مشاهدة النسخة كاملة : .. إذا حاب اتسولف معانا اتفضــل ..
المقاتل
10-10-06 ||, 03:52 PM
.. الســــلام عليكم ورحمـــة الله وبركاته ..
شحالكم ؟؟ عساكم إلا بخير ؟؟
في الواقع ، أنا هنا يالس أقرا المواضيع الموجوده وماشاء الله في أعضاء طرحوا مواضيع جميـله يستحق الواحد انه يقراها .. :k_harhar1: ويفرفش فيها . وبعد لحظه .. وبعد شويه .. وبعد ثواني .. قلت في خاطري ليش ما اكتب موضوع فرصه للي حاب يسولف ويبدي رايه ويشــارك ويتكلم عن عدّة قضايا منوعه .. ولو يكتب نبذه بسيطه عن السالفه إلي في راسه .
:k_smartass: خلوني اشرح لكم اكثر .. عضو = يكتب إي سالفه في راسه قابله للنقاش = الأعضاء الثانيين يتناقشون معاه = عضو آخر يكتب سالفه أخرى .. وهكذا .. الموضوع هذا ماله شروط غير إن كل واحد يكتب بطريقه مرتبه :a049: ويحاول يلوّن الخطوط ويخلي الموضوع يستوي حلو بمعلوماته وبشكله و يحاول يتجنب أسلوب الشات .
:fa42: وتفضـــلّوا وترا الــــباب مفتوح للجميــــــــع وما عليكم إلا انكم تفكروّن في سالفه في راسكم وتكتبونها .
وإن شاء الله فكرة الموضوع تعجبكم
اخوكم
المقاتل
المزوحي
10-10-06 ||, 04:25 PM
مرحبا بك المقاتل ...
ومادري تكون السالفة منعاده 6000 مره
لكن قبل كنت اسرع عسب أوصل .. ولاحظت ماشي فايده من السرعةوإذا تبغي مثال بعطيك اليوم أجرب مثال ..
طلعت بسيارتي بعد ماقريت على عمري وتوكلت وسرت الدوام ... :sleepy:
أشوف الناس مسرعة في شارع حده 80 والناس تسوق 100-120
قلت الله يهديم وبكيفهم :7:
واحد ياي مستن يعني قوم عني وسو لي درب
قمت عنه وخذت اليمين
مع إنه نحن في النفق :a116:
هو سار قبلي وانا ما اشوفه وقفتني الإشارة .. وكنت على اليمين 3 سيارة ولقيته على اليسار 3 سيارة
أظن تساوينا !
لبقت الإشارة خضراء نستعد للانطلاق وشكلها مش انطلاق سباق :6:
واللي ورايه متغصص مني وده ينول يضربني .. لأني شفته تاك حياته في المنظره .. ترى اللي جدامي
شال طن من جهاز ومايمشي .. قلت بجاوزة وبسير ... ما استوى .. اللي ورايه كلهم جاوزوني
وعقب حاولوا إيوون جدامي لكن ماقدروا .. :a049:
وانا كنت قبلهم .. ترى اللي يسرع وكل شويه يضرب بريك ينقهر اكثر من اللي يمشي بالراحات ..
ويوم رديت من الدوام خذت شارع الإمارات ... توني أمشي 100 أشوف واحد لاصق عنده نيسان بترول قلت في خاطري والله ماقمت .. لأنه يوم احترمهم واقوم .. يسرع ويمر جدامي وياخذ اقصى اليمين .. عيل شو الفايدة .. سير على اليمين من قبل الدرب فاضي وانا على اليسار لأني بسير سيده أساسا ..
تميت في خطي على اليمين واسوق 100 وعقب خذت طريج الشاحنات .. تصدق ..
كل ما ابغي انتقل اشوف هذاك اللي يسوق 1000 يقوم اللي جدامه وإيي واحد غيره ويخوزه هو .. وكل واحد يسوي نفس الحركة ...
عقب في زحمة خفيفة .. التج السيد ... انا روحت وهم بعدهم .. قلت صدق ماشي فايده من السرعه ..
كلنا وصلنا نفس المكان ... :5:
بس حبيت يعني اقولكم عن السواقة .. والناس كيف مستعيله وخاصة قبل الفطور .. اخ عليهم هااي اخلاقيات صايم .. :k_puppyeyes:
اونه قوم انا صايم .. ليش عيوني يعني انا اللي ضارب الصينية بخمس ! :a0360:
الاسطوري
10-10-06 ||, 04:44 PM
وعليكم السلام ..
الفكره حلوه يالمقاتل
وبالتوفيق
"المزوحي"
ياخـوي هدي اعصابـك ماتسوى عليك وصـدق انا بعد انقهـر من الحركـه
هاي ان عقب مايديم لك وتخوز عنه يتجاوز يعني يستهبل
عليك ولا شو بس القهر يوم تكون
مستعيل شويه
وتلاقي شارع زايد مثلا 5 سيارات يمشون صوب بعض بنفس السرعه 90
واللي وراهم يمشون اقل منهم من زياغ 80 وكل شويه
بريكات ونحن اللي متلعوزين وبصراحه
صرت أحب آخذ حقي
وانا في الشارع اللي يسوي لي حركـه اردها فيه يعني مره كنت راد من
صوب القرهـود لجميـرا وجدامي واحد اجنبـي ومره وحـده
يلس ينظف الجامه وخيس موتـري مع
ان موتري ماكان مغسول
فنظفت الجامه ورد سواها مره ثانيه فقهرتني الحركه لأنه سواها مرتين
فرحت جدامـه اوني نظفـت الجامـه مره وشفتـه يلس
ينظف جدامته وعقب ماخلص رديت
انظف جامتي ورد
نظف جامته ورديت انظف جامتـي اشوفه ماسوا شي بس خف وابتعد
عني خفيت وسكت وقبل ماخوز عنه بعد نظفتها تعرف
لازم تكون الرؤية 5000000% ولا
ماشوف جدامي
وعقب ما تجازوت وركبت على جسـر المركز التجاري اشوفه يلس ينظف
الجامـه وشكلـه سبنـي شويه وحصلـت اجـر بـس
يعني كنت مرتاح غلط فحقـي
وخذيت بثاري
:icecream:
الاســـطـــوري
أخوكم
المزوحي
10-10-06 ||, 06:00 PM
الاسطوري .. تدري ظهرت الساعه 5 اشوف الناس مسرعه قلت خير باجي ساعه على الفطور وإلا نسوا الجدر على الغز .. ويوم رديت كل سيارتين يتسابقون .. بس اللي يقهر زيادة يوم هندي يلف عليك والله اسير جدامه وأدح بريك .. يتم يضرب هرن ويتحرطم ...
هي قبل ما يأذن الحين ..بقول شي .. مره وانا ساير الدوام ... واحد كان يخسس في موتر ثاني والله تميت اضحك .. :a049: قلت أكيد هو سوى حركه من جيه هذا مقهور ! يستاهل ..
الدلووووعة
10-10-06 ||, 08:04 PM
الصراحة السرعة ابد مانها فايده بس فيها مظره
انا مرات ماحب اركب ويا اخويه لنه مرات يسرع ويلس يديم حق اللي جدامة عسب يفتحله الطريج
يوم اقوله ليش جي تسوي يقولون ها السيد حق اللي يمشون اكثر عن 80 وهيل
دياي يوم يمشون خل يسرون السد الثاني بس احب اسير ويا ابويه لنه حده ان ساق 80 ^_^
ألم ترى
10-10-06 ||, 10:50 PM
بسم الله الرحمن الرحيم ..
هلا والله بـ مقاتل الواحات ..
نورت بيتك ومحلك ياخوي ..
ع العموم شو رايك كل شهر تنزل لنا موضوع فيه قضية معينه ! ..
يعني كل شهر تعرض لنا قضية والاعضاء يناقشونك فيها ..
منها تفيد او بمعنى اخرى نخلي الاعضاء يدخلون ف جو فيه نقاش لجل نعرف اللي ما نعرفه ..
ومحد يدري وين بنوصل بأفكارنا وإن شاء الله القضايا العقيمة تلقى لها حل ف ضيافة البل ! ..
والله يوفقك لما تحبه وترضاه حبوب ..
تحفه
10-10-06 ||, 11:50 PM
هي صح في شارع الامارات .. كل الخطوط 180 .. ماشي يمين يسار لول كل الناس تسابق ..
حتى مره كنت انا اسوق للجامعه امشي على 100 .. وحليلي اول مره آي هالشارع متفلسفه ماخذه الخط اليمين .. ما اشوفلكم غير شاحنه من هالكبار والعراض لازقه وراي واتهرن .. اونه ياشرلي اسرع .. ونا هههخخ اكبر طاف ..
سبيجة
11-10-06 ||, 12:19 AM
السلام عليكم
أكيد حابين نسولف ..أخويه المقاتل ... ومشكور على هالعزيمه :fa42:
سوالف السرعه هاي ,,,كانت مقتصرة على الشباب بس حالياً ما شاء الله البنات قاموا ينافسون الشباب:b015: وكلنا استوينا متساوين ... :shutup: ويا ويلها البنيه ...لو فكرت تديم حق واحد من الشباب ...... :h_qor9anah: ولاحظ انه ابنيه تسوق :a049:
شخصياً استوالي هالموقف ...وانا ما كنت مسرعه وايد .... بس كنت مثبته السرعه وما ابا اجيس البريك عسب ما يخوز التثبيت وارد اثبت مره ثانيه ..... وبو الشباب مب راضي يخوز عن السيد اليسار :crazy: ولا بعد يوايج من الجامه اللي في النص ...وفي خاطره يقول ...ما تم بعد غير انتي تبيني اخوز عنج :m_afaker:
طبعا تم بحركه بطيئه جداً يخوز .... وانا خفيت عنه مول ..... قلت اخليه على راحته..وخذت السيد اليمين ..... :h_negab:
ولو سلوموني المرور يوم واحد .... أول شيء بسويه بظهر قانون أي هندي أو راعي تكسي يندعم من وراء .....الغلط يكون عليه .... شو رايكم في اقتراحي ؟؟؟ مب غاوي ....
السموحه
المزوحي
11-10-06 ||, 01:57 AM
الدلووووعة الراقين هم اللي يسوقون 80 شرات ابوج الله يحفظه
لكن 80 عة 80 يفرق
اللي اقصده مب واحد ياخذ 80 على شارع 5 سيدات وياخذ اقصى اليسار ويستهبل
وفي نفس الوقت صح أخوج يوم يديم لكن في من الناس تديم يوم تقومين ياخذون يمين !
المزوحي
11-10-06 ||, 01:59 AM
بوظبي على طاري الشاحنة .. يديم لانه هو يعتبر هذا سيده ومايبغي حد يخرب عليه و100 الشاحنة غير عن اميتنا نحن !
استوت لي هالحركة ! أما اليوم كل دقيقه اشوف سيارتين يتسابقون بالرغم إنهم مايعرفون بعض ..
المزوحي
11-10-06 ||, 02:00 AM
سبيجه .. القانون قانون حرمه وإلا ريال
وهاذيل عاد مافيهم مذهب يوم يشوفونج يايه ويتم مكانه
ذنـيـنـي
11-10-06 ||, 01:51 PM
السواقه فن و ذوق و اخلاق
و تقريبا ولا كلمة من الكلمات المذكورة تنطبق على السواقة في الامارات
لي عودة
دانة حتا
11-10-06 ||, 01:55 PM
انا ما في بالي فكرة بس انا مقهورة
واايد محترة ليش انه ناس دقوها خيانه فيني
ما اعرف اذا يناقشونها المشكله والا لا بس انا
زعلانه ..الخيانه شي مب حلو
اممممم بدور سالفه عقب وبخبركم
المزوحي
11-10-06 ||, 01:55 PM
الوافدين يقولون " اون انتوا أصلا ماعندكم قانون .. من جيه قمنا نحن نخالف ..
يعني برايهم يكسرون موترنا عسب القانون اللي مايتروعون منه !
المزوحي
11-10-06 ||, 01:56 PM
دانة حتا الخيانة روحها لها عالم ..
وعاد بخبركم منو منكم انخان ؟
مــهــابه
11-10-06 ||, 05:23 PM
اصـعب شي فـ هالحياه طــعم الخيانه والغـدر
والأصعـب لو كـانت من الاحبــاب
الخيـانه ، ماعرفـت طعمهـا لـكن حسيتـ فيها ، خيـانه من نوع ثـاني
والشخص اللـي يخون ماادري ليش بأحس انـه مريض
يخـون.. اوكي
ليش؟؟
في سبب
عنده مبرر..
لو كان له سبـب يناقش الطرف الثـاني ، يتفـاهم
ولو ما قدر يتفق ، يطلب منه الاذن بأنـه يخـونه
لكـن خيانه من غير مبرر ..
ابـد ما احبها..
وماتمنـى من احد يجـربهــا..
تحفه
12-10-06 ||, 03:02 PM
مهابه : و يقولون لج what goes around, come around :)
المزوحي
13-10-06 ||, 01:58 AM
شكلك تبي تبدأ معاي الخيانة لا يا حبيبي هونك شوية هونك
أنا لبنهي الحين قصة هوانا وأنا ألي أبدأ بالخيانة وأخونك
قرموشة
13-10-06 ||, 03:13 AM
ويييييييييييين موضووع السرررعـه .. وويـن الخـيااانـه !
أنـي ويييز ..
السرررعه
أبـووي مـن النوع اللي يسررع وااااااااااايد واااااييييد وخـاصـه اذا كـان القير عاادي
يخترررش على طوول .. ويالله على طرييج الجامـعه .. أحـس اني راكـبه قطار Subway
مب رااكـبه مووتررر .. :fa46:
بس الحمدلله سواقـتـه حـلوة وفناانــه .. بس في المـقابـل اذا دعـم تكـون دعمـته قويـه
وأحـيد على آخـر موتر.. دعـم 4 أربع سياايير والموتر تنكـسل لوول بس الحمدلله ما استوابـ أبويه شي
الله يحـفظك ويهدييك يا بوأحمد .. :surrender:
امممم وعـن الخـيااانــه
الخـيانـه حتى لو كـانت مـن شخـص عاادي في أي شي تافـه بعد تعور القلب وتخليينـا
نعيد حـسابااتنــا مـره ومـرتيين وألف ! :3:
واذا كـان الخـيانـه مـن الاحـبااب .. شعووور مـب حـلو أبدااا يخـلييك تفقـد الثقـه بكـل نـااس ..
وأولهــم نفســــك ..
المقـااتـل .. أسميه الموضوع زقررتـي شكرررن ماااقصررت =)
هزاايم
13-10-06 ||, 02:41 PM
فكرة الموضوع:thumbup1: حلو كل يوم رفريش بموضوع يديد
أوكيك عن السرعه
سؤال يطرح نفسه
حد عنده قب بالموتر
:fa46: شي ضروري للي ماعنده وان تو
السرعه احيانا مفيده:fa46: لكن غالبا ضااره
مفيده للي يسلك طريق الجاامعي يعني إلي بيمشي على 80 ولا 100 هيهيهي الكلاس بدى وحنا بدرب:3:
وضااره يوم تشووف غيرك موصل 140 وأكثر بايع عمرك ولاباايع عمرك الحمد والشكر له
بس صدق على حزة الإفطاار الله يرحم التوااير ويثبتهم يارب ولاينقعهم:k_harhar1:
والخياانه
نحطيها بنكااتنا:k_harhar1:
بس مهما كاان سببها ومصدرها راااح يصدم الإنساان بشكل كبير
ياما قلنا
رووح يا خواان
وصفقوا له عرف يخوون
عسى درووب الخياانه تنفعك
مهما قلنا من كلام ترى مايووفي حق هالصفه حااجه
ربي لايعيد علينا من ذكرى
اشد خياانات
خياانه الخل لخليله
وخياانه الحليف لحليفه
الجنيه
15-10-06 ||, 02:01 AM
السلام عليكم ورحمة الله وبركاته ...
ما ادري ليش في ارتباط وثيق بين التالي :
السرعه والصيام
الحين اشدخل السرعه في الصيام ؟؟؟ مول ما يخصه بس بيقولك والله انا مسلم وصايم والهنود والاجانب فطار يعني لازم يفسحون لي الطريق لاني صايم انزين شو خص هذا فذاك ؟؟ ماشي بس جذه لازم مدام انه صايم يسرع عشان ما يحس باليوع ويلحق يوصل البيت بسرعه ويخمد ...
بين العصبيه وانعدام الاخلاق والصيام ؟؟؟
ليش نعطي صوره غلط عن دينا ؟؟ وعن اركان الاسلام ؟؟؟
الحين الي يشوف الصايم معصب واخلاقه 0% يقول شو هالدين الي يجبرهم ع الصيام لدرجه يخليهم يفقدون اخلاقياتهم واعصابهم ؟؟؟!!!! سبحان الله نحن بهاي التصرفات نفقد هالفرض روحانيته وصفاءه وسموه الحمدلله اني مب من هالنوع بس من الي اشوفهم حولي اقول اذا انا اقول جذي عيل شو خليت لغير المسلمين ؟؟؟
بين التكشير والتبويز واليوع
الصبح الساعه 9 توه الدوام بادي والا اتشوف ويوه ما تتشاهد الكل ماد بوزه عشرين شبر وماله نفس حتى يسلم وان تكلم بيضارب الخلق .. ليش يا بويه شو مستوي عليكم توه الصبح تو الناس ع اليوع انا عن نفسي ما اواجه اي مشكله الا اشوف الناس يستغربون مني لدرجة انهم يشكون اني صايمه يقولون لي اشمعنى انتي تضحكين واتسولفين من الصبح والباقيات مادات البوز شبر ليش ؟؟؟
خصه الاجانب يشوفون الصايم كأنه وحش مفترس اذا قربوا منه بيصرطهم من زود اليوع ...
شي غريب عجيب عيل شو انقول عن الشعوب الفقيره الي ما يلاقون لقمه اتسد يوعهم ايام وليالي ؟؟ على الاقل نحن نفطر لين المغرب بس في ناس ما يذوقون الزاد ايام واسابيع وبعدهم صابرين ...
الله يهدينا ويغفر لنا وللمسلين والمسلمات والمؤمنين والمؤمنات الأحياء منهم والأموات
( مايخصكم ادري انه الجن ينربطون في رمضان بس انا فديتني غير ) :fa56:
الدلووووعة
15-10-06 ||, 07:23 PM
اخوانيه اابا اسئلكم سؤال
وخاصة الشباب بس البنات بعد يردن ^_^
اخوانيه شو رايكم اذا واحد بعده ماخذ ليسن ويبا ياخله سياره ؟ ويسوق سياره
شو رايكم فها الشي
ابا رايكم
مــهــابه
15-10-06 ||, 11:26 PM
عـادي انا اخويـه عمره 20 سنـهه وللحين الليسن ماعنده
وهـب راضي يظهـر..
الدلووووعة
15-10-06 ||, 11:57 PM
والله اخوج حركات
انا اخويه بعده ماكمل 18 إلا يبا سياره شو هاي الحاله
تحفه
15-10-06 ||, 11:58 PM
اخوانيه اابا اسئلكم سؤال
وخاصة الشباب بس البنات بعد يردن ^_^
اخوانيه شو رايكم اذا واحد بعده ماخذ ليسن ويبا ياخله سياره ؟ ويسوق سياره
شو رايكم فها الشي
ابا رايكم
عادي .. أخوي من عمره 13 سنه يسوق ويحوط وكلشي وبعد يواجعونه ومايتوب ..
هالسنه عاد طلب له رنج طلبيه خاصه بس بعدها ما وصلت ( وبعده ما استوا 17 ) !!
ونا المسيجينه أنا .. قاصين علي وساكته عن حقوقي .. شكلي اخر شي بصير من قوم حقّوه
ألله يرحمنا برحمته بسسس
تحفه
16-10-06 ||, 12:01 AM
السلام عليكم ورحمة الله وبركاته ...
ما ادري ليش في ارتباط وثيق بين التالي :
السرعه والصيام
الحين اشدخل السرعه في الصيام ؟؟؟ مول ما يخصه بس بيقولك والله انا مسلم وصايم والهنود والاجانب فطار يعني لازم يفسحون لي الطريق لاني صايم انزين شو خص هذا فذاك ؟؟ ماشي بس جذه لازم مدام انه صايم يسرع عشان ما يحس باليوع ويلحق يوصل البيت بسرعه ويخمد ...
بين العصبيه وانعدام الاخلاق والصيام ؟؟؟
ليش نعطي صوره غلط عن دينا ؟؟ وعن اركان الاسلام ؟؟؟
الحين الي يشوف الصايم معصب واخلاقه 0% يقول شو هالدين الي يجبرهم ع الصيام لدرجه يخليهم يفقدون اخلاقياتهم واعصابهم ؟؟؟!!!! سبحان الله نحن بهاي التصرفات نفقد هالفرض روحانيته وصفاءه وسموه الحمدلله اني مب من هالنوع بس من الي اشوفهم حولي اقول اذا انا اقول جذي عيل شو خليت لغير المسلمين ؟؟؟
بين التكشير والتبويز واليوع
الصبح الساعه 9 توه الدوام بادي والا اتشوف ويوه ما تتشاهد الكل ماد بوزه عشرين شبر وماله نفس حتى يسلم وان تكلم بيضارب الخلق .. ليش يا بويه شو مستوي عليكم توه الصبح تو الناس ع اليوع انا عن نفسي ما اواجه اي مشكله الا اشوف الناس يستغربون مني لدرجة انهم يشكون اني صايمه يقولون لي اشمعنى انتي تضحكين واتسولفين من الصبح والباقيات مادات البوز شبر ليش ؟؟؟
خصه الاجانب يشوفون الصايم كأنه وحش مفترس اذا قربوا منه بيصرطهم من زود اليوع ...
شي غريب عجيب عيل شو انقول عن الشعوب الفقيره الي ما يلاقون لقمه اتسد يوعهم ايام وليالي ؟؟ على الاقل نحن نفطر لين المغرب بس في ناس ما يذوقون الزاد ايام واسابيع وبعدهم صابرين ...
الله يهدينا ويغفر لنا وللمسلين والمسلمات والمؤمنين والمؤمنات الأحياء منهم والأموات
( مايخصكم ادري انه الجن ينربطون في رمضان بس انا فديتني غير ) :fa56:
المفروض في رمضان يصير العكس ..
بس تدرين بعد هالمهنده ماينعطون ويه