احـــساس !

[المزوحي]

منو عنده احساس وشعور اتجاه شخص معين

منو عنده شعور بإنه يميل لأخوه ويحس لو أخوه غاب عن البيت

يظلم المكان

منو يملك شعور لو أخته سافرت يحس بفراغ

منو يحس بإنه فرد من العايله هو كل حياته

منو يحس إنه لو دخل البيت وشاف أمه يشعر بالسعاده

تتخيل نفسك لو تبغي تظهر من البيت حد يدعي لك دعوة تيسير لك

أمورك

كيف لو انته تبغي ترقد وتقولك بنتك تصبح على خير

تحس إنك جاسي وتبغي تتغير .. تبغي الناس تحبك .. تحب يلستك ..

هل البيت يحتاجونك .. يسألون عنك .. يتولهون عليك ...

شو هي علاقة بالأفرد اللي حولك

طبيعتك وياهم ... هل حنون عليهم .. تسألهم محتاجين شي قبل

لاتظهر

تفاجأهم بشي يفرحهم ( ولو كان هالشي مب مكلف )

فكرت في يوم إنك تملك صفة حلوة من شخص قابلته في حياتك ..

او حتى فنان ( ممثل )

نقدر نجمع من كل فرد صفة حلوة تكون فينا ..

[ولد الشحوح]

لي عودة ....

[المزوحي]

ولد الشحوح حياك بأي وقت

[شمعة أمل]

انا احس انه .. اهلي .. هم حياتي:fa41:

أحس يوم أبويه يسافر .. البيت غلط في غلط:frown:
ولو احس اني ضايقته ولا خليته يعصب لاني سويت شي غلط .. جي يستوبي >>:d010:
أبويه هو حياتي:fa41: ماروم اعيش بدونه

احس يوم أمي محد .. جني فقدت صديقتي ..
امي مثل الصديقه العزيزه بالنسبالي .. دايما تسولف وياي واطلعني ونستانس ويا بعض:inlove:
يوم ازعلها .. احس جيي عمري اعرق اعرق ياربيي شوسوييييييت:doh: صدق اتبهدل من الخاطر بدون امي:fa41:


احس يوم اختي العوده محد .. البيت يستوي اسود .. صدق حسيت بقدرها في شهر 5 يوم سوت عمليه !
مافي حد يحشرني انزل تحت نتعشا ك*عايله*:d014:< عادتا بس نحن البنات لول امي وابويه دوم محد يحليلهم مشغوليه
وكانت عندي مسؤولية الأشيا الى ماحبها .. لازم اهتم في اختي الصغيره وأتأكد انها تاكل عدل *هالبنت يوم تتضايج ماتاكل وبروحها هيكل* .. لازم اهتم في اشيا ابويه .. نفس كناديره تسير اللوندري .. وانه وانه وانه .. ياربيييي ..
ماروم اعيش بدون هالبنت .. والله احبها:fa41:


احس يوم اختي الصغيره محد .. مادري ماجد جربت هالشي خخخخخ .. بس صدق .. لو هاي محد .. بمــــــــــل .. صدق بحس بملل فضيع ... ومابضحك وايد خخخخ
انا وهاي = :devil:
صح اني العوزها وااايد .. بس صدق احبهاااااااااا:fa41:



ماقدر اعيش بدون اي فرد من العايله .. احبهم:fa41:
نحن مربينا انه family is always FIRST
نحن وايد متعلقين في بعض:fa41:
الحمدالله :k_smile2:



مشكور عالموضوع ^_^

[المزوحي]

مشكورة شمعة أمل على المشاركة في موضوعي ... :m_atmasha:
تدرين يوم أشوف بنات أختي يتضاربون وكل وحده تقول حق الثانية " زين أنا ما أحبج " :b050:
فأختي ترد عليهم بس أنا أحب خواتي وأحب أخواني .. ليش انتوا جيه
اتم اتحسسهم إنه الأخوان والخوات كل شي بالدنيا !

وانا تراني من النوع العصبي لدرجة إنه مرات عيال اختي الثانية يقولون نحن مانحبك :k_shock_1:

بس أحب اطلعهم واراضيهم ..

ومؤخرا أحاول إني أطلعهم يوم يبون يشترون شي !
تصدقين .. اليوم تميت أبوس إيد الصغارية وهو يتطالعوني باستغراب :crosseyed:
عقب قالت وحده منهم أنا أحبك " قد السما " قلت لها أوووه يعني انت وايد تحبيني
وقالت اختها انا بعد انا احبك وايد واحبك سيارتك .. سيارتك حلوة :fa56:

[شمعة أمل]

المزوحي
لووول يحليهم
انا اختي بعد عصبيه .. وتزيغني .. مرات يوم اعرف انها معصبه اتم بعييييييده عنها ولا اتم في حجرتي وماطلع:k_harhar1:
صح انها عصبيه
بس وايد حنوونه
ودايما اطلعنااا ... نحن دوم نطلع وياها مب ويا رببيعاتنا :k_smile2:
صدق احبها:inlove:


بس طبعا ماخبرها هالشييي .. مافيييه تتدلع:devil:


الشخص الوحيد الى 24\7 اقوله اني احبه واسأله اذا يحبني هو أبويه:fa41: يحليله .. صدق مرات ألعوزه:a050:

[المزوحي]

صح إنه نحن نحب والدينا :smile:
لكن أبوج من نفسه يخليج تحبينه بجنون :thumbup1:
وحلو إنه يهتم بأسرته
لأنه مافي حد يستاهل بإنه يضيع وقته عشانهم ويهمل هل بيته ! :d014:
الله يحفظه يارب وخليه لكم ويبارج فيكم ..

[شمعة أمل]

امييييين:fa35:

[الجنيه]

السلام عليكم ورحمة الله وبركاته ,,,

الصراحه ما اقدر اعيش من غيرما يكونون اهلي وحبايبي حولي ,,,

خواتي ما اعرف اتصرف من غيرهم وما اقدر امشي خطوه بدونهن ... أخواني فديتهم كل واحد له معزه خاصه ومكانه خاصه اكثر اخوي بوزايد فديته يوم يمدحني جدام حرمته عاد انا اوصل العلالي ...

قبل رمضان سافرت ماماتي واخوي واختي احس البيت استوا موحش كنت اتروع ايلس روحي في الصاله كل دقيقه اربع حجرة اخوي واحشره بالغصب اتابع وياه المباراه عشان احس بالأمان ,,

خواتي المعرسات وايد افقدهن واغلب اوقات فراغي مقسمتنها بين بيوتهن ويوم خلاص امل اشل الصغاريه واحوطهم ويخسروني ,,

شعوري ما ينوصف يوم اطلع وياهم كل واحد يزاقر عليه خالوه ابي ما ادري شو والا ضرابتهم في السياره خالو شوفي فلان خالوه ودينا ما ادري وين يعني صدق سوالفهم اترد الروح وتقتل الروتين الممل وهذا غير انه العيد والا اي مناسبه ما يكون لها طعم قبل لا يوصلون ومن ايون احس الربشه كلها اتي وياهم امي اتقول اني انا الي اربشهم بس وناسه ..

الله لا يحرمني منهم ويخلي الي تحبونهم واحبهم ويطول بعمارهم *_*

فديت عبادي تولهت عليه وبعد عندنا نونو ياي في الطريج ان شاءالله


المزوحي ... الصراحه سيارتك كشخه :k_smile2:

[المزوحي]

ههههههه وين يت سيارتي كشخه ... أنا يتني الضحكة يوم قالت لي سيارتك وااايد حلوة ...
صدق اليهال غير
نحن مانعيرهم اهتمام ونحس بإنه وايد يرمسون
بس جربي مره إنه لو حد منهم كان يكلمج ويقولج خالو
تمي اتطالعي ويهه يوم يرمس ودققي في ملامحه .. هو بيتغير شكله وبتحسين به مستغرب ..

نتملل منهم يوم إيوون ويوم يسيرون عنا نباهم

:doh:

[مخاوية الامل]

السلام عليكم ورحمـة الله وبركــااتــهـ .. ،

خخخ .. ،
حلوين اليهاال .. :)

اممــ ..، بالنسبــة لي .،
الحمدلله إنه أبويه هب من النوع اللي واايد يساافـر
سفرات الصيف وغيـرها مايسافـر .. ،
بس يوم يساافــر ..،
بيتنا كله يكون كئيب ..، مافيه حياة .. ،
ماتسمع حد يسولف ويضحك ..
كل واحد تقرى ع ويهه نتريا أبويه يرد عشان انطلع اللي فخاطرنــا .. ،

أميه ..
فديت روحها هالإنسانــة .،
غيــر عن البشـر كلهم .. أحسها دوم قلبها علينا .. ،
حنونــة .. ، ماقد جربت أرقد ف بيت هيه محد فيه غير مرة وحدة ...
كانت مسافرة مصر ..،
ويومياا أصيح وله عليها لين ماردت ..
الله لا يحرمني منها ..

خويه هب العود لكنه أكبر منيه ..
أحبه بدرجــة غيـر طبيعية .. ، يوم يسيـر الدوام .. ماحب أقعد برا حجرتي واايد ..،
لني أعرف إنه هب موجود .. ، وأقعد أترياا آخر الاسبووع .. ،والله لا يرويكم الاستقبــال .. :fa56: .. حفـــــــــــلة تستوي عنديه ..

بنت خويه .. ،
أو بمسمى ثاني أنا الصغيـرة .. ،
أحبهاا حيـل ..،
وبنات ختيه ..،
إذا اجتمعوا رحنا فيها ..،
بس يوم يروحون وهم طالعين نقولهم قعدوا ويانا بعد شوي .. !

واايد ناس أحس ماروم أفارقهم . ،
وفراقهم موتــــــي .. !

الله لا يحرمني منهم ..

المزوحي ..
يسلموو خيــّو .. ،
يزاك الله خيـر ..

.
.
مخاوية الامل

[المزوحي]

أشكرج على هالــ المشاركة الطيبة

تحبين تحطين إيدج على جتف أبوج / أخوج وتقولين له الله يحفظك

تحبين أمج على راسها وانت سايره أو راده ؟

[مايهزك ريح]

مرحبا المزوحي ..
انا بالنسبة لي .. اختي اللي مسافرة هي اقرب وحده لي .. ودايما حاشرنها .. ومخسرتني من كثر ما اتصلها .. :fa44: :fa43:

اما اللي عندي في البيت فهاي اصغر وحده .. هاي عاد ..من اتشوفني داق سلف .. يت تركض بسير وياك واتكون جي :fa43: .. فأشلها ويايه اذا ما كنت متواعد ويا ربعي لأنها تغمضني .. ما عندها حد في البيت غيري .. :10:

وعندي اخو .. معرس وعنده عيال وساكن اشوية بعيد عنا .. ما اشوفه وما يتصل إلا في المناسبات .. فقير ما عنده وقت كارفينه الدوام :k_harhar1:
وساعات اتلاقى وياه بالصدفه في محطة الغسيل .. :fa56:

اختي الثانيه اللي عندها عيال .. دايما اتزورنا يوم الخميس .. وطبعا عيالها .. دايما ينقزون ويايه وأنا اكثر واحد يحبونه لأني اكشتهم .. وما اخاليبهم مكان .. وعايبنهم موتري ..نفس عيال اختك ..:k_harhar1:

وان شاء الله في العيد بيسافرون ويايه .. والصيف اللي طاف بعد سافروا ويايه وما ساروا ويا ابوهم .. مادري احس انه ابوهم حاقد عليه عشان هم يحبوني اكثر منه .. :devil:

أما الوالده والوالد .. احس اني وايد غالي عندهم.. يمكن لأني الوحيد اللي في البيت وشالنهم .. :k_smartass:

[المزوحي]

مايهزك ريح الظنا مايهون على الوالدين ولك أجر إن شاء الله بي ممكن تكون مميز !

اما عن اليهال أكيد يحبونك ويفتقدونك .. مب شرط الواحد يشتري شي غالي ..

المهم إنك تمر عليهم .. او توديهم صوب الرملة شويه وتمر المحطة .. هذا عندهم شي ..

إنك عبرتهم .. أما عن أختك المسافرة حسيت من كلامك إنه هي بعد تعزك ..

[مايهزك ريح]

تخمينك صح ..المزوحي ..
اختي اللي مسافره اكثر وحده اتحس بي .. أما الباقين ما اهمهم وايد ..
واكثر شي تنصحني .. و يعيبني شورها ..
عن الصغارية .. لو حتى كنت ساير اغسل الموتر بعد بينقزون ويايه ..المهم طلعة ويا خالهم .. ويعرفون اني ما بردلهم طلب لو بغوا يسيرون اي مكان .. لأني ما عندي غيرهم ..

[المزوحي]

أحس بك ذويــق ! :m_atmasha:

[مايهزك ريح]

Thanx :P

[هزاايم]

الله شعوور جمييل
يستااهل الصفقه:fa34: انا وش ورااي غير التصفيق يقولون حراام
قسم بالله من اليوع
^^هذي الجمله دومها على لسانيه من بدى رمضاان كل ماشفت ابويه اقوله قسم بالله يوعانه يقولي والعثره مش حلف صاار قسم ونضحك سوى
ابويه
مااقول إني مااشوفه واايد لكن احس به
سفرااته مفاجأه والدنيا ماترحم
احبه حب كبييييييييييييييير لكن مااعبر به لوول لأن احس كول ويفهم عالطاير
صدقني كثر مااضحك واسولف والعوز أمي إلا إذ هم الإثنين يسافرون اصيح يوم اودعه مااعرف صح مايهون عليه فرااق امي لكن ابويه غير
وكل بنت بأبوها معجبه:thumbup1:

أماايه"سلطات العليا"
فديت رووحها,,ادريبها تريد مصلحتي يوم ترفض الشي,,لكنيه عنيده ولي برااسي لازم يصير لوول,,يعني جربت سنه كاامله كنت اعيش بها بدون والدين ولا حتى اختيه إلي شراات صديقتي,,صدق اتبهدلت,,كنت اقوم بدورها الإجتماعي,,وارد واقولها ماصحت يوم سألوني عنج:k_harhar1: وهي فديت رووحها تقولي عفيه على بنتي الحلوه"تتحراني يااهل"اقولها كذى ونبدى سوالف الغشمره ونضحك
هيه مره صدق استانست من الخاطر امي تقولي تعباانه اقولها خير امي من شو تقولي من التعب خخخخخ قلت لها حلوه لكن لاتعيدينها تقولي طاعوا بنتي وتتحكم بيه بعيدها يعني جذى احيانا نقعد نستعبط على بعض واحلى شي تبغي تسحب منيه الرمسه لوووول احب اخسس بها وهي تعرف هالشي


وعن خواتي فماشاء الله حنا واايدااات
يعني كل اخت ولها معزه وعنزه قصدي ومكانه
احبهم واحب صغااريتهم اكثر منهم لووول لأني اقدر اتحكم بهم
ولأني اصغرهم احسهن شراات امي يعني انا عندي اكثر من ام لوول
لكن إلي اكبر عنيه صدق مااستغنى عنها وصحت صيااح يوم سافرت :fa43: قبلها كنت باديه مع ابويه وعليها عيووني انتفخت,,مدري لأن فرق السن من بينا مش واايد و دووم اخبرها وشو يصير معي,,لكن تغيرت هالفتره ماالومها كل هذا من الأجانب الخيااس كل يوم وثاني شافطين دمها عنبو

عن إخوانيه
أخوي العوود صدق افتقده بحكم إن يشتغل بعيد عنا وكان يدرس هم بعيد عنا,,وهالأيام يوم يسافر وياربعه اقعد انا وامي ندعي و نقرى عليه,,احب اخساسه واحب غشمرته,,واحب قرصته ليه,,ماانسى يوم تخرج ماخبرنيه اونه يقولي ذاكري ذاكري اشوف المذاكره فرحتني شرات فرحتهم بتخرجك:fa44: وصدق احس يخااف عليه,,خخخخخخخخ اسميني بهدلته يوم سفرنا ربااعه لوول كنه ديج وديايه يتناقرن

والأصغر خخخخ استحي اقول هو اصغر عني,,إلي يشوفه يقول انا بنته مش اخته,,هالشي يعجبني,,احيد مره كنا سايرين سوق الجمعه نشتري صياصااان و اراانب للصغاريه,,وحشره ولمه,,اشوف اخوي يقبضني من يدي يقولي بنتي حاسبي إلا مااوعى شلت شباب ورانا خخخخخخخخخ يعني بكذى يذكي يبين إنه ابويه صدق فنتك,,على فكره ماابين له إني اعزه خخخخخخخ يتشكى عند أمي إن هزااايم متقدره ولاتعزه لوول يا شكاك بس قسم بالله:k_harhar1: له مكانه بقلبي ودووم احاتيه


عن الحشاااكل
:10: فانا خالتهم إلي تخربهم على قولتهم مااحرمهم من شي,, احيانا يدق برااس بنت إختي وتقول مااحبش بالشين لوول أقولها انا بعد وتفتح منااحه لكن بس تلمها بحضنك وتحبها تنسى وتاخذك بحضنها لوول ترى هذي البنووته اتوقع لها تكون شرات شمعه أمل حياتهم بينك في بينك
وولد إختيه سنه وشوي مخبل بها الكل يناديهم باسمي تقولي اتوقع باجر يقولج امي وانا يناديني حااف ليش مدري
والله إنيه اتخبل عليهم لو مازاروونا يووم اقعد على اعصااابي


وااااااااااااايد هثربنا بس والله موضوع حلو ويفرح وجان نستانس
سلمت يمنااك شيخي ولاهنت
والسمووحه
على الهثربان:10:

[الدلووووعة]

الصراحة انا من دون هلي ماروم اعيش من دونهم

اول واحد من اخوانيه يوم سار يدرس ماكنا متعودرين انه اي حد من اخونيه مايكون فالبيت

انا ها واااايد وياه يعني دوم اقوله كل شي اللي يستوي فيه بس بعد كنت وايد انا وياه نغايض بعض
ويوم سار ستواله يومين بس كنت اقول لمي البيت هب حلو قالتلي هب من شي محد يظربج الحينه
ولا قبل كل يوم مناقع انتي واخوج بس كان اينا كل ويك اند وطبعا تمينا فتره بعدين تعودنا يوم اي
فالويك اند كنا صدق نستانس بس طبعا انا من النوع اللي مابين لخوانيه اني مشتاقلتهم عسب مايتبطرون عليه

طبعا انا بعدني ماستويت لاخاله ولاعمة لاكن عندي اخوانيه يعني صدق الحياه من دونهم بالنسبة لي ولا شي يعني دوم يوم يبون شي يون وقولولي اللي يبونه واذا يبون ياخذون راي حد على طول ايولي لني انا اللي دوم اكون وياهم لنه اختيه ماتكون دوم موجوده لنها من بنات سكن العين اللي فالعين يعرف كيف معاناتهم ^_^

فأنا دوم اللي اكون فالمرصاد

وامي وابويه الصراحة البيت من دونهم مول هب شي

يعني يوم هم محد يكون البيت فااااااااااااضي يعني يوم هم يوكونون فالبيت يكون ربشة

وخاصة الوالده لنها دوم تغصص بي اذا ابا اكله دوم تقولي انتي نشي سويها انا مابسويلج
إلا تباني اتعلم اسوي اكل ^_^ انا اعرف اسوي بس من كتب او تكون طريقة جدامي بس مافي اسوي
لنه دوم يوم اسويلهم ياكلون ويذمون فأكلي

ابويه الصراحة عجيب يعني صدق البينت من دونه هو وامي هب شي


يعني بالمختصر انا ماحب ايلس من دون اخوانيه

ومرات اخويه اللي صف ثاني اعدادي يلس يتمصخر عليه لنه هو اطول عنيه وانا اقصر عنه ^_^

والثنائي المرح اللي فالبيت صدق محلين البييت

وااااااااااايد خذت راحتي فالموضوع

[ريم العين]

اكثر انسان متعلقة فيه ولد اختيا من يوم تربى وانا وياه حتى احين وهو بعد يمووووت فيني احين عمره سنه وشهرين يوم ايي بيتنا ابوي يشله واول ما يحطه ابوي هالارض يركض صوبي ويحضنييي وما يطيع ينزل من فوقي.. يوم اراوي ربيعاتي صورته اونه منو هذي الحلوه هههههه اونه يشبه البنات

ما احب افضفض اكثر ^_^

[المزوحي]

هزاايم شفتي هالاحساس اللي تطرينه كيف مرورا بأبوج العزيز عليج وأمج الله يخليها لج وخواتج واخوانج اللي كل واحد تحبين شي منه ..

والصغارية مسوية لهم يوله عيل !

[المزوحي]

لج حق تاخذين راحتج الدلووووعة .. بس باجي اتجربين يوم يكون عندكم يهال العايلة
بعد هذا له طعم

[المزوحي]

ريم ريم .. ذكرتيني بأختي ... ولد أخويه من يوم صغير وياها والحين ماشاء اللع عمره 12 سنة ومتعلق بها .. والوالدة تقولها مب زين خلاااص
يوم بتعرسين بيتأثر
وايد يسأل عنها ويحب يظهر وياها ...

[مزن هتان]

مسا الخير

موضوع جداً جميل
استمتعت بقراءة اضافات الأعضاء
ولمس احاسيسهم
:a054:
------
بخصوص مشاعري اخجل ان ابوح بها للغير

ابوي
مستحيل يمر يوم ما اسمع صوته اذا كان مسافر
و اذا صار انه تأخر ع الرجعه ادق له واقول يالله رد البيت ابي ارقد
خواتي ينقهروا من حركاتي دوم وراه متعلقه فيه
بطريقه فضيعه، اونه لا تدلعين انا ما اتدلع بس انا بالذات
من بين خواتي من صغري وانا مع بابا
امي
مستحيل اخليها تسافر اكثر عن اسبوع ماتخيل
البيت من دونها، اتكلم معاها بكل اريحيه اكثر من
أختي العوده، احب اطفر فيها وهي اكثر
اخواني
اخواني اثنين
العود احب اقعد معاه بس ماخذ راحتي
معاه لأنه كتوم بزياده بس طيوب
وايد يخاف علينا حنون
الثاني وايد اقرب لي هذا اذا صار
كان بالدوام لازم اتصل فيه او يتصل
البيت من دونه مافيه حياه حركي الوالد يسميه خربوط :fa56:
خواتي:
هن خمسه المتزوجه مستحيل يمر يوم ما اكلمها
ما اتخلى عنها مغرقتني بنصايحها -ملتزمه -
اللي تجي بعدي هي اللي مستحيل اقعد بالغرفه من دونها
اتعرف كل صغيره وجبيره بحياتي، هي الوحيده
اللي اقولها احبج تقولي مالت عليج :oh:
عقبها تيا وشيري
يطيح الطق امبيناتنا دوم نجره
بس مستحيل اقسى عليهن ملح الحياه :a014:
وبعدهن شوق بنتي حياتي دنيتي
مايمر يوم ما اظمها فيه
وختامه مسك بـ عمي
شقول وشـ خلي
اذا تكلمت اخاف اقصر بحقه
فـ بكتفي بـالانسان اللي افديه بماي عيني
:9:

وااايد تحجيت
مشكور أخوي ع الصفحه

[مزن هتان]

نسييييت عيال اختيه :fa43:
عهود 3 سنين فديتها
مشاغبه بطريقه فضيعه
مستحيل اشوف حد يضربها واسكت عنه
في مره قلت حق أختي لا تيبينها بيت يمه
لأنه خالاتي يضربونها، كم تسوى عندي
كلمة خالوه عيوني عهود
سيف اخوها 10 شهور
حيااااتو هالولد خلاني اعيد نظرتي
لليهال، هادي وكيوت
اول شي اسوي من اشوف اعضه :doh:
ع خدوده حبيبي
***
مادري شلون راحوا عن بالي :frown:
من شفتهم تذكرتهم

اسفه رمست وايد

[المزوحي]

هلا مزن هتان الله يخليهم لج ...

تقدرين تقولين لأبوج كلمه قبل مايظهر أو تدعين لأخوج ..

[قصايد غلا]

فديــــــــــــت عايلتي .. أحب عايلتي بشكل فظيـــــــــع وما أصبر عن أهلي

عايلتي صغيرونه : أبويــه ، أميـــه ، أخويـــه و أنــــــ:fa34: ــــــا

وااااااااااااااايد أحب أبويــــــــه و أخاف عليه من كل شي ويوم يظهر احب اتصل له كل شويه أسأله وين سار ومتى بيرد

الحمدلله أبويــه ما قام يسافر بروحه ،قبل كان وايد يسافر ودوم عنده دورات وخرابيط برع البلاد
و بما إنه كان مدرّس في كلية زايد ويحب الطبوغرافيا والجغرافيا كنت وااااااايد اعتمد عليه إنه يعلمني أرسم الخرايط يوم كنت ياهل ، وفي ثالث ثانوي وايد اعتمدت عليه إنه يعلمني الخرايط في الجيولوجيــا

و وااااااايد أحب أسمع كلامه ، وهو واااااااااااايد طيــّــــــــــــب ولو أطلب منه شي على طول يعطيني إيــاه ما يقول لا ولا عقب عاد هذا عوقي ، أحب اللي أقوله يستوي على طول

و أميـــــــــــه ما أستغنى عنهــا أبدا لأنها وااااايد غاليه عليه وما أسوى شي بدونها ، أصلا ما أعرف أسوي شي بدونها و وين ما تسير أكون وياها وما أحب إني أشتري شي بدون ما تشوفه ولا أحب أسوي شي بدون شورها بس مادري ليش بنات عموه دوم يقولن لي : "إنتي لزقة أمج " :k_sadwalk:
فديتها وااااااايد أتعبها ويايه في أيام الدراسه لأني ما أعرف أذاكر بدون ما تكون ويايه ، حتى لو ما بتذاكر لي على الأقل تيلس حذالي وممنوع تتحرّك لأنها لو تحركت ما بدرس عدل وأحب إنها تسمع لي
وكل اللي في خاطري أقوله لها لأني أعتبرها ربيعتــــــــــي

و اخويـــــــه أحبه واااااااااايد لأني ما عندي أخوان غيـــره ، بس هو مزاجي وانا مزاجيه يعني يوم نلتقي يا نتخبل ونيلس نضحك بخباااااااااااااااااال ولا كل واحد يكون لسانه أطول عنه و عقب نطنش بعض :k_harhar1:بس قلبه واااااااااااااااااايد طيــــــــــــــــــــب


بس تعبت ماروم أكتب أكثر .. المهم إني أحبهم واااااااااااااااايد واخاف عليهم وايد وايد وايد وايد وما أرضى إن حد يزل عليهم :fa35:

شكـــــــــــرا المزوحي على الموضوع ...

[المزوحي]

قصايد غلا

وايدين يحبون عوايلهم لكن مايعرفون يعبرون ...

غير يوم تشترين هدية لأبوج أو تتغلين على امج