شوتســـون أول يوم العيــد..؟

[شمعة أمل]

السلام عليكم ورحمة الله وبركاته ..

بما انه العيد قرب *عقب 3 أيام ان شاء الله* .. كنت يالسه افكر شو بنسوي في العيد..

كل عايله عندها روتيين في العيد ..

لو انتو البيت *العود* أو *الأساسي* عادة ماتطلعون من بيتكم أول يوم عيد .. وتستقبلون الناس من الصبح لين الفليل:thumbup1: .. واذا لا .. يمكن تاخذون جوله على بيت أهلكم .. والخ

فــ خبرونااا ... شو تسون أول يوم عيد؟ شو روتينكم؟؟ وشو مخططاتكم لهالعيد؟:fa35:



وعيدكم مبارك مقدما .. وكل عام وانتو بخير




- شمعة أمل

[تحفه]

بعد ما توفى يدي من ست سنوات .. انا تغيرت وتغيرت الدنيا كلها

صرت كل عيد أرقد لين الظهر
انش اتريق
وايد يدقونلي بس ما ارد عليهم او اختي تشفق على حالتهم وتقولهم ( ترا بعدها راقده )
الانسانتين الوحيدتين الي ارد عليهم ( خربوطه وربيعتي الثانيه الروح بالروح )
بعدين احط اغراضي حق بوظبي
قبل لا اروح بوظبي امر بيت يدوتي اسلم عليها ومرات نتغدى عندهم ومرات نتغدى في بيت يدوتي في بوظبي
يوم نوصل بوظبي نتيمع في بيت يدوتي وبعدين كل ساعتين في بيت حد وطبعا وناسه
بعدين نتعشى ( ولازم نتعشى مرتين ولامايكون عيد لول )
بعدين نوصل لمرحلة التبنجير كلحد تعب و خلص جارجه وقام يتثاوب . .

ونصنا يرقد 10 ونصنا نرقد ع الساعه هنتين

( هذا اول يوم )

[ألم ترى]

بسم الله الرحمن الرحيم ..

هلا اختي شمعة امل :14: ..

الصراحه الصراحه انا كل ايامي عيد ولله الحمد ولكن إذا كان عيد مخصص فهذا غير اكيد ..

اغلق تلفوني لين المغرب او العشاء واتم ف البيت ما اظهر طبعآ ! ..

روتيني هذا من 10 سنوات تقريبآ :fa46: ..

شكرآ ع الطرح اختي ..

دمتي بحفظ الله :fa35: ..

[مجموعة إنسان]

سير بوظبي .. وبعدين بخبركم شو بسوي اول يوم !!

[الشحية]

الموضوع حلـــــــــــو ..
أبى العيد إيي بســـــرعه ..
الله يسلمج ويسلم غالـــــــــــــــــيج في العيد أنش من وقت والكل ينش من الفير لكن أنا أخر وحدة كالعادة جي على الساعه 9 خخخخخ ..
أخذ لي شاااااااور ونلبس ثياب العيد ونكششششششخ ..
أتصل في ربيعاتي أبارك لهم .. لكن دايمـــــا ً هم اللي يتصلون دومي متأخره ..
و من بعدهــــا نروح كلنــــا للبيت العود أو الأساســـي على قولـــتج شمعوووووه ..
وهو بيت عم أمي .. كل العايلـــــــــــة تجتمع فييييييه يكون يوم ولاا أروع ..
خالااااتي و عيالهم و خوالي و خالاات الوالدة وعمومتهااا . و . و . و .. إلخ
و قرايبنا مال بوظبي و دبي كلهم إيوون رااك ونكون من فترة مب شايفينهم " متولهين عليهم "..
نسولف ونتغدى و يوزعون العيديــــه ..
وتقريبا ً تكون الفترة من 11 لين 3 الظهر ..
ومن عقبها نروح بيت يدي العــــــود ونيلس لين الليل هناااااااااك وياا عيال خالتي ..
وبس >> هذا أول يوم .. و اليوم الثاني نظهر للمكان الي نباه عادة ً نروح دبي ..
لكن هالعيد إحتمال نروح للــ كويت لـمرت خالي عازمتنــــا .. وربيعتي تباني أيي مسرحية في الثقافي بيمثلونهـــــا ..
وبس

حياكم الله

[المزوحي]

شمعة أمل مبارك(ن) عيدج :a070: وعساكم من عوادة العيد ..
بالنسبة لنا نحن .. قبل 5 سنوات كنا قوم نتسبح ونصلي ونتريق واسير بيت يرانا ااسلم عليهم ولازم يعطوني آكل من حلواتهم :fa34:

السنوات الأخيرة ماقمت اسير لهم .. أولا نسير عند يدوتي أسلم عليها وكل شويه حد يدخل ..
خوالي وحريمهم واليهال ويرانهم ... ويوله عاااد :a033:

على اذان الظهر نصلي وخلاف نشل بعمارنا بيت عمي الغدا عندهم .. نيلس مع عيال عمي وكل شويه حد يحدر علينا كبار ويهاال .. وعقب الغدا نتم لين صلاة العصر .. نصلي ونشتل صوب البلاد نسلم على عماتي ...

وخلاااااااف نرد البيت نحس بتعب وإذا لنا خاطر نتعشى ومرات نرقد بدون عشاء :a068:

[شمعة أمل]

كتبت رد عود وانمسح:a058:

برب

[هزاايم]

السلام عليج
اشحالج واعلوومج عساج إلا بخير
مباارك عليج الشهر:fa46: وي حليله رمضان
قصديه كل عاام وإنتي بخير


عنااا نحن فأول يوووم غير يعتمد يعني,,إذ بليل سهرانين على تسويت الحلو والسويتاات,,انش من وقت عسب اجرب:tounge: ,,لكن احياانا اخمدها رقااد,,يقولون الأبو إيي يوعينا حق الصلاه بس انا خبر خير,,أوكيك قولي لين الساعه 12 انا اكون وااعيه,,اتريق ريووق محترم "بلاليط ومحلى و لقيمات والرنيقنه واكيد القهوه وشاي كرك واشياا ثانيه مااحبها"عقب نبدى نستقبل نسايبنا وخواتيه وخواليه واحيانا مش دووم عمي يخطف علينا,,يعني نقعد بالبيت لين بعد المغرب وعقبها نخطف على يدووه نقعد اشوي معاها وعقبها نشلها ونشل قشارها نرووح بيت خاليه العوود,,وإهنااك كل العايله ومشتقااتها يتيمعوون وكنا نقعد لين 1 أو 1 نص لكن الحين من كم عيد اخويه يمر علينا ونتعشى برع لوول بكشخة العيد:a068: وصح وشلالق لهم دووور:fa56:
طبعا الوجباات بالعيد تصير دبل :icecream: يعني الغدى مرتين والعشااا والحلوو لووول دوومه بالحلج
وربي يبلغنا هاليوم ونستانس به
معنه حرمة خاليه العوود مش موجوده مدري كيف رااح يكوون بيتهم:fa43:

[شمعة أمل]

السلام عليكم ورحمة الله وبركاته

أول يوم عيييد .. طبعا يتغير في كل عيد على حسب الظروف .. لانه مرات ابويه يكون مسافر =( .. ان شاء الله مايسافر هالعيد D=

طبعا .. انا أول وحده انش من الرقاد .. احس انه هالشي ظروري:thumbup1: .. عشان أحس فالعيييييد .. أول شي أسويه *ادريبكم بتضحكون* .. بس أول شي اسويه اسير أسلم على بشاكيرنااااا:fa35: .. احس انه صدق هالناس يحسسوسنيي في العيييد .. وايد استانس يوم اشوفهم مستانسيين .. تيي بشكارتناا ويا ابتسامتها العووده شمعـــــه عيييدمبااارك ماشاءالله ماشاءالله بارك الله اليوم العيد =) .. كتكوته يحليلهاااااا .. الثانيه مادريي .. أول عيد هي ويانا ف ماعرف بس طبعا بسلم عليها حليلها طيوبه

بعدييين
اتكشخ وكل شي طبعااا والتليفون مايسكت .. احلى شي في العيد .. البنات الى ماعرف شي عنهم طول السنه يتصلولي في هاليوم .. صدق استانس يوم أسمع صوتهم..:fa34:

بعدييين يوم كلنا نخلص نتكشخ نسلم على بعض وننزل تحت نتصور .. بعدين نوزع العيديه على الخدم .. بعدييين نحن البنات ندش السياره وابويه يسير يرمس دريول يدي الله يرحمه .. كل عييد الصبح يوقف برع بيتنا يتريلناا وابويه يسلم عليه .. يحليله طيب ..
بعدين على حسب الوقت وابويه شو عنده ..
مرات بس نسير بيت يدوتي وهو البيت العود الى كلحد يتيمع فيه
ومرات نسير بيت عموتي العوده وكل عيايز العايله .. يعني ناخذ جوله
لكن اذا بس بيت يدوه نشل البشاكير ويانا

ندش بيت يدوتي كلناا ونسلم على كلحد والبشاكير بعد ويانا يدشون يسلمون ^_^ *كل اهلنا متخبلين على بشاكيرنا ودوم يسلمون ويانا* .. بعدييييين طبعااا شي fashion show =p لازم كل وحده تراوي كلحد هي شو لابسه .. وبعدين يدوتي اهم شي عندها *الذهب* .. لازم يكون يديد ولا تزعل فديتهاا .. احيد مره حصلت هزبه محترمه يوم ذهبي ماكان يديد لول قفطه!

نتم لـجي ساعه ولا ساعتين في بيت يدوتي .. بعدين أبويه يروح ويشلني وياه *انا اتهرب وقت الغدا من بيت يدوتي لاني ماحب الأكلات الشعبيه < ادري اني غريبه بس ماحبببببب واعرف اني بنجبر اكل شي ماحبه* .. ومرات اختي العوده تيي ويانا .. واختي الصغيره اتم هناك .. ومرات اختي تسير بيت ربيعتها تسلم عليها لشويي

أبويه ينزلني البيت وهو يسير عند الشيوخ يسلم عليهم .. مرات يرد البيت وكلنا نتغدى برع .. ومرات يتغدى هناك ونتعشا برع .. على حسب .. بس دايما يكون مطعم يديد ولا مره سرناله

والفليييل هممم كل سنه غير .. على حسب الصراحه .. مراااات نستقبل ناس الفلييل .. بس هالشي بعد نادر .. لانه اصلن محد يكون في البيت .. كل شي في بيت يدوووووووه


واذا ابويه يكون مسافر
تجوفووون كيييييييف بيتنااا حزييييين:ohboy:
مول مانحس في العييد
بس طبعااا نسير بيت يدووه .. بعدين تجوفون يدوه حزينه على معصبه وتييلس تعصب وتعصب .. وحليله عمي يدافع عنا شويه .. لانه مانعرف شو نقول حق يدوه =( ..
وامي تحاول تغيير جوووو واطلعنا وجيي .. بس بعد .. العيد بدونه مب شيييييييييييييييي



وبسسسسسسسس
يعني
بالمختصر
نحتفل بالعيد في بيت يدوتيي
ونتغدا ولا نتعشا برع
وبس

^_^

[الرحيل]

اي عـــــــــــــــيــــــــ ـــــــــد وانا باخر الدنيا...

كل عام وانتو ابخير..احسدكم والله

[الدلووووعة]

نحن اصلا لازم قبل العيد بيوم محد يرقد بس انا الصراحة ان طولت لين 2 او 3بس حدي
وامي واختيه يزهبون الاكل وسوالف الحلويات وطبعا الصبح انا انش وياهم ( اقصد ابويه وخوانهي الاولاد ) من قبل مايسبحون ويتزهبون يعني قولو من الساعة 6 انا واعيه وياهم لازم اشوف الحشرة والصريخ ولا مايكون في عيد بالنسبة لي وطبعا انا اكون الضحيه وحليلي يعني صدق يكرفوني فالعيد إلا سيري هاتي المدخن وإلا مادري شو سوي ( اخوانيه بطرانين ماتأمرون عالبشكاره يتأمرون عليه انا وحليلي ^_^) ومن بعد مايسيرون المسيد البيت يفضى لنه الكل يسير المسيد وامي وياهم
والمهم انه محد يعطي الصغاريه العيديه إلا انا ^_^ كشخة تحسين صدق مستانسين عثيابهم اليدية وانه اليوم عيد المهم بعجين اسلم على ابويه يوم يرد من المسيد طبعا اخوانيه الاولاد ماشوفهم إلا الظهر او الليل هم يون البيت بس كل واحد يايب ربعة فما نروم نشوفهم وبعدين اسير اتصل فربيعتيه قبل ماهي تتصل فيه دوم فكل عيد نتسابق امنو يتصل ويعيد قبل ^_^عالساعة 10 او 11 اسير اتلبس وتكشخ ومن بعدها جي عالساعة 12 او وحده حريم فريجنا وبنات فريجنا يون يعيدون علينا وبعدين ( لاتظحكون ^_^ّ) يوم يسيرون اسير اطالع رسوم توم اند جيري وبعدين عالعصر وجي نسير نهم الاهل وجي ونرد البيت عالمغرب لنه اهل ابويه دوم المغرب يون لنا وجي واخر شي نتيمع نحن خوالي واخخوانيه وبس ندق سوالف لين ماجري الساعة كم ^_^ وبس ها اول يوم العيد

[شهوووودة الأمورة]

كل عاااااااااااااااام وانتو بخيير مقدماااا.:a070: . أبا عيديتي احم احم عاادي استقبل عيديه أنا قبل العيد بكمن يووم .. لاا تستحوون طرشووا :k_harhar1:

مممم عيبني موضوعج شمعة أمل :fa35: حبيته خلااص :tounge:

ممممم نحن قبل العيد واللي هو ليلة العيد نكون أنا واختي وامي سهراانين نسوي السويت وغيره ..:icecream: يعني تقريبا مرات نخلص شغلنا ع السااعه 3 او 4 يعني جي .. وطبعا انا خلااص اكوون قفلت في هالساعات فأرقد الييييييين الساعة 6 او مراات 7 .. وفي هالوقت الكل يكوون وااعي
وانا الوحييده أكوون وااعية متأخره ...

ممممم بعدها ع طوول انزل اشووف شو يسوون بالمطبخ .. اهم شي .. يحطوون الفوااله:icecream: وشوي أسااعدهم ..

بعد ما يخلصوون صلاااه .. اسلم ع باباتي واخواني وامي واختي ويدي ( دوووووم يوم أسلم ع يدي ييلس يصييح يغمضني :ohboy: ) .. عااد يوم اسلم أكووون متشقشقه ضحك اوني استحي خخخخخخخ :fa34:

( ترى هنييه للحين مب كااشخه .. اكشخ ع الساعه 9 او 10 )

اتصل لربااعتي او اطرش مسجاااااااااات وجي ..

الحيين حااان وقت التكششخ .. تقريبا ياخذلي وقت ع ما اتعدل خخخخ :fa35: يمكن ساعه او ساعه ونص :fa46: او يمكن اكثر :fa35:


وما نطلع من البيت إلا العصر .. ونرووح بيت عمتي .. خالي وجي يعني بشكل عاام الأهل :k_harhar1:

ونرد البيت 9 او 10..

وبسسسسسسسسسس .. فييه اشيا ما كتبتها .. برد اكتب رد ثااني بعد اذنج شمعة امل :fa35:

[شمعة أمل]

بوظبي
انتي اول انسانه اعرفها تنش الظهر يوم العيد:fa46:

محب الشيخين
يعني بيتكم البيت الأساسي:fa35: حلوووووووو

هواجيس مشتاق
يعني ماعند روتييين سنوي؟

الشحيه
حلووو .. عندكم أهل من إمارات ثانيه ..
ياليت لو جيي عندنا
احس كشخه

المزوحي
حلوووووووووووووووووووو
كيف ماتتعشا في العيد انا مادري .. الأكل في العيد احلى شي:thumbup1:


الرحيل
=s
شو السالفه


الدلووعه
هلا والله
لول بعدج تشوفين توم اند جيري .. كيووووووووووووووووووووووو ووت
حلووو اول يوم عيد عنكم



شهووده الأمووره
نتريا التكمله:fa34:

[المزوحي]

شمعة أمل

نكون ملقطين من كل بيت

[شمعة أمل]

المزوحي
هيييه صح نسيت لوول
عاد انا
اخس شي عندي يوم حد اييلسني على طاوله ويحطون اكل في صحني >_< لاني ماحب اكل اي شي p=

[شهوووودة الأمورة]

هههههههههههه حلوة هااي نتريا التكمله حسستيني كأني أكتب قصه :a049:

شوفي شمعة امل اللي كتبته فووق.. هذا ع أياام قبل لاا اختي تعرس.. هالسنه بكووون هذا أول عييد يمر علينا بدوون اختي.. بالأول اهييه تسااعدني او بالأحرى انا اسااعدها نسوي حلوياات .. اما هالعيييد عاااااااااااد الله يعييني :fa43: .. محطيه فباالي اسوي..
كيكة الرمل.. وآيسكريم نسكافيه بالبسكوييت ( ما بعطيكم الطريقه:k_harhar1: ).. ووو بعد قلت بسوي ورق عنب بس امي قالت لأ لاا تسويين .. مع انه كل عييد نسوي .. بس مادري ليش امي غيرت راايها .. مممممم والله محتااره شو بسوي .. وييييييييييينج يا ختي كنتي شااله شويه عني هممم العيييد :fa43: .. مممممممممم بفكر بعد شو بسوي ..

المووووووووووهييييييييييي ييييم .. هالعيد احسبه غييير :ohboy: .. لأنه كل شي انا بسويه بدوون اختي ..

يعني مممم محطيه فباالي اني ما بسهر في ليلة العييد .. عسب انش الفير.. واخلص شغلي اللي هو احط الفوااله وادخن ابوي واخوااني والبيت طبعااا..

وهييه صح هالعييد يدي مش موجوود عدنا بالعاااده كل عييد يدي يكوون هالعييد احسبه مب حلوو:fa43: ..

بعدها اسبح اختي الصغييره فدييتها ( احس جني امها) واكششخهاا.. وبعدها ارووح اشووف امي اذا تبا شي ما شياات قبل لاا اتكشخخ خخخخخخخ.. قلت لج قبل اطوول يوم اتكشخ..

مممممممممم مادري شو ياالسه اخربط احس اني اكتب قصه حيااتي:a068:

هذا اللي كتبته انا جي متخيلته :fa35: عااد ما يندره شو بيصير بالواقع

[الـيـاه]

سلاااااام

:fa35:
*عيدكم مبارك مقدما ً* ومشكـوره الغاليـه شمعة أمل على الموضوع ..


شو أسوي أول يوم عيد ؟
:14:
طبعا ً أنش من وقت على الساعـه 7 ونص واتم في الحجره اسبح واتكشخ وحالتي حالـه
بعدين اسويلهم تلفون ايبولي الدخون ( لان مابا اطلع قبل ما اتدخن ) ..

اتي البشكاره واسلم عليها
وعقب ما اتدخن واخلص كل شي اظهر ابوس ابويه وامي واخذ عيديتي عسب ماينسون عقب وانا انسى :k_harhar1:


*وبما ان بيتنا البيت الرئيسي لان ابويه هو العم العود:inlove:*
*وبعد امي ثاني اكبر عمه حق عيال خوالي*

ومايكون بس للاهل بعد ربع ابويه وامي ايون واللي يشتغلون عند ابويه ومعارفنا و ناس وااااايد

فـ بيتنا أول يوم حفله :a033: + خمسين ألف ياهل ويا خمسين ألف حرمه وبشكاره + أمية ألف ريال !!!! فـ نظطر انه مانظهر أول يوم
لان السلام مايخلص لين فليل

( والعيديه تشتغل هههه ) :icecream:

و ولا مره في حياتي سرت اسلم على حد فالعيد لان كل حد ايي بيتنا نحن

:thumbup1: وها يكون أول يوم
وثاني وثالث يوم تبدا الطلعات والغدا او العشا برع وجي وبسسس


.
.
.

[خيال الحب]

احس اني متعايز اكتـــب شو اسوي يوم العيد خخخخ


بكتب خلااااااف

>>>برب<<<<

[فركوشه]

على قولتج البيت العود او الاساسي لازم يقعدون اول يوم عيد فالبيت.. والين المغرب.. يا نتم قاعدين.. او نحوط فالسناتر.. :)

[شمعة أمل]

شهووده الأمووره
الله يعينج لازم تطبخين يوم العيد .. ويوم تسوين ايس كريم نسيكافيه بالبسكووت .. لاتنسين اطرشينه بيتنا:k_harhar1: .. تراني عاشقة الآيس كريم:icecream:


الياه
انا يوم كنت صغيره كنت اتحرى يوم بكبر عيديتي تزيد لانه الأصفار تزيد << المقصد انه الصفر يزيد بدال الخمس خمسين p=
بس
طلعت غلطانه
محد استوى يعطيني عيديه:fa43: بتحصليني اسلم على عشرين شخص واحصل عيديه من شخصين:glare:
حليلي أكسر الخاطر صح؟:a034:
انتييييييي اكبر عنييييي معناته لازم تعطيني عيدييييييه:alien:


خيال الحب
كسووووووووول :fa44:


فركووشه
حلووو.. ان شاء الله تسانسووون:fa35:




للعلم
نسيت أخبركم
ترا كل الى ردو في موضوعي أكبر عني معناته يوم العيد لازم تعطوني عيديه:fa34:

[شهوووودة الأمورة]

هيييييييييييه صح نسيييييييت اقوول.. نحن اذا بنتيمع في البيت العوود اللي هو بيت يدتي يكوون اليوم الثااني .. لأنها في الشارجه.. أما اول يووم بس زيارات عائليه .. او مراات نتيمع في بيت خالي وتكوون يدتي موجوده عدهم فيكوون بيت خالي البيت العوود ..


شمعة امل أنا طلبت العيديه قبلج لاا تحاولين تتهربين .. ابا العيديه يعني اباهاااااااااا..

وع ساالفة الآيسكرييم .. أفاااا عليييج مرررررره ما طلبتي .. بيوصلج .. (:

تدرين أحس اني اليوم حلمانه فيج .. بس نسييت شو حلمت

[قصايد غلا]

مباركــ"ن" عيدج شمعة :fa35:

اممممممم أول يوم العيد كلهم ينشون الفير عشان أبويه واخويه يسيرون يصلّون واميه تنش وياهم عشان تدخن ومادري شو تسوي بعد :k_harhar1:

على الساعه 7 أو 8 تي أميه توعّيني ، وعقب ما اييون أبويه واخويه من الصلاه أخويـــه ايي شرا الصاروخ يطيــــــــر يدوّر الشبريه وبسسس :fa46:

وابويه اييونه يراننا ويسلمون عليه ومرات اييونه قوم عمي (طبعا هذا يوم كنا في بيتنا القبلي ، لكن السنه مادري كيف بيوّنا قوم عمي ولا يراننا الكئيبين ويا فريجهم هذا الكئيــــــــــــــ:fa44: ــــــــــــب )

طبعا أنا في هالوقت أكون يالسه أتزهّب و أكشخ :inlove: ، وعقب أتريق :icecream:
من تستوي الساعه 12 ظهرنا من البيت ، نمر نسلّم على يدّوه (أم ابويه) وعقب نسير بيت عموه لأن بيت عموه كل حـــــــــــد اييــّه ونستانس على اليمعه

وعقب بيت عموه نسير بيت خالوه (لأنها أكبر وحده وكل خالاتي ايّن عنده) ونتم ليـــن في الليل وأكون تعبــااااااااااااانـــه وفيّه رقااااااااااد وفي نفس الوقت مستانسه لأنه ثاني العيد واللي عقبه = أيام الحواطه والوناااااااسسسسسسسسسسسسس ه :fa34: ...

[بحر الموده]

السلام عليكم ورحمة الله وبركاته

** كل عام والامه الاسلاميه بصحه وسلامه العيد وقبل العيد بيوم محلا ريحة الحناء تفوح فى كل

البيوت والكل سعيد وفرحان وينتظر هذا اليوم الحبيب والغالى على كل مسلم ومسلمه نحس بالراحه

النفسيه .. انا عن نفسى ارقد من وقت وانش من وقت قبل صلاة الفجر نسوى كمر مندى قصدى نسبح

ومن ثم سرنا صلينا الفجر ورجعنا نكبر رايحين المصلى.. ارجع البيت ابارك حق الاهل وعقب اروح ميلس الرياييل ويا اخوانى والكل يتبادل التهانى والتبريكات .

ارجع اروح بيت اليده ونجتمع هناك لين الساعه العاشره صباحاً ويتيمعون كلهم وانا عن نفسى احب

اولاً زيارة صلة الرحم اليد والعمه والعم عقب نبدى بالاتصالات لى ماتخلص ماشاء الله ..ومن غير المسجات لى تحرق التيلفون حراق يكيكيكي منها المحليه والدوليه ^_~

المهم نوصل ونرجع مره ثانيه الى بيت اليد ونصلى الظهر بعدين نجتمع والغداء ترى طايح اسمينا يوم العيد كل ماتروح بيت طاحوبك اذا ماكليت بيقطعونك تقطيع كل وكل ههههههههههههههههه

زين نعرج على اليوم الثانى اطلع من الصبح اسير صوب الفجيره وخورفكان ودبا احس المكان الصحيح

لقضاء العائلة احلى الاوقاااات هناك .. اليوم الثالث البحر ورانا خيط وقرقووور وليخ ...

اليوم الرابع فى ختام حديثى ان شاء الله مسافر عمان والسموحه على الاطاله

** شمعة امل مشكووره خيتو كل الشكر على هذا الموضوع الطيب

وكل عــــــــــــام وانتم بخير وعســـــــــــــــــاكم من العايــــدين والســـــالميــــن^_^

[مجموعة إنسان]

ليلة العيد ..
طبعا ماعندي حلاق وماعرف شو ..
أنا اتحلق قبل العيد بيومين او ثلاث .. ما احب الزحمه .. وبعدها أسير دبي (طبعا اكون في راس الخيمه) لأن أهلنا كلهم هناك ، فليلة العيد نقعد في المقهى لييييييييين الساعة 12 او 1 وكلن يرجع لبيته ..
طبعا الكنادير الخدامة اجهزهم لأن نحن لو علينا بنلبس ثياب بعض ..
أرقد وطبعا ما اييني رقااد ( قبل كنا نقعد انا وابوي واخواني وعمي لييييييين الفجر سوالف وضحك بس الحين مسافر استراليا ) يدخل ابوي يقعدنا للصلاة كلنا نقعد ونسبح والوالدة الله يحفظها اتبخرنا وادلعنا شوي وناكل لقمة قبل مانسير المسيد ..
بعد مانطلع اسلم على ابوي وامي (لأن امي تيي معاني المسيد ) ويدتي (أم امي ) وعيال عمي ..
نحن نسبقهم على بيتنا اللي هو البيت العود لأن ابوي أكبر واحد في العائلة ( مب شيبه لا تخافون عمره 45 ) وفي البيت نتريا خوالي وخالاتي وعماتي وعيال عمي نتريق ونطلع مع ابوي نسلم على الشواب ..
تقريباً ليييين الساعة 10 او 11 .. بعدها انا اشرد واسير اسلم على ربعي اللي متيمعين كلهم في ميلس واحد من ربعنا نقعد سوالف ونخطط على الرحلة ..
انا اشرد واسير المقهى (طبعاً خلص العيد خلااص ) وهناك اخواني وعيال عمي قاعدين .. لين حزة الغدا .. نسير نتغدا في بيتنا .. وبعدها ربعني يمرروون علي ونسير دبا نخيم ل4 ايام .. نتونس هناك ونرجع ...


بس هذا العيييييد..
من الصبح لين الساعة 12 ..

[بوزايد]

السلام عليكم ورحمة الله وبركاته


عيدكم مبارك


وكل عام وانتو بخير



اممم انا غير عن الكل في العيد

انا من 6 سنوات وهذا الروتين عندي

اول ايام العيد انش الساعه 8 واداوم دوام عادي

لانه اصلا ما عندنا عيد :fa43: :fa43:

بس هالعيد بيكون اجازه عندنا


يعني رقاد


وان شاء الله هالعيد يكون آخر عيد هنيه

ان شاء الله العيد الياي في الامارات

يا رب بس

[فنجان قهوة]

يا سلام على الموضوع الظريف

المهم ان نحن في ايام العيد روتينا يتغير على حسب الظروف

بس الشيء الاعتيادي ان نحن نتم في البيت و الكل يمر علينا

يعني اول الصبح خالي و حرمته و عيالهم يعيدون علينا

و عقب يدي و يدتي و خوالي الي مب امعرسين ايمرون علينا و ايعايدونا

و عقب عماتي و عيالهم ايون قبل الغدى بشوي و ما يتغدون لان نحن صباح العيد ما نتغدى

يكونون حاطين ريوق على البوفيه من الصبح و يغيرون الاكل و يزيدون الاصناف كل ما حد اي البيت

و عقب اي خالي الثاني و حرمته و عياله

و عقبه اي خالي الثالث و حرمته و عياله

و عقب اي خالي الرابع و حرمته و نطلع انا و ختيه وياهم و نتعشى برع

هذا كان قبل

بس هذا العيد بيكون غير لان ولد عموه توفى من فترة

فبيكون العيد بنتم في البيت لين وقت الغدى و عقب بنسير عند عموه لان اول عيد يمر عليها وولدها مب موجود

و عقب بنرد البيت و بنكمل العيد مثل دوم

و شكرا

[مجموعة إنسان]

فنجان قهوة
الله يصبركم على فقيدكم
وحسن الله عزااااكم

[أمواج]

.
.
وايــد متشجعــه لهــالعيـد لانه بيستوي شي في هاليوم
لوول
:a049:
بمــا أن بيتــنا عداله مصــلى العيــد فـ من يخـلصون العرب صـلاة
يمــرون عليــنا على طووول
أهــلنا واللي مب اهلــنا بعد
أحــلى شي إنه حوي بيتنـا ينتــرس واتلخــبط اقول ســلمت على منوو انا وعلى منو ماســلمت
و على الضحــى نسيــر دبي وطبعــا غصــبن عنــي اسيــر
:shutup:
وســاعات اشــرد من البيت عشــان ماسير لوول
خــالف تعــرف ، ماحب الحــواطه ابغيهم كــلهم اييون بيتنــا ويسلمون علي اما انا ماروم اسير عند حد
:fa55:
،
اما اليوم الثــاني فبيتنـا ، فــ نتيمـع فبيت يدتي وبالنادر انا اسيــر

.
.

انــا اجـازتي يومين بس وباقي الايــــام دراسـه طبعــا
:a116:
:bye2:

[راعي الزعـامه]

يوم العيد اقوم الصبح عالساعه 5 ونص
اتجهز واسير الصلاة
وبعد الصلاة الكل ايي بيتنا
ولين جريب المغرب كل حد يسير
و بس تستوي الاجواء ممله

[المزوحي]

حتى تحسين الناس تقول لاا مايستوي هااي فوالة العيد

من جيه مانقدر نتعشى

بس تدرين امس سمعت في الراديو

يقولون إنه يوم تقوم الصبح كل تمر وسير الصلاة

عقب كل شي خفيف

لأنه المعدة بعدها مب متعودة

[مزن هتان]

هالعيد ما عرف شلون الترتيب
بالعاده نسير بيت يمه ( أم امي)
بس السنه يمكن نكون بيت خاله الله يرحمها
تقول الوالده لازم يكونوا عند عيالها
اول عيد عليهم من دونها
أنا شكلي راح اسلم وارد البيت
وعن عمامي ويدي (ابو ابوي) اسيرلهم قبل بيت اهل امي
اسلم عليهم واطلع
نحن بعد مانتعشى اول يوم 7 ونص كلنا راقدين
خالات ابوي يجونا اليوم الرابع
لاحظوا انه محد يجينا :fa55:
غير اثنين من عمامي يجونا الصبح
واختي و زوجها بس
اميه دوم تزعل من حريم عمامي
و خالاتي وحريم خوالي
انهم ما يجونا

[هزاايم]

السلام عليج
اشحالج واعلوومج عساج إلا بخير
مباارك عليج الشهر:fa46: وي حليله رمضان
قصديه كل عاام وإنتي بخير


عنااا نحن فأول يوووم غير يعتمد يعني,,إذ بليل سهرانين على تسويت الحلو والسويتاات,,انش من وقت عسب اجرب:tounge: ,,لكن احياانا اخمدها رقااد,,يقولون الأبو إيي يوعينا حق الصلاه بس انا خبر خير,,أوكيك قولي لين الساعه 12 انا اكون وااعيه,,اتريق ريووق محترم "بلاليط ومحلى و لقيمات والرنيقنه واكيد القهوه وشاي كرك واشياا ثانيه مااحبها"عقب نبدى نستقبل نسايبنا وخواتيه وخواليه واحيانا مش دووم عمي يخطف علينا,,يعني نقعد بالبيت لين بعد المغرب وعقبها نخطف على يدووه نقعد اشوي معاها وعقبها نشلها ونشل قشارها نرووح بيت خاليه العوود,,وإهنااك كل العايله ومشتقااتها يتيمعوون وكنا نقعد لين 1 أو 1 نص لكن الحين من كم عيد اخويه يمر علينا ونتعشى برع لوول بكشخة العيد:a068: وصح وشلالق لهم دووور:fa56:
طبعا الوجباات بالعيد تصير دبل :icecream: يعني الغدى مرتين والعشااا والحلوو لووول دوومه بالحلج
وربي يبلغنا هاليوم ونستانس به
معنه حرمة خاليه العوود مش موجوده مدري كيف رااح يكوون بيتهم:fa43:

:fa55: اظني رديت عالموضوع
علقي:thumbup1:

[لمّــاح]

الســـلام عليكم ...

موضوعج حلو، دائما متميزه يا آنســة مثل ماعودتيــنا ..

أول يـوم ..

أصلي و انسير بيت يدتيه انسلم و بما ان الوالد هو الريال الوحيد ( ماعندي عمومه بس عمّـات ) ف هو راس الأفعى الي كل حد ايي بيتنا عشان يسلم عليــه :b015:
ايوونا ناس من كل مكان، و ساعات ناس من السعودية حتى ..
على الساعه 12 تقريبا نطلع، انسير بيتين من بيوت هلنا انسلم عليهم و على طــول انسير الشارجه لـــــين العصر و عقبها اروح عنهم .. ارجع البيت ابدل و اطلع ويا ربعي و كان الله غفوراً رحيما ( بعيد عن الرسميات و اليلسات المملة ) :surrender: ..
ثاني يوم رقاد .. ثالث يوم دوامات للأسف :fa55:

[شمعة أمل]

:fa55: اظني رديت عالموضوع
علقي:thumbup1:


والله مب قصديييييييييييييييييييييي ييييييييييييييييييييييييي ييييييي
آسفــــــــــــــه
مادري كيف مارديت عليج!!!!!!
شكلي كنت متسرعه ولا شي جي
بروحي مصدومه اني مارديت


برب
يوم مودي بيتعدل برد عالكل وانتي أولهم:a050:

[دمعة عين]

.

.

سلاااااااااااااااااام تسمحولي أشارك ..

بخبركم نحن شو نسوي.. :m_atmasha:

أول شي نسير المسيد ونصلي ونرد البيت .. نتعدل ونتلبس.. ونتجهز ..


وعقب إيوونا قوم عمي ونتريق رباعه .. خبيص وهريس وكل مالذ وطااب..

بعدين نطلع نسلم عالأهل في الفريج .. لين صلاة الظهر..

وعقب تجتمع العايله كلها لين فليل .. وآخر شي يلا برا بنرقد لووول..

ثاني عيدد نحن في الشارجه بيت يدي.. الله يحفظه .. ونقيل هناك ..

ثالث يوم.. خلاااااااااااااص خلص العيد .. مذاكره ومجابل كتب.. خخخخ

موضوع حلو ووناسه ختيه .. لا عدمناج
.

.

[شمعة أمل]

هزاايم
آسفه =(
مادري كيف نسيتج
عيدج مباااارك وبتصلج باجر ان شاء الله بس بطرشلج مسج اول مانش من الرقاد
انتي بس فالحه في الأكل .. ماتساااعديين ولا تطبخيين يالكسوووووله:a050:

شهووده الأمووره
هههههههههه
مابتحصليييين عيديييه منييييييي لاني انا اصغر عنــــــــــج ^_^
انتي لازم تعطينيييييييي


قصايد غلا
هلا واللللللللللله
حلووو
ان شاء الله تستانسين باجر ^_^


بحر الموده
وعليكم السلام ورحمة الله وبركاته
انته بعد تسير البحر؟ قم ابويه باجر العصر بيسيروون ^_^


هواجيس مشتاق
حلوو
ان شاء الله تستانس هالعيد:k_smile2:


بوزايد
وعليكم السلام ورحمة الله وبركاته
ليش ماتسوي شي غييير انزين؟؟:crosseyed:
معقوله ماشي عرب ولا مسلمين وياك؟؟


فنجان قهوه
ان شاء الله تستانسين باجر ^_^
وحسن الله عزاكم


أموااج
خاطري اعرف شو بيستوي باجر :k_harhar1:
انا بعد وااااااايد متحمسه لباجر ^_^


عاشق القلم
انا أمل وقت عندي
يكون يوم يالسه في البيت بروحي اتريا وقت الغدا!!!
اتم يالسه عالنت ملانه >_<:a116:


المزوحي
اخس شي عنديييي يوم حد يحط اكل على صحنييييييييي ماحببببب:a046:
وانا في العيد ماتريق هههههههه لانه اعرف انه بيغصبوني اكل >_<


مزن هتان
نحن بعد محد ايينا .. بس عادي لانه اصلن محد يعرف وين بيتنا:k_harhar1: .. كلنا بنات مب حلوه يوون ريايل ومافي حد يستقبلهم:shutup:
تبين الصراحه
تعودنا .. ومرات احسن .. مثلا انا مره كان عندي امتحان يوم العيد .. ف البيت كان هااااادي..اتخيل لو ناس يونا .. صدق بيكون حشره ومابقدر ادرس


لماح
ناااايس
ان شاء الله تستانس باااااجر
*حظكم يونكم ناس من السعوديه.. لهجتهم عجيييييييبه تخبل:fa41: *

[شمعة أمل]

.

.

سلاااااااااااااااااام تسمحولي أشارك ..

بخبركم نحن شو نسوي.. :m_atmasha:

أول شي نسير المسيد ونصلي ونرد البيت .. نتعدل ونتلبس.. ونتجهز ..


وعقب إيوونا قوم عمي ونتريق رباعه .. خبيص وهريس وكل مالذ وطااب..

بعدين نطلع نسلم عالأهل في الفريج .. لين صلاة الظهر..

وعقب تجتمع العايله كلها لين فليل .. وآخر شي يلا برا بنرقد لووول..

ثاني عيدد نحن في الشارجه بيت يدي.. الله يحفظه .. ونقيل هناك ..

ثالث يوم.. خلاااااااااااااص خلص العيد .. مذاكره ومجابل كتب.. خخخخ

موضوع حلو ووناسه ختيه .. لا عدمناج
.

.

سورييي شكلج رديتي ويايه لول

حلوو يومج.. ان شاء الله تستانسين باجر

ومشكوره عالرد

[دانة حتا]

ثلاث ايااام
ههههه اليوم العيد

وعيدكم مبارك


امممم انا العيد السنه مب شي لانه اهلي مب موجودين
يعني العيد غير ومب حلووو
وما سوينا شي سبيشل

[شمعة أمل]

:hysterical: بيونااا ناااااس من برع
مانعرفهم:k_harhar1:
يبون يعرفون كيف العوايل في الامارات يعييدووون
ف اونه
انا بستقبلهم وجييي:a049:
يقولون انهم من اوروبا .. بس من وين بالظبط مادري:hysterical:
لبست كندوره:love:

[ألم ترى]

محب الشيخين
يعني بيتكم البيت الأساسي:fa35: حلوووووووو


ههههه لا يختي !
اقول اغلق التلفون وما اظهر من البيت او من الغرفه
مرض نفسي يسمونه الأنطوائيه
الله يبعدكم عنه

[شمعة أمل]

اويه =s
ليش انزيـن؟
عيييد يا رياااال

[ألم ترى]

بسم الله الرحمن الرحيم ..

استحي يا حرمه ! ..

اتصدقين ما سلمت يوم العيد غير ع الوالده ..

لا وهي اللي يايه لي الحجره يحليلها ما تعرف كيف ترضيني فديت قاعة اريولها ..

اللهم ارحمنا برحمتك ..

[نور الإيمان]

والله انا اول يوم سويت عرس .. و ابوي و امي فشلوني جدام اخواني قاموا و عطوني عيدية اوني بعدني صغيرة ههههههههههههه ...

اما سالفة الموبايل فأغلقته ..!!! شحالك محب الشيخين خخخخخ

[شمعة أمل]

محب الشيخين
انته بخير؟ فيك شي؟
معقوله
انه عيد وماتعيّد؟؟
ليش انزين O_o
حتى ماسرت تسلم على أمك *الله يحفظها* وهي الى يت تسلم عليك
ليش انزين o_O
انا عيدي للحين ماخلص! بعدنا نزور ناس ونسلم


نور الايماان
ذكرتينيييييييييييييييي
اميي ماعطتني عيديييييييه =(
ماعليه
يوم بترد من السفر بذكرها xD

[مجموعة إنسان]

خلاااااااااااااااااص
خلص العيييد ورجعت بوظبي
وقااعد اشتغل في البروجكتاااات

بسير اناااام الحيييين
تصبحوون على الف خييير