مشاهدة النسخة كاملة : الجلد والعباة
سبيجة
10-10-06 ||, 01:21 AM
السلام عليكم
عندي مشكله كبيره ... في يلد السيارة ...
سيارتي من داخل بيج فاتح ... مشكلتي أنه لون العباه مأثر على سدة السيارة... والحمدلله لين الحين السيارة بقراطيس الوكالة ..وإلا جان تأثرن السيتات ..
هالموضوع مأزمني نفسياً كل ما اركب السياره ..لدرجة إني قمت احط ورقة A4 على السده يوم أظهر ...
خذت من المحطه سائل تنظيف ... ونظف البقعه صح ... بس المشكله لازالت قائمة بوجود العباة...
الحل إني ألبس السياره .... مريت على أكثر من محل اليوم ...وشفت قطع تلبيس ... بس ماشيء على مقاس السده..هذا أولاً.... ثانياً...شفت فرو... بس ما عيبني واساساً ماشيء لون بيج فاتح ...يناسب لون سيارتي...
ثالثاً... إذا لبستها لبس شفاف ...احس انه بيكون وايد حار في جونا... صح إنه عندي مكيف في السيتات بس احس ما بيأثر ... بوجود البلاستيك.....
وايد محتاره ...ومب عارفه شو الحل ياريت لو تفيدوني؟؟؟
مشكورين مقدماً خواني :)
المزوحي
10-10-06 ||, 01:26 AM
في محل يلبس سيتات وشغله نظيف لكن ماعرف اسم المحل وموقعه
يمكن يمكن يكون في القوز والله اعلم
بس لو تسألين عن هالمحلات في القوز يمكن توصلين له ..
شمعة أمل
10-10-06 ||, 01:41 AM
الوكاله تحط نفس ماده عالكراسي ماعرف شو هو بالضبط
بس سيارة اختي الرنج جافوها تخيس الوكاله حطتلها جيي نفس ماده على كراسيها والحين الكراسي نظييييييييييييييييييييييييييييفه
ذنـيـنـي
10-10-06 ||, 01:43 AM
هذه المشكله ازلية بين العباة و الجلد الفاتح
الله يكون في عونج
جربي تلبسينها تلبيس نايلون شرات مال الوكاله,,
احيدهم يسوونه في المحطه الكبرى بطريقه وايد مرتبه
سبيجة
10-10-06 ||, 02:09 AM
هذا العشم والله ..... :fa42: ما قصرتوا في الردود
أخويه المزوحي .... المشكله مب في المكان .... اللي بسوي عنده ...المشكله في material نفسها انا مب عارفه شو البسها ...وكل محل بيمدح بضاعته .... ويحيرونا .... مشكور اخويه على الرد .. :8:
أختي شمعة أمل ... تسلمين على الرد ..بس وكالة السيارة إذا عندهم هالنوع من الخدمة بس لو تقدرين تسألين اختج عن اسم هالمادة...بتسوين خير .... و:8:
أخويه ..ذنيني..مشكور على الرد ... بس هالنايلون ما بيأثر وبيكون حار ..:a116: حالياً على السيتات موجود عندي ...بس بعد احس إنه حار ... وما يناسبنا ...ما أدري شو رايك؟؟؟
وياريت لو حد ملبس سيارته من هالنايلون يفيدنا ....
ما قصرتوا .... :a050:
السموحه
الرحيل
10-10-06 ||, 02:25 AM
ما انصحج بالفرو..مضر للصحه..ويطلع ريحه بعد
ماوحشتك
10-10-06 ||, 03:13 PM
لاحول حتى سيتات السياره و ويلدها ودرجها ما سلموا من العباه خخ
انا اواجه هالمشككله بس ويه الشنط:k_harhar1:
بس بعدي ما لقيت حل :fa54:
شرجاوي
10-10-06 ||, 06:42 PM
اختي سيري ل محل تنجيد شغله اوكي .. و خليه يحط شامواه بيج على السده
و نصيحه لا تحطين من هالسوائل على الجلد ... مليون % الجلد ييتشقق و بيتغير لونه بعد فتره
قرموشة
10-10-06 ||, 08:09 PM
نفس المـشكـله في موتر عمتـي ..
شرجـاوي بخبرهـا عـن الشامواه شكـرررن =)
الرحيل
11-10-06 ||, 12:36 AM
نفس ماقال شرجاي بس اهم شي انه يكون شغله زين ومايخليه يبين انه ملبس
راعي الزعـامه
11-10-06 ||, 12:44 AM
خبرونا محلات تنجيد في دبي زينه
الهيثــم
11-10-06 ||, 12:47 AM
انا يوم وديـت موتري الوكالة حق تجييــك الـ 1000 كم
الريال قـالي إنه شي مادة بنحطها عالسيتاات والبودي بـ 800 درهم
بيحاافظ على لون الجلد .. وعلى صبغة الموتر من بررع ( يعني بيتم اللون نظيييف )
أنا لبستـه .. قتله لا اتحط .. امبوونه ما انحط هالسواالف .. وموااترنا نظيـفة ..
بس سالفة العبااه صح .. تلللعن خيير الجلد ..
ألم ترى
11-10-06 ||, 04:43 PM
بسم الله الرحمن الرحيم ..
هلا سبوجه ..
انا اقول لو تلبسينها بلاستك حراري عند الصدف وايد اوكيه ..
إذا بغيتي تلبسين الموتر كامل بـ 80 درهم ..
انا محطي عدهم والحمدلله مرتاح ..
بحفظ الله ..
سبيجة
14-10-06 ||, 05:19 PM
السلام عليكم
ما قصرتوا :a070:
اخويه الرحيل .... تسلم على الرد .... والفرو انا بعد ما يعيبني ... :redface:
اختي ما وحشتك .... مشكلة الشنط روحها مشكله عويصه ...وإذا وديتيها المحل ... بياخذ ثلاث شهور على الأقل ... :3: بس اربيعتي خبرتني انه في سائل إسمه فانيش إذا تعرفينه مال الثياب .... بفرشاه صغيره امسحي المنطقه برقه مب بشده ...جربته على شنطه LV القبضه مالها بيضاء,,,, ونفع وياها :thumbup1: بالتوفيق بس عاد إذا استوى شيء انا مالي خص ... :icon_rr:
أخويه ....شرجاوي ....ما قصرت الصراحه ... :12:
أنا رحت الوكاله عسب اسألهم إذا ممكن يلبسونها أو يعطوني حل .... ردوا عليه بعد ما شافوا السياره ..إني وايد أبالغ ... وإنه الموضوع ما يسوى :argue: المهم ...ما يستوي ألبس السيتات عسب المكيفات اللي في السيتات .... ما بستفيد منهم في حالة التلبيس .... وإنه اليلد اللي على السياره طبيعي 100% سهل التنظيف ....وحرام إنه يتلبس .... بس عطاني قوطي معدني ...داخله شاش وقطن ...وسائلين ... إسمهfine scottish leather (cleaner
والثاني Conditioner
قالي كل تجييك اودي هالقوطي ويايه ...وهم بينظفون السياره أو اي وقت انا ابا امر عليهم والموضوع ما بياخذ اكثر عن نص ساعه ... :fa34:
وممكن في المستقبل احط بلاستيك على السده شرات ما نصحتني ... شاكره لك اهتمامك...
اختي قرموشه ...خلي عمتج تسأل الوكاله بعد لأنه التلبيس وايد صعب ومب اي مكان يتقنونه خصوصاً في السيتات السيايير اليديده الفل اتوماتيك.... :a070:
اخويه ...عاشق القلم ,,,, اللي اعرفه في دبي .... المحطة الكبرى وايد مدحولي تلبيسها ... بالتوفيق
اخويه ...خطاب..يمكن هالماده اللي عطاني إياها اللي في الوكاله .....هيه اللي تطريها ....بس عطاني إياها ببلاش .... :2:
اخويه محب الشيخين..يا مرحبا وسهلا ... بس لو تخبرنا وين لبسة الموتر .... يمكن تفيدنا ....اكثر ...
شاكره لك مرورك وردك.....
:thumbup1: السموحه:thumbup1:
شرجاوي
14-10-06 ||, 06:40 PM
الا السوائل اختي .. نصيحه ابعدي عن هالسوائل
الهيثــم
15-10-06 ||, 07:21 PM
إنــزين شـرجااوي
بس إذا دخلت الموتر المحطة للغسيـل .. ينظفـون اليلـد بهالسواالف
وشو أضـرار السوائـل ، وشو البديل عنـها !!
شرجاوي
15-10-06 ||, 08:46 PM
الغالي ... مال المغاسل يغسلون السيتات ب شامبوهات خاصه باليلد .. اما انك تشل سائل بس تمسحه عاليلد لا هذا مووول مب شي و نصيحه ابعد عنه لانه بيسوي خطوط فاليلد
الهيثــم
15-10-06 ||, 09:50 PM
أهــا جي الســالفة يعني
مشكــور يالشيـخ ..
شرجاوي
15-10-06 ||, 10:28 PM
انا لما تكلمت عن المغاسل ما قصدت هالخربوطيين مال الجبرات ... اقصد المراكز المتخصصه فهالسوالف و المحطه الكبرى
العفو الغالي و نحن فالخدمه
ألم ترى
18-10-06 ||, 03:52 AM
اخويه محب الشيخين..يا مرحبا وسهلا ... بس لو تخبرنا وين لبسة الموتر .... يمكن تفيدنا ....اكثر ...
شاكره لك مرورك وردك.....
ملبس سيتات موتري عند الصدف ب 80 درهم يورو خيماوي
:14:
بس لا تنسين تقولين له حراري لئنه وايد اوكيه وبيعمر بعون الله
والسموحه ع التأخير