضري الخاصة أما الي حط القوانين فهو يشوفها قوانين جيدة و تخدم المصلحة العامة للواحات و بما إني عضو، و مب إداري، ف يا إني اكيّف عمري مع هالقوانين، أو مثل مايقولون ابعد عن الشر و غنيـله ( وهذا الي أسويه انا ويسوونه غيري يمكن ) :fa54:

ثالثاً بخصوص اسلوب الإدارة .. بدون ذكر اسامي، انا عانيت من الأمرين، اسلوب جداً جداً جداً راقي و جميل في التعامل يخليني ساعات انسى المشكلة الي بيني و بينهم، و اسلـــوب جداً جداً جداً ( وجداً بعد ) قبيح في التعامل أدى الى اهتزاز علاقتي بالإداري هذا حتى برع الواحات و هالإداري هذا بصراحه ( من وجهة نضر شخصية ) ولو انه كفء و انسان ممتاز لكن اسلوبه المنفر يخلي الناس ينفرون من الواحات ف اتمنى انهم يراجع نفسه .. و الحل بسيط، إبعد عن الشر و غنيله :b015:

كيف نبعد عن الشر و نغنيله ؟؟ كل واحد و شطارته و بمشاركاته لكن بشرط ما ينسحب لأن الانسحاب دليل على الضعف و بصراحه ما اتوقع لو كل الاعضاء كتبو في هذا الموضوع انهم بينسحبون يعني بيقدرون يضغطون على الإدارة .. وبصراحه لو انا كنت ماسك زمام الامور و شفت مجموعة اعضاء تهددني بالانسحاب اذا ما لبيت مطالبهم، أول كلمة بقولها لهم هي: مع السلامة .. !

خلكم واقعيين و حلو مشاكلكم بفرض وجودكم مش بالانسحاب .. :a010:

و اذا في قوانين مب عايبتنكم، قللو مشاركاتكم في الواحة الي ماتعيبكم ..
و اذا في إداريين مب عايبينكم، لاتحتكون فيهم و صدقوني انهم مابيحتكون فيكم و بتنسون وجودهم حتى في الواحات !!:a050:

أمطار

27-10-06 ||, 02:05 PM

. . .السلام عليكم ورحمة الله وبركاته. . .

وجمعة مباركة حبايبي ..
قريتوا سورة الكهف اليوم؟!
:m_m6awa3:

.
.
.
.

حلو..

.
.
.
.
.
.

قولوا لا إله إلا الله .. محمد رسول الله ..

.
.
.
.
.

شطـّــااار ..
وجزاكم الله خيـــر . . .!

الحينه طردتوا ابليس وفججتوا روسكم ..
:a049:

حبايبي ..
أحلى منصوري .. وبكل صراحة من أقرب الأعضاء وأعزّهم وأكثر واحد يخطر في باليه يوم حد يطري الواحات . . .
ويمكن أكون أحتشرت أكثر عنكم يوم كانوا يوقفونه ((بس خلف الكواليس .. بالرسايل الخاصة)) ..
ولكن .. خلونا نكون حقانيين شوي ..

لولا قوانين الواحات ..
ولولا الألتزام وجدّية الأهداف في السموّ والرقي بالواحات اللي لمسته في قرارات الإدارة ..
ما كنت بتم فيها لين الحين!

كل قانون يطلع يكون بعد مشاورات وبعد ما يتعدّل ألف مرة ..
بتقولون اشدراها!؟
لأني أعرف عايش وهم وأعرف بن دبي.. ما بيرضون بشي يقلل من مستواكم أنتو قبل الواحات . . .!

أنتو الحينه محتشرين على سالفة هالقانون اللي ينص على انه العضو يقدر يشارك بنك نيم ثاني بس ما يصرح ع العام انه نفس العضو الموقوف ..
وأستغرب انكم مستهجنينه من قبل ما تتفكرون فيه . . .

أنتو تقولون اننا خسرنا أعضاء كان لهم دور كبير وواضح في رقي الواحات .. هيه نعم .. كان لهم دور كبير مستحيل حد ينكره ..
وهل فكرتوا ليش انكم اهتميتوا بهالأعضاء من الأساس؟!
بسبب ابداعهم وفكرهم .. مش لأنه فلان بن علان
فـ الإدارة عطتهم فرصة .. يقدرون يبنون لهم نفس الشخصية بس بشكل أفضل ..
ومع الوقت.. بتتعودون عليهم من أول ويديد وبتحبونهم . . .
لأنهم نفس الأشخاص ..
:a050:

وإذا هالقرار بيفتح مجال لهالأعضاء بالمشاركة من أول ويديد ..
فـ أنا أول المشجعين لـ هالقرار ..
ما تعرفون .. يمكن يوقفوني وأرد أشارك بنك نيم ثاني ..!!
:k_harhar1:

فـ رجااااءاً .. فكروا بإيجابية بدال ما تستوون أخس عن اليهال والواحد يمد بوزه شبرين!!
وصدقوني إني أكثر وحده فيكم زعلانه على توقيف أحلى منصوري ..
:7:

نفتح صفحة يديدة؟!

عذراً .. أحلى منصوري

عذراً .. عايش وهم و بن دبي

عذراً .. محب الشيخين

عذراً .. قرموشة و ريم ريم

عذراً .. منكم جميعا ً . . .!!

..

لمّــاح

27-10-06 ||, 02:12 PM

امطار كفيتي و وفيتي ..

بختصار ،، اثتبو وجودكم و بتكون لكم آذان صاغية ( داخل و خارج الواحات )، مب بالزعل بتنحل المشاكل ..
و للعلم عايش وهم و بن دبي من الي طريتهم فوق
اسلوب جداً جداً جداً راقي و جميل في التعامل يخليني ساعات انسى المشكلة الي بيني و بينهم
لاتخسرون اسلوبهم الحلو هذا بكلمة مب حلوه تزعلهم :a010:

شمعة أمل

27-10-06 ||, 02:28 PM

و اذا في قوانين مب عايبتنكم، قللو مشاركاتكم في الواحة الي ماتعيبكم ..
و اذا في إداريين مب عايبينكم، لاتحتكون فيهم و صدقوني انهم مابيحتكون فيكم و بتنسون وجودهم حتى في الواحات !!:a050:

:thumbup1:

نور الإيمان

27-10-06 ||, 02:34 PM

احم ..

بسم الله الرحمن الرحيم

شحالكم يا جماعة الخير؟؟

الله يسلمكم و يعافيكم .. يوم اني قريت الموضوع كله و مع الردود .. تذكرت نفسي و حياتي بالمدرسة اللي اشتغل فيها حاليا :surrender: ...

الله يسلمكم ادارتنا جدا صارمة .. و لها قوانين تعور الراس .. و لكن الحياة تكتيك و سياسة :thumbup1: ... ما نتعرض للإدارة عسب ما يتعرضون لنا بكلمة او تصرف يخلينا نثور ... و في موضوع ريم ريم عن احلى منصوري .. قد نبهتها ان الكلام محسوب .. و بالأخص ان تجاوزت حدود اللباقة .. يعني كان فيه شد اعصاب و غضب ..

اتذكر احدى زميلات العمل عندي بالمدرسة كانت كل دقيقة و التالي تتشكى و تعارض الإدارة و ترفع صوتها عليهم .. لدرجة انهم كتبوا عنها تقرير و طبعا تعرضت للإهانة من قبل المديرة و الوكيلة:h_negab: ... رغم انها تعيين يديد حالها حالي .. و كان من المفروض ان تفكر 10 مرات قبل لا تجادل الإدارة و ان جادلتهم لازم يكون ها بعد ما تهدأ اعصابها و تجهز نفسها للحوار و بطريقة ذكية شوي ..

اما بالنسبة للقوانين .. ما ادري .. انا عارضتها اول ما وطأت قدماي ارض الواحات .. و لكن اكيد هناك حكمة من هالقوانين .. و دام انه المنتدى مب يديد .. فأكيد الأخوان عاصروا انواع مختلفة من البشر و اعتمادا على هالشي حطوا هالقوانين .. و في كل الأحوال السلاسة مطلوبة :a050: ولا شورايكم؟؟

الإنتاج بيكون افضل ان كان هناك في مودة بين الإدارة و الأعضاء مب خوف و حالة توتر:h_negab: فأتمنى ان تكون هنالك هدنة :m_afaker: >>> شو السالفة؟؟

و مثل ما يقول المثل خلكم كول :a010:

شوق القلوب

27-10-06 ||, 02:50 PM

الســلام عليــكم...

مــاشاء الله .. الجماعه كفوا و وفــوا..

و كل قانون ما انكــتب الا بعد موقف او مشكله و الاداره بغت تتجنبه من يديد .

..

اداره واحات بن دبي جداً راقيه في التعامل لو حصلت انسان يحترم و يناقش بهدوء وبدون تجاوزات لحدود الادب.

كلهم اشخاص كبار في سنهم و في تفكيرهم و نظرتهم ، و تظل الواحات مكان ترفيهي لنا كلنا بس هم تعبوا نفسهم و اعطوها جلّ اوقاتهم عشان تطلع لنا بهالصوره .. و هذا كله لمنو..؟؟ مب لنا نحن ..؟؟

بن دبي و عايش وهم

عمرهم ما قصروا بشي ولو بنشكرهم من اليوم لباجر ما بنكفيهم

.
.

وانا اشهد انه هالقوانيـــن... ابعدت عنا الكثيــــــــــر من الشر .. ولو انه الاعضاء ما كانوا يشوفونه

.
.

واذا اي حد في خاطره شي على الاداره .. برساله لعايش وهم و باسلوب راقي بينحل كل شي .. و بيتوضح كل شي.. و ما بيوصل لاخر الرد الا وهو مرتاح و راضي :)

.
.

الادراه

ربي يعطيكم العافيه :)