مشاهدة النسخة كاملة : لهواة التسوق,,,ممكن تساعدوني.؟
طير الحب
18-10-06 ||, 05:44 AM
السلام عليكم ورحمه الله وبركاته...
اشحالكم..
حبيت أسألكم وين أرخص مكان ممكن اشتري منه خامات(أقمشة)
ووين ممكن القى اكسسوارات للملابس بأسعار رخيصة...؟
محتاجة هالشغلات لغاية في نفسي ربي ايسرها.
هزاايم
18-10-06 ||, 01:28 PM
وعليج السلام ورحمه
هلا إختيه ام عباادي
الشيخه ان شااء الله راح افيدج لأن من قبل فتره كان عندنا مشرووع
يقولج تندلين سوق ناايف ,,,على آخر مبنى الكويتي رااح تلقين يبيعووون خلق بالجمله ودااخل المبنى هم يبيعوون لكن مفرق وتقدرين اتكاااسريهم والشيفووناات تخبل ,,حتى عندهم البرينت مالكفاالي,,ولقيت شيفوون عندهم شرات قميصيه ماخذه من كاريل ميلين اسميني انقهرت:a058: ,,يعني عندهم اشكال وانوااع لكن الشيفوونات اخبااااااال:thumbup1:
وعن الإكسسوااار شي محل بند راااشد بالراشديه يبيع هالشغلات يذكرني بآغاا بس طيب يعطيج دسكااونت
حتى اظني بالكويتي شي محل هالسوالف
لووول اي خدمه ثاانيه انا حاااضره
احب ارووح هالأمكاان عسب الكرك:fa34:
طير الحب
18-10-06 ||, 01:35 PM
عاشت هزايم...يلا ادعيلي يتسير الشيء الي بسويه
يعني محل الاكسكسورات بند ولا شو..؟
تعرفين اكتشفت اني عندي موهبه وحبيت انميها..؟
المزوحي
18-10-06 ||, 01:44 PM
صح في نايف تشوف العمانيين يشترون بالجملة يالله سيري هناك ...
وعندج في الشارجة سوق الغوير
مزن هتان
18-10-06 ||, 01:49 PM
ما قصرت هزايم
سألت الوالده وقالت لي شرات الاماكن اللي قالت عنها هزايم
للأكسسوارات احس اللي بالراشديه اشياءه مو حلوه
روحي اللي بـ بناية كويتي بالسوق
والقطع قولي لـ شو من مناسبات
وان شاء الله افيدج
هزاايم
18-10-06 ||, 01:49 PM
ام عباادي
ند راااشد سوق شعبي بالراشديه بدبي
لوول تبغين مسااعده افااعليج احب هالسوالف تعجبني ارووح سوق الجمله والزحمة الهنووود اقعد اتحرطم اريح بااالي وارد لووول
وتذكرت
هم السطوه
عندهم القمزي يبيعوون اكسسوار وشي محل ثااني وين محل خلق الكناادير
صدق لوتريدين مسااعده اناا حاااااااضره
هزاايم
18-10-06 ||, 01:52 PM
طير ربي يسر عليج
مزن هتاان غااوي اسمج خويتي ماشاء الله
اختيه بالرااشديه عندهم ليساات حلواات يعني ينفع تشتريهم وتركب عليهم كرستيل
حتى تقدرين تخبرين الرياال هو إييب لج قشار من السوق لو مش متفيجه
صح لوتريدين كرستل بيييب لج دسكااونت من الوشيعه
هزاايم
18-10-06 ||, 01:53 PM
لاحظتي هالشي إني مشتطه ومتفااعله ويا السالفه :fa46:
طير الحب
18-10-06 ||, 01:58 PM
المزوحي...
المشكله قبل ما كنت اشغل عقلي...يوم يسألوني وين خذتي اخبرهم المكان ويعطوني اشتريلهم بعدين فكرت وقلت ليش ما ابدا مشروع وبدت مشروع برأس مال 1000 درهم وكسبت تقريبا 700 درهم وهذا شيء يبشر بالخير بس كانت لي اغلاط خسرتني والحين بديت افكر اصحح الاغلاط واشوف شو متطلبات الزبائن..
المهم بخبرك موقف وانتوا قولولي كيف اتصرف...
الله يسلمكم انا ما احب حد يستغلني ممكن اجرب اخيط عن محل صغير ورخيص وبنفس فكرة محل الماركات...وسبحان الله نيتي كانت الابتعاد عن التبذير والله وفقني وقاموا الي يعرفوني يفصلون عن هالمحلات قمت ايب لهم زبائن...انزين فكرت بدل ما اخذ محل واتحمل مصاريفه اتعاقد مع هالمحل الي اييب له زبائن يبيع شغلاتي ومن ناحية ثانية عندي معارفي يطلبون.
المهم هالعيد فصلت عباة من تصميميه اللهم خذت نوع التطريز وقلت له يوزعه بطريقتي مثل ما اشوف المذيعات المواطنات وراعيت انه العباة ما تكون وايد ملفته وللمناسبات طلع اللون حلو وناعم عاد حمياتي عيبتهم وفصلوها...والحين بعض الصديقات وخواتي بعد حبوها فأقول اني ممكن اخذ عمولة على التصميم مالي ولا شو رايكم...؟
طير الحب
18-10-06 ||, 02:01 PM
مزن هتان اباهم لمشروع وابا ارخص الاكسسوارات لاني ابا ابيع اشياء في متناول الجميع يعني اذا جلابيات ابا ابيعهم 50 60 70
اريد اكسب زبائن بالاول
هزاايم
18-10-06 ||, 02:02 PM
هيه المفرووض
شوراايج تتفاهمين معااه إن تعطينه الدزايناات وهو يفصل
كثيير قاموا بهذي الحركه ولاتظلمين حقج
طير الحب
18-10-06 ||, 02:05 PM
ام عباادي
ند راااشد سوق شعبي بالراشديه بدبي
لوول تبغين مسااعده افااعليج احب هالسوالف تعجبني ارووح سوق الجمله والزحمة الهنووود اقعد اتحرطم اريح بااالي وارد لووول
وتذكرت
هم السطوه
عندهم القمزي يبيعوون اكسسوار وشي محل ثااني وين محل خلق الكناادير
صدق لوتريدين مسااعده اناا حاااااااضره
بس هاذيل شو أسعارهم
هزاايم
18-10-06 ||, 02:05 PM
اختيه بس 70 و60 و50
اشوي
يعني نحن الوالده رفيجتها قالت لها ان وححده تفصل الفرااشه الثوب
فطلبت امي منهم الرقم ويابووا لنا اللبس
صدق بسيط ونااعم وسنبل واسعاارها ماتعلا عن 200 يعني زيدي ميه على الأرقااام غلي حطيتها عسب يطلع لج نسبه
لوتريدين بصور لج وش خذينا منها كلهن لبساانهم للبيت اياام رمضاان
طير الحب
18-10-06 ||, 02:12 PM
ترى بسير له هالاسبوع انا امر على كذا محل اخذ افكار واسير اشرح له
هزاايم
18-10-06 ||, 02:15 PM
القمزي وند رااشد مش غااالي
شي محل بسوووق الكويتي وشرااتهم بعد مش غاالي
طير الحب
18-10-06 ||, 02:16 PM
ما ابا اثجل على الناس والرزق القليل اخير...بعدين انا اتعامل مع خياط زين تعالي تقصدين الفراشه شرات الي تلبسهم سميره احمد في جمرة غضى وايد حبيتهم
هزاايم
18-10-06 ||, 02:19 PM
إيه شرااتهم
طير الحب
18-10-06 ||, 02:19 PM
طرشيلي الصور وانا بخبر الناس اذا حد يبا يشتري
طير الحب
18-10-06 ||, 02:20 PM
هزايم هي بميتين انا بزين عليهن 50
طير الحب
18-10-06 ||, 02:21 PM
الحرمه باي امارة..؟
هزاايم
18-10-06 ||, 02:24 PM
الشااارجه
قصايد غلا
18-10-06 ||, 02:43 PM
عيبني أسلوب طير الحب في البيع (ما تبا تغش الناس ولا تبا تبالغ) ، بس لو 20% من الناس شراتج جان الدنيا بخيـــر :thumbup1:
الله يوفقج أم عبــّادي ...
اللولوه
18-10-06 ||, 03:41 PM
راوينا شغلج يمكن نشتري
المزوحي
18-10-06 ||, 06:15 PM
طير الحب مافيها شي هااي تجارة وانت تكسبين بطريقة حلال
الله ويفقج .. والبداية جيه تكون ...
في ناس يبيعون في الفريج وخلاف تكثر الطلبات ومايلحقون حتى يوفون كل شي
طير الحب
19-10-06 ||, 12:32 AM
اللولوه...ان شاء الله من تصير شيء بضاعه بعرضها الحين عندي سبحات لليهال وبعرضهم اذا زاد منهم شيء
قصايد غلا ...المزوحي...هزااايم دعمكم افرحني
تعالوا وين ممكن القى ارخص العلب عندي خلطات كريمات للجسم وافكر ابيعهم
المزوحي
19-10-06 ||, 02:09 AM
شي من العلب البلاستيك في جمعية الاتحاد .. والعلبة الصغيرة أقل عن درهم
مادري عاااد إذا تطرين هاذيل .. علبة شفافة و غطاتهن بيج ..
طير الحب
19-10-06 ||, 03:11 AM
هاذيل اشتريهم للمطبخ ما اقصد هالنوعيه ابا شيء يكون مرتب ورخيص
شمعة أمل
19-10-06 ||, 11:35 AM
سيري السطوه اتوقع بتحصلين كل شي
لانه انا اسوي اشغال يدويه .. واحب اجلد . . واشتري خرابيط من السطوه .. من محل اسمه النورس .. ولا فدا .. بتحصلين كل شي هناك
طير الحب
19-10-06 ||, 11:48 AM
وايد شكرا شمعة أمل
المزوحي
19-10-06 ||, 04:09 PM
هيه سيري السطوة ... وإلا سوق الظلام بالجملة
أم أحمد
25-10-06 ||, 12:32 AM
في بعيمان اشياء وايد حلوه ورخيصه.......احنا انسمه سوق الهنود ......
طبعا لازم تتنقين و تتبصبصين ...عدل علشان اتحصلين الي تبينه .. طبعا الهنود ايحبون ايسيرون اهناك لانه رخيص ...
انا احب اشتري البطانات ( التفته) من عندهم.. الشربت ب 3.5 درهم و الساري ب 4 درهم للوار و نوعيته ممتازه و في شيفونات الساده الوار ب 5 درهم و نوعيتها طبعا ممتازه خذت منها للفستان.... على فكره نفس النوعيه من الشيفون الي خذت منه للفستان كانت وحده من الاهل ماخذه منهه بس من مكان ثاني طبعا بدبل او دبلين السعر من سوق السور بالشارجه؟؟؟
طبعا ايام الاجازات ايكون السوق مثل سوق الروله زحمه اهنود شنك ساير عرفات او سوق نايف