حتى في العيد [الأرشيف] - -:: واحات بن دبي ::-

مشاهدة النسخة كاملة : حتى في العيد

أليمه

25-10-06 ||, 08:48 PM

السلام عليكم ورحمة الله وبركاته..

اشحالكم؟..<اتولهت عليكم وااايد واايد... واليوم رجعت لكم من بعد غيبه طوييله..
وأدري اني امقصره افحق الواحات بس والله ظروف الحياه والدراسة ما اتساعد...
واسمحولي بفضفض.. لني صدق صدق ظااايقه!!

انسانه غاليه معاها من أربع اسنين.. وعزييتها وايد وايد.. وبديتها على كل حد.. وما اتخليت عنها في

المشاكل اللي صادقتني بسبتها هي.. اتمشكلني وعقب أرجعلها شرى ماكنت معاها ويمكن أحسن!!

وهي ولا بين فعينها هذا كله.. عودتها انها اذا اظايقت على طول تلجألي وبالفعل هذا اللي كان ايصير

وأمس بكل برود اتقولي خلاص أنا بقطع علاقتي بج!!.. أنا مانسيت وقفتج معايه في مشاكلي..

ومانسيت نصايحج وخوفج عليه... وما أنكر غلاتج.. بس أنا انصدمت منج من اللي سويتيه فالصيف!!

قتلها اتحاسبيني على غلط واحد وانتي أغلاطج مالها حد.. قالتلي لكن أنا صدمتي وايد قويه..

وانا ما أقدر أسامحج!!!.. انصدمت حيييل منها!!.. مع اني استسمحت منها و وديتلها هديه وحالتي

لله.. وهي أتقولي أمس خلاص أنا مابرد أكلمج لني ما أقدر أسامحج!!!.. وقالتلي لو طرشتلج

مسجات أو دقيت لا اتردين عليه.. وحتى لو قتلج اني بموت لا اطرشيلي.. هذا كله بس عشان

هي اتعرفت على وحده وهذي الوحدة وااااااااااااايد فري!! وغيرت أخلاقها للأسوء!!

ليش يا فلانه.. والله العظيم انه مب هاين عليه أشوفها تخترب والسبه اللي هي شايفتنها ملاك

فعيونها!!.. واللي يقهر اتقولي انه امها مااتخليها اتر ابع هذي البنت وامها هازبه البنت.. وقالتلي

وفوق هذا كله هي اتحملتني وتمت معايه!!!.. انصدمت وقلت افخاطري يعني أنا اللي معاج من اسنين

وفريتيني عشان وحده انتي معاها من خمس اشهور.. ولا وبالصدفه اتعرفتي عليها!!

وطبعن أنا ما بينتلها اني مظايقه لني أنا من النوع اللي ما أبين لحد ظيقي.. وقبل لا اتسكر قالتلي

اذا في شي افخاطرج قوليه... ولا اتخلين عمرج كول لني أعرف انج مضاايقه وايد بس ما تبغين اتبينين!!

قتلها أنا عاديه ما فيني شي.. وقتلها مع السلامه وربي يحفطج... وسكرت عنها ودقت عليه 3 مرات

بس مارديت عليها!!..

والمشكله انها عادي اتييني ف السكول ولا جنه صاير شي اتسولف عادي.. بس هذي المرة احساسي

واييد مجروح من تصرفها لني ما اتوقعت انها اتقولي هذي الرمسة!!..

يا الله لهذا الحد وصلت وقاحة الناس.؟؟. ولهذا الحد انعدم الظمير ف الناس؟!!

ما أعرف شو أسوي:(

أختكم الصغيره::

أليمـــــــــــــهــ

هزاايم

25-10-06 ||, 09:18 PM

أليمه
الدنيا تجاارب
وهذي تجربه
ومن بااعج بالرخيصه بيعه بعشر ربياات<<<غيري موودج
ألميه تلقين إلي شروااتها بكل مكاان
بس الشيخه
اعرفي عشرة العمر ماطير بالهوى بالسااهل
ولابد رااح ترجع لج
:a010: عيدج مباارك وهونيها وبتهووون
بس قسم بالله انا لومكاانج رااح اعطي كااش بويه
من وين لي ياحسره هالقلب الكتوووم
مدري شو اقولج بس احس بج لأني صدق امر بهالموااقف لكن ماتوصل لدرجه إن نقطع الرواابط
ربي يسامحها ويهديها

المزوحي

25-10-06 ||, 09:44 PM

أليمه

يوم قريت كلامج .. كأنه ناقله الرمسة من فلانه وإلا من مجلة .. الخ

ليش !

لانه هالكلام وايد نقراه ونسمعه ... ووايد يصادف إنه الواحد ينصدم من ربيعه اللي وياه من 4 سنوات

او حتى اكثر ... نقول ليش يوم نحن ضحينا وعطينا يعاملونا جيه ...

وليش انا عطيت وهذا جزايه

وآخر شي تقولين ما اعرف شو اسوي

أليمه ماتعرفين شو تسوين .. انا بقولج

من هاللحظة لو اتصلت او طرشت مسج ماتردين عليها

لانه هي تقول انا ماقدر اسامحج .. بكيفها

لو انا شخص عاملني هالمعالمة والله لفره

بتقولين مارووم وعشرة وحرام وغييره

عيل هي مب حرام تسوي بج جيه

خليها من هاللحظة اللي تقرين فيها ردي

حتى لو هي اللي اتصلت خليها

باجر بترد تفرج وبتنجرحين من تصرفاتها .. اش حقه

غموض الامنيات

25-10-06 ||, 10:20 PM

اختي اليمة ..

الصراحة عورني قلبي .. لان ربيعتي سويت فيني نفس الشي .. وهي الحين

تريد ترد ما جنها هي الا تركتني .. وراحت .. وتقول اني قلبي قاسي وما يعرف يسامح ..

انا متفهمه المج والله بس .. الا يبعيني مرة .. ابيعه الف مرة .. وعشان جذي

انا ما ادر عليها .. لانها غلطت والمفروض انها تعرف غلطها .

ولا ضايج بعمرج . ولا شي . الدنيا تجارب زي ما قال هزايم ..

وهلا فيج مرة ثانية ..

لاهنتي ....

شمعة أمل

25-10-06 ||, 11:29 PM

تدرين ..
استوتلي سالفه نفس سالفتج تقريبا العام ..
ربيعتي الى وياي من ست سنين لاحظت تغيرات ابدا مب حلوه عليها .. وزعلت عليها وماراضتني .. ف انا قلت مشكلتها انا مابرمسها ولو تباني تعرف انا وين .. وبدلت مكاني في كل الحصص وماقعدت عدالها ..

في الاخير .. اكتشفت انه هي مب مسوتلي سالفه لانها تبا تكون نفس وحده في كلاسنا .. وخذت كم من طبع مب اوكيه .. كل يوم يايتلنا متمكيجه .. ولمست شعرها .. وبدلت طريقة رمستها .. والخ من اشيا

وكلحد ايي عندي ويشتكون ويقولولي كيف تخلينها جي تكون .. بس هي ماعادت ربيعتي؟؟ .. وكل شوي يقولولي انه محد كان ميودنها غيري .. بس في الاخير طلعت على حقيقتها .. انسانه مايهمها غير المظاهر:k_smile2:

محد استوى يدانيها .. كلحد يرمس من ورا ظهرها .. لانه شخصيتها جيي تحسينه fake .. بس في الاخير .. دايما تييي عندي وتشتكيي كيف كلحد يرمس ورا ظهرها الا انا وماتروم تثق في حد الا انا!! بعدين تقطعني لشهر وتردلي مره ثانيه بنفس الرمسه >_<

جوفي
هاييل
سويلهم طاف .. تخلصي منهم مره وحده .. ولا بتتعذبين طول حياتج ..
لاتقوليين يحليلها بحذرها ومادري شو
ترا مامنهم فايده
لو اتمين تحذرينها من اليوم لين باجر بتقولج خلاص تبت ومن وراج كله جذب في جذب

مايسون .. عيشي حياتج .. ترا الحياه حلوه ^_^

المزوحي

26-10-06 ||, 12:41 AM

شمعة أمل

يعني هي وقت ماتبغي تي عندج تي وإن ماتبغي تفرج ...

هاااي صدق بسوي لها طااااااااااف

حتى لو تقولين لااااااا 6 سنوات وياها شو عاااد هي ومنو هي !

بالعكس .. المفروض تكونين سعيده إنها ماعادت ربيعتج

الواحد بتعدل فيه مره ومرتين وثلاث وبتتحمله ... مب كل مره ..

الحمدلله

الوحده تشوف حياتها .. ليش نحكر عمرنا مع هالشخص

والله بتحصلين غيرها بعد ...

شمعة أمل

26-10-06 ||, 01:55 PM

عندي مليون وحده غيرها ^_^ بس انا طبعي اساعد اي حد!

الناس الى مثلها .. ماعندهم *ربع* بمعنى الكلمه .. بس يسمون ناس بهالكلمه عشان يقولون *انا عندي صديقه* .. بس لو سرت وسألت هالناس .. بيقولون .. هي مجرد زميلة عمل ^_^

منو يبا يرابع شخص يحاول يكون شي يوم هو شي ثاني؟ طبعا محد ..

وعشان جي هي ماعندها ربع ..

أليمه

27-10-06 ||, 04:09 PM

تسلمون كلكم على مروركم.. استاست يوم شفت ردودكم..
وربي لا هانكم...

وان شاء الله بسوي اللي قلتوا عليه.. :k_smile2:

والله ايديم عليكم السعاده

وتسلموون